شربت من نيلها ؟؟؟؟طب بطل تغنى لها

[قلب ابيض]

البدايه كان سؤال من اخ فاضل ضمن حوار للمغتربين عن ايجابيات موجوده بمصر

سرحت فى السؤال ولاقتنى بجاوب مع نفسى حاجه حفظناها عن ظهر قلب من زماااان اوى بس للاسف حتى دى مابقاش لها وجود دلوقتى

انا نفسى ارجع مصر عشان اللمه والالفه والترابط اللى مفتقدينه فى الغربه

نفسى ارجع بلدى عشان فيها بحس بأداميتى وانى لى كرامه

نفسى ارجع بلدى عشان ولادى يتعلموا فيها ويتربوا فيها ويطلعوا لهم مبادىء زى اهلهم

حد شايف ان اى من هذه الاسباب يصلح او موجود الان؟؟؟؟؟

" او بمعنى اخر وبايجااااز " وبغير ان اتهم بتشويه صوره بلدى او بالنيل منها ماهى الايجابيات التى تراها بمصر الان؟؟؟؟

منتظره تعقيبكم بدون اتهامات .....

ودمتم بخير

[herohero]

طبعا انا من الناس اللي المفروض مااتكلمش ف هذا الموضوع لان ف نظر الكثير من القلة المندسة واللي غالبيه اللي ف المنتدى كده بس بيناقضوا نفسهم وهتبان قوي مع اولاد حضراتكم كلهاكم سنة ونلاقي ابن قلب ابيض وابن س س وابن الاستاذ تامر يعني الغربة وراثه عموما

كلنا وجميعنا نبحث عن اللمه والدفء والمشاعرالجميلة المفقوده ف اي بلد نغترب فيه لكن هل مازالت موجوده هل مازال مجتمعنا المصري كما هو انا عندي تجربة شخصية والدي من ساعه مانزل من الكويت وهو بيعاني من الصدمه الاجتماعيه الناس اتغيرت المبادئ اتغيرت مش هي ده البلد اللي اهلي اتربوا فيها زمان لما كنت بتناقش ف موضوع الهجرة كنت بلاقي معارضة من اصدقائي دلوقتي الكل بيقولي شد حيلك وانجز ودول الناس اللي مكلعتش بره مصر يعني مش بتقارن \

للاسف الشديد ايجابيات مصر من دفء وحنان وحاجات اجتماعيه حلوة ما بقتش موجوده ماتشوفوا معدل الجرائم وطبيعتها اللي كلها بيدل ع وجود خلل فظيع ف البلد والكل اجمع عليه من اطباء طب نفسي لاخصائيين ف علوم المجتمع هناك خلل للاسف سيؤدي الى انهيار للمجتمع وللاسف الشديد ارهاصاته اخذه ف البداية ان لم تكن بدات فعلا

وبالنسبة للشرب من ميا النيل فللاسف انا كنت بشرب مياه الروضتين ماجربتش مياه النيل الا ع كبر بس تقريبا مفعولها كان ضعيف

وبمناسبة مياه النيل فكرتوني بحلقه ابوحفيظه أسعد الله مساءكم كانت بيتكلم مع واحد من اهالي كفر ابو ماسورة

وقالك ان واحد من سكان الكفر حضر حفلة لشرين كل ماتقول ماشربتش من نيلها يقوم ويقف ويقولها لا

لان ببساطة كفر ابوماسورة مش واصله له الميا

ودمتم بخير

[Simba]

الموضوع ده مش اول مرة حد يتكلم فيه ولا هتكون اخر مرة الناس تتكلم فيه

موضوع بثير شجون كل المصريين اللي خرجوا بره مصر وشاف الفارق بعينهم بغض النظر عن طبيبعة شغل كل واحد في الخارج واخد حقه او مش واخد حقه لكنه بيشوف حياة تانية نضيفة وهادية ومعاملات غالبا بتكون مرنة

بتخلي كل واحد فينا ساعات عقله يسرح ليه بلدنا بكل تاريخها وناسها وشبابها اللي زي الفل ليه دايما في النازل كده خدمات اقل فأقل

وتكلفة معيشة اغلي فأغلي

ده حتي الشعب اللي اسمه شعب ابن نكتة خلاص مبقاش عنده نكت زهق من النكت اللي كانت بتضحكه علي حاله وحال عيشته

الموضوع ده طالما فيه مغتربين في الخارج دايما وابدا هيفضلوا يتكلموا فيه يحلموا ساعات ويتعكننوا ساعات ويتنهدوا بأسي بين الساعات دي

كل اللي خرج بره مصر خرج ورا حلم حياة كريمة يقدر يحس فيها بأدميته لان تقريبا خلاص تعريف الأدمية بقي مرتبط بمعاك كام وتقدر علي عليه

