طفولتنا الحلوة (ممنوع الدخول لمن هم اكبر من ثلاث سنوات )

[محمد عبدالعزيز]

النهارده أجازة بقى مفيش مدارس

عاوزين نسمع حدوتة أبلة فضيلة

أنا جبت لكم الراديو معايا عشان نسمع الحدوتة مع بعض

حدوتة النهارده بعنوان "البنت الشقية"

بمناسبة يعنى البناويت الشقاويت اللى احتلت الموضوع ومش سايبين مكان للولاد

يلا كله يسمع كله يسمع

http://www.youtube.com/watch?v=FtZHaBWnngQ

[مغتربة]

أنا جيت....وحيث اني..لسه مخلصة ماتش غسيل.....(كنتي يا لا لما قولت انا آآآآآآآآآآآآآآه)

سؤال بس معذبني

حد في يوم من الايام.....كان بيفكر انه يعمل كده

مش عارفة ليه كان بيتهيالي....انها زووووووووو.....هتوديني لعالم الفقاقيع بقي واقابل التايد و اتزحلق.... :blink:

تحبوا تجربوا

مين الاول....؟؟؟

معاكى يا لموضه طبعا

حد يطول يتشقلب كل الشقلبات دى و يتزحلق كل الزحاليق دى

مع الرغوه بقى و مقولكيش

دا هيبقى صباح الانتعاش

عيشى يا بنتى

[مغتربة]

النهارده أجازة بقى مفيش مدارس

عاوزين نسمع حدوتة أبلة فضيلة

أنا جبت لكم الراديو معايا عشان نسمع الحدوتة مع بعض

حدوتة النهارده بعنوان "البنت الشقية"

بمناسبة يعنى البناويت الشقاويت اللى احتلت الموضوع ومش سايبين مكان للولاد

يلا كله يسمع كله يسمع

http://www.youtube.com/watch?v=FtZHaBWnngQ

الله انا بحب ابله فضيله قوى

بس النهارده ايه الى مفيهوش مدارس

انا اول مره اسمع عن مدارس بتاجذ يوم الاربع :o :o

هو دا تبع انهى تقويم ;) ;)

:P :P :P

[pink rose]

النهارده أجازة بقى مفيش مدارس

عاوزين نسمع حدوتة أبلة فضيلة

أنا جبت لكم الراديو معايا عشان نسمع الحدوتة مع بعض

حدوتة النهارده بعنوان "البنت الشقية"

بمناسبة يعنى البناويت الشقاويت اللى احتلت الموضوع ومش سايبين مكان للولاد

يلا كله يسمع كله يسمع

http://www.youtube.com/watch?v=FtZHaBWnngQ

الله انا بحب ابله فضيله قوى

بس النهارده ايه الى مفيهوش مدارس

انا اول مره اسمع عن مدارس بتاجذ يوم الاربع :o :o

هو دا تبع انهى تقويم ;) ;)

:P :P :P

انا شكيت في نفسي قولت النهاردة الخميس و انا اتلغبطت و صحيت مريم من الفجر على الفاضي

و قعدت اقلب في كل الموبايلات بس لقيت النهاردة الاربع مظبوط

صباحكم فانتاستيكا

[pink rose]

لما بادخل اي محل زي سيتي ماكس و لا سنتر بوينت

اول ركن باتوجهله مباشرة هو ركن لعب الاطفال

و ببقى هاموت و اركب الحصان الهزاز دااااااااااااااا

ننعي الي قاطني التوبيك

الحصان العزيز علي قلوبنا جميعا

ذلك اثر هجوم ضاري...من الزميلة الرفيقة....ريموز

للبرق و المواساة....

محاورات المصريين- توبيك....انا عندي بغبغان.....ش 7 علي ايدك اللي بتاكل بيها

كان معكم

لماضة

من جمعية "ليه تركب الحنطور...و تتحنطر....لما ممكن تمشي و تتمنظر"

فوتكم بعافية

شوفتيني ركبته اوي ياختي

عشان تعملي عزا و تلمي الخلق علينا

اهي كلها احلااااااام يا عبدالسلام

حتى الحلم يا لماضة تتطلعي توقفي في زوري فيه

بس تعالى هنا انتي تعرفي سيدة القلوب ؟

كنت و لا زلت بحب اتفرج عليها جداااااااااا

طيب تعرفي حكيم الاقزام؟

http://www.youtube.com/watch?v=1sG0RwCAl0E

و نينجا كبامارو؟

http://www.youtube.com/watch?v=HL5-dK0Coto

اعترفي يا لماضة

ع فكرة بقي انا لما كنت بتكلم ع الحصان....كنت بتكلم عليا......مش عليكي خاااااالص....يالا لبست فيكي....بالشفا

