كيف تعرف المصري؟

[joo]

:المصري هو اللّي

بيفهم في الطب ويشخص المرض ويوصفلك الدوا وبيفهم في النقاشة والكهربا

وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي

بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة

دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في

المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير

لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره

ماإستخدمها

ممكن يعدي التلاتين ولسه عايش مع أمه وأبوه وماعندهومش مشكلة

بيشتري قبل الفطار في رمضان مواد إستهلاكية أصلا موجود عنده في البيت

لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في

العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى ربع جنيه ولا نص

جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف

ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد

تاني يسخر منهم ، وساعتها بيفرش له الملايه

[myusername]

على فكرة بقى انتا نسيت اهم حاجة...

طبق الفول تلاقى الواحد من دول ضارب له طبق الفول المتين, مع البصل.. و تلاقيه قافل وسط البلد لوحده

تقول له الاشارة حمرا.. يقول لك حمرا مين يا ابا

[doha]

روووعه

[اغابي]

موضوع لذيذ ......

فى حاجة ممكن تضمها يا جووو

معروف ان المصريين

..... بيفطرو ........... طبق فـــول

..... ويتغـدو ........... ماتش كـورة

..... ويتعشوا .......... اغنية لام كلثوم

يبقـــــى انت اكيــــد مصــــــري

اغابي

تم تعديل 8 مايو 2010 بواسطة اغابي

[mekkawy]

الله يجازي شيطانك يا مضروب

انت يا عم انت مش هتبطل خفة دم و عسالة باة ... يخربيت بوقك اللي بيقول حاجات تهلك م الضحك ده

عارف ,.... المشكلة إن كلنا قرينا الموضوع و ضحكنا ... ارفع بأة مراتبنا كدة ...هتلاقيها كلها كياس و ورق هدايا ههههههه

يا باشا انا مصري و أموت في المصري ... كلنا مصري

و الله و دي أحسن حاجة في الدنيا .. انا بجد يحب بلدي هأقول ايه بس .. مضطر النهاردة اكشفلكم السر الخطير

و لقتني بأحبك يا خنقاني مهو انتي بلدي و بيتي و عنواني

مكاوى ... المصري

[joo]

الله يجازي شيطانك يا مضروب

انت يا عم انت مش هتبطل خفة دم و عسالة باة ... يخربيت بوقك اللي بيقول حاجات تهلك م الضحك ده

عارف ,.... المشكلة إن كلنا قرينا الموضوع و ضحكنا ... ارفع بأة مراتبنا كدة ...هتلاقيها كلها كياس و ورق هدايا ههههههه

يا باشا انا مصري و أموت في المصري ... كلنا مصري

و الله و دي أحسن حاجة في الدنيا .. انا بجد يحب بلدي هأقول ايه بس .. مضطر النهاردة اكشفلكم السر الخطير

و لقتني بأحبك يا خنقاني مهو انتي بلدي و بيتي و عنواني

مكاوى ... المصري

متحرمش منك يا حبيبى

[joo]

وكل الامهات والاجداد تروح عندهم وترفع ملاية السرير تلاقى حلل وتشوط وصوانى من ايام جدى

بالرغم انهم مش بيستعملوها بس ازاى ودى تيجى الا جهازى والنحاس بتاع حماتى

[SophiaAstrophy]

والله عندك حق

[fatfouta]

لا ولما نقعد ناكل فى اى حتة نفرش جرانين

ولما نقف فى اشارة نلاقى اللى فى العربية اللى جمبك بيبص عليك

هفتكر وارجعلك يا جو

مواضيعك دايما جميلة يا جو والله

تم تعديل 8 مايو 2010 بواسطة fatfouta

[the consultant]

اعتذر عن الفصله دي _ بس انا معترض على هذه المقاله منذ قراءتها من قبل هذا الموضوع لانها تسخر من المصريين و إن كانت مغلفة بخفة الدم.

[سكر]

جميله منك يا اخ جو انك تفكرنا بمصريتنا

بس على فكرة انا كنت قمت بقراه الايميل ذلك منذ اكثرمن خمس سنوات بنفس الصيغه

[joo]

جميله منك يا اخ جو انك تفكرنا بمصريتنا

بس على فكرة انا كنت قمت بقراه الايميل ذلك منذ اكثرمن خمس سنوات بنفس الصيغه

اكيد انا اللى بعتهولك

[joo]

كلة كوم الاسطح كوم تانى

( غسالات قديمة بوتجازات عجلة مكسورة) وغيرها

[اغابي]

كمان يا جووو

حاجة مهمة بتميز بيها المصريين - الطيبة الشديدة

اننا نسخن بكلمة خاصة لو كانت من شخص كدا بنثق فيه زى ما تقول مثلا يعنى العمد بتاع البـــلد

ممكن يقوم الدنيا حريقة - وبعد شوية حسب مصالح العمدة الشخصية يهدى النفوس - زى ما اتقلبت

بمعنى احنا اطيب شعب - فعـــــلا - بنسخن بكلمة وننزل على مفيش

وداه اللى استخدمته وسائل الاعلام وبقت محترفة فيه لاغراض لا يعلمها الا الله - زى ما حصل فى موضوع الجزائر وحاليا بيتكرر مع موضوع كترمايا بلبنان

شعب كامل يسخنه ماتش كورة وتروقه نكتة مع كوباية شاى - لو انت كدا تبقي فعلا انت مصري

اغابي

:ninja:

[عاشق الترحال]

المصري هيفضل مصري النيل رواه والخير جواه .

