لوحة القادة

ممكن حضرتك تقرا الكلام اللي بالأحمر ده و تقولنا نفهم إيه و لكن ليس المشكلة فى الدستور ( يقين و ثقة بالدستور ) و لست واثقا" أن المشكلة فى الشريعة الإسلامية ( يعني تثق في الدستور و لا تثق في الشريعة الإسلامية لعدم معرفتك بها .. يعني الدستور عندك رقم واحد .. اتفقنا ) لا أعرف و لا أريد أن أعرف إن كانت الفتاوى الخاصة ببناء دور العبادة لهذه الفترات مكون أساسي للشريعة الإسلامية أو الدولة الإسلامية التى تكلمتم عن فهمكم لها ( نفي قاطع و تأكيد على عدم وجود معرفة) لكنها بديهيا" ليست مكونا" من مبادىء الشريعة المذكورة بالدستور المطلوب إحترامه و تبجيله كما تفضلتم ( منين حكمت بالبديهية و إنت أصلا لا تعرف و لا تريد ان تعرف ) أرجوك حدد لنا معيار للتفاهم و للحوار : الدين ام الدستور هل تتفق معي على أن مصر بلد مؤسسات و دستور و احترام للقانون وحماية حقوق المواطنة اللي هي تاج الدستور كما تقول .. أرجوك حدد موقفك مع او ضد هذا الكلام الحالة الأولى لماذا عندما صدر حكم عن القضاء ( الذي يحميه الدستور و يكفل استقلاله و ألزم جميع المواطنين بتنفيذ أحكامه ) ظهر قول مضاد للحكم القضائي يقول : بأنه لا أحد يُلزم الكنيسة ولا يرغمنا على تنفيذ شئ سوى تعاليم الإنجيل فقط وقواعد ديننا، وأن الكنيسة لها رأي واحد .. الحالة الثانية كيف يتم تنفيذ القانون على جميع دور العبادة للمسلمين بوضعها تحت الإشراف الأمني و داخل المساجد مخبرين و إمام المسجد متعين ومتراقب في كل كلمة و لو غلط في اسرائيل يتشد ، و الاعتكاف في المساجد بالبطاقة و موافقة جهات أمنية.. في نفس الوقت جميع الأديرة لا يخضع أي شخص أو نشاط داخلها لأي إشراف أمني .. و يتم التصريح أن طلب تفتيش الأديرة هو عمل غير عقلاني فهذه اماكن عبادة ما دور الأجهزة الأمنية فيها .. الحالة الثالثة كيف يتفق الجميع على ان ما حدث هو عمل همجي و غير مسئول ... ثم يكون التبرير إنهم تم استفزازهم و لم يراع أحد أنهم صعايدة .. فيه إيه ... ده كدة الصعيدي مايدخلشي الجيش بئى و على الله حد يستفزه و هو يكسر لينا الدنيا سبحان الله .. إحنا مش مختلفين على الموضوع و لا على الهدف (المواطنة كما تريد) إحنا بس عايزين نتفق على لغة للحوار .. هل الحوار على أساس كل واحد يحكم بعقيدته ؟؟ ( ياريييييييييييييييت ) ولا كلنا مواطنين زي بعض في هذا البلد يحكمنا نفس القانون و هذا الدستور ؟؟؟

سي السيد قال : رد زهيري : الفاضل زهيري .. مش تحترم ( دستور ) البلد الي غالبيتنا كمصريين عايشين فيه او على الاقل بننتمي ليه .. مش عاجبك او مضايقك قول شايف بضرورة تغييره او انا مع الي بيطالبوا بده .. لكن بالتاكيد وحتى يتغير القانون ـ ان تغير ـ فانت وغيرك ( مجبرين على احترامه ) خاصة و ( الدستور ) عند الناس المحترمه لازم يكون محترم بغض النظر وافق هواهم الشخصي او لم يوافق .. مهو اصل لو هنفصل ( دستور) على كل احتياجات ورغبات كل واحد لوحده فمش هتمشي .. اعتقد انك كده موافقني في كونها مش من اللياقة والذوق وصفك ( دستورنا ) بالـ( فشنك ) يازهيري باشا ..

الحادث كبير جدا ده اول مره الاقباط ردهم يكون عنف و تدمير المظاهرات حصلت قبل كده. لكن احداث شغب دى مؤشر خطير و استخدام العنف مش فى صالح اى حد فالعنف بيولد عنف و الكل سيكون خاسر لكن قصر الموضوع على انه اعمال عنف من قبل المسيحيين مش هو الحل برده الفيديو اللى الاستاذ هيرو نشره من بى بى سى بيوضح انها اعمال عنف متبادله بعد حوالى دقيقه فى الفيديو هتلاقى عساكر الامن المركزى واقفه فوق الكوبرى و بتحدف الناس بالطوب! (العمرانيه فيها اربع كنايس و 90 الف مسيحى(كل كنيسه عندها كشوف بالمسيحيين فى منطقتها و المسيحيين محتاجين كنايس تانيه فالطقوس و الصلوات المسيحيه لا تصح خارج الكنيسه الناس بقالها 10 سنين بتحاول تطلع ترخيص بناء كنيسه و غالبا الناس دى بتصلى فى المكان ده من زمان فى السر و اخيرا طلعوا ترخيص بنا لمبنى خدمى و بنوا في احد ادواره كنيسه الناس فرحانه و مصدقت البنا بدا و الشباب و الستات و العواجيز كله بيشارك فى البنا و لقوا ان المحافظه امرت بوقف البنا و بعد كده الامن تدخل لفرض وقف البنا الناس اعتصمت و قرروا يستمروا فى البنا حتى و لو على رقبتهم الامن قرر فض الاعتصام و اخلاء المبنى ووقعت المصامدات اللى حصل دليل على عدم ثقه المواطنين فى الدوله فهم لو كانوا عارفين انهم ممكن يبنوا كنيستهم بالقانون مكنوش لجئوا للتحايل عليه و لو كانوا عارفين ان المشكله ممكن تتحل مكانوش اعتصموا الحل هو اصدار القانون الموحد لبناء دور العباده يا إلا يبقى فعلا فيه ناس مش عاوزه كنايس تتبنى هتقوللى مهو ديننا بيقول كده زى ما الاستاذ شريف مان قال اقولك دينك تطبقه على نفسك و على و لادك مش عليا فانا مصرى و من حقى اصلى فى بلدى و للاسف لو المسيحيين مخدوش حقهم فى العباده هتتكرر احداث مؤسفه و مخزيه زى دى فالظلم و حش رد فعل المسيحيين كان همجى و لا يمثل رأى المسيحيه لكنه كان رد فعل بشرى على شعور بالظلم الناس حست انهم مش هيخدوا حقهم فى بنا كنيسه بالذوق فقرروا يخدوه بالعافيه الجيزه اول محافظات الصعيد. فالجيزاويه صعايده بعض الاعضاء اعادوا ذكر موضوع ان المسلميين ضيوف فى مصر اعتقد ان رد البابا على الموضوع ده فى لقائه المسجل مع المناوى كان اكتر من كافى البابا قال ان الكلام ده غلط و انه مستعد انه يقول ان المسيحيين ضيوف على اخوتهم المسلميين

أستاذ شريف قبل ما ارد على حضرتك عايزة حضرتك تتخيل نبينا الكريم صلوات الله و سلامه عليه قرأ المداخلة دي تفتكر حيديها تقييم إيجابي؟؟؟ ما تجاوبنيش جاوب لنفسك و سمعها ردك و تذكر ما قلته http://www.egyptiantalks.org/invb/index.php?showtopic=112044&st=0&p=652361entry652361 قبل ذلك

الفاضل / jonathan معلش أنا لما قرأت ردك وبالذات الجزء المظلل بالأحمر تذكرت نكتة طلعت ييجى من عشرين سنة ، النكتة تقول أن علاء إبن الرئيس كان عنده شقتين عايز يفتحهم على بعض ، واحدة فى مصر الجديدة والثانية فى أكتوبر ، فطلب من ابيه ان يتوسط له عند وزير الإسكان أنه يلبى له طلبه. يا أخى الفاضل مش منطقى أبدا الكلام اللى حضرتك بتحاول تبرر به وضع اليد ، مش معقول يكون عندى 20 راهب فى الدير وكل راهب منهم عايز ينقطع عن الدنيا يقوم لما يختار مغارة فى الجبل يتعبد فيها نقوم نوسع سور الدير علشان يحوط على كل القلايات والمغارات اللى حيقعد فيها الرهبان. وبعدين أنا ياسيدى رأيت الرهبان يركبون احدث موديلات السيارات يقودونها بأنفسهم وليست مجرد توصيلة. الرهبان اللى كانوا بيهربوا من الدنيا ومافيها كانوا زمان ، أيام الإضطهاد ، قبل مايعرفوا السيارات والموبيلات وكان كل اللى ممكن الراهب يحتكم عليه حمار ومعزة ، لكن رهبان هذه الأيام اصبحوا رهبان مودرن ، وزاد عليهم " موضوع وضع اليد ". وقد يفسر هذا قولك ان هناك زيادة فى أعداد من يريدون الدخول فى الرهبنة. ممكن حضرتك تقول لى فى أى دولة فى العالم يقوم الرهبان بإقتطاع مساحات شاسعة من الأراضى ليست مملوكة لهم لبناء اديرة اشبه بالمنتجعات ، الفاتيكان نفسه لايوجد به مانراه فى بعض الأديرة المصرية المخصصة للإنقطاع عن الدنيا والتعبد فقط.

