حد شاف دي !!!!!

[hanzalah]

يا جماعه

شوية صور تحفة بجد

طب بالذمة

حد فاكر دي

حد لعبة بالطوق ده ف طفولته المشرده

العبد لله لعب

وياما اتهريت لعب بالطوق ده وجريت وره جري ياجدعان

وعصايه وعصفور

و السبع طوبات

و طيرو

وكل اللعب اللي فيه جري

اييييييييييييييييييييييييييييييييييييييه

دنيا

:)

[عماد حمدي]

ياااااااااااااااااااااااااه

اية دا ياعم .. لعبه الطوق دي لعبتها طبعا ً بس مكنتش بخش البيت علشان ايدي انته عارف بيبقا شكلها اية

والطوق بتاع العربيات الكبيرة العريض يا سلام يا سلام

طيب حد لعب مغاريز في الشتا + كازوز + زلط + بيكومون + السبع طوبات + الأولي + البوكيمون + بلي

يا خرابي الواحد كان اهبل ,, أهبل أهبل والله ههههههههههههه

شكرا ً ع الصورة ,,

[عاشق الترحال]

يااااااااااااااااه يا hanzalah فكرتني بالذي مضى

عارف بقى أنا كان مزاج عندي ألعب بالطوق الحديد مش الكوتش

ويا سلام بقى لما كنت أمسك عصايه في أيدي وأحطها عالإطار من جوه وأجري والطوق يجي أدامي :sad:

وكنت كمان أحب أخليه ينط من عالبلاعات العاليه اللي في الشارع :closedeyes:

ويا حركاته بقى لما تحدفه لأدام وتخليه يعمل أمريكاني ويرجعلك لوحده wst::

ياسلاااااااااام حقا كانت طفوله متشرده :happy: بس ميه ميه أيام جميــــــــــــــــــــــــــله مكنش الواحد حامل للدنيا هم

:blink:

[mekkawy]

يا سلام على أيام البراءة

انا البلي ده خد من راقات .. و الدولاب بتاع العيال كلها كان فيه هدوم أنا دولابي كان مليان كياس بلي :closedeyes:

و كل لما أمي ترميلي كيس و لا اتنين .. يومين يا برنس و يكونوا اتلموا تاني .. م العيال الهبلة في الشارع كتير :happy:

القازوز باة كان كيف عندي .. و أحسن حاجة لما كنا نعمل عجينة طيبة في الأرض و نصب منها في الكازوزة و نسيبها تنشف .. كنا نقول عليها (زهر) أو (قشاط) .. الكاوتش بأة كنت بأقرف منه ... قال يعني بأقرف أوي من الكاوتش و أنا اللي لسة عامل عجينة طين .. المهم

السبع طوبااااااااات .. لعبة العيال المخلصة السريعة .. طبعاً كنت أحب أرصهم أكتر ما أحب أهرب ... و العصفورة .. يا سلام ع العصفورة .. ياما كسرنا بيها شبابيك و عورنا بيها عيال

أيــــــــه ... ليت الشباب يعود يوماً يا فهمي

مكاوى ... جيمز

[الغريب]

جامدة لعبة الأطواق دي

أنا زمان كان عندي واحد من المدور ده وكنت بعمله حديدة علامة أستفهام علشان أسوقه :closedeyes:

وكنت أجري بيه أكني سايق هوندا والله :happy:

فكرتني بموسم البلي وموسم الدبابير

كنت أحب الدبابير قوي وكان عندي دبور طبلية أصلي :blink:

كفاية لحد كدة فضايح :sad:

على جنب كدة .. بقى بتلعب بلي يأخ مكاوي عليك اللحمة وياترى بقى كنت بتلعب مثلث ولا جيزة ، ذنب العيال اللي نهبتهم في رقبتك ليوم القيامة wst::

تم تعديل 26 مايو 2010 بواسطة الغريب

[عاشق الترحال]

يا سلام على أيام البراءة

انا البلي ده خد من راقات .. و الدولاب بتاع العيال كلها كان فيه هدوم أنا دولابي كان مليان كياس بلي :happy:

