fatfouta بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 قولوا مفجوعة.....قولوا اى حاجة مش هايهمنى ايوه بحبه قوووى واول حاجة بفكر فيها وانا فى الطيارة هو ايوه هو بسكويت رمسيس وبلاقى اخواتى جايبين لى انا والولاد منه كتيير عشان مش بنلاقى منه فى الرياض هو ده بسكويتى المفضل أكيد كل واحد فينا وهو نازل مصر بيفكر فى اكله معينة بيقول يا ريت اروح الاقى اللى فى البيت عاملينها وكمان يا عينى عالعزاب بيبقوا يا حراااام يتصلوا باهلهم ويطلبوا الاكلات اللى هما عاوزينها قريت مرة توقيع لعضو اسمه "سقراط المصرى" كاتب فى توقيعه انه عاوز من اهله كل الاكلات اللى بيحبها وفعلا توقيعه تحفة راجل صريح بصراحة امانه عليكوا لا تدخلوا تقولوا اول اكله بتفكروا فيها وانتوا فى الطيارة هى ايه وبيبقى نفسكوا تاكلوها عشان انا مش بييجى فى بالى غير البسكويت ده والله تخيلوا بقى؟!!! اقتباس رابط هذا التعليق شارك المزيد من خيارات المشاركة
se_ Elsyed بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 بسكوت رمسيس ؟؟؟!!!!!!!!!! ---- بسم الله الرحمن الرحيم ... انا المواطن المصري سين سين سين ... بأحب قوي أول ما أنزل مصر أكل شوكولاته العتبة .... جنب بسكوت رمسيس على طول بالأضافة إلى العنب البناتي ... مالوش حل وطبعاً المانجا خارج المنافسة .... والشيء اللي لا يقبل القسمة على أتنين عندي هو الفول والطعمية المصرية الأصيلة ... وفي السنوات الأخيرة فقط إتعلمت الأكل من عند عربيات الفول اللي في الشارع بتاعت زيزو نتانه ... وشكراً اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
الغريب بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 (معدل) بالنسبة للأكلات المحشي كرنب " من أيد أمي " البامية الخضرا " من أيد أمي " بالنسبة للفواكه العنب البناتي البلح الأمهات التين بالنسبة للمشروبات سوبيا "الرحماني" تمر هندي سيد قشطة "مشروب لذيذ عند عصائر تفاحة بالسيدة زينب" ماشي يا فتفوتة ذيلينا برحتك علشان وصلتي بالسلامة ، كلها شهرين أن شاء الله بس ومصر هتنور بيا :blink: تم تعديل 22 يونيو 2010 بواسطة الغريب اقتباس رابط هذا التعليق شارك المزيد من خيارات المشاركة
fatfouta بتاريخ: 22 يونيو 2010 كاتب الموضوع تقديم بلاغ مشاركة بتاريخ: 22 يونيو 2010 أهو لقيت التوقيع بتاع العضو سقراط المصرى زوجتي الحبيبه ، امي الغاليه ، حماتي الطيبهبرجاء تجهيز مايلي يوم وصولي لأرض المحروسه : باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف. سقراط المصري والله توقيع معبرررررررر اقتباس رابط هذا التعليق شارك المزيد من خيارات المشاركة
mekkawy بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 الحمد لله على السلامة متنسيش بأة تسقى البسكوت في الشاى و بعدين تشربي وراه على طول مية ساقعة .. و ادعيلي :blink: مكاوى اقتباس رابط هذا التعليق شارك المزيد من خيارات المشاركة
مغتربة بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 ما دام امنتينا يا فتفوته بقى لازم اجاوب بس عن نفسى و الله فعلا مبيبقاش عندى اكله محدده مشتقالها لكن زوجى دايما بيكون مشتاق لعصير القصب لان فى الامارات مفيش عصير قصب ابدا و لغايه دلوقتى مش معروف السبب و هو اساسا بيحبه جدا فتخيلى يبقى محروم منه طول السنه ممكن اسال سؤال بس بجد و الله مش هزار و لا اى حاجه هو ايه بسكوت رميسس دا لان انا اول مره اسمع عنه اقامه سعيده يا جميل اقتباس ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
