EsoWay

منظر الملحدين لما وقفوا برنامج اسلام

مفيش حد من أتباع فكر اسلام هيلحد , الاسلام الجميل بتاع بحيري انساني جدا , هيلحدوا ليه ويسيبوا دين عقلاني وفيه كل مبادئ المجتمع المتحضر ؟ اسلام بيتحارب عشان قلهم النبي مش بيعمل الحجات البشعة دي , دا عمره ما اتجوز بنت عمرها 9 سنين , مش يتمسكوا بالعملية الحسابية اللي عملها ويعتبروه دليل ويحفظوا ماتبقى من ماء الوجه لا دول كفروه وقربوا يكبوا عليه مية نار عشان قلهم دا دين جميل وعظيم ومفهوش جواز قاصرات و اغتصاب ورجم وقطع رقاب وراحوا موقفينله البرنامج كمان هههههههههههههههههه

دا الشباب الطاهر بجد

أستاذ محاور أنا ماتجاوزتش ولا أي حاجة .. الحكاية كلها إن حضرتك مصرح لك تقول إن الملحدين بتوع جنس ونسوان وخمر ... عادي أنا بقى مش مصرحلي أرد وأقولك مين بجد بتاع الجنس والنسوان والإغراق في الشهوات وحطيتلك شخصيات ملحدين معتبرة وقارنتهم بشخصيات معتبرة عند حضرتك فالإدارة مسحت كلامي وقالت كفاية كدا متقولش الحجات دي : )

يا أستاذ محاور ,, أنا مابحبش أوضح مشاركاتي كتير وعشان كدا ياريت تفهمها زي ماهي مكتوب وماتدخش جزء منها وتتعامل معاه بفهمك الخاص للأمور نقول تاني ,, xxxxxxxx ... أنا بعتبر برضه أغاني أم كلثوم نصوص أدبية و جميلة جدًا XXXXX ... من جيلنا إليسا وأمال ماهر وسومة وكتير من الأغاني الهندية اللي مش بكون فاهمها ,, هل حضرتك هتعتبر دول إعجاز ؟ بالإضافة إني نشأت على القرآن من الميلاد بأصوات معينة والإنسان بيميل للأشياء اللي تربى عليها .. وتلاقي حتى ريتشارد دوكينز بيقول أنا ملحد ثقافتي مسيحية ...هل دا سحر المسيحية المش مفهوم ؟ الجنس ,, والخمر .. أنا بس هتجنن إنك مصدق حكاية إن فيه حد بيلحد عشان الخمر والنسوان الفكرة نفسها إن حد يلحد عشان الخمر والنسوان فكرة تدل على عدم معرفة اللي بيتكلم عن الإلحاد.. طيب إيه المشكلة يفضل مؤمن ( على أساس إن مسألة الإلحاد والإيمان خاضعة للخيارات وقرارات شخصية ! ) على حسب فكرك يفضل مؤمن و أهوه يروح يتوب وحتى لو فرضنا مات قبل مايحج ويغسل ذنوبه مهو كدا مش هيخلد في النار إنما يلحد عشان بس خمرة ونسوان وهو معندوش أسباب قوية للإلحاد يعني مؤمن !! عمومًا أنا مش هتكلم في موضوع الجنس كتير لإن الجنس مش جريمة طالما مفهوش خيانة أو إعتداء على حد .. xxxxxxxxxxxxxxxxxxxxxxxxx يبقى فين المجرم فيهم ؟xxxxxxxxxxxxxx تعرف عن المنطق و العقلانية إيه يا أستاذنا الكريم ! xxxxx حلال تتجوز طفلة وتسبي وتشتري نسوان وتتجوز على مراتك xxxxxxxxxxxxxxxxxxxxxxxxxxxx انا كنت حطيت آيات للأستاذ طارق وبتمنى تفسير الآيات دي ألم تروا كيف خلق الله سبع سماوات طباقاً و جعل القمر فيهن نورا وجعل الشمس سراجا يمسك السماء ان تقع على الارض الله الذي رفع السموات بغير عمد ترونها ثم استوى على العرش

شكلها مغرض ! دي أم وشايلة طفلها المريض ويبدو انها بسيطة جدًا وبتتكلم بعفوية وتلقائية شيء من الإنسانية !

