Folana

بعد عدة محاولات مع اسم"ايات" ( لم يقبله السيستم لوجود نفس الاسم ولم يقبله أيضا بهمزة ) ومع اسم آثار ( لم يقبله السيستم مش عارفة ليه :) ) تم تغيير الاسم الى اثار..بدون مد على الألف... لويناسب حضرتك كده..أو لو أردتى تغيره مرة أخرى، يسعدنا أن نلبى طلبك .. تحيات فريق الاشراف

لم يقبل السيستم تغير الاسم اللى اخترتيه حضرتك لانه موجود بالفعل من قبل ، نرجو اختيار اسم أخر

عندما يستجيب الله تعالى الدعاء ويغدق عليك من كرمه ويفتح لك خزائن رحمته وكل أبواب الخير تنظر فى نفسك وتشعر بضعفك وتقول "اللهم دبر لى فإنى لا أحسن التدبير " اللهم إهدنى إلى مافيه الخير الحمدلله عدد خلقه وزنة عرشه ومداد كلماته

السلام عليكم ورحمة الله... عاد الزمن ليوم كانت صديقتك على قيد الحياة...ربنا يرحمها ولكنها لم تكن موجودة بالفعل... وهذا ما قصدته... أن الرجوع بالزمن لا يفيد ولا يغير الاحداث...الا اذا الا اذا عاد الزمن وتغيرت معه أحداث الحاضر أو فقدنا الذاكرة :) العودة بالزمن شىء جميل أكيد..ولكن الحاضر أحلى رحم الله أمواتنا جميعا وأسكنهم فسيح جناته

السلام عليكم ورحمة الله... والله لك وحشة اخى العزيز ابو محمد...لا حرمنا الله من رؤية حروفك .. الدنيا بخير طبعا الحمدلله..وستظل بخير طول مافيها ناس نواياهم سليمة وقلوبهم طيبة... ستظل بخير طول مافيها ناس أخلاقها راقية ويعف لسانها وقلمها عن أذى مشاعر الناس ، والسخرية من كلماتهم تحت بند خفة الدم ستظل بخير طول ما الناس بتحاسب نفسها قبل ماتحاسب غيرها ستظل بخير اذا امتنع البعض عن الخوض فى نوايا الاخر بخيالهم المريض وتوهم ان هذا يكيد له وذاك يفتش اسراره وهؤلاء يتربصوا به ، ومن ثم يكيل لهم الاتهامات والكلام المرسل الذى ان دل على شىء فانما يدل على مرض يستعصى الشفاء منه.. ستظل بخير اذا كل انسان علم نفسه الأدب قبل ماينتقد اخلاق غيره ، يعنى تلاقي واحد ولا واحدة من سن اولادنا بيقول ايه الاخلاق دى...فلا تملك الا أن تبتسم لاسباب كتير :). وزى ماحضرتك بتقول ...كل واحد يملك من الكلمات مايستطيع ان يحطم بمعانيها أعتى الصروح ،بس خلاص بقي لقد هرمنا :) وماينفعش نستخدم هذا الاسلوب حتى مع من يسمح لنفسه باستخدامه..ويكفينا فخرا اننا فاهمين بس مش بنرد .. وستظل بخير..طول مافيها ناس زى حضرتك كده... مودتى واحترامى متأسفة يامدام سلوى والله...غيرنا مجرى الحوار لى عودة لاتحدث عن الفيسبوك فى حياتى ..:)

انت جيييت ياررمضاان :) أنا شامة ريحة تريقة فى كلامك... بس علشان أنت سنسن أخر العنقود ، مش حأزعل منك :) أنا مش بأشحت طبعا ، ولكن كنت صادقة جدا فى ما كتبته..ومش بأتسول مشاعر أكيد.. لانى ماكتبتش الدنيا كانت مضلمة من غيركم..ولا كتبت انى عشت ايام عصيبة وظلمت واتظلمت والناس كلها ضدى وعايزين يخربوا على وافاعى وتعابين وأفلام هابطة من النوع التقيل ده.. أنا كنت باتكلم صدقا..ان لما يكون هناك شىء من المحبة والوفاء والانتماء..الناس بتفرح اما يتجمعوا تانى....الفكرة الاساسية مش فى المكان ، ولكن فى الصحبة...واذا الصحبةكانت فى مكان بتحبه..يبقى غاية المراد من رب العباد. فلما اكتب انا واقول ان الناس وحشونى..فهم وحشونى حقا وصدقا لانى بحب اتابع اقلامهم ولما أكتب ان الجانب المشرق فى هذا الظلام اللى حل علينا ، اننا مع بعض..فأنا اقول هذا حقا وصدقا ومش مجاملة ولا نفاق..واظنك تعرفنى جيدا ولا ماتعرفنيش؟:) قول بس علشان اعرفك بنفسى...:) ولكل من يقرأ كلماتى اليوم وكل يوم...أنا بحبكم كلكم وباعتبركم جزءمن حياتى..ولما اسعد بانى اتجمعت معاكم تانى..فأنا صادقة فى التعبير عن مشاعرى..ومش باتسول مشاعر ولا باضحك على الناس ... بس فور يو ياسنسن...انا لم اسعد بمداخلتك

