المنتظريين مقابلات كيبيك 9-2010

[dr gege]

hi

[jonathan]

مساء الخير يا جماعة ..تعقيبا على مشاركة روك الاخيرة..بصراحة اللي يقراء الموضوع في الاول و يجي يقرا الصفحات الاخيرة حيلاقي الموضوع انحرف كتير عن مساره و بدل ما كنت كل مشاركة مليانة بمعلومات مفيدة..بقي 3/4 المشاركات عبارة عن شات شخصي..يا جماعة مافيش احسن من ان الواحد يفتح الموضوع و يوصل لاي افادة بسهولة...مش يفضل يدور بين 177 صفحة بقي معظمهم مشاركات شخصية و تعليقات..ممكن نبعت لبعض على الخاص ..ممكن نستعمل شات المنتدي..او نتبادل الايميل .انتوا مش واخدين بالكوا ان في اعضاء كتير مبقوش بيدخلوا الموضوع و مشاركتهم كانت مهمة جدا بسبب كم المعلومات اللي عندهم..و بعدين ليه لازم اقتباس المشاركة للرد عليها بما فيه استهلاك مساحات كبيرة..ممكن في بداية الرد اوضح انا موجه مشاركتي لمين..معلش ممكن تزعلوا مني او تفتكروني بانتقد حد ..لكن صدقوني دة مش هدفي تماما..كل المقصود ان الموضوع دة يبقي مرجع سهل لاي حد محتاج معلومة..بدل ما يزهق من البحث و يرجع يسال و نعيد تاني من الاول...تقبلوا مني كل ود

[Rock]

معك قلبا و قالبا يا جوناثان bv:-

الباب اصبح في مهب الريح من غير رقابة او توجية و اي حد بيعمل اي حاجة عن عدم معرفة منة او مش فارقة معاة

فياريت نبقي احنا رقابة ونظام لانفسنا و نوجة بعض للصح و الافضل

انا بقترح علي سبيل المثال انة مشاركات التهنئة تزال بعد اسبوع من اضافتها..

في مشاركات كتيرة موجودة كأنها مشاركات لرفع عدد المشاركات و البوستس و خلاص.

يا ريت يا جماعة لو شايفين سلبيات نتناقش فيها هنا...انا بصراحة استغربت من مشاركة الناس الضعيفة فية بطريقة محبطة...

http://www.egyptiantalks.org/invb/index.php?showtopic=111813

زمان الباب دة كان مليان مشاركات قوية و افادات

و كلللللللللللللللللللللللللة صدقوني للخير

شكراا

تم تعديل 1 ديسمبر 2010 بواسطة rock

[Mina Adly]

الف مبروك لايمى الديرى و وجدى و علاء فرينش bnd5:: bv:-

[GOGA SAMIR]

عندك حق با جوناثان انا مثلا لسه بحضر الورق وبتعب جدا علي ما الاقي معلومه ويعلم ربنا كميه الوقت اللي بيضيع عشان اوصل لمعلومه وانا اولي بالوقت ده عشلن اذاكر فيه......كلنا ننفذ كلامك.. :sad: :sad: :sad: :sad:

وكمان ادرجه ان في معلومات ضاعت مني ومش لقياها زي الاوراق المطلوبه لكيبيك...

[AggoW]

أولاً:

ألف مبروك لكل الناجحين وعقبال كل الناس

ثانياً:

تباعاً لكلام جوناثان ... لو يتكرموا الاخوة الجدد تقليل الرسائل الخاصة، ولو يحبوا إرسال اى تليفونات أو إيميلات خاصة أو عناوين فهم ممكن بسهولة يراسلوا على الخاص أو الشات

وأفضل شئ ان يكون الكلام مفيد وهادف ومختصر والمعلومات مؤكدة زى ما قال قبل كدة أخونا الدكتور ايهاب وأخونا بيبو

لو سمحتم خلونا نستفيد من الوقت ولا داعى لتكرار الكلام

أرجو قبول كلماتى بدون زعل ... مع أطيب أمنياتى

[hany eskander]

