الزمالك يهزم الأهلى و يفوز بالدورى

[البحار الجريح]

الف الف الف الف الف الف مليووووووووووون مبروك للزمالك الفوز اليوم على الاهلي 2/1

وهذا الفوز هو الثاني على الاهلي هذا الموسم

وهي المرة الثانيه التي يفوز فيها الزمالك على الاهلي رايح جاي ولم يسبق للاهلي ان فعلها من قبل

وبذلك يحسم الدوري مبكراً هذه السنه وقبل انتهاء المسابقه بـ 4 اسابيع

الظاهر ان هذا موسم انهاء البطولات مبكراً

الزمالك يرفع رصيده الى 60 نقطه والاهلي يظل بـ 47 نقطه

مبروك الف الف مبروووووووووووك للزمالك الدوري

والبطولة رقم 58

والدوري للمرة الـ 11 في تاريخه

سجل الاهداف بشير التابعي من كرة صاروخيه - عبدالحليم علي ...

وسجل للاهلي ابو تريكه وهدف ولا اروع ومن اروع اهداف الدوري المصري

آمان ربي آمان ... تبريكات للزمالك ولجمهوره

الف مبرووووووووووووووووووووووك

آخر 10 لقاءات في تاريخ الفريقين مع افتتاح الالفيه

موسم 1999/2000 .. الزمالك 2/1 الاهلي

موسم 1999/2000 .. الزمالك 0/0 الاهلي

موسم 2000/2001 .. الزمالك 1/1 الاهلي ( وليد صلاح عبداللطيف )

موسم 2000/2001 .. الزمالك 3/1 الاهلي ( حسام حسن (2) - مدحت عبدالهادي )

موسم 2001/2002 .. الزمالك 2/1 الاهلي ( حازم امام (2) )

موسم 2001/2002 .. الزمالك 1/6 الاهلي ( حسام حسن )

موسم 2002/2003 .. الزمالك 2/2 الاهلي ( مدحت عبدالهادي - محمدعبدالواحد )

موسم 2002/2003 .. الزمالك 3/1 الاهلي ( حسام حسن - عبدالحليم علي - جمال حمزة )

موسم 2003/2004 .. الزمالك 1/0 الاهلي ( جمال حمزة )

موسم 2003/2004 .. الزمالك 2/1 الاهلي ( بشير التابعي - عبدالحليم علي )

النتيجة فوز الزمالك 6 مرات وفوز الاهلي مرة واحده .. والتعادل في 3 لقاءات

تفوق واضح للزمالك مع بدايه الالفيه .. وان شاء الله دائماً

هذه هي الـ 6/1 الحقيقيه

ومن قبلها بالطبع حتى وقت قريب

كانت بطولات الزمالك 6 والاهلي واحده mf)

ياساده دعوهم يهللون لمباراة

ودعونا نهلل لانتصارات متتاليه عليهم وبطولات لم يستطع الاهلي في تاريخه كله mf( ان يحققها في موسم واحد

تم تعديل 25 مايو 2004 بواسطة Mohammad Abouzied

[Mohammad Abouzied]

عن الجزيرة الرياضية

الزمالك يتغلب على الأهلي ويحرز لقب الدوري المصري

جانب من مباراة الاهلي والزمالك في الدوري المصري (رويترز-أرشيف)

احتفظ الزمالك ببطولة الدوري المصري لكرة القدم، محرزا لقبه الحادي عشر في تاريخه بعد فوزه على غريمه التقليدي الأهلي 2-1 مساء السبت.

وحسم لقاء القمة الذي جرى في ملعب الكلية الحربية بطولة دوري الدرجة الأولى المصري لكرة القدم مبكرا لصالح الزمالك، قبل أربعة أسابيع من نهائية البطولة.

وسجل هدفي الزمالك كل من بشير التابعي في الدقيقة 15 وعبد الحليم علي في الدقيقة 58، أما هدف الأهلي فسجله محمد أبو تريكة في الدقيقة 77.

واحتفظ مهاجم الزمالك عبد الحليم علي بصدارتة لقائمة هدافي الدوري المصري لكرة القدم في ختام الأسبوع الثاني والعشرين، بعد أن أحرز هدفه رقم 16 في مرمى الأهلي في مباراة أمس.

ولعب الأهلي بعشرة لاعبين بعد مرور 13 دقيقة من المباراة عندما أشهر الحكم الإيطالي باسكوال رود مونتي البطاقة الحمراء ضد المدافع أحمد السيد عقب كرة مشتركة مع حسام حسن ليلعب الاهلي بعشرة لاعبين.

واتهم المدرب العام للأهلي حسام البدري الحكم الإيطالي "بتحمل الجانب الأكبر من المسؤولية في الهزيمة التي لحقت بالفريق"، مشيرا إلى أن السبب لم يكن مقنعا لطرد مدافع الفريق.

وتسبب النقص العددي في إرباك حسابات الأهلي ومدربه البرتغالي مانويل جوزيه الذي مني فريقه بأول خسارة منذ توليه المهمة في يناير/ كانون الثاني الماضي وبعد 14 مباراة حقق الفوز في 13 منها وتعادل في واحدة.

وفي بقية المباريات تعادل المنصورة مع بلدية المحلة صفر-صفر, والترسانة مع الاسماعيلي 1-1.

[kokowawa1979]

طبعا الأهلاوية هايرجعوا ويقولوا كفاية إننا كسبنا الزمالك 6/1 !!!

ودي مباراة كان لها ظروفها الخاصة بسبب انتقام أعضاء مجلس الزمالك من بعض !!