aimen بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 مدام فتفوتة الله يسعدك وان شاء الله اجازة سعيدة ونشوفكم هنا على خير ان شاء الله بحكم انى مش اكيل - وممكن اركن فى اى حته كما يقال عنى ... فموضوع اللحوم والأسماك مش بيثيرنى قد كده ..ممكن اكل اى حاجه بحب الحاجات دى كشرى بليلة كرشة معمولة بثوم عدس مع بصل حزمة قصب والواحد ينزل فيها حش على السطح كام كوز دزة سوبيا سندوتشات فول وطعمية من عند اى حد واقف عند محطة القطر فى طنطا ( المسالة مش الأكل المسألة هى الذكريات اللى الواحد بيسترجعها لما بيروح المكان ويعمل حاجه عملها من 10 سنوات مثلا ) اهم حاجه القعدة واللمة حوالين الأكل .... اقتباس رابط هذا التعليق شارك المزيد من خيارات المشاركة
fatfouta بتاريخ: 22 يونيو 2010 كاتب الموضوع تقديم بلاغ مشاركة بتاريخ: 22 يونيو 2010 ماشي يا فتفوتة ذيلينا برحتك علشان وصلتي بالسلامة ، كلها شهرين أن شاء الله بس ومصر هتنور بيا :rolleyes: أسكت يا الغريب ياخويا ده انا جيت لقيتهم عاملين لنا مكرونة بالبشاميل وفراخ مشوية ومحشى ورق عنب وتانى يوم عملولنا رقاق.......رقاااااق يا لماضة ياللى كنتى بتسالى عالرقاق\ المهم عاملين رقاق وبط مع انى مش بحب البط لكن اهى حاجة كده منظرها حلو عالسفرة وخلاص قولت عمااااار يا مصر والله تيجى بالسلامة وصبر نفسك بأى حاجة دلوقتى :blink: اقتباس رابط هذا التعليق شارك المزيد من خيارات المشاركة
Alattar بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 الحقيقة أنا أول حاجة أعتقد اني هقلب الدنيا عليها أول ما أنزل ان شاء الله هي... عربية فول...بجد...هموت و آكل فول من عربية فول :blink: الفول بتاعهم فظيع..لأبعد حد ممكن...الناس دي بتحط عليه ايه؟؟؟....مش عارف و بالنسبة للأخت فتفوتة..بتقولي كلتي مكرونة بشاميل..و رقاق.. الحاجات دي زي ما أكون سمعت عنها قبل كده :rolleyes: من يوم ما المدام نزلت مصر..و أنا مقضيها من بيت الشواية..يا إما تونة أو فول...أو اي حاجة تسد جوعي و خلاص. اقتباس (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) رابط هذا التعليق شارك المزيد من خيارات المشاركة
fatfouta بتاريخ: 22 يونيو 2010 كاتب الموضوع تقديم بلاغ مشاركة بتاريخ: 22 يونيو 2010 بسكوت رمسيس ؟؟؟!!!!!!!!!! ممكن اسال سؤال بس بجد و الله مش هزار و لا اى حاجههو ايه بسكوت رميسس دا لان انا اول مره اسمع عنه سى السيد ومغتربة والله عيب كده.....ده انا كده هشك فى وطتنيتكم ومصريتكم!!!!!! بسكويت رمسيس ده علامة من علامات شركة بسكو مصر......وشركة بسكو مصر علامة من علامات مصر زمان ودلوقتى طب والله هزعل منكوا قوى لو كمان قلتلولى ماتعرفوش بسكويت "لوكس" اللى كنا بنسقيه فى الشاى زمان ده على رأى مكاوى بس ده مش بحبه ذى بسكويت رمسيس برضو اقتباس رابط هذا التعليق شارك المزيد من خيارات المشاركة
