نادي اعداء مصر

[Diab]

1-إسرائيل ( عداوة تاريخية )

2-إيران ( عداوة مذهبية )

________________________

3-الجزائر ( عداوة كروية ساويرسية )

4-دول حوض النيل ( عداوة مائية )

5-سوريا ( عداوة بسبب حزب الله )

6-لبنان ( عداوة عشان الواد اللي قتل 4 + تصريحات ابو الغيط ضد حسن نصر الله )

7-..................................................... bv:-

أخر تحديث في 1-5-2010 الساعة 16:57

يتبع

[Diab]

ياريت مع بعضيكو عشان نلم اشتركات النادي

مكدبش محمد صبحي في مسرحية تخاريف لما عمل دور الديكتاتور وسمي وزارة الخارجية مسئولية الجيران

وقالوا عايزك تقطع علاقتنا بكل الجيران اللي حوالينا فاهمني ولا لا ؟ bv:-

تم تعديل 2 مايو 2010 بواسطة Diab

[التونسى]

اكبر عدو لمصر حاليا هو المصريين ذات نفسهم .. وخصوصا ولاة الأمر على كافة المستويات .. من الغفير للوزير .. اى النيران الصديقه .. الى جانب العداء بين الناس وبعضها.. اللى استشرى واستفحل وغطى على مظاهر التراحم والتكافل اللى مصر دايما معروفه بيه

من ألد اعداء مصر ايضا عدو معنوى .. الا وهو غياب الضمير والعداله .. وحلول الظلم بدلا منهما

وصدق من قال .. اللهم احمنى من اصدقائى .. اما اعدائى فانا كفيل بهم

[لماضة مصرية جدا]

السلام عليكم و رحمة الله و بركاته

يعني هو اسم التوبيك كده غايظني......ليه بقي؟؟؟

لانه بيفكرني لما بتحصل اي مشكلة.....بنفكر في نظرية المؤامرة و ان اكيد فيه ايد خفية ....و دايما لازم يطلع حد بيكرهنا

طب ما هو احنا بنكره......عمايلنا في بعض اصلا....بنعيب ع اللي بره ليه

انا مش قادرة احدد "عدو" بالمعني المتعارف عليه يعني لمصر.....لكن اللي بينجح من مصر بيبقي افراد.....و اللي بيسيء لها برضه افراد....و العمل الجماعي الوحيد اللي ممكن نفتكر فيه مصر هو منتخب كورة القدم.....و الجيش المصري.....(اللي بطلنا نشوفه غير في لقطات فيلم الرصاصة لا تزال في جيبي)

انا شايفة ان عدو مصر......هو فكرنا كمصريين في حد ذاتنا

فكرنا اللي بيقولك:

1- يا عم سيبها تولع

2- يعني هي جت عليا انا....كله بيسرق.

3- حالة الفلس الشديدة اللي دايما بتحدف الواحد لورا....و دي من نوعية ...احنا بناة الاهراامات......و اللي تعرفه احسن من اللي متعرفوش.

4- خليك فكيك و فهلوي......انا بحس انه ده اكبر عدو لمصر......انك تعمل اراجوز و توصل.....مافيش تقدير للعلم....للبحث...للاجتهاد...لازم ابقي حاوي و ب 3 ورقات.

5- انا اول ما اتخرج هسافر......بره المخروبة دي.....و معذرة ع اللفظ....(و للاسف يبقي انا كده الد اعداء مصر.....)

لو بصينا جوانا كل حد فينا ممكن في وقت بيبقي عدو ليها......

بس عدو من نوع تاني

من النوع اللي من كتر حبه فيها......و من كتر بهدلته......معاها

معرفشي غير انه يهج منها.....

عشان يتعلم انه يحبها ع البعد

و ي وجهة نظر

تحياتي

[joo]

اكبر عدو لمصر حاليا هو المصريين ذات نفسهم .. وخصوصا ولاة الأمر على كافة المستويات .. من الغفير للوزير .. اى النيران الصديقه .. الى جانب العداء بين الناس وبعضها.. اللى استشرى واستفحل وغطى على مظاهر التراحم والتكافل اللى مصر دايما معروفه بيه

من ألد اعداء مصر ايضا عدو معنوى .. الا وهو غياب الضمير والعداله .. وحلول الظلم بدلا منهما

وصدق من قال .. اللهم احمنى من اصدقائى .. اما اعدائى فانا كفيل بهم

انت جبت من الاخر

نبص جوة قبل ما نبص برة

[joo]