لكن أسوأشيئ ماحدث بعد المباراه حينما استضافت الأهلوية هناء حمزة حسام البدري مدرب الأهلي الذي لم يقدم التهنئة للزمالك بمناسبة الفوز أو ببطولة الدوري وإنما بادر بالهجوم على الحكم على الرغم من أن طاهر أبوزيد نفسه قال إن المصارع أحمد السيد قد قام بضرب حسام عن عمد يعني شهد شاهد من أهلها!!!

وخرج حسام البدري عن كل أصول الكياسة وقد قامت المذيعة الأهلوية بإحراجه وقالت له ماذا تقول لعبد الحليم علي ويبدو أن حسام كان شامم غرة فسكت برهة ثم قال : أقول مبروك لعبد الحليم !!!!

ياعم حسام سبب نكبات الأهلي إنه بيشتري اللعيبة الكسر وياريتهم من فرق كبيرة إلا أنها من فرق تصارع على الهبوط وليس الدوري وكل ده بسبب رجل يدعى عدلي القيعي اللي أشك إن الزمالك بيدفع له علشان يختار اللعيبة الكسر بتوع الأهلي !!

وكل 6/1 وانتم طيبين mf( mf) :D

[zamalkawy]

حي حي الأهلي رايح جي :blink:

[afiona]

مش قادر على نفسى ومش حأقدر أمثل فيلم الروح الرياضية أكتر من كده....

بعد لما الواحد فاق ...بأضحك ملء شدقى شماتة فى الأهلى والأهلوية ضحكة جاهلية أجهل من ضحكة أبو جهل نفسه....

هع هع هع هع هع هع هع هع .....

الأهلى رايح جاى....

[se_ Elsyed]

...بأضحك ملء شدقى شماتة فى الأهلى والأهلوية ضحكة جاهلية أجهل من ضحكة أبو جهل نفسه....

هع هع هع هع هع هع هع هع .....

الأهلى رايح جاى....

بالذمة مش مكسوف وإنت بتضحك يابو الأفايين والدنيا كلها بتعيط ... والله العظيم يا شيخ لو كان الاهلي كان هو اللي غلب 15 مش ستة ماكنتش رمشت حتى في ظل الوكسة اللي إحنا فيها على جميع المستويات ... يا راجل ده أحنا بقينا ملطشة للي يسوى واللي مايسواش .

[نيرون]

موسم 2001/2002 .. الزمالك 1/6 الاهلي ( حسام حسن

يا سبحان الله يعنى حتى الجون الى جابوه جابه كسر الاهلى!!!!!!!!

ومع ذلك الفرق بين الاهلويه والزملكاويه هو الفرق بين الجزيره وميت عقبه!!!!

عقده ال 6/1 مش هاتروح يا بنى ابدا!!!!!!!

اصلها زى عود الكبريت

مره واحده بس!!!!

وبعدين

وبعدين

ايه يعنى اتغلبنا علشان لعبنا وحش !!!!!!!!!

فيه فرق كبير بين انك تغلب علشان الى قدامك لعب وحش وانك تغلب علشان انت لعبت حلو....

وكمان ....

وكمان...

اففففففففففففففففففففففف

صحيح....

ربنا يقل منكم

مليتوا البلد :blink:

[se_ Elsyed]

استنى بقى ... الحق اصحابكم بتوع الاسماعيلي متقطعين من الصفاقسي 3-0 وفين في وكرهم

لووووول

وواحد واقف جنب المذيع معرفش دوره ايه في الفيلم مسك المكرفون من الراجل ويقولك عشان اتحاد الكوره يراضي الاهلي

ربنا يشفيكم

[se_ Elsyed]

فضضضضضضضيحة في الدقيقة 42 من الشوط التاني الاسماعلاوية طفوا نور الاستاد ورموا المنديل ايه المهازل دي ؟

[afiona]

سي السيد، إنت زعلت؟ أنا بأهرج ..... take it easy....

[البحار الجريح]

سي السيد

انت شمتان في الاسماعيلي بجد ؟؟؟؟

والله اللي حصل للاسماعيلي مهزلة بكل المقاييس

الحق اصحابنا ؟؟؟؟

الاسماعيليه حبايبنا وهيفضلوا حبايبنا مهما قلت ومهما قال غيرك

والخسارة 3/0 من فريق قوي ,, والاسماعيلي بيلعب بدون احتياطي وبلعيبه ولا عمري سمعت اسمائهم وخصوصاً المهاجم هلال اللي كان في الجيش وجابوه عشان الماتش دا مش عيب ابداً

دا بالعكس فيه ناس كتير احترمت موقف الاسماعيلي

قارن بقى بين موقفه وبين انك تاخد ديلك في سنانك وتجري وتقول ماتش يوم 25/5 .. واساساً الطلبه العراقي ابدى استعداده بتأجيل المباراة

لكن الصفاقسي منتهى الخسه وعدم الروح الرياضه رفض تأجيل المباراة

والاتحاد المصري قاعد يتفرج على تارديللي ومش عاوز يتدخل عشان مايزعلش الاهلي والاهلي يقول اشمعنى امال احنا انسحبنا ليه

وهما عارفين كويس انسحبوا ليه و, مش عشان ماتش يوم 25/5... عشان الفريق موكوس وكان هيخسر بالاربعات والخمسات ,, لان ابو تريكه وحسن مصطفى مش موجودين

وبلاش كلام كتير

ايه الروح الوطنيه دي كلها ياجماعه

والله انا مش متخيل ياجماعه فيه مصري فرحان للي حصل للاسماعيلي

لكن الظاهر اني غلطان ,, وخصوصاً بعد مادخلت الموقع الاحمر اياهـ

ودمتم ياابناء مصر لمصر