ومن آداب التواصل: أن ترسل هذاالكلام لمن تحب حتى لوأضطررت لإعادته لمن أرسله إليك ليتم التواصل دونما انقطاع محبكم في الله

الفاضل ريمو .. اتمنى لما تتكلم عن دين يعتنقه الغالبية العظمى من الاعضاء ان كلامك يكون باحترام اكتر من كده .. انا اسف اننى زعلت حضرتك فانا بحترم كل الاديان و ارفض الاستهزاء بائ دين حتى ولو مصرى واحد بيدين بالدين ده و انا مش شايف قله احترام فى كلامى فمفتكرش حضرتك تقبلى اننى اطبق تعاليم دين تانى على حضرتك خصوصا لو بتمنعك من بناء دور عبادتك فمن الطبيعى اننى ارفض تطبيق تعاليم دين تانى عليا خصوصا لو التعاليم دى بتحرمنى من بناء دور عبادتى اللى مبيحترمش الاسلام فعلا هو اللى بينسب تعاليم ميقبالهاش عقل و لا ضمير للاسلام ****************** ****************** انا مصرى ابن مصرى و امريكا مش مامتى و لا اسرائيل خالتى ووالدى خدم فى الجيش المصرى 6 سنين من عز شبابه و حارب فى 73 و دخل سينا و حررها و كان من اخر مجموعه تترك موقعها فى الثغرة بعد ما تحاصرنا و الذخيره نفذت و البلد دى بلدى و ليا حق فيها و عليها. زيي زى اي مصرى تانى

من اداب الزواج ... تزوج من تجيد المحادثة بالمنطق ؟؟ ليه .. هو فيه بالجنس البينكي حاجة اسمها منطق ؟ يدرسوها بالمقرر زينا حاجة اسمها منطق ؟ يا راجل منطق مين .. منطق وانثى لا يجتمعان smk: وانيس منصور يقول عبارة اعجبتني كثيرا .. خلقت المرأة لنحبها .. لا لنفهمها يعني يا عمي نفض عقلك بس من حكاية منطق وتفاهم .. فيه حب آه .. فيه مودة ورحمة آه .. فيه اعجاب متبادل وهيام وعشق آه .. انما تفاهم ومنطق ..؟؟ .. ما اعطلكشي و مسائكم ورد

المقال التالي لنوارة نجم مقال ينظر للأمور بدون تعصب مسيحي أو إسلامي و لكن لي ملاحظتين و هما : 1) كتبت نوارة نجم :إن الحدث لا يدخل في نطاق الفتنة الطائفية فهو مواجهة بين بعض المسيحيين و قوات الأمن هذا ما كان في البداية .. و لكن للأسف الموضوع تحول بقدرة قادر إلى مساجلات و مناقشات طائفية مما يعني أن الحكومة لعبتها صح .. و نفذنا نحن المصريون السيناريو المرسوم لنا بحذافيره 2) كتبت أن الأمن أفرط في إستخدام القوة و هناك قولين في ذلك : الأول أن الأمن هو الذي بدأ بضرب المعتصمين في الكنيسة و الثاني أن المتظاهرين هم الذين بدأوا برشق الحجارة على قوات الأمن ولا أعتقد أن أحدًا سيصل للحقيقة .. لأن كلا من الطرفين سيتبنى وجهة النظر التي تخدم فريقه .. و لن يقول الحقيقة فلا أرى داعي لمحاولة البحث وراء الباديء .. لأننا لن نعرف أبدًا تروللي التغيير - نوارة نجم - جريدة الدستور الإلكترونية

يبقى أقرأي الدستور المصري مره أخرى ... لإن يبدو إنك لم تنظري إليه ولو على سبيل المعرفة وإليكي المادة الثانية من الدستور : (المادة 2) الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسي للتشريع . حقيقة لا أعلم حكم بناء الكنائس الجديدة في الإسلام .. لكن لو الإسلام قال لا يجوز بناء كنائس جديدة .. يبقى هايُطبق ذلك علي وعليكي وعلى اولادك ... ده على اساس إنك مصرية وعايشة في بلد إسلامي وبالتالي أنتي تحت طائلة القانون مهما كان شأنك أو جنسك أو دينك ... وهذا شيء بديهي لو الدستور قال ماينفعش نبنيلهم كنايس في مصر علشان مصر دوله مسلمه و انتو مسيحيين.... يبقى دستور فشنك و بيعامل الناس حسب معتقداتهم مش حسب جنسيتهم اللي شايف انه لازم يحصل: اولا لازم عدد المسيحيين يكون معروف بشكل رسمي علني محايد دقيق و متفق عليه من الجميع (دوله و كنيسه و رأي عام) ثانيا يتم دراسة الكثافة السكانية لهذا العدد من المسيحيين مقابل توزيع عدد الكنائس الموجود في مصر للوصول الى هل يتم زيادة عدد الكنائس أم لا ثالثا يتم توحيد طرق التعامل مع اصدار تصاريح بناء دور العبادة للجميع (مسلمين و مسيحيين) حيث ان اهدار المال العام او الخاص في تكديس دور عباده جديده لا ضرورة لها هو امر مضر و من باب اولى توجيه هذا النقد المنفق بدون داعي الى بناء المدارس و المستشفيات و التي يعتبر عددها غير مناسبا لعدد السكان الحالي بكل تأكيد

السلام عليكم ورحمه الله وبركاته هناك فارق بين المشاعر النبيله من حب وجوار وشراكه فى الوطن وبين قواعد التوحيد الراسخه التى لا تخضع لمشاعرنا الشخصيه ولا لارادتنا ولا لاراده من هو افضل منا اوليس صلى الله عليه وسلم كان يحب عمه حبا جما وكان يقول له :قلها يا عم اشفع لك بها عند الله مجرد انه ينطق بالكلمه فرفض ان ينطق بها وقال انا على مله عبد المطلب ومات على ذلك مع ان ابو طالب عم الرسول صلى الله عليه وسلم : نصر الدين وحمى الرسول بل ورباه صلى الله عليه وسلم مع اولاده يعنى فعل للاسلام ما لم يفعله كثير من المسلمين ولكن لانه لم يقل كلمه التوحيد .. خلد فى النار وكان من اصحاب الجحيم خالدا مخلدا فيها لايخرج منها الموضوع مش بكم الاعمال الفاضله التى يفعلها الانسان ولكن يأتى قبل الافعال اليقين والايمان ولا ايمان لكافر نقطه اخرى : نحن نؤمن ايمانا لا التباس فيه ان من مات على غير مله الاسلام هو من اهل النار خالدا مخلدا فيها مهما فعل ومهما قال ولكن لانخصص بذلك المعين يعنى هذا الحكم عام ولا يخصص يعنى ايه لو مات جار لى مسيحى او غير ذلك لايجوز لى ان اقول هذا عنه انه فى النار او ان الله لن يغفر له ابدا لماذا لان الله اعلم بحاله هنا يختلف الحكم ونترك الحكم لله سبحانه وتعالى هذا اتفاق بين العلماء انه لايجوز لعن المعين او الحكم عليه بجنه او بنار الا بدليل واضح وصريح من الكتاب او من السنه

يا جماعه كيبك لو سمحتوا عندى ملاحظة الدكتور الفاضل ايهاب لفت نظرى ليها يا جماعة التوبيك ده فيه مصريين يعنى مسلمين و مسيحيين يبقى ياريت نخلى الشهداء و القديسين و الصحابة و غيرهم من الناس الافاضل بالكنيسة و الجامع مكانهم ليس هنا و ياريت نكتفى بالصلاه للإخوة المسيحيين و الدعاء للأخوة المسلمين اما بقى نسمى الليستة مش عارف ايه ده خارج حدود موضوعنا اننا نبحث على الهجرة و ليس لنشر دين معين او ثقافة معينة ثانيا لو سمحتم اللى عنده معلومه وواثق منها بنسبة 100% يكتبها و يكون مصدرها موثوق به ( الموقع الرسمى لكيبك مثلا ) اما لو الثقة دى عبارة عن 99.9 % فيحتفظ بها لنفسة لانى لاحظت فى الفترة الاخيرة بعض الاشخاص يكتبون اشياء عارية تماما من الصحة و بطريقة تؤكد معلومته كأنه من العاملين بالسفارة هذا كلام عام جدا انا لا اقصد شخص بعينه و لكنى اقول الكلام لنفسى قبل ان انشرة بالمنتدى سامحونى لو اخطأت فى حق اى شخص هنا

طب المسيحي يا مهندسة لا تجوز عليه الرحمة يعنى لو كان مات مسيحي نقول الله يلعنه مثلا بدل الله يرحمه بمعنى تانى لو مات احد اقاربي لا قدر الله وفتحت توبيك هنا فى المحاورات اعلن االخبر هل افهم من كدا مفيش اى حد حيدخل يقولى الله يرحمه والباقية فى حياتك ؟؟؟؟؟؟؟؟ مجرد استفهام بس مش اكتر لان الجملة ضايقتنى شوية وعتاب الاحباب مش عيب او جايز يا جماعة عندى جهل فى بعض الامور لان معلوماتى بتقول الرحمة تجوز على جميع البشر وربنا يرحم الجميع ويرحمنا برحمته فى انتظار الرد يا مهندستى اغابي بعد إذن المهندسة لو تسمحلى بالرد دعينا نتفق اولا ان لكل منا دين يتبعه انا كمسلم اتبع دين الاسلام في تعاليمه وانتى كمسيحية تتبعي الديانة المسيحية وتعاليمها , وهذا لا يتعارض ابدا في احترام كل منا للآخر انت تنظرين لى ككافر بدينك ,واننى لن ادخل الجنة طالما لم اؤمن بيسوع المسيح وتعاليمه وهذا شئ طبيعي ومنطقي وانا نفس الشئ انظر اليك ككافرة بدينى ولن تدخلى الجنة طالما لم تؤمنى بالله الواحد الأحد ومحمد رسول الله صلي الله عليه وسلم وهذا ايضاً طبيعي لذلك فالدين الإسلامي الحنيف يأمرنا بعدم الترحم على اى شخص كافر به , فقد قال الله تعالي في كتابه الكريم { مَا كَانَ لِلنَّبِيِّ وَالَّذِينَ آمَنُواْ أَن يَسْتَغْفِرُواْ لِلْمُشْرِكِينَ وَلَوْ كَانُواْ أُوْلِي قُرْبَى مِن بَعْدِ مَاتَبَيَّنَ لَهُمْ أَنَّهُمْ أَصْحَابُ الْجَحِيمِ }. (113) سورة التوبة. وده مش عيب دي تعاليم دين وامر لنا من الله عز وجل نتبعه, ولو انتى نظرتى لها انها تعاليم دين ونحن نتبعها مش هتزعلى. المسيحي او اى شخص كافر بدين الإسلام ما نقلش الله يلعنه لكن نقول الله يهديه وينور بصيرته لو عايش ولو مات انا مش مطالب كمسلم بالترحم عليه ولا المسيحي مطالب انه يترحم على اى مسلم مات. ولو لاقدر الله حد توفي ليكى وفتحتى توبك في المحاورات لإعلان هذا الخبر فبكل تأكيد سندخل ونقول لكى صبرك الله وشدي حيلك وهداكى الله. مع تحياتي

الحقيقة أنا مش فاهم إحنا بنتناقش على أيه إللي حصل ملوش أي تسمية أخرى إسمه فوضى .. وبلطجة .. وإجرام .. مش معقول كل واحد عايز حاجة .. حتى لو كانت حقه .. إنه يعملها .. حتى لو بالقوة .. القوة هي فقط من حق السلطة .. ويجب إستخدامها بحق .. وحزم .. وبدون تهاون .. وإلا أصبحت فوضى .. هذا ما جناه المصريين على أمتهم .. بعد أن زرعوا التشكيك في كل مؤسسات الدولة .. المسلمين .. والمسيحيين .. كليهما قام بفعل ذلك .. وبمنتهى الوضوح وقد كتبت وكتب العديد من الأخوة من قبل .. محذرين من هذا التشكيك المستمر عمال على بطال في السلطة المصرية .. مهما اختلفنا معها .. فاليوم نحن في حاجتها لضبط الدولة وأمنها .. أما حكاية صعايدة .. وإن دول شباب متطوع .. وإنهم غضبوا .. وكل الكلام ده .. هو كلام فارغ .. وتضييع للوقت .. ولي للحقائق .. واضح أن المصريين أصبحوا غارقين في العنف والتخلف الفكري .. سواء كانوا مسلمين أو مسيحيين .. وأصبحنا متطرفين جداً .... في تفكيرنا وأفعالنا .. وتصرفاتنا .. يجب أن تكون للدولة المصرية مواقف قوية وحازمة .. ورادعة لعدم تكرار ماحدث

صبحي رجب الصعيدي أصغر مرشح فى مصر الوكيل الاعلامي - كوافير قصاقيص - توريل !!!!!