المصري هو الأول على العالم في أن قفاه رمز لكرامته وتلاقيه يقولك ( لأ حاسب مش أنا اللي ينضرب على أفاه ويسكت )

- اسمع ياسيدي

+ قول يا ستاموني قول

- يا حلو بانت لبتك أول مادابت قشرتك..

+ يا عيني

- تحرم عليا محبتك وراح اتوب عن سكتك..

+يا سلاااام

- القلب منك مليان جفا.. والصبر من قلبي اتنفى.. وضاع معاك كل الصفا.. ضيعته بعندك يا قفا.. آه يا قفا يا قفا

+ آه يا قفا؟؟

- ماهو ده التجديد.. طب انا راضي ضميرك، عمرك سمعت أيتها حد جاب سيرة القفا فــ أيتها غنوة.. كلهم ياخويا بيغنولي ع العيون والرموش والشعر.. مع ان القفا ده مهم جدا..

+ معاك حق.. هو القفا دايما مظلوم.. مع انه بيتحمل كتير أوي في الزمان ده..

بحبك يا ستامووني مهما الناس لاموووني :lol:

وعلى رأي جميل راتب ( تروح فين الشمس من على أفا الفلاااااااااااح وساعه الطلق مره يا حبيبي)

المصري ملك الفهلوه وهو اللي يعرف يقول ..

( ده احنا اللي دروكنا اللباري جوه الشباري.. بالدهلكة.. )

( دااحنا اللي دهنا الهوا دوكو )

( إحنا اللي عبينا الشمس في أزايز )

المصري ملك الغزل هو اللي بيعرف يقول ( يا غزال الليل طااال ليلي.. من هجر الأحبا اتقطع حيلي ) :lol:

المصري ملك الإستغالات والضحك والتهريج ولما ميلاقيش حد يشتغله يشتغل نفسه .وغناها وقال ( نا بشتغل نفسى كتير محدش بيشتغلنى . )

وقت الجد تلاقيه أسد يمكن الناس نست بس هاٌقولكم إفتكروا أكتوبر 73 كنا رجاله ووقفنا وقفة رجاله .

إنزل يا إبني بالسلام الوطني على حته رأفت الهجان وسمعنا

رجاله وطول عمر ولادك يا بلدنا رجاله وغلاوتك يا بلدنا والله مش محتاجه قواله

:ninja:

[joo]

المصري هيفضل مصري النيل رواه والخير جواه .

المصري هو الأول على العالم في أن قفاه رمز لكرامته وتلاقيه يقولك ( لأ حاسب مش أنا اللي ينضرب على أفاه ويسكت )

- اسمع ياسيدي

+ قول يا ستاموني قول

- يا حلو بانت لبتك أول مادابت قشرتك..

+ يا عيني

- تحرم عليا محبتك وراح اتوب عن سكتك..

+يا سلاااام

- القلب منك مليان جفا.. والصبر من قلبي اتنفى.. وضاع معاك كل الصفا.. ضيعته بعندك يا قفا.. آه يا قفا يا قفا

+ آه يا قفا؟؟

- ماهو ده التجديد.. طب انا راضي ضميرك، عمرك سمعت أيتها حد جاب سيرة القفا فــ أيتها غنوة.. كلهم ياخويا بيغنولي ع العيون والرموش والشعر.. مع ان القفا ده مهم جدا..

+ معاك حق.. هو القفا دايما مظلوم.. مع انه بيتحمل كتير أوي في الزمان ده..

بحبك يا ستامووني مهما الناس لاموووني :blush2:

وعلى رأي جميل راتب ( تروح فين الشمس من على أفا الفلاااااااااااح وساعه الطلق مره يا حبيبي)

المصري ملك الفهلوه وهو اللي يعرف يقول ..

( ده احنا اللي دروكنا اللباري جوه الشباري.. بالدهلكة.. )

( دااحنا اللي دهنا الهوا دوكو )

( إحنا اللي عبينا الشمس في أزايز )

المصري ملك الغزل هو اللي بيعرف يقول ( يا غزال الليل طااال ليلي.. من هجر الأحبا اتقطع حيلي ) :lol:

المصري ملك الإستغالات والضحك والتهريج ولما ميلاقيش حد يشتغله يشتغل نفسه .وغناها وقال ( نا بشتغل نفسى كتير محدش بيشتغلنى . )

وقت الجد تلاقيه أسد يمكن الناس نست بس هاٌقولكم إفتكروا أكتوبر 73 كنا رجاله ووقفنا وقفة رجاله .