ومهما نتكلم ونلوم ونعتب كلنا بنشترك في حب البلد حتي لو قسيت علينا كفاية مثلا اني لما بروح كورنيش النيل علي بنها بنسي الدنيا كلها ومش بكون عايز الوقت يعدي لكنه للاسف بيعدي وبيفكرني بالتزامات كتير اوي ورايا

انا طول عمري قاعد علي نيلها وبشرب منه واليومين دول بشرب Abc وبشرب سجاير اجنبي بدل شواشي الدرة اللي كنت بشربه في مصر في شارع هادي من اوله لاخره اشجار وتقريبا كل احتياجاتي انا واولادي متوفرة والحمدلله

لكن حضن بنتي نورهان ال 8 سنين ودموعها في المطار ومش عايز تسيبني تمنه اكبر بكتير من كل حاجة ونظرات عينها بتقولي احنا عملنا فيك ايه علشان تسيبنا وتمشي انت للدرجة دي مش بتحبنا ولا عايز تقعد معانا عموما هي لسه طفلة بكرة تكبر وتفهم وممكن كمان تتمني تسافر

المشكلة يوم ما حد يحبب يفضض الرد الطبيعي الناس هتقوله ياسيدي ارجع وعيش اي حاجة باي حاجة

واي حاجة باي حاجة لانسان عنده اسرة والتزامات بينهم كلام كتير اوي صعب والله يتشرح

[قلب ابيض]

طبعا انا من الناس اللي المفروض مااتكلمش ف هذا الموضوع لان ف نظر الكثير من القلة المندسة واللي غالبيه اللي ف المنتدى كده بس بيناقضوا نفسهم وهتبان قوي مع اولاد حضراتكم كلهاكم سنة ونلاقي ابن قلب ابيض وابن س س وابن الاستاذ تامر يعني الغربة وراثه عموما

كلنا وجميعنا نبحث عن اللمه والدفء والمشاعرالجميلة المفقوده ف اي بلد نغترب فيه لكن هل مازالت موجوده هل مازال مجتمعنا المصري كما هو انا عندي تجربة شخصية والدي من ساعه مانزل من الكويت وهو بيعاني من الصدمه الاجتماعيه الناس اتغيرت المبادئ اتغيرت مش هي ده البلد اللي اهلي اتربوا فيها زمان لما كنت بتناقش ف موضوع الهجرة كنت بلاقي معارضة من اصدقائي دلوقتي الكل بيقولي شد حيلك وانجز ودول الناس اللي مكلعتش بره مصر يعني مش بتقارن \

للاسف الشديد ايجابيات مصر من دفء وحنان وحاجات اجتماعيه حلوة ما بقتش موجوده ماتشوفوا معدل الجرائم وطبيعتها اللي كلها بيدل ع وجود خلل فظيع ف البلد والكل اجمع عليه من اطباء طب نفسي لاخصائيين ف علوم المجتمع هناك خلل للاسف سيؤدي الى انهيار للمجتمع وللاسف الشديد ارهاصاته اخذه ف البداية ان لم تكن بدات فعلا

وبالنسبة للشرب من ميا النيل فللاسف انا كنت بشرب مياه الروضتين ماجربتش مياه النيل الا ع كبر بس تقريبا مفعولها كان ضعيف

وبمناسبة مياه النيل فكرتوني بحلقه ابوحفيظه أسعد الله مساءكم كانت بيتكلم مع واحد من اهالي كفر ابو ماسورة

وقالك ان واحد من سكان الكفر حضر حفلة لشرين كل ماتقول ماشربتش من نيلها يقوم ويقف ويقولها لا

لان ببساطة كفر ابوماسورة مش واصله له الميا

ودمتم بخير

هيروو

انت غالى على جدا من ساعه ماذكرت ثانويه انس ابن مالك

المهم انا بردوا اللى قصدته موضوع اللمه والدفء ده كان اساسى فى مصر وهو اللى بيجرنا جر لها ونبكى عند هبوط الطياره بحرقه ...بس على رأى جحا بلدك فين يا جحا قال اللى فيها مراتى وانا باضيف عليها اللى فيها اكل عيشى وراحه بالى

مش عاوزه اكون انا اللى بارد على الموضوع من وجهه نظرى لوحدى لانى عندى الكتييييير اوى اقوله بس زيك كده حتى لا اتهم بعدم الانتماء او نكران الجميل اقسم بالله انى لازلت ابكى عند سفرى من مصر حزنا على الفراق وابكى شوقا عند هبوط الطياره دوما لكن المشاعر متخبطه انا بحب مصر اللى فى ذاكرتى اللى فى خيالى بكره مصر الان بكره الزحمه وعدم النضافه بكره الحقد والغش بكره السرقه

انا عارفه ان كل ده موجود فى كل مكان مش بس مصر

بس ارجع واقول فين الايجابيات؟؟؟؟؟

على جنب كده خبر صغير سمعته امبارح من ابنى ...

