DR FATMA

أخى الفاضل بعتذر منك لكن المحامى ده غالبا نصاب محترف لان أى غلطة فالورق مسئوليته هو لان هو اللى بيوضح فى الورق ان لك زوجة ومعاها بكالوريوس وبيملء الابلكيشن على هذا الاساس ويبدو أنه غلط فى ملء الابلكيشن وبالتالى هو لازم يتحمل غلطته ويصلحها وعشان كده مردش عليك لما بعتله تؤله ايه سبب الرفض وان نقاطك 67 نقطة وحسبتهاله من رأيى ابعتله ايميل تانى يار يت تحط لنا بيانات المحامى والمبلغ اللى دفعتهوله عشان نعرف ونتعلم من تجربتك حضرتك كمان تحط لنا هنا عالمنتدى جواب الرفض علشان نفهم الموضوع معاك وبعدين تبعت ايميل للاوفس هناك تؤلهم ان درجاتك 67 نقطة مقسمين كالتالى: وتكتب التقسيم وأن فى غلطة من عندهم مش من عندك والكلام ده تعمله بسرعة لكن فالاول بليز تبعتلنا ايميل الرفض لانو قد يكون حضرتك فاهم الموضوع غلط وطمنا عليك

أخى الفاضل بعتذر منك لكن المحامى ده غالبا نصاب محترف لان أى غلطة فالورق مسئوليته هو لان هو اللى بيوضح فى الورق ان لك زوجة ومعاها بكالوريوس وبيملء الابلكيشن على هذا الاساس ويبدو أنه غلط فى ملء الابلكيشن وبالتالى هو لازم يتحمل غلطته ويصلحها وعشان كده مردش عليك لما بعتله تؤله ايه سبب الرفض وان نقاطك 67 نقطة وحسبتهاله من رأيى ابعتله ايميل تانى يار يت تحط لنا بيانات المحامى والمبلغ اللى دفعتهوله عشان نعرف ونتعلم من تجربتك حضرتك كمان تحط لنا هنا عالمنتدى جواب الرفض علشان نفهم الموضوع معاك وبعدين تبعت ايميل للاوفس هناك تؤلهم ان درجاتك 67 نقطة مقسمين كالتالى: وتكتب التقسيم وأن فى غلطة من عندهم مش من عندك والكلام ده تعمله بسرعة لكن فالاول بليز تبعتلنا ايميل الرفض لانو قد يكون حضرتك فاهم الموضوع غلط وطمنا عليك

لا مش لازم تكون الخبرة فى نفس مجال الشهادة الدراسية يعنى مثلا فى واحد ممكن يقدم شهادة خبرة طباخ لمهنة طباخ وهو أصلا خريج كلية حقوق لو تعرف تجيب شهادة خبرة هات وكل متكون سنوات الخبرة فى شهادة الخبرة أكتر كل ما نقاطك تزيد يعنى لو شهادة الخبرة 4 سنوات حتاخد نقاط الخبرة كاملة لاثبات الخبرة لازم شهادة خبرة مختومة ومعاها بيانات الشخص اللى كنت شغال عنده وخدت الخبرة من عنده أحب ألفت أنتباه حضرتك أن لو عملت شهادة مضروبة وأكتشفوها تنسى موضوع الهجرة نهائى أى استفسارات أخرى أى خدمة نحن هنا هو ايه قصد حضرتك بمضروبة؟ الفكرة اني دخلت جيش واشتغلت في اعمال فنيه للتوصيلات الكهربيه مع اني اصلا مهندس وممكن اجيب شهاده من الجيش اني اشتغلت السنة ده والفكرة ان الوظيفه ده في اللستة بس مش عارف هيقبلوها في الهجره ولا لأ وهل لازم اكتب زي ريفرنس لو هعملها لانه معتقدش انه هينفع احط ريفرنس او رقم تلفون حد مثلا انما هي هتكون مختومة وممضيه بس وفيها المهام الوظيفيه والمده أصدى أن فى بعض الناس بتعمل شهادات مش حقيقية وبتقدمها فى ملفها يعنى ممكن تعمل شهادة من أى حد أنك اشتغلت شغلانه فى الليسته مثلا وانت مشتغلتهاش ولا حاجة بس عملتها لمجرد انك تقدر تقدم سورى مش قصدى حضرتك تحديدا انا بتكلم بشكل عام ان الشهادات المغشوشة دى ممكن يكتشفوها بسهولة ويتلغى الملف على أى حال السؤال المهم هل لو أتحلت مشكلة شهادة الخبرة وعرفت تطلعها بسنة واحدة بس هل السنة دى حتخلى نقاط حضرتك تكمل 67 نقطة وتقدم ولا حتكون الشهادة دى ملهاش فايده قوى وفالحالة دى مفيش داعى تتعب نفسك عليها بالنسبة لسؤال حضرتك أنا سألت لك خبير فى موضوع شهادات الخبرة وده رده اللى أنا موافقه عليه تماما < ينفع يحط رقم تليفون المفروض الاداره اللي كان تابع ليها في الجيش و ممكن تتظبط في الجيش اي حد ضابط كبير كان معاه في الوحده ولو قائد الوحده يبقي تمام يحط الكارت بتاعه وكلهم معاهم كروت > يعنى حضرتك تعمل الشهادة وتختمها وتتفق مع ظابط او أى حد ينفع يقوم بالمهمه دى زى رئيسك وقتها مثلا وتحط الكارد بتاعه مع الشهادة عشان السفارة لو حبت تستعلم عن سنة الخبرة بتعتك منه وممكن ميتصلوش ولا يسألوه وملفك يمشى عادى وطبعا كونها حتكون مختومه وممضيه وفيها المهام فحتكون مظبوطة جدا وأنصح حضرتك لو قررت تعملها تعرفنى علشان نظبط معاك موضوع المهام حاول تعمل ده وقدم لان الليسته الجديدة ممكن تكون شروطها أصعب بالتوفيق

