كيف تعرف المصري؟

[أبو محمد]

يا جماعة مينفعش اننا نغير مسار الموضوع خالص انتم كدة حولتوة لحوار دينى

ودة مينفعش فى موضوعات خفيفة

انا فتحت الموضوع دة لغرض الهزار والتسلية والخروج من مود اليوم اللى مليان بالمشاحنات والزهأ والملل

والمضوع اللى بتتكلمو فية دة ممكن نفتحة لوحدة

يا سيد joo .. تذكر إن "هزار" سيادتك تسبب فى استياء مصريين كثيرين .. وتسبب فى حذف ربع المداخلات بناء على شكوى من حضرتك ..

مداخلتى ليست خارج الموضوع بل فى صلبه .. ولكن بعيدا عن "الهزار" و "التسالى" .. أعتقد أنك اخترت عنوان الموضوع بنفسك ولم يكرهك أحد عليه .. "كيف تعرف المصرى" ..

مداخلتى احتوت على سؤالين تساعد على الإجابة على سؤالك : "كيف تعرف المصرى" ؟

وهاهى أولى الإجابات بقلم الأخت "ضحى" :

القرآن والتاريخ وكل شيء بيثبت ان المصريين شعب متميز جدا لو عرف الحق مستحيل يحيد عنه ..

هل بهذا نكون خرجنا عن الموضوع ؟ .. أم حاولنا الإجابة على سؤالك ؟

أم هل يجب علينا لكى نجيب على السؤال أن "نهزر" و "نتسلى" ؟

الهدف من مداخلتك الأولى - أقصد نقلك - كان واضحا منذ البداية .. وكان مخالفا لهذا الإعلان المثبت :

نرحب بالنقد الذاتى "البناء" ، ونرفض تجاوزه إلى الإساءة .. وهذه إحدى فقراته :

فأى تعميم مقصود به إساءة لمصر .. أو للمصريين تصريحا أو تلميحا فى سياق نقد المظاهر أو الظواهر السلبية - التى نشجع على محاربتها - سيكون مصيره الحذف ، والنظر فى شطب عضوية من تجمع آراء أعضاء فريق الإشراف على تعمده ذلك التعميم أو تلك الإساءة

وكمان دى مشكلة المصريين دائما نفتخر بأجدادنا وماضينا واللى فات( انا مش بتكلم على الانبياء )

طيب فين دلوئتى انا مش شايف حاجة بنفتخر بيها دلوئتى فى مصريتنا

دائما نقول زمان زمان زمان طيب ( الان ) فين ؟

على رئى مقولة قرئتها زمان ان الاجانب بييجو بلدنا علشان الاموات مش الاحياء

يعنى علشان الاثار والحاجات القديمة مش علشانا احنا

تفتكرو لية؟

لا ياسيد joo مداخلتى لم تكن افتخارا بأجدادنا - وإن كان هذا من حقنا - مداخلتى كانت محاولة للتعرف على المصرى .. هل هو شعب طيب الأعراق ؟ .. أم كما يحاول "البعض" نعته بالسلبية والاستسلام بل و "الموات" .. على الأقل هناك من لم يستسلم لسخريتك منه .. فمازال هناك أحياء فى هذا البلد يا سيد joo .. إن كنت لا تراهم أو كان من نقلت عنه تلك المقولة التى أعجبتك لا يراهم ، فهذه مسألة أخرى تخصك وتخص بعض الآخرين من أصحاب المقولة

مع خالص تحياتى ورفضى لهذا "الهزار" ولهذه "التسالى"

أبو محمد

عضو فى "محاورات المصريين"

[joo]

عزيزى ابو محمد

اولا انا ارفض انك تحور كلامى

مش معنى انى تكلمت عن عادات للمصريين وهى عادات ممكن تكون فى كل دول العالم

انى بسخر منهم وياريت تقرأ اللى مكتوب كويس هتلاقية كلام عادى جدا وكل الناس بتعملة

فهل ان الناس بتحط الريموت فى كيس بلاستك خبر مشين

او بيفرشو ملايات لحماية الانترية من التراب كان خبر مشين

او بيحطو الاجهزة الكهربائية القديمة فوق اسطح المنازل خبر مشين

فما هو الاستياء الذى جعل المصريين من وجهت نظرك انهم يستائو منة فهل انت بتسميها فضائح

