قلبي وجعنى .......... ولكنى لم استطع التدخل .......

[pocy]

السلام عليكم ورحمه الله وبركاته

انا ارفض معاقبه الطفل بالضرب بتاتا لذا كنت دائما ما اواجه كل من يضرب اطفالهم دون سن سبع سنوات لان الاطفال فى هذا السن بيكون أمير اى يعامل معامله الامراء وهناك عقاب يمكن ان يكون اشد معنويا من العقاب الجسدى لى صديقه اعرفها عندها ابنها يعنى قرب يكمل تلات سنين وبجد هى كانت بتضرب على اى حاجه يعملها غلط او شايفاها هى غلط ونتج عن ان بعد فتره من الوقت لم يصبح الضرب يعطى نتيجه فقررن استخدام اسلوب اخر سمعته من احدى صديقاتها وهى شافت النتيجه بنفسها على طفل صديقتها فتلك الصديقه كانت تضع الشطه فى فم طفلها وهكذا كانت تعاقبه فؤجت منذ فتره انها تستخدم هذه الطريقه لتعذيب ابنها وليس فقط معاقبته من وجه نظرى وحاولت معها مرارا ان هذا خطأ كبير نفسيا على الطفل حتى ومع رفضي لهذا الامر الا ان الامر هذا جاب نتيجه مع الطفل ولم يعد يفعل هذا الخطأ واخر مره كنت متواجده عندهم فرمى طفلها بالكوب فى الارض من نرفزته على لعبه لم تعطها له امه وقامت بوضعها بعيدا فمسك الكوب ورماه فى الارض فاخدته من يده وعلى المطبخ وانا احاول ان اهدئها واقول معلش مش مهم زعقيله بس وان شاء الله مش هيعمل كده تانى ولكن هيهات اخدته ودخلت المطبخ ووضعت شطه فى فمه والطفل يصرخ ويعيط ويحاول مسحها من فمه ولكن كيف وهى تمسك بيديه ومعها فى صابعها شويه شطه وبعد دقائق اخدته فى حضنى وقلتله مش عيب يا حبيبي تعمل كده لو كسرت الكوبايه مش انت ممكن تتعور وماما تزعل عليك وتعيط مش تعمل كده تانى روح لماما وقولها انا اسف وهى هتصالحك ولكن للاسف رد الطفل بكل عند وقال لالالالا ماما دى وحشه والكلمه دى وجعتنى قوى مع ان امه والله تحبه وتحبه جدا ولكنها تقول انها اتعلمت الصح من الغلط بالضرب وستاخد نفس النهج مع ابنها انا لا اتذكر انى ضربت عمر يمكن مره او مرتين وكان ضربا غير مبرحا لانه طفل لا يعلم ولا يفهم شئ وهو بطبيعته يحب الاكتشاف فلماذا اقوم بضربه مع العلم انه بالحنيه والكلام والخصام ممكن ان ياتى الامر بنتيجه ايجابيه ............

اخوانى واخواتى والله عندما عدت الى البيت كنت انظر لعمر ولا اعرف ماذا ابكانى هل عدم استطاعتى انقاذ الطفل من براثن امه والشطه ام ماذا

هل ممكن ان استمع الى وجه نظركم فى تلك الام ومواقفكم مع معاقبه ابنائكم

ويبقي كلام على رضي الله عنه مبدأ اسير به فى حياتى ان الطفل لابد ان يعامل ك (سبع امير وسبع اسير وسبع وزير )

اى سبع سنوات الاولى امير يطلب يجاب

والسبع سنوات الثانيه اسير ولا داعى لشرحها والسبع الاخيره وزير أى تستشيره فى امورك وامور الحياه وتكون له السند ويكون لك الظهر

منتظراكم

[جويرية]

هيا مفروض تتعلم الصبر

[قلب ابيض]

صباح الخير يا ام عمر

والله موضوع الشطه ده وجع قلبى فعلا ..نجحت فى اختيار التعبير الصح لانه فعلا مس قلبى

اتذكر فى طفولتى كانت امى تعمل ومتطلبات الوظيفه تتطلب وجودنا مع جدتى رحمها الله مع ابناء الخاله والخال وهم بالتالى فى اشغالهم ايضا ..

