العلاقة بين ابو العز الحريرى وفساد منظومة التعليم

[Howayda Ismail]

نشطاء يعتزمون إقامة دعوى للطعن على بيع شركة الدخيلة لمجموعة عز - بوابة الشروق

www.shorouknews.com

تعتزم مجموعة من نشطاء المجتمع المدنى، إقامة دعوى قضائية للطعن على الإجراءات التى تم بها بيع شركة الدخيلة للحديد والصلب، لمجموعة عز الاقتصادية، بحسب أبو العز الحريرى، صاحب فكرة إقامة الدعوى. وقال الحريرى لـ «الشروق»: «عملية انتقال الأسهم شابتها أخطاء كثيرة، حيث لم تنتقل بطريقة قانونية

ومن جهة اخرى

القت قوة امنية ظهر امس السبت القبض على ابو العز الحريرى القيادى بالجمعية الوطنية للتغيير

بالاسكندرية اثناء تواجده بالمكتبة التى يمتلكها فى منطقة محرم بك مع مصادرة مئات الكتب

واكد هيثم نجل ابو العز ان من القوا القبض على والده برروا ذلك بوجود كتب دراسية خارجية

بالمكتبة الا ان مظاهر القبض لاتدل على ذلك حيث قسم محرم بك ينفى وجوده فى حوزته منذ القبض عليه

وحتى الان على حد قوله مرجعا سبب القبض علي والده لقيامه بتحرير محضر بنيابة محرم منذ يومين

ضد اللواء محمد ابراهيم مدير امن الاسكندرية بشأن الاعتداء على المتظاهرين فى محرم بك اثناء

تنظيم احدى الوقفات المطالبة ب(التغيير)

من جانبه اشار المركز المصرى للحقوق الاقتصادية والاجتماعية الى ان زوجة ابو العز فوجئت امس وبعد

انتهاء جلسة قضية خالد سعيد ب 4 بوكسات وميكروباصات محملة بالمخبرين والضباط ادعى احدهم

انهم من المصنفات الفنية قبل ان يقتحموا المكتبة ويستولوا على كتب تقدر ب 20 الف جنيه

ويلقون القبض على ابو العز ويقتادوه الى قسم شرطة محرم بك

[شريف مان]

عمار يا مصر

الفساد مستفحل حتى فى الشرطة والجيش

ولنا الله

[se_ Elsyed]

نرجو عدم الإستهزاء بخبر خطير مثل هذا

فامثال أبو العزيز الحريري هما اللي خربوا البلد وجابوها ورا

إنتوا عارفين يعني إيه كُتب ومظبوطات بـ 20 الف جنية ؟

يعني خراب للتعليم ... ولميزانية الدولة

يعني إنتشار الفساد بين الطلبة ...

تخيلوا عيل مفعوص وهو رايح المدرسة ووالعياذ بالله شايل سلاح التلميذ في شنطته .... فبالله عليكم هل هذا العيل هايبقى في خير ؟

برافو وزارة الداخلية

برافو وزارة التعليم

وإلى الأمام حتى تنضف البلد بقى ونخلص

[Howayda Ismail]

بقلم فاروق جويدة

قضية التعليم واحدة من أخطر وأهم قضايا هذا العصر فلا مكان فى المستقبل القريب أو البعيد لشعوب تعيش خارج هذا العصر.. ومهما حققت الشعوب من إنجازات فى مجالات التنمية المختلفة سواء كانت اقتصادية أو اجتماعية فإن التنمية البشرية ستبقى أهم عناصر التقدم لأن صناعة البشر هى القضية الأهم فى مقاييس التقدم الحضارى.. ولأن التعليم هو أهم عناصر التنمية البشرية فإن دول العالم تسعى لتوفير أكبر قدر من الموارد والإمكانات لتحقيق أعلى معدلات التنمية فى عناصرها البشرية.

هناك دول تضع التعليم فى مقدمة أولوياتها رغم أنه استثمار طويل المدى إلا أنه من أكثر أنواع الاستثمار أمانا.. فى دول العالم المتقدم تأخذ قضية التعليم أهمية خاصة رغم كل ما وصلت إليه هذه الدول من مظاهر الرخاء والتطور.. ولقد أصبح هناك ارتباط وثيق بين عناصر التنمية المختلفة ومعدلات النمو فيها وبين قضايا التعليم لأنها أفضل أبواب التنمية الحقيقية.

فى أمريكا واليابان تحتل قضية التعليم أهمية خاصة.. وفى معسكر الدول الناشئة قامت كل إنجازاتها على العملية التعليمية كما حدث فى ماليزيا وتركيا ودول شرق آسيا، ولهذا فإن مستقبل الإنسانية يرتبط فى الأساس بمدى قدرة المجتمعات على توفير عنصر بشرى أكثر كفاءة وقدرة على مواكبة العصر بكل مجالات التفوق والتميز فيه..

من هنا تأتى أهمية قضايا التعليم فى مصر كعنصر من أهم عناصر البداية الصحيحة وللأسف الشديد فإن هذه القضية خضعت زمانا طويلا لمنطق التجارب وتحول أبناؤنا فى أحيان كثيرة إلى حقول للتجارب تشبه ما يجرى على الفئران فى المعامل ومراكز الأبحاث.. فى فترة من الفترات تم إلغاء السنة السادسة من المرحلة الابتدائية وارتبكت مسيرة التعليم الابتدائى.. وبعد سنوات قليلة عادت السنة السادسة ولم نعلم حتى الآن لماذا ألغيت ولماذا عادت.. وشهدت المرحلة الإعدادية أكثر من تجربة ما بين الإبقاء والإلغاء.. ثم انتقلت معامل الفئران إلى المرحلة الثانوية ما بين سنة واحدة للثانوية العامة وثلاث سنوات عجاف.. كان الخطأ الاساسى فى كل هذه التجارب العشوائية أنها لم تقم على دراسات حقيقية ولكنها كانت مجرد اجتهادات شخصية أو أفكاراً طافت فى رأس مسئول..

عبرت الثانوية العامة بين تجارب كثيرة ولم تصل إلى شىء حتى الآن.. ومازالت تخضع لمنطق التجارب فى مناهجها وسنوات الدراسة فيها وأساليب الالتحاق بالجامعات بعد الانتهاء منها..

على جانب آخر، بقيت مناهج التعليم واحدة من أهم ثغرات العملية التعليمية فى مصر لقد تعرضت المناهج لمتغيرات كثيرة ولم نستطع حتى الآن أن نصل إلى منهج دراسى عصرى يقدم أجيالا قادرة على التفكير السليم ومسايرة العصر فى أساليبها وقدراتها.. بقى المنهج التعليمى عندنا يقوم على الحفظ ويقدم لنا أجيالا خارج سياق العصر.. إن اخطر ما فى المناهج الحالية فى التعليم المصرى أنها تقدم نسخة وحيدة من البشر تعتمد على أساليب الحفظ والتلقين دون أن تحاول تجاوز ذلك كله إلى آفاق من البحث والفكر والمعرفة..

