محاوراتي ... محاوراتية ... الحق العمرة الجماعية ( اخر موعد الخميس القادم .متجدد)

[mekkawy]

حوس يا أخويا يا قراراته

الله المستعان و شكلي كدة هأخد استاذ مجدي في فسحة الصناعية مع اخونا زهيري و أقنع كل واحد باللي نفسي أقنعه بيه ... جهزلنا بس انت الترابيزات عند البيك و متقلقش ... أقله لو كلهم قلبونا هتختم عليا يا فقري :lol:

نفوق شوية يا إخواننا يا محاوراتية مش كدة و الله يعني ... ها .. هااااااااااانت .. كلها يومين و نقفل

مكاوى

[لماضة مصرية جدا]

يا ريتني بجد معاكو

يا ريتني هنااااااااااك

انا مشتاااااااااااااااااااااااااااااااااقة فوق حدود الكلمات

متنسونيش من صالح الدعاء....امي..ابي....اخواتي....ربنا يشفي مرضي المسلمين و المسلمات

بقية لستة الدعاء هبعتها يوم الاربعاء ان شاء الله

[okwaitme]

يا ريتني هنااااااااااك

انا مشتاااااااااااااااااااااااااااااااااقة فوق حدود الكلمات

يا رب يكتبها لكِ ولجميع من يطلبها، ولكل مسلم ومسلمة

[ام نور محمود]

ياريتني اعرف اجي معاكم

انا ربنا رزقني بعمرة من شهرين ومن ساعتها وانا قلبي متشعلق بالكعبة ونفسي ونفسي نفسي اروح تاني وتالت ومليون

ياااااااااااااارب تكون عمرة مقبوله ومتجمعين دايما في الخير

بجد هاتجمعوا دعوات مننا

انا مش طماعة

هما ورقتين فلوسكاب بس

بجد والله كل واحد رايح يكتب الدعوات اللي ناوي يدعو بيها في ورقة لأن المكان ليه رهبة فظيييييييييييييعة

بتنسى اسمك ايه حتى

انا عملت الورقة دي والغشاشين اللي معايا غلبوني وكل واحد عايزها شوية

تروجوا وترجعوا بالسلامة يارب وقلبي معاكم وسابقكم على هناك

[mekkawy]

الفاضلة أم نور محمود

كنا نرجو تواجدكم معنا علشان ندلع الأمورة نور شوية :closedeyes: و المحاوراتية يجبولها حاجات حلوة و أنا أكولها منها

و ما زال العرض مستمر و حاولوا ... لو فيه فرصة هتكون فرصة طيبة و جميلة

فضلاً يا شباب ... كل اللي أبدى استعداد و رغبة في الخروج للعمرة الجماعية ... بوليز بولييييز ارسال التأكيد النهائي علشان نبدأ نفكر في الترتيبات و نناقش أنسب المواعيد للجميع

النهاردة ال3لا3اء :unsure: ما فاضلش غير النهاردة و بكرة و ال5يس ... في انتظار تأكيداتكم النهائية.

مكاوى

[mekkawy]

رسالة للمشرف الذي قام بنقل الموضوع

جزاك الله خيراً على دفن الموضوع و ليس نقله ... منذ يوم نقل الموضوع لم يدخله كاتب واحد غيري ... كان يمكنك الانتظار إلى أن يقضى الغرض منه و تقوم بنقله ... أحياناً يحتاج الناس لأمر جاهز ليقوموا به ... و أحياناً يكون عند الناس الهمة و يبحثون عن مثل هذه المواضيع ... و رأيت ان همة الناس ليست عالية الآن .. فوضعت الموضوع في الباب الذي وضعته فيه و هو المواضيع الجادة ... فتفضلتم بنقله إلى هذا الباب ... أنا و الله لا أقول هذا الكلام حباً في ظهور مواضيعي ... فهذا تقريباً ثاني موضوع لي من ثمان شهور عضوية بالمنتدى و لكن فقط كنت أتمنى أن تعم الفائدة ... للأسف يسير المنتدى بأعضائه في اتجاه يحزنهم.