طيب لما بيفتحو موضوع عن الرئيس او الوزراء وبلاويهم والحوادث مثل حادث نجع حمادى والكشح والمصرى اللى قتل

اربعة فى لبنان وغيرها من الحوادث هو دة فى نظرك مش فضائح المصريين

لية حضرتك مدخلتش فى الحوارات دى واوقفتها لكى لا توسيء لسمعة المصريين

تحياتى

[لى لى]

عزيزى ابو محمد يسعدنى انى اول مرة اتشرف بحضرتك

بس انا لازم اقول الحق

بصراحة انا شايفة ان حضرتك كبرت الموضوع اوى زيادة عن حجمة الطبيعى انا شايفة الموضوع مايستاهلش كل الهجوم دة

علشان الموضوع مفيهوش اى اساءة لاحد ومعتقدش ان حضرتك ليك الحق فى انك تغير خط سير الموضوع على مزاجك

كل واحد حر وزى ما قال الفاضل جو انك ممكن تفتح موضوع تانى تكتب فية اللى حضرتك عاوزة لانة مش ملزم يغير موضوعة

بناء على رغبة احد خصوصا ان الموضوع فعلا جميل ودة اللى بيحصل فى مصر فعلا احنا عندنا عادات بسيطة ومفيهاش تكلف

وفى نفس الوقت لو الواحد فكر فيها شوية هيضحك عليها

اسفة جدا من صراحتى متمناش انك تكون زعلت منى

بس اتمنى انك تبنى رئيك من ضميرك الشخصى بعيدا عن التعصب او أراء الاخرين

لى لى

[من بعيد]

'أبو محمد'

صحيح إن الموضوع فى باب "موضوعات خفيفة" .. مع إنه ممكن يقلب غم .. وقد كانت هناك بوادر لذلك لولا تدخل الإشراف ...[/color]

السلام على من اتبع الهدى

فى الواقع يا سيدى الفاضل ان ما تم حذفه من مداخلات هى مداخله واحده فقط كتبت بواسطتى ولم تحذف اى مداخله اخرى وكنت قد اعترضت بها على مدى التحقير والستهانه بكامل شعب عدده يزيد عن ال80 مليون وبما اننى واحد من هذا العدد الضخم وبما اننى ايضا نشأت وتررعرت على ارض هذا الوطن وتعلمت فى مدارس وجامعات هذا البلد وجدتنى لا احتمل هذا الكم من الاهانه والاحتقار لهذا الشعب والذى انا احد عناصره

لم اوجهه الاهانه لاحد ولم اوجه السباب لاحد كل ما قمت به اننى القيت بعض الكلمات احث فيها الاعضاء على التروى وقراءه الموضوع بتأنى قبل كتابه التعليقات ووجت اللوم الى ناقل الموضوع واسديت له النصح ان يقرأ ما يقوم بنقله من المواقع الاخرى التى ليس لها هم ولا شاغل الا من تقزيم الشعب المصرى عامه

فى غضون الساعه ان لم تكن قد مرت اجد تعليق من ناقل الموضوع على مداخلتى يحثنى فيه بالتهذب حيث ان ما قمت بكتابته من وجهه نظره لم يكن بالمستوى المطلوب من الادب

ثم بعد ذلك توالت الراسائل المليئه بالاهانات وهى محفوظه عندى فى الكومبيوتر

ثم تم حذف مداخلتى مع مداخله العضو ناقل الموضوع ولا اعلم السبب الى الان

ولى سؤال اليس من باب اولى ان يتم حذف الموضوع بالكامل لما فيه من مخالفه لقواعد الكتابه بالمنتدى ام ان هذه القواعد مثل الصواريخ الذكيه التى تصيب الهذف المحدد فقط

