..أصحاب الخبرة ....طلب استشارة بشكل شخصى ...صعوبة الاختيار ....

[shiko]

...بصراحة ...ترددت كثيرا قبل اضافة طلبى ...

ولكنى قتلت الموضوع بحثا وموش لاقية حل ....

يمكن لان الموضوع بشكل شخصى اوى ....

وعلشان موش عاوزة ادخل فى تفاصيل تخص اطراف تانية ...

انا محتارة مابين قرارين ...

كلاهما فى منتهى الصعوبة على نفسى ....

ولازلت مترددة من سنوات ...حتى انى مللت ترددى ...

الموضوع باختصار اننا فى العيلة عندنا طفل من ذوى الاحتياجات الخاصة ....

...ولن اتكلم عن معاناة تلك الفئة فى مصر .....

ولن اتطرق الى تجربة البحث عن مدرسة

ولا التكاليف الباهظة علشان تشوف ابنك بنى ادم ...بيتعامل معاملة البنى ادمين

الطفل ده عنده دلوقتى 12 سنة ...ونسبة ذكائه حسب اخر تقرير 61%...

يعانى من بؤرة صرعية متكررة على فترات متباعدة جدا...

لحد كده مفيش اى مشاكل ...

المشكلة بقى وباختصار ان امى تفكر جديا ..فى استضافة الولد ده عندنا بشكل دائم ..

حتى نتمكن من علاجه وتحسين حالته التى تتدهور ...

المشكلة موش موافقتى ولا عدم موافقتى على المبدأ...انا موافقة من غير تردد ...

بس فى اعتبارات لازم نعمل حسابها فى قرارنا :

استبعاد الطفل عن والديه ..هايخليهم يعتبروه ضيف فى اوقات عودته لمنزل الاسرة

مهما بذلنا من مجهود ...موش هانعوضه حنان والديه ...حتى لو اننا هانديله اهتمام اكبر ورعاية افضل

الطفل داخل على مرحلة بلوغ ..ومن ثم رجولة ...

امى مسنة ولكنها بكامل صحتها وبرضه هو محتاج مجهود فائق ...يفوق سنها ..

لأنه هايبر جدا وصعب السيطرة عليه فى كثير من الاحيان

كل مانشوف حالته بتتاخر ...نلوم انفسنا ...بس الموضوع صعب والحالة بتسؤ يوم بعد يوم ...

ومع تقدم سنه الموضوع بيزداد صعوبة ...

الامر دلوقتى ينحصر فى حاجتين :

نستضيفه ...والله المستعان ...

نتركه مع والديه اللذين لاحول لهم ولاقوة ...ومانفكرش فى الموضوع تانى ..

ممكن حد يفكر معايا بصوت عالى ويقولى اعمل ايه؟؟

[Morial]

خدوه يا شيكو وبدون تردد

ده هدية من ربنا

وأكيد ربنا بيحبكم اوي علشان يحط الولدده في طريقكم

ويقدركم علي رعايته

وصدقيني يا شيكو الولد ده هيدخل بيتكم والخير هيدخل وراه لكل فرد في البيت ده بإذن الله

وبكره تقولي منال قالت ;)

[لماضة مصرية جدا]

[bالمشكلة موش موافقتى ولا عدم موافقتى على المبدأ...انا موافقة من غير تردد ...

بس فى اعتبارات لازم نعمل حسابها فى قرارنا :

استبعاد الطفل عن والديه ..هايخليهم يعتبروه ضيف فى اوقات عودته لمنزل الاسرة

مهما بذلنا من مجهود ...موش هانعوضه حنان والديه ...حتى لو اننا هانديله اهتمام اكبر ورعاية افضل

الطفل داخل على مرحلة بلوغ ..ومن ثم رجولة ...

امى مسنة ولكنها بكامل صحتها وبرضه هو محتاج مجهود فائق ...يفوق سنها ..

لأنه هايبر جدا وصعب السيطرة عليه فى كثير من الاحيان

كل مانشوف حالته بتتاخر ...نلوم انفسنا ...بس الموضوع صعب والحالة بتسؤ يوم بعد يوم ...

ومع تقدم سنه الموضوع بيزداد صعوبة ...

الامر دلوقتى ينحصر فى حاجتين :

نستضيفه ...والله المستعان ...

نتركه مع والديه اللذين لاحول لهم ولاقوة ...ومانفكرش فى الموضوع تانى ..