صديق لهم حظه حلو اووووى اشتغل اول ما اتخرج من سنتين مدرس رياضيات مرتبه حاليا 300 ج اللهم لا حسد

قالهم ادعو لى الحق اتجوز بقى واخلف عيلين بسرعه

قالوا له ليه ؟؟؟

قالهم عشان اخد العلاوه ...اول وتانى مولود لهم علاوه التالت لاء طبعا

قالوا له ربنا يسهلك ..هاتزيد كام ؟؟

!!!!!!!!

اللهم لاحسد قولوا ماشاء الله -_- قال المولود هايزود مرتبى اتنين جنيه

[تامر مصطفى]

على جنب كده خبر صغير سمعته امبارح من ابنى ...

صديق لهم حظه حلو اووووى اشتغل اول ما اتخرج من سنتين مدرس رياضيات مرتبه حاليا 300 ج اللهم لا حسد

قالهم ادعو لى الحق اتجوز بقى واخلف عيلين بسرعه

قالوا له ليه ؟؟؟

قالهم عشان اخد العلاوه ...اول وتانى مولود لهم علاوه التالت لاء طبعا

قالوا له ربنا يسهلك ..هاتزيد كام ؟؟

!!!!!!!!

اللهم لاحسد قولوا ماشاء الله -_- قال المولود هايزود مرتبى اتنين جنيه

اختي الصغيرة قلب ابيض

او اقولك كبيرة المقام قلب ابيض

تصدقيني انا صاحي من النوم النهاردة بفكر افتح توبيك للموضوع ده بس توارد الخواطر خلاكي خطفتيه مني

حلال عليكي يا ست الكل

انا طبعا مش هقول على ايجابيات مصر لاني بكل صراحة مش قادر اشوف اي ايجابيات حالية حتى اللمة والعزوة كلها معايا خارج الوطن

ولكن يربطني بارض مصر حب تلقائي وفي كل لحظة بنقل الحب ده لبناتي وحريص باستمرار اني افرجهم على آثار مصر وحضارتها واحكيلهم اجزاء على قدر فهمهم عن أهمية مصر في المنطقة العربية

ولكن لما تفاجئني بنتي فرح ذات ال8 سنوات بسؤال اشعر بأن اجابتي عليه ركيكة وغير مقنعة

وتقولي: لما هي مصر مهمة كده وهي اكبر دولة والدول التانية متقدرش تعيش من غيرها ليه البنات معايا في الفصل دايما يعاملوني وحش ويقولوا لي ان المصريين عندهم رقاصات وحرامية كتير ويفضلوا يقولوا لي يا مصرية وكأنهم بيشتموني؟؟

(طبعا الاطفال بينقلوا الرأي اللي بيسمعوه من أهلهم(

طبعا بقولها ان دي ناس مش عارفة قيمة مصر بس لما بيحصل عندهم حروب بيجرو على مصر ويقولولها الحقينا

وبفهمها ان كل دولة فيها الكويس والوحش

ولكن باشعر ان اجابتي مش جاية على هواها فهي كطفلة ترغب في ايجاد حل ملموس لمشكلتها وبسرعة تشعر اني بقولها كلام شعارات

بالنسبة بقى يا قلب يا بنتي لموضوع مدرس الرياضيات

انا ليا جيران واصدقاء كتير بيشتغلوا في الحكومة في مصر ومنهم من هو بعيد كل البعد عن الرشاوي او الاكراميات وماشاء الله عليهم رواتبهم كويسة وعيشتهم كويسة ولكن الناس في مصر ادمنت الشكوى

وعلى هامش الموضوع ده

حصل نقاش بيني وبين واحد منهم وكان بيحاول يقنعني ان اجمالي دخله هو ومراته 900 جنيه

ومع ذلك

عنده سيارة 128

شقته مفروشة فرش كويس وبها جميع الاجهزة الضرورية والفوق ضرورية

ايجار الشقة 500 جنيه

اولاده ال3 في مدارس خاصة وزوجته حاليا حامل في الرابع

مش معقوله تكون كل دي هبات وتبرعات!!!!!!

