تلات اسئلة مالهومش دعوة ببعض

[kaza]

1- من هو المسؤول عن صيانة المنتدى ؟

لان فيه حاجة مش حلوة لما تكتب عربي وتحط كلمة English الكلام بيتغير معناه والاول يصبح في الاخر والاخر في الاول

بمعني

ان فيه حاجة مش حلوة لما تكتب عربي وتحط كلمة بالانجلش الكلام بيتغير زي مانتوا شايفين فووووووق الكلام اللي بعد الكلمة اللي بالانجلش يصبح فالاول ولخخخخخخخبطة

2-ماهي الاشياء الممنوع دخولها الى مصر عبر فدكس او ال يو بي اس

FedEx or UPS

هل في مشكلة من الجمارك المصرية ؟

3-لماااااااذااااااا اول مانوصل كندا نطلع كردت كارد

هل هو من الضرورات ولماذا ؟

تم تعديل 4 سبتمبر 2010 بواسطة kaza

[أحمد سيف]

أنا هرد على السؤال الثالث بس لإني ما أعرفش إجابة السؤالين الأولانيين

3-لماااااااذااااااا اول مانوصل كندا نطلع كردت كارد

هل هو من الضرورات ولماذا ؟

في كندا الكريديت كارد هو من أكثر أساليب الدفع شيوعا ... يعني الناس بدل ما تشيل فلوس في جيبها بيبقى معاها كارت تدفع بيه كل حاجه ... لإنه أسهل وأأمن

لكن السبب الأهم هو إنك باستخدامك للكريديت كارد بتبني كريديت هيستوري ... يعني بيبقى لك سجل في البنوك يقدروا يقيموك على أساسه ... هتقولي وأنا محتاج التقييم ده في ايه؟ لو حضرتك احتجت تاخذ قرض لأي سبب من البنك فنسبة الفايدة وشروط التمويل بتعتمد على تاريخك الائتماني ... وممكن توفر كثييير لو كنت بتدفع فواتير الكريديت كارد بانتظام

سبب آخر هو إن استخدامك للكريديت كارد في كندا هو أحد وسائل إثبات إنك كنت مقيم فيها لإن المعاملات بتتسجل عكس الدفع الكاش ... وده بيفيدك في مسألة التقديم للجنسية

وأخيرا فالكريديت كارد يعتبر Buffer كويس لأوقات العوزه ... يعني لو مصارفك زادت شويه عن الفلوس اللي معاك في شهر معين ممكن تستخدم الكريديت المتاح لك لتغطيتها وتبقى تدفع بعدين ... بس أهم حاجه في الكرديت كارد هو استخدامه بعقلانية والقدرة على التحكم في مشترياتك.

[cutey]

بعد الاجابة الشافية الوافية لدكتور سيف عن السؤال الثالث

انا بره معنديش فكرة عن السؤال الثاني

بس بالنسبة للسؤال الاول ... فالكلام ظاهر عندي مظبوط وبترتيبه الصحيح

يمكن تكون المشكلة عند حضرتك فى النسخة مثلا :unsure:

[hOuSsAm]

وأخيرا فالكريديت كارد يعتبر Buffer كويس لأوقات العوزه ... يعني لو مصارفك زادت شويه عن الفلوس اللي معاك في شهر معين ممكن تستخدم الكريديت المتاح لك لتغطيتها وتبقى تدفع بعدين ... بس أهم حاجه في الكرديت كارد هو استخدامه بعقلانية والقدرة على التحكم في مشترياتك.

من المهم جدا انه يبقى عندك كنترول قوى عالكريدت كارد لان لو اتاخرت فى تسديد الفواتير هتتحسب عليك فوايد والفوايد تتراكم ويتحسب عليها فوايد والبنوك تبلغ عنك وتدخلك السجن ودى من عيوب الكردت كارد انها سلاح ذو حدين ممكن تكون حاجة كويسة لوقت العوزة زى ما الاستاذ احمد قال وممكن تكون خراب بيوت عليك

so please takecare

[yosef elmadysm]

اضافة صغيرة للسؤال الثالث

معظم شركات الاتصالات من شروطها وجود كريدت كارد

انترنت وموبايل و تليفون منزلى و كابل تليفزيون

عند فتح الحساب تاخذ بطاقة ب 500 دولار فى تى دى بنك حتى لو فتحت حساب بدون رصيد

بعد 6 شهور ممكن تطلب زيادة الحد الاقصى و كل 6 شهور

معلومة على الماشى انا مجربها

لو قررت شراء سلعة او دفع تذاكر الطيران مثلا ب 3000 دولار و الحد الاقصى للكريديت 500 دولار تعمل ايه؟

تذهب للبنك وتضيف الفرق 2500 دولار الى حساب الفيزا او تحولهم من حسابك الى حساب الفيزا

و كدى تكون الفيزا كانها ب3000 دولار و تشترى عادى خالص