ممكن حد يفكر معايا بصوت عالى ويقولى اعمل ايه؟؟

السلام عليكم و رحمة الله و بركاته

بصي يا شيكو....انتي قولتي فيه اعتبارات تانية....بس خليني ااقولك الاعتبارات التانية...مش اللي انتي قولتيها فوق دي خالص

الاعتبارات التانية من وجهة نظري:

1- هل انتي و ماما كاسرة هتعرفوا تتعاملوا مع "محمد"....مثلا....طوال الاربع و عشرين ساعة....و الموضوع مش مجهود بدني زيادة من ماما او منك...الموضوع محتاج فعلا رعاية و طولة بال و قدرة علي التحكم و التصرف الصح في المواقف المختلفة

2- موضوع حنان والديه انا مختلفة معاكي فيه برضه....جزء كبير من علاج الاطفال و منهم محمد بيبقي علي الام لو هي عندها طولة بال و فعلا اخدت الموضوع ده زي ما قالت منال....هدية ربنا و اتحدت الظروف....يا تري الاسرة اللي انتي بتتكلمي عليهامن النوع ده و لا ايه؟

و طبعا محدش هيستحمل الولد زي مامته و مش هقول باباه...بس الام وضع تاني مختلف.

أنا رايي الشخصي

احنا ناخد الموضوع بالتدريج يعني ايه:

1- انتي و ماما و اسرتك تبتدوا تزوروا دور رعاية...عشان تبقي فاهمين بشكل عملي احتياجات "محمد"....مثلا و كنوع من التدريب ليكوا فعلا قبل ما تتحطوا في التجربة

2- "محمد" يتواجد عندكم في البداية بشكل جزئي....يعني يقضي يوم....خروج مع بعض....و بعدين تزداد بالتدريج

3- الحاجة اللي مش فهمتها ليه بتفكروا انه يعيش معاكم بشكل دائم.....مش هو عنده اسرة....ليه متكونشي رعاية مشتركة بينكم و بين الاسرة....من حيث النفقات....و في نفس الوقت الرعاية النفسية.....يعني يقضي وقت عندكم بس الوقت الاكبر عند اسرته الحقيقية

عارفة ليه بقول كده...لانك بتقولي ان سنه 12 سنة....يعني...السنوات الاولي في التشكيل و التدريب بالنسبة ليه عدت و بقت الفترات اللي جاية اصعب.....و في نفس الوقت....اناخيفة انكم تاخدوا القرار انه يجي يعيش معاكم من غير ما تكونوا مستعدين...و بالتالي متكونوش اد المسئولية بتاعته....و يضطر يرجع تاني لاسرته....و ده ممكن يؤثر علي نفسيته

اجمالا انا مع ان "محمد"...يكون ليه اسرتين....ليه لا.....او خلينا نقول اسرة كبيرة...بس ناس ساكنين في حتة و ناس ساكنين في حتة تانية.....و مع ان الموضوع يتاخد واحدة واحدة

و صلي استخارة و هتلاقي ربنا بيفتح لك ابواب انتي متخيلتيهاش

ع فكرة انا والدتي متخصصة سابقة في الاحتياجات الخاصة....و باذن الله لما انزل مصر ممكن تساعدناكتير....(و بقول تساعدنا مش تساعدكم عشان..دلوقتي مبقاش فيه شيكو و مامتها...معاكو ريهام ياذن الله)

خلينا علي تواصل

في امان الله

[عبيد الله]

السلام عليكم ورحمة الله وبركاته

أختنا الكريمة.. أنا لست من أهل الخبرة كما طلبتي في عنوان موضوعك.. لكن لي رأي مخالف عن من سبقني في المشاركة.. أرجو أن يتسع صدرك له:

مشاعرك ومشاعر والدتك – بارك الله فيها – تجاه معاناة ذلك الفتى، شفاه الله وعافاه وجميع مرضى المسلمين، أكيد نابعة من قلبين طيبين حنونين..

لكن لي تحفظ شديد على مسألة الاستضافة عندكما في البيت.. لسببين:

- الفتى شهور قليلة ويكمل 13 سنة.. أي في عز بداية مرحلة المراهقة والبلوغ.. هذه المرحلة صعبة.. وتحتاج عناية ومراقبة من أب أو أخ أكبر وليس من نساء أو أقارب.. ربما تحدث منه مواقف وتصرفات، أحياناً خارجة عن إرادته.. أنتما في غنى عنها، بل ربما يتغير تعاطفكما معه تماماً..

- وجوده في بيته وسط أبيه وأمه وأخوته أفضل عشرات المرات من وجوده كضيف عند آخرين، مهما كانت درجة تعاطفهم معه.. فأهله معه منذ نعومة أظافره ويحفظونه كشخص وكأفكار وكميول.. يعرفون ما يفرحه وما يحزنه.. يتابعون حالته يوماً بعد يوم منذ ولادته.. وعلى وعي كامل بأفضل طريقة للتعامل معه..

