اختراع شفته ومكنتش تتوقعه او نفسك تشوفه ومستنيه.. ياترى ايه

[doha]

من فترة وفي بالي كذا موضوع ده واحد منهم

كتير اوي بتمنى وجود اختراعات معينة او اجهزه الكترونيه تحل لي مشاكل كتير في حياتي اليوميه .. احيانا بتفاجأ ان الي تمنيته ومن سنين طويلة اخيرا اخترعوه وفي احيان تانيه بكون شبه واثقة انها مسألة وقت فقط حتى يتم اختراعه وفي احيان ثالثه بتفاجأ باختراع اشوفه ومكنتش اتوقع ابدا في يوم من الايام ان ممكن العقل يوصل لاخراج هكذا ابتكار

هقولكم على نماذج وياريت كل واحد فينا يقول على

اختراع تمنى يشوفه وتفاجأ بوجوده

اختراع مكانش متخيل ابدا انه موجود وتفاجأ بيه

اختراع يتمنى يظهر قريبا وعايش منتظر الامل ده

اختراع حاسس النهرده انه خيال بس يمكن ميكونش كده بكرا

طبعا مش مهم الاختراع ده يكون جهاز كهربائي او الكتروني .. ممكن جدا يكون علاج مثلا او اداة او حتى طريقة رياضية او ذهنية

يلله كل واحد يعصر دماغه كده ويقولنا طلع معاه ايه

[doha]

بالنسبة لي فواحد من اكتر الاختراعات الي تمنيت ظهورها وتوقعتها مسألة وقت هو الآي باد

بصراحه شفته في فيلم خيال علمي من كام سنة .. كانت المجلات والصحف في الفيلم كلها عباره عن شاشة كمبيوتر ولكن رفيعه جدا متصله بالنت وبتديلك آخر الاخبار في ساعتها .. اتوقع ان ده هيكون شكل الصحف فعلا بعد كام سنة

********

اكتر اختراع تمنيته الفترة الماضية ثم تفاجأت بوجوده فعلا هو البرنتر الواير لس .. يعني برنتر تتوصل بالكمبيوتر او اللابتوب بدون اسلاك .. اتضح انها موجوده فعلا وبتتباع في الاسواق عادي ..

*******

اخر اختراع استخدمته ... هو مش اختراع اوي يعني بس فكرت ان لازم يكون موجود وبعد بحث بسيط عثرت عليه .. وصلة مابين اللابتوب والتلفزيون بحيث تستعرض النت وكل ماهو على اللابتوب من افلام او جيمز او غيره بس على شاشه التلفزيون مش على شاشة اللابتوب

بصراحه اختراع يستحق التجربة ..

*******

اختراع بقى نفسي فيه ولسه للاسف موصلناش

شفته زمان وانا صغيره في فيلم اسمه ( اعتصار مخ ) كان على القناه الثانية المصرية قبل مايخترعوا لنا الدش بكل قنواته

فكرة الفيلم للي مشافهاش انهم اخترعوا جهاز بيسجل ( المشاعر والاحاسيس ) على اسطوانات وبالتالي فاي حد يستخدم الاسطوانة يقدر يعيش نفس اللحظه او الاحساس ده برغم انه معاشهوش

تخيلوا بقى لو الاسطوانات دي نزلت السوق فعلا وكان في احساسيس مسجلة لكل لحظاتنا الحلوة ونقدر نستعيدها تاني وتالت ده غير اننا وزي ماكنا زمان بنتشارك صور المناسبات الحلوة بعدين بقينا بنتشارك الفيديو الخاص بيها ممكن لو الاختراع ده ظهر نتشارك حتى الشعور والاحساس .. اعتقد هيكون اختراع يستحق التجربة

*******

وبمناسبة الحديث عن الاختراعات بيقولوا مرة اثنين كواسيل اوي عمالين بيحلموا

فواحد قال للثاني ياسلااام اما لو كان في زرار يتم الضغط عليه فيعمل كل حاجه لوحده

رد التاني وقاله ياسلااام اما لو الزرار ده ينضغط لوحده

******

يتبع ...