على فكره انا بعت الورق يوم 21/6 ووصل سوريا يوم 24/6 و لم يصلنى اى جواب منهم حتى الان بس انا بعتلهم 3 فاكسات ردوا على بالجواب اللى مفروض انه اتبعتلى بان تم فتح ملف لى بتاريخ 2/8 و على قكره بيردوا ع الفاكس بعد حوالى من 10 ايام لاسبوعين و الكلام ده كان فى اخر شهر 9 يعنى بعد 3 شهور من التقديم ملحوظه هما ردوا على بعد اول فاكس لان الفاكسين التانين كان فى خلال يومين من ارسالهم الفاكس لان كل مره كنت اجى استقبل الفاكس مكنتش بستقبله معرفش كان فى مشكله عندى و لاعندهم كل مره يبعتوه ميوصلش اقوم ابعت اقولهم انهم حاولو يبعتولى بس انا لم استلمه لحد ما بعتولى و استلمته اختى ملفها و صل سوريا 19/6 لم يردوا علينا حتى الان بس هانبعتلهم فاكس الاسبوع ده ممكن اعرف لو سمحت صيغة فاكس الأستعجال علشان محتاجها وشكراااا دة الصيغة الي بعتها لواحد صاحبي الفايل نمبر اتاخر علية Mon nom est xxxxx yyyyy du Egypte , et j'ai envoyé mon dossier le dd/mm/2010 et jusqu'à pressent je n'ai pas reçu le numéro Du dossier et je veux savoir si vous avez ouvrir l'enveloppe et si dossier a pris un numéro veuillez m'envoyer une lettre de ces renseignements a mon E-mail ou par fax Numéro de fax 002 02 2xxxxxxx وهتحط مكان xxxxx اسم العائلة ومكان yyyyyy اسمك الاول زي ماانت كاتب في الملف اللي بعتة

تحية خاصة جدا مني لوالد حضرتك بس الله يكرمك اتصرف في موضوع اسمك دا عشان عملنا ازمة النهاردة

أشكرك أختى مصرية متغربة على الموضوع الشيق و رغم إننى جديدة بالمنتدى إلا أن أغلب موضوعاتك لفتت إنتباهى فأحببت أن أشارك بها فى الحقيقة لقد كان لي تجارب كثيرة فى قوة الإعتقاد لكننى قسمتها إلى مرحلتين المرحلة الأولي و كانت قبل معرفتى العلمية بها و و أتذكر منها حدث إيجابى و هو يقينى بأن الله سيرزقنى بولد عند زواجي و بالفعل رزقنى الله به بعد زواجى ، و كذلك كان لدى يقين بإننى لن أعيش فى بلدة مولدى و تعددت الأسباب التى حملتنى للمكان الذى أحببته و رغبت السكن به دون أى تدخل مادى منى و لم يكن يخطر على بال أى ممن كانوا قريبين منى لبعده الشديد. و كان ذلك كله قبل معرفتى بقوة الإعتقاد العام الماضى سمحت لى الظروف لحضور عدة محاضرات لدكتور ابراهيم الفقى و مدرب اخر لا أتذكر إسمه لكنه وفر لنا فيلم السر و كذلك الكتاب ، و وضع لنا خطوط عريضة للمشاعر الإيجابية فعلمت إبنى كيفية صنع Vision board أو كما سميتها له ( أهداف العام الجديد ) ووضع بها كل ما تمناه و علمته كيف يصنع مواقف إيجابية تضيف له فى حياته و بالفعل حققت أهداف فى حياتى المهنية بإستخدام كامل طاقتى الإيجابية فى العمل فتوالت على خطابات الشكر لكن للأسف أصابنى مرض شديد كان يفقدنى الوعى و كان الجميع بالمستشفى يؤكد إنه قد أنتهى الأمر و لو شفيت فلن أستطيع مزاولة عملي مرة ثانية لكننى لم أنسى كل الطاقات الإيجابية التى حملتها معى قبل المرض فكنت أشعر ثمه خيط رفيع مازال يربطنى بالحياة و لم يصدق الجميع عودتى لمنزلى و لعملى من جديد حتى الطبيب المعالج فوجدت مسؤل الموارد البشرية يخبرني أن الشركة رتبت أوراقها إننى لن أعود للعمل ، فشعرت برغبة قوية لو كان هو ذلك الشخص الذى سيرحل ، و مر الأسبوع لتقيله الشركة و لم أراه مرة أخري. و مؤخراُ كنت فى أجازة و قررت أن أسأل على حساب إدخار لى لدى شركتى لم أسمع عنه شىء منذ فترة طويلة فذهبت فى اليوم التالي للمسؤل لأجده يسألنى كيف علمت بوجود إسمى فى كشف أرباح الإدخار ؟؟ فأخبرته إنه الله - عندما قرأت توقيعك أختى مصرية متغربة ( ما تشعر به تجاه الأخرين .. حتما سيعود إليك مرة أخرى و بنفس القوة ) علمت إنك من مؤمنين قوة الإعتقاد ...

احترت كثيرا فى مدخل لهذا الموضوع وبما انى اعتبر القلم كالسيف - حينما تكون الكلمة قوية فالافكار كثيرة والاقلام ايضا كثيرة والمحترمة منها قليلة وكل قلم يعبر عن انماط ومناهج اصحابها فعلى سبيل المثال هناك قلم مفرح وهناك قلم جرىء وهناك قلم محير وهناك قلم مشاكس وهناك قلم هادىء وهناك قلم متحامل ويوجد عندى نماذج اقرؤها لكثير من الاقلام ولكل قلم معنى وفكر اعتبر نفسي احيانا ممن يحكمون على ظاهر الكلمات واحيانا اخرى افهم العمق وما يبطنه المعنى ولكن انا استفساري فى هذا الموضوع للاستفسار فقط عن متى يصمت القلم ؟؟ ومتى ينكسر خاصا اذا كان من الاقلام الحرة يتبع

جزاكم الله خيرا على الموضوع يا ريت تبقى فيه برامج كثيييييييييييييييييييير كده.. يمكن تعدل الكفة شوية و يا سلام لو يعملوا نسخة للأطفال

كل دا جميل جدا و مش هناقشك فيه رغم انه فيه حاجات تستلزم دا لكن بفرض ان كل الى حضرتك بتقوله صحيح يبقى الاسلوب الوحيد لزياده الارض للدير هى الطرق القانونيه استاذى الفاضل لما انسان عادى يلجا لوضع اليد للحصول على ارض بيبقى مجرد مخطا لكن لما رجال الدين يكون دا اسلوبهم فاسمحلى دا ملوش تبرير اساسا رجال دين لا يلتزمزن بالدين رجال دين يتحايلوا ما اسم هذا سيدى الفاضل و اعتقد انه بديهى حضرتك فاهم ان البلدوزورات مكنتش عايزه تهدم السور علشان تخليهم يناموا فى العراء لكن علشان هو مبنى فى ارض مش ارضهم متاخده عافيه لكن طبعا لو بنو الف سور مش سور واحد على ارضهم القانونيه محدش هيقولهم حاجه حتته بقى الارض الدوله مستغلاها و لا لا دى مش مشكلتنا الى عايز ارض بياخدها بالطرق القانونيه بغض النظر بقى صاحبها محتاجها و لا لا

ده فيديو للمبتكر المصري عبد الله ابو زيد يتحدث عن مشروعه , بالتوفيق لكل الأخوة العرب http://www.youtube.com/watch?v=vat_TTybmzg&feature=player_embedded مع تحياتي

يصمت حينما يتحدث الجهلاء وينطق السفهاء وينكسر حين لا ينتصر لدين الله وسنة نبيه صلي الله عليه وسلم مع تحياتي

ربنا يخليك يا اخ هاني بس صدقني انا واحد من الناس بتمني الوضع يتحسن بس في ناس كتير بتفتكر ان اللي احنا بنقولة دة اننا بنغزي العين ونصيحة لاي واحد عايز يجي وبيقول حتتعدل مفيش حاجة بتتعدل ----- واي حد بيفكر انة حيلاقي حاجة احسن دة حلم انا كنت فاكر كدة بردة وبالرغم اني عندي علاقات بس بردة مفيش فايدة والحمد لله علي كل حال

