اذهب إلى المحتوى
محاورات المصريين

لوحة القادة

  1. نوران

    نوران

    الأعضاء


    • نقاط

      8

    • إجمالي الأنشطة

      2,726


  2. عبير يونس

    عبير يونس

    الإشراف العام


    • نقاط

      6

    • إجمالي الأنشطة

      11,871


  3. Abu Reem

    Abu Reem

    الأعضاء


    • نقاط

      6

    • إجمالي الأنشطة

      2,507


  4. ام سلمي

    ام سلمي

    الأعضاء


    • نقاط

      5

    • إجمالي الأنشطة

      2,389


المحتوى صاحب التقييم الأعلى

عرض المحتوى صاحب أعلى تقييم في 19 أبر, 2012 في مشاركة

  1. فعلا الثورة كشفت من معها ومن ضدها... اصبح عادل حمودة...أشهر اعلامي مقرب للنظام السابق...واصبح عمر سليمان...هم الصادقون الشرفاء الذين يخبروننا الان بالحقائق الرهيبة التي كانت خافية عنا..منذ زمن...فقد كشفوا لنا حقيقة الاخوان..العملاء الذين كانوا يخطفون الرجال من بيوتهم ويسلموهم لامن الدولة..وكانوا ينفذون المخططات الجهنمية لامن الدولة من قتل وتفجير..بل كان الاخوان ايضا هم من كانوا على ظهور الخيول والجمال في موقعة الجمل..وكانوا يريدون اجهاض الثورة....لذلك كان وجود الاخوان والسلفيين ( العملاء ايضا) في السجون امر عاديا (للتمويه) وحتى " سيد بلال" السلفي الذي مات من بشاعة التعذيب..كان تمثلية محكمة من امن الدولة لتضليلنا نحن الشعب المغفل... واصبح اعضاء البرلمان وحزب الحربية والعدالة الذين يواجهون الان العسكر والحكومة للحيلولة دون ان تعود السلطة للفلول هم..الخونة وعملاء امن الدولة...وكل هذا الذي يفعلوه خداع للشعب واصبح الخضيري ( صاحب الفيديو )..الذي طالب بمنع ترشح من اسقطانهم في الثورة خارج على اعراف الدستور..وديكتاتور..لانه لايريد ان نهدم كل ما فعلناه وتحملناه..اثناء وبعد الثورة ولا يريد ان نقدم البلد للفاسدين الذين اسقطانهم....والذين اصبحوا الان هم الخصم والحكم في نفس الوقت... ويريد ابعادهم كي لا تزور الانتخابات لصالحهم..وطبعا كل هذا الذي يقوله في الفيديو..( تمثيل لكي يستغفلنا ) فالرجل يتمنى ان يظل العسكر والفلول في الحكم .... شكرا للثورة التي...اظهرت لنا حقائق كثيرة..... كانت خافية عنا وكشفت لنا من يعمل لصالح الشعب ومن يعمل...ضده
    4 نقاط
  2. اينشتاين و السائق... هذه حكاية طريفة عن العالم ألبرت أينشتاين صاحب النظرية النسبية.فقد سئم الرجل تقديم المحاضرات بعد أن تكاثرت عليه الدعوات من الجامعات والجمعيات العلمية، و ذات يوم بينما كان في طريقه إلى محاضرة، قال له سائق سيارته: ... أعلم يا سيدي أنك مللت تقديم المحاضرات و تلقي الأسئلة، فما قولك في أن أنوب عنك في ...محاضرة اليوم خاصة أن شعري منكوش وملتف مثل شعرك .. و بيني و بينك شبه ليس بالقليل، و لأنني استمعت إلى العشرات من محاضراتك فإن لدي فكرة لا بأس بها عن النظرية النسبية، فأعجب أينشتاين بالفكرة و تبادلا الملابس، فوصلا إلى قاعة المحاضرة حيث وقف السائق على المنصة و جلس العالم العبقري الذي كان يرتدي زي السائق في الصفوف الخلفية، و سارت المحاضرة على ما يرام إلى أن وقف بروفيسور متنطع و طرح سؤالا من الوزن الثقيل و هو يحسب أنه سيحرج به أينشتاين، و هنا ابتسم السائق المستهبل و قال للبروفيسور: سؤالك هذا ساذج إلى درجة أنني سأكلف سائقي الذي يجلس في الصفوف الخلفية بالرد عليه ... و بالطبع فقد قدم "السائق" ردا جعل البروفيسور يتضاءل خجلا ..!
    3 نقاط
  3. لا طبعا يا ام سلمى محدش بيقول نجيب واحد كذاب مايعرفش ربنا يبقى رئيس. انا نفسى فى رئيس يعرف ربنا حقيقيى. يعنى يحسن الاقتصاد و يخلق فرص عمل علشان محدش يكفر من الجوع. و يحسن الخدمات الصحيه علشان محدش يكفر من المرض و يجيب الحق للمظلوم و مايبقاش فى البلد خيار و فقوس. ده الرئيس اللى يعرف ربنا اللى نفسى فيه. المشكله ان مصدر القوه فى مصر حاجتين. واحده هى سياسيه (قوه الدوله). الثانيه هى قوه الدين (مؤسسات دينيه زى الازهر او الكنيسه او مؤسسات اهليه كالدعاه المشهورين). لما السلطه كلها بتتركز فى جهه واحده بيبقى سهل خالص فسادها و التاريخ المسيحى و الاسلامى مليئ بهذه الامثله التى استغل فيها الدين اسوء استغلال. مش المطلوب تهميش دور الدين. المطلوب ان دور الدين يبقى رقابى على القوه السياسيه. مطلوب رجال دين يقفوا فى وش الحاكم لما يظلم و يقولولوه كده غلط, زى ما الشيخ الشعراوى كان بيعمل مثلا. لكن لما يكون رجل الدين هو رجل السياسه؟ من سيقومه؟ و احنا كلنا شفنا الحرج فى موضوع الاستاذ حازم ابو اسماعيل فهو كشيخ محسوب على رجال الدين صعب على رجال الدين الاخرين مواجهته ووجدنا بعضهم يستخدم الدين دفاعا عنه او البعض الاخر اثر الصمت لو كان هذا الموقف حصل مع اى مرشح اخر, كنتى ستجدى كثير من المشايخ يتخذوا موقفا اكثر صلابه خصوصا ضد دعاوى الفتنه و دعاوى الفوضى دور رجال الدين هو تقويم المجتمع و تذكره الناس بالحق دون هوى. دخولهم فى السياسه يجعلهم يتلونون. هل مازال رجال الدين الذين امروا الناس بقول نعم فى الاستفتاء عند رأيهم؟ هل مازال كل من قال لا هو اثم خائن لدينه؟ و هذه النقطه الاخيره هى اخطر ما فى الموضوع. استغلال الدين لارهاب المعارضين. و الطامه الكبرى اذا اختلف رجال الدين مع بعض سياسيا و قلبوا صراعهم لصراع دينى كارثى. ساعتها ستكون فتنه كبرى ثانيه. يبقى من الاخر: مطلوب رجال سياسه يعرفوا ربنا و يخافوه, و لكنهم لا يدّعوا الحديث باسم الله و شرعه.