فتأكدي يا ماما قلب ان نادر جدا اللي بيقول حقيقة دخله في مصر وخصوصا للمغتربين

اسف للاطالة

ودمتم بود

صحيح نسيت اقول اهم ايجابية في مصر

لو الدول اللي احنا مغتربين فيها طردتنا هنلاقي ارض نمشي عليها ونقول دي ارضنا

يعني باختصار مش هنبقى ""بدون""

[doha]

صعب اني اقولك ايه الايجابيات في مصر لكن اقدر اقولك على اكبر سلبية فيها .. ان مفيش في البلد فلوس .. مصر لو بفلوس زي الخليج كانت بقت جنة الله في الارض ..

احنا في الخليج عايشين في صحرا ومتحملينها عشان بناكل حلو وبنلبس حلو وبنتفسح في شوارع حلوة.. صحيح مفيش حوالينا غير بلوكات طوب وزرع شبه صناعي مفيش حتى نسمة هوا بتحركه ( دي اكتر حاجه لفتت نظري لما بروح في السعوديه في جنينة ولا حته فيها زرع مفيش جريده نخلة توحد ربنا تتحرك من مكانها .. )

بنحب الخليج عشان فيه فلوس بس مش اكتر لكن تخيلوا عيشتكم كده في الكويت ومفيش فلوس ومضطرين تحوشوا وتدبقوا ومفيش جمعيات تعاونية ولا في عربيات آخر موديل .. مستحيل هتقعدوا فيها يوم واحد .. لا انتم .. ولا اهلها ..

[تامر مصطفى]

صعب اني اقولك ايه الايجابيات في مصر لكن اقدر اقولك على اكبر سلبية فيها .. ان مفيش في البلد فلوس .. مصر لو بفلوس زي الخليج كانت بقت جنة الله في الارض ..

احنا في الخليج عايشين في صحرا ومتحملينها عشان بناكل حلو وبنلبس حلو وبنتفسح في شوارع حلوة.. صحيح مفيش حوالينا غير بلوكات طوب وزرع شبه صناعي مفيش حتى نسمة هوا بتحركه ( دي اكتر حاجه لفتت نظري لما بروح في السعوديه في جنينة ولا حته فيها زرع مفيش جريده نخلة توحد ربنا تتحرك من مكانها .. )

بنحب الخليج عشان فيه فلوس بس مش اكتر لكن تخيلوا عيشتكم كده في الكويت ومفيش فلوس ومضطرين تحوشوا وتدبقوا ومفيش جمعيات تعاونية ولا في عربيات آخر موديل .. مستحيل هتقعدوا فيها يوم واحد .. لا انتم .. ولا اهلها ..

تسمحي لي اختلف معاكي شوية صغيرين

والله انا شايف ان مصر والحمد لله ناسها بخير وظروفهم اتحسنت كتير وبقى عندهم القدرة انهم يشتروا شقق واراضي بمئات الالاف وخير دليل على كدة ازدحام الشوارع بالسيارات الجديدة اللي بيكون متوسط سعرها 100 الف جنيه ومش هقولك شوارع الاغنياء فقط لا ده حتى لو نزلتي اي حارة في بولاق الدكرور هتلاقي 500 سيارة موديلات حديثة

[شريف مان]

تسمحي لي اختلف معاكي شوية صغيرين

والله انا شايف ان مصر والحمد لله ناسها بخير وظروفهم اتحسنت كتير وبقى عندهم القدرة انهم يشتروا شقق واراضي بمئات الالاف وخير دليل على كدة ازدحام الشوارع بالسيارات الجديدة اللي بيكون متوسط سعرها 100 الف جنيه ومش هقولك شوارع الاغنياء فقط لا ده حتى لو نزلتي اي حارة في بولاق الدكرور هتلاقي 500 سيارة موديلات حديثة

استاذ تامر

على فكرة 90 فى المائة من الناس اللى بيشتروا شقق واراضى مسافرين بره مصر وبالذات اخواننا العاملين فى فرنسا

اما بالنسبة لموضوع السيارات فدا بيفكرنى بكلام احمد بك عز بتاع دليل آداء الحزب الوطنى الجيد

السيارات 1500 سى سى اللى مالية البلد

[أسد]

مصر مليانة سلبيات

لكن لو زي ماقال الفاضل تامر مصطفى

إحنا عايشين في الخليج

طيب .. لو الواحد أصبح غير قادر على العمل .. أو مرض .. أو أصيب في حادث .. أو حتى فصل من عمله .. أو وصل لسن المعاش .. أو أي حاجة

أو حتى الدولة دي حصل بينها وبين مصر خلاف

أين سيذهب ..

سنعود إلى الوطن

مصر هي الوطن .. وليس لنا غيرها

يجب أن نعود إليها .. إن عاجلاً أم آجلاً ..