انا للأسف معنديش الهواية دي , دائما وابدا عندي حب التغيير , حب التغيير في كل حاجة واى حاجة لكن والدي ربنا يديله الصحة والعافية بيحب الهواية دي جدا من صغره وعامل خزنه في المكتبه فيها كل ذكرياته وذكرياتنا احنا كمان معاه فكرتونى باول مرة افتح فيها الخزنة دي اثناء سفره وانا في الثانوية وبعد محايله ودلع لوالدتى علشان تدينى المفتاح وبعد موافقتها طبعا فتحت الخزنة واطلعت على كل اللى فيها لقيت حاجات كثيررررررر قوي جميلة منها مثلا لقيته عامل البوم صور كامل ليه هو شخصياً من اول ما كان في الإبتدائية لحد الجامعة وكل صورة كاتب تحتها اتصورت فين وايه ظروفها ومين اللى معاه فيها من اليمين للشمال وصوره هو وجدي وجدتى لقيت البوم تانى فيه صور طفولة العبد لله واخواته جميعا واحنا صغيرين , منهم صورة لى وانا عندي سنتين وواقف على كرسي الانتريه ورافع ايدي الاثنين ومبتسم للحياة مش عارف ليه , ومنهم واحدة وانا برضه وانا عندي سنتين وماسك قرص طعمية باكله ( فقر من يومي )smk: اجمل حاجة لقتها في الخزنة حوالى 15 اجندة بداية من سنة 1975 الى سنة 1990 , مرتبين جدا ولما مسكت اجندة سنة 1981 اللى اتولدت فيها لقيت ان والدى كان عنده هواية كتابة مذكراته يوم بيوم , احتفظت بالاجندة دي لمدة اسبوع كامل وسبت المذاكرة وقعدت اقرا كل حاجة كتبها في السنة دي وتخيلوا بقي لما وصلت لليوم اللى اتولدت فيه ولقيته كاتب تفاصيل الولادة بدقة وايه اللى حصل في اليوم ده كاملا وراح مستشفي ايه وكيف تمت عملية الولادة ومين اللى راح معاه , كل حاجة بالساعة والدقيقة الأغرب بقي انه لقيته كاتب في الاجندة كالتالى ( وقد شرف اببنا الغالي ..... ) وكاتب اسم تانى غير اسمى , فجريت على والدتى اقولها مين ده , قالتلى هو كان مسميك كده في الاول بس الدكتور بعدها اصر على تسميتك على اسمه هو لانك اول ولد يتولد على ايده من ساعة ما اتخرج , ووالدك وافق بالعافية, وفعلا بعد ما قلبت كام صفحة لقيته كاتب الكلام اللى قالته والدتى وتضحكوا بقي وهو في الصفحة اللى بعدها كاتب مين اللى جه نقط وفلان جاب ايه وفلان نقط بربع جنيه وعلان نقط بنص جنيه ومش عارف مين جابت دستة جاتوه ومين جابت كام كيلو سكر وكام فرخة, بقيت قاعد ميت على نفسي من الضحك:D ولقيت ايه تانى يا واد يا نايتى حاجة برضه اسعدتنى جدا , كل شهاداتى الدراسية في الإبتدائية لقيته محتفظ بيها حتى تقارير المعلمين عنى ومحتفظ لي بكراسة الرسم بتاعتى وانا في اولى ابتدائي , بصراحة حاجة تحفة فكرتوني باجمل ذكريات وربنا يبارك في الحاج ويديله الصحة انه لسه الى الآن محتفظ بكل الحاجات دي. مع تحياتي

و ميزة اللاعيبة المصريين كمان ،، إنهم بيفشلوا في الإحتراف ،،، فهتبيعهم بمبالغ أد كده ،، و بعدين يرجعولك ببلاش !!!!

الأفاضل ..... سى السيد .... شريف .... ضحى المادة الثانية من الدستور ....المذكور فيها المبادىء و ليست الشريعة نفسها و هى المصدر الرئيسى و ليس الوحيد و تحت ليس الوحيد مليون خط و حيث بالرغم من ذلك ما لبثت هذه المادة ملتبسة للغاية عند البعض زى ما جاء برددودكم لذا جاءت المادة الأولى لترسخ مبدأ المواطنة كتاج للدستور الدستور فى هذه الأمور .... أمور العقيدة .... يعتبر متقدم و به مواد ممتازة و لكن ليس المشكلة فى الدستور و لست واثقا" أن المشكلة فى الشريعة الإسلامية حيث ماجاء من براهين أ. شريف يخص عصور الولايات الإسلامية و الخلفاء و ليس من القرآن و السنة لا أعرف و لا أريد أن أعرف إن كانت الفتاوى الخاصة ببناء دور العبادة لهذه الفترات مكون أساسي للشريعة الإسلامية أو الدولة الإسلامية التى تكلمتم عن فهمكم لها .... لكنها بديهيا" ليست مكونا" من مبادىء الشريعة المذكورة بالدستور المطلوب إحترامه و تبجيله كما تفضلتم و مع إحترامى لكل هذه الإختلافات فيكفينى لحسم هذا الأمر ما قلته فى أول ستة سطور أعلاه

السلام عليكم و رحمة الله و بركاته استاذ مارو حالة الرضا اللي حضرتك ودتنا ليه دي تستحق التوقف امامها طويلا كل حد فينا في الدنيا لو شاف رجع بالشريط لورا...هيلاقي ان ربنا اداله زي ما حضرتك قولت اضعاف ما فيوم تخيل لنفسه تحياتي استاذي سؤال صحيح يا تري هتخلي عمر....اللي عاوج الطاقية في الصورة دوت...هو كمان هيمشي علي نفس الخطوات....و لا هتخليه يشق طريقه في الدنيا ازاي؟؟؟ الفاضلة لماضة شكرا لتعليقك إجابة على سؤالك عن عمر .. في رأيي الطفل لغاية ما يكبر إن شاء الله لازم احنا ( الأب و الأم ) يعملوا دايرة حواليه .. يعني مرة نكون جنبه نعلمه و نلعب سوا و نتشارك في حاجات و في آراء ... ومرة نكون وراه نسيبه يتصرف و ياخد قرار و احنا عنينا عليه .. و مرة نكون أدامه نواجهه أو نمنعه أو نحميه من أي حاجة ممكن تأذيه ..حتى و لو من فيلم كرتون فيه رسالة مش كويسة .. في النهاية أحنا مسئولين عن اولادنا بس لازم هم كمان و هم بيكبروا يحسوا و يعيشوا إنهم مسئولين عن نفسهم و عننا كمان ... إزاااااااي ده يحصل .... هي دي دعوتي عند ربنا ﴿رب أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصح لي في ذريتي إني تبت إليك وإني من المسلمين﴾

*صعايدة عملوا مظاهرة........... لبّسوا واحد منهم قناع جورج بوش وحرقوه *مرة واحد صعيدى راح عند الصيدلي قال له: عندك لبن أطفال الصيدلي سأله : اسمه إيه ؟ الصعيدى قال له : عبد الرزاق *واحد صعيدى قرر يعمل عملية تجميل لتوسيع عينيه قام فتحهم على بعض *محشش راح يعزي وفى العزا اتأثر جدا وهو طالع سأل أخو الميت : ما فيش أمل يرجع ؟ *صعيدى راح يعزى فى جنازة سأل واحد : كان بيشتغل ايه الميت قال : يحفر قبور قال الصعيدى : سبحان الله ، من حفر حفرة لاخيه وقع فيها

اهلا يا اغابي نمبر 2 ونورتينا ليه بقى ما كنتيش مشتركة وبتوقفى على الباب من بره - لعل المانع خير لا احنا عاوزينكم تبقى معانا علطول فى المنتدى تفيدي وتستفيدي ربنا معاكى وكفايا ان اسمك على اسمي اهو تحياتى يا اغابي 2 :clappingrose:

السلام عليكم ورحمه الله وبركاته معلش هخرج بره الموضوع شويه لان ده مسأله عقديه لا يصح السكوت عنها الا بعد توضيحها ايضاحا كاملا صحيح لا يصح ان نقول على انسان بعينه انه فى الجنه او فى النار فالله سبحانه وتعالى اعلم بحاله ومأله فهذا من التألى على الله سبحانه وتعالى وحتى ان الرسول صلى الله عليه وسلم ارشدنا فى ان نقول فى الانسان الذى ظاهره العلم والصلاح نحسبه كذلك ولا نزكى على الله احدا اى نظنه كذلك بحسب منا نراه منه والظن لا يغنى من الحق شيئا ولكن وحط تحت ولكن مليون خط اذا جاء بالدليل الصحيح ان انسان مهما كان فى النار او فى الجنه انتهى الكلام وانتهى التألى وانتهى الحكم اصبح الامر واقعا عندما يقول الله سبحانه وتعالى فى حق انسان انه فى النار فى محكم التنزيل او على لسان نبيه صلى الله عليه وسلم انتهى الكلام ولم يعد هناك للتألى مجال لان التألى هو قول بلا دليل لهوى او لغير ذلك ثانيا : هناك فارق فى ان اقول انه لن يدخل الجنه الا من كان مؤمنا بالله ورسوله واستثنى من ذلك أهل الكتاب هذا كلام عام ..وليس من كلامنا بل هو كلام الله ورسوله بل هو من المعلوم من الدين بالضروره وفى ان اقول ان فلان المسيحى لن يدخل الجنه شتان ثم شتان بين هذا وذاك القول الاول اقرار وتصديق لكلام الله ورسوله والقول الثانى تألى على الله سبحانه لان الله سبحانه وتعالى يعلم خاتمته وحاله مع الله لانحكم على معين بضم الميم اتمنى ان تكون الفكره وضحت

موافق مليون في المية احب اضيف ان هذا المنتدى لا ينتمي لاي فئة دينية فلا يوجد داعى لاستخدام ذلك الاسلوب الذى يبدو غير طبيعي و غير مفهوم للكثيرين وانا فعلا ابتديت انفذ كدا عملى وانا موافقة 100 فى 100 ياريت نسيب التدين والشموع والايات على جنب والكلام انا بوجهه للمسيحيين خاصة والكلام واضح معلشي يا جماعة هو مش منتدى ديني داه منتدى ثقافى عام للجميع ما ينفعشي يدخل اخواني المسلمين التوبيك ويقروا فى الايات المسيحية هما داخلين يقروا معلومات عن كندا رجاءا رجاءا معلشي استحملونى وداه لمصلحتنا كلنا شكرا جزيلا اغابي

