نجيب ساويرس .. عقلية مصرية إقتصادية غير عادية

[se_ Elsyed]

الراجل ده كل يوم بيثبت إن دماغه مالهاش حل ..

مقارنة بدماغ الحكومة اللي مركبي جزم في دماغهم .. ومش جزم عادية .. دل كلها شمال ...

ولا أجد ادنى حرج إني أقول عليهم لصوص وأغبية ...

بأقارن بين بيع مصانع الأسمنت الحكومية اللي كانت بتكسب دهب لأن كل حاجه عندنا متوفرة ورخيصة وبين بيع ساويرس لنصيبة في شركة أسمنت مصرية يمكلها لشركة لافارج الفرنسية العالمية .... لكن عشان يملوا كروشهم ويزودوا أرصدتهم في سويسرا رموها في الأرض ... تخيلوا إن الشركات الأسبانية والفرنسية اللي أشترت المصانع دي رجعوا رأس مالهم المستثمر خلال أقل من سنتين ..

بإختصار ومن وجهة نظر إقتصادية .. عشان ترجع إستثماراتك في مشروع بعشرات الملايين في مجال تصنيع ثقيل وغبي زي صناعة الأسمنت في خلال سنتين .. يبقى أنت كده بتتاجر في الهيروين جنب صناعة الأسمنت .. أو دفعت ملاليم في حاجه بتساوي مليارات ... والأحتمال الثاني طبعاً هو اللي حصل .... وخلال أقل من 4 سنوات ضاعفوا سعر طن الأسمنت حوالي 3 مرات .... أنا على إيدي شاريه في أخر 2005 بـ 195 جنيه .. والأن أقترب من 600 ج ..

شوفوا نصيب ساويرس في الشركة المصرية للأسمنت ( شركة لافارج حالياً ) باعه بكام أيها السادة

بيع 53.65% من أسهم شركة لافارج للأسمنت - مصر "المصرية للأسمنت سابقا " بقيمة تجاوزت 15.46 مليار جنيه

هذا تم العام الماضي ... 15 مليار .... أستاذذذذذذذذذذذذذذ ... يعني أكتر من ثمن كل المصانع اللي باعتها الحكومة ...

وعشان عقلية رجل الأعمال لازم تكون المغامرة تشغل حيز كبير من تفكيرة ... فلقد كان هو الوحيد اللي غامر وأستثمر في الجزائر سنة 2001 وقت أشتعال الحرب الاهلية هناك وأنشأ اول شركة إتصالات محمول هناك تحت إسم " دجيزي " .. لكن بعد المباراة المشئومة أشتغلوا له في الأزرق وشغل العفانه .. وفرضوا عليه ضرائب تجاوزت 500 مليون دولار ...... عشان يضغطوا عليه يبيعها برخص التراب لهم ... لكنه رفض ... وفوجيء من 4 أيام بفرض ضرائب أخرى جديدة تتجاوز 200 مليون دولار .. لدرجة إن ساويرس كتب للرئيس الجزائري خطاب شخصي عشان المسخرة اللي بتحصل دي....

لكن عشان بيثبت كل يوم إنه أستاذ .. راح عامل حركة ما يعملهاش إلا واحد مجرم ...

وهي

أنشأ الملياردير المصري نجيب ساويرس -الذي سيبيع أداته الاستثمارية ويذر والسيطرة على أوراسكوم تليكوم الى فيمبلكوم مقابل 6.6 مليار دولار- امبراطورية في قطاع الهاتف المحمول تمتد عبر أربع قارات من خلال المغامرة بدخول أسواق محفوفة بالمخاطر يخشى الاخرون العمل فيها.

أستاذذذذذذذذذذذذذذذذذذذذذذذ

شراكة مع شركة من أكبر أمبراطوريات المحمول على مستوى العالم ...

و6 مليار ونص دولار دخلوا جيبه ....