    2 نقاط
  4. الاستاذ الفاضل م.زوهيري مع احترامي لرأي حضرتك لكني اراه رأي غريب جدا يعني حتي لو سلمنا جدلا ان البلكيمي وحازم صلاح والاخوان اضطروا للكذب عند دخولهم في السياسة هل هذا يعني اللا نسمح بدخول المتدينين للسياسة حتي لا تلوثهم لانها لعبة قذرة كما يقال بحجة اننا نريد ان نحافظ عليهم صادقين طاهرين و لمن نترك المسئولية والحكم في البلاد اذن ؟ لمن هو بعيد كل البعد عن الدين ؟ لسيئي السمعة المعروف عنهم الكذب من البداية وبالتالي لن نخسر شئ اذا كذبوا ايضا بعد وصولهم لمقاعد الحكم لو هذا هو المنطق فعلا فلماذا قامت الثورة اذن ؟ كان الافضل ان نترك مبارك ونظامه يستمروا في الحكم فلن نجد علي اي حال من هو اسوأ منهم و ابعد عن الدين فهم الاولي بالتأكيد تحياتي
    2 نقاط
  5. عمركم شفتوا واحد في العالم منصف بيبرر القاء القنبلتين الذريتين على الملايين لتقتل وتصيب مئات الالاف ثم يتكلم عن الاحترام والتحضر ويبرر ذلك بان الحروب ليست نزههة ويبرر ايضا بان ما يهمه الان هو ان الدولتين سمن علي عسل... هل وجدتم من يبرر قتل الملايين في الحروب من المدنيين وهدم المدن الا الدول التي يدعي وايت هارت انها متحضرة... ويبدو انه نسى الحربين العالميتين هل فعل المسلمون هذا عندما كان المسلمون يتصدرون العالم...هل غدروا باي دولة وابادوا ما فيها وهل كانوا في حروبهم يقتلون مئات الالاف او الملايين من الابرياء - عل هناك مصري يبرر احتلال واستعمار بريطانيا وفرنسا لمصر....فماذا فعلت مصر لبريطانيا او فرنسا حتى تستعمراها...هل ذهبنا لمحاربتهم او احتللنا احد اراضيهم - لم يرى الفاضل وايت هارت الهمجية والوحشية في الدول التي قتلت المدنيين بدون رحمة ويتكلم عن دفاعنا عن خازم ابو اسماعيل الذي فعل اكبر جريمة تضررت منها البشرية وهي انه قد يكون كذب في حقيقة جنسية والدته.... اما المستعمرين قاتلي الشعوب اصحاب الحروب العالمية واصحاب خيوشيما وناجازاكي...واصحاب مذابح البوسنة ...واصحاب مذابح الشيشان...واصحاب الحرب على العراق الكاذبون هؤلاء هم المتحضرون والمحترمين بئس العلمانية او الليبرالية التي تجعلني مجرما مستعمرا همجيا
    2 نقاط
  6. إننا نحن البشر نفكر فيما لا نملك ولا نشكر الله على ما نملك وننظر إلى الجانب المأساوي المظلم في حياتنا ولا ننظر إلى الجانب المشرق فكن إيجابى !! لــ إبــراهـيـم الـفـقـي رحمــه الله
    2 نقاط
  7. فإذا ابتليت بمحنة فاصبر لها ....... صبر الكريم فإن ذلك أسلمُ وإذا ابتليت بكربة فالبس لها .......ثوب السكوت فإن ذلك أسلمُ لا تشكون إلى العباد فإنما ........ تشكو الرحيم إلى الذي لا يرحمُ
    2 نقاط
  8. لَلأَملَ قَدمَينَ صَغيَرتيَنِ وَ كَأنهُ يتَدَربَ عَلَى خُطاهَ الأولىَ ، كَثِيرَاً ماَ يتَعَثرَ ، لَكِنَه سَيَصلِ
    2 نقاط
  9. الإصرار الغريب على الدفاع عن أبو اسماعيل بهذا الشكل .. أمر يدعو إلى الإستغراب الشديد أبو اسماعيل تحدث باسم الدين الإسلامي وعرض نفسه على أساس أنه مرشح إسلامي وكذب .. وما يقوله ويكرره ويردده المدافعون عنه أمر لا يرتقي إلى درجة النفي .. بل هي ملاعيب محامين .. (أسف لاستخدامي تعبير ملاعيب ولكني لم أجد سواها تعبر عن الحالة) مايفعله حاز أبو اسماعيل اليوم هو مثل ماقاله البلكيمي في مجلس الشعب .. أنه ادعى تعرضه للإعتداء والسرقة لأنه كان عامل عملية وكان البنج مأثر عليه كلام فارغ طبعاً ... المدافعون عن أبو اسماعيل .. أكاد أكون متأكد بأن جلهم اليوم متأكدون من أنه كاذب .. ولكنهم لا يريدون الإعتراف بذلك لأن أبو اسماعيل رجل إدعى أنه يمثل التيار الإسلامي .. وبالتالي فإنها ستكون طعنة للإسلام حسبها يعتقدون لذلك هم يدافعون باستماته عن هذا الباطل (للأسف الشديد) ولكن يجب أن يفهم الجميع .. السلفيين والإخوان والمنتمين للتيار الإسلامي كافة .. أن الإسلام دين عظيم .. بعث به رسول عظيم .. لن يقلل منه قيام شخص مسلم بفعل حرام .. ولن يقلل منه أن ينحرف بعض المسلمين عن المسار الصحيح لذلك .. فكنا نقول أن نفصل السياسة وألاعيبها عن الإسلام .. وأن نرتقي بديننا إلى ما هو أعلى من ذلك .. يجب أن يخرج الإسلاميون أو المتحدثون باسم الدين .. أو من يعتبرون رموز دينية إسلامية عن لعبة السياسة ... هذا ما أفهمه وأعتقده .. وأعتقد أن هذا الأمر هو الذي ينبغي أن يكون