بقيت مسافات كبيرة بين الطالب المصرى وزميله فى مدارس العالم المتقدم من حيث استخدام التكنولوجيا الحديثة وتنمية القدرات الذهنية والقدرة على الاستنتاج والتحليل..

وأمام هذه النوعية التقليدية الثابتة من المناهج تجمد دور المدرس المصرى أمام عجز الإمكانات وعدم توافر الوسائل الحديثة وتخلف العملية التعليمية بصفة عامة.. وترتب على ذلك كله ظهور مملكة الدروس الخصوصية وهى من اخطر الأمراض التى لحقت بالعملية التعليمية فى مصر.. إن الدروس الخصوصية فى مصر الآن هى مفتاح النجاح ووسيلة التفوق وأكبر ضمان للحصول على مقعد فى إحدى الكليات الجامعية وليس من الضرورى بعد ذلك أن يكون الطالب صالحا للتعامل مع عصره أم أنه سيعيش خارج نطاق هذا العصر..

وما بين مناهج متخلفة.. ومدرس تجمدت قدراته العلمية والتربوية ودروس خصوصية ظهر الكتاب الخارجى وكان أكبر وسيلة لتأصيل كل مظاهر العجز فى العملية التعليمية حيث يقدم صيغة ثابتة للمناهج وطريقة التدريس وأساليب الفهم وكيف يكون الامتحان.. هذه السلسلة من الأخطاء هى التى تحكم الآن العملية التعليمية ولنا أن نتصور نتاجا بشريا يقوم على الحفظ والتلقين ويغيب فيه دور المدرس أمام مملكة الدروس الخصوصية ثم بعد ذلك نجد أنفسنا أمام صيغة ثابتة من الامتحانات لا تتغير..

ومنذ ثمانية شهور هبط على وزارة التربية والتعليم د. أحمد زكى بدر وظهر الرجل على الساحة يمتطى جوادا ويقتحم حجرات المدارس ويطارد المدرسين والطلاب والنظار.. ويخصم راتب هذا وينقل ذاك.. وبدأ مسلسلا من التحذيرات والتهديدات والوعيد حتى أن البعض تصور أن الرجل يطبق قواعد الشرطة وليس التربية والتعليم.. استوعب الشارع المصرى حماس الوزير الجديد وبعد فصل طويل من التحذيرات والتهديدات والوعيد بدأ وزير التربية والتعليم يمهد الطريق لأحلامه وهى بكل تأكيد أحلامنا جميعا.. فى المرحلة الأولى من النشاط البوليسى للوزير لم أحاول أن أتفهم ما يحدث وقلت إنها نشوة المنصب الجديد وعلينا أن ننتظر ما بعد سكون العاصفة..

فى لحظة واحدة بدأ الوزير الجديد يسدد الضربات فى أكثر من اتجاه..

بدأ معركة ضارية ليحقق قدرا من الانضباط داخل المدرسة.. أن تكون هناك مواعيد ثابتة وملزمة للحضور والغياب للطلاب والمدرسين وأن تكون هناك نسبة ثابتة للحضور حتى يمكن للتلميذ أن يؤدى الامتحان وهى لا ينبغى أن تقل عن 75%.

وعندما زار الوزير عددا من المدارس لم يجد المدرسين ولا النظار ولا التلاميذ وبدأ رحلة جديدة ليعيد كل هؤلاء إلى حوش المدرسة مرة أخرى..

فى نفس اللحظة بدأ د.أحمد زكى بدر معركة أخرى فى طبع الكتب المدرسية مع الناشرين وأصحاب المطابع.. واشتدت الأزمة بين الطرفين وقرر الوزير وضع سياسة جديدة لطبع الكتب المدرسية تعتمد فى الأساس على مطابع الحكومة رغم أن هناك عشرات الآلاف من العمال والموظفين الذين يعملون فى المطابع الخاصة وهؤلاء مهددون فى حياتهم وأرزاقهم..

لم يكتف الوزير بهذه الجبهات ولكنه سرعان ما اتجه إلى معركة أخرى مع أصحاب الكتب الخارجية حيث طالبهم بدفع رسوم للوزارة بمئات الملايين من الجنيهات.. واشتدت الأزمة بين الوزير وبين أصحاب الكتب الخارجية والأمر الآن معروض على القضاء.. الوزير يرى أن من حق الوزارة أن تضع ضوابط وتقرر رسوما وتراجع هذه الكتب علميا وأصحاب المكتبات يقولون إن المادة العلمية ملك للبشرية وليس لوزارة التربية والتعليم أى وصاية عليها..

وفى معركة واحدة وجد أحمد زكى بدر نفسه أمام أصحاب المطابع ودور النشر والكتب الخارجية وحالة الانفلات فى المدارس حيث لا حضور ولا انصراف ولا رقابة.. وهناك معركة أخرى ينتظرها الوزير مع مملكة الدروس الخصوصية فى كل محافظات مصر..

فى تقديرى أن د. أحمد زكى بدر قد وسع كثيرا دائرة مواجهاته.. سوف أفترض أن الوزير وضع بالفعل خطة مدروسة لتطوير العملية التعليمية ولكن الواضح أن الوزير بدأ بالشكل والمظهر فى حين أن الفساد الحقيقى فى جوهر العملية التعليمية..

إن الأزمة الحقيقية ليست فى حضور أو غياب المدرس ولكن المشكلة فى عقل وتكوين هذا المدرس وقدراته العملية والتربوية..

إن الأزمة الحقيقية ليست فى حضور التلاميذ أو غيابهم ولكن المشكلة الحقيقية فى المناخ الذى يتعلم فيه التلميذ ويتلقى دروسه..

إن الأزمة الحقيقية ليست فى توفير جهاز الكمبيوتر ولكن فى قدرات التلميذ والمعلم القادر على استخدام هذا الجهاز العصرى المتطور..

لقد أعلن وزير التربية والتعليم أنه قام بتدريب 800 ألف مدرس من بين مليون و200 ألف مدرس منذ تولى المسئولية الوزارية.. هل يعنى ذلك أن وزارة التربية والتعليم قامت بتدريب 100 ألف مدرس فى الشهر.. أى أكثر من 3000 مدرس فى اليوم.. وأين تدرب هؤلاء وعلى أى شىء تم تدريبهم؟، إن تدريب لاعب الكرة يحتاج إلى شهور وشهور ونحن أمام مدرس يحتاج إلى تدريب فى اللغة وطريقة التفكير واستخدام التكنولوجيا وأساليب التعليم الحديثة والوسائل النفسية والذهنية للعملية التعليمية فهل يعقل أن الوزير الحالم قام بتدريب 800 ألف مدرس منذ تولى الوزارة وفى 8 شهور؟.

إن الوزير يقول إنه قدم للمدرسين خبرات جديدة فى تكنولوجيا المعلومات والمعامل والكمبيوتر وهذه البرامج تحتاج إلى تدريبات عملية وهى أيضا تحتاج إلى عامل الوقت فكيف توافر ذلك كله فى 8 شهور لأكثر من 800 ألف مدرس؟..