بارك الله فيكم و وفقكم لحسن الرأي

مكاوى

[mekkawy]

الإخوة الأفاضل المحاوراتية

نعم ... أنا في أشد احباطي من المنتدى ... و كنت ألوم على أبو هنا حال انسحابه ... أنا الآن أشعر شعوره و أفهم لم أقدم على ما أقدم ... و أظن أنه كان محقاً ... من أراد أن يعتمر و يتجمع معنا فلديكم بريدي الخاص .. راسلوني عليه ... بعضكم لديه هاتفي و البعض الآخر إن أراد يمكنه التواصل ... حقاً أريد لقائكم و صحبتكم في هذه الرحلة الطيبة المباركة ... و لكن يبدو أن آخرين ليس لديهم هذه الرغبة.

بارك الله فيكم و هداني و هداكم أجمعين.

مكاوى

[MZohairy]

ما تخليش حوار دار بيننا يدفعك للتراجع عن عمل طيب

كمل مشروعك الجميل

و انا منسحب منه و سأقوم به منفردا ليصفى لكم الجو ولا يوجد ما يوتر الأجواء

تحياتي

[se_ Elsyed]

يا أخ مكاوي الامور التنظيمية هي من اختصاص الإدارة

ومن فضلك من غير انفعال ولا نظرة غير واقعية للأمور

إجتماع للاعضاء الأفاضل ... المفروض يبقى مكان الموضوع باب الموضوعات الجادة ... تيجي إزاي ؟

وبعدين في خلال 4 أيام موضوعك عمل 990 مشاهدة وزيارة من الأعضاء .. فهل هذا يدُل أن أنه موضوع تم تجاهله ؟؟؟؟

[لماضة مصرية جدا]

الإخوة الأفاضل المحاوراتية

نعم ... أنا في أشد احباطي من المنتدى ... و كنت ألوم على أبو هنا حال انسحابه ... أنا الآن أشعر شعوره و أفهم لم أقدم على ما أقدم ... و أظن أنه كان محقاً ... من أراد أن يعتمر و يتجمع معنا فلديكم بريدي الخاص .. راسلوني عليه ... بعضكم لديه هاتفي و البعض الآخر إن أراد يمكنه التواصل ... حقاً أريد لقائكم و صحبتكم في هذه الرحلة الطيبة المباركة ... و لكن يبدو أن آخرين ليس لديهم هذه الرغبة.

بارك الله فيكم و هداني و هداكم أجمعين.

مكاوى

السلام عليكم و رحمة الله و بركاته

متخيلشي قلب يكون ناوي عمرة...و زيارة الكعبة الشريفة و قبر النبي صلي الله عليه و سلم ممكن يصيبه الاحباط يا مكاوي

إذا لم تسر الامور علي ما يرام يا مكاوي.....يبقي مش معناها ان كان فيه حاجة غلط

بالعكس

كمل

انت كان نفسك في صحية خير....بس انت هتكون في معية ربنا و ذلك افضل بكثير

كمل

و خلي بالك انت وعدتنا انك هتدعيلنا......و انا بفكرك اهه

عايزاك تدعيلنا كلنا

للمسلمين و المسلمات

ادعي لامي...بالصحة و العافية و النور في وشها دايما

ادعي لابي...بالصحة....بالرضا...بطول العمر في طاعته

ادعي لاخواتي ربنا يبعد عنهم كل شر و يوفقهم و يخليهم ليا

ادعي لاختي الاستقرار و الذرية الصالحة

ادعي لكل طفل مريض ربناايخفف عنه

ادعي ان احنا نعيش لغاية رمضان و ربنا يعينا عليه

ادعي ان ربنا ينور قلوبنا عشان نقدر نشوف ربنا في كل شيء.....و نطلب رضاه في كل شيء

ادعيلي يا مكاوي.....ربنا يكون راضي عني.....ربنا يهديني و ينورلي طريقي....و يخليني علي الوجه الذي يرضيه عني