مبروك لكل الناجحين ويارب تكمل اللستة كلها على خير

ودعواتكم وصلواتكم

يوم الاحد

بيبيتوووووووووووووووووو

يارب تديله نعمه فى عين المستشار

[DrEhab]

المشاركه دى مخصوص للأستاذ كريم عبده

دى طريقة ممارسة مهنة الترجمه فى كيبك لخريجى كليات الاداب اللى مش هيقدروا يشتغلوا فى التدريس

ده اللينك انجليزى http://www.immigration-quebec.gouv.qc.ca/publications/en/professions/Translator.pdf

و ده فرنساوى http://www.immigration-quebec.gouv.qc.ca/publications/fr/professions-regies/Traducteur.pdf

و ياريت دون كاملو يشاركنا فى الموضوع ده لأن اعتقد انو كان عنده نفس المشكله بالنسبه للمدام على ما اتذكر و مش عارف هيتكلم عن انهى معادله بخصوص كلية الأداب ياريت لو تقدر يا جون تفيد كريم اكتر منى فى النقطه دى وربنا يعوضك

[dr gege]

ناجح ) دون كاملو 08-11-2010 اسكندرية

( ناجح ) هارفي حنا 09-11-2010 اسكندرية

مايكل 09-11-2010 اسكندرية ( ناجح)

### فريند#### 10-11-2010 اسكندرية next time

جوجو 11-11-2010 اسكندرية ( ناجح)

(ناجح ) 6- دودو 14-11-2010 اسكندرية

7-عمانوئيل 18-11-2010 اسكندرية (ناجح)

(ناجح )8-روك 21-11-2010 اسكندرية

9- خائف 21-11-2010 اسكندرية- 8:30 ص ( ناجح)

10- صيدلي كندي 21-11-2010 اسكندرية

11- تهاني 22-11-2010 اسكندرية ( ناجحة)

(ناجح ) 12-تامر مينا 22-11-2010 اسكندرية

13- عمر 24-11-2010 اسكندرية (ناجح)

14- ميستري 24-11-2010 اسكندرية

15- جوو 28-11-2010 اسكندرية (ناجح)

16 - جيجي 29-11-2010 اسكندرية (ناجحة)

17-ارساني مجدي 29-11-2010 اسكندرية (ناجح)

18- ام مونتريال 30-11-2010 اسكندرية( ناجح)

19- وجدى جرجس 1-12-2010 الساعة(ناجح )

20- امي الديري 01-12-2010 اسكندرية (ناجحة)

21- د.مينا 01-12-2010 اسكندرية next time

علاء فرنش 01-12-2010 اسكندرية( ناجح)

23-ابنيلتا 1-12-2010 اسكندرية

24-بيبيتو 5-12-2010 الاسكندرية

25-روا 6-12-2010 اسكندرية

26-رودي 8-12-2010 اسكندرية

27-مايكل فؤاد 8-12-2010 اسكندرية

28-كريم عبدو 14-12-2010 اسكندرية

الف مبرووك للناجحين الحلوين

تم تعديل 1 ديسمبر 2010 بواسطة dr gege

[اغابي]

الف مبروك لايمي وعلاء ووجدي

بالنسبة لجوناثان وروك

هو داه اللى انا بقوله - فى ناس معانا جديدة كتير اشتركت فى المنتدى و منتظرة الفايل نمبر

وهو داه السبب اللى خلى التوبيك هنا ينحرف عن الهدف الاصلى بتاعة بالاستفسارات الكتير عن موضوعات مش مكانها هنا

وانا لما قولت الاقتراح انى اعمل توبيك فيه ليستة منظمة للناس المنتظرة الفايل نمبر وانا منهم بالطبع

علشان نحافظ على نظام التوبيك داه بما يحوى من معلومات هامة جدا ويمكن الرجوع اليها وداه لا شك فيه

انا بكره انشالله حاعمل توبيك اسمه - المنتظرين الفايل نمبر

عاوزين الناس اللى منتظرة الفايل نمبر تشترك فيه وتستفسر براحتهم عن اى حاجة تخص الفايل نمبر