بالرغم من كل مافيها

نحن جزء منها وهي جزء منا

للأسف .. بالرغم من كل هذا

مش حنقدر نبطل إننا نغني لها

[تامر مصطفى]

استاذ تامر

على فكرة 90 فى المائة من الناس اللى بيشتروا شقق واراضى مسافرين بره مصر وبالذات اخواننا العاملين فى فرنسا

اما بالنسبة لموضوع السيارات فدا بيفكرنى بكلام احمد بك عز بتاع دليل آداء الحزب الوطنى الجيد

السيارات 1500 سى سى اللى مالية البلد

بس اعتقد يا استاذ شريف ان حتى لو السيارات دي سعرها في حدود ال30 الف وهي طبعا اغلى من كده بكتير

يبقى منقدرش نقول على مالكها مش لاقي ياكل او حتى فقير

لانه لو افترضنا انه مشتريها بالتقسيط فأقل قسط بيكون فوق الالف جنيه شهريا

وبعدين لو حضرتك موجود حاليا في القاهرة او الاسكندرية حاول تعد السيارة اللي اسمها كيا سيراتو ودي حاليا بشوفها اكتر من التاكسي في الشوارع وسعرها تقريبا مابين 110 و120 الف

واصحابها كلهم مصريين عايشين في مصر

ويمكن حكم حضرتك على الشقق والاراضي يكون صحيح في بعض المحافظات المشهورة بكثرة اعداد المسافرين لفرنسا ولكن في القاهرة معظم الشقق اللي حواليا يملكها مصريين لم يخرجوا خارج مصر

وبحسبة بسيطة لاقل احتياجات اصغر اسرة شهريا هتلاقي مستحيل ان اسرة تعيش حتى ب1500 جنيه ومع ذلك الناس عايشين كويس وبيصيفوا كل سنه وكل واحد ماسك موبايل في المتوسط سعره الف جنيه

بس زي ما قلت قبل كده وده رأيي الشخصي ولكم الحق في مخالفته او الموافقة عليه

ان الناس في مصر ادمنت الشكوى من الفقر

تقبل تحياتي وتذكر ان الخلاف في الرأي لا يفسد للود قضية

تم تعديل 25 أغسطس 2010 بواسطة تامر مصطفى

[تامر مصطفى]

استاذي الفاضل أسد

اسمح لي اولا ان ابدي اعجابي بآرائك التي اتابعها في المنتدى باستمرار

احييك يا استاذي الفاضل

اتفقنا على أول ايجابية لمصر

ولكن للأسف هذه الايجابية لن يشعر بها او بأهميتها من يعيش على ارض مصر ولم يفارقها

ولكن في المجمل هي ميزة هامة جدا على الاقل للمغتربين

انا في انتظار قراءة مزايا وايجابيات اخرى

تم تعديل 25 أغسطس 2010 بواسطة تامر مصطفى

[عبير يونس]

الحقيقة اللي اكتشفتها مع الغربة شوية و الاقامة في مصر شوية

ان الغربة دي احساس داخلي بحت

ملهاش دعوة باللمة الحقيقية أو بالوحدة

ممكن واحد يكون موجود في حفلة كبيرة مليانة ناس و ممكن يكونوا أهله و أصحابه و هو في عالم تاني

و ممكن يكون في بلد تانية و ما يعرفش حد و بعيد عن حبايبه جسديا لكنه لا يشعر بالغربة

ممكن لأنه دايما متواصل

و يمكن يكون شخص ايجابي متفائل بيشوف الحاجات الحلوة بس في أي مكان يروحوه

عن نفسي مريت في حياتي بأحاسيس متباينة جدا

و مع ان الظروف بتكون هي هي

الا ان احساسي بيها بيختلف من فترة لأخرى

المسألة في اعتقادي الشخصي هي رؤية فردية للمكان و الأحداث

يعني ممكن اتنين يكونوا في نفس المكان و نفس الظروف بس مشاعرهم مختلفة

و حنروح بعيد ليه

في البيت الواحد

بنلاقي الاخوات اللي من نفس الأب و الأم و عايشين نفس العيشة

مختلفين في نظرتهم للحياة اللي همة عايشينها تقريبا زي بعض تماما

الانسان يقدر يخلق بيئة لنفسه في أي مكان يتواجد فيه

بأفكاره ومعتقداته و نظرته للأمور و منهجه و سلوكياته اللي بيمارسها

في نفس الوقت اللي فيه ناس مخنوقة من مصر و مش شايفة فيها أي حاجة حلوة

في ناس في نفس الظروف مبتفكرش أساسا تسيب مصر

و ده طبعا ملوش أي علاقة بالوطنية

له علاقة بالقدرة على التكيف

المغتربين لهم أسبابهم في الاغتراب

و المقيمين برضه لهم اسبابهم في الإقامة

الدنيا مليانة بالمتناقضات

و ياما في حاجات يعتبرها البعض منغصات بينما يراها الآخرون متعة الحياة

تحياتي

[تامر مصطفى]