و كل لما أمي ترميلي كيس و لا اتنين .. يومين يا برنس و يكونوا اتلموا تاني .. م العيال الهبلة في الشارع كتير :blink:

القازوز باة كان كيف عندي .. و أحسن حاجة لما كنا نعمل عجينة طيبة في الأرض و نصب منها في الكازوزة و نسيبها تنشف .. كنا نقول عليها (زهر) أو (قشاط) .. الكاوتش بأة كنت بأقرف منه ... قال يعني بأقرف أوي من الكاوتش و أنا اللي لسة عامل عجينة طين .. المهم

السبع طوبااااااااات .. لعبة العيال المخلصة السريعة .. طبعاً كنت أحب أرصهم أكتر ما أحب أهرب ... و العصفورة .. يا سلام ع العصفورة .. ياما كسرنا بيها شبابيك و عورنا بيها عيال

أيــــــــه ... ليت الشباب يعود يوماً يا فهمي

مكاوى ... جيمز

من عاش طفولته بلا بلي فلم يعش طفوله ( غاندي )

أما بقى السبع طوبات فكنا بنقول عليه السبع بلاطات يعني أخوك مخلص برضه :closedeyes:

وياسلام عليك يامكاوي لو كنت لعبت ( قراطيس ) وهي للي مش عارفها عباره عن مجموعه قراطيس ورق من الي بيلفوا عليها الخيط في مصانع التريكو وبتحتاج كوره شراب صغيره أو كورة من بتاع التنس وتبدأ تفرط القراطيس ونقسم نفسنا فريقين فريق يقرطس القراطيس في بعضها والفريق التاني المطلوب منه يضرب الكوره في أعضاء الفريق وكل ما عضو من الفريق تيجي الكره فيه يخرج بره وي سلام لو تمكن أحد أعضاء الفريق من

( شقط ) الكره وهي في الهوا قبل ما تلمس الأرض فيسمح له فحدفها بعيد قدر المستطاع حتى يتمكن من قرطسه القراطيس وإذا تمكن من إستكمال القرطسه يرفعها فوق ويقول ( إرفع العلم على أي قرطاس مستخبي أو باين ) :sad: wst:: B) :lol: :lol:

بالذمه مش كانت أيام لذيذه

العصفوره كنا بنسميها ( عصايه وعصفور ) وطبعا ياما عملنا بيها إصابات وكوارث وإحنا صغيرين wst::

صباح الطفوله المشرده يا عم مكااااااوي

[مغتربة]

اكتر حاجه شدتنى فى الصوره

هى نظرات الاطفال الى فيها

بجد فيها فرحه طفوليه و براءه حقيقيه

فرحه نابعه من الاحساس لا بتيجى من غلاء اللعبه و لا فخامه اللبس

لانها بتطلع من القلب

نظره صافيه تحسسك ان اللعبه الى بيلعبوها دى هى اخر امانيهم فى الحياه و منتهى السعاده بالنسبه لهم

صوره معبره جدا بالنسبه لى لكن من الناحيه دى بس :blink: :sad:

ما هو ما دام انا من العنصر النسائى فى المنطيقه يبقى استحاله اكون لعبتها فى يوم من الايام :closedeyes: :happy:

[mekkawy]

كنت أحب الدبابير قوي وكان عندي دبور طبلية أصلي :closedeyes:

كفاية لحد كدة فضايح :happy:

على جنب كدة .. بقى بتلعب بلي يأخ مكاوي عليك اللحمة وياترى بقى كنت بتلعب مثلث ولا جيزة ، ذنب العيال اللي نهبتهم في رقبتك ليوم القيامة :blink:

يا سلام يا حبيبي على الدبابير .. كنا بنقول عليها (نحلة) ... و يا ويله يا سواد ليليه اللي نحلته تقع و نفضل ندب عليها لحد ما نفلقها :sad: .. و أمه تمسكه بالشبشب و صوته يجيب اخر الشارع .. اصل النحلة كانت بخمسة و تلاتين قرش و دول كانوا تحويشة اسبوع يا برنس.

