الأرق عند الأطفال

[Farida]

بنتى عندها 6 سنوات و نصف تقريبا و هى ما شا ء الله متفوقه فى المدرسه دائما و الحمد لله و متفوقه فى السباحه و الرسم دى مقدمه بسيطه :

زمان و هى عندها تقريبا سنتين او سنتين و نصف كنا بدأنا نتفرج على افلام الكرتون و اولها كان ليون كينج و البنت ابتدت تتهته فى الكلام بشكل لافت للنظر و عرضتها على دكتور نفسى و اكتشفت الدكتورة انها بتخاف من الفيلم ده بالذات و لما منعناه اتحسنت و رجعت طبيعيه تانى و الحمد لله ...

المهم انها من حوالى اسبوع اصبحت بتقلق بالليل و تفضل صاحيه لحد الصبح و لما اكتشفت الموضوع ده قالت لى ان فيه صور بتفضل فى مخها و الصور دى من الأخبار عن الأسرائيلين و الفلسطينين و القتلى بشكل عام و قلت لها تفكر فى حاجات حلوة تانيه قالت لى انها مش بتقدر تتنام و تفضل تفكر طول الليل ....

انا بصراحه قلقانه و خايفه المواضيع تقلب معاها و لا أخد الموضوع ببساطه و لو حد من الأخوة المتخصصين عايز تفاصيل انا مستعده

تم تعديل 29 يونيو 2004 بواسطة Farida

[ابو حلاوه]

عزيزتي فريدة الاطفال في السن ده من المعتاد ان تمر بمرحلة تتكرر فيها الكوابيس .. الطفل بيلتقط الاحداث اللي حواليه و يسقط عليها مخاوفه .. التليفزيون بيعرض كل يوم صور للمصابين والقتلي و الصحف بتمارس نفس الشئ

لا داعي للقلق او الانزعاج الا لو لاحظت ان بنتك اصبحت غير قادرة علي ممارسة حياتها العادية --تغير في سلوكها المعتاد تجاه اللعب مع اصحابها مثلا او الاكل او عدم القدرة علي وظائف الاخراج بشكل مستمر مثلا او سلوكيات غريبة غير معتادة عنها

[Farida]

الف شكر يا أخى العزيز هى دلوقتى احسن بعد ما بطلنا نتفرج على الخبار خالص ....الف شكر