وداه حينظم شوية توبيك المنتظرين مقابلة كيبك

اعتقد داه حل سليم وانا فعلا بدأت فى تنفيذه - برغم انى كنت مأجلاه لغاية من كل الناس تخلص الليستة فى المقابلة ونحتفل بيهم

لكن اكتر من كدا مش حينفع - الناس هنا بقت 3 اقسام

قسم منتظر المقابلة

وقسم خلص المقابلة

وقسم منتظر الفايل نمبر

وانا بقيت حاسة انى فى مولد وصاحبه غايب ومش عارفة

حتى اساعد الناس اللى بتسالنى او بتطلب منى استفسارات

ياريت نساعد بعض ونلتزم بالمطلوب فى التوبيك الجديد حفاظا على المعلومات

تحياتى

تم تعديل 1 ديسمبر 2010 بواسطة اغابي

[wagdy]

احب اشكركم كلكم على صلواتكم ودعواتكم وبجد المنتدى ده جميل جدا وافادنى كتير وعرفنى بناس رائعين بجد تحس انهم زى اخواتك اللى بخافوا عليك وفعلا الناس مابتتعرفش الا فى الضيقات والازمات والناس اللى وقفت وسالت عليا كتير واولهم الاستاذ هانى يعقوب الاستاذ الرائع اول واحد اتصل بيا لما فتحت التليفون وكمان الناس اللى كانت بتصليلى وتدعيلى زى محمد كيبيك وفيلومينا ورودى وهانى اسكندر وكريم عبده وتوتا عماد وام موريال وعمانوئيل وامير مرقص وجو وجوجا سمير و Aggow والاستاذ اللى اسم على مسمى اغابى وهى فعلا مليانة محبة للجميع وكمان د/بطوط والاستاذ مينا عدلى ود/ جى جى صاحبة اللستة الذهبية ووش السعد على الناس كلها

[GOGA SAMIR]

احب اشكركم كلكم على صلواتكم ودعواتكم وبجد المنتدى ده جميل جدا وافادنى كتير وعرفنى بناس رائعين بجد تحس انهم زى اخواتك اللى بخافوا عليك وفعلا الناس مابتتعرفش الا فى الضيقات والازمات والناس اللى وقفت وسالت عليا كتير واولهم الاستاذ هانى يعقوب الاستاذ الرائع اول واحد اتصل بيا لما فتحت التليفون وكمان الناس اللى كانت بتصليلى وتدعيلى زى محمد كيبيك وفيلومينا ورودى وهانى اسكندر وكريم عبده وتوتا عماد وام موريال وعمانوئيل وامير مرقص وجو وجوجا سمير و Aggow والاستاذ اللى اسم على مسمى اغابى وهى فعلا مليانة محبة للجميع وكمان د/بطوط والاستاذ مينا عدلى ود/ جى جى صاحبة اللستة الذهبية ووش السعد على الناس كلها

الف مبروك يا زجدي ..بس ماتضحكش علينا احنا محتاجين منك انك تحكيلنا المقابله بالتفصيل من فضلك عشان كلنا نستفاد.. والف مليون مبروك و عقبال الفيزا :cheer: :cheer:

[GOGA SAMIR]

المشاركه دى مخصوص للأستاذ كريم عبده

دى طريقة ممارسة مهنة الترجمه فى كيبك لخريجى كليات الاداب اللى مش هيقدروا يشتغلوا فى التدريس

ده اللينك انجليزى http://www.immigration-quebec.gouv.qc.ca/publications/en/professions/Translator.pdf

و ده فرنساوى http://www.immigration-quebec.gouv.qc.ca/publications/fr/professions-regies/Traducteur.pdf