    2 نقاط
  10. تورتاية مهندسين صغننة كده على ما البوفيه يجهز
    2 نقاط
  11. السلام عليكم و رحمة الله و بركاته الحقيقة انا آديلي فترة بمر بمواقف و دايما نهايتها الاقي الكلمتين دولم "الحقيقة المرة" الم شنطة هدومي بكتبي بغبائي و انزل مصر و اقول بحبها....(وش عبد الحليم و هو راكب العجلة و تقريبا مش عارف يسوق)....و بعدين بلدنا قامت فيها ثورة و كدهوت و انا نازلة ابني الاقي حد يبصلي من فوق لتحت....و يوقلي....اصلك انتي متعرفيش الحقيقة المرة انزل الجامعة و اخش في نقاش مع اساتذتي اللي هم اتعلموا اصلا في كندا و الولايات المتحدة و اقولهم ازاي احنا نبني المحاضرة علي افكارتخلي الطلبة نفسها تفكرو تخش المكتبة و تبحث...الاقيهم بيقولوا يبقي انتي متعرفيش الحقيقة المرة بتاعت التعليم الجامعي في مصر اقعد مع شاب حيلة ابوه و امه علشان نبتدي نتفاهم عن الزواج و عن ازاي يبقي لينا حلم مشترك و حياة مشتركة و نخطط بدماغنا.....الاقيه برضه بيضحك ضحكة هبلة باين و لا عبيط و يقولي...اصلك متعرفيش الحقيقة المرة اخش علي الفيس بوك اهيس و اكتب عن حق البني آدم في الحلم و في الحياة و في انه يحب.....الاقي الستات بيقولولي انتي متعرفيش الحقيقة المرة و الرجالة برضه بيزقوني و يقولولي...فوقي...هي الحقيقة المرة معدتشي عليكي و لا ايه و حيث اني وصلت من العمر ارذله....(قربت اقفل ال 87 موقف من الحقائق المرة) انا بقي فكرت اني اسالك ايه هي الحقيقة المرة زمان كنت قريت كتاب حلو اوي اسمه lessons of life كان واحد كتب لابنه مجموعة من الدروس اللي هو شخصيا اتعلمها في حياته و اختزلها في عبارات هل ممكن نكتب في الحتة الفاضية هنا هوت كل حاجة بتشوفها...بتتعلمها طب ممكن نعمل book of facts يعني رصولي ايه هي الحقيقة المرة...في الشغل....في البيت....في المواصلات....في الثورة.... في الحياة...فيا انا شخصيا علشان كل يوم الصبح آجي و اشرب ممنها معلقة و بعدين بوق ميه انا خايفة اموت....من غير ما اعرف ايه هي الحقيقة اللي مش مرة و ليه اصلا الحقيقة المفروض تبقي مرة؟؟؟؟ كان معكم من امام كورنيش النيل علي بعد خطوات من السور...متخافوش انا مش هحدف نفسي...(وش حد جبان و اصلا مبيحبش يبل هدومه و كدهوت) لماضة الباحث عن الحقيقة شكرا الف شكر مقدما....(وش حد بيسلم عليكو نفر نفر)
    1 نقطة
  12. هذا الموضوع منقول كما هو لاهميته و كاتبه الاصلى هانى زكريا احمد جزاه الله خيرا خبر هام لكل راغبى السفر إلى السعوديه أخوانى نظرا للتدهور الشديد فى النواحى الأقتصاديه فى مصر يتسابق ملايين الشباب للسفر للدول العربيه وخصوصا السعوديه لكى يفتحوا لهم أبواب رزق جديده وللهروب من الوضع المأساوى فى مصر ولذلك قامت الشركات السعوديه بتقليل رواتب المصريين الراغبين فى القدوم حديثا فى كل المجالات نظرا لهذا السبب ولأسباب أخرى وليس الشركات فقط بل المصريين إيضا قللوا من أنفسهم وقيمتهم الحقيقيه التى يستحقونها ولذلك فكرت فى عمل بحث صغير جدا فى حدود وقت فراغى وأتمنى من كل شخص يقرأ هذا الموضوع أن ينشره لكل صديق أو قريب أو يتم نشر الموضوع فى كافة المنتديات حتى يصل لأكبر قدر من راغبى السفر للسعوديه . أيضا أرجوا من لديه مثال واقعى يكشف ما سيتم سرده بعد ذلك من أوضاع أن يكمل معنا الموضوع بوضعه وأرساله لكل راغبى السفر للسعوديه دعونى أولا أوضح بعض النقاط 1- أقل مبلغ مطلوب شهريا لمستوى معيشى متوسط لفرد واحد الأكل - فى أضيق الأحوال 20 ريال يوميا (فطار – غداء – عشاء) المياه - فى أضيق الأحوال 20 ريال شهريا ( 4 قاروره) سجاير - فى أضيق الأحوال 3 ريال يوميا (العلبه تقريبا 5 ريال) أخرى - فى أضيق الأحوال 200 ريال شهريا (علاج – موبايل - خروج – ملبس – ألخ......) أذا المجموع الكلى تقريبا 900 ريال شهريا لشخص مدخن وتقريبا 800 ريال لشخص غير مدخن مع العلم أنه يمكن أن تكون هناك مصاريف أخرى يمكن حدوثها ولكنى لم أذكرها لأختلافها من شخص لأخر أيضا هذه المصاريف لشخص عادى مش(أكيل- فييس) يعنى 2- السكن والأنتقالات لو الشركه موفراهم مفيش مشكله أما أذا كان الأجابه بلا فأليك هذه المعلومات السكن لو الشركه هتوفرالسكن و بدون أثاث أذا ستحتاج (سرير – دولاب - غساله – ثلاجه – بوتجاز – مكوه – حاجات المطبخ – وخلافه ) لو هتشترى عفش جديد هيكون فى حدود 4000- 6000 ريال أما لو مستعمل هيكون فى حدود 2500- 3500 ريال كل ده بدون تكييف وهيكون فى حدود 1500 ريال أذا كان غير موجود لكل غرفه بالطبع اما لو الشركه مش هتوفرالسكن فهيكون أيجار سكن عازب غرفه وصاله ومطبخ فى حدود 10000 