يا معشر محاورات المصريين لعن الله قوما ضاع الحق بينهم

واذا حكمتم بين النا فحكموا بالعدل

[لى لى]

هدى اعصابك شوية يا استاذ من بعيد الموضوع لا فية اهانة ولا حاجة خاص

بس بصراحة انا حاسة من كلامك انك بتتلككلة وخلاص بصراحة مش عاجبنى اسلوبك فى الحوار خالص

ديننا الاسلامى بيحثنا اننا نعامل الناس بلطف وانا متأكدة انة لو صاحبك وبتحبة كنت على الاقل كلمتة على الخاص دة لو انت مستأء

مش تهزئة وتشتمة

بصراحة انا حزينة من ردة فعلك

والسلام عليكم ورحمة اللة

لى لى

[لى لى]

معلش نسيت اقولك حاجة مهمة

ان اللى كاتبة استاذ جو مش هو اللى هيسؤ سمعة مصر لا

لان اللى هيدخل ويقرأ الاهانات والكلام اللى مش كويس دة هو اللى بيوسيء للمصريين

لى لى

[joo]

سدئونى يا جماعة وحياة ولادى انا عمرى ما دخلت على منتدى واخدت حاجة مش بتاعتى

انا نفسى اتفاجئت بالكلام دة منكم زميلى فى العمل بعتهالى على الموبايل ولما سئلتة انت جبت الكلام دة منين قالى

انا اللى كاتبة فقلت لة خلاص دة موضوع جميل انا هعمل منة موضوع لذيذ

بأمانة اللة انا مكنتش اعرف انة جايبها من النت ومع ذالك انا مش ندمان انى كتبتة

انا كان ممكن اكتبة زية زى اى نكتة واكتب علية ازاى تعرف الصعيدى

بس اللى بيحصل دة لشخصى انا وانا عارف السبب

وشكراا

ومتشكر اوى يا انسة لى لى انا مش محتاج حد يدافع عنى لانى مش متهم واللى مش عاجبة يشرب من الحنفية

سلام

[doha]

سدئونى يا جماعة وحياة ولادى انا عمرى ما دخلت على منتدى واخدت حاجة مش بتاعتى

انا نفسى اتفاجئت بالكلام دة منكم زميلى فى العمل بعتهالى على الموبايل ولما سئلتة انت جبت الكلام دة منين قالى

انا اللى كاتبة فقلت لة خلاص دة موضوع جميل انا هعمل منة موضوع لذيذ

بأمانة اللة انا مكنتش اعرف انة جايبها من النت ومع ذالك انا مش ندمان انى كتبتة

انا كان ممكن اكتبة زية زى اى نكتة واكتب علية ازاى تعرف الصعيدى

بس اللى بيحصل دة لشخصى انا وانا عارف السبب

وشكراا

ومتشكر اوى يا انسة لى لى انا مش محتاج حد يدافع عنى لانى مش متهم واللى مش عاجبة يشرب من الحنفية

سلام

عاوز الصراحه ياجو وربنا يشهد .. احد اسباب اعجابي بالموضوع اني كنت فاكره انك الي كاتبه وبناء عليه فصاحبه ( بشر زينا ) شخص عادي يعني فاستغربت جدا ازاي يطلع منك الكلام المحترف ده ..

وبصراحه برضه زعلت لما طلعت مش انت الي كاتبه مش عشان اعجابي قل بالموضوع بالعكس مازلت معجبة بالكلام المختصر الي في الجون والي بيصور حاجات فعلا احنا المصريين بس تقريبا الي بنعملها وهي على فكره مش عيب ولا تريقة .. دي حقيقة وبتوثق لا غير .. زعلت لان من ابسط مباديء المنتديات انك لو ناقل حاجه تقول منقولة .. ياعم ده الي بينقل حاجه بتاعته من منتدى لمنتدى بييقول ناقلها مني والي .. يبقى مش معقول تنقل حاجه مش بتاعتك او حتى بتاعت صاحبك ومتقولش

واخيرا لم اعبر لك عن استيائي من نقلك للموضوع بدون تنويه لاني خمنت انك عملت كده بحسن نية فالبعض مش بيدقق اوي في حكايه النقل دي وان كانت بتضايق البعض الآخر خاصة لما احيانا مثلا تكون كاتب موضوع وتلاقي حد ناقله ومش بس قايل انه مش بتاعه وانما لما حد يقول شكرا وكلام حلو تلاقيه بيقول العفو ..