انا حزين على اللى احنا وصلنالة

زى اللى بندورو على النكد بأبرة

بصراحة الموضوع دة مش عاجبنى خالص ولا اسمة

سلام

[حلواني]

تحياتي للحميع

اكثر ما يعجبني في هذا المنتدي الرائع هؤلاء الصادقون مع انفسهم

الذين يحاسبون انقسهم قبل ان يحاسبو الاخرين

فكل مشاكلنا مع من نسميهم باعدء الخارج حلها يبدء من الداخل

مش باقصد من داخل مصر لا من داخل المواطن المصري سواء بيعيش داخل او خارج الوطن

ولا سبيل الي ذلك الا سبيل واحد فقط التعليــــــــــــــــــــــــــــــــــــــــــــــــــــــــــــــــــــــــــ

ــم

سقط المعلم والمدرسة فسقط كل شيئ

اخيرا نحن بجهلنا نصنع اعدائنا بانفسنا ونمنحهم كل الفرص لينالو منا

[okwaitme]

معرفشي غير انه يهج منها.....

حلوة يهج ... فكرتيني باللهجة الحلوة

[Diab]

اسم الموضوع صادم واكيد مش هيعجب لانه زي الدوا مر لكن لابد منه وهي الحقيقة

للأسف لما كنا بنقول ان اللي يشرب من النيل لازم هيرجعله تاني اديهم هيطعوا المياة عننا اهوه

طيب ايه سبب انا احنا نتكلم بعجرفة وبتعالي مع دول حوض للنيل ومعروف عنهم انهم طيبين فعلا وكلمة حنينة ترضيهم

فضلنا لحد ما اسرائيل ركبتهم ودلدلت رجليها

عارفين اسرائيل وعدتهم بإيه

انها تدفع عنهم الديون الخارجية وتقديم مبلغ 500 مليون دولار سنويا -حاجة ببلاش كدة - غير استثمارات تصل الي 30 مليار دولار وطبعا دول الدولار عنهم قيمته 100 عندنا

وطبعا هما كمان رفعوا شعار الضرايب

مصلحتك اولا

مين تاني غيرهم

الجزائر

لما ابن الريس يطلع يشتم واحد منهم سواء كانوا غلطانين ولا لا

عادينا شعب لا بنا ولا بينه اي مشكلة غير الكورة

يعني مثلا ينفع امريكا تخسر الصين ولا روسيا عشان الاولمبياد

حتي لو مش مؤمن بالعروبة واللغة والدين والحاجات دي

اقلها حافظ علي المصالح المشتركة

تم تعديل 3 مايو 2010 بواسطة Diab

[الغريب]

طيب ممكن تسمعوني

أنا عن نفسي مش مقتنع بنظرية المؤامرة على مصر والكلام الفاضي ده ، وأن في دوول عاوزة تُسقط مصر ..ده كله كلام فاضي..

إنما اللي مقتنع بيه جدا أن مصر خنقت نفسها بأيديها ، مصر صغرت نفسها بنفسها ، ليه بقى ؟ وأزاي ؟ ده موضوع يطوول شرحه

تحياتي :gadeed:

[Diab]

يا اخ غريب

نظرية المؤامرة قناعة الزمن مش هنقدر نمحيها

اللي انا باستغربه ان الناس مش مصدقة ان في حاجة اسمها نظرية المؤامرة Conspiracy Theory‏

أمال يعني اليهود في الدنيا بيعملوا ايه

مين اللي بيحرض الشعوب علي بعض

اقولك فاكر لما ليبرمان في شهر 9 اللي فات لما زار دول حوض النيل قعد وزير الري يقول متخفوش مفي مؤامرة ولا حاجى ده بس راح يفسح العيال ويغير جو

النيجية بقي هتشوفها يوم 14 مايو لو كان لينا عمر

شوف الرابط ده

http://www.youm7.com/News.asp?NewsID=2140

42
عد اجتماعات ومناقشات استمرت لمدة 17 ساعة متواصلة، أعلنت دول منابع النيل السبعة عن موقفها الرافض لمبادرة مصر والسودان، بإنشاء مفوضية جديدة لدول الحوض، وأعلنت فى نهاية جلسة أمس الماراثونية التى انتهت فى الرابعة فجرا، عن إصرارها على التوقيع المنفرد على الاتفاقية الإطارية لدول الحوض بدون مصر والسودان، بعد تمسك كلا الطرفين بمطالبه فيما يتعلق ببنود الأمن المائى والإخطار المسبق وآلية اتخاذ القرارات.

