على أي أساس بتختار نائبك .. بصراحة؟

[Sherief AbdelWahab]

على أي أساس بتصوت لمرشح كرسي مجلس الشعب؟ إيه اللي من دول أهم عندك؟ عايز إجاباتكم ومش عايز إجابات نموذجية متوقعة.. ونتناقش حواليها..

خلص الكلام

[Om Zayd]

السلام عليكم و رحمة الله و بركاته

رغم اني عارفة ان المجلس صورة .. بحاول اختار الشخص اللي له موقف واضح ضد الفساد -لعل و عسى- المشكلة ان الانتخابات اللي فاتت كان منتهى الوقاحة و البجاحة في منع الناس .. كارنهات الوطني بس هي اللي تدخل من غير مشاكل و الباقي يتبهدلوا و يتخانقوا عشان يدخلوا

احنا كبرت في دماغنا .. و هندخل يعني هندخل.. و فعلا دخلنا

المرة دي مش عارفة هيحصل إيه.. هل الناس هتشترك أصلا؟؟

تم تعديل 9 أكتوبر 2010 بواسطة Om Zayd

[شريف مان]

لا اختار أحد

لانه لا يترشح للمجلس الموقر الا الفاسدون

( وجهة نظرى ) فى مرشحين دائرتى

[doha]

بامانة تامة .. مش هرشح غير شخص احتكيت بيه بشكل شخصي وكان لي تجربة او موقف ولو عابر يثبت لي بشكل اقرب للقطع ان الشخص ده ثقة ويستحق يكون في ايده سلطه او يوصل لمكان ممكن يقول فيه كلمه تعمل شيء ..

مثلا .. لو في دكتور كنت بتعالج عنده زمان ومن احتكاكي بيه عرفت ان الدكتور ده ممتاز ( كأنسان ) او بيدي شغله حقه اكيد لو جاء في يوم ترشح هديله صوتي بلا تردد ..

برضه لو حد سبق ودرس لي في يوم من الايام وعارفه من وقتها ان الشخص ده كان امين علينا في نقله للمعلومه او حتى انه عقليه فذة تستحق فعلا يكون على قمه السلم الاجتماعي ويستحق انه يكون صاحب قرار اكيد برضه هديله صوتي ..

وقيس على ذلك..

على الجانب الآخر مستحيل هدي صوتي لشخص ما لمجرد انه مشهور مثلا او لانه تبع حزب او جماعه جرت العاده على اعطائهم اصواتنا او حتى لان من حولي قالوا ان هو ده هيفوز هيفوز لاي سبب فمش فارقه معاه صوتنا من صوت غيرنا ..

لكل الاسباب السابقة فانا حتى يومنا هذا عمري مارحت انتخبت حد ولا ناوية اروح غير لو جاء يوم وحصلت المعجزه ووجدت من يستحق صوتي ـ الامانة ـ اديهوله ..

عن نفسي بعتبر الانتخاب مثل الشهاده تماما .. فلو عندي استعداد انتخب حد معرفوش يبقى من باب اولى اشهد زور على شيء مشفتهوش ..

[Howayda Ismail]

سؤال بسيط ايه هى فرص الاختيارات المتاحة التى على اساسها يختار المواطن مرشحه

انا حتكلم عن دائرتنا هناك الاستاذ الفاضل حمدى حسن وحسين محمد طبعا هما من

الاخوان لكن حقيقة خدماتهم كثيرة على مدار العام وغير مرتبطة بانتخابات او شئ

بيقدموا خدمات جليلة لمواطنين عاديين من غير واسطة ولا محسوبية وكانت مجزرة

فى الانتخابات الماضية من منع الاهالى غير التابعين للحزب الوطنى من دخول اللجان

اصلا . لو نظرنا للمرشحين هذه المرة الغلابية السائدة فئة المحامين الكبار يعنى

مش عارفة اصلا حيجيبوا وقت منين للبرلمان بالاضافة لفئة من ابناء الانفتاح فى

عصر السادات ومانالهم من شبهة وهولاء لانعرف عنهم الا من ولائم افراحهم ووقت الانتخابات

حيث موائد الرحمن للصفوة والاسم للفقراء ودعايا انتخابهم بملايين الجنيهات

واقرب مثال واحد من هؤلاء فشل فى مجلس الشعب الدورة الماضية وطالب بالرشوة

التى دفعها للكبار فبالتالى نجحوه فى دورة الشورى بالتزكية ومن ساعة مانجح

ولا حس ولاخبر

لكن لو كان لدينا انتخابات نزيهة وحرة ومصداقية ونرجع اشراف السلطة القضائية

كما فى السابق لكن كلنا فقدنا الثقة فى الحكومة وانتخابتها وصناديقها المعدة

من قبل فتح اللجان للتصويت

لكن ازاى ممكن نطبق الية مضمونة نستطيع بها اختيار حر فى ظل مايحدث من ارهاب

امام اللجان

بعد ماحدث المرة الماضية وانتشار معكسر امن مركزى بحاله فى المنطقة بقنابل مسيلة

يسبقه مرشدين بلطجية لارهاب الناس اعتقد ناس كثيرة ستجحم عن المشاركة

من الاخر لو حبيت اعطى صوتى يبقى لمرشح شغال لصالح الاهالى طول السنة مش موسمى

ساعة الانتخابات واتفضينا بعد كده مانشوفش وشه