مصادرك يا architect خاطئة للأسف وارجو ان تراجعها جيداً قبل وضعها , مصدر ايمان ابي طالب هم الروافض والشيعة وبعض المتصوفين , ولم يثبت عن رسول الله صلي الله عليه وسلم اى حديث يدل على إيمان عمه ابي طالب ولكن ما ثبت عن الرسول صلي الله عليه وسلم انه مات على الكفر واليك الأدلة الصحيحة من السنة على كفره روى البخاري ومسلم: عن سعيد بن المسيب عن أبيه، وهو المسيب بن حزن المخزومي رضي الله عنه قال: لما حضرت أبا طالب الوفاة، جاءه رسول الله صلى الله عليه وسلم فوجد عنده أبا جهل بن هشام وعبد الله بن أبي أمية بن المغيرة، فقال رسول الله صلى الله عليه وسلم: " يا عم قل: لا إله إلا الله، كلمة أحاج لك بها عند الله " فقال أبو جهل وعبد الله بن أبي أمية: يا أبا طالب أترغب عن ملة عبد المطلب؟ فلم يزل رسول الله صلى الله عليه وسلم يعرضها عليه، ويعودان له بتلك المقالة، حتى كان آخر ما قال: هو على ملة عبد المطلب، وأبى أن يقول: لا إله إلا الله، فقال رسول الله صلى الله عليه وسلم: " والله لأستغفرن لك ما لم أنه عنك " فأنزل الله تعالى: { مَا كَانَ لِلنَّبِيِّ وَٱلَّذِينَ ءَامَنُوۤاْ أَن يَسْتَغْفِرُواْ لِلْمُشْرِكِينَ وَلَوْ كَانُوۤاْ أُوْلِي قُرْبَىٰ } [التوبة: 113] وأنزل في أبي طالب: { إِنَّكَ لاَ تَهْدِي مَنْ أَحْبَبْتَ وَلَـٰكِنَّ ٱللَّهَ يَهْدِي مَن يَشَآءُ } وروى أحمد والترمذي وحسنه: عن أبي هريرة قال: لما حضرت وفاة أبي طالب، أتاه رسول الله صلى الله عليه وسلم فقال: " يا عماه قل: لا إله إلاَّ الله، أشهد لك بها يوم القيامة " فقال: لولا أن تعيرني بها قريش؛ يقولون: ما حمله عليه إلاَّ جزع الموت، لأقررت بها عينك، لا أقولها إلاَّ لأقر بها عينك، فأنزل الله تعالى: { إِنَّكَ لاَ تَهْدِي مَنْ أَحْبَبْتَ وَلَـٰكِنَّ ٱللَّهَ يَهْدِي مَن يَشَآءُ وَهُوَ أَعْلَمُ بِٱلْمُهْتَدِينَ } وتفسير الايتين السابقتين يؤكد ذلك في اغلب التفاسير مثل تفسير الطبري وابن كثير والقرطبي وغيرهم وبالنسبة لعدم التفريق بينه وبين زوجته فإن ذلك لم يفعله الرسول صلى الله عليه وسلم إلا بعد الهجرة بعد نزول سورة الممتحنة وهي نزلت في المدينة أما أبو طالب فمات في مكة قبل الهجرة بسنتين أو ثلاث. وقد روى الإمام البخاري رحمه الله في صحيحه ( 6564 ) عن أبي سعيد الخدري رضي الله عنه أنه سمع النبي صلى الله عليه وسلم وذكر عنده عمه ابو طالب فقال " لعله تنفعه شفاعتي يوم القيامة . فيجعل في ضحضاح من النار يبلغ كعبيه يغلي منه أمَ دماغه . أنظر شرح الحديث في الفتح (11/ 525 ) وما يليها وفعلاً لما حاوره النبي صلى الله عليه وسلم ودعاه إلى الإسلام عند موته فقال بما معناه : (( ياعماه قل لاإله إلا الله كلمة إحاج لك بها عند ربك )) فما زال يقولله ذلك وأبوجهل لعنه الله عند رأسه يقول : أترغب عن ملة عبد المطلب ؟ فقال : على ملة عبد المطلب . فمات كافراً فنزل قوله تعالى فيه (( إنك لا تهدي من أحببت ولكن الله يهدي من يشاء )) . ولكن شفع له النبي فهو في ضحضاح من النار قد جعل له نعلان من نار تحت قدميه يغلي منهما دماغه ويظن أنه أشد أهل النار عذاباً وهو أهونهم . وفعلاً لما حاوره النبي صلى الله عليه وسلم ودعاه إلى الإسلام عند موته فقال بما معناه : (( ياعماه قل لاإله إلا الله كلمة إحاج لك بها عند ربك )) فما زال يقول له ذلك وأبوجهل لعنه الله عند رأسه يقول : أترغب عن ملة عبد المطلب ؟ فقال : على ملة عبد المطلب . فمات كافراً فنزل قوله تعالى فيه (( إنك لا تهدي من أحببت ولكن الله يهدي من يشاء )) . ولكن شفع له النبي فهو في ضحضاح من النار قد جعل له نعلان من نار تحت قدميه يغلي منهما دماغه ويظن أنه أشد أهل النار عذاباً وهو أهونهم . جاء في الصحيحين: عَنْ عَبْدِ اللَّهِ بْنِ الْحَارِثِ بْنِ نَوْفَلٍ عَنْ العَبَّاسِ بْنِ عَبْدِ الْمُطَّلِبِ قَالَ: يَا رَسُولَ اللَّهِ هَلْ نَفَعْتَ أَبَا طَالِبٍ بِشَيْءٍ, فَإِنَّهُ كَانَ يَحُوطُكَ وَيَغْضَبُ لَكَ قَالَ نَعَمْ هُوَ فِي ضَحْضَاحٍ مِنْ نَارٍ لَوْلَا أَنَا لَكَانَ فِي الدَّرَكِ الْأَسْفَلِ مِنْ النَّار". و من هذا الحديث الصحيح ما يفيد أن العباس رضي الله عنه كان يعلم أن أبا طالب لم يمت مسلمًا بخلاف ما يذكره الشيعة عنه.وبذلك تعلم أن ما يذكرونه عن العباس أوأبي بكر يشأن إسلام أبي طالب لا يثبت بل الصحيح خلاف ذلك, وابن أبي الحديد من المعتزلة ولا علم له بصحة الأحاديث من عدمها. الرابع:وفي الصحيحين وفي مسند أحمدِ عَنْ أَبِي سَعِيدٍ الْخُدْرِيِّ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ ذُكِرَ عِنْدَهُ عَمُّهُ أَبُو طَالِبٍ فَقَالَ: لَعَلَّهُ تَنْفَعُهُ شَفَاعَتِي يَوْمَ الْقِيَامَةِ فَيُجْعَلَ فِي ضَحْضَاحٍ مِنْ نَارٍ يَبْلُغُ كَعْبَهُ يَغْلِي مِنْهُ دِمَاغُهُ" وهذا دليل صريح على عدم إسلامه.لأنه سيُخفف عنه العذاب بسبب الشفاعة ولكن لن يخرج من النار كما يخرج الموحدون الرد علي تلك الشبهة كاملاً مع تحياتي

نهارد جانو مسافر اسكندرية ربنا معاك يا جووو وبكره انشالله ترجع بالخبر الحلو وما تنساش التفصيل الممل فى المقابلة يا جانو الله ينجحك ويخليك يارب تنجح يا جانوووووووو حافضل ادعيلك كتيرررر

حد فاكر ادهم صبرى طيب بلاش حد فاكر سونيا وقدرى دول ابطال روايات راجل المستحيل للمولف د نبيل فاروق ياة ياما الواحد قرا وتعب وبدل فى القصص الجميله دى اعترف انها كان لها دور فى حياتى كبير المهم دنبيل فارورق كاتب حته مقال جميل جدا فى مصرى اى نعم هو المقال مفهوش جديد بس الجديد هو اضافه كاتب حر يارب يكمل على كدة

السلام عليكم و رحمة الله و بركاته مبارك الوصول.....هتكتشفي انك في هذا المرفأ ستصلين لشواطيء اخري لم تحلمي بها من قبل افردي الشراع....و خلي المركب بتاعك دايما منين ما تاخده الريح....و هتكتشفي ارضا خصبة جدا لو حطيتي قدامك...انك بتبحري في عالم انساني....و مجدافك فيه اللغة....هتنقلي سريعا حيث لم تحلمي يوما دعائي لكي بكل التوفيق و هتيجي الحتة دي تاني....و تحكيلنا عن الشاطيء الجديد

السلام عليكم و رحمة الله و بركاته كنت داخلة التوبيك....و عايزة ارغي كالمعتاد....بس حسيت اني قعدت مع كل حد من حضراتكم...و خلتونا نعيش معاكم....ذكريات دافية....من ركن دافي في حياة كل منكم مصدقة انا دايما ان فيه تفاصيل تجذب السعادة....التفاصيل الصغيرة دي....لا احد قادر علي قراءتها سوانا و قد يمر بها الاخرون و يرون أنها عبء علي الامكنة....و لا يدركون...انها تستدعي خصوصية في القلب...ان لها بريقا يلتمع...حين نهرب اليها من الصخب و حين نفتش عن ملامحنا....و نبحث عمن كنا يوما.....و نتساءل كيف اصبحنا هكذا اليوم راقني صندوق....الذكري....و راقتني اكثر تفاصيله و ابحرت كثيرا مع استاذنا اركتيكت....حين ذكر..."خطابات...المشاعر الاولي"...و التي تتجدد بها المشاعر حين تتنافر الرءوس و تنقلت مع استاذ التونسي....بين المفردات الخاصة...و التي تزداد حميمية و حملتني "زهرة الجبل"...إلي عالم سحري....و كأني أراها تأخذني من يدي....لتحكي لي قصة تقبع ساكنة وراء تفاصيل صغيرة....مكتوبة علي هامش الحياة اكاد اجزم اني رايت....(تخيلت كثيرا) تلك الزهرة التي تأتي نضرة....و "زهرة"...تنتظرها لتذبل في صمت....و "زهرة"...تأبي أن تسكنها في اي مكان سوي القلب....المكان الذي يليق بها جميلة تلك المفردات التي نصر انها تنتمي لعالم نفهمه نحن رائعة تلك الحكايا التي تكمن خلفها سلمت يداك...مغتربة و تحياتي لكل من رسم دائرة هنا و جعلنا نقف في منتصفها نتأمل عالما طالما رسمه بمفرده....حينما كنا أنقي مساءكم....تفاصيل قديمة....لكنها تسكن مكانا خاصا في الذاكرة

يا سلااااااام هو حاجة من الاتنين يا حنا مش عايشين فى الدنيا يا مش عايشين فى الدنيا منتظرين باقى الكلام

أ.عادل , تحياتي سيدي الفاضل هذا هو النص كاملاً , فنحن لا نأخذ بمبدأ لا تقربوا الصلاة ونسكت ( واكتب لنا في هذه الدنيا حسنة وفي الآخرة إنا هدنا إليك قال عذابي أصيب به من أشاء ورحمتي وسعت كل شيء فسأكتبها للذين يتقون ويؤتون الزكاة والذين هم بآياتنا يؤمنون ( 156 ) الذين يتبعون الرسول النبي الأمي الذي يجدونه مكتوبا عندهم في التوراة والإنجيل يأمرهم بالمعروف وينهاهم عن المنكر ويحل لهم الطيبات ويحرم عليهم الخبائث ويضع عنهم إصرهم والأغلال التي كانت عليهم فالذين آمنوا به وعزروه ونصروه واتبعوا النور الذي أنزل معه أولئك هم المفلحون . والنص لا يتعارض مع ما ذكرنا سابقاً بل هو يؤيده وممكن لسعادتك ان تضغط عليه لتقرأ التفسير كاملاً, ومن نحن , نحن مسلمون موحدون , مجتهدين في اتباع تعاليم الله ورسوله صلي الله عليه وسلم وايضاح بعض الحقائق ان كنا نملك ذلك او جاز لنا ذلك. مع تحياتي