نأتى إلى منطقة أخرى من الساحة الواسعة التى فتح فيها الوزير معاركه.. لقد أعلن الحرب مرة واحدة على جبهتين.. الجبهة الأولى هى أصحاب المكتبات والناشرين الذين يقومون بطبع ملايين الكتب المدرسية للوزارة.. كان ينبغى أن يتدرج الوزير فى خطوات استغناء الوزارة عن هؤلاء خاصة أن هناك آلاف الأسر التى تعيش من العمل فى هذه المطابع.. على جانب آخر فإن معركة الوزير مع الكتب الخارجية كان من الممكن أن تتم فى ظروف وأساليب أفضل خاصة أن الوزير رفض الحوار مع ممثليهم لتوضيح مواقفهم مما جعلهم يلجأون إلى القضاء..

إن الكتب الخارجية تباع الآن فى السوق السوداء فى كل المكتبات والوزير يعتبرها تجارة غير مشروعة وسوف يلجأ إلى قوات الأمن لمطاردة الكتب الخارجية ومصادرتها وإلقاء القبض على أصحابها..

وما بين معارك أصحاب المطابع ومطاردة أصحاب الكتب الخارجية واقتحام المدارس ونقل النظار ومعاقبة المدرسين والتلاميذ تبدو رحلة الدكتور أحمد زكى بدر لمرحلة جديدة لإصلاح أحوال التعليم فى مصر.. إن أخطر ما فى هذه الرحلة أنها بدأت بالمطاردات والمعارك فى مجال يحتاج إلى الفكر والعقل والفهم والتوافق..

إن فصل مدرس أو ناظر أو تلميذ ليس هو الحل الأمثل لتطوير التعليم فى مصر، ينبغى أن يسبق ذلك خطوات أخرى كثيرة..

كان ينبغى أن تتشكل لجان علمية لمراجعة جميع المناهج بالمراحل التعليمية المختلفة ليس من الضرورى أن نبدأ هذا العام ولكن المهم أن تتخلص المناهج من الحشو وأساليب الحفظ والتلقين وأن نقدم للتلاميذ مناهج عصرية تشجعهم على التفكير والتميز..

كان ينبغى أن نبدأ مرحلة جديدة لتطوير الأساليب التعليمية باستخدام التكنولوجيا الحديثة وأن تتوافر هذه الأساليب للتلاميذ بدرجة كافية أن جهاز كمبيوتر واحد لكل مدرسة لا يمكن أن يمثل تطورا حقيقيا كما أن مدرسا واحدا فى المدرسة قادر على استخدام هذا الجهاز لا يكفى..

كان ينبغى أن نضع أولوية خاصة للتكدس الرهيب فى الفصول الدراسية لأنها تحولت إلى ما يشبه علب السردين فى الزحام بين التلاميذ الذين يجلسون على الأرض أحيانا وفى الطرقات معظم الأحيان..

كان ينبغى أن نضع خططا للنهوض بالمواد الأساسية التى تشكل وجدان التلاميذ وتنمى إحساسهم بالانتماء وهى اللغة العربية والتاريخ والجغرافيا والتربية الوطنية والدينية.. لقد جاءت لنا الوزارة بمادة جديدة اسمها الأخلاق بدلا من التربية الدينية ولا أعتقد أن هناك فارقا كبيرا بين المادتين لأن الدين فى أساسه دعوة أخلاقية قبل أن يكون طقوسا وعبادات..

يجب أن نحافظ على ذاكرة الأجيال الجديدة فى تاريخها وأحداث وطنها وقضايا أمتها..

كان ينبغى أن نبدأ مرحلة جديدة لإعداد مدرس متميز فى فكره وأسلوبه وتعامله مع أدوات العصر، لقد أرسلت وزارة التربية والتعليم بعض البعثات لتدريب المدرسين بالخارج وهذه الأعداد لا تكفى لأن الفساد الذى لحق بمنظومة التعليم فى مصر يحتاج إلى أعداد رهيبة من المدرسين المدربين القادرين على النهوض بالتعليم فى مصر..

بعد ذلك فإن قضية الجوهر هى الأساس وليس الشكل..

لقد كان الوزير حريصا على تحقيق الانضباط فى وزارته وهذا أمر مطلوب ولكن هذا الانضباط لا يمكن أن يعطى نتيجة طيبة أمام جدران تتهاوى.. وزحام لا يطاق ومدرس يكره مهنته ومدرسة تسبح فى المجارى..

إننى أشفق على أحلام وزير التربية والتعليم لأننى أشاركه كل هذه الأحلام ولكن الوزير بدأ رحلته مع التطوير والتحديث بالمظاهر الخارجية رغم أن بيت الداء يكمن فى جوهر الرسالة التعليمية..

نريد المدرس الذى يؤمن بدوره ورسالته ولا يهرول إلى مملكة الدروس الخصوصية..

ونريد التلميذ الذى يحب مدرسته..

ونريد المدرسة التى توفر للتلاميذ قدرا من الإنسانية..

نريد مناهج تعيدنا إلى العصر ولا تجعلنا نهرب منه..

كل هذا يحتاج إلى الوقت والدراسة والإعداد وقبل هذا يحتاج إلى مجتمع يوفر قدرا من العدالة لأبنائه بحيث لا نجد تلميذا يدفع نصف مليون جنيه لكى يدخل المدرسة وآخر لا يجد رغيفا نظيفا يبدأ به يومه الدراسى..

وقبل هذا كله نريد تلاميذ يحبون هذا الوطن ويشعرون أنهم أصحاب حق فيه.. وهذا الإحساس لا يمكن أن يتوافر وهناك من يسكن منتجعات القطامية وآخر يعيش فى منتجعات الخنازير..

[nightmare]

نرجو عدم الإستهزاء بخبر خطير مثل هذا

فامثال أبو العزيز الحريري هما اللي خربوا البلد وجابوها ورا

إنتوا عارفين يعني إيه كُتب ومظبوطات بـ 20 الف جنية ؟

يعني خراب للتعليم ... ولميزانية الدولة

يعني إنتشار الفساد بين الطلبة ...

تخيلوا عيل مفعوص وهو رايح المدرسة ووالعياذ بالله شايل سلاح التلميذ في شنطته .... فبالله عليكم هل هذا العيل هايبقى في خير ؟

برافو وزارة الداخلية

برافو وزارة التعليم

وإلى الأمام حتى تنضف البلد بقى ونخلص

اتفق وأختلف معك يا سي السيد , أتفق معك أن قضية القضاء على الكتب الخارجية ضرورة وأنها أحد أسباب خراب العملية التعليمية.

