المنتظريين مقابلات كيبيك 9-2010

[nadvett]

بخصوص التامينات وختم النسر انا معايا شهادة الخبرة من شغلى القديم مختومة من جهة العمل لمدة 5 سنين خبرة بس المشكلة انها من غير تامينات روحت الشهر العقارى علشان اوثقها رد الموظف بان صاحب العمل القديم لازم يجى ومعاة دفاتر الشركة للتوثيق روحت لصاحب العمل القديم لاقيتة قفل الشركة وعمل لها اشهار انها اتقفلت وبالتالى مينفعش اوثقها من الشهر العقارى بالنسبة للعمل الحالى الحمد للة فى تامينات لمدة سنة بس المشكلة بالنسبة لشهادة الخبرة القديمة دى مش عارف احلها ازاى افيدونى افادكم اللة

طب ينفع تخلي صاحب العمل في المهنة الخيرة يخليلك شهادة الخبرة بمدة طويلة؟ لو عملت كدا يبقي طظ في المهنة الاولي

[محمد كيبيك]

متشكر على الرد بس الفكرة انى بشتغل الشغلانة اللى انا فيها من اكتوبر 2008 والتامينات من سنة واحدة اما بالنسبة لشهادة العمل الحالى تبقى بمدة اطول فدة مينفعش لان قبل اكتوبر 2008 كنت فى الجيش وخلصت اغسطس 2008

[إيوان]

ميرسى جدا يا ايمى على اهتمامك وردك , انا فعلا جالى الفايل نمبر يوم 10/10/2010 . بس انتى تعتقدى انى لو كلمتهم فى سوريا هايهتموا ويدونى معلومات تطمنى . انتى عارفة انا جايللى عروض سفر كتير وخايف اسافر لان ممكن يجيلى ميعاد الانترفيو ومعرفش ارجع بسهولة خصوصا انى لسه بدرس فى المركز الثقافى الفرنسى . مش عارف اعمل ايه بجد .

[nadvett]

متشكر على الرد بس الفكرة انى بشتغل الشغلانة اللى انا فيها من اكتوبر 2008 والتامينات من سنة واحدة اما بالنسبة لشهادة العمل الحالى تبقى بمدة اطول فدة مينفعش لان قبل اكتوبر 2008 كنت فى الجيش وخلصت اغسطس 2008

علي فكرة فترة الجيش بتعتبر مدة خبرة بتنحسب ليك

[Emy eldery]

ميرسى جدا يا ايمى على اهتمامك وردك , انا فعلا جالى الفايل نمبر يوم 10/10/2010 . بس انتى تعتقدى انى لو كلمتهم فى سوريا هايهتموا ويدونى معلومات تطمنى . انتى عارفة انا جايللى عروض سفر كتير وخايف اسافر لان ممكن يجيلى ميعاد الانترفيو ومعرفش ارجع بسهولة خصوصا انى لسه بدرس فى المركز الثقافى الفرنسى . مش عارف اعمل ايه بجد .

بص ياايوان توقع الانترفيو تقريبا سنه من ماقدمت وظبط نفسك على كده وشوف هاتقدر تسافر ولا لا

اما عن انك تكلمهم فانت مش هاتخسر حاجه كلمهم يمكن تطمنك او تقولك معلومه تفيدك زى انت متوقع امتى (رغم ان لو معادك ماتحددش مش هاتفيدك قوى هتقولك انت مش فى الميشن الجاى وخلاص)

وانت برضه لو سافرت وجالك معاد الانترفيو ممكن تاجل مره واحده بس لانك مش متواجد فى البلد

فكر وربنا يوفقك

[إيوان]

انتى فعلا كلامك منطقى جدا يا ايمى انا شاكر جدا لذوقك وعلى مساعدتك للاعضاء انا هافكر بجدية فعلا فى نصيحتك , ميرسى جدا يا ايمى

يت رب نسافرى بسرعة بس ساعتها مش عارف اطلب مشورة مين ؟؟؟؟

[محمد كيبيك]

هو ينفع انى اخد كورس محادثة فى السنتر وادخل المقابلة ولا لازم ادخل المقابلة ومعايا شهادة من السنتر بمستوى كذا محادثة واستماع وقراة وكتابة

[kerob]

مقابلة إيه يا محمد كيبيك

هو إحنا عارفين راسنا من رجلينا

دا أنا الفار بيلعب فى عبى إنهم هيلغوا موضوع الهجره ده من أساسه فى الدول العربيه

و إحنا ناخده بالهنا و الشفا

كيروب

[malekmalooka]

