انتوا بتحبوا الشـــطة....؟؟ طب تعالــــــــوا

[fatfouta]

التوبيك ده للناس اللى بتحب الشطة بجميع انواعها

اللى بيحب الشطة يتفضل واللى مش بيحبها ياريت مايدخلش عشان مش هايستحمل

من كتر حبى فيا من زمان وانا بعملها برطمانات واحطا فى الفريزر عشان استخدمها دايما فى الأكل

وبما ان ولادى لسه مش قادرين يستوعبوها قوى...ده بيخلينى اجيب أزايز الشطة مع الاكل بدل ماحطها على الاكل كله

وعشان كده قررت اعمل ملف كامل عن الشطة بانواعها يعنى

الشطة الحمراء

الفلفل الاحمر الحار (الحراق)

الفلفل الأخضر الحار

طريقة عملها وفوايدها

مخلل الفلفل الحرااااااق

وانتوا بقى هل بتحبوا الشطة؟؟ طب اللى بيحبها بيحطها على اى اكلات؟؟

ممكن اللى مش بيحبها برضو يقول مش بيحبها ليه؟؟ وإذاى قادر يعيش من غيرها؟

تم تعديل 24 أبريل 2010 بواسطة fatfouta

[ام نور محمود]

انا مش بجيب شطة في البيت ولا بستخدمها بس اعرف انها مفيدة اوي

لكن لما باكل بره البيت بطلب سبايسي او لو كشري مثلا بحط شطة

بس بعاني جدا لأن معدتي بتتعب خالص منها

وكمان جوزي تجربته معاها مريرة اوي ودلوقتي بطلها خالص لظروف صحيه

انا مستنية اعرف منك طرقها

وياسلام لو في طريقة ممكن نستفيد بيها من فوائدها ومانتلسوعش بنارها

تم تعديل 24 أبريل 2010 بواسطة ام نور محمود

[shiko]

هـــــــــــــايلة ....يافتفوتة ...

استمرى نجاة قالت انا بعشق البحر ...

وانا بعشق السبايسى ..................

[fatfouta]

انا مش بجيب شطة في البيت ولا بستخدمها بس اعرف انها مفيدة اوي

لكن لما باكل بره البيت بطلب سبايسي او لو كشري مثلا بحط شطة

بس بعاني جدا لأن معدتي بتتعب خالص منها

وكمان جوزي تجربته معاها مريرة اوي ودلوقتي بطلها خالص لظروف صحيه

انا مستنية اعرف منك طرقها

وياسلام لو في طريقة ممكن نستفيد بيها من فوائدها ومانتلسوعش بنارها

كل حاجة ليها فوائد واضرار يا ام نور وطالما جوزك مش بيقدر يأكلها لظروف صحية خلاص بلاش منها

لكن لو انتى بتحبيها قوى ابقى هاتيها وخليها فى طبقك انتى بس وبلاش نور وابو نور

بس فى الشطة يا حبيبتى لازم لسوعة هو فيه شطة من غير لسوعة؟؟

اتفضلى

[Rock]

انا بصراحة مش متأكد من اذا كان الشطة ليها فوايد لانة رئيس قسم الكيمياء العضوية قالنا انها بتنزل في الفضلات زي مابتدخل يعني الجسم مابيهضمهاش اساسا يعني حتي مافهاش فوايد السليلوز مثلا اللي مابيتهضمش لكن مفيد لعملية الاخراج

و بالنسبة للشطة كلنا عارفين مشاكلها بقي و علي رأس القائمة البواسير لانة تأثيرها الموضعي علي الاغشية بالذات الاغشية المخاطية بيعمل التهاب شديد

شكراا

[fatfouta]

قريت الفوائد بتاعة الشطة وقولت انقلها لكم عشان كلنا مستفيد بس هى اكيد ليها اصرارها وكلنا عارفينها طبعا :closedeyes:

فوائد الشطة:.

1- تنظيم ضغط الدم و تقوي نبضات القلب.

2- تخفض الكوليسترول في الدم.

3- تنشط الدورة الدموية وتعمل كمضاد للكآبة.

4- توقف النزف وتسرع من شفاء الجروح وترميم الأنسجة التالفة.