اتذكر منظر الترابيزه وعليها السبرتايه وكنكه القهوه ..ومن طقوس الجده شرب القهوه صباحا تخيلى مع وجود 4 اطفال كلهم فى سن متقارب جدا اشبهه بالحضانه ...كان العقاب وقتها هو معلقه بن معصور عليها ليمون وبحركه كانت هى قمه الرعب بالنسبه لنا تاخد جدتى لحسه من الخليط العجيب ده وهوباااا فى سقف الفم يااااه على قمه العذاب واللى بسبب المراره المختلطه بالمزازه واحساسنا انه عقاب لوحده كان مؤلم مع انه غير ضار اطلاقا اكثر من اننا لانحب هذا الطعم فى هذا السن

تذكرت المشهد ده وانا بقرا حكايه امنا الغوله صديقتك عذرا للتشبيه

من انواع العقاب ايضا للاسف استعملته مره واحده وندمت عليه كتيييير ولكن لاسباب وقتها كانت بالنسبه لى جبال مش حاجه هينه

كنت طالبه وعندى طفل وبذاكر وحامل فى التانى ولم استطيع السيطره على موضوع التخلص من استعمال البامبرز ....واضح اللى اقصده

فسمعت نصيحه واحده على شاكله صديقتك السابق ذكرها ولسعت ابنى بنقطه من الشمعه بعد ما ساحت ..آآآآآآآآآآآى تصدقى وجعتنى دلوقتى تانى

وهو يعيط وانا اعيييييط ....وبدل ما اعالجه من حاجه بقيت اعالجه من حاجتين والتانيه اهم انه بدء يخاف منى

ايااااااااااااااااام الحمد لله عدت

المقصود طبعا مش موافقه نهاااائيا عن استخدام الاسلوب ده فى التربيه

بس برده بالتمس العذر للام وقتها لانها بتكون غلب حمارها ما بين اعباء البيت وشغلها ومسئوليه تربيه الاطفال

الله المستعان

[اغابي]

صباح الخير

بصراحة يا بوسي الموضوع على الصبح - استفزني جدا

- ازاى تعاقب الولد بالشطة - دانا ابني الصغير مرة طلبت وجبتين فبالغلط كان الاتنين اسبايسي برغم انى لما اتصلت

على المطعم طلبت وجبتين وحدة عادى ووحداة اسبايسي لكن هما غلطو وانا ما اخدتش بالى واكل ابني وفضل عياط بشكل - قطع قلبي ويبص لايديه لانه فاكر ان ايده كمان منها المشكلة وعياط وصوعب عليا جدا كنت عاوزة اتصل بالمطعم اعمل خناقة كبيرة معاهم

وازاى الطفل بيتعذب من الشطة وكمان ابني تعب منها اوى وفضلت اليوم كله وانا متضايقة

وابني مش قادر ينسي ابدا كل شوية يشاور على بوقه انه بيوجعه جدا

وبعدين الطفل تعمله مغص الحاجات دى

ياريت يا بوسي تكلميها حراااام عليها كدا وانت حتبقى مشتركة معاها فى الذنب اعملى خدمة لوجه الله

حرام ما تفهميهاش انها كدا بتفقد اهم صفات بينها وبين ابنها وممكن كمان مع الوقت يعتبرها

انها هى العذاب اللى فى حياته مش امه ابدا

تحياتى يا بوسي

اغابي

:roseop:

تم تعديل 28 سبتمبر 2010 بواسطة اغابي

[nightmare]

ضرب الأطفال في هذا السن هو من وجهة نظري اسلوب فاشل ويدل على إفلاس الأب او الأم وعدم إلمامهم بالمنهج التربوي الصحيح , وأترككم مع هذه المقالات التى تبين أثر ضرب الأطفال وتأثيره عليهم.

