أزمة في الكعب

[Sherief AbdelWahab]

حذاء سيء ممكن يحول حياتك لجحيم..

إزاي الحذاء بيأثر على مشط وكعب القدم لدرجة تجعل المشي صعباً؟

خلص الكلام

[لولا]

حذاء سيء ممكن يحول حياتك لجحيم..

إزاي الحذاء بيأثر على مشط وكعب القدم لدرجة تجعل المشي صعباً؟

خلص الكلام

تبدو لى كلمة حذاء يحول حياتك الى "جحيم " كلمة تدرك معناها المرأة اكثر من الرجل !!

لا اعرف اين الحذاء والصندل النسائى الذى يجمع بين قمة الشياكة والراحة ؟؟

المعادلة صعبة ..

وبالنسبة للمرأة اعتقد انها يجب ان تتقبل الجحيم بصمت ورضا ..

اما الرجل فلا شيء يدعوه لتحمل اى جحيم .. الجحيم دوما من نصيب المرأة

لولا

[mekkawy]

تلوح لي معاني أبعد من الحذاء بكثير

و لكن عامة أخي شريف .. يجب أن يكون الحذاء من نفس مقاس قدمك من أولها لآخرها حتى لا يسبب آلام بالكعب أو غيره.

مكاوى

تم تعديل 21 مايو 2010 بواسطة mekkawy

[Sherief AbdelWahab]

في الأحذية الرجالي تتحول الأمور إلى كارثة..

حذاء شكله جميييييييييييييييييييييييييييييييييييل من الخارج.. فقط..

رغم إنه نفس المقاس .. إلا إن المعتقد المتخلف لدى الناس كلها "الجزمة بتضيق شوية في الأول وحترجع توسع"..الخ..

وبيتضح ليك بعد 3 أشهر من العرج على الجزمة السخيفة دي الآتي:

الجزمة ضاغطة من الاجناب على الرجل زي ما تكون محشورة فيها.. القدم كله من منطقة الصوابع لحد الكعب..

الجزمة ضاغطة على منطقة الصوابع نفسها من تحت..

والمحصلة الرجل كلها بتبقى ملوية ومحشورة طول الطريق وبعده..

هل دة مجرد إحساس عادي بالألم وخلاص وبيروح؟ ولا دة على المدى البعيد بيلحق أضرار فادحة بمشط القدم ، بالأصابع ، وأعصاب القدم نفسها؟ علماً بإن سوء حالة كعب الجزمة بالتحديد ممكن يعمل آلام شبيهة بآلام الانزلاق الغضروفي؟

خلص الكلام

[om marawan]

مش عارفة هى فعلا استشارة طبية

عموما فيه مشكلة تانية احيانا فى بعض الاحذية انها ضيقة عموديا .... مش عارفة الجملة دى مفهومة ولا ايه يعنى ارتفاعه نفسه من الداخل قلق وبيسبب مشكلة لانه بيأثر فى اداء الدورة الدموية فى القدم

الاهم انه حضرتك كمان تعمل تحليل لانه وارد ان الموضوع يكون غير متعلق بالحذاء

لو هى استشارة مش طبية زى ما أشار الفاضل مكاوى يبقا ولا كإن حضرتك قريت حاجة من اللى فوق ده

[لولا]

هو محدش مصدق انك بتسأل سؤال عادى ليه ؟؟ :rolleyes:

انت بقيت بتتكلم بالألغاز ياشريف ؟؟

يعنى مش كفايه الإختصارات وخلص الكلام ..كمان هتغلبنا وراك نفضل نخمن انت قصدك ايه :rolleyes:

انا لسه متمسكه بالإجابة بتاعتى

لولا

[لماضة مصرية جدا]

السلام عليكم و ورحمة الله و بركاته

طب و ربنا المعبود...انا لما لقيت التوبيك باسم استاذ شريف لانه دايما معودنا انه بيعمل تغطية اعلامية و كده...قولت بس في عقل بالي انه يقصد بيه حاجة تانية و داخلة بقي و مشمرة

اتاري استاذ شريف ممكن يسال عاااادي يعني.....(من غير زعل و الله)

بس حضرتك برضه بتطرح حاجة مهمة جدا

و يا ريت فعلا حد يجاوبنا عليها...و خصوصا فيه احذية بيقولوا عليها طبية...(بس مش شيك خاااااااالص)...يعني ايه حذاء طبي اصلا؟

و هل ارتداء الكعب ليه علاقة مثلا بدوالي الساقين؟؟؟

مستنين الاجابة اهه

فوتكم بعافية

[doha]

امال انا ليه من اول مرة قريت فيها التوبيك افتكرته بيتكلم بجد عن الرجلين عادي ومش قصده حاجه تانيه او اي اسقاط ذو بعد

تقريبا كتير مننا تعود ان الي له دماغ مبيتكلمش عن رجليه .. عادي ياجماعه بتحصل

شوف ياسيدي .. هو وفقا للطب الصيني الي بيقول ان كل جزء من جسم الانسان تمثله نقطه على القدم وان اي ضغط او تعب في النقطه دي بينعكس على شكل الم في الجزء الممثل لها فاحسن حاجه الواحد يعملها دائما انه يلبس اكرمك الله جزمه طريه ومريحه ويشتري رجله .. ودماغه

وعلى راي الخواجه باتا .. راحه الجسم تبدأ من ايه ؟ .. بالظبط كده .. القدمين

الله يرحمه ويبشبش الكعب الي تحت راسه ..