بالنوسبة للبني آدمين اللي انتي حاطاهم دولم....مين يا امي

انا كنتب بحب...و بمووووووووت في

طبعا هتفنجلي عينيكي و تقوليلي....كابتن ماجد.....اقولك.....غلط

انا كنت بحب "بسام"...مش هو من الاعداء.....بس كنت بحبه جدا

و احلي حاجة لما كان ياخد الكورة علي صدره و يفضل يجري بيها......طول الملعب...و يعمل مقص في الهوا

(ايه ده......انا كده حدفت علي مدحت شلبي :blink: )

اي خدمة

مساااااكي....جون ان شاء الله

الا مش هو الاهلي اتغلب.....يعني المنتدي مهوي محدش قال حاجة و لا دي اوشاعات؟؟؟

نفس الدماغ يا لمضمض

الحمدلله لقيت حد دماغه متركبة شمال زيي

الناس كلها تحب كابتن ماجد و انا كنت بحب بسام

[عبير يونس]

طب تصدقوا بقى

ان انتو عيال بجد

طب حد يكح و الا يتنحنح

و لا يقول احم

لعب و مصاصات و زحاليق في الغسالة وكارتون

كل ده من ورايا

مش تقولوا لي العب معاكم

كده برضو

( وش طفلة بريئة زعلانة ان محدش قال لها تعالى العبي)

:sad:

[جويرية]

اظن ان احنا محظوطين حتي باغاني الأطفال اللي كانت و احنا صغيرين

دايما بسمع اغاني الأطفال بتاعة عفاف راضي

سمعتها لولاد خالتي الصغيرين ، اغنية هم النم اغنية عفاف راضي

لقيتها عجبتهم ، انا قلت العيال خدوا علي اغاني سعد الصغير العنب و البلح و المولد

[مغتربة]

طب تصدقوا بقى

ان انتو عيال بجد

طب حد يكح و الا يتنحنح

و لا يقول احم

لعب و مصاصات و زحاليق في الغسالة وكارتون

كل ده من ورايا

مش تقولوا لي العب معاكم

كده برضو

( وش طفلة بريئة زعلانة ان محدش قال لها تعالى العبي)

:sad:

و ما خفى كان اعظم يا جميل

الطرقعه هنا ملهاش حدود

انتى لسه واقفه مكانك يا الله تعالى معانى البناويت هيلعبوا فتحى با ورده و الولاد بقى هيلعبوا عسكر و حراميه

[مغتربة]

النهارده أجازة بقى مفيش مدارس

عاوزين نسمع حدوتة أبلة فضيلة

أنا جبت لكم الراديو معايا عشان نسمع الحدوتة مع بعض

حدوتة النهارده بعنوان "البنت الشقية"

بمناسبة يعنى البناويت الشقاويت اللى احتلت الموضوع ومش سايبين مكان للولاد

يلا كله يسمع كله يسمع

http://www.youtube.com/watch?v=FtZHaBWnngQ

الله انا بحب ابله فضيله قوى

بس النهارده ايه الى مفيهوش مدارس

انا اول مره اسمع عن مدارس بتاجذ يوم الاربع :o :o

هو دا تبع انهى تقويم ;) ;)

:P :P :P

انا شكيت في نفسي قولت النهاردة الخميس و انا اتلغبطت و صحيت مريم من الفجر على الفاضي

و قعدت اقلب في كل الموبايلات بس لقيت النهاردة الاربع مظبوط

صباحكم فانتاستيكا

فروق التوقيت بقى يا جميل

انتى عارفه انه من يوم السبت كل الطلبه بيجلهم تهيؤات انهم وصلوا ليوم الخميس علشان ياخدوا الاجازه

[مغتربة]

يا الله يا بنويت

حافظين اغنيه فتحى يا ورده

طبعا حافظين ;) ;)

طيب يالله بينا

ups: ups: ups:

قفلي ياوردة

فتحيي ياوردة

وردة من هنا

ووردة من هنا

بابا قالي عدي المية

سلطانية مهلبية

عشرة عشرين

تلاتين اربعين

خمسين ستين

سبعين تمانين

تسعين مية

:roseop:

cl:

[مغتربة]

بابيلز بابيلز بابيلز

مبزهقش اعمل بابيلز

يالا كلنا نعمل بابيلز مع بعض

نفسى اعرف اعمل اكبر بابيل فى الدنيا و بعدين هوب اروح داخله فيها

تلففنى الدنيا كلها

تطلعنى لغايه السحاب اقضم منه قضمه زى دامو صحبيتى ما بتعمل

و بعدين هوب تروح متزحلقه بيا على قوس قزح

و اخيرا تستقر بيا على رده نديه جميله

اما كانت رحله

[محمد عبدالعزيز]

أعمل إيه طيب عشان اسمعكم أبلة فضيلة؟

ما هو يا إما يكون يوم أجازة يا إما تكون المدرسة فترة مسائية, وأعتقد المدارس الفترتين دى بقت موضة قديمة خلاص.

