آلية لمتابعة و معرفة تقييم الأعضاء لمشاركاتك (Reputation)

[عادل أبوزيد]

برمجيات محاورات المصريين الإصدار الجديد 3.1.2 تحوى العديد من الإضافات الجيدة و التى نستكشفها معا تباعا.

ما سبق كان إستهلالا لابد منه

ال reputation أو الشهرة أو السمعة تمثل إضافة جيدة للبرمجيات و تتمثل فى وجود إزرارين فى كل مداخلة واحدة بعلامة زائد و لونه أخضر و الضغط عليها يسجل تحية أو positive reputation لصاحب المداخلة ، و الزر الآخر يحوى علامة ناقص و لونه أحمر و الضغط عليه يسجل إحتجاجا أو إستنكارا أو negative reputation لصاحب المداخلة.

حتى الآن كان الأعضاء يمكنهم فقط تسجيل التحية أو الإعتراض أو تسجيل ال reputation فقط دون مشاهدة أو معرفة من أرسل تحية و من أرسل إستنكارا و من اليوم يمكن للأعضاء مشاهدة قائمة السمعة أو الشهرة الخاصة بهم من خلال الملف الشخصى الذى سيحوى عنوان جديد هو Reputation .

فى تصورى أن وجود مثل هذه الخاصية ستؤدى لمزيد من التواصل البناء بين الأعضاء.

مثلا سأكتب اليوم للفاضلة قلب أبيض أستفسر منها هل فعلا مداخلتى تعقيبا على موضوع بيت العيلة تستحق منها عدم الرضا و تسجيل negative reputation عليها ، و الأرجح عندى أنها لم تكن تعلم بعد معنى هذه الأزرار.

[مغتربة]

استاذى الفاضل

بحق كل يوم بدخل فيه المحاورات بلاقى خاصيه جديده مكنتش موجوده قبل كده او كانت موجوده بس عند النقل توقفت مؤقتا

و دا بيدل على مدى الجهد الذى تبذلوه من اجل تطوير الموقع و تيسيره

و ان كنا تذمرنا فى البدايه من بعض الصعوبات التى واجهتنا فى بدايه النقل

الا اننى و بامانه ارى انكم كاعضاء اسره اشراف محاورات المصريين تبذلون جهدا مميزا من اجل تسهيل المنتدى علينا

فلازاما علينا كما تشكينا من السلبيات فى البدايه ان نعطى كل ذى حق حقه من الشكر

الف الف شكر :roseop:

[pocy]

استاذي الفاضل

احب اشكر حضرتك على التوضيح الجميل ده لانى مكنتش فاهماها قوى وكانت هتعمل مشكله بين عضوين لان احد الاعضاء كان بيعتبرها اقتباس والتانى اعتبارها اهانه وحاجه وحشههو قالها والحمد لله على التوضيح وجزاك الله كل خير وبجد حاجه جديده وممتازه

[عادل أبوزيد]

يمكن النظر إلى حصيلة ال Reputation للعضو مثل مجموع الثانوية - مع التجاوز الشديد ، فمن ضمن مقترحات الشركة المنتجة للبرمجيات ربط بعض صلاحيات الأعضاء بمجموع حصيلتهم من ال Reputation

فى محاورات المصريين الأمر ما زال جديدا و مع مرور الوقت ربما تظهر - نتيجة إقتراحاتكم - إستخدامات جديدة لمؤشر السمعة المعروف بحصيلة ال Reputation.

[لماضة مصرية جدا]

يمكن النظر إلى حصيلة ال Reputation للعضو مثل مجموع الثانوية - مع التجاوز الشديد ، فمن ضمن مقترحات الشركة المنتجة للبرمجيات ربط بعض صلاحيات الأعضاء بمجموع حصيلتهم من ال Reputation

فى محاورات المصريين الأمر ما زال جديدا و مع مرور الوقت ربما تظهر - نتيجة إقتراحاتكم - إستخدامات جديدة لمؤشر السمعة المعروف بحصيلة ال Reputation.