الاخت الفاضلة مغتربة...حضرتك تقريبا مفهمتيش المغزى من التشبيه و دة شخصيا انا اشك فيه..اما عن التاريخ فياريت حضرتك تديني مرجع تاريخي موثق للاحداث غير رواية عززازيل..او موقع ويكبيديا لانهاحاطاه من ضمن المراجع..مفتكرش مرجعنا التاريخي حيكون استنادا لرواية..رواية صدرت من عاميين تقريبا..ثم الاهم فانا اشكرك على استنكارك للعنف ..بس يا ريت يكون استنكارك دة بردو لنفس العنف اللي قتل 6 شبان ليلة عيد الميلاد العام الماضي..او الذين حرقت منازلهم في الصعيد الاسبوع الماضي....الاهم من قراءة التاريخ الاستفادة منه..و لو متعلمناش من تاريخنا..بكرة نصبح زي العراق الاخت مصراوية...الاديرة مش جمعيات خيرية عشان يكون عليها رقابة..و الرهبان ناس سابوا الدنيا و راحوا عاشوا في الصحرا..و مع ذلك مستكترين عليهم مع انهم مقدموش غير الخير..طيب انا حاتفق معاكي بردو..اتفضلي ابدئي بكل الموسسات الدينية المسلمة و المسيحية..اللي فشلت حكومة بلدك انها تطبقه على نفسها متقنعنيش انها حتنجح فيه مع غيرها..لما تبقي قادرة على ادارة اصولها تبقي ساعتها تشرف على الاديرة..و بعدين كل المشاريع دي قانونية مش في السر..اللي عايز يقول غير كدة يتفضل يجيب الدليل. الاخ الفاضل شريف مان..فين انا قولتلك تقول ايه و متقولش ايه..انا طلبت منك تعديل الكلمة و لو مش عايز براحتك..اما عن الفيديو فرد البابا واضح و قال ان كان الموضوع حيسبب ازمة نشتري الارض..السوال عملت انت شخصيا ايه عشان الارض دي..طب الرهبان استصلحوها..انت عملت ايه ..مضايق ليه و يا تري كنت مضايق بردو لما سمعت عن قضية مدينتي...يا ريت بعد كدة لما نجيب فيديو نجيب فيديو عادي..مش واحد قاعد بيسمع و يعلق على كل كلمة و قص و لزق بهدف التشويه..مش حنجني حاجة غير النار..اليوتيوب مليان من الحاجات دي لو انت غاوي فرجة..و البابا ما انكرش عشان يعترف حضرتك..العظة دي بتذاع اسبوعيا على الهوا..انت مدعو لمشاهدتها. الاخ الفاضل نايت مير..ممكن ارد على كلام حضرتك نقطة نقطة..بس كدة حندور في دايرة مغلقة ..ببساطة ردي كان لتوضيح الامور الغائبة عن ذهنكم..لكن لو من الاساس الوضع مش عاجبك..يبقي ليهالنقاش..يعني عمال تقولي الدولة و مش الدولة..طيب و فين حقوق المواطنة في وسط الدولة...و بعدين تصحيح لغوي صغير..بعيدا عن نصارى طبعا..قبطي لا تعني مصري اطلاقا..هاتلنا المرجع من فضلك..مسيحي ليست خطاء..انا اتبع السيد المسيح اذا انا مسيحي..و الدولة اللي حضرتك بتتكلم عليها بتقول كدة..يا ريت نخاف على بعض من الفتن بدل زرع الاحقاد..يا ريت نفهم ان الارض الى زوال و كلنا حنقف نتحاسب قدام ربنا على الخير اللي كان ممكن نقدمه و مقدمناهوش..يا ريت لو بنخاف على البلد نقف مع اللي بيبنيها..مش نقف لبعض مين اللي احق يبنيها...و على كل حال فانا اسف اني شاركت في الموضوع و سببت ليكوا حالة من القلق..يا ريت بس متصوروش المسيحيين على انهم وحوش..لان اول وصية في معاملتنا مع الناس لا تقتل ..لكم مني كل محبة و سلام..و احترام

من غير استأذان يا نايت لك الحق فى الرد عنى فى اى موضوع ...فأنت صاحب اراء و حجج قويه و ردودك اكثر دقه و مصداقيه عنى كمان و اشكرك على المرور و الرد. بالعكس - انا دلوقتى مش زعلانة طبعا والا ابقى انسانة جاهلة واذا عرف السبب بطل العجب ولا زعلانة ولا حاجة هو كان استفهام بس مش اكتر شكرا يا نايت مير - لردك وتفسيرك وعلى فكرة - معلوماتى زادت شكرا يا مهندسة - وفعلا ليك الحق وكل الحق -انك تترحمى على مايكل جاكسون اذا كان مات مسلم تحياتى

الاخ الفاضل كاتب الموضوع..سلام و محبة ايك و لكل الاخوة الاعضاء..بما انك في بداية الموضوع كاتب انه للمناقشة فاسمحلي اتناقش معاك في النقط المطروحة في الموضوع..بكل حيادية و بدون تحيز..و بشئ من البحث العلمي اللي للاسف معادش له وجود في بلدنا...اولا مصطلح يشكو الاقباط دة غلط..لاننا لا نشتكي لغير ربنا و هو قادر على الحل..غير اننا مصريين..فالافضل انك تقول المصريين الاقباط..و خصوصا ان حضرتك مقيم بالسعودية..و لا في السعودية بتعتبرونا فاقدين الهوية الوطنية؟؟ اما تضييق الدولة..فالدولة لا تعطي من الاساس التراخيص عشان بعد كدة تضيق فيها..حضرتك عارف ان انشاء الكنائس لا يكون لا بتصريح من رئاسة الجمهورية و لا لاء..و ان التعديل اللي طبق مجرد السماح للمحافظين باصدار تراخيص الاحلال و التجديد..يعني هي هي نفس المساحة. نيجي بقي للبحث..مع عدم اقتناعي باستعمال الكلمة دي..لان مع احترامي لشخصك و اللي ردوا على الموضوع مفتكرش ان حد تحقق من صحة المعلومات المطروحة.. اولا دير ابو فانا...في الخبر اللي انت حاطه او اللي جاللك بالايميل مكتوب المساحة المستحقة للرهبان..يعني مش وضع يد..يعني ما اغتصبهاش من حد..محدش رفع عليهم قضية يتهمهم فيها باللي حضرتك او كاتب الموضوع الاصلي ذكره عن وضع يدهم عليها..يعني قانونيا دي حقهم...تاني حاجة..الصورة بصراحة ابلغ رد على حكاية مساحته تكقي 5.5 مليون يصلوا فيها...طيب خلى الحكومة تتفضل و تجهزها لينا و تسمح لينا بانشاء كنايس فيها..و متشغلش بالها بكون الدير بعييييييييد عن معظم ال 5.5 مليون اللي ساكنين في مختلف المحافظات..حنجيب مواصلات و نودي الناس كل اسبوع...دة عشان سور..قامت الدنيا و ماجت و رهبان اتخفت...امال لما حنبنى كنيسة جوة..و الا انت عايز الناس تصلي في الرمل كدة و العراء. نيجي بقى للمقارنة بتاعة الحرم المكي...كلامك مظبوط..بس يا ريت بقى تخلى صاحب الايميل يبعتلنا شوية صور عن الحرم المكي و تجيهزاته عشان يستقبل العدد دة..انا مش حابب اجيبها انا عشان محدش يقوا انت متحيز و بتبالغ..دوروا انتوا...اما عن تعداد المسيحيين في مصر يا ريت تقولنا التعداد دة من انهي تقرير للجهاز العام للتعبئة و الاحصاء او اي جهاز حكومي و لسنة كام..ممكن ابقي اجيب لك الرقم لو عايز..بس انا عايز اسيب مجال لما يسمى بالبحث. اكتفي بالرد دة على المقارنات اللي حضرتك حاططها و اللي مافيش اي وجه مقارنة فيها غير نقطة المساحة نيجي بقي لدير مار مينا..و هي مار مش ماري..و مار اختصار للكلمة اليونانية مارتيروس اي شهيد.من باب البحث بردو...سور الدير العظبم...ماله سور الدير..مش زي سور الحرم المكي...مش زي سور جامعة الازهر...مش زى سور القلعة..مش زي سور وزارة الدفاع..مش زي باب بيت اي حد فينا..ايه هو الهدف من اي سور او اي بوابة..ايه حرام يكون في سور يحيهم و يحدهم..غريبة اوي..يا ريت و انت رايح الدير و انا طبعا ادعوك للزيارة ..ابقي بص في الطريق على سور السرايا بتاعت الشيخ الشعرواي..ما هي في الصحرا بردو. و بردو مش عارف ايه اللي بيضايقك من التفتيش طيب ماهو بيفتشني زي ما هيفتشك و لا هو بيسبنا نعدي و بيمسك اي مصري تاني باين عليه انه مش مسيحي..مبتفتش في المطار..في استاد القاهرة اللي بتقول عليه..ليه الامن بس مكفول ليك و لغيرك غريب او حرام؟؟ ايه بقي اللي يضايق ان واحد زي نجيب ساويرس يتبرع برصف الطرق و الدير..و لو اني مش عارف المعلومة دي جبتها منين..بس ماشي..ايه بردو المشكلة..هل الدولة قالت حنصرف و هو حلف عليهم لاء مثلا..هو حتي فعل الخير حرام؟؟ يا ريت تعدل كلمة نصرانين دي و خليها مصريين..و لو مش عايز تقول علينا مصريين قول مسييحين.. حتي كلمة نصرانيين لغويا غلط..السيد المسيح كان من الناصرة يبقي النعت ناصري و جمعها ناصريين و ليست نصرانين..نصرانين تبقي من نصرة..دة من العربي على فكرة. نيجي بقي للبدو...و صاحب الايميل بيتكلم عنهم و كانهم انقرضوا بسبب تواجد الرهبان او تم احتلال الاراضي و طردهم منها ..اولا انا عايز حضرتك تعمل بحث بسيط عن تعريف البدو..توضحلنا فيه من امتي كان في حاجة اسمها اراضي ملك البدو..و بفرض خيالي انها كانت ملكهم ..فانت بتقول اشتراها الدير..يعني الناس خدت مقابل ..ايه الغريب اذا؟؟ اللي يمكن حضرتك او صاحب الايميل ميعرفوش..ان البدو اللي عايشين هناك بيعتمدو على الاديرة في معيشتهم..مش شحاتة..لكن الدير بيوفر ليهم فرص عمل زراعة و غيره..علاج للمرضي بدون مقابل..اعانات للمحتاجين..و سعادتك حتعرف بردو الحاجات دي بتيجي منين في البند الجاي...الحاجات دي كلها حكومتنا الكريمة موفرتهاش للبدو ..ادعوك انك تروح بنفسك و تعمل بحث حقيقي ميداني...مش ايميل مبعوت على النت خارج مصر. نيجي بقي للبند الاقتصادي و المالي...علامات تعجب ازاي ان في ترعة مياة هناك؟؟ غريبة اوي..هو الناس دي مش بشر بردو..مش من حقهم يبقي عندهم مياه حلوة يشربوها..هما و البدو اللي لسة فاضليين حضرتك..و بعدين ممكن تقولنا بالتفارير ما هو نوع التسيهلات..من اي جهة صدرت الاوامر بالتسيهلات..يا ريت نسيبنا من الكلام المرسل و نبحث بجد...المشاريع اللي جوة الدير دي حضرتك قامت بالجهود الذاتية...المزراع و مصانع الجبن دي مش بقالها 50 سنة...دي كانت نتيجة عمل طويل و مستمر و مجهود من رهبان الدير..اللي منهم مهندس و دكتور و صيدلي و على فكرة..يمكن حضرتك متعرفش ان دي من مؤهلات الراهب انه يكون متعلم و مثقف..لانه لو جاهل حيتكلم مع الناس عن ربنا ازاي..بتعبدوا و يشتفلوا عشان يوفروا احتياجتهم...ممكن تقولنا هل الحكومة بعتت مهندسين لانشاء تللك المشاريع؟؟ ارسلت دكاترة بيطريين و مهندسي زراعة للوقوف على تللك المشاريع؟؟ صرفت اي حاجة على هذة المشاريع؟؟ الاجابة لااااااااااااااااااا...كانت استصلحت الاراضى الصحرواية الشاسعة الباقية و الموجودة...حضرتك تعرف مشروع توشكي وصل لفين؟ ادعوك لعمل بحث ميداني....و بعدين هي المصانع و المزراع دي خيرها لمين...حضرتك تعرف ان في مصانه بتعتمد على منتوجات الدير و خصوصا الحاصلات الزراعية....ممكن اذكر ليك اسماء لو تحب..منتجات الالبان..ادعوك للتوجه للدير و اشتري كيلو جبنة لبضاء و لا حتي برطمان زيتون مخلل..حتحس بالفرق...بالضمير..بالزرع اللي مش مسرطن...عشان هما هدفهم مش الربح المادي..لكن كفالة ذواتهم و افادة المجتمع..و لا انت فاكر ان الدولة بتصرفلهم مرتبات...الكنيسة اللي حضرتك حاطط صورتها دي لتبنت في سنة 1997 تقريبا..يعني بس من 13 سنة..مع ان الدير اثري..منين جت فلوسها..مش من المشاريع دي..كزيس انك كاتب ابونا فلان مسئول عن كذا ..لان كل راهب بيشتغل زي ما بيتعبد... حاجة اخيرة في النقطة دي ..ادعوك لزيارة الاديرة ....مش علي سبيل الزيارة الدينية يا سيدي خايها على سبيل الاماكن السياحية و الاثرية زي م انت كاتب..علي فكرة في المدينة الاثرية خلف دير مارمينا و اللي اليونيسكو بعت بعثة للتنقيب عن الاثار فيها و دي افتكر كانت موجودة بالقرن الرابع الميلادي و كان بها كنائس. اخيرا اتفق معك في الراي في الاتي.. حرية العقيدة لابد أن تكون مكفولة للجميع مسلم أو مسيحي , ومن حق كل فرد منهم ان يجد المكان المناسب المناسب لآداء عباداته لكن بردو..فكر في مبداء النسبة دة كويس تاني..بدل ما تطبقوا علينا بس طبقوا عليكوا انتوا كمان...على الافل في الشارع بتاعي بس في مسجدين من 3 حيتقفلوا..اصل عدد المسلمين في الشارع لا يتعدي 70 فرد و دي مساجد مش زوايا....احنا بفي في بلدنا 3000 مسيحي..عندنا بس 3 كنايس..يعني 1000 للكنيسة الواحدة...انت شايف ان ده مبداء العدل و النسبة و التناسب. نفصل مجمعات الخدمة عن دور العبادة....اتفضل حضرتك ابداء و احنا معاك مسلمين و مسيحيين. رد اخير على تعليقين لفتوا نظري من ضمن التعليقاتو الفيديوهات ذات النبرة المعتادة...تعليق الارض بوضع اليد و بمباركة الوزير النصراني....ووزير الاسكان ديانته ايه سعادتك..ووزير الاستثمار..ووزير الصحة اللي في النازل...و بقية الوزراء و المحافظين...يا ريت بلاش الاسلوب دة..صدقوني بقي ياخرنا عن غيرنا كتير اوي ثانيا رد المبالغ فيه بتاع الاخت الفاضلة ريمو...حضرتك قريتي التاريخ قبل كدة...حضرتك تعرفي ان قبل دخول الاسلام مصر كان فيها مسيحيين و يهود و ووثنين..حضرتك قريتي ان ممجموعة مسيحية مسلحة استنت وثنين خارجيين من المعبد ليلية عيد و اطلقوا عليهم النار..او هجم بعض المسحيين على 20 منزل يهودي و احرقوهم؟؟ تعرفي حضرتك ان كلمة ايجبت اصلها يوناني و هو ايكبتوس اي قبط..و دة كان بيطلق على كل سكان مصر قبل دخول الاسلام نسبة للغة القبطية المستعملة انذاك ثم انحصرت بعد ذلك على المسيحيين لاستمرارهم في استعمالها حتى الان؟؟تعرفي حضرتك المعلومات دي قبل ما الدموع تنهمر...الحقيقة الدموع حتنهمر طول ما البلد دي في حالة صراع داخلي و فكر لا يستند على اي وقائع...المسيحيين مش محتاجين دولة يحموا بيها المسيحية لان الله قادر على حماية مخلوقاته. سوالى الاخير...ايه فايدة الموضوع دة...يا ترى البلد حتتقدم و كل واحد عايز يثبت افضليته؟؟ يا تري الموضوع دة اللي فيه حل كل مشاكل مصر...مش حاكتب ليكوا ايات و امثال انا حاقتبس بعض كلمات من اغنية شعبية اسمها الحارة بفرض ان الحارة دي هي مصر...بتقول حانعيش و نحلف بحارتنا......لو حبناها و حبتنا و في حضنها كدة لمتنا.......حنت ما اسيتش علينا عيشنا و مشفناش حلاوتها...يا خسارة تهنا في زحمتها يمكن لو رجعت لحالتها.....نقدر نسامح بعضينا و تقبلم مني كل ود