[ام نور محمود]

موضوع مثير للتأمل كعادتك يا ضحى

انا الاختراع اللي قريت عنه كتييييييير ونفسي اشوفه قبل ما اموت ( متأكده انهم هايوصلوله بس مسأله وقت )

هو الانتقال الاني

يعني الانسان يتنقل من مكان لمكان تقريبا في نفس اللحظة

فكرته بتعتمد على تفكيك جزيئات الشيء المراد نقله وارسالها اللي المكان المقصود محموله على موجات كهرومغناطيسية ( زي موجات الراديو كده ) ثم اعادة تجميعها مرة اخرى

لو حد شاف فيلم (the fly ) تلاقوه بيتكلم عن حاجة زي كده

طبعا لو حاجة زي دي حصلت هانقول باي باي للطيارت والسفن و معظم وسائل المواصلات

المهم بس مانستوردش الصيني بتاعه ( اكيد مش هانصنعه يعني )

ونفاجأ بالبني ادم طالع من الناحية التانيه عبارة عن دستة مشابك :lol:

[سكر]

دمج الانترنت والدش والتليفزيون فى جهاز واحد فقط

بكرة فكرة وجود الاسلاك فى البيت او الشغل

[MZohairy]

موضوع مثير للتأمل كعادتك يا ضحى

انا الاختراع اللي قريت عنه كتييييييير ونفسي اشوفه قبل ما اموت ( متأكده انهم هايوصلوله بس مسأله وقت )

هو الانتقال الاني

يعني الانسان يتنقل من مكان لمكان تقريبا في نفس اللحظة

نفس اللي في دماغي تماما

الانتقال الآني

الاختراع او الجديد اللي اتبسط لما شوفته هنا في فانكوفر هو امكانية سداد فاتورة السوبر ماركت مثلا عن طريق خصم القيمه من رصيدك في الموبايل

يعني ممعاكش كاش و ممعاكش كريديت كارد يحطوا موبايلك على جهاز صغير كده و فاتورة الشراء تضاف على رصيد فاتورة الموبايل او تخصم من رصيدك المسبق الدفع

يعني كأن الموبايل تحول ايضا الى بطاقة ائتمان

[doha]

ام نور محمود

فعلا الانتقال الآني ده لو حصل هيبقى قمة الاختراعات .. بس مش عارفه ليه كل مافكر فيه افتكر بينك بانثر

لما دخل جهاز الانتقال ودخلت معاه نحله بالغلط .. مش عاوزه اقولكم طلع من الناحية التانية شكله ايه

مش عارفه حد فاكر الحلقة دي زيي ؟

=========

موعود

انا كمان نفسي يدمجوا التلفزيون بالنت بمعنى امسك الريموت واقلب في القنوات تماما زي مابيحصل لما اقلب في جوجل وبالتالي اختار الفيلم الي على مزاجي او البرنامج الي عاوزه اشوفه وكليك واتفرج بجوده عاليه بدون تقطيع في الصورة تماما كما لو كنت بتفرج على التلفزيون

على كل حال احد الاشياء الي بتوقعها ان في المستقبل القريب هيتم الغاء التلفزيون بشكله الحالي المعتادين عليه وهتبقى الامور كلها بالاختيار كما هو الحال مع النت

[doha]

الاختراع او الجديد اللي اتبسط لما شوفته هنا في فانكوفر هو امكانية سداد فاتورة السوبر ماركت مثلا عن طريق خصم القيمه من رصيدك في الموبايل

يعني ممعاكش كاش و ممعاكش كريديت كارد يحطوا موبايلك على جهاز صغير كده و فاتورة الشراء تضاف على رصيد فاتورة الموبايل او تخصم من رصيدك المسبق الدفع

يعني كأن الموبايل تحول ايضا الى بطاقة ائتمان

روعه .. ده احد الاختراعات الي تمنيت اشوفها على فكره ..