ادعي يا مكاوي

امانة

و هترجع بهمة غير

و كفاية انك بديت موضوع ربنا يتقبله منك

في امان الله

استودعك الله الذي لا تضيع ودائعه

ريهام

[doha]

ماشاء الله ربنا يتمها لكم على خير

مش محتاج اقولك يااستاذ مكاوي الدعاء امااااانة

متقولش حاجه قول بس يارب وافتكرني وهو سبحانه عارف الي عوزاه

ياريت كنت اقدر اجي معاكم بس ربنا يكتبهالي تاني في الكام سنة الجايين باذن الله

يلله نتقابل في الجنة ان شاء الله ..

[mekkawy]

جزى الله خيراً كل من قام بالرد علي و بمساندتي نفسياً

بالفعل كانت لدي طاقة سلبية بالأمس ... فأخرجتها هنا .. في بيتي الثاني

طاقتي السلبية لم يكن مصدرها المنتدى .. و كل انفعالي بالأمس هنا .. لم يكن للمنتدى أي دخل فيه إطلاقاً .. كان أمراً خارجياً و لكني أخرجته هنا في بيتي .. حيث أستريح

رسائل خاصة:

زهيري ... و الله المشكلة ما معاك يا أخي .. بس هي جت فيك معلش ... انا كنت متضايق أصلاً

سي السيد ... أخويا الكبير و كلامك ماشي و على راسي ... كان نفسي بس اشوفك فقولت ازعق شوية عشان أجيبك

لماضة مصرية ... ربنا يبارك فيكي و دعواتك بالحرف حق عليا أدعيلك بيها في كل وقت مش بس في العمرة .. و ربنا ييسرلنا جميعاً الخير

مدام ضحى ... ربنا يعزك و يرفع شأنك و يرزقك العمرة و الحج مع بعض .. إنه ولي ذلك و القادر عليه

منتدى محاورات المصريين ... شكراً لاستيعابك لي في شدتي .. و اسف على ازعاجك

مكاوى

[engmido]

لا تنسونا من صالح دعائكم

امانة

ان يقضى الله حاجتنا وان يغسل حوبتنا وان يهلك الكفرة اعدائنا

وان يطهر قلوبنا من كل سوء

[عبير يونس]

لا تنسونا من صالح دعائكم

امانة

ان يقضى الله حاجتنا وان يغسل حوبتنا وان يهلك الكفرة اعدائنا

وان يطهر قلوبنا من كل سوء

ربنا يكرمك يا أخي الكريم

و يقضي حاجتك و يغسل حوبتك

بس ما تقول

يهدي الكفرة

أو حتى يصرف شرهم عنا

بس يهلكهم دي

معناها الحياة خلصت

المكان اللي فيه مؤمنين بس هو الجنة فقط يا أخي الفاضل

جعلني الله و إياك من المؤمنين حقا الذين يعيشون في جنة الدنيا

في رعاية الله

:unsure:

[عبير يونس]

وان يطهر قلوبنا من كل سوء

آمين

[MZohairy]

و الله يا مصريه هانم انتي كلامك درر

زي كوباية الميه الساقعه في حر اغسطس

ربنا يزيدك من علمك و سعة صدرك و حسن اخلاقك و حلم اسلوبك :unsure:

[mekkawy]

اللهم اهدنا جميعاً لما فيه خيري الدنيا و الآخرة و اهدِ جميع الناس للحق المبين الذي تدخلهم به الجنة

زهيري أخويا أنا مستنيك في الرياض عشان العمرة لأن شكلها هتصفى عليا أنا و إنت ... و اعتذارك في الموضوع التاني عن العمرة مرفوضون مرفوضوون يا والدي

و متقلقش يا باشا .. عفيت عنك خلاص من فسحة الصناعية .. أنا عارف ان هي دي سبب تراجعك :unsure:

بص .. الموضوع ده غير قابل للنقاش و الجدال و الاستنباط و الاستنتاج ... انت الزبون الوحيد اللي عندي ... و هتيجي يعني هتيجي ان شاء الله

في معلوم ولا ما في معلوم ... يا مدير؟

مكاوى ....