انا بقولك كل ماسبق ليه؟ عشان اعرفك ان بعض الظن اثم وانك ممكن تكون فاكر حد متضايق عشان انت بالذات الي نقلت ويمكن العكس خالص ويكون الحد ده متضايق عشان انت بالذات الي مش كتبت ولو كان كلامك كان هيفرح بيك مش زي ماانت فاهم

على كل حال انا كنت فاكره موضوعك ده امتداد لموضوع الجيل الموكوس وقلت طالما كتبت الموضوعين يبقى احنا بينا موهبة فذة مش مقدرين قدرها .. خساره كنت اتمنى تكون انت الكاتب وعلى الله ميطلعش موضوع الجيل الموكوس برضه مش بتاعك .. اجمالا لو تعرف الكاتب بجد بلغه تحياتي وياريت تطلب منه ينضم للمحاورات متاكده هيثريها بالكثير ..

ومتاكده برضه لو كتبت حاجات من تاليفك انت الخاص اكيد هيكون فيها مايستحق القراءة واكيد هتلقى اعجابنا حتى لو معبرناش عنه

متحدفش بحاجه .. ووالله منت قايم انا عارفه السكه .. فتك بعافية

[MoHaMMeD EgYpT]

ايه يا جماعة ؟؟ الموضوع قلب غم كده ليه ؟؟

[من بعيد]

هدى اعصابك شوية يا استاذ من بعيد الموضوع لا فية اهانة ولا حاجة خاص

بس بصراحة انا حاسة من كلامك انك بتتلككلة وخلاص بصراحة مش عاجبنى اسلوبك فى الحوار خالص

ديننا الاسلامى بيحثنا اننا نعامل الناس بلطف وانا متأكدة انة لو صاحبك وبتحبة كنت على الاقل كلمتة على الخاص دة لو انت مستأء

مش تهزئة وتشتمة

بصراحة انا حزينة من ردة فعلك

والسلام عليكم ورحمة اللة

لى لى

[/quote

والله يا مدام لى لى انا اعصابى هاديه وزى الفل وعلى العكس تماما مما تتوقعى

ما سبق كانت مقدمه حتميه لما هو ات

اولا - ليس بينى وبين ناقل الموضوع معرفه شخصيه او مسبقه فما هو الداعى لاتخاذ ذريعه (تلكيكه) لجر شكله او توجيه الاهانات له؟ كلنا نكتب تحت اسماء مستعاره ومن الجائز جدا ان من قام باهنتى يكون على علاقه صداقه متينه به

ثانيا- كما وضحت فى مداخلتى السابقه لم اقم بتوجيه السب لاى من الاعضاء بما فيهم ناقل الموضوع الامر وما فيه اننى حاولت ان انبه الاخرين الى ان الموضوع المنقول فيه من الاهانه بما يكفى لاثاره الامتعاض والقرف وقراءه مداخله الفاضل ابو محمد تؤكد كلامى

ثالثا - الاهانه التى تم توجيها الى على الخاص من ناقل الموضوع تطرقت الى اصلى وفصلى ولولا بعدى عن مصر لظروف عملى ولولا افتقارى الشديد للوقت لكان الوضوع اخذ مسارا اكثر جديه ولكن فى هذه الحاله لا يسعنى الا ان اعنل ببيت الشعر القائل

