engmido

بيتوضوا وجايين

حقيقى مقدرش افيدك لكن سأدعو لك ..اسأل الله العظيم رب العرش العظيم ان يفك كربك وان ينصرك على من ظلمك اللهم امين

لا يا غريب باشا ..الموضوع ده بح انا لسه عامل جواز لملك فى شهر 2 كان عندها سنو و10 شهور منفصل ياريس ولو لسه مولود دلوقتى يبقى برده منفصل

السمك طلع من المية يا منعم

ايه يا عم جو الامتحانات ده ..ايه عشان احنا فى شهر 5 يعنى

والله يا اخى اذا كانت زيارة لتهدئة الاجواء ماشى لكن اذا زيارة اعتذار رسمى يبقى شكرااا وكسفتونا واحد يقولى لى .... هو اللى يغلط ويعتذر يبقى عيب ...اقوله لأ ليه لان السعودية ومعظم المواقف اللى حصل فيها زعل بيننا كان الجانب السعودى فيها اللى غلطان وعمر محد اعتذر ولا قال حقكو علينا يا مصريين والكلام ده فين مش فى السعودية لا وفى مصر كمان اذكر منها على سبيل المثال لا الحصر مين فاكر فى 2004.....2005 تقريبا فى هيلتون دريم 6 اكتوبر .... امير سعودى انعم واكرم....قال ايه الكلب ( الاسد) بتاعه قال عض واحد مصرى موته وتعيش انت يا حاج ...وان شاء الله هانحاكم الكلب.... وسافر مع السلامة بكلبه وحراسته....عادى شوية فراخ فى عصر مبارك فى حين ان اقل السعوديين هما هما محدش فيهم يجرؤ يكح مع يمنى مثلا او حتى بنجالى لان له سفارة وليه شغلانة المضمون ما اريد ان اصل اليه...ان الاخوية صفة من جانبين ..تحترمنى واحترمك مع مراعاة احترام زائد للاخ الاكبر وانا هنا لست فى مجال دفاع عن احمد الجيزاوى لانى لست على دراية كاملة بالحقيقة... ولكن ان اؤصل اصلا لابد منه وعموما ربنا يهدى الحال..... ورب ضارة نافعة يمكن تكون اشارة للسعودية ولكل الدول العربية ان ايام الاستهبال وقلة الادب انتهت والمصريين مبقوش زى زمان ( او هكذا اتمنى) وان هناك مليون لسان زفر هايهزأوا اللى ما يحترمناش ربنا يوفق البلاد والعباد الى ما يحب ويرضى

لو مشيت تمام بدون تزوير يبقى كده الف مبروك على ابو الفتوح ---------- نقطة تانية فى البروشور ده كلمة دماسة الخلق غلط والصحيح دماثة ويوصف الرجل ويقال فلان دمث الخلق

هما بيتكلموا فى ايه ؟؟؟؟ ده هما اقل من شهر ..احنا ها نستعبط ؟؟؟

بعض العالم السواحلية دول وخصوصا مشجعين الكورة دول تحس انهم مجانين اهلى ايه ومصرى ايه ياراجل دول بعد اللى حصل لو قالوا المصرى والكورة كلها فى مصر تقف محدش يفتح بقه تانى دول 75 بنى ادم مش 75 فرخة حسبى الله ونعم الوكيل

يا سلام يا س س المفروض يتخدوك بدال سامح سيف اليزل الخبير الاستراتيجى ( انظر الموضوع اللى انت كنت فاتحه عن الحكاية دى)

اولا اتمنى الموضوع يكون كده فعلا ومش حاجة تانية ( بصراحة مش بالعها... كنتو فين من ساعة الثورة ما قامت) ثانيا انا شامم ريحة لن نركع وبعدين .... حنفى خلاص هتنزل المرة دى ومنظرنا يبقى ازبل من الاول ثالثا خايف يكون هو ده الكارت اللى المجلس العسكرى هيرميه يطلعوا جو طبول الحرب والذى منه كله يخاف وطبعا يبقىافضل حاجة يمسكها حد من العسكريين وشكراا وكل ثورة وانتم طيبيبن ربنا يخلف ظنى وتكون فعلا خير

:partytime: :wub: ههههه هو ايه اصله ده

ا/ وايت هارت انا مش فاهم بقالك 5 صفحات عمال تعارض بس لمجرد المعارضة ياريت تهدى شوية الموضوع ابسط من كده شكراا لك

يا سلام يابو ريم والله الراجل ده بيقول كلام زى الفل ..هههههههه بيقول حكم ------- ا/ محمد حضرتك عارف اننا بنحترمك ولكن معلشى قليلا من الانصاف لو سمحت... مش معقولة انى عشان باختلف مع حد يبقى اطلعه وحش وعميل على طول الخط ولعلمك الثورة واسرار الثورة والكواليس لم يظهر منها 20% لحد دلوقتى والبلاوى لسه فانا شابف تم الحكم دلوقتى هايبقى متسرع شكراا لك

اعتقد الكرة دلوقتى فى ملعب ابو الفتوح ولكن ..اه من ولكن دى لو الحكاية هاتمشى زى الطعون كده واللجنة العليا للانتخابات البتنجانية يبيقى شكرااا ومبروك على عمرو موسى لكن لو بنزاهة يبقى مبروك على عبد المنعم ابو الفتوح