[MZohairy]

انا جاااي

و غلاوتك لاجي

تعرف يا مكاوي اني انا و بدون غرور :unsure: غالبا اكتر واحد عملت عمره في المحاورات؟

قعدت في جده بتاع 14 سنه

تقريبا كل اسبوع كنت اروح اعمل مره

و رمضان كانت ساعات مرتين في الاسبوع

عموما مش اقل من 500 عمره بالتمام و الكمال

يعني لو ربنا قبل منهم اربعه بس (واحده لأمي و واحده لأبويا الله يرحمهم و واحده ليا و واحده لعيالي عشان ربنا يحفظهم) يبقى الوضع زي الفل

ان شاء الله عمره مقبوله مقدما و حعزمك على البيك (فراخ او جمبري زي ماتحب) اللي في شارع أم القرى بعد ما نخلص

و حعزمك بعدها على عصير ما حصلش عند واحد اسمه خلود في شارع الستين

و نرجع بعدها قاصدين وجه الله الى الرياض

[mekkawy]

انا جاااي

و غلاوتك لاجي

تعرف يا مكاوي اني انا و بدون غرور :unsure: غالبا اكتر واحد عملت عمره في المحاورات؟

قعدت في جده بتاع 14 سنه

تقريبا كل اسبوع كنت اروح اعمل مره

و رمضان كانت ساعات مرتين في الاسبوع

عموما مش اقل من 500 عمره بالتمام و الكمال

يعني لو ربنا قبل منهم اربعه بس (واحده لأمي و واحده لأبويا الله يرحمهم و واحده ليا و واحده لعيالي عشان ربنا يحفظهم) يبقى الوضع زي الفل

ان شاء الله عمره مقبوله مقدما و حعزمك على البيك (فراخ او جمبري زي ماتحب) اللي في شارع أم القرى بعد ما نخلص

و حعزمك بعدها على عصير ما حصلش عند واحد اسمه خلود في شارع الستين

و نرجع بعدها قاصدين وجه الله الى الرياض

ربنا يتقبلهم كلهم يا رب منك يا أخويا زهيري

بس علمني واحد صحبي و أخويا الكبير إنه بالكيف مش بالكم .. يعني القضية مش في العدد ... رنكز كدة و رنكز و رنكز :lol:

و يا عم خليك طموح مع ربنا انت بتطلب من الملك مش من بشر ... اطب منه يتقبلهم كلهم و زيادة كمان و يضاعفهملك اللهم آمين و يصلح بيهم قلبك و قلوبنا معاك

و مجيئك إلى الرياض خلاص منتهي و انت ضيفي .. و ضيف المكاكوة ضيف متظبط تظبيط عالي ... طب هأقولك

يحكى أن جدى المكاوى الكبير كان له اربع أبناء و طب عليه فجأة ضيف و بعد ما مشي الضيف أبنائه كانوا ثلاثة بس ... شاخدلي بالك انت؟؟!! :blush2:

و اهدى كدة و استنى لما أجهز طلباتي و عزوماتي و استغلالي لأخويا الكبير و هأعملك لستة كدة تدرس ان شاء الله في الجلف أريا

هأنتظرك إن شاء الله و هنطلع سوا من الرياض بإذن الله .. وافيني انت بس بمستجداتك و مواعيدك

مكاوى ... مكاوى الطائى

[shiko]

مر تقريباً عام على العمرة الاولى...

تقبل الله ...

موش ناويين تكرروا التجربة تانى السنة ى ؟؟

ماتحاولوا تكرروا التجربة ....وتاخدونى معاكم ...؟؟

ياريت حد يتنبى الفكرة تانى السنة دى