هجوم ضاغط أم دفاع منطقة : سياسة "مصر العربية"

[Sherief AbdelWahab]

لما وصل جاك شيراك للسلطة لاحظ إن علاقات فرنسا بالعالم العربي متدنية جداً.. بما فيها العالم العربي الفرانكفوني ومستعمرات فرنسا السابقة في الشام والمغرب العربي.. فعمل ما يسمى بسياسة "فرنسا العربية" اللي فيها أظهرت فرنسا تغير "إيجابي" في علاقتها بالعالم العربي ككل ، ومواقف إيجابية تجاه السلام في الشرق الأوسط وبعض التعاطف مع القضية الفلسطينية ما كانش متواجد في عهود رؤساء سابقين بمن فيهم ميتران..

إيه هي فرص إن مصر تنتهج سياسة "مصر العربية" ، أو إن مصر تبص لمحيطها العربي بشكل أوسع في الوقت اللي علاقتنا فيه بدول عربية كتير في تدهور مستمر بدايةً بسوريا ومروراً أحياناً بالخليج وأحياناً ليبيا وكل دي دول فيها مصريين بيشتغلوا هناك ولينا فيها كبلد مصالح؟

خلص الكلام

[Sherief AbdelWahab]

غيرت اسم الموضوع .. ويفضل السؤال اللي عايز أعيد طرحه بشكل تاني..

1-دايماً كانت السياسة الخارجية لمصر مش محل نقاش .. يمكن علشان كانت ماشية صح في حاجات كتير في النصف الأول من المرحلة ، يمكن علشان ما نعرفش عنها حاجات كتير..

لكن مع كثرة ما يتعرض ليه المواطنين المصريين في الخارج ، ومع كثرة التهديدات اللي بنتعرض لها من كل اتجاه ، ومحاولات دول زي لبنان إدخال مصر في معادلاتها زي ما نجحت مع السعودية وقطر ، والنفوذ الإسرائيلي والصيني في منطقة القرن الأفريقي .. بدأت الحاجة لفهم ما يحدث وعرضه على العقل .. وطرح أسئلة من عينة "إزاي مصر استجابت لمحاولات الحريري الأب - الله يرحمه ويسامحه - الاستقواء بمصر والسعودية لمواجهة محور إيران وسوريا" ،" ثم زج ميليشيا "صغيرة" من عينة حزب الله لأكبر دولة في المنطقة بعملية خلية أقل ما يقال عليها إنها ساذجة وشغل هواة غرضها فرقعة وبس في قلب آتون النزاعات اللبنانية" ، و"إرسال مصر لقوات في السودان رغم حساسية الوضع المصري- السوداني في فترة كل حاجة في المنطقة فيها "ملعبكة" ودون إفهامنا ما يحدث قبل أن نفاجأ بنعشي جنديين مصريين يطيران للقاهرة كما لو كانوا جنوداً ألمان في أفغانستان"..

2-إيه اللي ممكن يتغير في سياستنا الخارجية الثابتة تجاه عالم عربي متغير؟ فكروا فيها معايا..

خلص الكلام

[hazemtara]

أستاذ Sherief AbdelWahab

مصر الحالية & أقصد بحكومتها الحالية ورئيسها الحالى لا تُوجد لديها خُطط أو تفكير فى المستقبل أو تفكير فى شعبها الغلبان الى طافح الكوتة فى كل دول العالم والى نجحوا يطفشونا لأى دولة وأى مكان المهم عند أى شاب فينا أنة يخرج برة البلد على فين ؟؟؟مش دة المهم & المهم أهج برة البلد أولاً.

وما أظنة وأعتقدة أن هذة الحكومة تبحث عن مصالحها الخاصة ومصالح رجالها أكثر مما تبحث عن صالح الشعب والمواطن.

لا أظن أن لنا سياسة خارجية واضحة تجاة عالمنا العربى أو الإفريقى أو حتى على المستوى العالمى.

هذة فئة حاكمة تبحث عن أكبر إستفادة من الكرسى فى أقل وقت ممكن.

نحن لسنا من ضمن حساباتهم؟؟؟؟!!!!!

[lovelyramy]

أستاذ Sherief AbdelWahab

مصر الحالية & أقصد بحكومتها الحالية ورئيسها الحالى لا تُوجد لديها خُطط أو تفكير فى المستقبل أو تفكير فى شعبها الغلبان الى طافح الكوتة فى كل دول العالم والى نجحوا يطفشونا لأى دولة وأى مكان المهم عند أى شاب فينا أنة يخرج برة البلد على فين ؟؟؟مش دة المهم & المهم أهج برة البلد أولاً.

وما أظنة وأعتقدة أن هذة الحكومة تبحث عن مصالحها الخاصة ومصالح رجالها أكثر مما تبحث عن صالح الشعب والمواطن.

لا أظن أن لنا سياسة خارجية واضحة تجاة عالمنا العربى أو الإفريقى أو حتى على المستوى العالمى.

هذة فئة حاكمة تبحث عن أكبر إستفادة من الكرسى فى أقل وقت ممكن.

نحن لسنا من ضمن حساباتهم؟؟؟؟!!!!!

أخى الفاضل اتفق مع كلامك تماما

فعلا الناس دي بتدور على مصالحها الشخصيه اكتر من المصلحه العامه وانا لدى يقين ان الرئيس كل همه انه يموت وهو على الكرسي لانه عارف ان البلاوى اللى اتسبب فيها ممكن تبهدله لو ترك الكرسي

انا نفسي بس اسأل الرئيس سؤال واحد ولو جاوب عليه انا مستعد اموت من الجوع وما انطقش بكلمه واحده

ياريس انت لما تقف امام الله ويسألك الله عن مصري مات من نقص الغذاء ولا مصري مات من نقص العلاج ولا شاب اتحطم من ظروف البلد ولا ايتام اتشردوا لما مات ابوهم العامل البسيط ولا .... ولا...... هتقول لربنا ايه ؟؟؟؟؟