لا مش لازم تكون الخبرة فى نفس مجال الشهادة الدراسية يعنى مثلا فى واحد ممكن يقدم شهادة خبرة طباخ لمهنة طباخ وهو أصلا خريج كلية حقوق لو تعرف تجيب شهادة خبرة هات وكل متكون سنوات الخبرة فى شهادة الخبرة أكتر كل ما نقاطك تزيد يعنى لو شهادة الخبرة 4 سنوات حتاخد نقاط الخبرة كاملة لاثبات الخبرة لازم شهادة خبرة مختومة ومعاها بيانات الشخص اللى كنت شغال عنده وخدت الخبرة من عنده أحب ألفت أنتباه حضرتك أن لو عملت شهادة مضروبة وأكتشفوها تنسى موضوع الهجرة نهائى أى استفسارات أخرى أى خدمة نحن هنا

شكرا يا أستاذ أكرم كتر خيرك أنا بكرة أروح السفارة و أسأل و أبلغكم شكرا لكم يا إخوتي في الله و دعائكم لي ربنا يسترها بكرة حببتى روحتى السفارة؟ حصل إيه هناك؟ ممكن تطمنينى عليكى لو سمحتى أن شالله تكون الأخبار كويسه حتى لو لا قدر الله الأخبار مش تمام يا ريت تشركينا معاكى يمكن نلائى حل :give_rose:

أو تخليه يحضر المحامى بتاعه معاه فى الموضوع وأدفعى حضرتك أتعاب المحامى عشان تخلصى ممكن تستعملى الاولاد فى الضغط على أبوهم يكلموه بالتليفون مثلا أكيد فى حل بس حضرتك صلى على النبى كده وفكريله فى فكره تجرى بيها رجليه هو كان جوزك وأكيد تعرفى سككه منين ربنا يا رب يصلحلك الحال وتطمنينا عليكى قريب أن شاء الله

نداء عاجل لأم سيف فين سيف بياكل؟ أصدى أنتى فين يا هانم وسيبه أختك الصغيرة مش أنتى الكبيرة؟ طب مش أنا الصغيرة؟ طب مش العيد الصغير بييجى أبل العيد الكبير؟ طب مش أنا خالة سيف بشهادة الحكومة؟ كل ده ميشفعليش عندك عشان تدخلى تؤليلى وتجاوبينى على الاسئلة اللى حمضت على الياهو تشات خلاص الدم بأه ميه :protest: أنا حاخد سيف أبنى حبيى وأرحل وكتر خيركو على كده أنا كنت سيباه مؤقتا بس خلاص طلعتوا متستهلوش سيوفتى حبيبى عشان أنا ألبى طيب حديكى فرصة أخيرة لما تصحى أن شاء الله تدخلى وترديلى خبر عن ال7000 سؤال اللى سبتهملك على الياهو و7000 هاه؟!! مش 6500 وتحطى البائى فجيبك smk: أنا حعد وراكى

هل وصلك يادكتورة تليفون او ايميل منهم بعد التاريخ ده؟؟؟ لأن أنا نفس الكلام حصل عندى والتاريخ اللى مكتوب عندى 15 مارس هوه التاريخ اللى بعتولى فيه ايميل يقولو ان خطاب الميديكال جاهز وايعت كورير يستلمه بالتوفيق ان شاء الله...أخبار مبشرة شكرا دكتور ألكس على أهتمامك ديما حضرتك سباق بالخير الحئيئة أن الأستتيوس بتعتى أتغيرت من ساعات قليلة بالنسبة للتاريخ والحاجات دى أنا محدش كلمنى ولا جالى ايميل ولا أى شئ معرفش لسه حيحصل إيه لعله خير أن شاء الله حضرتك تفتكر أنهم مش بعتولى ليه؟ سورى بس أنا معرفش حضرتك مقيم فين ؟ لانو لو حضرتك فمصر حفكر أن لازم يكونو بعتو زى ما حصل مع حضرتك على أى حال لسه التغيير فى حالتى حاصل من 5 ساعات تقريبا يمكن لسه حيبعتوا الايميل بعد شوية كله على الله بكرر شكرى وأمتنانى