وفي نفس الوقت صدر الجزائريين للروس .. وإحنا عارفين مخهم جزمه ... وخلينا نشوف هايعملوا معاهم إيه

بجد بجد أنا معجب بالراجل ده

أنشأ الملياردير المصري نجيب ساويرس -الذي سيبيع أداته الاستثمارية ويذر والسيطرة على أوراسكوم تليكوم الى فيمبلكوم مقابل 6.6 مليار دولار- امبراطورية في قطاع الهاتف المحمول تمتد عبر أربع قارات من خلال المغامرة بدخول أسواق محفوفة بالمخاطر يخشى الاخرون العمل فيها.

وأسس ساويرس (56 عاما) رئيس مجلس ادارة أوراسكوم تليكوم وحدات في كوريا الشمالية وفي زيمبابوي وفي العراق بعد الحرب وفي دول أخرى ردعت الحروب والعقوبات المنافسين عن دخولها لكنها تتمتع بامكانات نمو كبيرة.

وفي عام 2008 قال ساويرس وهو الاكبر بين ثلاثة أشقاء ينتمون لاسرة ذات نفوذ "اذا قدمت من مكان محفوف بالمخاطر .. فالمخاطر نسبية عندئذ."

وأضاف في تعليقات للمحاور التلفزيوني الامريكي تشارلي روز "أتذكر حين ذهبت الى الجزائر .. وقيل لي انهم يقتلون الناس هناك وأن هناك قنابل وقلت .. هذا ما يحدث يوميا في الجزء الذي أعيش فيه من العالم ولذا فهو لا يشكل أهمية كبيرة."

وكان استثمار ساويرس في الجزائر - في عام 2001 حين كانت لا تزال تعاني من الحرب الاهلية - خطوة مميزة تتفق مع تفكير رجل الاعمال المصري.

وحقق الاستثمار مكاسب في البداية لكن خلافا مع الجزائر بشأن ضرائب متأخرة ادى الى وأد خطة سابقة لبيع الوحدة.

وقال شاردول شريماني المحلل في اي.اتش.اس جلوبال انسايت "اوراسكوم حققت مسارا ناجحا جدا. من العار انها تعرضت للضرر في الجزائر."

وقالت فيمبلكوم يوم الاثنين انها ستدفع 6.6 مليار دولار لشراء مجموعة ويند الايطالية والسيطرة على اوراسكوم تليكوم. لكن الشركة الروسية قالت ان مصير وحدة جازي الجزائرية لم يتقرر بعد رغم انها تريد الاحتفاظ بها.

وأدى الخلاف الجزائري الى انهيار خطط سابقة هذا العام لبيع اصول لشركة ام.تي.ان الجنوب افريقية.

وساويرس الان أحد أبرز الشخصيات في مصر ويملك استثمارات في وسائل الاعلام واسعة الانتشار .

واثار تأييده الصريح للفصل بين الدين والدولة غضب البعض.

ودرس ساويرس الادارة الفنية والهندسة في زوريخ وانضم الى شركة والده المقاول أنسي في عام 1979 وأسس أنشطتها في قطاعات السكك الحديدية والمعلومات والتكنولوجيا والاتصالات.

وانفصلت أنشطة أوراسكوم تليكوم فيما بعد ويدير شقيقاه حاليا شركتي أوراسكوم للانشاء والصناعة وأوراسكوم القابضة للتنمية.

ويقول ساويرس ان والده أقام أعمالا في قطاع المقاولات من الصفر الى أن جرى تأميمها في الستينات خلال حكم الرئيس الراحل جمال عبد الناصر. وانتقل أنسي بعد ذلك الى ليبيا غير أنه خسر أصولا هناك ايضا.

وقال ساويرس لشبكة (سي.ان.ان) في عام 2005 "لم يستسلم أبدا لشيء... يقاتل من أجله اذا كان صوابا. لم يكن يهدأ أبدا اذا كان أمامه هدف."

وقال ساويرس الذي قاتل طويلا وبضراوة للاحتفاظ ببعض أصوله ان المال ليس دافعه الوحيد.

وقال لصحيفة "جلوب اند ميل" اليومية الكندية في أغسطس اب "رفضت صفقات كثيرة على مدى حياتي بأرباح كبيرة .. لانني لا أحب الطرف الاخر."

