السويد و النرويج

[freestyle]

السلام عليكم ورحمه الله وبركاته

كان في موضوع كده بفكر فية بقالي فترة و كنت محتاج رأيكم معايا , (لا خاب من استخار ولا ندم من استشار) .

اسمي محمد و عندي 23 سنة . من الباسلة (بورسعيد) :closedeyes: , مهندس ميكانيكا , شغال في احدى الشركات في البحر الأحمر , مهندس مشروعات

مرتبي الحمد لله مش معترض علية خالص , رزقي , بيكفيني و بحوش منة .

بس طبعا المشكلة كلها في النظام و طريقة اداء الشغل , و انا اكيد بتعلم و بتقدم في المكان ,بس بمعدل بطئ شويتين (عادي يعني , مشاكل البلد كلها )

من زمان نفسي اسافر و كنت سعيت اكتر من مرة بس ماكنش فية نصيب , بس في نفس الوقت مش عايز اروح الخليج

طبعا زي اي واحد عايز اعدل من اوضاعي , نفسي اسافر احد الدول الاسكندنافية وبالتحديد السويد او النرويج

بالنسبة لطريقة الدخول , بفكر اقدم على فيزا سياحة , وهاخد اجازة من الشغل 3 شهور

بالنسبة للغة . الانجليزي بتاعي كويس

بالنسبة لتكاليف السفر والمعيشه , مخبيلي انا قرشين من الـ 15 شهر اللي اشتغلتهم دول

وهروح وانا ونصيبي , عرفت اشتغل هناك اي حاجة كان ماكنش هشوف دراسة . انا عارف ان الجامعات هناك مجانية لانها جامعات حكومية

ماكنش بقى خالص هرجع .

مش هنكر اني خايف , لاني اول مرة اسافر , بس اكتر حاجة مخوفاني

اروح و مايكونليش نصيب اكمل هناك واجي هنا وتكون مداركي اتفتحت على طريقة معيشة الناس دي و ارجع هنا تاني والمره دي انا عارف اني ماليش سبيل

مش عارف , محتاج رأيكوا ...

[Mr MAGED]

طبعا ربنا يوفقك فحياتك وفشغلك ويكتبلك الخير دايما

ماظنش ان الطريقة اللي بتفكر تسافر بيها دي طريقة مناسبة

انت عايز تسافر سياحة وتكسر التأشيرة وتكمل وتكون كده هربان

يعني مطارد وخايف ان اي حد من الشرطة يمسكك ويرحلك

وده اكيد مش هيكون مناسب لوضعك كمهندس محترم

عارف ان فيه ناس كتير بيعملوا كده ... ويمكن كمان بتصادف وحد ينجح

بس مينفعش نخلي الاستثناء والخروج عن الشرعية والنظام هو القاعدة فحياتنا

انت ممكن تراسل الجهات التعليمية الموجودة هناك .. وممكن تاخد منحة دراسية بسهولة

أو طبعا تقدم علي طلب هجرة ... وتمشي في الاجراءات بتاعته

هيكون افضل كتير من موضوع كسر التأشيرة ده

وربنا يوفقك

تحياتي

تم تعديل 23 مايو 2010 بواسطة INVESTOR

[freestyle]

لا لا ابدا انا مش قصدي اكسر فيزا قصدي الاقي حاجة واظبط كل حاجة و بعدين اخرج واغير الفيزا وادخل تاني ان شاء الله

[شريف مان]

انت بتقول الانجليزى بتاعك كويس

هيا السويد او النرويج بيتكلموا انجليزى :D

[doha]

انا معنديش فكرة اوي بس اسمع ان المانيا بتقدر المهندسين جدا وانهم بيقدموا منح دراسية لو اقتنعوا بيك ..

جرب تراسل كل الجامعات الي تقدر تحصل على عنوانها ومين عارف يمكن تظبط معاك في وحده فيهم .