ريال فى السنه لو السكن مشترك هيكون فى حدود 500 ريال شهريا وهذه معلومات فى حالة طلبك بدل سكن مناسب الأنتقالات فى المملكه مفيش مواصلات عامه ألا باص صغير يأتى من حين لأخر على إستحياء ولا يمكن الإعتماد عليه ولذلك ستركب تاكسى وأقل مبلغ ستدفعه 20 ريال للمشوار الواحد ولذلك يمكنك حساب ما تحتاج من بدل الإنتقالات بعد سرد ما سبق وبدون إطاله أذا كان السكن مؤثث ومكيف والإنتقالات على الشركه فيمكن للفرد أن يحتاج إلى 1100- 1300 ريال شهريا أما أذا كان العكس فسيحتاج الفرد إلى 1800 – 2200 ريال شهريا ولذلك بعد بحث طويل مع كل الأفراد والأصدقاء أستطيع أن أضع تصور عقلانى للرواتب التى من المفترض إلا يأتى أحد من مصر أقل منها وأناشد أخوانى قدر المستطاع نشر هذه المعلومات نظراُ لأهميتها القصوى ملحوظه :- 1- كل الرواتب التى سأسردها لحديثى التخرج أو لخبره سنتان على الأكثر 2- الرواتب المذكوره بدون بدل سكن أو إنتقال 3- الرواتب المذكوره بدون تأمين صحى الرواتب الواقعيه والمفروض أن لا تقل عن ذلك المهندسين بمختلف مجالاتهم من 5500 – 7000 ريال سعودى المساحين بمختلف مجالاتهم من 4000 – 5000 ريال سعودى الصيادله بمختلف مجالاتهم من 4500 – 6000 ريال سعودى الأطباء بمختلف مجالاتهم من 5500 – 7000 ريال سعودى المدرسين بمختلف مجالاتهم من 3000 – 4000 ريال سعودى العماله بمختلف مجالاتهم من 2500 – 4000 ريال سعودى المحاسبين والسكرتاريه والمناديب بمختلف مجالاتهم من 3000 – 4000 ريال سعودى رواتب مضحكه من كثرة البكاء عليها وهى حقيقيه والأمثله كثيره محاسبين على 1200 ريال مهندسين على 1800 ريال أطباء على 2500 ريال مدرسين على 1500 ريال سائقين على 1100 ريال عماله على 700 ريال الأشياء اللازم توفيرها فى أى عقد لأى مهنه 1- لابد أن يحتوى العقد على شهر أجازه كل سنه مدفوع الأجر وشامل تذاكر الطيران ذهاب وإياب 2- لابد من توفير التأمين الصحى لك وللأسره 3- توجدة خدعه أسمها تقسيم قيمة الراتب إلى أساسى صغير جدا وبدلات ثم تفاجئ بخصم البدلات بعد القدوم لأى سبب 4- بعض الشركات تطلب دفع تذكرة القدوم وتوعد بدفع القيمه عند المجئ ولا تدفع بالطبع فيمكنك طلب التذكره وأنت فى مصر وبسهوله يتم إرسالها لك فى حالة جديتهم فى الطلب 5-مرفوض تماما السفر البرى من وإلى المملكه معلومات للعلم فقط وليس الحصره على المصريين 1- المهندس الهندى حديث التخرج يرفض القدوم أقل من 6000 ريال وتوفير كل شىء مشروح سابقا 2-المحاسبين الأردنين والفليسطينين والهنود لايأتو أقل من 3000 ريال وتوفير كل شىء مشروح سابقا 3-رواتب السورى واللبنانى والهندى والفلسطينى أكبر من المصرى والسبب فى المصرى نفسه لأنه أكثر كفاءه وعلم وتعليم منهم جميعا ولكن ينقصه البحث والحصول على المعلومات قبل إتخاذ القرار ولذلك أرجوا أن يستفيد كل من يقرأ هذا الملف ويرسله لأكبر عدد ممكن من المصريين فى كل مكان هذا هو الموضوع كما هو و ارجو من الاخوة عدم التدخين لما فيه من ضرر لك و لمن حولك و تبذير و احتمال حدوث حرائق اللهم بلغت اللهم فاشهد
    1 نقطة
  13. كل سنة و أنت طيب يا أبو يوسف و بإذن الله السنة الجاية تكون محقق كل آمالك على كل المستويات
    1 نقطة
  14. بصراحه حاجه تنرفز الإعلان اللى تحت عنوان شئون المحاورات كل ما افوت عليه بالماوس يرن افتكره جرس الباب,لا وموجوده أسفل الصفحه كمان. شوفوا لكم حل فى الست اللى بتطلع تشخط فيك دى كل ما تفوت بالماوس عليها, لأ وكدابه كمان تقولك yuo have mail وهو لا ميل ولا حاجه
    1 نقطة
  15. الخبر مطلعش صحيح ... لم يعترف الشيخ حازم وكان على قناة النهار ثم على قناة المحور ... وكذب كل الأوراق ... وقرر إنه سيذهب يوم الاثنين القادم للمحكمة وسيرى محمود سعد ما بيسره ..... http://www.youtube.com/watch?v=LgqbFRNVvIQ
    1 نقطة
  16. الله عليكي ياريهام وعلي مواضيعك الجامدة أكيد هأدور علي الكتاب لأني بأحب جدا النوع ده من الكتب بالنسبة لموضوع الرجالة العوانس أنا بصراحة بأستفز جدا جدا من المجتمع اللي بيقبل راجل رافض يتجوز وسنه كبير ومعندوش مشكلة خالص انه يتجوز في الوقت اللي هو عايزه وقت مايقرر ووقتها يطلب يتجوز من واحدة صغيرة ويرفض يتجوز من سنه والمجتمع بيقبل كده عادي وبيقولك حقه (بطوط بيشد في شعره). لكن أنا شخصيا شايفة إن سواء راجل او ست يتجوز في الوقت اللي هو عايزه مش شرط وقت معين المهم يكون الانسان مرتاح ومبسوط يعني عن تجربة شخصية حد اعرفه راجل اتجوز وهو عنده 45 كان رافض الجواز خالص لانه مش عايز يتجوز جواز تقليدي وعاوز يتجوز عن حب وفعلا صبر لغاية ماربنا رزقه باللي هو عايزه لكن مكانش رافض الجواز عشان رفض لتحمل المسئولية ولكن كان عايز حاجة معينة بيدور عليها ففي رأيي مش غلط المهم ان الواحد يأخد اللي هو عايزه سواء راجل أو بنت مش شرط التقيد بنظرة المجتمع ووقت محدد واشتراطات محددة