ما زلت في انتظار ايجابية تفرح القلب

امال فين الناس اللي بتاكل اي واحد يتكلم عن السلبيات في مصر؟؟؟؟؟

من الواضح انهم بيتكلموا بناء على شعارات حافظينها من ايام سادسة ابتدائي

[herohero]

ياجماعه الحكاية نسبية انا من الناس اللي كان بيقارن مصر من زمان بغيرها

يعني مثلا الكويت ومصر وقارنت مصر وانا طفل

وانا طالب ف الجامعه وانا موظف

مصر جميلة قوي وانت مسئول من اما لما تبقى مسئول عن هتتعب

يعني وانت عايش بتاخد مصروف بتبقى مصر تمام انا كنت بفتقد حاجات مش موجوده ف الكويت

مثلا بنت الجيران الكويت كان فيها بنت جيران بس برده جو مصر لا يعلى عليه شد ستاير وحركات طبعا ده ميزة مش متوفرة ف الكويت بسهولة وقفة البلكونات مثلا ميزة ممتازة مش متوفرة فالكويت طبعا السعوديه انسى ياعمرووووووووووووووووووووو

اما لما بتشتغل ف مصر فالمميزات هي الهزار والتهريج وطبعا ده خارج مصر مش متوفر قوي خاصه لو شغال مع ناس مش مصريين هنود او فلبينيين او اوروبيين

لكن سلبية مصر الاساسية هي ضياع منظومة القيم حاليا مصر بقت بلد مسخ فين القيم بتاعت زمان اختفت

اما اللي يقولي مصر الناس فيها فقراء مش كلهم الكل ملاحظ السيارات الشعبيه ف مصر هي

1- لانسر

2- صني

3-كيا سيراتو

4-تويوتا كورولا

5-فولكس فاجن جيتا

طبعا السيارت ده من 95 الف جنيه وانت طالع يعني اشك ان ده معناه ان الناس فقراء

الناس بقى معاها فلوس بس طموحاتها زادت والشكوى ف بقنا عمال ع بطال

واشك انها سمة من سمات الشخصية المصرية

ف مصر بنشتكي من قلة ذات اليد

سافرنا الخليج بنشتكي من الكفيل والغربة ومفتقدين بلدنا

هاجرنا كندا بنشتكي من البروده والتعامل الجاف والغربة الصعبه

طب امتى المصري مش هيشتكي معرفش

فعشان كده مصر سلبياتها واجابيتها بتتغير بتغير المرحله

[أسد]

ياجماعه الحكاية نسبية انا من الناس اللي كان بيقارن مصر من زمان بغيرها

يعني مثلا الكويت ومصر وقارنت مصر وانا طفل

وانا طالب ف الجامعه وانا موظف

مصر جميلة قوي وانت مسئول من اما لما تبقى مسئول عن هتتعب

يعني وانت عايش بتاخد مصروف بتبقى مصر تمام انا كنت بفتقد حاجات مش موجوده ف الكويت

مثلا بنت الجيران الكويت كان فيها بنت جيران بس برده جو مصر لا يعلى عليه شد ستاير وحركات طبعا ده ميزة مش متوفرة ف الكويت بسهولة وقفة البلكونات مثلا ميزة ممتازة مش متوفرة فالكويت طبعا السعوديه انسى ياعمرووووووووووووووووووووو

اما لما بتشتغل ف مصر فالمميزات هي الهزار والتهريج وطبعا ده خارج مصر مش متوفر قوي خاصه لو شغال مع ناس مش مصريين هنود او فلبينيين او اوروبيين

لكن سلبية مصر الاساسية هي ضياع منظومة القيم حاليا مصر بقت بلد مسخ فين القيم بتاعت زمان اختفت

اما اللي يقولي مصر الناس فيها فقراء مش كلهم الكل ملاحظ السيارات الشعبيه ف مصر هي

1- لانسر

2- صني

3-كيا سيراتو

4-تويوتا كورولا

5-فولكس فاجن جيتا

طبعا السيارت ده من 95 الف جنيه وانت طالع يعني اشك ان ده معناه ان الناس فقراء

الناس بقى معاها فلوس بس طموحاتها زادت والشكوى ف بقنا عمال ع بطال

واشك انها سمة من سمات الشخصية المصرية

ف مصر بنشتكي من قلة ذات اليد

سافرنا الخليج بنشتكي من الكفيل والغربة ومفتقدين بلدنا

هاجرنا كندا بنشتكي من البروده والتعامل الجاف والغربة الصعبه

طب امتى المصري مش هيشتكي معرفش

فعشان كده مصر سلبياتها واجابيتها بتتغير بتغير المرحله

عجبني كلامك ياهيرو المرة دي

تحياتي

[عبير يونس]