السلام عليكم و رحمة الله و بركاته

هو الحقيقة استاذي الفاضل انا مكنتش فاهمة معناها اوي و عمالة ااقول يا بت يا لمضمض دي تبقي ايه.....طالما كانت في ال neutral

كنت بقول لنفسي بس خلاص يبقي الواحد في السليم

النهاردة مثلا دخلت لقيتها نورت و قلبت الكشافات اخضر.....قوووم ايه انا قلقت هو الخضر طبعا حلو

بس اللي تاعبني هو اسمها

اصل اسمها ده "السمعة"......تاعباني اوي

يعني مش بالعاه

انا عارفه ان احيانا الاصدارات اللي بالانجليزي مالهاش دعوة بالمعني الثقافي بتاع الكلمة اللي احنا منتعودين عليه

بس هي كخاصية بجد شايفاها قناة للتفاعل بين محاوري و محاورات المحاورات الافاضل

بس هو الاسم بس

أه لو يتغير...يبقي عظمة.....بس نعمل ايه ادينا بنتكيف

اضافة حلوة استاذي

و الاجمل انك بتعرفنا عليها بدل ما انا مثلا كنت هلف حوالين نفسي و مش هعرفها

تحياتي

لماضة......صعيدية جدا :lol:

[MZohairy]

خاصيه غير منطقيه و مثيره للتنابذ

فإذا تم السماح لكل من يعارضك الرأي ان يقيمك تقييم سالب و هو أمر لا عيب فيه

لكن اذا كان بناء عليه سيتم حرمانك من بعض الصلاحيات

فمعنى هذا ان اي شخص مخالف لفكر جماعة ما(ايا كان مستوى تفكير هذه الجماعه) ممكن يطرده مخالفيه من المكان مثلا

انا مثلا ممكن الاقي نفسي بره المكان خلال نص ساعه

:)

تم تعديل 19 أغسطس 2010 بواسطة mzohairy

[se_ Elsyed]

لأ يا زهيري ...

أنا رأيي نسيب البتاعه دي عشان كل شيء ينكشفون ويبانون

وبعدين إنت خايف من إيه ؟

ما هو كله من اعمالك

عملك طيب هاتلاقيه

عملك بلاك ... هاتلاقيه برضوا

ههههههههههههههههههههههههههههه

والله ما قادر أمسك نفسي من الضحك

بأبص على الريبتشن بتاعتك لقيتها -1

أعترض بقى وتحدى إرادة الجماهير !!!!!

معليش يا زهيري ... حاول تغير من نفسك ومن افكارك .. وأعمل خير بقى مره في حياتك يا أخي ...

وتصدق وأبذل من مالك الكثير ....

وبإذن الله الماينص ده سبحان الله هاتلاقيه إتحول لموجب .. ومش بعيد نرشحك في مجلس الشعب

قلت أبُص أنا كمان على سُمعتي في السوق عامله إزاي .

لقيتها +7

لوووووووووووووووووووووووووووووولي .... أنا شريف وصفحتي بيضا هههههههههههههه

البيت ده طاهر .. وهايفضل طول عُمره طاهر

--------------

لكن

أصلي ..

يعني

بأبص على بروفايل أستاذ عادل لقيت الريبتشن -1

ههههههههههه

أعتقد ده خطأ برمجيات .. وارد جداً :happy:

والواحد طالما ناجح بيبقى له اعداء كتير :lol:

-------------

لأ يا عم عادل .. شيل البتاعه اللي مالهاش لازمه دي الله يكرمك ..

والله العظيم ما أعرف هي بتشتغل إزاي ولا جربت إزاي الواحد يقيم حد معين ..

وفعلاً مممكن تخلق عداوة مالهاش أي لازمه ...

وأساساً أهمية الواحد ليس بالتقييم ولا بالدرجات ولكن بتبقى بأفكاره ومشاركاته

[مغتربة]

حتى الان عندى لبس فى كيفيه احتساب النقاط

بمعنى هل كل نقطه خضراء تساوى نقطه فى التقيم ام ماذا

و كيف يحتسب التقيم السلبى فى حاله وجود تقييم سلبى فقط و كذلك فى حاله وجود خليط ما بين تقيم سلبى و ايجابى

و هل استطيع انا صاحبه التقيم معرفه من قيمنى سلبى و من قيمنى ايجابى ام فقط تظهر لى علامه التقيم

[عادل أبوزيد]

الأولى أن نحاول هنا الحوار عن ضوابط ذاتية - و الجميع هنا على مستوى عالى من الثقافة و الرقى - لمنح نقاط التميز أو اللاتميز

ما سبق كان إستهلالا لابد منه

فى اليومين الماضيين خصمت نقاط راجعة لمداخلات عبارة عن علامة إستفهام فقط أو عبارة ساخرة ليس لها علاقة بالموضوع ، و منحت نقاط تميز لمشاركات أنا شخصيا لا أتفق معها و لكنها رصين و تمثل إضافة لموضوع الحوار.