5- تساعد علي الهضم وتخفف من الارتبكات المعوية فهي تساعد المعدة علي انتاج مزيد من الافرازات المخاطية التي ترطب جدار المعدة.

6- تخفف من آلام المفاصل والروماتيزم.

7- تستخدم كفاتح للشهية وتكثر من افرازات اللعاب الذي يساعد المعدة علي الهضم.

8- تساعد الشرايين والاوعية علي استعادة مرونتها.

9- تقلل من نسبة حدوث الجلطات ولذلك وجد أن سكان الهند وباكستان وأفريقيا وكوريا والمعروفون بتناول كميات هائلة من الشطة لا يعانون من أمراض تجلط الدم كما هو الحال لدي سكان القوقاز الذين لا يتناولون الفليفلة الحمراء.

10- تخفف من اثار الاجهاد الذي يتعرض له جسم الانسان.

11- يحتوي الفلفل الاحمر علي كميات هائلة من فيتامين أ الذي يساعد في شفاء قرحة المعدة كما تحتوي الفلفلة الحمراء علي كميات كبيرة من الاملاح المعدنية و فيتامين سي وبالتالي فهي علاج ناجح ضد مرض السكر والتهاب المفاصل والبنكرياس.

12- تساعد في علاج الصداع.

13- تطهر المعدة من الطفيليات والميكروبات.

أضرار الشطة:.

1*الاكثار من تناول الشطة يسبب التهابات الجهاز الهضمي ويحدث الكثير من الالتهابات اثناء الاخراج.

2*الاكثار من الشطة يؤدي الي قتل بعض الخلايا الدهنية في جسم الانسان.

3*الاكثار من الشطة يؤدي الي آلام مزمنة بالمعدة والجهاز الهضمي.

وبالتالي فأن الشطة كما يقولون قليلها مفيد وكثرها مؤذي.

md2: هقول تانى دى منقولة

انا بقى سمعت الدكتور أحمد شفيق الله يرحمه كان بينصح الناس انها تاكل شطة لانها بتساعد على سيولة الدم وكمان فيها مضادات للأكسدة بتمنع مر السرطان........الله يعافينا جميعا

تم تعديل 24 أبريل 2010 بواسطة fatfouta

[Simba]

رغم اني دايما بعاني من الحموضة لكن مقدرش استغني عن الشطة .. الاكل ما يتاكلش من غيرها

لما بروح الماركت اول حاجة بروحها علي مكان المخللات ... والفلفل الاخضر ده مع الاكل يا سلام مالوش حل

ولما بنطلب برياني نقعد نقوله فلفل .. فلفل وااايد .. تلاقي الرز الهندي بتاعهم مليان شطة

وعلي راي الشاعر اللي مقالش

وما الأكل الا الأكل الحريف ... حتي لو مش هنام خفيف

[kitkat]

وانتوا بقى هل بتحبوا الشطة؟؟ طب اللى بيحبها بيحطها على اى اكلات؟؟

مين مايحبش شطة :closedeyes:

هريسة ليبي - هوت صوص وادعيلي

علي اي اكل وخصوصا البوفتيك والبانيه والف هنا

[engmido]

اطال باغلاق هذا الموضوع

متخافوش بهزر معاكو

مبحبهاش لانها ملهلبة قوى وبتجيب طبعا ع المدى البعيد ....ب و ا س ي ر

[fatfouta]

الشطة بتتعمل بطرق كتيرة جدااا

اولا طريقة امى الله يرحمها...انها كانت بتجيب الفلفل الحمر والخضر الحامى وفرمهم فى الخلاط او الفرامة وتقوم حاطة عليهم ملح خفيف جدا وشوية زيت طعام

ثانيا بقى انا بعملها بطريقة مختلفة شوية واحدة صاحبة مامتى علمتهالى وعجبتنى جدااا

مقاديرها

فلفل احمر حامى جدااا

توم

ملح

كمون خفيف

وكله يتفرم مع بعضه او يتحط فى الخلاط وبعدين نطلعه من الخلاط نضيف عليه قليل من الزيت يستحب يكون زيت ذرة او زيت زيتون