لا يسلم الشرف الرفيع من -------- الاذى الذى تٌراق على جوانبه الدم

وبيت شعر اخر

كُن كالنخيل فى علياءه يُلقى -------- بالحجاره فيرد باطيب الثمر

ناقل الموضوع بدأنى بالاهانه فلم تسمح لى اخلاقى ولا دينى ان انحدر الى ما هو فيه وارد عليه بالمثل اسلوب تعامل لحل المشاكل انا بعيد عنه كل البعد (البيئه) التى نشأت لم يكن فيها هذا الاسلوب

والسلام

[التونسى]

ان لم تخنى ذاكرتى المهترئه .. فهذا الكلام منقول من احدى كتب الشاعر والكاتب الساخر عمر طاهر .. تقريبا كتاب ((شكلها باظت)) وهو كان كتاب ظريف وكان عليه اقبال حين تم اصداره .. واظن ان احد اعضاء المنتدى عمل عرض للكتاب ده ونقل منه بعض الابواب والمواضيع المشابهه للموضوع ده ((ممكن يكون سى السيد مش فااااااااااااكر))

هو فى الكتاب ده بيعمل تأريخ لحياة المصريين وسلوكياتهم بشكل ساخر ...ولكن لا يعدم او يخلو من الواقعيه ..التى تؤلمنا احيانا .. ولكن الاكثر غرابه انها تضحكنا على انفسنا ايضا!!!!!

[أبو محمد]

عزيزى ابو محمد يسعدنى انى اول مرة اتشرف بحضرتك

بس انا لازم اقول الحق

بصراحة انا شايفة ان حضرتك كبرت الموضوع اوى زيادة عن حجمة الطبيعى انا شايفة الموضوع مايستاهلش كل الهجوم دة

علشان الموضوع مفيهوش اى اساءة لاحد ومعتقدش ان حضرتك ليك الحق فى انك تغير خط سير الموضوع على مزاجك

كل واحد حر وزى ما قال الفاضل جو انك ممكن تفتح موضوع تانى تكتب فية اللى حضرتك عاوزة لانة مش ملزم يغير موضوعة

بناء على رغبة احد خصوصا ان الموضوع فعلا جميل ودة اللى بيحصل فى مصر فعلا احنا عندنا عادات بسيطة ومفيهاش تكلف

وفى نفس الوقت لو الواحد فكر فيها شوية هيضحك عليها

اسفة جدا من صراحتى متمناش انك تكون زعلت منى

بس اتمنى انك تبنى رئيك من ضميرك الشخصى بعيدا عن التعصب او أراء الاخرين

لى لى

وأنا يسعدنى أن أتشرف بحضرتك .. ومن الممكن أن يزيد التعارف عندما يتاح لك الوقت لمراجعة مشاركاتى ومواضيعى .. كنت أتمنى أن يتاح لك هذا الوقت للقراءة قبل أن تقفزى إلى اتهامى بالتعصب

لا زلت أعتقد أننى لم أغير مسار الموضوع .. فإذا كان الأستاذ joo قد نقل كلاما يسخر من بعض العادات التى قال عنها بنفسه :

وهى عادات ممكن تكون فى كل دول العالم

واستحسن أن يكون مؤلفه قد ألصقه بالمصريين فقط .. وبنى عليه موضوعا بعنوان "كيف تعرف المصرى؟" فإن من حقى أن أدخل وأجيب على السؤال بطريقتى .. خصوصا بعد إعلانى عن عدم قصدى لتحويله إلى نقاش دينى

ثم يا سيدتى .. أرجو ألا تقعى فى الخطأ الشائع فى المنتديات ... ليس معنى أنى فتحت موضوعا أنه أصبح "موضوع ملاّكى" .. بمجرد الضغط على زر "إضافة الرد" أصبحت المداخلة ملكية عامة ..