دا كمان بيدينا فكرة عن عقول صفوة الصفوة ( مسلمين زمان ) فما بالكم بالشعوب العادية . إذا كانوا دول هما المتصدرين وهما عقلاء القوم

الطبري والقرطبي وابن كثير وابن عباس ومجاهد هما دول صفوة الصفوة

ليه ميبقاش العقل في القلب مثلًا ؟ مش المؤمنين بيعقلوا بقلوبهم ؟ قلوبهم التي هي في الصدور

الحديث عن العقل والنفس والروح ... دا حديث مؤمنين بحت يعني هما مع بعض يقولوا نفس يقولوا روح يقولوا عفاريت وملايكة وشياطين وآلهة براحتهم بمعتقداتهم ولكن أنا كرجل خرجت من الأديان معرفش النفس ولا الروح اعرف العقل بس دماغ الإنسان فيه كل قرارات الإنسان ومشاعره وتصرفاته كلها من دماغه فلو هتقولي العقل غير النفس هقولك النفس دي تبقى فين ؟ وبتفهم منين ؟ بتستجيب ازاي ؟

يمكن أنا أخطأت لما بقول بلاغة ... معرفش بصراحة ممكن اسميها إيه يمكن الكلمة الأقرب إنه ؛( نص أدبي ) لكن كلمة بلاغة لوصف القرآن كله كلمة مش دقيقة لإن لو عرفنا معنى كلمة بلاغة فالبلاغة تدل في اللغة على إيصال معنى الخطاب كاملا إلى المتلقي، سواء أكان سامعا أم قارئا. فالإنسان حينما يمتلك البلاغة يستطيع إيصال المعنى إلى المستمع بإيجاز ..من ويكيبيديا فلو القرآن بليغ أو لو الوصف دا دقيق ... مكناش لقينا كل الكم دا من التفاسير والخلافات على فهم الآيات وأنا هنا بسأل هوا ليه القرآن محتاج لتفسير ؟ فيه ناس هترد وتقولك عشان مينفعش يبقى نص جامد وإلا مش هيبقى مناسب لكل زمان ومكان ... كلام منطقي برضو ولكن الإختلاف في التفسير بيعمل كل الكم دا من الخلافات في الظرف الزماني والمكاني نفسه . بيخلق آلاف من الفرق والنزاعات وكل واحد بيدعي الحق المطلق وممكن يكفر التاني ويقتله مينفعش يبقى فيه نص ينفع لكل زمان ومكان أساسًا ,, الفكرة دي كلها غلط الأديان كلها بتديك نصوص مبهمة نزلت في قصص القصص دي ضاعت مننا أو بقيت وناس شككت فيها أو رفضتها فبتالي ناس شايفة إنه نص يتفسر بحسب الغرض اللي نزل عشانه وناس شايفة إنه رسالة ربنا للخلق يتفسر تفسير عام ويناسب كل شيء وكل الوقائع ولكن دا بيعمل نزاعات وفرق زي ماقلنا .. والمفروض الغرض من الأديان توحد الناس وتعملهم قوانين وأسلوب حياة يتعايشوا مع بعض بسلام مش في نزاع وقتال أبدي لذلك النصوص الدينية نصوص مهما حاولت تفسيرها وتأويلها هتفضل نصوص جامدة النصوص البشرية قابلة للتعديل وقابلة للتغيير كلها لذلك هي الأنسب في تسسير حياة البشر ومع التطور الإجتماعي النصوص دي تتغير ببساطة ويتجاب قانون مناسب