كنت دائما لما اكون مسافرة من مدينة لمدينة عن طريق الميكروباص ويقعدوا يلموا الاجرة من بعض وميكونش فيه فكه مع السواق او حد من الركاب بقعد اقول ياسلام لو بالموبايل ندفع الاجرة ونخلص

وفكرت كمان اما لو ممكن يعملوا جهاز مع سائق الميكروباص زي بتاع الكريديت كارد كده وكل راكب يكون شايل معاه كارت ممغنط يمرره في الجهاز وينخصم منه اجرة الركوب وخلاص وبلا فكه بلا وجع دماغ

وبمناسبة الحديث عن السوبرماركت

من الحاجات الي نفسي يطبقوها في مصر ويخلصونا السوبرماركت الالكتروني .. الواحد يدخل على السايت ويشوف السلع المعروضه ويعمل كليك على السلعه الي تعجبه يظهر له صورتها وبالعبوات المختلفة لها مع شرح بالخصائص بتاعتها بقى من وزن وكمية واستخدام .. الخ

يضغط كليك على الصورة يتم عمل ( روتيت ) او استداره لها فيقلبها من كل ناحية لو حابب يعني يعرف شكلها ايه

واخيرا السلعه الي تعجبه يعمل عليها علامه صح ويكتب الكمية الي عاوزها منها

بعد ماخلص تسوق يضغط كليك يتخصم سعر ده كله من الكريديت كارد والاحلى بقى ان عشر دقائق بالكتير ويلاقي الديليفري جايب له البقالة الي اختارها

ياسلااام ده الواحد هيبقى مأنتخ بشاااكل

واحلى مافي الموضوع انه لما يتطبق عندنا هنقول ياسلام اما لو يخترعوا لنا سايت يختار البقالة لوحده

تم تعديل 9 مايو 2010 بواسطة doha

[shiko]

دمج الانترنت والدش والتليفزيون فى جهاز واحد فقط

بكرة فكرة وجود الاسلاك فى البيت او الشغل

احب بس ابشرك ...انننا وى ار جوينج تو ....

ابشـــــــــــــــــر

دى حاجةاسمها الدمج ...وبرة اسمها بلج كابل ....او انبلج كابل ...

ودى حاضرتك اسمها برضه تى فى كابل ...

حضرتك هايبقى عندك كابل واحد جاى مع كابل الكهربا ...

واول ماتدخل البيت ...انت ومزاجك ...ممكن الكابل فى الموبايل ...يبقى تليفون ثابت ..

تحطه فى التليفزيون ...يجيبلك القنوات الفضائية ...

تحطه فى الكمبيوتر يبقى انترنت ...وبكده يبقى حضرتك اخدت التريبل بلاى ...الصوت والفيديو والداتا ...

وده مفروض بناءا على اتفاقية موقعة مع الاتحاد الدولى للاتصالات يكون موجود فى مصر خلال 2012

...ادى اختراع خلصنا منه ...شوفلونا اختراع تانى ...

ايتها خدعة ...

كان معكم محدثكم ...

شيكو مفك

تم تعديل 9 مايو 2010 بواسطة shiko

[se_ Elsyed]

هاتكلم عن اختراع بتاع واحد صاحبي بصراحه

هو صاحب براءة الاختراع

وهو عباره عن " شيشة سنترال "

شيشية مركزية يعني تغذي المنطقة بحالها وبالتالي كل واحد يقعد في بيته ويبطل صرحمه عالقهاوي ونُزيد من الترابط الاسري ووجود الاب وسط عياله

وفكرتها بسيطة ومبتكره

احنا نيجي في كل منطقة ونختار حتت ارض فاضية كبيره ... ونملاها فحم ... ونحط المعسل فوق الفحم ... ومافيش مانع نقسمها بارتشن ... يعني هنا معسل تفاح ... هنا سلوم ... هنا قص لأصحاب المزاج ... وهكذا الخ الخ الخ

ونوصل تيوبس للعماير والمساكن ....