حضرتك قلتى "كل واحد حر" .. وأنا قد أكون مملا من كثرة ما رددت : "نعم كل واحد حر حرية مطلقة فيما يعتقد .. ولكن حريته فى التعبير عن ذلك ليست مطلقة .. بل لها ضوابط منصوص عليها ووافق عليها كل من قرر الانضمام إلى عضوية المحاورات"

مرة أخرى .. يسعدنى أن أتعرف على حضرتك .. وأرحب بك عضوة عزيزة

[أبو محمد]

فى الواقع يا سيدى الفاضل ان ما تم حذفه من مداخلات هى مداخله واحده فقط كتبت بواسطتى ولم تحذف اى مداخله اخرى

عفوا يا سيدى .. عدد المداخلات المحذوفة "6" مداخلات ، وهى أمامى لكن حضرتك لا تستطيع رؤيتها بعد الحذف .. عندما كتبت مداخلتى كانت المداخلات المحذوفة تشكل حوالى ربع العدد الإجمالى للمداخلات ..

أما عن طلبك لإغلاق الموضوع فما أسهل ذلك .. وكان يمكن اللجوء إليه "مباشرة" بدلا من حذف المداخلات .. بل كان من الممكن حذف الموضوع برمته .. كل هذه إجراءات ممكنة .. ولكن نفضل ألا نقفز إلى الدور الثالث قبل المرور على الدورين الأول والثانى

أبو محمد

عن فريق الإشراف

[من بعيد]

فى الواقع يا سيدى الفاضل ان ما تم حذفه من مداخلات هى مداخله واحده فقط كتبت بواسطتى ولم تحذف اى مداخله اخرى

عفوا يا سيدى .. عدد المداخلات المحذوفة "6" مداخلات ، وهى أمامى لكن حضرتك لا تستطيع رؤيتها بعد الحذف .. عندما كتبت مداخلتى كانت المداخلات المحذوفة تشكل حوالى ربع العدد الإجمالى للمداخلات ..

أما عن طلبك لإغلاق الموضوع فما أسهل ذلك .. وكان يمكن اللجوء إليه "مباشرة" بدلا من حذف المداخلات .. بل كان من الممكن حذف الموضوع برمته .. كل هذه إجراءات ممكنة .. ولكن نفضل ألا نقفز إلى الدور الثالث قبل المرور على الدورين الأول والثانى

أبو محمد

عن فريق الإشراف

مع شديد الاحترام الى ما وصلتم اليه من قرار بحذف مداخلات قد تسئ الى ناقل الموضوع بما قد تحمله من ردود ربما كانت الى حد ما عنيفه واعتقد انه كان رد فعل طبيعى وعفوى جدا ليس منى فقط ولكن ايضا ممن تدخلوا دفاعا عن مصريتهم وايمانهم بان الوطن فوق كل اعتبار كان

الموضوع ليس شخصى والكاتب لم يوجهه الى شخصى اهانه بعينها من المقال المنقول بدليل ندخل اعضاء اخر وربما باسلوب اقسى مما اتبعته نظرا لان الحذف تم بسرعه ولم اتمكن من القراءه

نرجع الى مربط الفرس

الم يكن فى البند الذى وضعته فى مدخلتك السابقه والذى فيه

لا يجوز لاى عضو ان يسئ الى مصر والمصريين-------- الى اخره

ما فيه الكفايه لحذف الموضوع

ودمتم طيبين

[okwaitme]

السلام عليكم ورحمة الله

زائرين، أعضاء، ومشرفين

الفاضل / أبو محمد

لماذا لا يتم تغيير اسم الموضوع (بعد الرجوع للعضو joo)

المصري ... ما يميزه، وما يعيبه

مع حرص الأخوة الأعضاء على ذكر اقتراحات للتخلص من العيوب (في حالة العيوب)

وبالمثل، أن يحرص العضو المشارك على توضيح طرق وأساليب تثبيت وتفعيل وتنمية المزايا (في حالة المزايا)

ملحوظة: كنت واحداً ممن قرروا الإدلاء بدلوي في بداية فتح الموضوع، ولكنني آثرت التروي، وإن شاء الله سأذكر مشاركتي (بالأسلوب القديم) و (بالأسلوب الجديد)