ضرب الأطفال يزيد إضراباتهم النفسية

الضرب هو أحد أشكال العنف المنزلي المرفوض ، وقد يسبب إيذاء بدنياً وعقلياً وذلك لأن التربية السليمة هي التي تعتمد على عنصر التفاهم الذي ينتج عنه أطفال صالحة لا يعرفون الخوف ولا العنف . وذكرت جريدة \"البيان\" أن الدراسات النفسية أثبتت أن الطفل الذي يعاقب بالضرب غالباً ما يصبح أشد عدوانية، وتزداد لديه الاضطرابات النفسية كالقلق والخوف، وتتأصل مشاعره السلبية تجاه الآخرين، وتضعف ثقته بنفسه، مما ينعكس بشكل سلبي على مهاراته الدراسية والعملية. ,اضافت الدراسات أن الضرب لا يعد بحال من الأحوال وسيلة لتقويم سلوك الطفل، وغالباً ما يكون الضرب نتيجة رد فعل سريع من قبل أحد الوالدين، وهو يترك لدى الطفل جراحاً نفسية قد تكون آثارها عميقة، حتى وإن كبر الطفل. الطفل بحاجة إلى من يفهمه، ومن يقترب منه، ومن يلعب معه وفقاً لمفهومه، وليس وفقاً لمفهوم الكبار، وإذا ما استطاع احد الوالدين تحقيق ذلك، يمكنهما حينئذ تقويم سلوك الطفل بالطرق الوّدية المبنية أساساً على الإقناع وليس الإكراه، وعلى ثنائية الثواب والعقاب، ولكن ليس العقاب الجسدي، إذ أن حرمان الطفل من لعبة محببة إليه أشد تأثيراً على نفسه من صفعة قوية على خده. وأكدت الدراسات بالرغم من أن القسوة قد تكون مطلوبة ، لكن ضمن حدود أما الضرب فهو مرفوض. فيجب أن نحافظ على صحة أطفالنا النفسية، وننبذ الضرب كوسيلة تربوية فاشلة، من أجل المحافظة على أطفالنا ودوام ابتسامتهم .

ضرب الأطفال يسبب الغباء

أظهرت دراسة علمية ان ضرب الاطفال المتكرر على ايدى أبائهم وأمهاتهم يعوق النمو العقلى والذكاء لدى هؤلاء الاطفال . وأشارت الى ان الضرب حتى لو مرة كل اسبوعين يؤثر على ذكاء الاطفال.

وذكرت الدراسة التى اجراها باحثون فى جامعة (نيوهامبشاير البريطانية) على (900) طفل بين السنة الاولى والسنة الرابعة من اعمارهم ان الاطفال الذين لم يتعرضوا للضرب من جانب ابائهم او تعرضوا له بشكل نادر احرزوا درجات اعلى فى الاختبارات بالمقارنة مع الاطفال الذين يتعرضون للضرب مرارا..

اشارالخبراء الى ان ذلك يرجع الى ان الاباء الذين لا يستخدمون وسيلة الضرب مع اطفالهم يشرحون لماذا اخطاء اولادهم ويسمحون لهم باصلاح سلوكهم...

وقال الدكتور( هوراى ستراوس) المشرف على الدراسة: انة عندما يصفع الاباء ابنائهم فان ما يحدث هو ان الطفل يتوقف عن ممارسة السلوك الخاطئ لحظة الضرب لكن هؤلاء الاباء ينظرون الى المستقبل لا يدركون مدى الضررالذى الحقوة بابنائهم نتيجة الضرب.

واشار الى انة لو علم الاباء خطورة ما يحدث للاطفال عند صفعهم على وجوههم فان ملايين منهم سيتوقفون عن ممارسة هذا الاسلوب . واوضح ان الدراسة راعت فى اعتبارها قراءات الاطفال وكم من الكتب يقراءون والخلفية التعليمية والاجتماعية للاباء؛ وقد وجدت ان الضرب البدنى يؤثر على ذكاء الطفل حتى لو جرى اخذ كل هذة الاعتبارات فى الحسبان وقال ان الاطفال الذين يتعرضون للضرب اكثر من(3) مرات فى الاسبوع احرزوا درجات اقل بنسبة 3% من هؤلاء الذين لم يتعرضوا للضرب وكانت دراسة قد اجريت العام الماضى اوضحت ان 9% من الاباء فى بريطانيا يمارسون اسلوب الضرب البدنى مع اطفالهم

ضرب الأطفال يؤثر على قواهم الجنسية

كشف بحث علمي حديث، أشرف عليه خبير في العنف المنزلي من جامعة نيوهامبشير الأميركية، أن ضرب الأطفال يؤثر سلبا على حياتهم الجنسية عندما يبلغون سن الرشد، واستخلص البروفسور موراي شتراوس من بحثه أن الأطفال الذين يتعرضون للضرب على مؤخراتهم، من المرجح أن يجبروا عندما يبلغون سن الرشد، شركاءهم على ممارسة الجنس بالإكراه (الماسوشية) أو بدون اللجوء لأي وسيلة حماية خلال هذه الممارسات.