مع الوقت سينشأ تلقائيا فى محاورات المصريين فكر جماعى للمشاركة فى الإرتقاء و الإرتقاء المستمر بمحتوى محاورات المصريين.

و ربما يأتى وقت ننشئ فيه أبواب لايسمح ببدء موضوعات فيها إلا لشريحة متميزة من ناحية عدد نقاط التميز التى أضيفت إلى حسابهم.

و ربما تتطور الآلية إلى أن هناك عدد محدود من نقاط التميز لا تستطيع أن تمنح أكثر من عدد معين فى اليوم أو الأسبوع.

و فى نهاية مشاركتى هذه هل ترانى أستحق نقطة تميز على هذه المشاركة ؟

[Howayda Ismail]

[quote name='se_ Elsyed' timestamp='1282213121' post='635410

ههههههههههههههههههههههههههههه

والله ماقادر امسك نفسى من الضحك

انا لسة جاية من السوق الجو نار والاسعار نارين والبائعين هما اللى بيشتكوا مافيش حد بيشترى

كل الناس بتدعى على الحكومة ده غير قطع الكهربا حاجة بقت تزهق

لكن او مادخلت المحاوات قعدت اضحك وخصوصا طيب ايه اللى جاب القلعة جنب البحر

على فكرة اوقات كتيرة باضحك على سهوا من تعليقات حضرتك على المواضيع لدرجة اللى حوليا بيفتكروا انى

اجننت عشان باضحك من غير سبب جزاك الله خير و كل سنة وحضرتك طيب

[MZohairy]

تشرفت بالنقاش تليفونيا مع الأستاذ عادل ابو زيد صباح اليوم في مسألة الريبيوتيشن

و حابب اعرض وجهة نظري المتواضعه تلخيصا

اولا الحوار في مجتمع المنتيدات هو حوار في غرف مظلمه لا يرى فيه المتكلمون بعضهم البعض و لا يسمعون اصوات بعضهم البعض

و بالتالي فكل متحاور قد يختلف جذريا عن الآخر سنا و ذوقا و ثقافة و تعليما و خبرات حياتية و انتماءات عقائدية و ايمانية و سياسية

و بما ان الغرفة مظلمة و الجميع اصبح له سلطة بشكل ما ... فأنت معرض لرد فعل غير مسئول من اي شخص معترض على اراءك منتهزا فرصة الظلام

التقييم الحالي سيتحول الى نوع من اعطاء السلطة للجميع

و هو امر مضر جدا في رأيي في مجتمعاتنا العربية

[shawshank]

و هل استطيع انا صاحبه التقيم معرفه من قيمنى سلبى و من قيمنى ايجابى

نعم ممكن، من ملف حضرتك الشخصي.

المبدأ جميل. ويشبه مبدأ مماثل على مواقع البيع والشراء التجارية، وعلى رأسها eBay.

أنا أقترح الإبقاء على الخاصية لكن مع إخفاء هوية الأعضاء الذين يقومون بالتقييم. أي ما أراه فقط هو تقييم الزملاء لي، بصرف النظر عمن قام به. إذ لا أرى فائدة موضوعية من هذه المعلومة.