الطريقة الثالثة بقى

نفس طريقتى بس بيسلقول الفلفل شوية صغيرين يعنى مايتهريش وبعد كده بنحطه فى برطمان ونحطه فى الفريزر ونطلعه حسب الطلب

وفيه الشطة الجاهزة اللى هى دى

تم تعديل 24 أبريل 2010 بواسطة fatfouta

[fatfouta]

رغم اني دايما بعاني من الحموضة لكن مقدرش استغني عن الشطة .. الاكل ما يتاكلش من غيرها

لما بروح الماركت اول حاجة بروحها علي مكان المخللات ... والفلفل الاخضر ده مع الاكل يا سلام مالوش حل

ولما بنطلب برياني نقعد نقوله فلفل .. فلفل وااايد .. تلاقي الرز الهندي بتاعهم مليان شطة

وعلي راي الشاعر اللي مقالش

وما الأكل الا الأكل الحريف ... حتي لو مش هنام خفيف

الشطة يا سمبا مش بتجيب حموضة

التسبيك هو اللى بيجيب حموضة

انت دخلت التوبيك ده ليه مش خايف على نفسك؟؟ wst::

[fatfouta]

هـــــــــــــايلة ....يافتفوتة ...

استمرى نجاة قالت انا بعشق البحر ...

وانا بعشق السبايسى ..................

شيكو جدعة والله بصى بقى حب الشطة wst::

الصورة دى سرقتها من واحدة صاحبتى بس هى مش هتزعل لو لقتها معايا

[fatfouta]

تنبيه لازم اقولكم عليه بعد مالقيته عالنت

حد عارف الشطة الصينى اللى دايما بنلاقيها فى المطاعم دى انا هنا بصراحة بشوفها دايما فى مطعم امونه اللى جمب الفخار ده وكنت بحط منها وطعمها بيعجبنى لانها مش حراقة قوى يعنى وليها طعم حلو فى نفس الوقت

لقيت موضوع عنها انها خطيرة

هو ده بيبقى شكل الزجاجة تقريبا

مكتوب عنها انها خطيرة عالأمعاء وجربوها على قطعة من الفِل...عارفين الفِل؟؟

لقوها بتعمل فيه ذى كده

وبيقولوا انها بتدوبه وبتعمل كده فى الامعاء برضوا

المعلومات دى منقولة انا مش متأكده منها برضوا لو حد يعرف حاجة او انها غلط يقولنا

[اغابي]

تنبيه لازم اقولكم عليه بعد مالقيته عالنت

حد عارف الشطة الصينى اللى دايما بنلاقيها فى المطاعم دى انا هنا بصراحة بشوفها دايما فى مطعم امونه اللى جمب الفخار ده وكنت بحط منها وطعمها بيعجبنى لانها مش حراقة قوى يعنى وليها طعم حلو فى نفس الوقت

لقيت موضوع عنها انها خطيرة

هو ده بيبقى شكل الزجاجة تقريبا

مكتوب عنها انها خطيرة عالأمعاء وجربوها على قطعة من الفِل...عارفين الفِل؟؟

لقوها بتعمل فيه ذى كده

وبيقولوا انها بتدوبه وبتعمل كده فى الامعاء برضوا

المعلومات دى منقولة انا مش متأكده منها برضوا لو حد يعرف حاجة او انها غلط يقولنا

لا - لا - بقي - حراااااااااام عليكي الكـــــــــلام دااه اوووفــر حبتين - مش للدرجة

ما تحرقيش قلوبنا على الشطة وتخوفونا منها - دااه تحذير ليكم - انا احب الشطشطة .

انا بحب الشطة لكن مش باكل كتير منها - بالعقـل كل حاجة فى الدنيا بالعقـــل

وكمان ما تنسوش الشطة ليها جماهير كتيرة جدا فى كل انحـــاء العالـــم

انا اعرف واحدة مدمنة شطة هى بنت خالتى - زرعت فى البلكونة أصارى ورد وقرنفل و شطة :lol: - بجد مش هذار

اغابي

تم تعديل 27 أبريل 2010 بواسطة اغابي

[جنه]

ال (تاباسكو ) الذ صوص حراق جاهز ممكن يتاكل ... مع كل حاجه.... وبالذات الملوخيه .... جربوا و ادعوا لى.