مع أطيب الدعوات بالتوفيق والسداد

أخوكم/ نضال (أبو عبد الله)

[اغابي]

ولولا بعدى عن مصر لظروف عملى ولولا افتقارى الشديد للوقت لكان الوضوع اخذ مسارا اكثر جديه

ناقل الموضوع بدأنى بالاهانه فلم تسمح لى اخلاقى ولا دينى ان انحدر الى ما هو فيه وارد عليه بالمثل اسلوب تعامل لحل المشاكل انا بعيد عنه كل البعد (البيئه) التى نشأت لم يكن فيها هذا الاسلوب

والسلام

الفاضل / من بعيد

اتشرف بك فى اول حوار بيننا على صفحات المحاورات

ولكن اسمح لى - انا ارى انك اطلقت لنفسك العنان فى التهديد و اختيار الالفاظ التى لا تليق - بمكان نعتبره بيتنا الثانى - فلم نستخدم ابدا كلمات مثل بيئة وما شابه ذلك - - عفوا استاذى - هنا لنا وقفة

يحق لك التمسك برايك وطرح وجهة نظرك ولكن انا ارى انك اعطيت الموضوع اكبر من حجمه - الموضوع اصلا فى قسم موضوعات خفيفة و من الواضح ايضا انك لا تعرف الاخ جوو - فهو دائما يعطينا مواضيع خفيفة طريفة ولم يعترض عليها احد

- انا ارى الموضوع لا بسي ولا يمس سمعة مصر بشيء اطلاقا - وان كان ذلك انا كنت اول من تعترض فانا واثقة من وطنيتى الغير مشكوك فيها - بل على العكس نحن نناقش مواضيع تناقش الوضع السياسي الحالى وتعتبر فى قمة الحساسية و على صفحات المنتدى - لا تنسي هذا موضوع خفيف لا يستحق عناء الجدل . .

ارجو منك استاذى

ان تتريث قليلا وان تتعامل فى الحوار بطريقة اكثر ليونة - هل كل ما حدث يثبت لنا انك وطنى اكثر منى او من اى احد فى المحاورات - اشك فى هذا - فتجمعنا الاول هنا من اجل مصر - وان كان لك وجهة نظر فمن حقك مناقشتها فى هدوء ودون اللجوء الى استخدام عبارات وجمل اقرب منها الى السب من انها تظهر وجهة نظرك .

ودائما ان لم يعجبك اى موضوع لا تشارك فيه وابحث لك عن موضوع اخر ليناسب طريقة تفكيرك - انا شخصيا افعل هذا

تقبل منى تحياتى

اختك اغابي

:blush2:

تم تعديل 11 مايو 2010 بواسطة اغابي

[اغابي]

مع خالص تحياتى ورفضى لهذا "الهزار" ولهذه "التسالى"

أبو محمد

عضو فى "محاورات المصريين"

الفاضل / ابو محمد

اجد نفسي للمرة الثانية معك فى حوار جديد لتباين وجهات النظر

انا شخصيا اعتبر المشرفين كمتطوعين مثل قبطان السفينة وطاقمها الذين يبذلون كل الجهد فى محاولة للمحافظة على مسار السفينة دون ان يحدث اى خلل او تحيد بعيدا عن مسارها حتى تصل بمجهودهم الكبير الى مرساها سالمة

ومن هنا تاتى ثقتى فيكم بل واعتقد ايضا ثقة الكثير

وهذه الثقة يا استاذى تلقى على كاهلك مزيد من المسؤلية

فى محاولة جادة منك ان تكون محايد تماما دون التعصب لطرف على اخر - او ان تعطى موقف بسيط حجم اكبر من حجمه

انت تعلم جيدا ان موضوعات خفيفة يتخللها الكثير من التعليقات الطريفة والمسلية واذ كان البعض لا يجيد التعامل الجيد فى استخدام هذه الالفاظ فيجب ان يعاقب ذلك الشخص وليس جوو .