    1 نقطة
  17. ده ردي اللي بيوضح الفرق بين الدوله المحترمه و الغير محترمه القياس على مدى رقيها في تعاملها مع مواطنيها و عدالتها معهم اولا و اخيرا اما السياسة الخارجية او الحروب او العدوان فهو امر نسبي و قلنا مرارا ان دخول الاسلام لمصر يعده المسلمون فتحا و يعده غير المسلمون غزوا ...و ستبقى وجهات النظر و لن تتغير لذلك لا و لن يصلح القياس على سياسة الدولة الخارجية لتقرير ما اذا كانت محترمة ام لا القياس داخلي فقط و ده ردي الواضح على من يعتقد اننا نتجنى لمجرد طلبنا ابتعاد الدين عن السياسة في اول اختبار و اقصر اختبار و في ظروف كانوا فيها الاسلاميون اغلبية ظهرت عدة اكاذيب من اشخاص نحسبهم محترمين في الأصل هذا التعاقب في الكذب و التكرار في الكذب و في هذه الفترة القصيرة دلالاته واضحة عندي و عند من يؤيد نفس وجهة نظري من يريد ان يتغافل و يبرر لمجرد الدفاع عن قضية فهو حر و لكن تتابع الاحداث كما ذكرت لن يكون في صالح وجهة نظره و اخيرا من يعترض على اقامة الحكم الاسلامي (كما يتصوره الاسلاميون) هو (للمره المليون) اعتراض على فكر المطبق و الطريقة التي يريد التطبيق بها و ليس على الاسلام خاصة و انه لا يوجد على كوكب الارض نموذج واحد طبق او يطبق هذه الشريعة بطريقة سليمة و واضحة منذ قروووون عديدة اعتقد انك لو فكرت للحظه محل الطرف الاخر و رأيت انه لا يوجد مثال لتتفهم ماهية هذا النظام + و رأيت من يريد تطبيق هذا النظام المجهول ناس تميل للتشدد بشده او بدرجات متفاوتة...و غالبا بيكرهك... متهيألي من حقك ترفض طبعا ده رأي المسلمين المعتدلين الغير منتمين لفكر سياسي كالاخوان و السلفيين لسه فيه رأي ناس مسلمين كتير الدين مش كل حاجه بالنسبالها و ايمانكم و معتقدكم لا يعني لها اي شيئ و لسه فيه ناس كتير مش مسلمين و لسه فيه لادينيين اصلا مفيش داعي ندخل في جدل الأعداد و مين صح و مين غلط لأن كل دول مصريين و من حقهم يشاركوا في تقرير الطريقة التي سوف تحكم بها مصر زيكم بالضبط حاولوا تفكروا مكان الآخر بتجرد و حيادية و عدل قبل الرد دائما لمصلحة الحوار و مصلحة البلد تحياتي
    1 نقطة
  18. مع احترامى للدكتور علاء وانا عن نفسى من اشدج معجبيه ..... لكن انا بختلف معاه فى اننا نتحد مع الاخوان والتيار الدينى اللى خذلنا طوال الفترة اللى فاتت والاتهامات اللى قالها علينا ....... واللى تسبب فى ما وصلنا اليه اليوم . انا مش حنزل اى مظاهرة فيها اخوان ... مش حقبل عن نفسى انى اكون اداة يحركوها حسب مصالحهم .... مع احترامى يعنى هم الثوار دول شغالين عندهم ؟! لما يبقى فيه مصلحة يبقى عجلة الانتاج ومصلحة البلد والشرعية للبرلمان ؟! طيب وهو البرلمان راح فين دلوقتى؟؟ وبعدين ده انتوا اغلبية .. هو فيه اغلبية بتعمل مظاهرة ؟! . دلوقتى بقى لما تلاقى انك طلعت من المولد بلا حمص تقولنا نتوحد وننزل والثورة ومصر . طيب افرض نزلنا وحققنا المطالب ... ايه اللى يضمنلى انهم مايجروش فى احضان العسكرى تانى ويسيبونا لوحدنا تانى؟.
    1 نقطة
  19. الإحتِرَامْ لاَ يَدُل عَلَى حُب .. إنِمَا يَدُل عَلى حُسنْ التَربِيَة .. احتَرِمْ حَتَّى لَو لَمْ تُحِبْ
    1 نقطة
  20. المتكبر كالواقف علي قمة جبل ,يري الناس صغارا و يرونه صغيرا
    1 نقطة
  21. الخنصر - البنصر - الوسطى - السبابه بجانب بعضها . . إلا الابهام ~ بعيد عنها تعجبت عندما علمت أن ~ الأصابع ~ لاتستطيع صنع شي دون إبهامها البعيد جرب أن تكتب ... أو تغلق أزرار ثيابك فتأكد أنه ليست العبرة بكثره الأصحاب حولك إنما العبرة أكثرهم حباً ومنفعه لك حتى وإن كان بعيد
    1 نقطة
  22. الدين ما يدين به الفرد، لا ما يدين به الجمع الكواكبي
    1 نقطة
  23. إذا نزل مؤمن وكافر إلى البحر فلا ينجو إلا من تعلم السباحة ..فالله لا يحابى الجهلاء .. فالمؤمن الجاهل سيغرق والكافرالمتعلم سينجو .. مصطفي محمود .
    1 نقطة
  24. اتفضل انا بس مستغربة ازاي كابتشينو ويشرب موسي !!! :blink:
    1 نقطة
  25. "لقد وجدت في التاريخ مدن بلا حصون، ومدن بلا قصور، ومدن بلا مدارس، ولكن لم توجد أبدا مدن بلا معابد". المؤرخ الإغريقي بلوتارك
    1 نقطة
  26. كل سنة وانت طيب يا تيمور باشا طلعت أبريلى المولد كمان... يا محاسن الصدف ;)
    1 نقطة