[yasser moustafa]

التقييم الحالي سيتحول الى نوع من اعطاء السلطة للجميع

و هو امر مضر جدا في رأيي في مجتمعاتنا العربية

اسمحلى يا زهيرى باشا اختلف مع حضرتك، لا ارى ضررا فى اعطاء السلطة للجميع ... خاصة وان اغلب المشاركين فى هذا المنتدى على قدر كبير جدا من الايجابية

اقترح تحديد فترة لتقييم هذه الخدمة ولتكن 6 شهور مع عدم اتخاذ اى اجراء من مشرفى المنتدى - لا منح ولا منع على الوضع الحالى للأعضاء

وفى نهاية فترة التقييم يتم نشر النتائج على الاعضاء مع التشاور فى الخطوة التالية من حيث الابقاء على الخدمة وربطها بخدمات اخرى او بوقف الخدمة

وفى النهاية الرأى للأغلبية الساحقة من شعب هذا المنتدى الرائع

[مغتربة]

و هل استطيع انا صاحبه التقيم معرفه من قيمنى سلبى و من قيمنى ايجابى

نعم ممكن، من ملف حضرتك الشخصي.

المبدأ جميل. ويشبه مبدأ مماثل على مواقع البيع والشراء التجارية، وعلى رأسها eBay.

أنا أقترح الإبقاء على الخاصية لكن مع إخفاء هوية الأعضاء الذين يقومون بالتقييم. أي ما أراه فقط هو تقييم الزملاء لي، بصرف النظر عمن قام به. إذ لا أرى فائدة موضوعية من هذه المعلومة.

اخى الكريم راجعت ملفى الشخصى و لم استطع الوصول الى ما ذكرت برجاء الايضاح اكثر

و الف شكر

[se_ Elsyed]

و هل استطيع انا صاحبه التقيم معرفه من قيمنى سلبى و من قيمنى ايجابى

نعم ممكن، من ملف حضرتك الشخصي.

المبدأ جميل. ويشبه مبدأ مماثل على مواقع البيع والشراء التجارية، وعلى رأسها eBay.

أنا أقترح الإبقاء على الخاصية لكن مع إخفاء هوية الأعضاء الذين يقومون بالتقييم. أي ما أراه فقط هو تقييم الزملاء لي، بصرف النظر عمن قام به. إذ لا أرى فائدة موضوعية من هذه المعلومة.

اخى الكريم راجعت ملفى الشخصى و لم استطع الوصول الى ما ذكرت برجاء الايضاح اكثر

و الف شكر

لقيتها لك يا أبله مغتربه

لقيتها .. لقيتها

بُصي إدخلي على ملفك الشخصي

في نص الصحفحة من فوق هاتلاقي

Recent Status Updates معلوماتي مواضيع مشاركات Reputation

دوسي على ريبوتشن دي وهاتلاقي بقى كل شيء مكشوف وبالتفصيل

أنا عملت كده دلوقت لقيت واحد مديني كحكه في احد الموضوعات هههههههههه ليه كده يا ..... ؟ بس هو صلح غلطته وأداني نجمه في موضوع تاني

لأ بجد .. انا شايف إضافات أخرى للمنتدى أفضل من كده .. الحاجات دي بتعمل عداوة .. وبرضوا شايف إنها ليست ذات أهمية

[doha]

فكرة كويسه استاذ عادل بتاعت ان الي لهم تقييم معين هم بس الي من حقهم يكتبوا في اقسام معينة . ده هيعمل تنافس محمود ان كل واحد عنده حاجه تستحق تقال هيحاول يقدم احسن ماعنده لضمان استمراره في قول مايريد ..

انا مش مع الي بيقول ان الحكايه دي ممكن تسبب حزازيات ببساطه لان تحت كل مشاركه و بجوار زر التقييم في مربع اخضر لو ضغطنا عليه هيظهر اسماء الناس الي قيمت المشاركه سواء بالسلب او الايجاب . . طبعا لو انا بترصد لشخص ما وهظلمه بتقييمي عمدا هيبان عند الآخرين اني انا الي قلت كذا عن هذا الشخص وهيبان عندهم برضه ان كان عندي مصداقية في قولي ده ولا بتجنى عليه .. يعني التقييم ده سلاح على الجانبين لو حابه اني اؤذي بيه حد او اقلل من تقييمه بالباطل فده هيقلل من تقييمي انا كمان والعكس صحيح لو انا بقيم بس الردود الكويسه بتقييم عالي ده هيقيمني بالتبعية انا كمان ان فكري عالي ,, وهكذا ..

لماضه .. اتفق معاكي كلمه ( السمعة ) جامده اوي متنفعش خالص خاصه للي ممكن تيجي معاهم بالماينص .. اقترح تترجم الى ( الشعبية ) ..