[freestyle]

ههههههههههه , لا طبعا

عم شريف بيشتغلنا اهو , صباح الفل

فكرتني بالراجل اللي كانواقف قدام الكعبه بيقول ..سامحنى يارب لو كنت قلت حاجه عالصعايده

جه واحد صعيدى بيساله ..هى القبله منين يا اخ

قال شايف يارب هم الى بيستفزونى

عارفين يا سيدي انهم في النرويج بيتكلموا نرويجي وفي السويد بيتكلموا سويدي ( ابو شورت وفانلة ده)

بس انا قصدي ان الأنجليزي مش قليل برضة , و قرأت ان الناس دي بيهتموا اوي باللغة الأنجليزية علشان دي عالم عايشة الحياة و كل weekend بيقضوه في بلد شكل

ده غير ان لو ربنا اكرم وفكرت في الدراسة هناك ,الجامعات هناك بتقدم كل البرامج الدراسية باللغتين (لغة البلد و اللغة الانجليزية )

[ابو حودة]

من الاماكن اللي بتدي منح دراسية كويسة

هولندا عن طريق NUFFIC

المانيا عن طريق DAAD

اليابان عن طريق Jaica

ادخل على جوجل وشوف نظامهم ايه دلوقت

وعلى العموم موقعهم في مصر في الزمالك

وربنا يوفقك

[freestyle]

شكرا يا ضحى والله على الروح الحلوة دي . انا مبسوط بجد ان في حد كدة بيفكرلي في حلول :D , جزاك الله خيرا يا اختي

نظام الدراسة في الدول الاسكندنافية ( السويد , النرويج , الدنمارك , فنلندا ) و زودي عليهم المانيا وفرنسا و هولندا . كلة واحد مع الفارق ان في الدول الاسكندنافية ممكن تدرسي باللغة الأنجليزية على عكس المانيا وفرنسا و هولندا , لازم الدراسة بلغة البلد :rolleyes:

شكرا

[myusername]

نصيحة اخوية.. منصحكش تروح كده و انتا مش محدد هتعمل ايه... لان السويد مش رخيصة.

الازمة المالية مدمرة أوروبا...

انصحك انك تسافر على اساس انك تروح تقعد اسبوعين و راجع... لو لقيت حاجة, كان بها.. لو ملقيتش, يبقى اديك اتفسحت و شفت ناس جديدة.

انا معاية تأشيرة انجلترا.. و مع ذلك ما زلت متردد انى اروح اقعد هناك.. مع العلم ان الاقتصاد فى انجلترا اقوى من اى دولة اوروبية تانية.. على الاقل من ناحية الشغل هناك موجود الى حد كبير.

لو عايز اى معلومات عن التأشيرة او كيفية التقديم.. انا تحت امرك..

بالنسبة للغة.. هاتتعب من غير لغة البلد.

انا مش عايز احبطك.. بس والله كل اللى اعرفهم و راحوا اوروبا بتأشيرات سياحة.. رجعوا و مكسروش التأشيرة..

انا كمان رحت و رجعت و مكسرتش التأشيرة.. صحيح الحياة هناك جميلة و راقية.. بس هتاكل منين و هتصرف ازاى؟

زى ما قلت لك.. انتا روح على اساس انك تقعد اسبوعين او شهر بالكتير... و ممكن تقابل هناك بنت الحلال اللى تتجوزها... و الموضوع ده سهل هناك جدا يعنى.

تم تعديل 23 مايو 2010 بواسطة myusername

[freestyle]

ابو حودة .. الف شكر يا كبير وربنا يباركلك في حودة ويوقفلة ولاد الحلال كدة زي ما انت بتساعد الغير

ان شاء الله هعمل SEARCH وان كنت شبة اخد قرار :rolleyes:

وربنا يوفقني للي فية الخير , دعواتك معانا :D

[Pathfinder]

طيب السؤال الطبيعي

ليه اسكندنافيا مش كندا أو استراليا؟؟! أو حتى أمريكا مادامت النيه هي استكمال الدراسه؟

[freestyle]

اخ MYUSERNAME اشكرك على المعلومات الثمينة

بص يا سيدي , انا قرأت كتير في الموضوع دة , هو ممكن اللي اكون قرأته هو اللي غلط , ( ما هو اللي كتب الكلام دة بني ادم برضة )

انا قريت ان اغنى دول في العالم هم امريكا , السويد و النرويج , اليابان

وقريت ان مصاريف الأقامة الشهرية في السويد 2800 كرونة أي ما يعادل 2000 جنية مصري

ومصاريف الطعام الشهرية 800 كرونة أي ما يعادل 600 جنيه مصري

لو فعلا المصاريف كدة فأنا الحمد لله قادر على الاقامة هناك لمدة 3 شهور

وموضوع كسر الفيزا دة انا مش حاطة في دماغي أصلا , حيث ان من الجنون اني اسيب شغلي هنا واروح ارمي نفسي هناك في ظروف ما يعلم بيها اللا ربنا