يبقى لازم يكون يوم أجازة عشان نعرف نسمع ابلة فضيلة الساعة 10 إلا ربع صباحاً, ولا انتو بتزوغوا من المدرسة ولا إيه حكايتكم؟

[Diab]

حد فاكر مسلسل أوشين

[pink rose]

حد فاكر مسلسل أوشين

دا كان مسلسل نكد في نكد

و مش عارفه مع اننا متنكدين كنا بنتفرج عليه و باهتمام

و الكل بيقعدله

[مغتربة]

حد فاكر مسلسل أوشين

يا استاذ دياب حضرتك فاهمنا غلط

احنا عملين التوبيك دا للطفوله السعيده مش للطفوله المعذبه :sad: :sad:

اوشين دا اخره يعاقبوا بيه الى ميعملش الواجب بتاعه md2: md2: md2:

و عموما علشان منكونش حرمناك من حاجه فادى يا سيدى مقطع منه علشان يفكرنا بالبؤس قصدى السعاده الى كنا بنحس بيها و احنا بنتفرج عليه :rolleyes: :rolleyes:

و بلغته الاصلى كمان مش المدبلج بتاعنه

http://www.youtube.com/watch?v=IIHGI4mzPTQ&feature=related

[مغتربة]

أعمل إيه طيب عشان اسمعكم أبلة فضيلة؟

ما هو يا إما يكون يوم أجازة يا إما تكون المدرسة فترة مسائية, وأعتقد المدارس الفترتين دى بقت موضة قديمة خلاص.

يبقى لازم يكون يوم أجازة عشان نعرف نسمع ابلة فضيلة الساعة 10 إلا ربع صباحاً, ولا انتو بتزوغوا من المدرسة ولا إيه حكايتكم؟

ما دا من فرض الذكاء الى كان ( و مازال الحقيقه ) القائمين على خرائط البرامج فى الاذاعه و التلفزيون بيتمتعوا بيه

المهم نحشى الساعات و خلاص

مش مشكله بقى ان 99% من المتوجه ليهم البرامج تكون بتتذاع فى اوقات استحاله يقدروا يتبعوها فيه

المهم الخريطه تتظبط و خلاص

[pink rose]

أعمل إيه طيب عشان اسمعكم أبلة فضيلة؟

ما هو يا إما يكون يوم أجازة يا إما تكون المدرسة فترة مسائية, وأعتقد المدارس الفترتين دى بقت موضة قديمة خلاص.

يبقى لازم يكون يوم أجازة عشان نعرف نسمع ابلة فضيلة الساعة 10 إلا ربع صباحاً, ولا انتو بتزوغوا من المدرسة ولا إيه حكايتكم؟

ما دا من فرض الذكاء الى كان ( و مازال الحقيقه ) القائمين على خرائط البرامج فى الاذاعه و التلفزيون بيتمتعوا بيه

المهم نحشى الساعات و خلاص

مش مشكله بقى ان 99% من المتوجه ليهم البرامج تكون بتتذاع فى اوقات استحاله يقدروا يتبعوها فيه

المهم الخريطه تتظبط و خلاص

هو اللي كان مظبوط تمام

فانتاستيكا

بحب اوي اسمع كمان محكمة الفن

لعمو عبدالرحمن ابو زهرة

[عبير يونس]

أنا و اخواتي بنحب طنط فلة اوي

http://www.youtube.com/watch?v=RHujJSCJC1o

عشان شعرها طويل

و بنلبس بنطلون في دماغنا عشان يبقى شعرنا طويل زيها :baby:

[مغتربة]

و بنلبس بنطلون في دماغنا عشان يبقى شعرنا طويل زيها

دى طلعت ثقافه منتشره بقى و انا الى مكنتش اخده بالى wst:: wst:: wst::

لكن هى مكنتش بناطيل هى كانت بتبقى طرح الخروج بتاعه ماما

الى بتقعد تدور عليها سنه و هى مش عارفه اختفت فجاه فين :rolleyes: :rolleyes:

[عبير يونس]

سؤال مهم

هو احنا اطفال في زماننا

يعني ركبنا آلة الزمن و رجعنا لطفولتنا

و الا احنا اطفال هذا العصر

أصلها تفرق

عصرنا كان طرح ماما

أما العصور اللاحقة فهي بنطلونات :closedeyes: