كسرها قبل ماترميها

[أسد]

الجو حار جداً في مصر ..

ومع دخول رمضان تزيد الحاجة للمشروبات الباردة ..

في مصر تنتشر محلات العصير .. محلات عصير القصب الشعبية ..

والذين بدأوا يبيعون أنواعاً منتشرة من العصير .. مثل عصير المانجو الشهير في مصر ..

وفي رمضان .. العرقسوس .. والتمر هندي .. والخروب .. والسوبيا ..

مشروبات تقليدية رائعة ..

شاهدت في مصر منظر عجيب جداً ..

محلات العصير ..

وبائعي العصير الجائلون في الشوارع .. يبيعون العصير في أكياس بلاستيكية ..

وبدون شك .. تلك المشروبات لم تحضر في بيئة صحية على الإطلاق .. ولا شك أنها تعرضت إلى التلوث بشدة ...

ولكن ما أفزعني .. هو أنني رأيتهم يبيعون العصير في زجاجات المياه المعدنية أو المياه الغزية ..

المستعملة ...

المستعملة ..

أي التي شرب فيها الناس من قبل ..

مصدر تلك الزجاجات ..

الزبالة ..

زجاجات فارغة من الزبالة يباع فيها العصير في كل مكان في مصر ..

نعم ..

هذا يحدث في عام 2010

هذه جريمة كبرى ..

الناس مسئولون عنها .. مسئولون بقبولهم استخدام تلك الزجاجات الفارغة .. ومسئولون بقبولهم بشراء العصير في تلك الزجاجات ..

كارثة .. تهدد صحة الناس ..

ولا حد عنده خبر

أنادي وأصرخ من هنا

يجب أن ندعو إلى التوقف عن شراء هذا العصير ..

لأنه مليء بالأمراض

أيضاً .. يجب علينا بعد الإنتهاء من استعمال أي زجاجة مياه معدنية أو مياه غازية أن نتلفها ..

يجب ألا نرميها سليمة حتى لا يتم استعمالها مرة أخرى

هذا ينطبق على كل ما هو قابل لأن يعاد استخدامه مرة أخرى بطريقة غير آمنة

الأوضاع في مصر للأسف من سئ إلى أسوأ ..

[تامر مصطفى]

لا حياة لمن تنادي

ولسه في ناس بتقول مصر حللللوة

وكل حاجة بخير وكويسة

[doha]

كلام حضرتك سليم استاذ اسد بس في نقطه في غاية الاهمية ان مش شرط يكون كل بائع عصير جايب الزجاجات من الزباله فغالبا مصانع الزجاجات بتكون منفصلة عن مصانع تعبئة المياه ودول بيعملوا بكميات ضخمه يعني مثلا مياه بركه محتاجه مليون عبوة فالمصنع ينتج لها مليون ونص والتكلفة وحده .. تاخذ بركه المليون الي محتاجاه وترجع تبيع النص بسعر اقل لبتوع العصير عادي برغم انه بيحمل نفس الكتابة واللوجو بتاع بركه ..

برضه حضرتك لو في مصر لاحظ هتلاقي عبوة نوع من المشروبات اسمها h2o هي ذاتها عبوة السفن اب الجديده لان الشركه الي بتصنع لهم واحده والاختلاف في التعبئة بس ..

الحكايه دي تلاحظها برضه لو انت بتنزل الاسواق الشعبية هتلاقي في ناس على الارصفة بتبيع تجليد او تغليف للبوتاجاز من الالمونيوم .. لو قلبته من الجهة الثانية هتكتشف انه ماهو الا غلاف لمنتج تاني بيتباع فعلا زي مثلا باكوا صلصة او بسكويت او حتى شيبسي بس على شكل ( فرخ ورق كبير ) بس بدال مايتم قصه ولصقة ليصبح عبوات للمنتجات دي تم بيعه او يمكن سرقته الله اعلم والناس دي خذته تسترزق منه ..

لسه من يومين اشتريت لبنتي ( طرطور ) شكله جميل اوي فيه حاجه بتتنفخ كده زي زينة عيد الميلاد لونها ملون ومفرح .. لما دققت فيها اكتشفت انها ماهي الا عبوة ( لبان ) غلافها زاهي بس بدال ماتنقص لكذا غلاف لكذا لبانه تم لصقها على بعضها كده فطلعت شريط طويل ينفع لزينة اعياد الميلاد ..