شتراوس ، قام ببحثه في منتصف التسعينات من القرن المنصرم، حيث سأل فيه 207 طلاب من ثلاث مدارس عما إذا كانت الممارسة الجنسية الماسوشية- التي تعتبر انحرافاً جنسيا حيث يتلذذ فيها المرء بالتعذيب الذي ينزله به رفيقه أو رفيقته- تثيرهم ، كذلك سألهم البروفسور ما إذا كانوا تعرضوا للضرب على مؤخراتهم عندما كانوا أطفالاً،و وجدأن الطلاب الذين تعرضوا للضرب هم ربما أكثر عرضة بقرابة الضعف لممارسة الماسوشية، وضم البروفسور نتائج هذه الدراسة مع نتائج ثلاث دراسات أخرى حديثة تبحث في العلاقة بين العقاب البدني وممارسة الجنس بالإكراه، ورفع الخبير نتائج الدراسات الأربع هذا الأسبوع في قمة الجمعية النفسانية الأمريكية حول العنف والإساءة في العلاقات في مدينة باتيسدا في ولاية ماريلاند، وكانت دراسات سابقة أظهرت أن 90 في المائة من الأهالي يضربون أطفالهم، وهي إحصائية بقيت ثابتة خلال العقود الثلاثة الأخيرة التي بحث فيها شتراوس عامل العقاب البدني، وطالب شتراوس الخبراء في مجال طب الأطفال والهيئات الراعية لهم بالعمل معاً على التحذير من مخاطر الضرب، كما أنه أعرب عن رغبته في حث المشرعين على اتخاذ موقف إزاء تخصيص موازنة لنشر الوعي بين الأهالي حول مخاطر العقاب البدني.

[pocy]

ماما اشكرك وبشده على مشاركتك السابقه والتى ادعوا بها كل الامهات والاباء لمشاركتنا فى هذا الموضوع

وعندما قلتى موضوع البابمبرز فكرتينى بعمر لانى الى الان لم استطع انه اقلعه له بل انى عقدته لان صديقتى هذه قال ت لى على طريقتها واللى جابت نتيجه مع ابنها وانها كل ما كان يعمل فى البامبرز بتضربه على ايده وتزعقله وقالتلى جربي ووريله القرف وهو هيعرف ان ده قرف وللاسف الشديد الان ابنى لما يعوز يعملى بيبي يختفى عن الانظار حتى لا اخذه للحمام والله انا مش ضربته انا بس كنت بزعقله واقله شوف البيبي القرف ده وحش نعمل فى البامبرز ونعمل فى الحمام وللاسف الشديد الواد اتعقد ومستنياه ينسي الموضوع ده علشان اقدر اقلعه البامبرز وللاسف دى غلطه انا بندم عليها ولن اكررها ابدا مع عمر او باقي اطفالى ان شاء الله والله كريم

وانا صغيره مش فاكره والله انى اضربت من ماما يمكن مره او اتنين من بابا ويمكن فى مره منهم كنت هقع من البلكونه ولحقنى ومن خوفع على لكررها ضربنى لانى كان نفسي اعمل زى فرافيرووووووووووو

[قلب ابيض]

ماما اشكرك وبشده على مشاركتك السابقه والتى ادعوا بها كل الامهات والاباء لمشاركتنا فى هذا الموضوع

وعندما قلتى موضوع البابمبرز فكرتينى بعمر لانى الى الان لم استطع انه اقلعه له بل انى عقدته لان صديقتى هذه قال ت لى على طريقتها واللى جابت نتيجه مع ابنها وانها كل ما كان يعمل فى البامبرز بتضربه على ايده وتزعقله وقالتلى جربي ووريله القرف وهو هيعرف ان ده قرف وللاسف الشديد الان ابنى لما يعوز يعملى بيبي يختفى عن الانظار حتى لا اخذه للحمام والله انا مش ضربته انا بس كنت بزعقله واقله شوف البيبي القرف ده وحش نعمل فى البامبرز ونعمل فى الحمام وللاسف الشديد الواد اتعقد ومستنياه ينسي الموضوع ده علشان اقدر اقلعه البامبرز وللاسف دى غلطه انا بندم عليها ولن اكررها ابدا مع عمر او باقي اطفالى ان شاء الله والله كريم

وانا صغيره مش فاكره والله انى اضربت من ماما يمكن مره او اتنين من بابا ويمكن فى مره منهم كنت هقع من البلكونه ولحقنى ومن خوفع على لكررها ضربنى لانى كان نفسي اعمل زى فرافيرووووووووووو