هو ينفع انى اخد كورس محادثة فى السنتر وادخل المقابلة ولا لازم ادخل المقابلة ومعايا شهادة من السنتر بمستوى كذا محادثة واستماع وقراة وكتابة

ربنا يكون في عونك الايام دي بتبقى توتر شويه بس انت قدها و قدود شد حيلك

بص يا سيدي مفيش شهادات اجباري لازم تدخل بيها و بالنسبه لشهادات السنتر هي مش معترف بيها و متلزمش موظف الهجره باي درجات او تلزمه بأنه يحسبلك نفس المستوي اللي في شهاده المركز

الشادات المعترف بيها و درجاتها الزاميه هي ال delf ,tcf , tef و دي اجباري على موظف الهجره انه يديلك درجات اللغه على قد مستواك في الشهادات دي فمتشتتش نفسك و ركز في التحضيرات كويس و حضر نفسك لاي حاجه ممكن تتسأل فيها بما فيها طبعا الاوضاع الحاليه في مصر

ربنا يوفقك

[shams]

يا جماعه في اي حد جاله ميعاد الانترفيو بالبريد؟؟ انا رحت سألت في البريدالمركزي اللي في رمسيس قالولي ان الجوابات بتاخد من 6-8 ايام من سورياعشان توصل عندهم وهما في نفس اليوم بيبعتوها لمكتب البريد بتاع كل منطقه يعني لو الجوابات اتبعتت يوم 6 زي ما السفاره بتقول يبقي المفروض دلوقتي انها في مكتب البربداللي تبع المكان اللي ساكنه فيه بس انا سألت فيه قالو مفيش حاجه انا بجد ابتديت اقلق ,ياريت لو حد استلم الجواب بالبريد يقوللي

السلام عليكم ورحمه الله وبركاته

انا سعيد جدا برد حضرتك

بالنسبه للهجره انا امنيه حياتي اني اهاجر بره مصر مش لاني مش عارف اثبت نفسي في مصر لا لكن انا احب الخارج جدا وان شاء الله حاسس اني حقدر اتاقلم خارج مصر بسهوله

ياريت اقدر اتواصل مع حضرتك بجد لاني مش عارف تهت

اكرر سعيد جدا برد حضرتك واهتمامك

انا ايميلي

shams0164247726@yahoo.com

shams0164247726@hotmail.com2

[د بطوط]

مقابلة إيه يا محمد كيبيك

هو إحنا عارفين راسنا من رجلينا

دا أنا الفار بيلعب فى عبى إنهم هيلغوا موضوع الهجره ده من أساسه فى الدول العربيه

و إحنا ناخده بالهنا و الشفا

كيروب

فعلا احنا اتعلقنا بقينا عاملين زى اللى رقصوا ع السلم

ربنا يستر

[توتا عماد]

ازيكم يا جماعة اخباركم ايه يا محمد كيبك الدرجات المضمونةهى درجات tcf ، delf وكل الشهادات الى زيها زى ما قالتلتك مالوكة اما شهادة تحديد المستور بتاعة السنتر بتثبت انك عملت مجهود مش اكتر والفيصل هو كلامك فى الانترفيو ، ربنا معاك وبوفقك

يا جماعة هو محدش هنا فى المنتدى داخل ميشن مصر دى ولا ايه ، هما فين وياريت يتابعوا معانا ويطمنونا عليهم

[smart]

انا سألت النهاردة على امتحان الديلف وقالولى انة فى شهر مايو و التقديم لة من نصف مارس وحتى 11 ابريل وانا شايف ان الواحد طالما كدة كدة مفيش مقابلات دلوقت يبقى قدامة حاجة من الاتنين اما يعتبرها فترة يحسن بيها اللغة ويحاول يدخل مثلا الديلف او هيتراجع مستواة واحنا مش عايزين كدة فخلونا ناخدها بإيجابية ونعتبرها فترة تحسين مجموع وكلة للخير

[friend]

ازيكم يا جماعه اخباركم ايه

يارب تكونوا بخير وكله تمام

دعواتكم بقى الا هانت اهو خلاص اسبوعين

ويبدا ضرب النار :)

وربنا يسترها يارب ان شاء الله

ويجعلنا جميعا من المقبولين

[malekmalooka]