ساره احمد بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 اقامة سعيدة يافتفوتة وكلي اللي نفسك فية بقي فرصة :lol: اية السوبيا دى ياجماعة؟ ومن غير تريقة لوسمحتو اقتباس sara_88 رابط هذا التعليق شارك المزيد من خيارات المشاركة
fatfouta بتاريخ: 22 يونيو 2010 كاتب الموضوع تقديم بلاغ مشاركة بتاريخ: 22 يونيو 2010 (معدل) اقامة سعيدة يافتفوتة وكلي اللي نفسك فية بقي فرصة :lol: اية السوبيا دى ياجماعة؟ ومن غير تريقة لوسمحتو الله يسلمك يا سارة بصى يا ستى انتى مش فى رمضان كده بتلاقى بتوع عصير القصب عاملين عصاير وحاطينها برا وبيبيعوها؟؟ بيبقوا حاطين تلات انواع عصاير تمر هندى وده لونه بنى عرقسوس وده لونه اسود بعيد عنك السوبيا بقى هى اللى بتبقى متعبيه فى اكياس ذيهم ومحطوطة جمبهم وبيبقى لونها ابيض.......عرفتيها؟؟؟ ابقى جربيها الاول وهاتى بخمسين قرش ولو عجبتك ممكن تبقى تجيبى الكيس ابو جنيه :lol: ايه يا جدعان انتوا ساكنين فين بالضبط؟؟؟؟ تم تعديل 22 يونيو 2010 بواسطة fatfouta اقتباس رابط هذا التعليق شارك المزيد من خيارات المشاركة
fatfouta بتاريخ: 22 يونيو 2010 كاتب الموضوع تقديم بلاغ مشاركة بتاريخ: 22 يونيو 2010 مدام فتفوتة الله يسعدك وان شاء الله اجازة سعيدة ونشوفكم هنا على خير ان شاء الله بحكم انى مش اكيل - وممكن اركن فى اى حته كما يقال عنى ... فموضوع اللحوم والأسماك مش بيثيرنى قد كده ..ممكن اكل اى حاجه بحب الحاجات دى كشرى بليلة كرشة معمولة بثوم عدس مع بصل حزمة قصب والواحد ينزل فيها حش على السطح كام كوز دزة سوبيا سندوتشات فول وطعمية من عند اى حد واقف عند محطة القطر فى طنطا ( المسالة مش الأكل المسألة هى الذكريات اللى الواحد بيسترجعها لما بيروح المكان ويعمل حاجه عملها من 10 سنوات مثلا ) اهم حاجه القعدة واللمة حوالين الأكل .... ربنا يخليك يا ايمن يارب الظاهر ان كلنا نفسنا فى ساندويتشات الفول اللى من عالعربية انا اول حاجة فطرت بيها الصراحة تانى يوم هى فول وطعمية ولازم انا اللى اروح اجيبهم وامسك القرطاس كده فى ايدى...ياااااااسلااااااام الواحد بيحس بمتعة والله ربنا ما يحرمك من اللمة الحلوة ابدااا اقتباس رابط هذا التعليق شارك المزيد من خيارات المشاركة
ozoozo بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 (معدل) يانهاركوا ابيبض مش عارفين بسكوت رمسيس ده اللي هو زي بسكويت ماري بس بالشوكولاته اوعو كمان ماتكونوش عارفين بسكوت ماري انا فاكر رمسيس ده كان زمان ب 75 قرش وكنت لازم احوش عشان اعرف اجيبه -الا هو وصل كام دلوقتي- مغتربه في الشارقه في حد بتاع عصير قصب وصاحبي عايش في ابو ظبي وكل مايهفوا الشوق يضربله متين وخمسين كيلوا عشان العصير ده هاسألك علي عنوانه بالظبط واقولك اما الاكله اللي بحلم بيها فعلا -مش مبالغه بقالي كام يوم بحلم بيها وانا نايم- هي فول من العربيه وعامل جدول كده باهم العربيات اللي لازم اكل من عندها في الاجازه انشاء الله تم تعديل 22 يونيو 2010 بواسطة ozoozo اقتباس رابط هذا التعليق شارك المزيد من خيارات المشاركة