و ياريت دون كاملو يشاركنا فى الموضوع ده لأن اعتقد انو كان عنده نفس المشكله بالنسبه للمدام على ما اتذكر و مش عارف هيتكلم عن انهى معادله بخصوص كلية الأداب ياريت لو تقدر يا جون تفيد كريم اكتر منى فى النقطه دى وربنا يعوضك

d.ehab حضرتك فين مش باين ..محتاجين مساعدتك و تواجدك في التوبيك هنا..حمدلله علي السلامه.... bv:- bv:- bv:- bv:-

[خائف]

ازيكم يا جماعة... بعد اذنكم انا عايز اعرف ابتدى ازاى فى موضوع البحث عن المعادلة بتاعت المهندسين علشان بصراحة انا تاية شوية فى الموضوع دة... شكرا ليكم جدا

بص يا باشمهندس مينا انت ولا تتعب ولا تحتار ... حضرتك تدخل على الينك ده

http://www.immigration-quebec.gouv.qc.ca/en/employment/regulated-professions/professional-order.html

هتلاقى ليستة الوظائف اللى ليها معادله فى كيبك دور على وظيفتك و دوس عليها هتفتحلك صفحه فيها كل المعلومات اللى حضرتك محتاجها

متشكر جدا يا دكتور ايهاب لاهتمامك .. ربنا يكون معاك

خد باه يا معلم ده حقنه عضل من موقع نقابه المهندسيين نفسه و فيها فوتشارت حكايه لكيفيه عمل المعادله

A-Cheminement_permis_sept.2010.pdf

[خائف]

متشكر جدا يا دكتور ايهاب بس هو لسه مفيش نونو على فكرة انا بفكر بس ومتشكر جدا على ردك السريع ودا اللى احنا متعودين عليه دايما منك ربنا معاك دايما

بسجل شكر كبير اوي لاخونا دكتور ايهاب لان الزوق و الاحترام و الاخلاق لازم يقولولو يا بابا او يا جدو علي الاقل لان الراجل ده من نفسه اول ما انا اخذت السي اي كيو و دخلت علي توبك الفيدرال من نفسه بعتلي كل الاوراق و الخطوات علي الخاص و من نفس من غير ما اقوله و للمره التانيه برفعله القبعه

[wagdy]

بجد انا مدين ليكم كلكم بكل الشكر

وااقل حاجة اقدمهالكم انى اول حاجة اعملها لما ادخل البيت انى احكيلكم المقابلة علشان عارف ان فى ناس مستنية كلمة تستفيد منها.

الموضوع بدا من امبارح سافرت فى القطر ووصلت حوالى الساعة 3 ونزلت فى فندق يونيون وهو فندق كويس معقول على البحر وقريب من السنتر حوالى 5 دقايق مشى وبعد ما استلمت الغرفة نزلت اروح السنتر علشان اعرف مكانة وبعدين رجعت قعدت فى الغرفة وللاسف معرفتش اروح فى اى مكان علشان كنت قاعد بذاكر انا والمدام وفى الاخر اتضح ان الموضوع اسهل من كدا بكتير

يا جماعة الموضوع كلة عبارة عن ورق بس يعنى هما بيدورا على الاثباتات بس لازم يكون معاك التامينات علشان هما عارفين ان المصريين بيضربوا شهادات الخبرة والميشن ده ضيع ناس كتير معهاش تأمينات

المهم رحت السنتر الصبح بدرى قبل الميعاد بساعة كاملة وكنت لابس بدلة خطيرة والمدام على فورمة عشرة

وقعدت فى غرفة الانتظار وعمال اصلى ان مسيو بول ييجى يندهلى وحوالى الساعة 10 و 40 دقيقة لقيت الست ميلانى جت وندهت على اسمى ... ساعتها قلبى وقع فى رجليا وقلت جالك الموت يا تارك الصلاة

بس قولت لازم اقاتل لاخر نفس فى حياتى ورحنا وراها انا والمدام لغاية غرفة الاعدام قصدى غرفة المقابلة.