[عبير يونس]

http://www.google.com.sa/imgres?imgurl=htt...%26tbs%3Disch:1

العلاج الانعكاسي

هو نوع من تدليك القدم الذي يركز على مساحات محددة في القدم لمعالجة بعض الحالات الطبية.إنه يرتكز على نظريات مماثلة موجودة في الطب الصيني التقليدي القديم ، ويقوم على مبدأ مفاده أن طاقة كامل الجسم تتدفق إلى القدمين، وفي حال إنسداد هذه الطاقة يمكن أن تؤثر في كامل الجسم.

وعلى رغم إستعمال علاجات مماثلة للقدمين في حضارات أخرى في الماضي، يمكن القول أن العلاح الانعكاسي حديث العهد ، إذ طوّره في بداية القرن العشرين الطبيب الامريكي وليام فيتزجيرالد ، وأنشأ هذه الطبيب خريطة للقدمين تظهر المساحات التي تتطابق مع أنجاء الجسم، فمثلآ الأقسام في الأصبع الكبير للقدم تمثل الرأس والدماغ ،

وحسب نظرية د. فيتزجيرالد ، يمكن تخفيف الالم الناجم عن الصداع من خلال إعتماد تقنيات العلاج الانعكاسي في الاصبع الكبير، ويمكن العثور أيضآ على نقاط العلاج الانعكاسي في اليدين ، ولكنها ليست فعّالة بدر تلك الموجودة في القدمين. الضغط على النقطة الانعكاسية:

- إستخدم دومآ إبهامك للضغط على نقطة انعكاسية،

- إحن الابهام أولآ ودعه كذلك،- إستعمل طرف الابهام وليس الظفر،

- إضغط على على النقطة لمدة دقيقة تقريبآ،

- ثم أفلت تاضغط برفق من دون فك انحناء الابهام،

- وإن كنت تضغط على سلسلة من النقاط إنتقل إلى النقطة التالية وإترك ابهامك منحيآ بالقرب من القد قدر الامكان.

قد يكون من الصعب الوصول إلى بعض النقاط بنفسك ، ولكن يمكنك إستخدام النقاط الممكن الوصول إليها لمعالجة العوارض البسيطة.

تحذير:

لا تعتمد أبدآ العلاج الانعكاسي إن كنت تعاني من تخثر الدم أو داء السكري ماذا تتوقع من المعالج؟ في زيارتك الاولى إلى الطبيب المعالج ، سيطرح عليك أسئلة متعلقة بصحتك الاجمالية وأسلوب عيشك ، فإعتماد حياة منهكة ومجهدة يؤثر سلبآ في الصحة الاجمالية ، وصحيح أن العلاج الانعكاسي غير قادر على إخراج الاجهاد بالكامل من حياتك ، إلا أنه يجعلك أكثر إسترخاء. سيطلب منك المعالج الجلوس في وضعية مريحة ومرتدة إلى الخلف تتيح له العمل على قدميك، ثم يقوم بفحص أخمص قدميك وقد يجري للمساحة تدليكآ شاملآ ببودرة التالك إذا كانت متورمة، ويبدا العلاج بعد ذلك،ويعالج بيديه القدمين ولا يربتهما بقوة ، وإنما برفق ، وليست هذه العملية مؤلمة ، وإنما قد تسبب بعض الازعاج المركزي عند التربيت لاول مرة على المكان المصاب.

النقاط الانعكاسية في القدمين:

في العديد من الاحوال هناك نقاط متطابقة في كلا القدمين ، ويقال أن النقاط في القدم اليمنى تتطابق مع أنحاء الجهة اليمنى من جسمك ، فيما نقاط القدم اليسرى تتطابق مع انحاء الجهة اليسرى من جسمك ، ولكن هناك العديد من النقاط الموجودة فقط في قدم واحدة مثل تلك النقاط المرتبطة بالقلب والطحال والمرارة الصفراء.

(( القدم اليمنى ))

1. الدماغ/ الرأس.2. الجيوب / الدماغ / أعلى الراس.3. جانب الدماغ والرأس / العنق.4. الغدة النخامية.5. الحبل الشوكي.6. العنق / الحنجرة / الغدة الدرقية.7. الغدة الدريقية.8. الغدة الدرقية.9. الرغامي.10. العين.11. القناة السمعية.12. الأذن.14. الرئة.15. القلب.16. الضفيرة الشمسية.17. البطن.18. البنكرياس.19. الكلية.20. الكبد.21. المرارة.22. الطحال.23. القولون المتصاعد.24. القولون النازل.25. الامعاء الدقيقة.26. المثانة.27. العصب الوركي.