إنزل يا إبني بالسلام الوطني على حته رأفت الهجان وسمعنا

رجاله وطول عمر ولادك يا بلدنا رجاله وغلاوتك يا بلدنا والله مش محتاجه قواله

:rolleyes:

يا جامد

[joo]

اللى يوضب بيتة ويخلية تحفة من جوة ويكسل يغفء واجهة البيت

مش عارف دة كسل ولا بخل :rolleyes:

[أبو محمد]

صحيح إن الموضوع فى باب "موضوعات خفيفة" .. مع إنه ممكن يقلب غم .. وقد كانت هناك بوادر لذلك لولا تدخل الإشراف ...

طيب .. ممكن آخد الموضوع إلى صورة أخرى فيها بعض الجدية دون تحويل المسار ؟

مدخلى من القرآن الكريم .. ولكنى لا أقصد تحويل الحوار إلى نقاش دينى .. هو مجرد مدخل أدعو جميع الزملاء إليه

بعث الله الأنبياء والرسل إلى أقوامهم – بالدرجة الأولى – ولكن عندما بعث سيدنا موسى عليه السلام أمره بأن يذهب إلى فرعون الذى طغى على شعبه .. حيث قال ، عز من قائل ، فى الآية الرابعة والعشرين من سورة طه :

اذْهَبْ إِلَىٰ فِرْعَوْنَ إِنَّهُ طَغَىٰ

وتكررت الآية "حرفيا" فى الآية السابعة عشر من سورة النازعات

كيف ترون هذا الأمر إلى سيدنا موسى عليه السلام ؟

1) هل لأن الشعب المصرى شعب طيب ، سليم الفطرة ، لا يحتاج إلى مجهود فى الدعوة فالإيمان بالحق سبحانه وتعالى يسرى فى عروقه ؟

2) لأن الشعب المصرى سلبى مستسلم وعلى دين ملوكه ؟

[doha]

صحيح إن الموضوع فى باب "موضوعات خفيفة" .. مع إنه ممكن يقلب غم .. وقد كانت هناك بوادر لذلك لولا تدخل الإشراف ...

طيب .. ممكن آخد الموضوع إلى صورة أخرى فيها بعض الجدية دون تحويل المسار ؟

مدخلى من القرآن الكريم .. ولكنى لا أقصد تحويل الحوار إلى نقاش دينى .. هو مجرد مدخل أدعو جميع الزملاء إليه

بعث الله الأنبياء والرسل إلى أقوامهم – بالدرجة الأولى – ولكن عندما بعث سيدنا موسى عليه السلام أمره بأن يذهب إلى فرعون الذى طغى على شعبه .. حيث قال ، عز من قائل ، فى الآية الرابعة والعشرين من سورة طه :

اذْهَبْ إِلَىٰ فِرْعَوْنَ إِنَّهُ طَغَىٰ

وتكررت الآية "حرفيا" فى الآية السابعة عشر من سورة النازعات

كيف ترون هذا الأمر إلى سيدنا موسى عليه السلام ؟

1) هل لأن الشعب المصرى شعب طيب ، سليم الفطرة ، لا يحتاج إلى مجهود فى الدعوة فالإيمان بالحق سبحانه وتعالى يسرى فى عروقه ؟

2) لأن الشعب المصرى سلبى مستسلم وعلى دين ملوكه ؟

يمكن لان الشعب المصري وقتها كان بيعبد الملك بتاعه وبناء عليه فلو اسلم الملك ده واعترف انه مش إله يبقى خلاص بالتبعية الرعية كلها هتسلم وراه مش لانهم سلبيين بقدر مالان خلاص مفيش منطق اني اعبد واحد هو نفسه معترف ان في إله تاني

بعدين لاحظ حاجه مهمه اوي ان سحرة فرعون الي يفترض انهم مصريين برضه لما شافوا الحق وعرفوا ان موسى مش ساحر وانه مؤيد فعلا بقوة اعظم بكتير من قوى السحر خروا ساجدين لرب العالمين وبرغم كيد فرعون لهم وتنكيله بهم بل وقتلهم كمان الا انهم فضلوا على موقفهم وتمسكهم بدينهم الي ملحقوش حتى يدخلوه

بالعكس اعتقد والله اعلم ان القرآن والتاريخ وكل شيء بيثبت ان المصريين شعب متميز جدا لو عرف الحق مستحيل يحيد عنه ..

[joo]

يا جماعة مينفعش اننا نغير مسار الموضوع خالص انتم كدة حولتوة لحوار دينى

ودة مينفعش فى موضوعات خفيفة

انا فتحت الموضوع دة لغرض الهزار والتسلية والخروج من مود اليوم اللى مليان بالمشاحنات والزهأ والملل

والمضوع اللى بتتكلمو فية دة ممكن نفتحة لوحدة

وكمان دى مشكلة المصريين دائما نفتخر بأجدادنا وماضينا واللى فات( انا مش بتكلم على الانبياء )

طيب فين دلوئتى انا مش شايف حاجة بنفتخر بيها دلوئتى فى مصريتنا

دائما نقول زمان زمان زمان طيب ( الان ) فين ؟

على رئى مقولة قرئتها زمان ان الاجانب بييجو بلدنا علشان الاموات مش الاحياء

يعنى علشان الاثار والحاجات القديمة مش علشانا احنا

تفتكرو لية؟