لكن قبل أن نحيي وزير التعليم على ما فعله كان لابد أن نحييه أولاً إذا قام بتطوير الكتب المدرسية وجعلها في نفس قوة الكتب الخارجية , قبل أن يأخذ قرار مثل هذا كان عليه توفير البدائل الحكومية القوية السلسة والميسرة التى يستطيع الطالب من خلالها إستيعاب المنهج وتدربه على حل كافة الأمثلة والتمارين.

ما ينفعش خالص من وجهة نظري انك تيجي على واحد بقالك 30 سنة بتديله هيروين وتحقنه كوكايين لحد ما بقي مدمن وفى يوم وليلة كده تمنعها عنه وترميه في الشارع او تقوله خدلك برشامتين بندول او اسبرين بدلهم, لان دي مش طريقة علاج.

ثم ان الموضوع له بعد إجتماعى آخر , كام عامل ومطبعجي وكم قيمة رؤووس الأموال القائمة على هذه المشروعات حتى يتم اهدارها بكل سهولة هكذا, وأن ينضم هؤلاء الى طابور العاطلين من الشباب وممن خرجوا معاش مبكر.

مين فينا ينكر ان كل اعتمادنا في تعليمنا كان على الكتب الخارجية من سلاح التلميذ والمعاصر والأضواء ولامى و Bit By Bit وغيرهم.وان مفيش حد فينا كان بيفتح كتاب الوزارة الا فيما ندر.

الموضوع من وجهة نظري تم علاجه بشكل خاطيء وبشكل إدارى متخبط ومتسرع وبدون دراسة مستفيضة لكل ابعاد الموضوع.

مع تحياتى

تم تعديل 26 سبتمبر 2010 بواسطة nightmare

[Howayda Ismail]

نرجو عدم الإستهزاء بخبر خطير مثل هذا

فامثال أبو العزيز الحريري هما اللي خربوا البلد وجابوها ورا

إنتوا عارفين يعني إيه كُتب ومظبوطات بـ 20 الف جنية ؟

يعني خراب للتعليم ... ولميزانية الدولة

يعني إنتشار الفساد بين الطلبة ...

تخيلوا عيل مفعوص وهو رايح المدرسة ووالعياذ بالله شايل سلاح التلميذ في شنطته .... فبالله عليكم هل هذا العيل هايبقى في خير ؟

برافو وزارة الداخلية

برافو وزارة التعليم

وإلى الأمام حتى تنضف البلد بقى ونخلص

للاسف احنا من اللى الجيل اللى اتربى على الكتب الخارجية ومازلنا نشترى لاولادنا هذه الكتب

ده مش دفاع عنها لكن ايه اللى عملته الوزارة عشان تحبب الاولاد فى كتاب المدرسة الممل اللى

مليان حشو قليل التدريبات وموجز جدا فى شرح المفردات عكس الكتاب الخارجى

وسياسة التعليم عندناطول عمرها قائمة على التلقين والاسطمبة مش البحث والفهم

يعنى تغيير المنظومة يجى خطوة خطوة تطور الكتب الاول وبعدين تمنع الكتب الخارجية

وللعلم مؤلفى هذه الكتب هم نخبة من كبار وزارة التربية والتعليم نفسها ومعظم الامتحانات الشهرية

والتيرمات توضع من الكتب الخارجية

اما بالنسبة لخبر الحريرى لو اتقبض عليه بخصوص الكتب فعلا فده عادى مع ان جميع المكتبات

بلا استثناء تبيع الكتب الخارجية الان بكميات رهيبة ولم يتعرض لها احد

لكن انهم يعملوا السبب ده حجة بعد محاولته اقامة دعوى ضد احمد عز اومدير امن اسكندرية

تعتبر محاولة خايبة من الحكومة فى تكميم الافواه

[se_ Elsyed]

اتفق وأختلف معك يا سي السيد , أتفق معك أن قضية القضاء على الكتب الخارجية ضرورة وأنها أحد أسباب خراب العملية التعليمية.

لكن قبل أن نحيي وزير التعليم على ما فعله كان لابد أن نحييه أولاً

يا ريس مش لما بيبقى يتكلم عن جودة الكتاب ولا تخريب مش عارف إيه ؟

الراجل كل كلامه عن السبوبة اللي بتطلع لبتوع الكتب الخارجية وعن حقوق الملكية الفكرة لكتاب المدرسة المعفن اللي بيتلف فيه طعميه وإن الوزارة بتاخد كام قشفور بس وهما بيهبروا ملايين ؟

وأهو بالصدفة .. هو مكون لجنه لقياس جودة التعليم ... نفس ذات اللجنة لسه أول أمبارح رافعه له تقرير عن رداءه الكتاب المدرسي .. وشكلهم نصحوه إنه يبقى ورق تواليت أو يقطعوه ويعملوا به زينة رمضان

وأهو نوفر والله الملايين بتاعت الطباعة

عيب ... دي هيافه يا نايتمير .... هيافة ومحاربة لطواحين الهواء وأختلاق مشاكل فوق المشاكل ....

كان أولى به أنه يطور الكتاب المدرسي الأول ويتسفيد من جمال الكتاب الخارجي ويعمل زيه أو ربعه في الكتاب المدرسي وبعدها يشنق اللي يهرب كتاب مدرسي أو يتعاطاه في الحمام

تخيل يا نايت إن مؤلف كتاب المُعاصر للرياضيات اللي كان أشهر كتاب رياضة في ثانوي .. وهو الأستاذ حسين جاويش .. كان مدير مدرستنا في ثانوي ؟

يعني العمالقة دول مش جايين من المريخ أهو ؟

لكن لما تُعطي الأمر لغير أهله ... يبقى أشرب يا معلم

بتاع إيه يجيب أساتذة جامعة معقدين نفسياً يألفوا كتب المدرسة ويضعوا الأمتحانات ؟

في حين إن الناس اللي إيدهم في الموضوع وفي المطبخ طول اليوم سايبهم قاعدين على القهاوي ويألفوا كتب خارجية وداخلية وبحمالات ؟

بالله عليك شوفته مره بيتكلم عن مآساة الدروس الخصوصة ؟

يا راجل بلا قرف

[se_ Elsyed]

هي كميا يا جماعة ؟

فين الدولة اللي زينا في العالم كله بيحصل فيها كده في التعليم ؟

فين الدولة اللي بيتحرم فيها الأولاد من اللعب في أجازة الصيف عشان يا عيني لازم يحجزوا عند أستاذ الدرس الخصوصي اللي بيبدأ معاهم من الصيف وإلا يترموا عالرصيف لأنهم ما حجزوش بدري ؟

فين الدولة اللي التلميذ فيها من أولى أبتدائي بياخد درسين خصوصين في نفس المادة ... أولى إبتدائي يا ظلمه ؟!!!!!!!!!!!!!