المقابلة كانت مع مدام ميلانى وكانت مقابلة غامضة ابتدت وقالت اننا هنبتدى فرنساوى واهتمت بالدرجة الاولى بالشهادات والورق وشهادة الخبرة وشهادة التأمينات وبعدين سألتنى عن مهامى الوظيفية وسنين الخبرة وليه اخترت مهنة المحاسبة بالذات

وبعدين قالتلى هنبتدى الانجليزى وسألتنى ان مستوايا فى الانجليزى زى ما كاتب فى الابليكيشن وانا كنت كاتب مستوى 8 وقولتيلها ان تعليم الفرنسى اثر كتير على الانجليزى بس هاتكلم كويس بالانجليزى وسالتنى انى اتكلم عن مدينتى وجاوبت كويس بس كلمتين انجليزى وواحدة فرنش بس هى فهمت اللى عاوز اقولة

بس وبصت للمدام ووجهت ليها 3 اسئلة سهلين زى تاريخ ميلادك ومحل الميلاد واتكلمى عن اولادك... انا نسيت اقول انى كاتب المدام مستوى 2 بس

طبعا كل ده واحنا بنجاوب كانت هى بتكتب على اللاب توب كتير

ورجعت ليا تانى وقالتلى انت هتتكلم دلوقتى عربى بس يعنى هى هتسأل بالفرنسى والمترجمة هترجم وانا هجاوب العربى والمترجمة تترجم ليها ... حولت معاها انى اجاوب الفرنسى على طول لكن رفضت وقالتلى انها عاوزة تعرف خططتى للسفر بلغتى علشان اعبر بطريقة بسيطة وسهلة

وسألتنى ليه اخترت كيبيك للهجرة وايه هى خطوات المعادلة وعارف هتاخد وقت اد ايه؟؟وهتعمل ايه لحد ماتعمل المعادلة؟؟

ولقيتها بتطبع ورق على البرنتر ساعتها عرفت انى اتقبلت وقلبى طار من الفرحة بس قلت استنى لما هى تقولى وفعلا قالتلى انى اتقبلت فى مشروع الهجرة الى كيبيك

وقالتلى ان رحلة السفر ابتدت من دلوقتى ولازم تحسن نستواك كتير جدا انت والمدام فى الفرنسى وانت ممكن من دلوقتى تاخد كورسات فرنسى على حساب كندا بس تحتفظ بالايصالات الدالة على السداد بحد اقصى 1500 دولار وقولتيلها انى عارف كده وطلعتيلها الورق من عندى اللى بيدل على كده

وقالتلى ليه هتنزل فى موريال ؟؟ مع ان معدل البطالة فيها كبير وكمان اغلب المهاجرين بينزلوا فيها؟؟

قوليلها علشان هى مدينة كبيرة وفيها شغل ومصانع وشركات كتييرة

وقولتيلها لو ممكن ترشحيلى مدينة تانية انت شايفة انها كويسة ... قالتلى انا ارشحلك مدينة كيبيك (la ville du quebec) علشان هى مدينة كبيرة وفيها شغل كتير

وقالتلى بعد ما طبعت الورق انى اراجع الاسبلنج للاسامى بتاعتى وبتاعة الاولاد

وانى ممكن اقدم فيدرال فى خلال 12 شهر من دلوقتى بس انا انصحك انك تبعت بسرعة فى خلال شهرين من دلوقتى علشان ماتتأخرش فى الوقت

بس وانا شكرتها على تعبها معاياوطلبت منها كتاب ابرندر لكيبيك ولكنها اعتزرت وقالتلى انه خلص

وكمان وانا بسلم عليها واحنا واقفين قولتيلها انا فى الاخر احب اوضح نقطة مهمة ليكى ان اغلب الشركات فى مصر مابتأمنش على الموظفين بتوعها علشان ما تتدفعش تأمينات كتيرة وده مابقللش من قيمة الموظفين بس اغلب الشركات بتتحايل على القانون

بصراحة ردت عليا رد مقنع وقالتلى انها موظفة ومالهاش غير بالورق الرسمى اللى يثبت صحة التأمينات والشغل[/

color]

