البحث في الموقع
عرض النتائج للدليل 'abcd'.
-
الشباب... يامصر راعي شبابك اللي كام مليون * * * متلطش مستنى وَهْم الوظيفة والبلد مديون * * * ومطفِّش والحزب يوعد يوماتي وأما يبقى يكون * * * بيطنش حلّي المشاكل شوفيهم قبل وقت العون * * * مايردش * * * فيه صنف جاب من قصيره قبل ما يحتاس * * * يتلطّع ودوغري باع هدمته والبردعة والفاس * * * راح يطلع يروح بلاد الطلاينة يشتغل كناس * * * أو يقلع في البحر جه عزرائيل يربط إيديه والراس * * * ويمزّع * * * وصنف منهم يوماتي عالرصيف قاعدين * * * في قهاوي م الشيشة يشرب ويتعلم هناك تفانين * * * وبلاوي ويمدّ في العين يبصبص أو يمد إيدين * * * للغاوي أو تبقى عَركة ويتخانق مابين سكاكين * * * ومطاوي * * * وصنف تاني تلاقيه ملطوع كده عالشات * * * وبيسهر م الفجر قاعد مايركعش الخمس صلوات * * * مستهتر وإن شاف بنات العجم في الفيديو والكليبات * * * يتشمّر وإن فات عليه م الفتن أو م الخلاعة حاجات * * * يتحسّر * * * وصنف تالت على الموضة تلف تدُور * * * تلبسها مايهم إن كات تخينة أو عليها صدور * * * تبرزها وإن كات بتكبس بطون يبقى الحيا هايغور * * * تكشفها وإن كات تحزّق وِراك يفرح أبوها الطور * * * ويبوسها * * * وصنف رابع مزاجه أحدث الرنّات * * * تتسمّع في إيده حتة بتاع فوق التلات تلافات * * * متقمّع ماسك لي فيه عبقرينو يلعب الجيمزات * * * متصربع ولما تسمع كلامه بهسوكة وآهات * * * تسترجع * * * وصنف خامس وغاوي للرياضة يروح * * * يتفرج للكورة يرمح يسافر منيا أو مطروح * * * ما يحرّج وإن كان مشجع بطولة كل شيء مسموح * * * متخرّج وإن كات بنات تبقى تيجي شكلها مفضوح * * * متبرّج * * * وصنف سادس من البانجو تلاقيه مسطول * * * متخرشم وراسه بعد السجاير ينختم مقفول * * * متبرشم وإن كان فقير تبقى كُلّة والمزاج معمول * * * متعشم وإن كان مريّش يجيله بالتذاكر صول * * * متشمشم * * * وصنف سابع ضلالي خصّص الشيطان * * * بعبادة عالتُّربة بالليل يروحوا يسحبوا النسوان * * * متقادة عيال عديمة الحيا، زي الأبالسة تبان * * * مصطَادة ولاد ذوات إنما دينهم طلع نقصان * * * بزيادة * * * وصنف تامن بيشقى م النهار للّيل * * * عالطّقة معاه ليسانس العَلام بس انتهى بيشيل * * * بالوقّة وإن كان معاه دكتوراه دا يبقى هم تقيل * * * ومشقّة عشان وظايف بلدهم ما إليها سبيل * * * أوْ سِكّة * * * وصنف تاسع هدومه فوق تلات تشبار * * * بجلابيّة يقضّوا يومهم بطوله... ذكر واستغفار * * * سُنِّيَّة ماشيين على الشَّرع وإحنا دستة الأشرار * * * حراميّة وبتوع لاظوغلي يوماتي يحبسوا الأبرار * * * تغطيَّة * * * وصنف عاشر حويط منضمّ للأحزاب * * * وكفاية له كل أسبوع مظاهرة تنقلب بهباب * * * وحكاية ساب المذاكرة وفالح بس في الإضراب * * * بعصاية وإن حدِّف الطوب تيجي له فرقة الإرهاب * * * ياضنايا! * * * وصنف م العشق دايب عالبنات مدلوق * * * متعايق يضحك على المزمزيل يعمل لها مخنوق * * * متضايق والهبلة تجهل بأنه راح ينوبها خازوق * * * ويفارق لنعجة رخرة عبيطة لو كواه الشوق * * * بحرايق * * * وصنف إخوان مشاكس متربط محبوس * * * في قضية جايين لقلب الحكومة بالإيدين والروس * * * وطاقيّة شايلين سلاح أقوى منه شكّة الدبّوس * * * « نوويّة» « تستاهل الدبح ليه طرف الحكومة تدوس» * * * ياشُضَليّة * * * وصنف أعيان مزاجهم في البنات والكيف * * * تتجرّا ليهم في شرم المشاتي وف مارينا الصيف * * * تتعرّى والأكل وارد يوماتي متعدل ونضيف * * * من برّة وإن شفت لحم البنات منهم تقول يالطيف * * * تتبرّى