1- درس عشان أعمال السنة والتقييم وده عند أستاذ المادة حتى لو كان حمار لإن في إيده يُحيي ويميت الطالب أستغفر الله العظيم .... إحنا لحقنا العصر ده على فكرة ... ولسه متذكر أستاذ اللغة الفرنسية في أولى ثانوي وهو في أول شهر مسقطنا كلنا وبيقولها لنا وش كده من غير كسوف " اللي مش هايدخل درس خصوصي عندي هاسقطه " .. وبالرغم من إني نسيت كل أسامي زملائي اللي اكتر من 40 واحد في نفس الفصل .. إلا أني لازلت أتذكر زميلي الخلوق " محمد عبد الله " اللي صمد ولم يأخذ درس فرنساوي طول العام.... كانت أول سنة دراسة للغة دي بالمناسبة .... وصاحبنا حطه في دماغه وأمامنا جميعاً طلعه على السبورة وسأله في المنهج كله ... نركز مع بعض ... بأقول كانت أول مره ندرس المادة يعني كلنا المفروض ميييييييح ... والواد شكله كان من مدارس فرنسية وجاوب كل الأسئلة لدرجة أفحمت الراجل وخلانا نسقف له ...

2- درس تاني عند أستاذ كويس عشان يفهم التلميذ يفهم المادة

ما هذا الهراء والتخريب المتعمد من ناس هم أشد قسوة علينا من أعداءنا الخارجيين ؟

فين الدولة اللي فيها مليارات تنفق على كتب خارجية ودروس خصوصية ويرجع يقول لك مجانية التعليم والتعليم كالماء والهواء ..

بس فعلاً هو ماء وهواء ملوث ككل شيء في عصر مبارك

على فكرة أكاد أكون أعلم ما يفعله بالتفصيل من زملاء لي يعملون معه في الوزارة ....

رجل أهوج وقليل الأدب وسليط اللسان حتى مع مساعديه . وفاكر التطوير هو إنك ترفد ده وتنقل ده وتهزأ ده وتشك في كل اللي حواليك وفي نفس الوقت تجيب شلة الأنس اللي بتثق فيهم وترستقهم في الأماكن دي ..... وهو مبدأ معروف من ايام الزعيم عبد الناصر " تقريب أهل الثقة ولو حتى بياكلوا برسيم .... وأستبعاد أهل الخبرة حتى لو كانوا فاهمين وعارفين "

وسلم لي على ألف باء إدارة

[nightmare]

يا ريس مش لما بيبقى يتكلم عن جودة الكتاب ولا تخريب مش عارف إيه ؟

الراجل كل كلامه عن السبوبة اللي بتطلع لبتوع الكتب الخارجية وعن حقوق الملكية الفكرة لكتاب المدرسة المعفن اللي بيتلف فيه طعميه وإن الوزارة بتاخد كام قشفور بس وهما بيهبروا ملايين ؟

طالما بيتكلم على السبوبة وخلاص يا سي السيد يبقي مش هدفه الإصلاح , لأ يبقي هدفه انه يقاسمهم فيها, طب ما الأولى بيه انه يمنع وكلاء وزارته من تولى رئاسة المطابع , تعرف انتا يا سي السيد ان رئيس قطاع الكتب في الوزارة هو نفسه رئيس مجلس إدارة المطابع الأميرية.

وأهو بالصدفة .. هو مكون لجنه لقياس جودة التعليم ... نفس ذات اللجنة لسه أول أمبارح رافعه له تقرير عن رداءه الكتاب المدرسي .. وشكلهم نصحوه إنه يبقى ورق تواليت أو يقطعوه ويعملوا به زينة رمضان

وأهو نوفر والله الملايين بتاعت الطباعة

انا على فكرة أحد المهندسين في الوزارة قبل ما اهرب بجلدى على الخارج , واقولك يا سي السيد ان اسهل حاجة داخل الوزارة هو تشكيل اللجان "سبوبة حلوة جداً" وكنا بنتعارك ونجيب وسايط بالهبل علشان ندخل في أى لجنة من لجنة امتحانات او لجنة كنترولات او لجنة جودة وغيرها , شغل مفيش وفلوس بالراحة , ولا يتم النظر لاى توصيات تصدر من اى لجنة يعني من الآخر حبر على ورق وخلاص وشو إعلامى كويس.

عيب ... دي هيافه يا نايتمير .... هيافة ومحاربة لطواحين الهواء وأختلاق مشاكل فوق المشاكل ....

كان أولى به أنه يطور الكتاب المدرسي الأول ويتسفيد من جمال الكتاب الخارجي ويعمل زيه أو ربعه في الكتاب المدرسي وبعدها يشنث اللي يهرب كتاب مدرسي أو يتعاطاه في الحمام

تخيل يا نايت إن مؤلف كتاب المُعاصر للرياضيات اللي كان أشهر كتاب رياضة في ثانوي .. وهو الأستاذ حسين جاويش .. كان مدير مدرستنا في ثانوي ؟

يعني العمالقة دول مش جايين من المريخ أهو ؟

لكن لما تُعطي الأمر لغير أهله ... يبقى أشرب يا معلم

بتاع إيه يجيب أساتذة جامعة معقدين نفسياً يألفوا كتب المدرسة ويضعوا الأمتحانات ؟

في حين إن الناس اللي إيدهم في الموضوع وفي المطبخ طول اليوم سايبهم قاعدين على القهاوي ويألفوا كتب خارجية وداخلية وبحمالات ؟

بالله عليك شوفته مره بيتكلم عن مآساة الدروس الخصوصة ؟

يا راجل بلا قرف ؟

حيرتنى يا سي السيد , ما انتا كده بقي متفق معانا في كلامنا , بس احب ازيد ان لابد له من إصلاح البيت من الداخل أولاً وأن يمنع مستشاريه ووكلاء وزراءه من المشاركة في هذه الجريمة أولاً , وأن يعتمد على كما قلت على أبناء التعليم أولاً في إصلاح كوارث وعيوب الكتاب المدرسي, وأن يعتمد عليهم في وضع الإمتحانات وغيرها.

مشكلة التعليم مش في الكتب الخارجية وفقط , ولو عاوز فلوس فيقفل الحنفية المفتوحة في الوزارة واللى عمال ينهب منها كل من هب ودب , تعرف حضرتك ان رئيس كنترول الثانوية العامة تتخطي بدلاته حاجز ال 60 الف جنيه في شهر واحد , وكذلك نائبه ووكلاء الوزارة وغيرهم, تعرف ان فيه في ديوان الوزارة وفقط ما يزيد عن 3000 شخص تم تعينهم بعقود وكلهم اما ابن رئيس قسم كذا او بنت مدير قطاع كذا , لدرجة ان فيه ادارات كاملة مستحوذه عليها عائلات بأكلمها الأب وابناءه واولاد خالته وعمته . حاجة تقرف على رأيك.

مع تحياتى

تم تعديل 26 سبتمبر 2010 بواسطة nightmare

[se_ Elsyed]

والله ما هي فنجرة بوء ولا خيالات وأوهام ... أنا شخصياً ممكن أطور منظومة التعليم دي كلها في يوم واحد .....