لذا، أرى أنّ أسلم حل يريح قلبك ويرضي ضميرك.. هو:

- أن تساعدي والديه مادياً.. فهم أقدر الناس على خدمته والسهر على راحته.. والتفكير جدياً في تولي تكاليف علاجه، أو التكفل بنفقات دواءه أو جلسات التأهيل النفسي والعقلي له..

- تتابعيه أنت ووالدتك عن قرب بالاهتمام والسؤال والهدايا والملاطفة.. ولا مانع في أن تقضي معه بعض الأوقات، أو تصطحبيه مع الأهل في فسحة أو مناسبة..

هذا رأي.. والله أعلى وأعلم

[shiko]

خدوه يا شيكو وبدون تردد

ده هدية من ربنا

وأكيد ربنا بيحبكم اوي علشان يحط الولدده في طريقكم

ويقدركم علي رعايته

وصدقيني يا شيكو الولد ده هيدخل بيتكم والخير هيدخل وراه لكل فرد في البيت ده بإذن الله

وبكره تقولي منال قالت ;)

...منال ميرسى على رأيك ...

انتى عارفة ...انا متأكدة ان الفئة دى من اهل الجنة ان شاء الله ..

وان ربنا رزقنا بالناس دى ..رحمة بينا ...بس خلينا موضوعيين ...

هل مصلحة الولد ..مع والديه اكبر ؟؟

هل اللى انتى بتقوليه ده فى مصلحته ولا هانتعب نفسيته اعتقادا مننا اننا بنفيده؟؟

تم تعديل 23 يوليو 2010 بواسطة shiko

[shiko]

[bالمشكلة موش موافقتى ولا عدم موافقتى على المبدأ...انا موافقة من غير تردد ...

بس فى اعتبارات لازم نعمل حسابها فى قرارنا :

استبعاد الطفل عن والديه ..هايخليهم يعتبروه ضيف فى اوقات عودته لمنزل الاسرة

مهما بذلنا من مجهود ...موش هانعوضه حنان والديه ...حتى لو اننا هانديله اهتمام اكبر ورعاية افضل

الطفل داخل على مرحلة بلوغ ..ومن ثم رجولة ...

امى مسنة ولكنها بكامل صحتها وبرضه هو محتاج مجهود فائق ...يفوق سنها ..

لأنه هايبر جدا وصعب السيطرة عليه فى كثير من الاحيان

كل مانشوف حالته بتتاخر ...نلوم انفسنا ...بس الموضوع صعب والحالة بتسؤ يوم بعد يوم ...

ومع تقدم سنه الموضوع بيزداد صعوبة ...

الامر دلوقتى ينحصر فى حاجتين :

نستضيفه ...والله المستعان ...

نتركه مع والديه اللذين لاحول لهم ولاقوة ...ومانفكرش فى الموضوع تانى ..

ممكن حد يفكر معايا بصوت عالى ويقولى اعمل ايه؟؟

السلام عليكم و رحمة الله و بركاته

بصي يا شيكو....انتي قولتي فيه اعتبارات تانية....بس خليني ااقولك الاعتبارات التانية...مش اللي انتي قولتيها فوق دي خالص

الاعتبارات التانية من وجهة نظري:

1- هل انتي و ماما كاسرة هتعرفوا تتعاملوا مع "محمد"....مثلا....طوال الاربع و عشرين ساعة....و الموضوع مش مجهود بدني زيادة من ماما او منك...الموضوع محتاج فعلا رعاية و طولة بال و قدرة علي التحكم و التصرف الصح في المواقف المختلفة

2- موضوع حنان والديه انا مختلفة معاكي فيه برضه....جزء كبير من علاج الاطفال و منهم محمد بيبقي علي الام لو هي عندها طولة بال و فعلا اخدت الموضوع ده زي ما قالت منال....هدية ربنا و اتحدت الظروف....يا تري الاسرة اللي انتي بتتكلمي عليهامن النوع ده و لا ايه؟

و طبعا محدش هيستحمل الولد زي مامته و مش هقول باباه...بس الام وضع تاني مختلف.

أنا رايي الشخصي

احنا ناخد الموضوع بالتدريج يعني ايه:

1- انتي و ماما و اسرتك تبتدوا تزوروا دور رعاية...عشان تبقي فاهمين بشكل عملي احتياجات "محمد"....مثلا و كنوع من التدريب ليكوا فعلا قبل ما تتحطوا في التجربة

2- "محمد" يتواجد عندكم في البداية بشكل جزئي....يعني يقضي يوم....خروج مع بعض....و بعدين تزداد بالتدريج

3- الحاجة اللي مش فهمتها ليه بتفكروا انه يعيش معاكم بشكل دائم.....مش هو عنده اسرة....ليه متكونشي رعاية مشتركة بينكم و بين الاسرة....من حيث النفقات....و في نفس الوقت الرعاية النفسية.....يعني يقضي وقت عندكم بس الوقت الاكبر عند اسرته الحقيقية

عارفة ليه بقول كده...لانك بتقولي ان سنه 12 سنة....يعني...السنوات الاولي في التشكيل و التدريب بالنسبة ليه عدت و بقت الفترات اللي جاية اصعب.....و في نفس الوقت....اناخيفة انكم تاخدوا القرار انه يجي يعيش معاكم من غير ما تكونوا مستعدين...و بالتالي متكونوش اد المسئولية بتاعته....و يضطر يرجع تاني لاسرته....و ده ممكن يؤثر علي نفسيته

اجمالا انا مع ان "محمد"...يكون ليه اسرتين....ليه لا.....او خلينا نقول اسرة كبيرة...بس ناس ساكنين في حتة و ناس ساكنين في حتة تانية.....و مع ان الموضوع يتاخد واحدة واحدة

و صلي استخارة و هتلاقي ربنا بيفتح لك ابواب انتي متخيلتيهاش

ع فكرة انا والدتي متخصصة سابقة في الاحتياجات الخاصة....و باذن الله لما انزل مصر ممكن تساعدناكتير....(و بقول تساعدنا مش تساعدكم عشان..دلوقتي مبقاش فيه شيكو و مامتها...معاكو ريهام ياذن الله)

خلينا علي تواصل

في امان الله

ريهام ...

مهما اقولك من كلام ..اكيد مش هايعبر عن اللى جوايا ....

شكرا لمشاركتك ...

بالنسبة للخبرة وزيارة دور الرعاية والتزود بالمعلومات الكافية ...ده بالفعل حصل على مدار ال 12 سنة ..لان باختصار الطفل ده ابن اختى ..موش مجرد حد نعرفه او تربطنا به علاقة عائلية ...

وبالنسبة لاقتراح استضافته جزء من الوقت ده فعلا حصل ...وبيحصل كتير وبنلاقى انه بيتقدم جدا بس للاسف لما بيرجع بيته ولظروف ما بيرجع تانى زى الاول وبيضيع المجهود فى ادراج الرياح...

بالنسبة لمهند موش محمد ...هو حساس جدا وبعده عن والديه بيأثر فى نفسيته جدا ...والصعوبة تكمن فى سكنهم فى محافظة اخرى تماما ...وصعب انه يتواجد مابين هنا وهناك لان ده هايحقق نوع من عدم الاستقرار ....

انا الحاجة اللى فرحتنى طبعا انضمامك لفريق العمل المزمع تكوينه ...وكمان والدتك اللى طلعت صاحبة باع فى الموضوع ده ...ومن الواضح انها نجحت نجاح مبهر بعد ماقدرت تقف معاكى وتخليكى ريهام اللى بتكلمنى دلوقتى ...:rolleyes:

حبيبتى اللمضة ..جزاكى الله عنا كل الخير ...

[shiko]

السلام عليكم ورحمة الله وبركاته

أختنا الكريمة.. أنا لست من أهل الخبرة كما طلبتي في عنوان موضوعك.. لكن لي رأي مخالف عن من سبقني في المشاركة.. أرجو أن يتسع صدرك له:

مشاعرك ومشاعر والدتك – بارك الله فيها – تجاه معاناة ذلك الفتى، شفاه الله وعافاه وجميع مرضى المسلمين، أكيد نابعة من قلبين طيبين حنونين..

لكن لي تحفظ شديد على مسألة الاستضافة عندكما في البيت.. لسببين:

- الفتى شهور قليلة ويكمل 13 سنة.. أي في عز بداية مرحلة المراهقة والبلوغ.. هذه المرحلة صعبة.. وتحتاج عناية ومراقبة من أب أو أخ أكبر وليس من نساء أو أقارب.. ربما تحدث منه مواقف وتصرفات، أحياناً خارجة عن إرادته.. أنتما في غنى عنها، بل ربما يتغير تعاطفكما معه تماماً..

- وجوده في بيته وسط أبيه وأمه وأخوته أفضل عشرات المرات من وجوده كضيف عند آخرين، مهما كانت درجة تعاطفهم معه.. فأهله معه منذ نعومة أظافره ويحفظونه كشخص وكأفكار وكميول.. يعرفون ما يفرحه وما يحزنه.. يتابعون حالته يوماً بعد يوم منذ ولادته.. وعلى وعي كامل بأفضل طريقة للتعامل معه..

جزاك الله خيرا ...وما ذكرته سالفا اوافقك الراى فيه سيدى ...وهذا مايثير حفيظتى كثيرا فى ان يكون معنا بشكل دائم ..

لذا، أرى أنّ أسلم حل يريح قلبك ويرضي ضميرك.. هو:

- أن تساعدي والديه مادياً.. فهم أقدر الناس على خدمته والسهر على راحته.. والتفكير جدياً في تولي تكاليف علاجه، أو التكفل بنفقات دواءه أو جلسات التأهيل النفسي والعقلي له..

...عفوا هو ليس بأى حاجة مادية تماما ....وماكان سبب رعايتنا له اى جانب مادى ...على العكس فوالديه يدعمانه ماديا بشكل كاف... وعلى استعداد لمضاعفة تلك المكانيات فى حال تواجد معنا ..فقط بقى ان تعلم انه اول احفاد عائلتنا الصغيرة ...ويقطن بعيدا عنا تماما ويصعب الاتصال به ومتابعته بشكل دائم ....

- تتابعيه أنت ووالدتك عن قرب بالاهتمام والسؤال والهدايا والملاطفة.. ولا مانع في أن تقضي معه بعض الأوقات، أو تصطحبيه مع الأهل في فسحة أو مناسبة..

هذا رأي.. والله أعلى وأعلم

اخيرا...ردك الكريم اكثر الردود التى جانبها الصواب ولكنى لازلت فى حيرتى ...

[لماضة مصرية جدا]

السلام عليكم و رحمة الله و بركاته

القريبة جدا من القلب...علي الرغم من البعد

انتي لما حكيتي الموضوع متهيالي كلنا افتكرناان "مهند" هو طفل مش من العيلة...لكن انتي كده وضحتي جزء مهم جدا

تساؤلي بس...انتي بتقولي انه لما بيجي يزوركم و كده بتكون نفسيته كويسة و لما بيروح لاهله اللي هما في محافظة تانية نفسيته بترجع تتدهور...او خلينا نقول ان الحاجات اللي اتعلمها عندكم بينساها مثلا

عارفة يا شيكو سبحان الله ده بيحصل لكل الاطفال مش في حالة مهند بس

بس المهم في حالة مهند...انه يبقي ليه نظام ثابت من المعاملة سواء عندكم يعني بيت تيتة او بيت باباه و مامته

أنا اسفة اني بتدخل...بس لازم اسال يا تري باباه و مامته متفهمين لحالته و بيتعاملوا معاه بطريقة صح...مش بس فكرة العلاج المادي...ع فكرة ماما بتقولي دايما ان طفل زي مهندبيكون لماح جدا لكل الانفعالات اللي حواليه...و بيقدر يفسر كتير من السلوكيات اللي بيعملها المحيطين بيه علي الرغم من افتراض المحيطين دايما انه مش فاهم

لازم نشوف ايه سبب انه مثلا بيرتاح عندكم اكتر....لاني مع الراي انه يجي عندكم بس في نفس الوقت يتواجد في بيت باباه و مامته

الحاجة التانية

علي مدار السنين بتتطور مهاراته...و ابسطها اللي بيعتمد فيها علي نفسه...و بتطور لغاية انه ممكن يتحكم في انفعالاته

اسفة علي التساؤلات....بس خلاص بقينا مع بعض

ع جنب بقي

لما تعرفي امي هتعشقيها اصلا....أبسط حاجة ااقولك عليها....امرأة عندها مخزون لا ينضب من الايمان...بشوفه معاها في شغلها اللي لغاية النهاردة ولاد من اللي كانت بتتعامل معاهم بيجوا يزورونا...و لما يتاخروا في الزيارة....بتسحبني في ايدها و نروح نزورهم.....ماما علمتني من غير كلام...ان لما الدنيا كلها تقول مبقاش فيه معجزات....معاها دايما....بنلاقي المعجزات بتحصل....بوصفة حب...علي ايمان...و بتحصل و لله الحمد....ربنا ما يحرمني منها ابدا

ع جنب بقي....ده الجنب التاني....غير الاولاني

يا ريت سموك تبقي تبعتي رقم موبايلك ع الخاص

عشان الموبايل بتاعي....القديم انتحر...و جبت واحد جديد ومعنديش رقم اي بني آدم أو بين أدماية فيكي يا مصر....غير ماما طبعا

مساكي....تواصل....حتي ع البعد

تم تعديل 23 يوليو 2010 بواسطة لماضة مصرية جدا