  27. السلام عليكم اخى الفاضل اسد لو تابعت الموضوع لوجدت ان الخلاف هو على تلك الجمله التى تفضلت بذكرها هذا هو محل الخلاف الأن و ليس حازم او غيره و الهجوم على حازم ليس إلا تكئه لما أشرت اليه الاسلاميون كاذبون و لا يصلحون بناء على ذلك للسياسه و قذارتها او يقول المؤدب منهم مثلك السياسه بها الاعيب يجب تنزيه الدين منها اليست هذه هى العلمانيه القحه هذا هو محل الخلاف و هو موجود يا أسد من قبل البلكيمى و حازم بل و الثوره نفسها و خلفنا تاريخ عريض و مواضيع عن نفس المسار ..العلمانيه ام الاسلام .. اكرر لك و لكل الافاضل الاسلام دين شامل كامل متكامل انزله الله الينا ليحكم الدنيا هذا اصل من اصول الاعتقاد بل هو اعلاها و الادله من القرأن المحكم و السنه الصحيحه الموثقه موجوده و المجال اضيق من الاسهاب و لأن السياسه كما تفضلت بها الاعيب و اوساخ فنحن نريد الدين لينظفها و يقومها و هذا حقنا كأتباع لهذا الدين نؤمن به و نعتقده فلا تضيقوا علينا واسعا و بنفس القدر ليعتقد من شاء ما شاء لكن بدون الارهاب و القهر الذى عشناه سنين طويله تحت حكم كارهى الدين الممتده من الاشتراكيه و الرأسماليه و العلمانيه و الليبراليه و حتى اليوم .. اخى الفاضل قلناها من قبل و الله يحاسبنا على ذلك الامر ليس محله الدفاع عن او حمايه ابواسماعيل فموضوعه انتهى و تأييده كان فقط للرايه التى يرفعها و المنهج المعلن ..طلع كذاب ..طلع حرامى الامر ينسحب عليه وحده و يأتى غيره و الاصلح منه فارجوك و انت من المثقفين الذين احرص على متابعتهم بشده ان لا تختزل الامر فيه كما يفعل بعض الجهلاء الذين لا يحسنون قراءه الفاتحه اساسا و أخره يفهم له كلمتين من بتوع شعبان عبد الرحيم ..و إيييييييييه .. الامر يا اسد ..وطن ..مصر التى ولدنا عليها و يشهد الله بحبنا لها و ارادتنا الخير لها نختلف فى الاسلوب و الطريقه و لكن يجمعنا الحب و الاحترام المتبادل و ان لا ينكر علينا احد حبنا لديننا و رغبتنا تطبيقه كما اراد الله ووجهنا الى ذلك . تحياتى و احترامى
    1 نقطة
  28. يُحتم على عملى لِزاما ' ان احتفظ ببُصله داخل عقلى لتحديد الإتجاهات الأربعه " الأن اجدنى وكل بُصلاتى تشيرُ إليكِ لطفا : هلا رفعتِ جاذبيتكِ عنى قليلا ' حتى يتثنى لى القتات لكلينا " http://www.youtube.com/watch?v=aPQzUqyUUf8&feature=youtube_gdata_player
    1 نقطة
  29. صباح مشرق كدائما أمسك بفنجاني بكلتا يدي أشم عبير القهوة اللذيذة وارتشف منه باستمتاع و ابتسم للصباح كل الصباحات جميلة مهما كانت الليالي حالكة الظلام ♥
    1 نقطة
  30. كمان انور منسى و تغريد كناريا احببتها فى كل مراحل عمرى http://www.youtube.com/watch?v=x4T8AHmapB4&feature=related انا ايه بس طلعنى مهندسة بس كنت حتجنن لو مكنتش طلعت صراحة مكنتش شايفة نفسى غير كده حنكدب كان نفسى اطلع ...... بس اكيد مش فيها
    1 نقطة
  31. خد التهنئة من عبدالحليم شخصيا :wub: http://www.youtube.com/watch?v=6sRIEmnWxhg
    1 نقطة
  32. حب و ألم ما اجمل ان نشتكى من احببنا الى من احببنا http://www.youtube.com/watch?v=H-19kPL84e4 اخر مقطع فى الاغنية اكثر من رائع
    1 نقطة
  33. يا أستاذ : ريمون أنا أنا اللي بغبطك على معلوماتك اللي دائما يقينية وقطعيةومحترمة
    1 نقطة
  34. السلام عليكم و رحمة الله و بركاته الحقيقة عنوان التوبيك استفزني مش دفاعا عن زيارة المفتي اللي انا مقرتشي تفاصيلها و لا دفاعا عن التطبيع مع اسرائيل لكن اللي لفت نظري هو وجه المقارنة اللي حضرتك بتحطه و كان هناك تصفيق لطرف و توبيخ لطرف اخر هل التوبيك "غضب" من زيارة مفتي الديار لاسرائيل...؟؟ و لا هو رسالة شكر للبابا لموقفه من التطبيع...مع ان فيه ملايين الاقباط السنة دي قاموا باداء الحج غير متبعين في ذلك توجهات البابا نفسه و لا هو علشان نناقش دور "الرمز الديني" سواء مسلم او مسيحي في تجييش الاراء السياسية للعامة؟؟؟ كل التحية
    1 نقطة
  35. كان فى بنت جميلة صغيرة تاهتْ منى زمان كانت نسمة زى الفراشة بتعشق الالوان بقالى سنين ادوّر عليها من مكان لمكان اتاريها محبوسة فى سجن بلا عنوان فكرت ازورها واخدها فى حضنى لكن منعنى سجان بانى لها قصر زى الحصن بشباك ماله بيبان لمحتها منه تعيسة اسيرة للاحزان ندهت بأعلى صوتى يمكن أديها الامان رفضتْ تسمع ندايا قالت عنى ابعدى انتِ اللى كنتِ السبب لما تنازلتى عنى زمان حاولت أُبدى لها الاسف يمكن اعود انسان ردتْ ماعاد يفيد الندم بعد فوات الآوان
    1 نقطة
  36. وعلى فكره كمان انا مش بهاجم الحمير .. لانهم فعلا لما اختاروا البرسيم كانوا بيفهموا اكتر منى ومنك .. لانهم اختاروا الوجبه اللى تناسبهم وبتلبى احتياجاتهم الغذائيه .. ومش معقوله يعنى حنمشى رأينا عليهم .. حتى لو كانوا حمير .. الا بقى لو استخدمنا وسيله اخرى غير الديموقراطيه .. كالديكاتوريه .. والاستبداد .. او سياسة العصا والجزره .. او العصا لمن عصى ...وهذا كفر بالديموقراطيه .. لو يفقهون .. لو يدركون و يكون اللى عاوز يفرض عليهم كده ...هو إللى لا مؤاخذه ...إيييييييييييه .....صح :) ؟؟ الله عليك يا حوده لما تمخمخ :P
    1 نقطة