أقل حاجه أعملها إني أستفيد من تجارب الأخرين وأخرهم ماليزيا

أقل حاجه أعملها إني أسند الأمر لأهله والخبراء فيه

أقل حاجه أعملها إني أسيبني من وهم مجانية التعليم والمصاريف الوهمية أم 30 ج في حين إن نفس الناس دي بينفقوا الاف مؤلفه سنوياُ على نفس الطالب اللي بيندفع له 30 ج .... ومش هانقول نخيلها ألاف ... لأ .. على الأقل 500 ج مثلاً ولو بالتقسيط مع إعفاء الحالات التي تستحق الدعم ...

ونطور الكتب العبيط بتاعت الطعمية ....

وندفع مرتبات زي مخاليق الله للمدرسين ... ونعوضهم أيضاً على شكل مجموعات تقوية إختيارية في المدارس للطلبة الراغبين في ذلك ونزود دخلهم بشكل معقول ..

ونُجرم الدروس الخصوصية والمراكز العشوائية ..

ونشيل الحشو اللي في الكتب ونركز على المواد المفيدة والمؤهلة لسوق العمل

ونوسع الإعتماد على النت والقنوات التليفزيونية التعليمية اللي مجهولة وماحدش يعرفها وكأنها سرية

[جسار]

منذ عشر سنوات مضت وقبل تركى للعمل فى الفنارات فى مصر كنت أعمل فى أحدى تلك المنائر

فى البحر الاحمر لايعرفها معظم المصريون ولكن الاجانب المهتمون برياضة الغطس يعرفونها

جيدا عن طريق النشرات السياحية وأفلام الدعاية هى ومناطق أخرى فى مصر ، المهم أننى

فى مقابلاتى مع هؤلاء كنت حريصا على التحاور معهم ومعرفة أنماط حياتهم وطرق تفكيرهم

وفى أحد المرات وجدت صبى أمريكى لايتجاوز التاسعة من عمره جاء مع والده وأخوه الاكبر

وبعد أنتهائهم من القيام بالغطس وجدته يخرج أسكتش (كراسة رسم ) وأخذ فى رسم مجموعات

من الاسماك والكائنات البحرية ويكتب تحتها بعض التعليقات وعندما أقتربت منه وهومازال

يرسم وسألته عن ما يفعله فرد على بأنه يسجل كل ما رآه فى البحر خلال غطسته الاخيرة

وقلت له متعجبا لماذا هذا التعب فهذه الكائنات تم تصويرها من قبل ويتم بثها فى البرامج

المتخصصة ك أنيمال بلانت أو جيوجرافيك ديسكفرى فقال لى أنه يرسمها ويسجلها لاجل تقديمها

العام الدراسى القادم فى امريكا لانه مطلوب من كل الطلاب تقديم أبحاث عن أى شئ رأوه أو سمعوه

أو خالطوه وهذا سيكون بحثه الخاص عن رحلته للبحر الاحمر مع والده ....

كنت أعلم أن التعليم عندنا متخلف ولكننى لم أدرك مدى هذا التخلف الا حينما قابلت ذلك الصبى

فالموجود فى مصر ليس تعليما حديثا ولكن كتاتيب أو شكل متطور من كتاتيب القرن التاسع عشر

لأن كل العملية التعليمية عندنا قائمة على الحفظ وأستعادتة ما حفظه الطلاب وألقاؤه على ورقة

الاجابة فى أمتحان نهاية العام ، وللأ غرب أن أولياء الامور يصدقون أنفسهم حينما يندبون حظهم

العاثر فى حالة عدم بلوغ أولادهم للمجموع العالى المطلوب ويسوقون مبررات غريبة : الواد أبنى

أيه اللى خيبه وخلاه يجيب المجموع الزفت ده مع أنه والله ذكى جدا !!!!!!!

ولا يقول أحدا بأن مستويات الذكاء مختلفة ومتعددة وألا لكان كل أبناؤنا لاصبحوا جميعا من العباقرة

والاهم لايهاجم أحدا طرق تعليم الكتاتيب ويقول أنها لاتنمى ذكاء الطالب ولاتخلق فيه روح البحث

ونزعة النقد والاختلاف ، بمعنى لو أصاب الطالب يوم الامتحان أى شئ مثل المغص أو التعب أو

النسيان أصبح فى لحظة ضمن قبيلة الاغبياء والمتخلفين أو على الاكثر ينضم لطابور ذوى المجاميع

المتوسطة والتى لاترضى طموح وغرور وعقد نقص الآباء ....فهل هذا تعليم نتعامل معه فى هذا العصر

أذا ما أردنا القيام للحاق بالحضارة البشرية فلابد لنا من علاج سيقاننا وأرجلنا الاثنين

التعليم والصحة .

[nightmare]

والله ما هي فنجرة بوء ولا خيالات وأوهام ... أنا شخصياً ممكن أطور منظومة التعليم دي كلها في يوم واحد .....

أقل حاجه أعملها إني أستفيد من تجارب الأخرين وأخرهم ماليزيا

أقل حاجه أعملها إني أسند الأمر لأهله والخبراء فيه

أقل حاجه أعملها إني أسيبني من وهم مجانية التعليم والمصاريف الوهمية أم 30 ج في حين إن نفس الناس دي بينفقوا الاف مؤلفه سنوياُ على نفس الطالب اللي بيندفع له 30 ج .... ومش هانقول نخيلها ألاف ... لأ .. على الأقل 500 ج مثلاً ولو بالتقسيط مع إعفاء الحالات التي تستحق الدعم ...

ونطور الكتب العبيط بتاعت الطعمية ....

وندفع مرتبات زي مخاليق الله للمدرسين ... ونعوضهم أيضاً على شكل مجموعات تقوية إختيارية في المدارس للطلبة الراغبين في ذلك ونزود دخلهم بشكل معقول ..

ونُجرم الدروس الخصوصية والمراكز العشوائية ..

ونشيل الحشو اللي في الكتب ونركز على المواد المفيدة والمؤهلة لسوق العمل

ونوسع الإعتماد على النت والقنوات التليفزيونية التعليمية اللي مجهولة وماحدش يعرفها وكأنها سرية

والله أنا عاوز أنط في الشاشة أبوسك وأرجع تانى clp:: أرفعلك القبعة :hi: انتا استاذ ورئيس قسم كمان.:flr1:

أوجزت وأنجزت بصراحة وقلت المفيد وجبت من الآخر.