أنا معرفش أقول حاجة عن حياتي غير إني مفيش حاجة اتمنيتها أو مااتمنيتهاش في الدنيا دي و إلا و ربنا كرمني بيها بجد و الله و كرم ربنا عليا أد طموحي مثلا بميت مرة على الأقل ... فيه حاجة احسن من كدة .. آه فيه إني أقول الحمد لله من جوة جوة جوة قلبي و أنا مصدقها و مقتنع بيها ... حياتي العملية بدأت من تانية إعدادي إزاي ماعرفش بس دي كان سلو الحتة بتاعتنا الولاد يشتغلوا في الصيف .. مش المشكلة والدك بيشتغل إيه .. المهم تريحهم في البيت منك شوية و تعمل حاجة مفيدة .. في الوقت ده في التمانينات كان إجازة المدراس في الصيف طويلة يمكن 5 شهور يعني بناخد منها 4 لعب و شهر شغل و كان بالنسبة لينا كانه أحلى لعب الغريبة إن والدتي ربنا يخليها و يبارك في عمرها و في صحتها هي اللي كانت بتشجعني على الشغل ووالدي - قصة كفاح - يقولها يا ستي أيامه لسة جاية .. اقعد يابني في البيت و انا هديك اللي هتاخده ف الشغل ... معلومة اليومية كانت خمسين قرش كنت بادهن أبواب نجارة بمادة السلئون .... بالخمسين قرش في الوقت ده كنت مع أصحابي نركب تاكس ونخش السيما و نتعشى و نجيب أي حاجة واحنا مروحين للبيت . معلومة تانية انا ترتيبي في الوسط بين إخواتي ربنا مايحرمني منهم قبلي اتنين و بعدي اتنين أخويا اللي أكبر مني بالنسبة لي عبقري العيلة فعلا .. مهندس على حق و كاتم أسراري و أخويا اللي أصغر مني تجارة انجليزي روشنة و خفة دم ما شاء الله بحس جنبه إني لابس الطربوش . أكملكم بئى .. في تالتة إعدادي الحمد لله طلعت الأول على المدرسة زي الابتدائية و بنظام احترس من القادمين من الخلف معرفش إيه التوفيق ده من عند ربنا .. كنت مع اخواتي تلاتة في اوضة واحدة في الوقت ده و كنا بنذاكر على المكتب بالدور مكنش فيه غير لمبة واحدة في الأوضة .. في ثانوي بدأت أسافر مدينة تانية غير المدينة بتاعتي اشتغلت في مطبعة و بعدين سافرت مطروح برده مع الولاد بتوع الحتة .. الولاد دول على فكرة كان منهم أبطال جمهورية في ألعاب لأن من كرم ربنا علينا إن المنطقة بتاعتنا قريبة اوي من نادي رياضي مشهور و كنا بنلعب كل حاجة من صغرنا حتى السلة و احنا كلنا أوزعة أطول واحد فينا مايجيش متر و ربع الثانوية العامية .. كنت مرتب نفس في الثانوية يا صيدلة يا تجارة ( أكون او لا أكون ) و الحمد لله دخلت تجارة و قضيت اربع سنين في الشمس و الهوا ... كنت باسافر في الصيف أشتغل في شرم الشيخ و دهب .... .. أيون برده مع ولاد حتتي .. عشام تفهموا النظرية احنا كنا بنهاجر أفواج زي البط كدة .. بس كل شوية في بلد في دهب اتعرفت على واحد انجليزي بيشتغل في القاهرة .. كان سبب إني اشتغلت في شركة أمريكية فرعها في مصر في مجال الميديا ... كانت مرحلة جميلة و مهمة جدا بالنسية لي .. بس كانت مشكلتي إني في وسط ناس كلهم AUC و زي ماانتو مش عارفين أخوكم جافرنمنت سكووووول .. يعني مدارس حكومة و افتخرررررررررر .. المهم مشفتش في أي فرصة إني اترقى فيها ... سيبتها واشتغلت في شركة صناعية و الحمد لله بكرمه وحده بئيت مدير إدارة التصدير .. والله ما اعرف إزاي .. بس إنا اتعودت أقول الحمد لله و بس .. حلمي الوحيد كان إني أشوف الكعبة .. تخيلوا و الله جات لي دعوة للسعودية مدفوعة بكامل التكاليف و لمست الكعبة بإيدي و كمان خدت مكافأة بعد ما رجعت .. مش بأقولكم كرم ربنا معايا فوق طموحي و حتى احلامي ... وربنا كرمه زاد عليا وسافرت بلاد اوربية و عربية الحمد لله ... بس اللي مزعلني حاجة واحدة .... إني بسافر لوحدي مش مع ولاد حتتي آسف للإزعاج عادل و الحمد لله ..