اما لما بتشتغل ف مصر فالمميزات هي الهزار والتهريج وطبعا ده خارج مصر مش متوفر قوي خاصه لو شغال مع ناس مش مصريين هنود او فلبينيين او اوروبيين

اختلف مع حضرتك في الحتة دي جدا

كل شعب في الدنيا فيه خفة دم من نوع خاص مبتطلعش الا مع التواصل الحقيقي معاهم

انا اشتغلت مع جنسيات كتير في السعودية و من ضمنهم السعوديين طبعا و بقية الجنسيات العربية و الغير عربية

و فيهم ناس كانوا زي العسل و متبطلش ضحك و انت معاهم

و بالمقابل في مصريين في منتهى تقل الدم

مفيش شعب دمه خفيف و شعب دمه تقيل

المشاعر الانسانية واحدة مهما اختلفت الأجناس و الألوان واللغات

في رأيي دي انطباعات شخصيىة جدا و منقدرش نعممها على شعوب بأكملها

[لماضة مصرية جدا]

السلام عليكم و رحمة الله و بركاته

طب هو ينفع اسأل حضرتك سؤال.....هو احنا ليه بندور علي ايجابيات.....؟؟؟

عشان يعني نبرر لنفسنا احنا بنحبها.....او مبنحبهاش....(مش هقول بنكرهها....لانها مش هتركب.....ممكن نقول زعلانين منها مثلا....مقموصين....لاويين بوووز....و اوقات كتير مخنوقين منها)

ممكن اقول لحضرتك.....عشان النسمة الحلوة اللي بنلاقيها ع الكورنيش.....الساعة 12 بالليل...و الناس كلها لسه سهرانة و انتي فاكرة ان الساعة لسه 9 و داخلة ع عشرة...(واحدة وشها في الارض بعد ما اتهزأت ع التأخير)

يمكن ااقول لحضرتك....عشان الواد الجدع اوي اللي اسمه "محمد" اللي بيدرس في كلية حاسب آلي و تكنولوجيا معلومات اللي في سنة تالتة و اللي بيشتغل ف الصيف منجد عشان يلم فلوس الدراسة

و يمكن برضه ااقول لحضرتك......عشان عشان "ابراهيم" سواق التاكسي اللي امي ركبت معاه النهاردةو قالها البنت بنتي....قالتلي عايزة آكل تين...و انا مش هقدر اجيبلها تين عشان يوميتي مش هتكفي....و لما ماما اشترت ليه بفضل الله اللي كان نفسه فيه.....حلف يمين طلاق تلاتة (بيعجبني انا عرق الرجولة اللي بيفط مع حلف اليمين......وش واحدة بتضحك لو جوزها قالها كده).....انه لازم يدفع.....و كسرا لكل التوقعات اللي عمالين نسمع عنها عن النصابين و الشحاتين و سارقي شنط السيدات.....عم ابراهيم....اصر يحاسب علي كيلو التين.....ايون اشتري كيلو تين.....و قال لمامالما قالتله طب اشتري نص كيلو ميل عليها و بنفس عرق الرجولة اللي حلف بيه اليمين تلاتة من شوية....قالها عشان الست ام العيال......آه ياااااااااااااااني

يمكن عشان بحب ااوي المحلات اللي بتفتح شبه بعض و جنب بعض و في نفس الاسبوع و بقعد اتفرج يا تري هيضربوا في بعض ازاي.....و بعد كده الاقيهم محدش بيضرب في بعض......بس في اخر الاسبوع كل واحد بيعلق يافطة تحمل عبارة ايمانية في الصميم....اكيد مش حسبنا الله و نعم الوكيل.....بس عبارة زي "سيبها ع الله"....."ربنا هو الرزاق"

يمكن عشان "شريف"...ظابط الشرطة اللي واقف في ميدان المحطة.....اللي في يوم لقي واحدة ست عجوزة بتعدي الشارع و تقريبا مش شايفة....و لما ساعدها و عداها الشارع.....ميل عليها و قالها...ما تيجي نشتغل مع بعض...اليوم اللي بعده كان جايب لها مناديل و هو واقف يكتب مخالفات للعربيات ...و احيان يسحب رخص من البنات اللي بتسوق عربيات...عشان يعمل حبة حركات كده....و هي قاعدة ع الرصيف التاني يمكن تكون بتبيع مناديل.....بس لما بتقرب منها بتديك مع كل علبه دعوتين.....غير الدعوتين اللي بتقولهم للي جنبك