[عبيد الله]

سلام الله عليكم أحبّتي..

أنا بقى لا أكره في حياتي أد الشطة!.. لا أطيقها والله أبدا.. لست أدرى ما السبب..

تقريبا لم آكلها في حياتي منذ سنوات طويلة.. ولا أطيق رؤيتها في المطبخ!!

لو أكلتها لا أستطيع بلع اللقمة.. بل تتورم شفتاي وأظل أنفخ وكأني لُسعت بالنار..

[لولا]

سلام الله عليكم أحبّتي..

أنا بقى لا أكره في حياتي أد الشطة!.. لا أطيقها والله أبدا.. لست أدرى ما السبب..

تقريبا لم آكلها في حياتي منذ سنوات طويلة.. ولا أطيق رؤيتها في المطبخ!!

لو أكلتها لا أستطيع بلع اللقمة.. بل تتورم شفتاي وأظل أنفخ وكأني لُسعت بالنار.. :lol:

طب دخلت هنا ليه :lol:

طب بما انك اصلا مش بتاكلها .. احب اقولك فاتك كتيييييييييييير

فى اكلات كتير الشطه بتعتبر فيها بمثابه نوع من انواع البهار تساعد فى ابراز نكهة الطعام بشكل مميز .

البوينت بس فى الإعتدال حسب الذوق .

تحياتى

لولا

[عاشق الترحال]

الشطه يااااااااااااااااااسلام عالشطه وسيرة الشطه وريحة الشطه ودلع الشطه وحركات الشطه وناااااااااااااااااااار الشطه .

الكشري المصري مينفعش من غير الشطه

سندوتشات البرجر والكفته والكبده والشاورما وماشابه متنفعش من غير الشطه

بالنسبه لي بحب الشطه من زمان نظرا لأن بيت عمي حببوني في الشطه من صغري أما عندنا في البيت فبالنسبه لهم عادي يعني .

في مصر كنا بنجيب مخلل مخصوص بيبقى مرشوش على وشه كمية شطه مهوله بس بصراحه ملوش حل جااااااامد طحن .

وياسلام بقى لما تحط أيدك في ( بلاص المش ) وتطلع حته جبنه مش وإتفرج على أيدك لو مغسلتهاش بعد ماتطلعها من البلاص !!!! نااااااااار

ولأني معايا في المكتب بتاعي زميل هندي فأوقات بنبعت نجيب جبنه بيضا وعيش سخن من الفرن وشطه ونعمل سندوتشات جبنه بالشطه بس أيه إوعى وشك وزميلي بقى مبيحطش جبنه في العيش بيعمل سندوتش شطه :blink:

المشكله مش في أكل الشطه المشكله الحقيقيه تكمن فيما بعد اكل الشطه وهضمها ..... أيوه بالضبط كده زي ما حضراتكم تفضلتم :blink:

ممكن أطلب بقى أغنيه لو بتحبي الشطه أفتح مصنع شطه للفنان المناضل رامز جلال وخصوصا بعد ما أكل الشطه :blink:

صباحكم شطه ملهلب :closedeyes:

[se_ Elsyed]

ما كنتش عاوز أقلبها غم ...

لكن الله يخليكو خلو بالكو وما تكتروش قوي وبشكل مستمر من الحاجات المتفجرة دي ... لأني قرأت وسألت أطباء كمان .. وعرفت إن أكل الشطة والبهارات كتير من أكتر الأشياء المسببة لربنا يعافينا لمرض " سرطان المستقيم "

ده غير البواسير اللي بتخلي الواحد لا على حامي ولا على بارد وأدينا بنشوف الهنود هنا حالتهم إزاي

الإعتدال مطلوب في كل شيء .

[زعلان]

:closedeyes: يا راجل يا مفتري سرطان المستقيم حتة واحدة وده بيشيلوله المستقيم يعني و الواحد يبقى ماشي من غير مستقيم

ده مبالغات لكن طبعا الاعتدال كويس يعني مفيش داعي تلهلبها طول الوقت