ملاحظة: كُتبت هذه المشاركة قبل معرفتي بفتح موضوع جديد دون إذني باسمي، و سمته الإدارة "فيلم السر ما له و ما عليه"، و قد أضفت الجزء الاخير من هذا الرد بعد معرفتي بهذاالموضوع. الأستاذ الفاضل عادل أبو زيد، أنا أحترم تدخل حضرتك في الموضوع، لكن صدقني ما وصلتنيش وجهة نظر حضرتك، حضرتك بتقول إني بشتت الموضوع ، طيب إزاي مع إني برد فقط على المادة المسماة فيلم السر و كما تعلم حضرتك مشاركاتي منذ بداية الموضوع كم كانت متحمسة للفكرة غير اني بعد مشاهدتي لفيلم السر رأيت أن به ما لا يتوافق و يحتاج للمناقشة، فبينت ذلك لنتناقش، لأن و كما لاحظت منذ زمن أن هذه هي روح المحاورات. طيب إيه هو سياق الموضوع ؟ مش برضه "قوة الاعتقاد" طيب لما مادة فيلم السر يتم وضعها هنا كمادة مساعدة مش برضك المفترض أن يقول المشاركون رأيهم حولها، طيب أنا غلطت إني بقول يا جماعة المادة فيها مفاهيم تحمل فكر محتاج للمناقشة، و بدأنا نتناقش، يعني مفيش تشتيت خالص. بالنسبة لكل مداخلاتي براعي إن الراي يكون نابع من داخلي، لكني استشهدت في آخر رد على أستاذة مصرية متغربة بنقل في محله يخدم الرد ... فقط ! حضرتك ذكرت بحقي الجملة التالية: "أنك مصر على التركيز على هدايتنا و إنقاذنا من الكفر و الضلال." أنا مش مصر على أي حاجة غير أن اقول إن هذا الفيلم ينبغي الحذر منه، ألا تعتقد انه من حقي أن يكون لي وجهة نظر طالما أني أعرضها بطريقة مهذبة في سياق الموضوع الذي نزلت فيه مادة الفيلم؟ طيب امال اقول رأي في الفيلم فين لما مش حقوله هنا في الموضوع ده مكان ما نزل الفيلم؟ أنا بقول يا جماعة الفيلم يحتاج الحذر منه .. فيها حاجة دي؟ فين الإنقاذ من الكفر و الضلال اللي حضرتك ذكرتهم؟ ليس لدي فكرة موضوع حالياً علشان افتح موضوع مستقل...كما أن موضوع تشتيت الموضوع الحالي "قوة الاعتقاد" أنا رديت عليها و بكرر أنا بجد و الله مش شايف فين التشتيت. فيعني لو مثلاً اتضح إن فيه فكرة معينة في رأي حضرتك و بناء عليها اعتبرت إني عدم تركيزي عليها هي بالذات و تحديداً دون التحدث عما يلازمها من أفكار تنبثق من خلال ردود المشاركين مثل فكرة الرد و التوضيح لرأيي في فيلم السر كنوع رد على مشاركة الاستاذة مصرية متغربة لنا هذا الفيلم، فلو حدث ذلك و وجدت مثلاً أن ردي على هذه المشاركة احتوى على ما تعتقد انه مخالف لفكرة حضرتك، و لما يؤيدها، فدا لا يعتبر تشتيت .. لكنه يعتبر اختلاف في الآراء.. و هو يثري الموضوع و يفيد القارئ. بالنسبة لاستخدام أحاديث الرسول صلى الله عليه و سلم آيات القرآن فقد اوضحت منطق الاستشهاد به عاليه و حضرتك و كل قارئ يستطيع ان يستشف من خلال مشاركاتي (كلها) إذا كنت أقوم بالتلويح بمثل هذه الاشياء أم لا.. و أترك لكم الحكم بعد القراءة ..و أؤوكد لكم أنكم ستتأكدون من ذلك، و قد قمت بالاستشهاد مرة أو مرتين بطريقة عادية جداً زي كتير من الاستشهادات التي قامت بها الفاضلة أستاذة مصرية متغربة،و التي أحترم عقليتها و يظهر ذلك من خلال نقاشي معها، كما و احترم عقلية كل من تجمعني به أي مناقشة و إن اختلفنا في الآراء، و طريقتي في الاستشهاد لم تخرج بمنهجية المناقشة من حيز اختلاف الآراء إلى حيز جديد يعتمد على التلويح بقال الله و قال الرسول صلى الله عليه و سلم، أبدأً بل ما زلنا بحيز النقاش الذي يحتمل اختلاف الآراء المنضبط والذي ارى أن حضرتك أستاذ عادل الان قد لوحت لي بما لا املك مثله من برمجيات محاورات المصريين التي يمكن استخدامها في منعي من التعليق على هذا الموضوع، و أقول لحضرتك بكل ود و حب كاملين إن ارتأيت ان تمنعني من الرد على هذا الموضوع فتأكد أنني لن أكون غاضباً و لا مستاءً لكنني فقط ساكون حزيناً لهذا. و أنا لم أطلب من الإدارة فصل مداخلاتي الأخيرة و استخدامها في فتح موضوع جديد باسم "فيلم السر ما له و ما عليه" ، و عموماً فمناقشة فيلم السر بهذا الموضوع كانت قد انتهت مع آخر ثلاث مشاركات لي، و لذلك أرجو إعادة مشاركاتي الأخيرة لهذا الموضوع، و استكمال النقاش حول قوة الاعتقاد هنا حيث و كما ذكرت انتهت المداخلات المتعلقة بفيلم السر، و أظن ان أبسط مبادئ العدل و الديمقراطية تكفل لي ذلك يا أستاذ عادل. تقبل تقديري الدائم لكم

مذيعه بتقول للريس إيه رأيك في التغيير قالها التغيير ده سنه الحياه قالتله طب وإنت ليه متغيرتش؟ ... قالها يابنتي أنا فرض مش سنه واحدة بتقول لزوجها..؟إيه رأيك تذبح خروفين بمناسبة مرور 10 سنوات على زواجنا..؟قال زوجها..؟ وإيه ذنب الخروفين في غلطة ارتكبها حمار صعيدي مش عاوز يرد علي صاحبه بعتله رساله********أنا ناسي الموبايل في البيت

السلام عليكم و رحمة الله و بركاته ازيكم ايها الضاحكزن و الضاحكات يا رب تكونوا ماليين الدنيا ضحكة من القلب اوي اتفضلوا الحبة دول فلاحة اول مرة تروح للكوافير بيسالها سشوار ولا صبغة قالتله لا فلينى - مذيعة بتسال صعيدى احمد زويل اخد جايزة نوبل فى ايه قالها فى علبة قطيفة حمرا - صعيدى حران ومعندوش تكييف ولا مروحة اخذ لبوس خافض الحرارة - مرة واحد صعيدى قابل واحدة اجنبية سالها انت منين قالتله : وااات ? قالها اجدع ناس الوتاوتة دول....(قديمة انا عارفة...بس اضحكوا بقي و جاملوني يعني ) - استاذ سأل طالب فى اى فصل يسقط المطر قاله فى الفصل اللى مافهوش سقف - غبى دبح امه وابوه سالوه ليه قالهم اصل المدرسة عاملة رحلة للايتام - صعيدى خبطته عربية اخد تعويض 50000 وقف ادام القطر قاله خش عليا ياابو الملايين - واحد شايل انبوبة غاز قال لمراته ادعيلى قالتله روح ربنا يفتحها فى وشك - عجوزة سمعت ان الدش حرام قالت الحمدلله انا طول عمرى بستحمى من الجردل - الشرطة بتتخانق مع مسطول هما يقولوله اركب وهو يقولهم لا انا عايز اسوق - موجه عربى بيقول للمدرس ليه العيال بينطقو الجيم دال قاله هو ده اللى مدننى - حمار وحشى وحمار عادى بيتسابقو بدأ السباق فالحمار العادى مجريش سالوه مجرتش ليه قالهم والنعمة مانا جارى الا لما تجيبو لى ترننج زيه - صعيدى رجع من الشغل لقى مراته مطبختش زعل ودخل نام فحبت تصالحه قالتله اعملك مساج قالها عليا الطلاق لو عملتيه لارميه بحلته فى الشارع مساااكم صوت الضحكة اللي ممكن يمحي يوم طويل....غريب فوتكم بضحكة صافية

استاذ محمد ميرسى على الموضوع الرائع دا و اروع ما فيه انه اقنع ناس جميله جدا كانت بعدت عننا شويه و شتقنا ليهم جداجدا اقنعهم انهم يدخلوا يشاركوا حتى و لو بكلام قليل لكن طمنا عليهم علشان كدا بقولك يا رب تقدر تقنع كل واحد ليه بصمه فى المحاورات و لو مشاركه واحده ابتعد عنا لظرف او لاخر انه يدخل يطمنا عليه تحياتى

مادام دخلنا في لبس الجلاليب وكل واحد يحكي براحته اوكي عموما انا بحب البزنس جدا جدا وبحب الفلوس جدا جدا جدا 1-في اولي ثانوي كنت باشتر ي الكتب الخارجيه القديمه من زمايلي بالمدرسه وبعد كده ابيعها للناس اللي في سور الازبكيه بربع التمن المكتوب علي الكتاب في حين كنت باشتري الكتاب من 75 قرش الي جنيه وكنت بدخل في اليوم الواحد من 15 الي 20 جنيه يعني حوالي 400 الي 500 جنيه في الشهر يعني كان اكتر يكتير من موظف حكومه ساعتها والعبه دي كانت بتاخد مني ساعتين الي ثلاثه كل يوم 2-في الكليه كنت طبعا ببيع الملخصات والملازم لمكتبه معينه وكنت باخد 10 % من نسبه التصوير وكنت مأجر بارتيشن من المكتبه دي وجايب بترينه وعامل فيها تركيب برفانات وجايب بنت موقفها فيها(ماكانش عندي وقت اقف فيها انتم عارفين كليه العلوم) 3-في الكليه برضه كنت باتفق مع المكاتب اللي في المركز التجاري في الجامعه اني اجيبلهم البلاطي لطلاب العلوم والصيدله بسعر اقل من السوق وكنت بفصل البلاطي دي في ورش في شارع كلوت بيه برمسيس وكنت بعملي في اللعبه دي 4 او 5 الاف سنويأ. 4-اتخرجت من الكليه وكنت الاول علي الدفعه واتعينت معيد لمده سنه ولقيت المرتب 500 جنيه في الشهر يعني 6000 في السنه ومطلوب منك في خلال خمس سنين تكون مخلص الماجيستير واللي هايتكلف علي الاقل 20000في حين كل اللي هاتقبضه في خمس سنين 30000 ده غير مصاريفك الشخصيه ...............قمت قلتيلهم مش لاعب وقدمت استقالتي لاني عرفت اني بعد الماجيستير ماشاء الله مرتبك هايوصل 700 جنيه حته واحده 5-اشتغلت ميديكال ريب في كام شركه اجهزه طبيه في مصر وفي الاخر ربنا اكرمني بشركه اجنبيه كبيره في السعوديه الي انا فيها دلوقتي.