وفي وقت سابق هذا العام رفض ساويرس عرضا من فرانس تليكوم للسيطرة على الشركة المصرية لخدمات التليفون المحمول (موبينيل) الوحدة المصرية التي يملكانها سويا في خطوة اعتبرت جزئيا عاطفية بسبب العلاوة السعرية التي عرضتها الشركة الفرنسية فوق القيمة السوقية لموبينيل.

لكن ساويرس يعلم أيضا متى يقلص خسائره. فقبل أقل من عشر سنوات باع وحدة أوراسكوم في الاردن وأصولا أخرى لتخفيف جبل من الديون التي تراكمت بعد شراء تراخيص في الجزائر ومناطق أخرى.

ويمثل الاتفاق مع فيمبلكوم تحولا اذ يأخذ ساويرس من موقع القيادة وستصبح له حصة غير مسيطرة.

وقال لصحيفة "ذا ناشونال" اليومية في أبوظبي في مارس اذار "يحتاج الناس أمثالي للبدء في التفكير - لا يمكنني مواصلة السيطرة على شركتي .. ينبغي أن أتخلى عن السيطرة في مقابل المشاركة في السيطرة."

[raouf]

وهى الصفقة دى بس يا سين سين

بص على جميع صفقات الراجل ده

وبمناسبة موضوع الاسمنت اللى عمله سويرس عمله كثير من رجالة البلد اللى انتقلت ملكية جميع المصانع الحكومية والاراضى ليهم ببلاش

واكبر مثال شوف احمد عز لو حب يبيع حديد الدخيلة هيبيعه بكام وهو كان واخده بكام

ساعتها هتعرف ان نجيب اويرس بجوار احمد عز ولا حاجة

وحاجة كمان تتوقع ايه من ناس بتشترى مصانع كاملة بمكنها وعمالها وبنصف او اقل من نصف ثمن االارض فقط

يعنى لو انا ولا انت اشترينا اى حاجة من الحاجات دى كنت متوقع تخسر يعنى اكيد هتكسب اضعاف مضاعفة وهاديك امثلة اخرى

طلعت مصطفى ارض ببلاش ويبيع المتر ب 7000 جنيه يعنى مكسب 5000 ضعف على الاقل

احمد عز حديد الدخيلة ببلاش ( اشتراها بقروض من البنوك الحكومية ) واعتقد لا تقل قيمتها عن 100 مليار واكثر

وغيره وغيره

تم تعديل 5 أكتوبر 2010 بواسطة raouf

[سكر]

بأقارن بين بيع مصانع الأسمنت الحكومية اللي كانت بتكسب دهب لأن كل حاجه عندنا متوفرة ورخيصة وبين بيع ساويرس لنصيبة في شركة أسمنت مصرية يمكلها لشركة لافارج الفرنسية العالمية

الاولى مصانع حكوميه بعنى مال سايب مستحل السرقه فيه وملهوش صاحب

الثانيه لها صاحب يديرها و يدافع عن عنها

[شريف مان]

طبعا ساويرس عقليه ممتازة وشخص متواضع

بس بصراحة انا شايف ان لولا حاجة واحدة كان زمانه خد على دماغه من زمان زى غيره ( فى مصر طبعا )

على العموم ربنا يوفقه لان انا بحب الراجل دا

[ابو محمد بن مصطفي]

لنجاح الخصخصة وبيع شركات الدولة يجب ان يتم ذلك في نظم ديمقراطية او في ظل رقابة حكومية صارمة

والا تبقي الدولة نهيبة للي هب ودب

فكل المصانع التي بيعت في نظام الخصخصة المصري كلها سرقات وليست خصخصة

مثال واحد شركة اسمنت اسيوط بيعت للمستثمر المكسيكي بـ 1.8 مليار جنية في التسعينيات

تعرفوا المصنع ده غير المصنع يضم فندق خمس نجوم وستاد ونادي رياضي ومدينة عمالية (خمس نجوم) واراضي مستصلحة