صباح الطفوله المشرده يا عم مكااااااوي

صباح الارهاب يا أخويا عاشق ... بس على فكرة .. هي دي طفولة العباقرة أمثالنا يا ريس .. بتكون سيطرة ثباحاً و مثاءاً

مكاوى

[mekkawy]

ما هو ما دام انا من العنصر النسائى فى المنطيقه يبقى استحاله اكون لعبتها فى يوم من الايام :rolleyes: :rolleyes:

حضرتك متأكدة ؟؟ :rolleyes:

أصل مش بعيد نلاقي اتنين تلاتة من إخواتنا نون النسوة .. كانوا مشيبين الشارع في البلي و الطوق مثلاً و مش بعيد أقولك اسامي بعينها بس مش عاوزين مشاكل مع نون النسوة بس :lol:

بس أكيد كلكم لعبتم الأولى .. أو الحجلة بتسمية أبناء المدن الفافي .. لأن دي لعبة بنات أصلاً .. مع إن كان فيه ولاد بتحب تلعبها .. أنا مش منهم طبعاً .. آه :blink:

مكاوى

[لماضة مصرية جدا]

السلام عليكم و رحمة الله و بركاته

ممكن لو ثمحت اسال سؤال هيفرق معايا كتير

حد فاكر المسدس اللعبة....لا مش اللي بيفس ميه....انا كنت حاجة الافرنكة خالص

المسدس ده اللي بنحط فيه طلقات...و الطلقات تيجي في شكل حلقات حمرا صغيرة

و نحطها في المسدس و هووووووووووووب فين يوجع

انا شخصيا انا اخويا علمني.....اني بدل ما احطها في المسدس انا افرقعهم بره ع الارض...يعني ادوس و اخبطهم جااااااااااااااااااااامد و طبعا...........اجري....هو لاني كنت الطفلة المعجزة وقتها (كنت دايما آجي أجري اقع ع وشي.....و اخويا اول واحد يضحك :rolleyes: )

و لو حد من اصحابنا بنعزه اوي اوي ....يعني

نخليه واقف و نحدفهم تحت رجليه....و نشنن عليهم بالنبلة

صحيح

ليه مجبتوش سيرة النبلة؟؟؟؟؟

لو جبتوها حد يناديني

انا في العطفة اللي وراكم

كان معكم

لماضة........نبلة

فوتكم بعافية

[لماضة مصرية جدا]

بس أكيد كلكم لعبتم الأولى .. أو الحجلة بتسمية أبناء المدن الفافي .. لأن دي لعبة بنات أصلاً .. مع إن كان فيه ولاد بتحب تلعبها .. أنا مش منهم طبعاً .. آه :rolleyes:

مكاوى

السلام عليكم و رحمة الله و بركاته

يا لهوي.....هو كان فيه حجلة.....و انا ملعبتهاش؟؟؟

ليه كده يا عكاوي حسستني اني معشتش طفولتي...(وش فاروق شوقي في فيلم جعلوني محاضرا... :rolleyes: )

انا برضه اللي فاكراه....اني كانت هوايتي زحاليييييييييق....و ده مش بس ع الزحاليق المعروفة لبني البشر ...(اللي هما قيمة 7 عيال في عمارتنا القديمة....و كان ورانا جونينة للاطفال...نوكتة خالص)

انا كنت اتزحلق ع السلالم.......اطلع ع العربية بتاعت بابا و اتزحلق لغاية ما اخبط في الارض....و بابا يزعق مش عشاني عشان سقف العربية.....

اما الزوحليقة العادية دي....فكان عندي مزاج اني اخدها من تحت لفووووووووق...