وكل شقة يبقى فيها فتحه في الحيطه زي المستشفيات كده بتلاقي فتحه الفاكيوم كلينر في الحيطة بحيث يحطوا أيد المكنسة والشفط بيبقى اوتوماتيكي

المهم ... كل يوزر هايبقى عنده اي بي ادرس ... ويوزر نيم وباسورد ... وبرضوا كله بالشحن ... تشحن يعني قيمة حجرين معسل تلاته .. زي ماننت عاوز ...

تدخل أنت على موقع " شيشه دوت كوم " تدخل الباسورد بتاعتك واليوزر نيم طبعاً ... وتدفس اللاي في الفتحه ... وشد يا معلم

حد هايسألني طب أنت عملت اي بي ادرس ليه ؟

عشان الاخوه السبرسجيه ما يدوش اليوزر نيم لبعضيهم وتقف عالمشروع بخسارة ...

وبكده برضوا نضمن أن العيلة كلها تشيش بأريحية وبسهولة ... يعني كل أوضه يبقى فيها بورت .. وكل واحد عنده اللاي بتاعه ..

يااااااااااااه نفسي الاختراع ده يتعمم وتلاقي الدخان يتصاعد من الشقق والبيوت زالناس مزاجها يتعدل وتشرب وتنسى ..

بس خايف بعض اصحاب النفوس الضعيفة يستغلوا الفكره دي ويلغموا الحجارة بحشيش وخلافه وبالتالي تنتشر المفاسد

لكن ممكن نعمل كنترول على الموضوع ده بساليب كتيره

[سكر]

تحطه فى الكمبيوتر يبقى انترنت ...وبكده يبقى حضرتك اخدت التريبل بلاى ...الصوت والفيديو والداتا ...

وده مفروض بناءا على اتفاقية موقعة مع الاتحاد الدولى للاتصالات يكون موجود فى مصر خلال 2012

...ادى اختراع خلصنا منه ...شوفلونا اختراع تانى ...

ايتها خدعة ...

كان معكم محدثكم ...

شيكو مفك

المرة دى مش اختراع ولكن طلب او امنيه

هو تطبيق الرقم القومى على المدى الواسع فى مصر وليس اقتصار المشروع على بطاقه بلاستك

وما ادراك ما هو التوسع فى الرقم القومى ليشمل حياة المواطن منذ الولادة وحتى مكان الولادة حتى الوفاة

نفسى بجد والله اشوف الموضع دة فى مصر

[shawshank]

من الحاجات الي نفسي يطبقوها في مصر ويخلصونا السوبرماركت الالكتروني .. الواحد يدخل على السايت ويشوف السلع المعروضه ويعمل كليك على السلعه الي تعجبه يظهر له صورتها وبالعبوات المختلفة لها مع شرح بالخصائص بتاعتها بقى من وزن وكمية واستخدام .. الخ

يضغط كليك على الصورة يتم عمل ( روتيت ) او استداره لها فيقلبها من كل ناحية لو حابب يعني يعرف شكلها ايه

واخيرا السلعه الي تعجبه يعمل عليها علامه صح ويكتب الكمية الي عاوزها منها

ده في مصر مش موجود بشكل كبير ، لكنه موجود بشكل عام في مواقع تقدم ما يطلق عليه "التجارة الالكترونية" ، وأشهرهم eBay . مش عارف إذا كان مطبق على مستوى السوبر ماركت واللا لأ . بس عمومًا بتوع السوبر ماركت عايزين الشخص يروح بنفسه المكان لأنه لو راح عشان حاجة واحدة احتمال كبير لما يشوف البضاعة المعروضة ومواصفاتها وأسعارها والعروض اللي عليها ، يشتري أكتر كتير من اللي كان عايزه . فالمسألة مسألة تسويق في المقام الأول . علاوة على إن فيه بضاعة تحتاج حواس أخرى غير النظر لاختبار مواصفاتها ومدى مطابقة هذه المواصفات لمتطلبات الزبون ، مثل العطور والأقمشة والأحذية .