جربى تعملى عكس العقاب مع عمر ..كافئيه

لما يقوم الانجاز العظيم فى مكانه الصح اللى انت عارفاه بوسيه واهتفى له انه بطل وزى الكبار خليه يحس انه انجااااز هايل ويحب يكرره عشان يحس بفرحتك وهديتك له اى حاجه هو بيحبها ..على سبيل المكافئه وان المره الجايه هاتبقى هديه احلى ...وهكذا ...ولما يحصل العكس عاتبيه " كده يا عمر زعلت ماما تانى :( والباقى انت ممكن تكمليه بقى ....يوووووووووووه كنت نسيت الهم ده يا بوسى

ربنا يبارك لك فيه يارب :D

[Howayda Ismail]

صراحة مش لاقية وصف لها غير انها عديمة الرحمة اولا هى الكبيرة مش ممكن تستحمل طعم الشطة

فما بالك بطفل فى السن الصغيرة دى

ثانيا ابنها ده ماصعبش عليها وهو بيصرخ من الم الشطة وممكن تعمله مغص او حمة وحاجات تانية

هى فى غنى عنها هى عاقبت نفسها مش الولد لوحده لانه اتحفر بذاكرته مدى القسوة دى منها

وبالتالى مش حينساهالاخر يوم فى عمره وكل تصرفاته معاها حيكون رد فعل لذلك وده واضح من كثرة

عناده لها وعدم طاعته لاوامرها وللاسف مهما ان قالت له انها بتحبه مش حيصدقها

بالصدفة امبارح سمعت حديث لاحد الاطباء عن معاملة الابناء واستعمال الضرب كوسيلة للعقاب

قال ان الضرب وسيلة غير ادمية بالمرة وان الطفل ممكن ينسى سبب الضرب لكن عمره ماينسى

انه انضرب بيفضل فاكره وبيكون مردوده سئ بعد كده على الام او الاب المعاقب

وبعدين ركز كلامه على علاقة الام ببنتها وازاى تبقى علاقة ناجحة

ابنى الصغير كان موجود واستفسر يعنى يقصد ايه الدكتور بكلامه ان الام تصاحب بنتها

وتحاول تفهمها وتقدم لها النصيحة ورد بعفوية وقالى على اساس ايه يعنى ابنها ده طيشة

معنى كده حتى التفرقة فى المعاملة بين الولد والبنت تاثيرها اسوا من الضرب نفسه

جايز اسلوب الضرب ده نفع زمان وجاب نتيجة لكن الاولاد دلوقت مختلفين عنا نهائى فى كل حاجة

فى طباعهم وسلوكهم وثقافتهم وكذلك رد فعلهم لازم نعرف اللى كان يمشى زمان ماينفعش

دلوقت لازم ابر ابنى وبنتى الاول عشان امنع عقوقهم لى بعد كده

[Mr MAGED]

لا حول ولا قوة إلا بالله

انا بتهيألي لو صاحبتك دي قاصده انها تعذبه مش هتعمل كده

صحيح الاطفال بيجننوا وينرفزوا .. وانا شخصيا ساعات باضرب بنتي

بس متوصلش ابدا لموضوع الشطة ده

وبعد ما باضربها باخدها في حضني وافهمها الصح من الغلط

الرسول عليه الصلاة والسلام قال " من لا يًرحم(بفتح الياء)، لا يرحم (بضم الياء)"

وقال كمان " ماذا أفعل في قوم نزع الله الرحمة من قلوبهم"

ان مكناش هنبقي رحماء مع أولادنا هنكون رحماء مع مين ؟؟؟

غضب معاوية – رضي الله عنه- على ابنه يزيد فهجره، فقال له الأحنف:

يا أمير المؤمنين أولادنا ثمار قلوبنا، وعماد ظهورنا، ونحن لهم سماء ظليلة، وأرض ذليلة،

فإن غضبوا فأرضهم، وإن سألوا فأعطهم، ولا تكن عليهم قفلاً؛ فيملوا حياتك ويتمنوا موتك.

تم تعديل 28 سبتمبر 2010 بواسطة INVESTOR

[مسافر زاده الخيال]

رغم انني لا افقه شيئا في تربية الابناء .........

الا انني اشعر بان ما قامت به الام (من وضع الشطة)في فم ابنها .............((((امر عادي جدا))) و اتذكر ان هذا الاسلوب كانت تستخدمه امهاتنا (((والدنيا متهدتش ولم ننشا معقدين))) و كل علماء التربية الحديثة............