بس خلصت المقابلة اه نسيت اقولكم ان المقابلةاستغرقت حوالى ساعة وتلت

ورجعت الفندق غيرت هدومى ومشيت جرى علشان الحق القطر اللى كان ميعادة الساعة2

والحمد لله رجعنا مصر فائزين متصرين بعد معركة دامية شرسة حامية الوطيس خرجنا منها بخبرات كثيرة لا تنسى ابدا

معلش انا طولت عليكم بس حكيتلكم من طأطأ لسلمو عليكو

اى اسفتسار انا موجود وتحت امركم

اشكركم وتصبحوا على خير

نسيت اقولكم حاجة مهمة ان فى ناس كتير اترفضت انهارده بسبب التأمينات

كل ما يعمل يعمل للخير للذين يحبون الرب

[kareemabdou]

المشاركه دى مخصوص للأستاذ كريم عبده

دى طريقة ممارسة مهنة الترجمه فى كيبك لخريجى كليات الاداب اللى مش هيقدروا يشتغلوا فى التدريس

ده اللينك انجليزى http://www.immigration-quebec.gouv.qc.ca/publications/en/professions/Translator.pdf

و ده فرنساوى http://www.immigration-quebec.gouv.qc.ca/publications/fr/professions-regies/Traducteur.pdf

و ياريت دون كاملو يشاركنا فى الموضوع ده لأن اعتقد انو كان عنده نفس المشكله بالنسبه للمدام على ما اتذكر و مش عارف هيتكلم عن انهى معادله بخصوص كلية الأداب ياريت لو تقدر يا جون تفيد كريم اكتر منى فى النقطه دى وربنا يعوضك

متشكر جدا يا دكتور ايهاب على وقفتك جنبى

بجد اللى بتعمله معايا و مع الناس انا مشفتش حد بيعمل كده

بس تاكد ان تعبك حتلاقيه

الروح الحلوة اللى فى المنتدى ده حتخلينى اموت نفسى علشان اكون معاكم

بجد مصر بتخسر و بتخسر كتير اوى كمان

مبروك عليكى يا كندا الناس الحلوة دى الف مبروك

وياريت مستر جون يدخل حالا لو حد يعرف رقمه يتصلنا بيه علشان نعرف هو اتصرف ازاى فى المشكلة دى

[خائف]

من فضلكم ممكن حد يقول لى فين بنك سوكشيا؟ العنوان فين؟

سكوتشيا داه تبع فيدرال مش كيبك

خلى بالك انت مقدم ايه بالظبط

؟؟

لا لا يا اغابي ب اسكوتشيا ممكن تبعت منه علشام كيبيك و انا نفسي بعت منه ايام ما قدمت و ادي الكارت بتاع البنك لليحب يعرفه لانه اتنقل من شارف احمد نسيم

[د بطوط]

معك قلبا و قالبا يا جوناثان bv:-

الباب اصبح في مهب الريح من غير رقابة او توجية و اي حد بيعمل اي حاجة عن عدم معرفة منة او مش فارقة معاة

فياريت نبقي احنا رقابة ونظام لانفسنا و نوجة بعض للصح و الافضل

انا بقترح علي سبيل المثال انة مشاركات التهنئة تزال بعد اسبوع من اضافتها..

في مشاركات كتيرة موجودة كأنها مشاركات لرفع عدد المشاركات و البوستس و خلاص.

يا ريت يا جماعة لو شايفين سلبيات نتناقش فيها هنا...انا بصراحة استغربت من مشاركة الناس الضعيفة فية بطريقة محبطة...

http://www.egyptiantalks.org/invb/index.php?showtopic=111813

زمان الباب دة كان مليان مشاركات قوية و افادات

و كلللللللللللللللللللللللللة صدقوني للخير

شكراا

انا مع حضرتك فى الكلام ده مظبوط 100*100

[GOGA SAMIR]

من فضلكم يا اهل التوبيك حد يقولي الرابط بتاع الاوراق المطلوبه لانه تاه في زحمه التوبيك وانا لسه بجمع الاوراق. وشكرا جزيلا لتعبكم ...