بالنسبه لفرص العمل متوفره والأجور عالية جدا , قرأت انك اول ما بتروح النرويج بيكون راتبك 10,000 كرونة (نرويجي المرة دي) اي ما يعاد 2,000 دولار امريكي

بعد الحصول على الأقامة واللغة هيكون راتبك زيك زي المواطن النرويجي حيث انك الأن من دافعي الضرائب

مش عارف ............. :D

لو عندك اي معلومات عن الفيزا ياريت تفيدني بيها لأني أبيض في الحتة دي :rolleyes:

[freestyle]

أخ pathfinder سؤالك لخبطني شوية !!

أنا مستغرب لية كندا وأستراليا أو أمريكا ومش أسكندنيفيا ؟

أعلى مستوى معيشي , أعلى دخول , رفاهية

سمعت مرة واحد عربي مقيم هناك بيقول .. لو عايز فلوس روح الخليج , لو عايز تعيش روح كندا أو امريكا , لو عايز فلوس وتعيش مع بعض روح أسكندنافيا

دا غير ان هناك في جماعات كتير من احسن 1000 جامعة على العالم

[myusername]

اخ MYUSERNAME اشكرك على المعلومات الثمينة

بص يا سيدي , انا قرأت كتير في الموضوع دة , هو ممكن اللي اكون قرأته هو اللي غلط , ( ما هو اللي كتب الكلام دة بني ادم برضة )

انا قريت ان اغنى دول في العالم هم امريكا , السويد و النرويج , اليابان

وقريت ان مصاريف الأقامة الشهرية في السويد 2800 كرونة أي ما يعادل 2000 جنية مصري

ومصاريف الطعام الشهرية 800 كرونة أي ما يعادل 600 جنيه مصري

لو فعلا المصاريف كدة فأنا الحمد لله قادر على الاقامة هناك لمدة 3 شهور

وموضوع كسر الفيزا دة انا مش حاطة في دماغي أصلا , حيث ان من الجنون اني اسيب شغلي هنا واروح ارمي نفسي هناك في ظروف ما يعلم بيها اللا ربنا

بالنسبه لفرص العمل متوفره والأجور عالية جدا , قرأت انك اول ما بتروح النرويج بيكون راتبك 10,000 كرونة (نرويجي المرة دي) اي ما يعاد 2,000 دولار امريكي

بعد الحصول على الأقامة واللغة هيكون راتبك زيك زي المواطن النرويجي حيث انك الأن من دافعي الضرائب

مش عارف ............. :rolleyes:

لو عندك اي معلومات عن الفيزا ياريت تفيدني بيها لأني أبيض في الحتة دي smk:

انا عايزك تخلى بالك من نقطة مهمة... هو فين تصريح العمل؟ :rolleyes: يعنى علشان تشتغل لازم يكون معاك تصريح عمل..

و غير كده الامور ما بتتحسبش بأغنى دولة او كده.. لان الاتحاد الاوروبي فيه مشاكل اليومين دول.. بسبب مشكلة اليونان و اسبانيا.. عموما انتا هتروح ان شاء الله بنفسك و هتشوف. :D

بالنسبة للتأشيرة.. سريعا:

تأشيرة السويد هى تأشيرة شنجن.. يعنى ممكن تسافر بيها اى دولة من دول الاتحاد الاوروبى باستثناء انجلترا.

ممكن برضه تقدم عالتأشيرة فى سفارة تانية غير سفارة السويد.. يعنى مثلا تقدم عالتأشيرة فى سفارة اسبانيا.. و تسافر و تقعد فى السويد.

متطلبات التأشيرة:

1- تملا الابليكيشن.

2- جواز سفر.

3- صورة من جواز السفر + صورة من اى تأشيرات اخدتها لاى دولة فى آخر 3سنين.

4- 2 صورة شخصية.

5- كشف حساب بنكى... و ممكن تجيب كشف حساب والدك او والدتك.. مع اقرار انهم متكفلين بالمصاريف.