يمكن عشان..."مصطفي"....اللي صورته مرسومة علي باب معهد الاورام عندنا......وشه مليان فرحة اوي.....عشان هو كان اول حد يخف من سرطان الدم في المعهد المتهالك اوي ده.....و الدكتور بتاعه و طقم المستشفي اصروا انهم يحطوا صورته عشان هو كان فعلا "مصطفي"....يعني ليه نصيب من اسمه....يعني "مختار".....يمكن ربنا اختاره انه بابتسامته الحلوة دي....يدي امل لاي حد هيعدي من الحتة دي

يمكن و يمكن......و الف يمكن في كل يمكن منها بلاقي تفاصيل صغيرة اوي

بس تفاصيل بشوفها.....و غيري بيشوفها....و بتوحشني.....و بتونسني لما بتاخدني موجة الغربة و تحدفني

يمكن حضرتك و اي حد هيعدي هنا هيقول......كلام ميجبشي تمنه.....بس هو سؤال

هو احنا لما بنحب حد بنسال نفسنا بنحبه ليه؟؟؟

لما بس بنتجوز.....بنقول احنا هنتجوزه ليه...في محاول يائسة مننا ان احنا نمطق علاقات.....مستحيل تتمنطق...هي تتاخد كده....كلها علي بعضها

لما بنحب بني آدم.....

بنحبه كده كله علي بعضه......

بنشوفه زي ما هو....

يمكن مش احلي الناس.....

و لا اشجع الناس....

و لا اغني الناس....

.بس في عيوننا بيبقي كل الناس

كلام...........من دنيا الخيال.....كتير هيقول

بس انا مصدقاااااه أوي

مصدقة أن حبي لمصر دي......"حب"......مش جواز

مش هينفع نطلع قلبنا كل شوية من جوه الضلوع و نساله قولنا بقي بتحبها ليه.....عشان القلب اللي بحجم كف الايد الصغيرة اوي....مش هيلاقي رد.....هيسكت.....بس مش هيبطل يحبها.....زي ما هي

بس خلاص

مساااااااكي......يا قلب ......قلب....يحب.....و ميسالشي.....ليه؟؟؟

[Howayda Ismail]

اضيف على كلام لماضة انى كفاية لما يتاخر الوقت لبعد منتصف الليل وانا راجعة باولادى من عند امى

او حتى من اى حتة فى البلد بامشى فى الشارع بامان واركب مواصلاتى بامان

كفاية انى بلاقى ناس بتساعد بعض فى الشارع مين غير مايعرفوا بعض وبدون مصلحة جاية من وراه

كفاية انى اشوف اللى بساعد بيكون من قلبه من غير ماحد يطلب منه يعنى انهاردة سيدة مسنة اكتر من واحد اخد

ايدها يساعدها تنزل من العربية من غير ماتطلب والسواق استنى لحد لما يلاقى حد يعديها البر التانى

حبنا لابونا وامنا ماكنش مشروط يعنى طلعنا لاقينا نفسينا بنحبهم وكذلك حبنا لبلدنا بنحبها رغم الفساد

اللى مليها ورغم الكوسة والمحسوبيات

لكن هى ملاهاش ذنب فى اللى بحصل فيها للاسف الناس فاكرة ان العيب فى البلد لكن العيب فى اللى ماسكين البلد

[أبوعمار]

يااااااااااااااااااخبر أبيض

وجون ... وجون ......وجون

اللي مش شايف ايجابيات في مصر يقرا الكلام اللي فات

أقصد كلام لماضة وهند

يا جماعة والله مصر حلوة

والله العظيم تلاتة حلوة

واللي مش عاجبه كلامي

يشرب من نيلها ... بعد الفيلتر طبعا

ويجرب يغني لها ..... في الحمام أكيد

ويجرب في عز ما يحزن يمشي في شوارعها ويشكي لها .... حتى لو ما حدش عبره

المهم هي كلها كده على بعضها حلوة

لو فيها سلبيات .... هتلاقوا ايجابيات كتير والأحت لماضة ما قصرتش (لا فض فوك يا بنتي)

ولو ما فبهاش حاجة تعجبكم يبقى احنا مسئولين عن كده ... كلنا ... نفر .. نفر

المهم ان كل واحد يبدأ بنفسه ويعمل اللي عليه ويربي ولاده كويس

وما حدش يقول لي ...الزمن وحش ولما يكبروا الدنيا اللي حواليهم هاتغيرهم وكل اللي زرعناه هايروح

مفيش حاجة بتروح عند ربنا وافتكروا اننا هانتحاسب عن نفسنا بس

ودايماخليكوا زيي ... عندي أمل

عيد سعيد يا أهل مصر الغاليين