وا عتقد ان (منع استخدام الضرب بالكلية) الضرب التربوي وليس ضرب الانتقام المؤدي للموت او العاهات.........سينشيء جيلا (كما نرى غالبيته الان للاسف)

وعلينا ان (نقر) بأن التربية (((القديمة))) انشأت جيلا يعتمد على نفسه و يستطيع مواجهة صعاب الحياه.......بعكس التربية الحديثة المطبطبة (((وهذا في كل العالم))) وهذا ما نراه من الفرق بين من يتربى التربية الاصيلة في الحارة على سبيل المثال وبين جيل (الفافي المرفه)

انظروا الى جيل امهاتنا اللائي لم يتعلمن نظريات التربية الحديثة وبين جيل الامهات الحالي .......جيل امهاتنا (ادام الله بقائهن) كان باستطاعتهن تربية 7 ابناء بالمتوسط بشكل مدهش وبدون خادمات....اما الان (اتحدث عن الخليج) فتربية طفلين فقط تكاد تكون كارثة بدون خادمات او مربيات ...........

فتحية للامهات (على النمط القديم) و لاساليب تربيتهن القديمة التي انشأت رجالا و نساء صالحينbv:-

[yasser moustafa]

رغم انني لا افقه شيئا في تربية الابناء .........

الا انني اشعر بان ما قامت به الام (من وضع الشطة)في فم ابنها .............((((امر عادي جدا))) و اتذكر ان هذا الاسلوب كانت تستخدمه امهاتنا (((والدنيا متهدتش ولم ننشا معقدين))) و كل علماء التربية الحديثة............

وا عتقد ان (منع استخدام الضرب بالكلية) الضرب التربوي وليس ضرب الانتقام المؤدي للموت او العاهات.........سينشيء جيلا (كما نرى غالبيته الان للاسف)

وعلينا ان (نقر) بأن التربية (((القديمة))) انشأت جيلا يعتمد على نفسه و يستطيع مواجهة صعاب الحياه.......بعكس التربية الحديثة المطبطبة (((وهذا في كل العالم))) وهذا ما نراه من الفرق بين من يتربى التربية الاصيلة في الحارة على سبيل المثال وبين جيل (الفافي المرفه)

انظروا الى جيل امهاتنا اللائي لم يتعلمن نظريات التربية الحديثة وبين جيل الامهات الحالي .......جيل امهاتنا (ادام الله بقائهن) كان باستطاعتهن تربية 7 ابناء بالمتوسط بشكل مدهش وبدون خادمات....اما الان (اتحدث عن الخليج) فتربية طفلين فقط تكاد تكون كارثة بدون خادمات او مربيات ...........

فتحية للامهات (على النمط القديم) و لاساليب تربيتهن القديمة التي انشأت رجالا و نساء صالحينbv:-

متفق على أن طريقة الأمهات القديمة قد أخرجت جيل صلب وقوى الى حد كبير

ولكن ظروف الحياة تغيرت كثيراً عن الماضى

عن نفسى أحاول أن أهدد كثيرا قبل ان استخدم الضرب - البسيط

يعنى مع كل عشر مرات تهديد بالضرب ... أضرب فعلياً مرة واحدة

وبعد الضرب بلحظات ... أصالح الطفل وأفهمه غلطته واعلمه يعتذر عنها

لكن انا بيحصلى موضوع غريب جدا وعاملى رعب

حيث تكرر فى احلامى أنى اضرب ابنى بالقلم على وجهه - وانى اضربه عدة مرات متتالية لدرجة اتخيل انه فقد الوعى لأستيقظ فى حالة رعب شديدة

ربنا يستر

[Ahmed Anwer]

يا جماعة كل كلامكم جميل

بس نعمل أيه في الطفل العنيد

أنا عايز حل في معاملة الطفل العنيد

دماغه جزمة بجد

[doha]

فكرتيني بواحدة اعرفها ..

من يوم ماوعيت على الدنيا وانا بشوف معاملتها لاطفالها ـ وفي منهم في سن بنتي ـ مستحيل يعدي يوم او لنقل نصف يوم الا واسمع الضرب والبهدلة ويكاد يكون السلخ كمان .. زعيق بشكل غير طبيعي وضرب واسترحام يلين الحجر من اطفالها ومع ذلك استمرار منها في ( تعذيبهم ) لدرجه اني اطلقت على بيتهم مسمى ( الكتراز ) حيث انه بالنسبة لي معتقل اطفال مش منزل ابدا ..