كلام حضرتك ممكن يكون صح بس برضه احتمال كبير ان الحاجات دي من المصنع مش من حته تانية ..

الناس في مصر بتتصرف ايوه بس مش شرط يكونوا بيجيبوا من الزباله ..

تم تعديل 21 أغسطس 2010 بواسطة doha

[engmido]

لا يا مدام ضحى الفاضل اسد بيتكلم صح على اساس انهم باغة جائلين ومحلات عادية جداا فى اماكن شعبية

وهذه المحلات والباعة الجائلين طبعا ليس لديهم استعداد مادى لشراء زجاجات جديدة من مصانع ومناقصات

لانها ببساطة كده تخسر جامد معاهم....وهى فعلا مستعملة وعموما ... بيبان على شكل الزجاجة اذا كانت مستعملة او لا

[زهقان]

لا حياة لمن تنادي

ولسه في ناس بتقول مصر حللللوة

وكل حاجة بخير وكويسة

http://www.alqabas.com.kw/Article.aspx?id=630658 &date=20082010

[noname]

لا حياة لمن تنادي

ولسه في ناس بتقول مصر حللللوة

وكل حاجة بخير وكويسة

مصر بخير وكويسة وحللللللللللللللللللللللوة اوى والعيب مش فيها العيب فينا احنا

بتقول مصر طردتنا ..طبعا لأ

بصراحة احنا اللى سيبناها بمزاجنا ..عارف لية ؟؟ علشان مش راضيين بحالنا ولا حاولنا نغيرة واحنا فيها

طب ما احنا فى الغربة بنتعب ونشوف القرف بكل الوانة ومش قادرين نرجع مصر لاننا فى الحقيقة عيونى مكسورة امامها من الخجل

[أسد]

الزجاجات المستخدمة في تعبئة العصير

مصدرها الزبالة

أنا إتأكدت من ده بنفسي

الموضوع هنا علشان نوعي الناس

قبل ماترمي تلك الزجاجات لا بد من تكسيرها وإتلافها حتى لا تستخدم مرة أخرى

يمكننا إنتقاد الأوضاع في مصر في موضوعات أخرى كثيرة

لكن هنا يجب أن نوعي الناس من حاجتين

أن نتلف الزجاجات قبل رميها في الزبالة

الثانية .. أن نوعي الناس أن تتوقف عن شراء تلك المنتجات الضارة جداً بالصحة

يجب أن نفعل هذا ونطبقه .. على أنفسنا .. وأن نردده على مسامع كل الناس من حولنا

هذا هو دورنا

[مصري أصيل]

الأستاذ اسد

الموضوع ده موجود في الكويت كمان بس في رمضان فقط لأن محلات العصير بتبيع في زجاجات المياه سوبيا و خروب و تمر هندي بس بصراحه انا ما اقدرش احكم ان كانت الزجاجات التي يتم استخدامها جديده أم مستعمله بس هنا الرقابه من البلديه شديده جداً وصعب انهم يستعملوا زجاجات مستعمله قبل كده بس اللي عايز اقوله ان ده كمان موجود خارج مصر يعني مش مصر بس

[akramgroup]

يااخوانا اعتقد كلام الاستاذ اسد صحيح تماما

وبردو زى ماذكرت الاخت ضحى بخصوص موضوع المصانع اللى بتبيع الزيادات ولكن ده بيتم فعلا من خلال المطابع يعنى مجال الورقيات بس

لكن المصانع بتاعة الزجاجات البلاستيك وماشابه ذلك استحاله تبيع الزيادات اللى عندها وخصوصا اذا كان عليها لوجو الشركة

وبالذات بردو فى مجال زجاجات المياه لان بسهوله ممكن اى حد يعبيها مياه من الحنفيه ويبعها على انها معدنية وده طبعا مستحيل انه يتم

وبردو انتهز الفرصة واحذر من بائعي زجاجات المياة المعدنيه فى الاشارات بتاعة المرور وخصوصا عندنا فى دول الخليج الموضوع ده منتشر جدا

وقد حذرنى احد اصدقائى سابقا بأن الكثير منهم يقوم بتعبئة المياة من الحنفيه

ومحدش بقولى القزازة مبرشمة عشان فى مكنة بسيطه جدا جدا بتتباع هيا اللى بتقفل الغطيان على القزازة

هذا والله اعلم

اكرم,,