السلام عليكم ورحمة الله... فكرة هايلة مدام سلوى... الموضوع كله ظهر من خلال الرابط ...ياريت باقى الاخوة يعملوا كده فى موضوعاتهم.. طبعا شىءمحزن اننا نفقد موضوعات تعب عليها الاخوة ، لكن الجانب المشرق فى الموضوع كما قال استاذ عادل، اننا كلنا مع بعض من جديد.. والبركة فى اقلامكم وتعاونكم . اسعد الله صباحك

السلام عليكم ورحمة الله... وحشتونا ياجماعة والله... عساكم كلكم بخير.. وان شاء الله يقدروا يرجعوا النسخة الأخيرة..كان الله فى العون . فى لحظة تأمل للموقف ، ألحت على فكرة الرجوع بالزمن ...كلنا كنا بنتمنى ان الزمن يرجع بنا..ونقول لو الزمن رجع حأعمل كذا ومش حأعمل كذا.. دلوقت وبعد أن تحققت الامنية بطريقة أو أخرى...أرى أن الرجوع بالزمن لا يغير من واقع الامر شىء ، ولا يمحو مواقف ولا يُنسينا أحداث ...حتى مش قادرين نعيد اختيارنا فى المرشح الرئاسى ... عاد بنا الزمن..ومازالت الذكريات موجودة بحلوها ومرها...ومازلنا نتذكر كل كلمة جرحتنا او اسعدتنا..ومازلنا نتذكر الاشخاص الذين أساؤا الينا سواء بكلمة او بموقف....ومازلنا نبحث عن اشخاص اسعدونا ..ومازلنا فى انتظار استعادة موضوعاتنا . باختصار..لم تتلف النسخة الاحتياطية فى ذاكرتنا :) اعتقد وبعد اللحظة دى انى لا اريد ان يعود بى الزمان للوراء كان الله فى العون يا استاذ عادل..وان شاء الله تستطيع حل المشكلة ربنا يوفقك..

بعد استئذان الفاضلة عبير..تم ضم موضوع " تلغرافات أو SMS" الى موضوع " مسجل بعلم وصول" ..للفاضلة شيكو لتطابق الفكرة شاكرين تفهمكم.. عن فريق الاشراف

إلى دماغى اللى حتنفجر غيظاَ وكمداَ.. انظرى إلى الجانب المشرق فى الموضوع عزيزتى.. فقد غابت عن الأسماع نسبة 99.999% إلى الأبد... لاتفقدى الأمل فالآتى أجمل ان شاء الله

إلي حضرة سعادة "الفيل نيلسون " المحترم..... تذكرتك فى هذه الأيام التى نعيشها ...وتذكرت كيف أنك عجزت عن التحرر من قيودك وعن أن تضع عنك أغلال الماضي عندما جاءتك الفرصة ....وشعرت بانى مدينة لك بإعتذار..... فلست وحدك الذي رفض التحرر من ثقافة العجز وثقافة القط مايحبش الا خناقه.... دومت بود وإستكانة ، ولتنعم بما أنت فيه وباختيارك وحقك على راسي يانيلسون ...:)

السلام عليكم ورحمة الله... شيبك...لبيك...تطلب ايييه؟؟ موجودة يافندم..بس مشغولة شوية فى الحملة الإنتخابية بتاعتى ..:) ربنا يعزك ويبارك فيك...شكرا على السؤال ,, أنا عايزة أسأل عن "سيمبا"...بقاله كتير مش بيكتب...ان شالله يكون بخير وطبعا كل الاخوة والاخوات الاعزاء الغايبين ..أتمنى أشوف قلمهم تانى ونطمئن عليهم... خالص مودتى واحترامى للجميع

السلام عليكم ورحمة الله... يبقى برضه مافيش خلاف يازهيرى ان شاء الله .. حضرتك تتبع تعليمات طبيبك ومش مجبر على اتباع السنة الشريفة ولا حد حيقدر يقنعك بإستخدام السواك..حتى لو بجانب المعجون والفرشاة والخيط وعلى الجانب الأخر..من يرى ان استخدام السواك بجانب انه سنة مطهرة ، له فوائد أخرى كما وصف طبيبه فليستخدمه وحضرتك مش حتقدر أيضا تقنعه بالعكس أو انه يشك فى أو يتخلى عن سنة رسولنا الكريم... وننتقل لنقطة أخرى تحياتى :)

السلام عليكم ورحمة الله... ألف مبروك أختنا العزيزة... بارك الله لهما وبارك عليهما وجمع بينهما فى خير باعتذر عن التأخير

السلام عليكم ورحمة الله... فين الندالة هنا؟؟؟ أنا مش شايفة أن أميتاب ندل ولا حاجة...بالعكس ، الرجل كان صادق مع نفسه ومع زوجته وقالها بالحرف الواحد " ياكوتشى يابنتى أنا مش قادر أصرف عليك..ومش متحمل أشوفك قدام عينى محرومة من حاجة".. كوتشى انتحرت ..وحلت المشكلة خلاص...مابقتش قدام عينه ...وبالتالى مافيش مبرر ان ضميره يضايقه ولا سبب ينتحر علشانه..أُس المشاكل وسبب البلاوى وتأنيب الضمير خلالالاص راحت للى خلقها ...ينتحر هو ليه بقى؟؟؟..هو يقدر يتعايش مع الظروف.. رجل بيفهم واستغل الفرصة صح الصح :)