على فكره الام دي في الاوقات العادية هادية جدا ـ وطبيعية ـ وبتخاف على عيالها فوق ماتتصوري .. لكن هي دي طريقتها في معاملتهم مفيش غير الضرب والشتيمه والشلاليت ومن وهم في سن اقل من سنة كمان ..

عاوزه تعرفي النتيجة ؟

عيالها ماشاء الله تبارك الله لا يعصون لها كلمة واحده ومتفوقين في دراستهم جدا وتشوفيهم واقفين طابور ادب كده في اي مكان يروحوه متسمعيش لهم همسة .. بجد والله لو معرفش الكي بالحديد والنار الي كان بيحصل فيهم كنت قلت ونعم التربية ..

انا مش عارفه هل النموذج ده من الناس هو الصح ولا احنا الي ممكن نعيط على عياط عيالنا الي مظبوطين ..

بالنسبة لي عمري في حياتي ماانضربت لا من بابا ولا من ماما .. معندناش الضرب كعقاب في عائلتنا نهائيا ونفس الشيء بتبعه مع بنتي والحمد لله زوجي من النوع الي مستحيل يمد ايده على طفل .. لما بشوف النماذج التانية الي بتتلسع وتتشلت وينكسر دراعها كمان واشوف النتائج الي بتطلع معاهم بل ( وشماتتهم ) احيانا فيما لو شافونا بنحاول نقنع البنت بحاجة هي مش مقتنعه بيها وازاي ان اي طفل من اطفالهم ( لايجروء ) يقول لاه ..

كوني على ثقة يابوسي زي ماانتي دلوقت مستنكرة الي الست دي بتعمله وبتقولي ايه ده هي برضه تلاقيها بعد ماانتي بتمشي بتستنكر معاملتك ( اللطيفة ) مع ابنك وبتقول ايه ده ..

للاسف الامر كده بالنسبة لاطفال الست دي خرج عن السيطرة هم خلاص اعتادوا على الاسلوب ده في التعامل ومعادش ينفع انك تعامليهم بلطف بل ان لو ترك واحد فيهم في عهدتك لفترة هتلاقي نفسك انتي لا شعوريا هاين عليكي تشيله ترميه من الشباك لان هو ده الاسلوب الوحيد الي ممكن ينفع مع ( اصناف ) زي كده ..

عن نفسي بعتبر العنف ضد الاطفال نوع من المرض النفسي والشخصية الي تلجأ للضرب هي شخصية ضعيفه مهزوزه لو كانت قادرة على الاقناع والمعاملة الحسنة مكانتش تاخرت.. لكن بكل اسف هتلاقي برضه هم كمان بيقولوا علينا اقوال مشابهة وان اختلفت الرؤى ..

سيبي الي يضرب عياله يضرب يابوسي والي يهننهم يهنن فعلى مايبدوا كله بيتساوى في النهاية ..

[ذهبية]

يا جماعة لكل مقام مقال يعنى مش كل طفل زى التانى ومش كل ام زى التانية

يعنى مفيش قاعدة واحدة تقدرى تقولى عليها صح او غلط

الاطفال بيتولدوا بشخصياتهم اللى بتختلف عنك و عن ابوهم و عن اخواتهم مش معقو ل اللى ينفع مع واحد ينفع مع التانى

فية اطفال حساسين جداا من النظرة بيخافوا و اطفال تانية العند فى دمهم لازم ينضربوا بس مش لدرجة صحبتك لانة مش ضرب دة تعذيب

الفكرة يا بوسى

انك تفهمى شخصية ابنك من ساعة ما بيتولد و صدقينى بيبان من الو يوم ولادة

الطفل الزنان و الطفل الحنين و الشقى و اللى بيحب الحضن و بيجى علية و اللى بيحب اليل بطرقة جامدة و غيرة الام الذكية الى تفهم انهو اسلوب ينفع معاة

بس بعد فترة الفهم ممنوع الضرب نهائى

بيكون فية عقاب المنع من لعبتة المفضلة او المنع من خرجة بيحبها او فيلم بيحبة و هكذاااا

الخلاصة مفيش قاعدة تقدرى تاخديها ثابتة فى التعاملمع الاطفال بذكائك انتى اللى تعرفى