ايه يا جماعه الاحباط اللي انتوا فيه ده ؟؟؟ عرفتوا منين ان في اي حاجه هتتأجل او ان الموضوع متعطل ؟؟؟ ان شاء الله الامور هتمشي عادي ووضعكوا مش هيتأثر بل بالعكس ان شاء الله ممكن يتأثر لصالحكوا و يسهلوا المقابلات و بعدين الميشن بتاع مارس متأجلش فده دليل ان كل حاجه زي ما هي ,بأذن الله الناس اللي داخله المقابلات شهر مارس يطمنونا بس بصراحه انا مش عارفه هما فين ؟ هو مفيش حد في الميشن ده غيرك انت بس يا friend ولا ايه؟؟؟ :) :)

[friend]

ايه يا جماعه الاحباط اللي انتوا فيه ده ؟؟؟ عرفتوا منين ان في اي حاجه هتتأجل او ان الموضوع متعطل ؟؟؟ ان شاء الله الامور هتمشي عادي ووضعكوا مش هيتأثر بل بالعكس ان شاء الله ممكن يتأثر لصالحكوا و يسهلوا المقابلات و بعدين الميشن بتاع مارس متأجلش فده دليل ان كل حاجه زي ما هي ,بأذن الله الناس اللي داخله المقابلات شهر مارس يطمنونا بس بصراحه انا مش عارفه هما فين ؟ هو مفيش حد في الميشن ده غيرك انت بس يا friend ولا ايه؟؟؟ :) :)

ان شاء الله ربنا يكرم الجميع

وبالنسبة للناس انا راضيتهم خلاص واخدت الميشن دا لحسابي :)

علشان اخد الدعوات كلها وعلشان اجرى بقى فى قلب الميشن براحتي

ربنا يسترها ان شاء الله

حتلاقى الناس مشغولة فى المذاكرة لكن حيظهروا اكيد

دعواتكم بالتوفيق

[Mina Adly]

ايه يا جماعه الاحباط اللي انتوا فيه ده ؟؟؟ عرفتوا منين ان في اي حاجه هتتأجل او ان الموضوع متعطل ؟؟؟ ان شاء الله الامور هتمشي عادي ووضعكوا مش هيتأثر بل بالعكس ان شاء الله ممكن يتأثر لصالحكوا و يسهلوا المقابلات و بعدين الميشن بتاع مارس متأجلش فده دليل ان كل حاجه زي ما هي ,بأذن الله الناس اللي داخله المقابلات شهر مارس يطمنونا بس بصراحه انا مش عارفه هما فين ؟ هو مفيش حد في الميشن ده غيرك انت بس يا friend ولا ايه؟؟؟ :) :)

ان شاء الله ربنا يكرم الجميع

وبالنسبة للناس انا راضيتهم خلاص واخدت الميشن دا لحسابي :)

علشان اخد الدعوات كلها وعلشان اجرى بقى فى قلب الميشن براحتي

ربنا يسترها ان شاء الله

حتلاقى الناس مشغولة فى المذاكرة لكن حيظهروا اكيد

دعواتكم بالتوفيق

ربنا يكون معاك يا فريند و تفرحنا بالسى اس كيو يارب............. شد فى المذاكرة و ربنا معاك

[gamila]

ممكن يا جماعه لو سمحتوا لو حد كلم السفاره سأل على معاد الميشن اللي بعد ميشن مارس او اي حد عرف امتى هيكون الميشن تقريبا يقولنا ,انا بعتت فاكسات و ايميلات و مفيش رد

وفي ناس بتقول الميشنز هتتأخر و ناس بتقول الدنيا هتمشي عادي ياريت اللي عنده معلومه اكيده يقول لو سمحتم لان بجد الواحد اعصابه باظط و شكرا للجميع

تم تعديل 28 فبراير 2011 بواسطة gamila

[gerges refaat]

صباح الخير لكل الناس اللى فى المنتدى.معلش يا جماعه الوقت اللى فاضل قليل عشان كده محدش بيدخل كتير

ادعولنا ربنا يوفقنا ويعدى المقابله على خير

وربنا يطمن كل الناس اللى منتظره تحديد المعاد

[hani yacoub]

مساء الخير على احلى ناس

وكل سنة وانتو طيبين

ان شاء اللة يكون الميشن دا ميشن كلة خير على كل اللى داخلين ونباركلهم كلهم

وماتقلقش ياجرجس صدقنى هاتعدى وهازغرتلك هنا بس شد حيلك

انا مستنى تحديد ميعاد المقابلة وربنا يسهلها على خير ونحصلك

لو حد عندة اى معلومات عن الفترة اللى جاية بس تكون مؤكدة ياريت يفيدنا

وشكرا

هانى