بعد سنتين الراجل كان معروض عليه 18 مليار ومرضيش يبيع

ونقول ايه كمان حديد عز

نقول اسمنت ساويرس

كتان طنطا

حكمة اليوم :-

متعش في بلد لملوش نائب للرئيس من 29 سنة

[se_ Elsyed]

والله معلم

بصوا الصفقة فيها إيه كمان

فيمبلكوم : أصول أوراسكوم تليكوم فى كوريا ومصر سيتم فصلها عن الصفقة فى الربع الثالث من 2011

[se_ Elsyed]

معليش حاجه خارج الموضوع بس متعلقه بحكم مبارك الأسود

في برنامج الطبعة الأولى .. احمد المسلماني تحدث عن مقال منشور في جريدة العربي الناصري بالأرقام .. عن دولة كانت لا دولة ..

فيتنام

رمز البؤس والشقاء ....

تخيلوا ... 1000 سنة من الإحتلال الصيني ...... 7 سنين إحتلال فرنسي ... حرب أمريكية حرقت حتى الغابات والأشجار بالنابلم . .. نسبة فقر تعدت 70 % .... بطالة .. فقر .. قلة موارد و و و و و و

الأن .. فيتنام نمر أسيوي قادم بقوة .... وعشان هما ناس محترمة وبتحب بلدها ... في سنوات قليلة أنخفضت نسبة الفقر إلى أقل من 20 % ...

ومعدل نمو 8 % ...

أقول إيه واعيد إيه ؟

اللهي لا يوفقكم يا حرامية ياللي نهبتوها ...

[شريف مان]

اللهي لا يوفقكم يا حرامية ياللي نهبتوها ...

بسم الله الرحمن الرحيم

{ وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ (42) مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء (43) وَأَنذِرِ النَّاسَ يَوْمَ يَأْتِيهِمُ الْعَذَابُ فَيَقُولُ الَّذِينَ ظَلَمُواْ رَبَّنَا أَخِّرْنَا إِلَى أَجَلٍ قَرِيبٍ نُّجِبْ دَعْوَتَكَ وَنَتَّبِعِ الرُّسُلَ أَوَلَمْ تَكُونُواْ أَقْسَمْتُم مِّن قَبْلُ مَا لَكُم مِّن زَوَالٍ (44) وَسَكَنتُمْ فِي مَسَـاكِنِ الَّذِينَ ظَلَمُواْ أَنفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الأَمْثَالَ (45) وَقَدْ مَكَرُواْ مَكْرَهُمْ وَعِندَ اللّهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَالُ (46) فَلاَ تَحْسَبَنَّ اللّهَ مُخْلِفَ وَعْدِهِ رُسُلَهُ إِنَّ اللّهَ عَزِيزٌ ذُو انْتِقَامٍ (47) يَوْمَ تُبَدَّلُ الأَرْضُ غَيْرَ الأَرْضِ وَالسَّمَاوَاتُ وَبَرَزُواْ للّهِ الْوَاحِدِ الْقَهَّارِ (48) وَتَرَى الْمُجْرِمِينَ يَوْمَئِذٍ مُّقَرَّنِينَ فِي الأَصْفَادِ (49) سَرَابِيلُهُم مِّن قَطِرَانٍ وَتَغْشَى وُجُوهَهُمْ النَّارُ (50) لِيَجْزِي اللّهُ كُلَّ نَفْسٍ مَّا كَسَبَتْ إِنَّ اللّهَ سَرِيعُ الْحِسَابِ (51) هَـذَا بَلاَغٌ لِّلنَّاسِ وَلِيُنذَرُواْ بِهِ وَلِيَعْلَمُواْ أَنَّمَا هُوَ إِلَـهٌ وَاحِدٌ وَلِيَذَّكَّرَ أُوْلُواْ الأَلْبَابِ (52)}

صدق الله العظيم

سورة إبراهيم

[أبوعمار]

أنا معاك انه عقلية جبارة

وواضح انه بيجني ثمار عقليته دي (من قر ولا حسد)