فيه واحد في MIT عمل حاجة اسمها "الحاسة السادسة" ، شبه اللي حضرتك بتقولي عليه ، بس لو الشخص متواجد في السوبر ماركت . يعني ينفع يعمل "كليك" على السلعة ، تظهر له معلومات عنها بشكل الكتروني . ده فيديو.

[shawshank]

هو الانتقال الاني

هو فيه ظاهرة شبه دي ، وفيها آنية ، وهي من نتائج ميكانيكا الكم ، واسمها الاتصال الآني عن بعد Entanglement . وملخصها إن ممكن 2 فوتون يتواجدان على بعد مسافة شاسعة جدًا ، كل فوتون على أحد طرفي مجرتنا مثلاً ، وإذا حدث تغير في خواص أحدهما ، يحدث نفس التغير بشكل "آني" للفوتون الآخر ، رغم عدم وجود أي اتصال مرئي أو مراقب بينهما . وهي من الظواهر التي لا يوجد لها تفسير حتى الآن رغم أن ميكانيكا الكم ظهرت منذ حوالي 100 سنة . وناس قالوا إن ليها علاقة بالـ "تيليباثي" ، وناس قالوا إنها بسبب إن الكون كله كان كيان واحد ثم انفجر وتمدد ، وبالتالي فهناك اتصال ما بين أجزائه . ده فيديو ظريف .

[Alrefaey]

اتمنيت انى شوف اختراعين

الاول ان يكون فيه جهاز يتحكم فى الجازبية الارضية للمواد بالاشعاع بمعنى ان عندما اريد انقل صخرة - سيارة - شىء ثقيل يصعب حملة اسلط على هذا الشىء اشعاع يتحكم فى الجازبية واقوم بتحريك هذا الشىء كما اريد .

الشىء الثانى هو تصحيح جميع العيوب الخلقية والامراض الوراثية والامراض المحتملة بالكشف الجينى عنها منذ الولادة وتصحيح تلك الامراض عن طريق التعديل السليم للكروموسومات بطريق تسليط شعاع على DNA لجميع الجسد وبذلك اتحكم فى علاج جميع الامراض المزمنة والسرطان والسكر والزهيمر بكشف الجين المصاب وتصحيحة

واتوقع ان هذا ممكن فى خلال الخمسين سنه القادمة .

[shawshank]

الاول ان يكون فيه جهاز يتحكم فى الجازبية الارضية للمواد بالاشعاع بمعنى ان عندما اريد انقل صخرة - سيارة - شىء ثقيل يصعب حملة اسلط على هذا الشىء اشعاع يتحكم فى الجازبية واقوم بتحريك هذا الشىء كما اريد .

ناسا كانت بتدرس استخدام أشعة ليزر خارقة القوة في دفع مركبات فضائية وتوجيهها ، لكنهم وجدوا إن المشروع هيكون مكلف جدًا . بس ذي ماحضرتك بتقول متوقع يحصل في المستقبل القريب إن شاء الله .

وكان فيه مشروع قديم/حديث بتوع ناسا برضه بيفكروا فيه وهو عمل مصعد للفضاء ، يعني أسانسير من الأرض للفضاء ، يخترق الغلاف الجوي للأرض . ويتم فيه السفر خارج هذا الغلاف ، وبالتالي ممكن نقل المعدات والتليسكوبات ... الخ .

