السلام عليكم ورحمة الله وبركاته الاخوة الكرام حياكم الله وكل عام وحضراتكم طيبين عندي استفسار انا جايلي تأشيرة عمل بمسمى وظيفي (فني المونيوم) وانا فى الاساس بكالريوس تربية نوعية، لما هروح هناك هشتغل زى فنى حاسب الي.. روحت اغير المسمى الوظيفي فى البطاقة (قالولي لازم تجبلنا شهادة من مكتب العمل بالمهنة المطلوبة او التأمينات) روحت مكتب العمل ملقتش المسمى الوظيفي دا فى الجدول عندهم، فقالولي لازم تجيب صورة من التأشيرة، كلمت الراجل السعودي يرسلهالي فارسلي (تذكرة مراجعة تأشيرات) مكتوب فيها كل المهنة اللى هو عاوزها (يعنى التأشير مفيش اسماء فيها لسه) وبالفعل دخلت على النت وتأكدت من بياناتها .... روحت بيها لمكتب العمل قالي روح بيها للقوى العاملة بالمحافظة (الدقهلية - مصر) روحت هناك قالولي المسمى دا مش عندنا، تقدر تروح تسأل التأمينات، روحت التأمينات فى (طلخا) قالولي مفيش المهنة دى، والباشا المسئول قالي خليهم بيعتولك التأشيرة باسمك والعقد كمان وروح بيهم على الاحوال المدنية -ودا لسه غير متوفر - ... فما هى نصائحكم اخواني الكرام صراحة اتخنقت لا عارفين نعيش بعد ارتفاع الاسعار ولا عاوزين يسبونا نغوور