انا ارى ان جوو - اعتاد الموضوعات الخفيفة وله مواضيع كثيرة فيها ونحن قمنا بمداخلات مرات ومرات عديدة

فارجو منك التريث قليلا وعدم التعصب لانك فى موقفك مختلف - فانت لست عضو بل انك من فريق الاشراف

اخيرا استاذى

هذه ليست المرة الاولى التى اجد اسلوبك غير محايد - فقد كان لك رد سابقا قد اصابنى بالدهشة

فان كانت المرة الاولى على اساس انى اسات فهم حضرتك وعاتبت نفسي نادمة . .

ولكن هذه المرة اجد اسلوبك لم يتغير - هل ايضا اسأت فهم حضرتك للمرة الثانية !!

اعتذر على ازعاجك

تحياتى استاذى

اغابي

:blush2:

[قلب ابيض]

لاء بقى انا تعبت خلاااااااص

كل ما اتابع موضوع يخرجنى من حاله الكآبه اللى بمر بيها دلوقتى الاقيه قلب غم ليه ؟؟؟

جووو انسان مهذب وخلوق جدا كلنا متفقين على كده وموضوعه بقى منقول ولا هو اللى كاتبه هدفه كان الابتسامه

ايه بقى اللى يزعل فى ان المصرى بياكل على جرايد او بيحوش برطمانات مربى فاضيه ؟؟؟؟؟؟

يا جماعه افصلوا بقى تعبتونا الله يكرمكم

اه بالمناسبه المصرى هو الوحيد فى العالم اللى لما يضحك يقول اللهم اجعله خيييير " ويخاف لا يقلب بغم " هارشييين :blush2:

[الغريب]

لو سمحتو يا جماعة متخرجوش الموضوع أكتر من كدة عن مساره

أحنا كلنا عارفين جو وموضوعاته اللذيذة ، ولا يهم إن كان نقلها أم لا ، المهم أنه موضوعات خفيفة محببة لنا جميعا

وأظن من فترة الأخت فتفوتة تقريبا كتبت موضوع عن سلبيات المصريين في المطارات والموضوع عدد صفحاته كبر والناس تقبلت النقد الذاتي مننا لنفسنا فيه وكان موضوع جد كمان

أبو محمد نحن نحبك كما تعلم رجاء أن تترك لنا الموضوع كما بدأه صاحبه وكما أراد منه في أوله موضوع ساخر لذيذ ، وأن تقوم الإدارة الكريمة بحذف كل مداخلة تحول الموضوع عن مساره..

وأنت يا جوو ياريت كل مداخلة تخرج عن نطاق موضوعك يمكنك التنبيه على المشارك أو تبلغ الإدارة بحذفها كما يفعل الكثيرون

شكرا :unsure:

وكمل يا جو يابتاع مرطمانات المربى الفاضية :wub:

تم تعديل 12 مايو 2010 بواسطة الغريب

[shiko]

:المصري هو اللّي

لمّا تفتح نملية المطبخ هتلاقي عنده عشرين برطمان بتاع مربى فاضي

بقالهم سنين ومازال مُصِر على جمع المزيد

1-ممكن يعدي التلاتين ولسه عايش مع أمه وأبوه وماعندهومش مشكلة

2- بيكون مشغول بقيمة التيبس أو البقشيش طول العشا ياترى ربع جنيه ولا نص

جنيه

3- برده بيتخانق ساعة دفع الحساب بحرارة شديدة على إنه هو اللي لازم يدفع

4-بيفرش ملاية سرير على طقم الأنتريه عشان يفضل نضيف لما ييجي ضيوف

ومابيشيلهاش لما ييجوا

....كده يا جو ...

ماكنش العشم ....

ليه التلميحات ى بس.. :unsure: .؟؟

وعلى العموم انا طلعت بعملى كام حاجة كدة من اللى فوق ...

1 &2 &3

بس رقم 4 دى اكتر حاجة بكرهها فى المصريين ...

تفتكر اطلع مصرية بنسبة كام ؟؟ :wub:

تم تعديل 12 مايو 2010 بواسطة shiko