جمال القرآن البلاغي دا شيء نسبي ... يعني أنا كعربي معجب ببلاغة القرآن وبشغله كتير رغم إني ملحد ولكن معاني الآيات و أساسًا لو ركزت شوية فيه وقدرت تخرج بفائدة متكاملة من سورة معينة دا يبقى شيء عظيم لإنك بتسمع آيات مكررة طوال الوقت بالإضافة لإنه مفهوش فكرة جديدة بالإضافة لإنك مابتقدرتش تركز فيه لآخره فلو مكنش مرتل بأصوات جميلة صدقني محدش كان شغله واستمعله اللي خلانا نحب القرآن وأنا على ما أنا عليه وبحب أشغله وأنا رايح الصبح لشغلي رغم كل نظرتي للآيات ولمعانيها وعدم تصديقي لأي شيء فيه دا يدل دلالة واضحة على إن القرآن بشري ممكن تعمل كدا مع أغنيه جميلة منتاش فاهم منها حاجة بس صوت جميل وفيها هدوء وسكون رغم إن ممكن معانيها تكون كلها شر ليه مفيش كتاب زي كدا ؟ أولًا لإن التراث منقول من المسلمين ومعظم الأشعار الجاهلية كانت فيها نصوص بلاغية يمكن أشد بلاغة من القرآن وأحكم وأقرب للفهم ونصوص واضحة وصريحة ولكن مكنش فيه كل الإهتمام بيها من ترتيلها وتجويدها ونشرها بعدد من الأصوات وطباعتها بكل الكم دا من الطباعات ,, غير كدا أنا عايز حضرتك تتخيل معايا لو حد خرج وقالك أنا هعمل مصحف باسمي وهتحدى أيات القرآن ... هيكون إيه مصيره ؟ تخيل بس ! فإزاي هتتحدى حد وإنتا حاطط السيف على رقبته ؟ وإنتا بترهبه لو حارب دينك هتقتله ؟

السيد محاور قصة المسد أنا تناقشت فيها كتير وأصلًا الكلام دا كلام السابقون في الحديث عن الإعجاز يعني كنت منتظر من حضرتك كلام جديد معجزة جديدة مش إعادة لكلام السابقين اللي معدش مؤثر وردينا عليه ملايين المرات

عايز أوضح بس إن كلامك عن الإعجاز في سورة المسد دا شيء بيقلل من شأن إله الإسلام إبتدائًا يعني بحسب فكر هؤلاء الإعجازيون والمثيرون للدهشة كلما سألناهم عن إعجاز القرآن يذكرون سورة المسد فكأنهم يقولون لنا ببساطة وإختصار شائت الإرادة الإلهية أن تبقى أبو لهب على كفره حتى يستقيم القرآن ويثبت إعجازه ! ويتنازل إله جبار عظيم خالق هذا الكون المبهر بكل ضخامته وعظمته ودقته بأن يسب أحد خلقه يسبه هو وزوجته في آخر رسالاته للبشرية بل ويجعل هذا المخلوق هو وزوجته سبابة العالم -سبابة أبدية- حتى يثبت للملأ صحة قرآنه وعقلًا أساسًا ... القرآن وطوال حياة الرسول كان ينسخ ويبقي آيات أو يحذف منه آيات فهو ببساطة إن أشهر إسلامه ( نفاقًا مثلًا ) كان بإستطاعته نسخ الأيات ببساطة ما ننسخ من آية أو ننسها نأت بخير منها أو مثلها ألم تعلم أن الله على كل شئ قدير وإذا بدلنا آية مكان آية والله أعلم بما ينزل قالوا إنما أنت مفتر بل أكثرهم لا يعلمون وكما نسخت هذه الآيات التي إعترف فيها باللات والعزى تلك الغرانيق العلى وإن شفاعتهن لترتجى

أنا بعتذر إني تأخرت في الرد على المشاركات إمبارح و لسه شايف الموضوع حالًا ومقرأتش كل الردود لسه . .. أنا متابعك وبشكرك جدًا وياريت تعذرني إني مش بقدر أدخل كتير لإني عشان أرد لازم أبقى لوحدي ودا مش بيتوفرلي كتير متابعك يا أستاذ محاور