كل الاطفال الابرياء كنت تلاقيهم رايحين و منشكحين و طالعين السلم و هوووووووب يتزحلقوا

انا كنت احب اطلعها من تحت...و افضل ااقاوح في نفسي لغاية ما اوصل فوق و بعدين اتزحلق.....(تقريبا كنت معقدة من السلم و لا ايه.... :rolleyes: )

ايييييييييييييييييه ذكريات

و الله يا جماعة الواحد عاش يومين حلوين

بس ادعولي ولادي ميكونش كده

ابقوا فكروني اخليهم يلعبوا العجلة و الحجلة.....و الفجلة

فوتكم بعافية

[hOuSsAm]

ايييييييييييييييييييييه دنيا

البلى والسبع طوبات والحجلة والنبلة والطيارات (كنت مجنون طيارات انا وكانت هوايتى اصطاد لطيارات التانية)

وكانت فن عندنا من اعلام الدول لمشمعات لشكل فنى وخلاص لصور حلوة

وكورة فى الشارع لحد ملاقى اخويا الكبير شاددنى من قفايا ورامينى فى البلكونة لان هدومى بتبقى نفس لون الشارع

ست غماية وثبت

وكنا نعاكس فى جيرانا ونعمل فيهم مقالب ونطلع نجرى

طيب حد ربى دود قز (يا سلام عالحرير وتبقى انسان منتج كدة)

ونروح المزارع بعيدة ونطلع عالشجر ونجيب ورق التوت

وعصافير كنارى

وحوض السمك

حد كدة كان بيتمشى هو واصحابه ويلاقى نفسه فى مدينة تانية ولا هو دارى

الكوتشينة وايامها كينت واشك والشايب (وكنا بنتفنن فى العقاب)

واللعبة بتاعة بدون كلام

كبرنا شوية واتنقلنا لمرحلة الشطرنج والقهاوى والطاولة

شوية كبرنا ورحنا لمرحلة البلاى استيشن (حد فاكر الاتارى الاسود ابو دراع والطيارات)وماريو (ده الجيل الجديد من الاتارى )

هههههههههههههههه

فى تانية كلية كان عندى مراجعة اقتصاد ليلة الامتحان عند معيد وكان اتاخر يجى 3 سعات

المهم زهقنا انا واصحابى وقولنا نلعب لعبة اسمها عود كبريت (باحكام بردوا زى الشايب) نولع الكبريت ونعمل دايرةمن 8 افراد وكل واحد يسلم العود للى جنبه واللى يطفى العود فى ايده يتحكم عليه حكم

كنا بنلعب اللعبة دى فى شارع قدام مبنى محافظة الدقهلية واليكم الاحكام

1- واحد وقفناه على دماغه فى نص الشارع وسط العربيات :happy:

2- واحد تانى طلبنا منه يروح ياخد لحسة ايس كريم من واحد كان واقف على جنب كدة :lol: (المهم مش تبعنا)

3- كان فيه راجل ماشى خلينا واحد يلف حواليه 3 لفات والراجل كان هيضربه :lol:

4- واحد دخل اوضة الدرس وقالهم بصوت عالى حريقة حريقة خلاهم يطلعوا جرى :sad:

انا مش فاكر بقيت الاحكام بس ده اللى انا فاكره

اجمل حاجة كان عندنا امتحان فى اقل من 24 ساعة ولا كان فى دماغنا حاجة وكان الاقتصاد رخم

والله كانت ايام حلوة

[مغتربة]

ما هو ما دام انا من العنصر النسائى فى المنطيقه يبقى استحاله اكون لعبتها فى يوم من الايام :happy: :lol:

حضرتك متأكدة ؟؟ :lol:

أصل مش بعيد نلاقي اتنين تلاتة من إخواتنا نون النسوة .. كانوا مشيبين الشارع في البلي و الطوق مثلاً و مش بعيد أقولك اسامي بعينها بس مش عاوزين مشاكل مع نون النسوة بس wst::

بس أكيد كلكم لعبتم الأولى .. أو الحجلة بتسمية أبناء المدن الفافي .. لأن دي لعبة بنات أصلاً .. مع إن كان فيه ولاد بتحب تلعبها .. أنا مش منهم طبعاً .. آه :sad:

مكاوى

لا و الله يا مكاوى

عمرى ما لعبت بطوق و لا بلى و لا نبله و لا حاجه من الحاجات دى

و بصراحه مش متخيله نفسى و انا بلعبها

انا حتى عمرى ما عرفت البلى بيتلعب ازاى

ما دا حال الى ملهاش اخوات ولاد ( اريح اريح )