صباح الخير والسعادة لأخواتى وأخوانى على المنتدى لكل اللى متابع أوراقه على حالتى حبيت اؤلكو أن النهاردة الصبح بس : my status changed to in processing Your application was reviewed and we started processing on April 5, 2011. ربنا يارب يطمنا كلنا عن قريب

أبو كادى صباح الخير يا فندم لا مش ممكن أقف فى موضوع سيف وكادى وسوسنة وحماده وحسن وآدم (ياااااااااه هما كترو ا كده ليه ماشاء الله ربنا يخليهم) بس تعرف أنا مؤمنة أن أحسن شئ القلب هو اللى يختار يعنى مثلا لو كادى فيوم لئيتها دخله عليك البيت فكندا وسحبه معاه واحد بلاك عااااادى جدا عوزاك متفائل وبص للجانب الايجابى فالموضوع لو النور أطع هاه؟ إيه؟ بالظبط كده سنانه حتنور ههههههههههه ربنا يصلح حالنا وحالك يا رب ونشوفكو على خير أن شاء الله يا فندم العميد متجنن منى كل يوم والتانى جايلى بوسطة من البرتش كاونسل بأسماء ناس مش بتشتغل فالمكان متألئش أحنا عرفنا طريق الشهادات وحاليا بنقدم الخدمة دى مجانا لجميع المصريين خارج وداخل الوطن بالنسبة لموضوع النسكافية سورى مينفعش أصلى متعوده كل يوم أصبح على ابيه عمرو ونفطر وناخد الشاى سوا فالبلكونة وبصراحة مأدرش استغنى عن شاى الصبح مع أبيه عمرو لأنه بأه جزء من تكوينى ومع ذلك ورغم كل الملابسات السابقة عندى لك عرض تانى إيه رأيك تاخد الأذن من ابيه عمرو فى موضوع النسكافية ؟ أصل أنت مش عارف أبيه عمرو ده هواللى بيدينى البسكوتة والمصروف كل يوم ولو زعل ممكن أممممممم أحممممممم أحمممم أنت عارف فبلاش إحراج لكن هو بيحبك وأكيد مش حيرفضلك الطلب ده مش عارفه ليه دلؤتى جاى على بالى كلمة زنجة زنجة هههههههههههه

أخى الفاضل الأستاذ أكرم تحياتى وتحيات أم سيف لك ولأسرتك أعتذر عن الرد فى المكان المناسب حيث أننى لدى مشكلة ما فى الردود هناك حاولت مرارا وقررت ان أحييك هنا واشكرك على التواصل أنا لما أعطيك فوق حقك ولا حتى حقك فأنت فعلا أصل من أصول هذا المنتدى أتمنى يوما قريبا ألتقى فيه بجميع من على المنتدى لايف كما أتمنى أن أعيش يوم أرى فيه سيدات هذا المنتدى أصحاب فى كندا عسى الله أن يحقق أمنياتى بالنسبة لملفى فأخر شئ حصولى على الفايل نمبر بتاريخ 15-2-2011 ومنذ ذلك الحين والصمت يسود المكان وأستبشر خيرا بسؤالك عن ملفى فشكرا لك

ياه حلوين الدعوتين دول على الصبح يارب يجعلى فيهم نصيب :clappingrose: ياه يا دكتور أكرم حضرتك متعرفش مقامك عندنا عارف الشجرة؟ طب عارف جذع الشجرة؟ طب عارف الفروع اللى طلعه من جذع الشجرة وعليها الأوراق والثمار؟ حضرتك بأه ولا واحد من دول حضرتك جذر الشجرة اللى مثبتها عشان تعيش ومتؤعش حضرتك اللى ياما وئفت جنب الناس ومستمر وصامد أنا بجد بشكر حضرتك وخالص دعائى لحضرتك بالتوفيق دائما بإذن الله

أنا ملاحظة أن الدعاء أصبح سمة رئيسية للمنتدى وأن شاء الله خير وإذ فجأةً حنلائى الأخبار الحلوة تنهال علينا مرة واحدة ببركة دعائكو:malta: اللهم قد دعوناك كما علمتنا فأستجب لنا

ألف مبروك دكتور و شكرا جزيلا على الوصف الحى للميديكال أسعدتنا وافدتنا كتير :) وفرصة كبيرة علشان الناس تطمن على طريقة عمل الميديكال :unsure:

ياااااه وأخيراً الصفحة أنألبت بشرة خير كده النحس فك والأخبار الحلوة جايه :cheer: