Tafshan

من الصور .. الاولاد الذين قاموا بالتحرش في اوائل سن المراهقه بين 11 و 17 سنه تقريباً .. يتحرشون بجميع النساء من كل الاعمار .. هؤلاء ليس لديهم شئ لتقويمه سواء بتربيه او بدين .. هؤلاء رعاع تم افرازهم الى المجتمع بطريقة ما لا يمكن السيطره عليهم غير بالردع .. و اين الردع ؟؟ الحقيقه ان مصر الدوله الامنيه القائمه على النظام العسكري لا يوجد بها امن من اي نوع .. و كما سمحت الدوله لاباء هؤلاء بسرقة الارض و الماء و الكهرباء و عمل مدن قائمه على السرقة .. سمحت للجيل الثانى ان يخرج الى الشارع و يظهر سوئته البغيضه للمجتمع ..و كالعاده يبقى الوضع على ما هو عليه و يسمح لهؤلاء ان يعترضوا اعراضنا امام اعيننا .. من ناحية اخرى .. هؤلاء الرعاع يروا في هذه الممارسات اثبات للرجوله بشكل ما و من داخلهم لا يروا في اي امرأة تسير في الشارع الا ساقطه تتمنع و لكنها في النهايه سعيده بهذا التحرش .. من الصعب تغير هذه الرؤيه في هذه العقول الصغيره دون تغير الكثير و الكثير من البيئات التى خرجوا منها ... الدين ليس له وجود فى هذه البيئات و ان وجد فهو وسيله للرزق .. كذلك الحاله الماديه .. هم ليسوا بالضروره فقراء .. منهم صنايعيه رواتبهم اكثر من الدكاتره و منهم اولاد مقاولين العشوائيات و اصحاب اكشاك عشوائيه و الخ .. مجتمع كامل مبنى على ثقافة النهش في اعراض و اموال و كرامة الاخرين .. النصب فيه تفتيح مخ و الكذب فطنه و السرقة شطاره .. فلماذا نحسابهم على التحرش .. التحرش هنا اسلوب حياة .. انها العشوائيه التى سمحنا بوجودها بيننا فبدأت تأكلنا ... الدوله التى سمحت بوجود مدن قائمه على وضع اليد على املاك الدوله و سرقة التيار الكهربائى و المياه الشرب .. سمحت ضمنياً لهذه المدن ان تأوى المنحليت و الساقطين .. المتحرشين هم الجيل الثانى من ابناء العشوائيات .. تخيلوا معى الجيل اللاحق و ما يمكن ان يفعله في مستقبل مصر ..

و ليه ما تكنش مسرحيه عشان كلنا نقول عايزين مبارك بدل جمال مبارك ؟؟ قبل ما نتكلم عن المرشحين لازم نتكلم عن القوى السياسيه في مصر بالارقام .. الحزب الوطنى متسلح ب 5 مليون موظف حكومى بيدخل يرشحه و ينتخبه بدون تزوير و لا غيره .. الاخوان لا يتعدة عددهم مليون منتخب الباقى .. مش عارف .. كلنا بنرغى و بس لكن تصويت مافيش .. يبقى الصراع جوه الوطنى ... مين بقى الوطنى ؟؟؟ موظفين في مؤسسات حكوميه فاسده قائمه على الرشوه رجال اعمال من العيار الثقيل الجيش الشرطه القضاء الرئيس حسنى مبارك ح بفضل على كرسيه الى ان يشاء الله له من اجل و بعده ح يجي س او ص او حتى جمال مبارك عشان المركب تمشى في نفس الاتجاه الناس دى عايزين مصر كده و الناس الى مش عاجبهم يائمه هاجروا يائمه بيحاولوا يهاجروا لكن مافيش حد خالص بيفكر انه يطلع بطاقه انتخابيه حتى غلى سبيل حب الاستطلاع و الاسهل يقولوا اصلها ح تتزور اصلهم ح يعملوا كذا و كذا لو عايزين ديموقراطيه يبقى لازم يكون في 5 مليون بطاقه انتخابيه جاهزه للمعركه

غلى اعتبار انى اعتبر مش جديد في المنتدى و فعلاً باعتبره شئ مهم في حياتى ... انا باكتب هنا من 2004 .. و مع ذلك .. مافيش جديد .. عارف ليه ؟؟ عشان اسمه " محاورات المصريين " يعنى جرجر كثير شغل مافى على رأى اخوانا الهنود في الامارات .. اول الموضوع كان استاذ عادل بيتكلم على الخطوه التاليه .. يعنى بعد المنتدى ح نعمل ايه ؟؟ الاجابه كانت ... اقرأ كده و شوف .. ما فيش اى حاجا .. اول سنتين كنا بنقول ان المواطن المصري صبور و مهاود و لا عمره ح يعمل حاجا ... عمل و بدأ يعمل مظاهرات .. قلنا ماهو المظاهرات دى مش جايبه همها .. عامل حركات زى كفايه و حشد و جمعيات خيريه .. قلنا بيسكتونا .. عملوا مستشفى سرطان للاطفال بالجهود الذاتيه مموله بالجهود الذاتيه .. شككنا فيها و قلنا اكيد فيها ان ... كملت و اتبنت و بدأت تستقبل اطفال .. غيرنا الموضوع و قلنا مافيش فايده .. عملوا بنك الغذاء و حملة ال100 قريه .. النتيجه ان بقالنا سنتين بنستقبل زوار بيدوروا على الهجره من البلد و ازاي يهجوا .. يا محترم في صور في النتدى من سوبرماركت في كندا عشان تورى المصريين الامله اللى هم فيها .. مصورين طماطم و برتقال و الخ كارثه ..المتش فعلاً اتباع و الاجيال الجديده حلمها انها تهج من البلد .. ح نصلح لمين يا سكوب .. خلاص خلصت ... انا مع الطرح الاول للاستاذ عادل .. ياريت نعمل اي حاجا .. انا نازل مصر يوم 22 يوليو .. يا ريت نتقابل عشان موضوع زى ده لو فضل 20 سنه في المنتدى مش ح تأخذ منه جديد .. لو ناوين تكملوا على الخط ده .. يبقى خلاص .. تعملوا باب الاسره بينك زي ما الاخت الفاضله ما طلبت و يبقى زيه زي اي منتدى آخر .. و مشكووووووووور انا لهجتى غامقه شويه عشان و الله العظيم بحبكم في الله من اول الاستاذ عادل مروراً بعصام و احمد محمود س س و حضلاتك طبعاً ... و اللى مشيوا و اللى توفاهم الله و اللى زهقوا و بطلوا .. كلنا عملنا المكان ده و نستحق انه يبقى حاجا اكبر من كده .. تحياتى ..

يوزرنيم عايز حد يقول له احنا بنحوش .. خلاص انا ح اقولك .. بنحوش يا سيدي و بنقول كده عشان القر .. ارتحت ؟؟ العمل في الخليج ليس اكثر من "فرصة عمل " يا توافق يا ترفض .. تعمل ايه بالفلوس ... ده موضوعك انت .. ليه قاعديين ؟؟ كل واحد له اسبابه .. طب ننصحك بالسفر ؟؟ انت حر ... تسافر و لا ما تسافرش ده موضوعك .. انت ادرى بقدراتك و امكانياتك .. عايز تسافر سافر .. عايز تهاجر هاجر .. عايز تقعد في مصر اقعد .. في الاخر كل واحد حاله منفصله ... في مرتبات في الامارات من 1000 درهم الى 90 الف و انت طالع .. لكن السؤال هو هل هذه الرواتب متاحه لأى حد ؟؟ يعنى ال CV بتاعى يجيب كام ؟؟ و ده بنطبق على مصر و بره مصر .. لو عايز تعرف القيمه الشرائيه للدرهم الاماراتى = 50 قرش مصري بالتمام و كمال .. يعنى لو جالك عرض ب 4000 درهم = من حيث القيمه الشرائيه 2000 جنيه مصري مع الفارق انك هنا مع نفسك .. كل مصاريفك على نفسك من سكن و اكل و شرب و الخ ... لو تقدر تعيش ب 2000 جنيه في مصر بظروف مصر ح تقدر تعيش ب 4000 درهم في الامارات بظروف الامارات المصاريف .. ممكن من شارينج ب 500 درهم تأجر بيهم سرير لفيلا ب 500 الف درهم في السنه في الجميره .. ممكن تسيب عيالك و بيتك في مصر و تقضيها شارينج او تجيبهم و تعمل حسابك على الرأس في السنه = ايجار شقه .. كروكى كده عشان تبقى الحسبه متناسبه .. في الاخر اختيارك تعمل ايه بالفلوس هو اللى ح يحدد ح تحوش و لا لأ .. في المقابل اللى حوش ما عرفش يعيش كويس و كمان معرفش يعمل حاجه .. الاسعار في مصر بتزيد اسرع بكثير من قدرتك على التحويش ... انت عارف الشقه اللى انت بتتكلم عليها دى "500 الف" دول ممكن يتحوشوا في قد ايه ؟؟ اللى بيعمل كده غالباً بيبقى اقترض من البنك و اشترى حاجه في الواق الواق و مع الوقت العمران وصلها و بقت بال"500 الف" دول ... مقابل ده بيبقى عايش مخنوق و مديون و قرفان .. ده حال 75% على الاقل من اللى قاعدين في الامارات .. طب لو عشنا في مصر كان ممكت نعمل كده ؟؟ معرفش .. بس كل اللى اعرفهم في مصر جابوا شقق و عربيات و اتجوزوا زيهم زيي .. دى ارزاق في ايد خالقها ..

شكرا على تنبيهك تحياتي :blush2: مهندس ابو يوسف ده كونفيرتور من سيريال ل PS2 و ده بيستخدم لما يكون صاحب الكافيه صعبان عليه يغير كي بورد قديم .. و زي ما قال محمد .. الكي لوجر او الموصوف من البيان هو برنامج بينزل على الكمبيوتر و بيبعث الكي ستروكس او النقرات الى الهاكر اللى حاطط البرنامج ... عموماً المفروض ما حدش يشوف حسابه البنكى على كمبيوتر في سيبر .. و لو عايز يحط اي بيانات يا ريت نستخدك ال On Screen Keyboard Start > Programs > Accessories > Accessibilities > On Screen Keyboard التحزير بقى يبقى من بعث الشين ايميل من نوعية الايميل ده .. طبعأ كلنا بنروح ضايفين كل اللى نعرفهم و نروح باعثين .. في مواقع كثير بتشتري الايميلات دى عشان تبعث لهم SPAM فياريت نبطل نبعث او نساهم في نشر الشين ايميلز .. تحياتى ..

ازمة المرور هى ازمة تخطيط في الاساس .. لو اخذنا خط من عند المطار لغاية ما تروح الهرم خوفو .. عارفين المسفه دى قد ايه ؟؟ حوالى 30 كم .. تخيلو كل المسافه دى 30 كم .. زحام عمارات و اماكن سكنيه و تكدس غير طبيعي .. لازم يبقى نتيجته ازمة مرور .. حل الازمه هو التوسع .. الخروج بره القاهره الكبرى القديمه .. و ده بدأ بالفعل لكن باسلوب غبي كالعاده ... مثال على كده 6 اكتوبر و ازاى شارع 3 حارات يبقى المدخل الرئيسي لها .. عموماً انا شايف ان العشر سينين اللى فاتو حصل فيهم قد ال 20 اللى قبلهم و اكثر .. الحق يقال حكومه نظيف هى اكثر حكومه اشتغلت في مصر و عملت شغل .. يمكن لما ابتدوا يلاقوا شعب ايجابي بيدور على حقه ابتدوا يشتغلوا ..

و الله برضو ... كنت ح اقولها :blush2:

فكرتنى بالنكته اللى قال فيها الشيطان ل .... " اتقى ربنا" .. يا ابنى بلاش الافكار دى ربنا يهديك .. مش عارف لو قلنا ان في شوارع لما بنعدى منها بندفهع من 4 ل 12 درهم في المره الواحده ممكن يتقال علينا ايه ؟؟؟ :ninja:

انا كمان نفس الوصف تقريباً ... بس بادفع من 500 ل 1000 درهم في الشهر و من غير ما اعرف ايه الفرق .. صحيح بقوا حراميه في مصر :blush2:

بس النظام ده كويس معانا يا س .. يعنى ندفع مقدماً الشويه اللى بنقعدهم في مصر و خلاص .. مش كده و لا انا مش فاهم ؟؟

كنت ح اقولها :blush2: و بعدين بصراحه عداهم العيب .. الطوارئ مدت في سنتين الانتخابات بس :ninja:

مش عارف ليه الاحباط .. هنا في الامارات فرضوا ال ICDL كمؤهل اساسى لمن يريد ان يلتحق بالدوائر الحكوميه المختلفه .. الشهاده بتعنى شهادة محو اميه اليكترونيه .. كثير من الشباب ما بيعرفش حتى يستعمل الانترنت .. يبقى منحه زى دى بتفتح ابواب و افاق للارتقاء بنوعية الموظفين المصريين .. مش عارف ليه نغمة التقفيل اللى ما لهاش لازمه دى .. اللى شايف نفسه مش محتاج المنحه ما يأخذهاش و يسيبها للى محتاجها .. على فكره مجالات المنح من النوع ده و الاعلى (زى منح مجلس الوزراء ) ميزه نحسد عليها و مش موفره لشعوب كثير .. يا ريت الشباب يستفيد منها بدل ما يبكى على اللبن المسكوب