مع خالص تحياتي

[Howayda Ismail]

فى حاجة مش عارفة تضحك ولاتبكى

عندى بنتى فى 3 اعدادى ودول اللى اتطبق عليهم المنهج الجديد من اول صف اولى اعدادى

والله المناهج زى الزفت ونازلهم اللى كنا بنخده فى ثانوى

هى بدات الدروس من اول شهر 7 وفى مادة العلوم اخدوا باب كامل فى الفيزياء ولانها

صعبة اتهروا اسئلة وامتحانات واضرب الكتير منهم على مدار شهرين

ومع دخول المدرسة فوجئوا ان الباب ده اتلغى من المنهج

العيال كانت بتعيط من اللى حصلهم لدرجة ان فى بنات من اللى اضربوا قالوا

للمدرسة احنا لينا عند حضرتك عدد العصيان اللى اضربناها على حاجة ملغية

يعى لو غلطنا الفترة اللى جاية تخصمى من اللى اضربناه..... بيضحكوا معاها

المشكلة ان لو حبينا نبدا الدروس من اول العام الدراسى بيكون العدد كمبليت

يعنى تحجز بدرى يامتلقيش مكان

المشكلة التانية مش عارفة تاخد نفسها من المدرسة ولا الدروس لان المنهج كبير وتقيل

والنتيجة انها بدات تغيب من المدرسة من اول اسبوعين عشان خاطر الدروس

زى مايكون قاصدين يكرهوا العيال فى التعليم

كفاية كده وبلاش نتكلم على مصاريف الدروس !

[se_ Elsyed]

كتاتيب ؟؟؟؟

طب ياريت يا جسار إننا نحصل ربع اللي كان بيحصل في الكتاتيب

ولاحظ إنها خرجت عمالقه أبهروا العالم ..

ولاحظ إنها ما كانتش حرب وبالمجموع وكُتاب التنسيق وكُتاب خصوصي وكُتاب خاص والكلام ده

ولاحظ مين كان بيروح لمين ؟

هل الكُتاب كان بيروح للناس عشان يتعلموا ؟

ولا الناس اللي كانت بتروح الكُتاب عشان تتعلم وتتنور ؟

يا راجل بُص للناس اللي إتعلموا قبل الثورة ..

والدي الله يرحمه بدأ مرحلته التعليمية في الأرياف ... وأرياف أرياف يعني ... يعني زمان دي تلاقيها كانت مجاهل وما حدش بيعرف يوصل لها ... غير دلوقت مواصلات وبتاع وتحضر ... ومع ذلك وصل للصف السادس الأبتدئي قبل الثورة .... ولم يستكمل تعليمه كعادة أغلب أهل الريف ... ومع ذلك كان بيقرا ويكتب بشكل أكثر من ممتاز .. وخطه جميل جداً وبيعرف إنجليزي بسيط كمان وكانوا بيدرسوا رسم ... تخيل ؟

تخيل يا جسار بيه إني شوفتهم في السبعينات عندنا في البلد بيكتبوا على غطا صفيحة السمنه الكبيرة بعد ما يتقطع ويتهذب .. وبيجيبوا قلم كوبية حاجه أشبة بالعصايا اللي لها سن .. والعيل يبل القلم بفمه ثم يغمسة في الحبر ويكتب عليه فكان يرجع البيت أخر النهار ووشه وهدومه غرقانه حبر

ومع ذلك كان في ضمير ... وكان في إحترام للخوجه أو المُدرس أكثر يمكن من إحترام الأهل نفسهم وكان المُعلم ده إسمه بس بيربي الرعب للطلبة من إحترامه وإجلاله

يا راجل في دولة فاشلة تعمل حاجه أسمها دبلوم معلمين وتاخد الساقطين والفشلة بتوع إعدادي وتدخلهم أربع سنين دبلوم وبعدين يتخرجوا مدرسين إبتدائي وأعدادي يعني بيسأسسوا النشأ الصغير؟

هي إتلغت دلوقت .. لكن أنا شوفت زمايل لي كانوا بيشربوا سجاير في إعدادي ومن افشل البشر .. ويادوب جاب 50 % من إعدادي ودخل معلمين وطلع أستاذ زي الفل وهايخرج أجيال زي الفل من تحت إيده طبعاً ؟

يا راجل في حاجه إسمها دولة تختار وزير تعليم كل مؤهلاته إنه دكتور أطفال وكان بيدي حقن لأطفال الرئيس فزوجة الرئيس - الملكة الأم - رشحته عشان يبقى وزير تعليم لإن إيده خفيفة في الحقن والعيال صحتها بتيجي على علاجه ...ويكبس على نفسنا سنوات طويلة هي ستوات عجاف للتعليم ...... في كده في كوكب المريخ حتى ؟ أقصد حسين كامل بهاء الدين طبعاً

[se_ Elsyed]

بس كده بدانا نحط إيدنا على مكمن الفشل في المنظومة التعليمية

إخلاء سبيل أبو العز الحريرى النائب السابق لرئيس حزب التجمع السابق وعضو الجمعية الوطنية للتغير من سراى النيابة وبدون ضمانات بعد أن وجهت له النيابة تهمة عدم وجود طفاية حريق أو بطاقة ضريبية وبيع كتب دراسية خارجية بدون ترخيص فى المكتبة التى يملكها

[Howayda Ismail]

كل اللى بيحصل ده من منظومة التعليم الفاشلة سياسة موضوعة عشان نفضل فى حالة البلاهة والتخلف

اللى اصابتنا على مدار 3 عقود فاتت ويبقى جيل الشباب الصاعد ضايع ومهيس اولا من ناحية التعليم السئ

ومن ناحية تانية مضروب بالمخدرات

للاسف نصف خريجى الجامعة دلوقت ان لم يكن كلهم مش بيعرف يكتب ولايفرق بين الذال والزاى

ولا التاء والطاء مستوى الفكر زفت والكتابة زفتين وزاد من الخيبة موضة الكتابة الجديدة

واللى انتشرت بين الشباب وعلى الفيس (الفرانكو) وهى الاستعاضة بالارقام الاجنبية والحروف

الانجليزية للتعبير عن الكلمة العربية فى محاولة للقضاء على اللغة العربية

مش حينصلح حال البلد ابدا طول ماسياسة التعليم دى موجودة وهو المطلوب اثباته!

[nightmare]

كل اللى بيحصل ده من منظومة التعليم الفاشلة سياسة موضوعة عشان نفضل فى حالة البلاهة والتخلف

اللى اصابتنا على مدار 3 عقود فاتت ويبقى جيل الشباب الصاعد ضايع ومهيس اولا من ناحية التعليم السئ

ومن ناحية تانية مضروب بالمخدرات

للاسف نصف خريجى الجامعة دلوقت ان لم يكن كلهم مش بيعرف يكتب ولايفرق بين الذال والزاى

ولا التاء والطاء مستوى الفكر زفت والكتابة زفتين وزاد من الخيبة موضة الكتابة الجديدة

واللى انتشرت بين الشباب وعلى الفيس (الفرانكو) وهى الاستعاضة بالارقام الاجنبية والحروف

الانجليزية للتعبير عن الكلمة العربية فى محاولة للقضاء على اللغة العربية

مش حينصلح حال البلد ابدا طول ماسياسة التعليم دى موجودة وهو المطلوب اثباته!

تصدقى يا أ.هند أنا كنت عاوز اقول الكلام ده لما لقيت نقاش الأخوة اشتد قوى في موضوع اللغة الإنجليزية واننا كعرب غير متقنيين لها وتعلمناها خطأ, بس ما كنش ينفع اقول الكلام ده هناك لانه في باب دعوة للإبتسام.