(( القدم اليسرى ))

1. الدماغ/ الرأس.2. الجيوب / الدماغ / أعلى الراس.3. جانب الدماغ والرأس / العنق.4. الغدة النخامية.5. الحبل الشوكي.6. العنق / الحنجرة / الغدة الدرقية.7. الغدة الدريقية.8. الغدة الدرقية.9. الرغامي.10. العين.11. القناة السمعية.12. الأذن.14. الرئة.15. القلب.16. الضفيرة الشمسية.17. البطن.18. البنكرياس.19. الكلية.20. الكبد.21. المرارة.22. الطحال.23. القولون المتصاعد.24. القولون النازل.25. الامعاء الدقيقة.26. المثانة.27. العصب الوركي.

منقول بتصرف

ألف سلامة يا أستاذ شريف

:lol:

[عبير يونس]

و بالمرة ده علاج هندي

ودي صورة بتوضح التوزيع العلمي لأعصاب أعضاء الجسم في اليد

:lol:

[fatfouta]

لما شوفت العنوان ماشى فى البانر قولت يبقى حد بيسأل عادى عن حاجة تخص الاحذية بس لما شوفت اسم اللى كاتب الموضوع قولت لنفسى لا طالما كده يبقى اكيد استاذ شريف يقصد حاجة سياسية وانا لو رديت هبقى ذى الهبلة فخلينى ساكتة احسن

قولت استنى شوية وبعدين لقيت الموضوع فى باب استشارات طبية قولت يبقى اكيد بيسأل سؤال فعلا بعيد عن الاعلام والسياسة

لا اعرف اين الحذاء والصندل النسائى الذى يجمع بين قمة الشياكة والراحة ؟؟

كتير بسأل نفس السؤال يا لولا هو فين الحذاء اللى يجمع الاتنين دول الشياكة وفى نفس الوقت الراحة للقدمين

عمرررى فى حياتى مافكرت اشترى حذاء كعبه عالى او مايزيدش عن 3سم لان دايما الاحذية اللى كعبها اعلى من كده بتبقى ليها بوز جامد و مش مريحة بالمرة.....مع انى بحب شكله جدااا لما الاقى حد لابسه لكن للاسف محاولاتى معاه مانت فاشلة دايما

نفسى نغير مفهومنا عن الأحذية يعنى كل واحد يلبس اللى يريحه ومش مهم ان ده طالع موضة يبقى انا البسه....لا مانا اشوف اللى يريح رجليا ايه

انا عن نفسى بشوف اللى يريح رجلى وفى نفس الوقت يبقى شكله شيك مش مشكلة شكل او طول الكعب بس يبقى مريح

فعلا ممكن الحذاء يحول يومك لجحيم.....فى مرة قولت اجرب اجيب حذاء شيك بقى كده ذى الستات ويبقى كعبه عالى وبوزه طويل وفعلا اشتريته لان كان عندنا واجب عزاء وروحت فعلا لابساه ورايحة واليوم كان طوووويل وللاسف كان يوم وفاة خالتى وكنت سايقة العربية كمان يعنى حاجة صعبة

والله العظيم اليوم من اوله كان جحيم فعلا من كتر ضغط الحذاء على رجلى بقيت واقفة ببكى والناس طبعا فاكرانى ببكى عشان المرحومة بس انا كانت رجليا واجعانى جداااا وقولت توبة بعد كده اللى يريحنى هلبسه بلا شياكة بلا كلام فاضى

بس انا عتقد ان الاحذية الرجالى كلها كعب واحد يعنى مافيش حاجة تتعب الا اذا المقاس كان مش مريح فى القدمين يبقى فعلا اشترى حاجة تبقى على مقاسك او اكبر سنه صغننه عشان ماتتعبش

مصرية متغربة...... معلومات جميلة أشكرك عليها وفعلا اللى عنده مرض السكر المفروض انه ميلبسش احذية ضيقة لانها خطر جداااا عليه علشان بتضغط على الاوعية الدموية

وفعلا فعلاااااااا........راحة الجسم تبدأ من القدمين :lol:

[engmido]

و الله يا

انتى بتفكرينى بمسرحية عادل امام بتاعت اللى بيقول فيها ودخلت فيلم انا يتيم وانا اعيط بيبسى كولا اشربها واعيط سندوتشات فول اكلهت واعيط

وفى الاخر طلعت الجزمة ضيقة

[tantrum]

و بالمرة ده علاج هندي

ودي صورة بتوضح التوزيع العلمي لأعصاب أعضاء الجسم في اليد

:closedeyes:

حضرتك متأكدة إن ده التوزيع العلمى ؟؟؟؟؟؟؟؟؟

[لولا]

عارف يا شريف شايفه فى الموضوع دوت ايه ؟؟

حاجه اعمق كتير من سؤالك البسيط واجابته البسيطه .. شايفه ببساطه حالة اتكررت معايا - ومع ناس تانيه - كتير من ساعه دخولى المحاورات وهو الرد بناء على الفكر المسبق الذى تم وضعك ضمن اطاره فيدخل الآخرون للرد على فكرتهم - هم - عنك - بعيدا عن الرد على ما هو مكتوب !

عذرا على الخروج عن الموضوع ..

كانت خاطره مُلحة فقط :blink:

لولا