وتمسكت دول المنابع بالتوقيع على الإطار الذى تم عرضه فى اجتماع دول الحوض قبل الأخير فى العاصمة الكونغولية كينشاسا فى مايو الماضى، الذى خلا من بنود الأمن المائى والإخطار المسبق والإجماع.

وأصدرت كل من بوروندى والكونغو الديمقراطية وإثيوبيا وكينيا ورواندا وتنزانيا وأوغندا بيانا رسميا فجر اليوم – الأربعاء – أكدت فيه أنها ستبدأ فى 14 مايو المقبل إجراءات التوقيع على الاتفاقية الإطارية منفردة دون مصر والسودان، على ألا تزيد مدة إجراء هذا التوقيع عن عام واحد.

[joo]

طيب ممكن تسمعوني

أنا عن نفسي مش مقتنع بنظرية المؤامرة على مصر والكلام الفاضي ده ، وأن في دوول عاوزة تُسقط مصر ..ده كله كلام فاضي..

إنما اللي مقتنع بيه جدا أن مصر خنقت نفسها بأيديها ، مصر صغرت نفسها بنفسها ، ليه بقى ؟ وأزاي ؟ ده موضوع يطوول شرحه

تحياتي :blush2:

اوحييك على موضوعيتك

[sarmar]

المصريون على انفسهم يضحكون يستهزئون يسخرون على مصر لايخافون بل ينهبون يسرقون يشتمون يتكلمون ولا عمل يعملون

المصرريون فى طريق الضياع سائرون غن عدوهم ساهون ياكلون ولايزرعون يحكمون ظلما فهم عادلون

المصريون غالبا لايقرأون عن الحضارة يبعدون على غيرهم متكلون فى اللعب والفكاهة والاكل متجمعون فى العلم والادب والعمل متفرقون .... بل ويتكاثرون على جهل منتشرون ممكن فى اماكن القمامة يعيشون

ويتاملون وينظرون ويسكتون ولايفعلون

المصرييون بتهميشهم قانعون على انسانيتهم لايحافظون لحكامهم خانعون

متى تفيقون ؟ متى تعرفون متى تتعلمون متى تقولون متى تفعلون متى تحكمون متى تتحررون متى تتحررون متى تتحررون ؟؟؟؟؟

متى نكتب على اننا مصريين ؟؟ لماذا نحن لانفسنا مختلفون متنافرون متشاحنون غير متفقون ؟؟؟

متى نكتب عقد قرءان مصر والمصرييون ؟ متى ينسجمون متى يحلمون ومتى يحققون متى يحبون مصر والمصرييون

[herohero]

عجيب فعا حالنا وحال بلدنا ف اننا نتفنن في صنع اعداء وهميين وننسى العدو الاساسي

اذا تكلمنا عن ما يحيطبنا فاسرائيل مازلت مقتنع انها لن تصفوا معنا برغم كل الهدايا التي نقدمها لارضائها والسبب من زمان وف اريخنا الحديث لاننسى موضوع ضياع بعض بل الكثير من ممتلكات اليهود تحت مسمى التاميم وانا ف هذه النقطة لي علامات استفهام يعني بيني وبينكم حاسس ان ده سرقه علني من قبل ضباطنا اللي احرار لكن مش احرار انهم يفرضوا اسلوب تفكيرهم علينا

وهم تامروا علينا من قبل لكن حاليا هم لا يجدون فينا ما يخيفهم

وبصراحه اخطر عدو لمصر هو نحن فعلا من ياس واحباط زرعناه او زرعته حكومتنا فينا والنتيجه مانحن فيه انا لا اظن ان اي دولة ممكن ان تجد فينا ما يمكن تدميرة لاننا دمرنا نفسنا بنفسنا والحمد لله من حكومات فاسده واحزاب يعني ما بقاش فينا شيئ عدل

هتقولوا ياس او احباط فليكن لكن هذا ما اراه

[lovelyramy]

اكبر عدو لمصر حاليا هو المصريين ذات نفسهم .. وخصوصا ولاة الأمر على كافة المستويات .. من الغفير للوزير .. اى النيران الصديقه .. الى جانب العداء بين الناس وبعضها.. اللى استشرى واستفحل وغطى على مظاهر التراحم والتكافل اللى مصر دايما معروفه بيه

من ألد اعداء مصر ايضا عدو معنوى .. الا وهو غياب الضمير والعداله .. وحلول الظلم بدلا منهما

وصدق من قال .. اللهم احمنى من اصدقائى .. اما اعدائى فانا كفيل بهم

;)