  37. منكم نستفيد يا افندم بس مش باتفرج على أفلام ، علشان كده دماغي لسه على بعضها أصلي من الجيل اللي كان بيقرأ كتب وبيسمع عبد الوهاب وام كلثوم لان ماكانش عندنا تليفزيونات ايامها. من الجيل اللي لم يسمع عن الدين الصحراوي القادم من شرق البحر الاحمر. من الجيل اللي كان عايش مبدأ الدين لله والوطن للجميع. من الجيل اللى كان يقرأ ويلخص بنفسه ولايعتمد على الملخصات الجاهزة ، علشان كده فهم هو قرأ ايه. من الجيل اللي ماكانش يعرف الكوبي والبيست تحياتي ما هوه الجيل ده اللي جابنا ورا مئات السنين....بدليل ان الخمسين او الستين سنة اللي فاتوا كان الفساد والفقر يزداد يوما بعد يوم..وبدليل ان كل القيادات التي فوق الستين والسبعين التي تتقلد المناصب الحالية والتي نعاني من وجودها وتسلطها هي من هذا الجيل الذي تتكلم عنه.... اللي كان بيسمع ام كلثوم ومكانش عنده تلفزيون.... والشباب الحالي شباب الثورة...هوه اللي خلصنا من الفساد..اللي اسسه وقام به هذا الجيل الذي تتكلم عنه فعلشان كده ياريت تتركواالشباب الملتزم او حتى الغير ملتزم من الاجيال الحالية هي التي تقرر مصيرها... شباب ملتزم ؟ ملتزم بإيه؟ ملتزم بحازم؟ والا ملتزم بالاعيب حازم؟ والا يمكن بكذب حازم؟ الالتزام دي حاجة كبيرة يا استاذ. الالتزام مش جلابية ودقن وحاجبين معقودين. الالتزام ده سلام وامن وامان وسماحة وغض بصر واماطة أذى عن الطريق وكلمة طيبة. الالتزام ليس كذب او مراوغة او لعب على مشاعر وعواطف الآخرين. الالتزام ليس تزوير واستغلال لحاجة الفقراء والبسطاء. الإلتزام هو عقول متفتحة محبة وليست كارهة ولا باغضة. الإلتزام هو إلتزام بالحق والعدل والقسطاس. أما عن الجيل اللي مش عاجبك، فدي وجهات نظر ولكنني أشفق عليك أن تكون بوصفك ذلك الجيل بانه جابك ورا أن تكون من المطففين تحياتي
    1 نقطة
  38. الي كل من يجزموا ويقطعوا ان حازم صلاح كــــــــــاذب كيف جئتم بهذه الثقة ؟ الا يخشي احد منكم ان يكون اتهامه ظلم ؟ الشرع يقول البينة علي من ادعي و اليمين علي من انكر اذا كان القضاء اقر ان الادلة لا يصح الاخذ بها و لا يلقي لها بالا و كثير جدا من القانونيين والمحامين قالوا ان هذه الاوراق ليست ذات قيمة ولا يعتد بها ففي هذه الحالة طالما لم تكتمل البينة ولم تثبت فعلي المدعي عليه ان يقسم و ها قد اقسم حازم صلاح امام القاضي ، وامام المشايخ بلفظ قاطع كما قال الشيخ مازن السرساوي فيكون رأي الشرع في هذه الحالة ان ذمته قد برئت فلا يحل لنا وصفه بالكاذب ، حتي لو اخذنا عليه عدم الوضوح او الاتيان بمستندات و علي من يتهمه بغير دليل قطعي ان يتحمل الوزر ان كان صادق
    1 نقطة
  39. طيب سؤال لإخواننا السلفيين والاخوانيين اللي شايلين يافطة الشريعة على رأسهم وزاعقين، سيبكوا من المسيحيين كام في الماية مين قال لكم ان المسلمين موافقين على الخزعبلات اللي في دماغكوا؟ انتوا مفكرين الناس اللي راحت انتخبت بازازة زيت وكيسين لحمة دول عارف هم انتخبوا مين؟ انتوا فاكرين انكوا اغلبية بحق وحقيقي؟ والا انتوا مفكرين انكوا فعلا حاملي لواء الدين وظهر منكم الكذابون والمنافقون والمدلسون والمزورون؟ اعرفوا حجمكم الحقيقي وبلاش غرور، وسيبكوا من أغلبية الشنط واكياس الارز، لانها اغلبية مزورة وليست حقيقية. أغلبية المصريين مسلمين ومسيحيي مع الاعتدال وليسوا مع تطرفكم. إرحمونا بقي ، طهقتونا وطلعتونا من هدومنا وخرجتونا عن شعورنا. اتكلموا عن مصر وعن دور مصر اللي عايزين تجروها لعصر الجاهلية. شوفوا العالم حواليكوا فين وانتوا فين مصرين ليه تفضلوا صحراويين وعايزين تجروا مصر ليه لثقافة مش بتاعتها. حتفضلوا عالة على العالم لحد امتى؟ انتوا خلاص مش بتشوفا العالم فيه ايه؟ ماهو موقعكم في الحضارة الحديثة؟ عالة على العالم؟ مستهلكين بس؟ لقمتكوا بتستوردوها، تليفوناتكوا بتستوردوها، عربياتكوا بتستوردوها، حتى برامج الكمبيوتر اللي قاعدين تسرقوها مش من انتاجكم، امتى حاتفوقوا؟ البترول إلى زوال، والدولارات الى زوال، حضرتوا ايه للمستقبل؟ خططكوا ايه للمستقبل؟ لحية ونقاب وخيمة؟ فوقوا يرحمكم الله. وسواء كان المسيحيين 5 مليون والا 2 مليون، فالرقم ده يعمل دولة أكبر من الدول اللي انتوا عايشين فيها، ويعمل دولة ناجحة كمان مش حيعيشوا عالة على العالم لان مش حايطلع لهم واحد يعد عليهم انفاسهم. فوقوا يرحمكم الله، واجعلوا الوطن للجميع، والايمان والاديان لله.
    1 نقطة