انا فعلا ملاحظ جداً موضوع عدم اجادة كثير من الشباب للغة العربية وبيكتبوها غلط وبشكل مؤسف , تلاقي الواحد فيهم يكتبلك انا رايح "أزاكر" , او "المادا" دي صعبة .

حاجة تزهق بجد ووالله انا بضحك بس في نفس الوقت بيبقي جويا غيظ وضيق لا حدود له, البعد عن القرآن الكريم أحد الأسباب الكبري أيضاً , لو طالب قاريء للقرآن عمره ما هيخطيء الأخطاء دي.

بصراحة الشباب الله يكون في عونه في وسط التخلف التعليمي ده.

مع خالص تحياتى

[se_ Elsyed]

تم تغيير العنوان للتعبير عن الموضوع بشكل أدق

[المهندسه]

بالرغم من مساوىء شخصيه وزير التعليم الجديد لكنه فعلا بدء بحل بعض المشاكل و كل نتائج محاولاته هتبان بعد شويه ...لو سألنا الناس ال فى مصر

اولياء الامور مثلا ...انا ابن اختى بقى ماشى على العجين ما يلخبطوش و ما بقاش يغيب علشان الوزير مشدد على الغياب و خلافه وربى الرعب

كمان لاختى بقوا يناموا بدرى و يصحو فى الميعاد و ملتزمين بالذهاب للمدرسه خوفا من العقاب...حتى لو هو استخدم اسلوب الترهيب لكن معلش

ماهو ضبط التعليم فى مصر مش هيجى غير كده ...العيال مبلطجه و مستهزءه بالمدرسه خااالص

كمان موضوع الكتب الخارجيه ال لغاها دى برضه كويسه...هو بدء دلوقت فى تطوير المناهج فعلا و تطوير الكتاب المدرسى ...و منع بيع و تداول

الكتب الخارجيه و عمل غرامه 10 الاف جنيه و حبس لاى مكتبه يثبت بيعها للكتب الخارجيه ...ونتائج كل ده هتبان بعدين منستعجلش

انا معاكوا انه سليط اللسان و سوابقه فى جامعه عين شمس معروفه ..لكن مش هتتصلح غير بكده بصراحه و صدقونى كل قرايبى ال فى مدارس متعلمين

الادب على الاخر ده الاباء و امهات غلبوا مع اولادهم لحضور المدرسه و غلبوا كمان مع المدرس علشان يراعى ضميره و يلتزم ...لكن دلوقت بعد

الشد بتاع الوزير العيال بتحضر و المدرس بقه عليه رقابه...اما تحسين الرواتب للمدرس فهو قلل عدد الحصص المطلوبه من المدرس لكى يتيح

فرص عمل لشباب المدرسين و تقليل الجهد على المدرس ...التطوير واحده واحده هيجى بس اهو وزير ابتدى و بيشتغل للتعديل حتى لو

هو مش نازلنا من زور بس اهو بيحاول يصلح ربنا يقويه و يقوى غيره بيحاول يصلح اهو كله فى مصلحتنا و مصلحه ولادنا

تم تعديل 26 سبتمبر 2010 بواسطة المهندسه

[se_ Elsyed]

كمان موضوع الكتب الخارجيه ال لغاها دى برضه كويسه...هو بدء دلوقت فى تطوير المناهج فعلا و تطوير الكتاب المدرسى ...و منع بيع و تداول

يا باشمهندسة الله يرضى عليكي عشان ما نبقاش بنتكلم في طرق متوازية لا تتقاطع

الراجل حلف بالطلاق من مراته إنه مش عاوز يلغي الكتب الخارجية ... لكن عاوز يعمل سبوبة .. وش كده على طول واللي يتكسف من بنت عمه ما بيجيبش منها خضار

.

جريدة الدستور

أكد أحمد زكي بدر – وزير التربية والتعليم – عدم رغبته في إلغاء الكتب الخارجية ولكنه يريد تقنينها فقط

وأدي ملخص للسبوبة

فبعد أن كان الناشر يدفع 400 جنيه لمراجعة الكتاب الخارجي وألف جنيه للحصول علي ترخيص وزارة التربية والتعليم اصدر الوزير قراراًَ مفاجئا برقم 52 لسنة 2010 ينص علي أن يقدم كل ناشر طلبات ترخيص الكتب الخارجية للإدارة العامة لإعداد أصول الكتب في شهر مايو فقط مع تحديد رسوم خيالية موحدة علي كل مادة للحصول علي الترخيص دون النظر إلي اسم دار النشر ونوع المادة الدراسية وعدد الطلاب المقيدين في كل سنة دراسية فمثلا كتاب اللغة العربية بالمرحلة الابتدائي رسوم ترخيصه سبعمائة الف جنيه ولن يستطيع أي ناشر دفعها لانه لن يبيع بنصف قيمة هذا المبلغ بينما رسوم ترخيص كتاب اللغة الانجليزية للصف الثالث الاعدادي مليون وستمائة الف جنيه وهو مبلغ خيالي يثير الضحك.

يا فندم هي الناس غاوية تعب وقلة قيمة والبحث عن كتب خارجية في عملية أشبه بالبحث عن المخدرات ؟ .. ولا إيه اللي رماك على الكتب الخارجية ... قال لك مالقتش في الكتب المدرسية الحاجه اللي تنفع ليه

يا فندم عمر التطوير ما كان كده ...

التطوير إن ما كانش بالحب والتفاهم وإلتفاف الجميع حول هدف معين ... يبقى كل سنة وإنتي طيبة

ولا عجب سيادتك الأستقالات الجماعية اللي حصلت العام الماضي من لجان واضعي الأمتحانات عشان هددهم بالرفد ؟

لما تسمعي مهاتير محمد وهو بيتكلم عن أول حاجه عملها لما تولى حكم ماليزيا في السبعينات ... تنبهري بهذا الشخص الفذ اللي عمل السهل الممتنع ... واللي أول هدف وضعه هو تطوير التعليم ... وتخيلي بجانب إيه ؟

لقى بلدة بتستهلك زيت نخيل كتير جداً ... ما هم مش نظام سمنة بلدي وروابي والهانم زيينا .. فخلال عامين فقط حول ماليزيا من بلدك مستهلك من الدرجة الأولى . إلى بلد مُصدر ومن أكبر مصدري زيت النخيل

يا باشمهندسة المهم الكيف مش الكم .. فيا فرحتي إبن أختي يروح المدرسة من النجمة ويرجع العصر .. زي ما راح زي ما جه ... بل على العكس الولد يبقى متكدر وكأنه رايح يتعذب

في الدول المتقدمة مش هاتكلم عن مناهج أو حضور وأنصراف ... لكن هاتكلم عن أقسى عقاب ممكن يُطبق على طالب وهو " تهديده إنه مش هايروح المدرسة "

ههههههههههه

طبعاً عندنا لو قولنا كده للعيل .. هايزغرط ويقول بركه يا جامع