في خبر قديم .. http://www.youm7.com/News.asp?NewsID=89377...&IssueID=54 نقرأ مع بعض الملخص : لمعلوماتك... ◄47 نائباً تقدموا ببلاغ إلى النائب العام حول مخالفات الوزارة ◄النائب محمد عامر تقدم بسؤال عاجل لوزير الإسكان أحمد المغربى يطالبه فيه بكشف أسماء الشركات والهيئات والأشخاص من رجال الأعمال الذين حصلوا على أراضى الوزارة من عام 2000 حتى الآن. ◄النائب فريد إسماعيل اتهم وزارة الاستثمار بالتواطؤ عن طريق الشركة القابضة للإسكان والسياحة والسينما فى صفقة بيع أراضى ميدان التحرير لشركة أكور المملوكة لأحمد المغربى. ◄النائب سعد الحسينى اتهم الدكتور محمد إبراهيم سليمان، وزير الإسكان الأسبق بإهدار ما يقرب من 60 مليار جنيه على الدولة، قيمة أراض تم توزيعها على المحاسيب من وزراء سابقين ورجال أعمال بثمن بخس وبشروط مجحفة. ◄النائب جمال زهران اتهم فى استجوابه وزارة الإسكان ممثلة فى هيئة المجتمعات العمرانية بتسهيل الاستيلاء على 16 مليون فدان من مافيا الأراضى بقيمة إجمالية قدرها المستجوب بـ800 مليار جنيه. الـ 16 مليون فدان = ما قيمته 67.2 ألف كم مربع دول بقى قد ايه ؟؟؟ بص معايا على مساحات الدول التاليه : فلسطين 26.6 ألف كم مربع الكويت 17.8 ألف كم مربع قطر 11.4 ألف كم مربع لبنان 10.4 ألف كم مربع البحرين 5.67 ألف كم مربع دول بقى مجموعهم قد ال المساحه اللى اتباعت .. يعنى واحد اشترى فلسطين و الثانى اشترى الكويت و الثالث على قد فلوسه اشترى البحرين .. و ايه باسعار مخفضه و اوكازيون كمان ... امتى اتباعت ؟؟ في عشر سينين .. من 2000 لده الوقت .. مين اشترى ؟؟؟ اسألوا ابراهيم سليمان او اقروا التعليق على الخبر ده : http://dostor.org/politics/egypt/10/april/18/13560 للامانه الموضوع ملكيه فكريه لـ د. يحي الشاعر .. بس حسيت ان التعليق على الخبر مش كفايه .. و ان الخبر ممكن يكون حلقه في مسلسل عشوائستان .. الجزء الاول : http://www.egyptiantalks.org/invb/?showtopic=26171 الجزء الثانى : http://www.egyptiantalks.org/invb/?showtop...868#entry414503 و كفايه كده على الجزء الثلاث ..

في اوروبا و الدول المتقدمه تعتبر التنميه من اهم واجبات الدوله .. لكن في دولة عشوائستان حيث التطور الغير مسبوق لنظرية الدوله .. و حيث الحريات اللا نهائيه على المال و الاعمال .. و حيث الاسواق المفتوحه على مصرعيها بشكل غير لائق .. ترتكن دولة عشوائستان على اهل الثقه في التصرف في املاك الدوله بدلاً من ضياعها على يد "واضعوا اليد" او "اعراب الجبل" .. استقطعت الاراضى الى مجموعه من ال "لكش" الكبيره و تم تسليمها الى اصدقاء النظام مقابل رسوم رمزيه تقدر بقرش صاغ واحد عن كل متر مربع علي سبيل الاستنطاع .. مع العلم ان اصدقاء النظام الشرفاء قد دفعوا المطلوب والمعلوم مع الضرائب و تمغات و الشاى و السندوتشات للدوله على دائر مليم .. لكن ... بالتقسيط المريح ...على مائه و خمسين سنه بدون فوائد في اطار برنامج تشجيع الاستثمار على قناة الحياة سينما .. ثم قام اصدقاء النظام باعادة تقسيم ال "لكش " الى ابعديات اصغر في الحجم لاصدقاء - اصدقاء النظام .. و لم ينسوا اخوانهم العرب في هذه الوليمه .. فاعطوهم من ما اعطاهم الله و امدوهم بالخبره و الارشاد في علوم السمسره و التسقيع مقابل رسوم استشاريه مسيطه تقدر بالف جنيه فقط لكل متر .. و للاحتفاظ بالحق الادبي و العلمى .. فكان الدفع كاش و على الرابيزه ... و بالطبع لن يضر احد ان يستأثر لنفسه احد هؤلاء الاصدقاء بقطعة ارض صغيره يستخدمها لاحد مشروعاته الصغيره او يعطيها لابنه حماده يطير فيها طيارته .. انه حقاً النظام العشوائى العادل المتين في ازهى عصور الديموقراطيه و الحريه .. يتبع >>