ومعاك يا شريف ان في سبب مساعده ومخليه ماشي في طريقه من غير ما يطلع له عفاريت نص الليل

وفعلا ساعات كتير بأفكر وأستغرب

مصر فيها امكانيات مهولة

وربنا اداها ثروات وامكانيات بشرية ومادية كبيرة

وغيرها ماعندوش ولا ربع اللي عندنا

وبقوا أسود ونمور وفهود ..... واحنا ما حصلناش الفيران

معقولة الفساد بيعمل كل ده؟

طيب اللي عندنا كرشهم واسع للدرجة دي؟

بالعين البلد لدرجة ان الناس مش لاقية تأكل ولا عارفة تعيش عيشة آدمية؟

يمهل ولا يهمل

ربنا ع الظالم والمفتري

[raouf]

والله معلم

بصوا الصفقة فيها إيه كمان

فيمبلكوم : أصول أوراسكوم تليكوم فى كوريا ومصر سيتم فصلها عن الصفقة فى الربع الثالث من 2011

مش عارف ليه عندى احساس ان دى بداية هروب الرجالة واستعدادهم للخروج

ممكن هم شايفين ان فيه حاجة هتحصل فى المستقبل وده شبه تاكيد لاشاعة ان نجيب سوايرس بيصفى ممتلكاته فى مصر

وايضا سمعتها عن بعض رجال الاعمال اللى محسوبين على الحزب انهم بيبعوا ممتلكاتهم وبيشتروا عقارات ومصانع ب ه بحجة فتح اسواق وفروع جديدة فى الخارج

[se_ Elsyed]

لأ مش صحيح خالص يا رؤوف

الراجل لسه له حصه في تيليكوم ومش هايبيع مصر أو كوريا

وبعدين هو ساويرس تيليكوم بس ؟

ده حوت يا عم وعنده بلاوي تانيه

[raouf]

لأ مش صحيح خالص يا رؤوف

الراجل لسه له حصه في تيليكوم ومش هايبيع مصر أو كوريا

وبعدين هو ساويرس تيليكوم بس ؟

ده حوت يا عم وعنده بلاوي تانيه

ماهو يا ابو السيد الحاجات دى مش بتبقى على المكشوف يعنى مش فى يوم وليلة هيبيع كل حاجة

الاستثمارات اللى فى الحجم ده بتاخد سنيييييييييييييين على شان يقدر ينقلها

لان الراجل بينقل بالراحة مش بيصفى

ولو تفتكر ازمة سحب الاستثمارات الخليجية فى امريكا

ولا حد قدر حتى يبيع شركة واحدة او يسحب اى مبلغ فوق العادى او المتوسط

وبعدين تيجى ايه حصته فى موبينيل بجوار استثماراته الخارجية

تم تعديل 5 أكتوبر 2010 بواسطة raouf

[أبو محمد]

كل اللى بيتقال عن السفه فى بيع أصول الدولة كلام صحيح 100%

بس احنا ليه عمالين ندق المية فى الهون ؟ ..

ليه مش عايزين نعترف بالمبادئ والأساسيات اللى بتقول إن الحكومات "تاجر فاشل" وإنها ديناصور بيتحرك فى عالم بيحب "الخفِّية" ؟

ليه مش عايزين نعترف إن "معظم" تلك الأصول التى نتباكى عليها اليوم هى فى الأصل منهوبة من أصحابها باسم الاشتراكية والعدالة الاجتماعية وإعادة توزيع الثروة ؟

ليه بننسى إننا جميعا - بما فيهم كاتب هذه السطور - صفقنا وهللنا لعملية سرقة تلك الأصول من أصحابها تحت اسم "التأميم" يعنى جعل المال مش ملك أصحابه ولكن ملك "للأمة" .. وأتارى اللصوص كان عندهم تعريف آخر لكلمة "الأمة" ظهر على حقيقته عند إعادة بيع تلك الأصول ؟