6- اثبات عمل.. مكتوب فيه مرتبك كام..

7- تأمين صحى.. من الافضل مدته تكون 3 شهور. (تعمله من اى شركة سياحة)

8- تذكرة طيران برنت.. (تعملها فى اى شركة سياحة).. و دى بتتعمل ب20 جنيه تقريبا.

9- حجز فندق.. ممكن تعمله من على booking.com او تجيبه من شركة سياحة.

لو عايز اى مساعدة فى الابليكيشن.. انا تحت امرك.

انصحك انك تظبط كشف حساب كبير على قد ما تقدر.

بالتوفيق باذن الله.

[Pathfinder]

أخ pathfinder سؤالك لخبطني شوية !!

أنا مستغرب لية كندا وأستراليا أو أمريكا ومش أسكندنيفيا ؟

أعلى مستوى معيشي , أعلى دخول , رفاهية

سمعت مرة واحد عربي مقيم هناك بيقول .. لو عايز فلوس روح الخليج , لو عايز تعيش روح كندا أو امريكا , لو عايز فلوس وتعيش مع بعض روح أسكندنافيا

دا غير ان هناك في جماعات كتير من احسن 1000 جامعة على العالم

لإن كندا واستراليا وأمريكا بلاد هجره، يعني في process واضحه هتمشي عليها هتاخذ فيزا هجره بصورة قانونية تماما قبل ما تسافر وبالتالي هتروح هناك وانت مطمّن على الأقل إنك هتلاقي شغل أو حتى إعانات اجتماعية بصورة أسهل وهيكون لك نفس حقوق المواطن من أول يوم. أما الدول الاسكندنافية فطريقها هو اللجوء الإنساني غالبا والحصول على جنسيتها أصعب وحتى لو حصلت على جنسيتها فمتوقع منك الاندماج الكامل لأن هذه الدول لها شعوب وثقافة أصلية تسعى للحفاظ عليها مش زي دول العالم الجديد اللي قائمة على تجميع المهاجرين من جميع أنحاء العالم.

وبعدين ما دمت في كل الأحوال ناوي تدخل عن طريق الشغل أو الدراسة فليه ما تحاولش تسعى فيهم وانت موجود في مصر عن طريق الانترنت بدل ما تغامر بفلوسك ووقتك في رحلة للمجهول وانت مش معاك حتى تصريح عمل زي ما myusername قال.

لمعرفة الشروط والإجراءات ممكن تبص على الموقع ده للهجرة للسويد مثلا

http://www.migrationsverket.se/info/start_en.html

تم تعديل 23 مايو 2010 بواسطة Pathfinder

[شريف مان]

فكرتني بالراجل اللي كانواقف قدام الكعبه بيقول ..سامحنى يارب لو كنت قلت حاجه عالصعايده

جه واحد صعيدى بيساله ..هى القبله منين يا اخ

قال شايف يارب هم الى بيستفزونى

ههههههههههههه جااااامدة

:D

[engmido]

على عكس المانيا وفرنسا و هولندا , لازم الدراسة بلغة البلد

لا يا فرى ستايل

الحكاية مش كده...ومش شرط .. هولندا بتدرس بالانجليزى عادى ولى زملاء من ايام الكلية واتعينوا معيدين وراسلوا جامعة ايندهوفن فى هولندا

وطبعا هو ملهوش فى الهولندى

[freestyle]

والله يا جماعه انا فعلا نفسي اكمل دراستي هناك , بس انا عارف ان مشكلتي كلها في الأيلتس , مش عارف لية مستتأل الموضوع دة شوية , حد عندة خبرة في الموضوع دة يفدنا , هو انا محتاج مثلا 6.5 ؟؟

[Pathfinder]

والله يا جماعه انا فعلا نفسي اكمل دراستي هناك , بس انا عارف ان مشكلتي كلها في الأيلتس , مش عارف لية مستتأل الموضوع دة شوية , حد عندة خبرة في الموضوع دة يفدنا , هو انا محتاج مثلا 6.5 ؟؟

كل جامعه وكل برنامج دراسي له اشتراطات غير التاني

ادخل على مواقع الجامعات وشوف هما طالبين ايه

[freestyle]

Academic modules

an overall mark of 6.0 and no section below 5.0