se_ Elsyed بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 السوبيا عبارة عن جوز هند منقوع في حليب وبيُضرب ضرباً مبرحاً في الخلاط لحد ما يبقى سوبيا الأفظع منه بقى ... لما تروحوا كارفور .. ناحية التوابل والمكسرات والحركات .. هاتلاقي شوال مليان بتاع أبيض كده زي الهيروين ... وكتاب الله كل مره وأنا جاي من مصر أقول هايوقفوني في مطار السعودية وتبقى جُرصا ويلموا عليه الناس ويقولوا مهرب هيروين وحلال الله وأكبر .. وأنا بأكون مستعد بالدفاع وأقول لهم " دي سوبيا .. دي سوبيا ... دي منبا يا معنمي منبا " حتى شوفوا .. واروح سافف منها شويه وما أدوخش ولا أتسطل .. الكيلو في كارفور بـ 35 ج تقريباً .. وكل اللي عليك إنك تدوبها في ميه أو لبن .. وعيشششششششششششش بجد طعمها لذيذ أما بخصوص بسكوت التحرير .. قصدي رمسيس ... فانا مش من الجيل ده .. أنا من جيل الشمعدان وسامبا اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
se_ Elsyed بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 اما الاكله اللي بحلم بيها فعلا -مش مبالغه بقالي كام يوم بحلم بيها وانا نايم- هي فول من العربيه وعامل جدول كده باهم العربيات اللي لازم اكل من عندها في الاجازه انشاء الله أسم زيزو في الجدول ده يا أوزوزوزوزووزززوو ؟ اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
ozoozo بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 اما الاكله اللي بحلم بيها فعلا -مش مبالغه بقالي كام يوم بحلم بيها وانا نايم- هي فول من العربيه وعامل جدول كده باهم العربيات اللي لازم اكل من عندها في الاجازه انشاء الله أسم زيزو في الجدول ده يا أوزوزوزوزووزززوو ؟ لا الله يخليك قولي عليه عشان اضيفه للقايمه اقتباس رابط هذا التعليق شارك المزيد من خيارات المشاركة
se_ Elsyed بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 اما الاكله اللي بحلم بيها فعلا -مش مبالغه بقالي كام يوم بحلم بيها وانا نايم- هي فول من العربيه وعامل جدول كده باهم العربيات اللي لازم اكل من عندها في الاجازه انشاء الله أسم زيزو في الجدول ده يا أوزوزوزوزووزززوو ؟ لا الله يخليك قولي عليه عشان اضيفه للقايمه أنزل ميدان رمسيس وقول : أنا عاوز أكل عند زيزو نتانه ... وسيب نفسك وعيشششششششششششششش اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
بركة بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 فتفوتة لأ بجد مش ممكن حتى في دي قرينك يا زواوي انا ابتديت أخاف منك :lol: لا نكون اخوات واحنا مش عارفين حمدلله على السلامة وكلي لي عشرة رمسيس يا بطوط .. :lol: اقتباس قال الله تعالى في حديث قدسي ( أنا عند ظن عبدي بي فليظن بي ما شاء........... ) نستطيع تغيير حياتنا بهذا الحديث من الان مع الأخذ بالأسباب............ رابط هذا التعليق شارك المزيد من خيارات المشاركة
ozoozo بتاريخ: 22 يونيو 2010 تقديم بلاغ مشاركة بتاريخ: 22 يونيو 2010 (معدل) اما الاكله اللي بحلم بيها فعلا -مش مبالغه بقالي كام يوم بحلم بيها وانا نايم- هي فول من العربيه وعامل جدول كده باهم العربيات اللي لازم اكل من عندها في الاجازه انشاء الله أسم زيزو في الجدول ده يا أوزوزوزوزووزززوو ؟ لا الله يخليك قولي عليه عشان اضيفه للقايمه أنزل ميدان رمسيس وقول : أنا عاوز أكل عند زيزو نتانه ... وسيب نفسك وعيشششششششششششششش قصدك الراجل اللي جنب عماره رمسيس طيب حد جرب ويمبي اللي في امبابه تم تعديل 22 يونيو 2010 بواسطة ozoozo اقتباس رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.