ليه بننسى إننا صدقنا إن كل أصحاب الشركات - فى ذلك الوقت - هم من أعداء الشعب وأطلق عليهم ألقاب مثل "الرجعية" و "الرأسمالية المستغلة" بما فى ذلك الفنان محمد فوزى صاحب شركة "كايرو فون" التى أصبح اسمها بعد التأميم (قصدى السرقة) شركة "صوت القاهرة"

ليه مش عايزين نعترف بالحكمة اللى بتقول Easy come, easy go .. المال اللى نهبته الدولة بسهولة راح لأصحاب النصيب بسهولة أكتر

أرجوكم .. اعتبروا هذه المداخلة جملة اعتراضية فى سياق الموضوع الذى اعتقد أن الأصل فيه والغرض منه هو "التفكير" فى عقلية اقتصادية تصلح مع نماذج مثلها لنقل الاقتصاد من حالة "البلادة" إلى حالة "النشاط" .. وقديما قالوا "الحركة بركة" .. لا أدرى لماذا انقلب موضوع كهذا إلى مناحة فى جنازة "الأصول" وإلى محاولات لإقحام "أسباب أخرى" وراء نجاح الرجل

[se_ Elsyed]

تصدق بالله يا عم ابو محمد ؟

والله العظيم كنت هافتح موضوع عن التأميم من كام يوم لأني من محبي محمد فوزي وعرفت إنه مات كمدأ بعد أن تم تأميم شركته !!!!!!!!!!!

أنا افهم إن التأميم يبقى لممتلكات العيلة العلوية المالكة اللي كانوا واكلينها والعه ..

لكن واحد بدأ من الصفر وطلع عين أهله عشان يعمل شركة أو مصنع بعرق جبينه وبكل قرش كسبه .. يبقى يتأمم ليه ؟

يمكن ساعتها ما كانش في إسبراي مزيل للعرق ؟ :lol:

لكن أختلف معك .. ده مش مبرر إنهم يرموها بالطريقة دي

وأختلف معاك إن الحكومة تاجر فاشل .. بالعكس .. ده تاجر شاطر بس حرامي وعارف هو بيعمل إيه وكل تحركاته في النهب مدروسة ...

يا أخي ده مختار في مسلسل العار قالها حكمه .. قال لك إيه بقى : حتى لما تيجي تعمل الغلط .. لازم تعمله صح " :lol:

[Ahmed Anwer]

و تأميم فرقة رضا !!!!!

حد يأمم بشر !!!

[se_ Elsyed]

و تأميم فرقة رضا !!!!!

حد يأمم بشر !!!

ده ما كانش تأميم .. ده كان بيحجروا عليهم عشان عملوا رقصه إسمها " وأدي رقصة المجنونة .. يابا يابا عالمجنونة "

فده كان في مصلحتهم عشان يعالجوهم بالكهربا

[أبو محمد]

و تأميم فرقة رضا !!!!!

حد يأمم بشر !!!

ده ما كانش تأميم .. ده كان بيحجروا عليهم عشان عملوا رقصه إسمها " وأدي رقصة المجنونة .. يابا يابا عالمجنونة "

فده كان في مصلحتهم عشان يعالجوهم بالكهربا

ما لكش حل يا جدع انت :lol:

لما افوق من الصدمة الكهربائية اللى عمالة تزغزغنى ابقى اتكلم معاك فى موضوع اختلافنا حول فشل الحكومات فى التجارة .. مش عارف انت فاكر ايام ما كانت الحكومة بتبيع بودرة الفلافل فى الجمعيات ولا لأ .. ده الفلافلاجية أيامها كشفوا راسهم وعملوا وقفات دعاء ساعات المغربية .. بس أيامها ما كنش فيه قنوات فضائية تنقل الوقفات دى

[سكر]

المال اللى نهبته الدولة بسهولة راح لأصحاب النصيب بسهولة أكتر

بفرض صحة نظريتك يا ابو محمد الا ان الحق لم يرجع لاصحابه

الحق رجع لمستثمريين اجانب مش من مصر اصلا

وعمولات راحت ل........... ولا بلاش