الشىء الثانى هو تصحيح جميع العيوب الخلقية والامراض الوراثية والامراض المحتملة بالكشف الجينى عنها منذ الولادة وتصحيح تلك الامراض عن طريق التعديل السليم للكروموسومات بطريق تسليط شعاع على DNA لجميع الجسد وبذلك اتحكم فى علاج جميع الامراض المزمنة والسرطان والسكر والزهيمر بكشف الجين المصاب وتصحيحة

وفيه أبحاث كتير حاليًا عن الكشف عن أمراض الجنين وعلاجها قبل ولادته . والله أعلم ايه اللي هيحصل في المستقبل .

تم تعديل 9 مايو 2010 بواسطة shawshank

[مسافر زاده الخيال]

موضوع مثير للتأمل كعادتك يا ضحى

انا الاختراع اللي قريت عنه كتييييييير ونفسي اشوفه قبل ما اموت ( متأكده انهم هايوصلوله بس مسأله وقت )

هو الانتقال الاني

يعني الانسان يتنقل من مكان لمكان تقريبا في نفس اللحظة

فكرته بتعتمد على تفكيك جزيئات الشيء المراد نقله وارسالها اللي المكان المقصود محموله على موجات كهرومغناطيسية ( زي موجات الراديو كده ) ثم اعادة تجميعها مرة اخرى

لو حد شاف فيلم (the fly ) تلاقوه بيتكلم عن حاجة زي كده

طبعا لو حاجة زي دي حصلت هانقول باي باي للطيارت والسفن و معظم وسائل المواصلات

المهم بس مانستوردش الصيني بتاعه ( اكيد مش هانصنعه يعني )

ونفاجأ بالبني ادم طالع من الناحية التانيه عبارة عن دستة مشابك :rolleyes:

الاختراع ده قدييييييييييييييييييييييم اوي قدم التاريخ وفعلا اعطى الله عز وجل بعض عباده هذه الخاصية وكان لي عم درس باميركا في السبعينات كان قال لي انه في اخبار على نجاحهم على نقل المواد(غير الحية)بين نقطين لكنهم ما نجحوا في استعادة المادة كما هي والمسافة بين النقطين لا زالت بسيطة بس ده في السبعينات

وربما ان الرجل الذي كان له علم من الكتاب زمان النبي سليمان و ملكة اليمن بلقيس والذي نقل عرشها في لحظة و تفوق على علم العفريت من الجن من قبيل ذلك

[مسافر زاده الخيال]

الاختراع اللى اتمنى وجوده (واعتقد انه موجود بصيغة ما)

طاقية الاخفاء............

[shawshank]

شيشية مركزية يعني تغذي المنطقة بحالها وبالتالي كل واحد يقعد في بيته ويبطل صرحمه عالقهاوي ونُزيد من الترابط الاسري ووجود الاب وسط عياله

يبقى حضرتك عايز تعمل وصلة للشيشة . أنا فكرت برضه في حاجات مشابهة . يعني مادام فيه وصلة للانترنت ووصلة للدش ، يبقى ممكن نعمل مثلاً وصلة للتكييف . يبقى فيه تكييف مركزي ، أو عدة تكييفات ، في مكان ما . وممكن الناس تشترك بقيمة شهرية ، أو على حسب الاستهلاك . ويتوصل وصلات للبيوت ذي وصلة الدش والانترنت كده :rolleyes:

وممكن كمان وصلة للحاجة الساقعة :blink: يعني تلاجة مركزية كبيرة يتوصل منها وصلات للبيوت عشان الحاجة الساقعة وتكون بعداد حسب الاستهلاك . فيبقى عندك مثلاً حنفية للمية وحنفية للبيبسي وحنفية للسبرايت وحنفية للفانتا :happy:

[عبير يونس]

الاول ان يكون فيه جهاز يتحكم فى الجازبية الارضية للمواد بالاشعاع بمعنى ان عندما اريد انقل صخرة - سيارة - شىء ثقيل يصعب حملة اسلط على هذا الشىء اشعاع يتحكم فى الجازبية واقوم بتحريك هذا الشىء كما اريد .