[أحمد سيف]

الخاصية جيدة لو كان التقييم يتم على أسس موضوعية مثل جدّة الفكرة ورقي الأسلوب وقوة الحجة والفائدة التي يجنيها من يقرأ المشاركة.

لكن للأسف في كثير من الأحيان التقييم سيكون على اساس أيديولوجي تماما ... بمعنى أن من يتبع فكر المقيم سيحصل على تقييم ايجابي حتى لو كانت مداخلته منقولة حرفيا من موقع آخر أو تضمنت قذفا وافتراء أو خلت من المنطق والعقلانية أو كتبت بأسلوب ردئ. وبالمقابل فإن المخالف ايديولوجيا سيحصل دوما على تقييم سلبي.

لذلك أنا أتفهم تخوّف أخونا زهيري ... وإن كنت أنا شخصيا لا أنظر للمجموع الجبري للتقييمات التي أحصل عليها لأحكم على مشاركاتي ... هناك بعض التقييمات لها وزن أكثر من غيرها عندي ... وهناك بعضها لها وزن سالب بمعنى أنني لو حصلت على تقييم سلبي من بعض الأعضاء سأكون سعيدا وسأعرف أنني حتما على المسار الصحيح.

ولكن عموما هي فكرة جيدة وتستحق التجربة.

تم تعديل 20 أغسطس 2010 بواسطة أحمد سيف

[عادل أبوزيد]

الفكرة بالتأكيد جديدة - على الأقل فى محاورات المصريين - و أتصورها أقرب ما تكون إلى مشاركة جماعية فى دور التنسيق و الإشراف أو أقرب إلى مجتمعات أثينا القديمة أو الديموقراطية المباشرة.

و جدوى الفكرة سنراه عندما يشارك عدد كبير من الأعضاء فى إستخدام ال Reputation و يتحول ذلك إلى عادة عند عدد كبير من الأعضاء.

لا أتفق مع الفكرة القائلة بأنها قد تؤدى لتوتر بين الأعضاء على العكس قد تدفع لمزيد من التواصل بين الأعضاء ربما للإستفسار أو توضيح وجهات المظر.

[MZohairy]

الخاصية جيدة لو كان التقييم يتم على أسس موضوعية مثل جدّة الفكرة ورقي الأسلوب وقوة الحجة والفائدة التي يجنيها من يقرأ المشاركة.

لكن للأسف في كثير من الأحيان التقييم سيكون على اساس أيديولوجي تماما ... بمعنى أن من يتبع فكر المقيم سيحصل على تقييم ايجابي حتى لو كانت مداخلته منقولة حرفيا من موقع آخر أو تضمنت قذفا وافتراء أو خلت من المنطق والعقلانية أو كتبت بأسلوب ردئ. وبالمقابل فإن المخالف ايديولوجيا سيحصل دوما على تقييم سلبي.

لذلك أنا أتفهم تخوّف أخونا زهيري ... وإن كنت أنا شخصيا لا أنظر للمجموع الجبري للتقييمات التي أحصل عليها لأحكم على مشاركاتي ... هناك بعض التقييمات لها وزن أكثر من غيرها عندي ... وهناك بعضها لها وزن سالب بمعنى أنني لو حصلت على تقييم سلبي من بعض الأعضاء سأكون سعيدا وسأعرف أنني حتما على المسار الصحيح.

ولكن عموما هي فكرة جيدة وتستحق التجربة.

هو ده اللي انا بتكلم عليه تماما يا أحمد

فالمواضيع عند الكثيرين تأخذ الطابع الشخصي و ليس محتوى المداخله

احيانا نرى البعض يؤيد الرأي لأنه صادر من شخص له نفس الميول الفكريه

و لو قال شخص آخر نفس الرأي و كان هذا الشخص يختلف عنهم فكريا فمن الممكن جدا ان يساء فهمه و يعتقد فيه كل الشرور

و في النهايه اذا كانت التقييمات لن تؤدي الى اي منع لصلاحيات او حقوق فلا مانع منها ابدا

اما اذا ادت الى انقاص في الصلاحيات فأنا اعترض عليها تماما بسبب اننا في مجتمع ليس كل من فيه صالحون و حياديون

و اذا أخذ الغير محايد سلطة ما فإن اساءة الإستخدام ستكون من اوضح الأمور و ستظهر لكم النتائج تباعا

تحياتي

[doha]

الخاصية جيدة لو كان التقييم يتم على أسس موضوعية مثل جدّة الفكرة ورقي الأسلوب وقوة الحجة والفائدة التي يجنيها من يقرأ المشاركة.