  40. خبر : مصر: لجنة انتخابات الرئاسة ترفض طعون سليمان وأبو إسماعيل ونور الحقيقه الوحيده المؤكده الآن و التي تظل هي الوحيده الواضحه بين عدة وقائع أخرى إختلفنا حولها و أصابتنا جميعاً بالحيره ما بين واثقون بصدق المرشح صاحب النصيب الأكبر من الجدل و الضجه و آخرون مكذبون له أو مشككون في كلامه .. ستظل الحقيقه القائمه الآن هي تلك المظلله باللون الأحمر في الإقتباس السابق و هي أنهم لم يقدموا أسباب حقيقيه لمنع إستبعادهم من سباق الترشح !!! و عن نفسي أصبحت أرى أن مع اقترابنا من نهاية الوقت المتاح لإثبات الحقيقه.. إن لم يكن قد إنتهى بالفعل ..فلم يعد هناك مبرراً على الإطلاق لإخفاء أدله أو إرجاء أدله أو التحفظ على أدله .. لا من طرف اللجنه و لا من طرف المرشجين و على رأسهم الشيخ حازم صلاح أبو إسماعيل ليس سراً أن جميع مؤيديه منذ البدايه و هم من كانوا يتمنون أن لا يخيب الله ظنهم به و أن يمكنه الله من إثبات حقه .. - و أنا واحدة من بينهم - ليس سراً أننا جميعاً كنا ننتظر اللحظه التي يخرج علينا الأستاذ حازم و هو الرجل الذي راهننا على صدقه جميعاً ليعرض جواز السفر المصري للسيده والدته عليها رحمة الله أو الجرين كارد ليقطع الشك باليقين على الجميع و كثيراً ما إلتمسنا الأعذار و قلنا ربما يؤجله بسبب كذا أو ربما يريد الإحتفاظ بحقه فيه ليعرضه وقت كذا.. أما الآن و قد تسلط سيف الوقت على الرقاب أصبحت -أنا على الأقل - أتساءل .. أين الخطوه الإيجابيه التي انتظرناها و متى ؟ بالنسبة لي لم يعد هناك معنى لأي إرجاء أو تأجيل فلا منطق في ذلك من الصعب أن أتقبل فكرة أنه تلاعب بكل من وثقوا به إلى هذا الحد .. وفي الوقت نفسه أعلم و أثق تمام الثقه أنه إن كان صادقاً فخصومه ليسوا بمن يستهان بهم .. و لكنه سيظل في إعتباري - في هذه الحاله - أنه أخفق في الطريقه التي تعامل بها مع الموقف إلى الآن فهي بكل أمانه - و بكل أسف - طريقه لا تتفق مع ذاك الفكر المبهر الذي رأيناه و توسمناه فيه و هو يتكلم عن خططه لمستقبل وطن كامل . لقد سار في طريق واحد بينما كان يتحتم عليه السير بطريقين معاً على التوازي برع في إظهار التواطؤ و التآمر و أثبت بوضوح الكثير من النقاط التي تؤكد أن هناك من يعمل في الخفاء للإيقاع به .. لكنه لم يكن على نفس القدر من التمكن في إثبات حقه و تبرأة ساحته بإختصار .. أنكر عدم أهليته و لم يثبت أهليته و لأن الواقع يخبرنا أنه قد نفذ من الوقت ما يصل بنا لمرحلة اللا عوده . فأعتقد - بكل حياديه - أننا وصلنا الآن إلى مرحله تجعل من الضروره -إن صَلُحَت نية الرجل - أن يتحول هدفه من إدراك سباق الترشح للرئاسه إلى تبرأة ساحته بالأدلة الدامغه و إسقاط الشبهات التي باتت تحوم حوله على كل حال فجميعنا ينتظر النهايه .. و أسأل الله أن ينتهي هذا الموقف على خير و أن لا يتطور إلى ما لا يقبله عاقل سواء مؤيد أو معارض
    1 نقطة
  41. وقع حصان أحد المزارعين في بئر وكانت جافة من المياه بدأ الحصان بالصهيل وأستمر لعدة ساعات كان المزارع وقتها يفكر بطريقة لإستعادة الحصان لم يستغرقه التفكير طويلا حتى أقنع نفسه بأن الحصان قد أصبح عجوزا وأن تكلفة إستخراجه توازي تكلفة شراء حصان جديد. نادى المزارع جيرانه لمساعدته في ردم البئر فيضرب عصفورين بحجر واحد دفن الحصان وردم البئر مجانا بمساعدة جيرانه بدأ الجميع بإستخدام المجارف والمعاول بجمع ...ال...تراب تمهيدا لإلقائه بالبئر أدرك الحصان ما قد صار الوضع إليه! وبدأ الجيران بردم البئر فجأة سكت صوت صهيل الحصان أستغرب الجميع وأقتربوا من حافة البئر لإستطلاع السبب في سكوت الحصان وجدوا أن الحصان كلما نزل عليه التراب هز ظهره فيسقط عنه التراب ثم يقف عليه وهكذا كلما رموا عليه التراب نفضه عن ظهره وأعتلاه ومع الوقت أستمر الناس بعملهم والحصان بالصعود وأخيرا قفز الحصان إلى خارج البئر!! وكذلك الحياة تلقي بأثقالها وأوجاعها عليك وكلما حاولت أن تنسى همومك فلن تنساك وكل مشكلة تواجهك تلقي بهمومها عليك ويجب أن تنفضها عن ظهرك حتى تتغلب عليها أنفضها جانبا وقف عليها وأستمر بذلك لتجد نفسك يوما في القمة لا تتوقف ولا تستسلم أبدا مهما شعرت أن الأخرين يريدون دفنك حيا !!
    1 نقطة
  42. تحميل صورتحميل صور تحميل صور
    1 نقطة
  43. طبعا انا بحاول اجيب حمامات تناسب مقاسات الشقق العادية و بعض الفيلات و بحاول قدر الامكان ابتعد عن التشطيبات المثيرة للجيب تحياتى
    1 نقطة
  44. اخي الحبيب انهي مشروع يستخدم G P S الجهاز غالي جدا ولو وجود مش حتلاقي الي يعرف فية كل بيشتغل بالتوتل والقطعة 300 متر الجهاز بيديك اربع نقط 100 جنية يبقة مش محتاج التوتل لان الاقتصاديات المشروع متستحملش التوتل لان لازم هناك مقابل مادي لاستخدام جهاز 75 الف جنية والجهاز مشكورا بيدليك 100جنية اربع نقط ممكن الاعمي يمشي عليهم والمهندس حيشتغل بدون اجر المهندس لة 5 شهادات كل شهرين وفية مواصلات وقت ضايع لاستخراج الشهادات والشهادة اقل من 500000 250 جنية والي فوق 450 جنية ورجاء من الجميع مطالبة اي شخص بتحليل السعر والافضل اعطاء مصنعيات فقط لضمان الشفافية اخوكم في الستلايت ابوكريم
    1 نقطة
×
×
  • أضف...