ناسا كانت بتدرس استخدام أشعة ليزر خارقة القوة في دفع مركبات فضائية وتوجيهها ، لكنهم وجدوا إن المشروع هيكون مكلف جدًا . بس ذي ماحضرتك بتقول متوقع يحصل في المستقبل القريب إن شاء الله .

وكان فيه مشروع قديم/حديث بتوع ناسا برضه بيفكروا فيه وهو عمل مصعد للفضاء ، يعني أسانسير من الأرض للفضاء ، يخترق الغلاف الجوي للأرض . ويتم فيه السفر خارج هذا الغلاف ، وبالتالي ممكن نقل المعدات والتليسكوبات ... الخ .

الشىء الثانى هو تصحيح جميع العيوب الخلقية والامراض الوراثية والامراض المحتملة بالكشف الجينى عنها منذ الولادة وتصحيح تلك الامراض عن طريق التعديل السليم للكروموسومات بطريق تسليط شعاع على DNA لجميع الجسد وبذلك اتحكم فى علاج جميع الامراض المزمنة والسرطان والسكر والزهيمر بكشف الجين المصاب وتصحيحة

وفيه أبحاث كتير حاليًا عن الكشف عن أمراض الجنين وعلاجها قبل ولادته . والله أعلم ايه اللي هيحصل في المستقبل .

رفع الأشياء و العلاج

كان بيتم عن طريق

ترانسديوسر

transducer

اللي كانت لابساه الانا على جبينها

و بتحرك بيه الأشياء أو تعالج بيه أمراض

في مسلسل الخيال العلمي الأسترالي

The Girl From Tomorrow

حد فاكره

كان بيتعرض على القناة الثانية الساعة 6 مساء في صيف 1996

وكنت بأتغاظ أوي لما يلغوه عشان ينقلوا بطولة رياضية

:happy:

ده لينك للتتر بتاعه

عشان اللي ما شافهوش

http://www.youtube.com/watch?v=J-Cacagg2wU

و دي لقطة و البنت بتتدرب على استعماله

http://www.youtube.com/watch?v=VnLfWT80s5U&NR=1

و فكرته انه بيعتمد على الطاقة الذهنية (الصادرة من الجبين بين العينين و هو مكان وجود الطاقة الذهنية) و استخدام الطاقة دي

WOW!

بأموت في الحاجات دي

:rolleyes:

[shiko]

الاختراع اللى اتمنى وجوده (واعتقد انه موجود بصيغة ما)

طاقية الاخفاء............

...ياريت ...يبقى طايقتين موش طاقية واحدة ...

اصلى نفسى فى واحدة موف ...علشان تمشى مع التى شيرت الجديد..

ادى الاختراعات ولا بلاش ...

.موش تقولولى ...انتقال و انى ....اه يانى اه يانى .. :) .

العلبة دى فيها ايه ؟؟

[se_ Elsyed]

الاختراع اللى اتمنى وجوده (واعتقد انه موجود بصيغة ما)

طاقية الاخفاء............

نفسي في إختراع نضارة تشوف الناس اللي لابسين طواقي الأخفاء ...

غلاسه بقى

وطبعاً الطاقية دي هاتتكيف مع كل بيئة ..

يعني في الفلاحين والصعيد عندنا هاتبقى " طاجية وعِمة الأخفا "

عندي حاجه على جبردين إنما شيك قوي

وفي الخليج " شماغ الأخفا " شماغ بروجية الجيل الخمستاشر ... ترتدية ثتم تتخفي في الحال ... من شركة عجلان وأخوانه

وفي أمريكا الويسترن في تكساس بالتحديد ... برنيطة رعاة البقر بتاعت الأخفا ..

واليهود .. البتاعة اللي عامله زي القطايف وبيشبكوها ببنسه حريمي

ولا ننسى الجنس الناعم .... عندي تشكيلة تحاجيب إخفاء إنما أخر موديل