لكن للأسف في كثير من الأحيان التقييم سيكون على اساس أيديولوجي تماما ... بمعنى أن من يتبع فكر المقيم سيحصل على تقييم ايجابي حتى لو كانت مداخلته منقولة حرفيا من موقع آخر أو تضمنت قذفا وافتراء أو خلت من المنطق والعقلانية أو كتبت بأسلوب ردئ. وبالمقابل فإن المخالف ايديولوجيا سيحصل دوما على تقييم سلبي.

لذلك أنا أتفهم تخوّف أخونا زهيري ... وإن كنت أنا شخصيا لا أنظر للمجموع الجبري للتقييمات التي أحصل عليها لأحكم على مشاركاتي ... هناك بعض التقييمات لها وزن أكثر من غيرها عندي ... وهناك بعضها لها وزن سالب بمعنى أنني لو حصلت على تقييم سلبي من بعض الأعضاء سأكون سعيدا وسأعرف أنني حتما على المسار الصحيح.

ولكن عموما هي فكرة جيدة وتستحق التجربة.

على فكره حتى لو ده حصل فمفيش مشكلة خالص عارف حضرتك ليه ؟

في حاجه في علم الاحصاء اسمها ( قانون الاعداد الكبيرة ) والي بينص ان كلما زاد عدد المشاركين في العينة كلما اصبحت النتيجه الاحصائية اقرب للنتيجه في الواقع .. بمعنى .. دلوقت لو اثنين ثلاثه قيموا مشاركه وقالوا انها عجباهم وارد جدا يتضح بعدين انها اصلا متستاهلش انما ( صادف ) انها عاجبة الثلاثه دول .. بينما لو ثلاثه الاف مثلا قيموا مشاركه واتفق 80 % منهم على انها حلوة فغالبا هتكون هي دي النسبة في الواقع وهتلاقي ان ثمانية من كل عشرة اشخاص هتعجبهم المشاركه دي . .

تماما زي اليوتيوب كده لما تلاقي في فيديو واخذ تقييم عالي بتلاقيه غالبا يعجبك ولو واخد تقييم اي كلام بتلاقيه برضه غالبا اي كلام ..

وعلى هذا لو اصبح التقييم عاده عند اعضاء محاورات المصريين مع الوقت هتطلع النتائج صادقة ومطابقة للواقع بنسبة كبيرة حتى لو البعض كان بيقيم لهوى شخصي مش بنزاهة وموضوعية .

اما بقى لو العدد مش كبير وبقت المشكلة في حتة الناس الي بتقيم ناس لمجرد انهم على هواهم او حتى العكس انهم مش ( لادين عليهم ) فيحطوا لهم تقييم سلبي ( عليهم مش على مشاركاتهم ) فبرضه لو فكرنا فيها هنلاقي ان للاسف دي ( سنة الحياة ) ..

النهرده لما عدد سكان مصر فوق السبعين مليون ولو فرضنا ان تم فتح باب الانتخابات ( بنزاهة ) وموضوعيه وترك السبعين دول يختاروا اي شخص يمثلهم .. تفتكر الي هيختاروه هيقنعك انت شخصيا ؟ مظنش .. عارف ليه ؟ لانهم سبعين مليون فيهم على الاقل خمسين ستين في تغييب فكري وعقلي ودول مستحيل هتكون خياراتهم هي ذاتها خيارات النخبة المثقفة .. ومع ذلك .. هيمشي خيارهم لانه خيار ( الاغلبية ) واي حد عادي ـ وبكده هيبقى من الاغلبية ـ هيجي هيقول ايوه فعلا الشخص ده مناسب في المكان المناسب ..

لو ان مشاركه ما مخالفة لفكر مية واحد قيموها وقالوا انها وحشة لمجرد انها عكس فكرهم فغالبا هتكون وحشة بالنسبة للبقية برضه لان الفكر غالبا هيكون واحد فهو ( فكر الاغلبية ) ..