لكن الاولى طبعا يا ما لعبتها

و ياما اتاخرت فى المرواح من المدرسه علشان الوقت جرى بيا و انا مش حاسه

ايييييه كانت ايام

[صافى]

يا سلام على الايام الحلوة دى طب داانا نفسى الايام ترجع تانى لورا وانزل العب تانى فى الشارع ونلعب فتحى ياوردة وقفلى ياوردة :D ومحدش شاف الديب الديب السحلاوى فاتت فاتت وفى ديلة سبع لفات طب داانا ياما اعدت افك فى السبع لفات دول لغاية ما وصلت لة ويسلام فى رمضان بقا لما كنا ننزل بلفوانيس ونغنى حلو يا حلو رمضان كريم يا حلو والا وحوى يا وحوى ايليوحة ولغاية دلوقتى معرفتش يعنى اية اليوحة دى و جدو عبدوة زارع ارضة والعمدة الالى ونعمل كدة الصفايح بلحبال ونعمل فيها عمدة الى بجد وعمو فؤاد اللة يرحمو ويبشبش الطوبة الى تحت راسة ياااااااااااااااااااااااااااااااااااااااااااااة دنيا والهى فكرتنا بايامنا الحلوة مكناش شايلين الهم :wub: wst:: :P

[ساره احمد]

انا برضه اللي فاكراه....اني كانت هوايتي زحاليييييييييق....و ده مش بس ع الزحاليق المعروفة لبني البشر ...(اللي هما قيمة 7 عيال في عمارتنا القديمة....و كان ورانا جونينة للاطفال...نوكتة خالص)

ياسلام ياجدعان فكرتونى بشوية حاجات هباب خالص الواحد كان بيعملها وهو مشرد صغير كنت بلعب زحليقة عجيبة كدة خالص كنا بنقعد علي سجادة صغيرة ع السلالم واتنين يشدونى لتحت كان الواحد يعمل تك.. تك.. ع السلالم ولو بيشدو بسرعة كان يعمل تك تك تك تك اما انا كنت كلبوظة شوية وانا صغيرة كنت ببقي عايزة اربعة يشدونى وياما لعبت بلي وكان بيبقي ليلتو سودة وزى خلقتة اللي كان بيمد ايدة علي بلية من معايا وكنا بنلعب اللتة كان الواحد بينزل الشارع من المغرب لحااااااااااااااااااااااد 12 بليل نقعد نلعب اللتة اه والله خسيت ييجى عشرة كيلو منها

ااااااااااااااااااااااااه فكرتونى بالذى مضي :P

[شريف مان]

ههههههههههههههه

لا انا مكنتش بلعب الالعاب دى

انا كنت بلعب (العاب دموية )يا صلح يا صنم

[Simba]

يا حنظلة يا جاامد

ايه الصورة الجامدة دي ;) wst::

عن الالعاب اقول ايه ولا ايه انا مش مصدق اني بقيت خلاص 36 سنة وفيه العاب كتير كنت بلعبها بداية من 6 سنين

انا لعبت بعيدان الحطب كنا بنعملها مثلث علي شكل عربية او عود واحد كأنه حصان

لعبنا بغطيان الأزوازة ايام كندا دراي وكنا بنلفها الغطيان في استك عي شكل اسورة

وكنا بنلعبها في مثلثات بعد ما نملا الغطا اللي هنلعب بيه طين ولعبنا عليها رفة عيال بتوع قمار بقي

والسبع طوبات كنا بنقول عليها السبعاوية ولما كبرنا واتوحشنا بقينا نروح نقطع زينة رمضان في الشارع التاني

وطبعا كنا بنلعب سيجا وصلح واتريقنا شوية بقينا نلعب الشايب مستوانا علي اكتر بقينا نلعب شطرنج في مدخل البيت

وواحتل الشارع عيال غيرنا بعد ما كبرنا

وبعدهم خلاص عيال من نوع تاني كل واحد شايل الفلاشة وكلام عن الكمبيوتر والبرامج

جيل جديد ... جيل فشنك صحيح :wub: