لونا

إنا لله و إنا إليه راجعون البقاء لله وحده .. ربنا يرحمها و يغفر لها و يصبر أسرتها الكريمة الشكر لعبير على إعلامنا بالخبر

البقاء لله وحده يا أ/ أبو محمد ربنا يغفر له و يرحمه و يصبرك و يصبر أهله

أما عن موضوع النيش و الصالون ياريت فعلًا يكون فيه حملة لتغيير المفاهيم اللي مالهاش أي لازمة أنا مش فاهمة ليه حياة أي زوجين لا تبدا في بيت غرفة وصالة .. غرفة نوم و صالة فيها أنتريه شيك و ترابيزة للاكل و المطبخ فيه إحتياجاته فقط .. مش عشر أطقم كاسات و عشرين كوبيات.. و حلل استانلس و ألومنيوم و تيفال و بايركس و يا ريتها تستعمل لا تتركن عشان الضيوف اللي يقدر يجيب يجيب .. لكن اللي ما يقدرش و يستلف و تبوظ الجوازة بسبب الحاجات دي حرام و الله

عن نفسي لما جينا نشتري الشبكة .. فوجئنا بزوجي يكتب الفاتورة بإسمي .. لما اشترينا العفش .. والدي كتب فواتير العفش الذي اشتراه لي بإسمي .. و كتب زوجي أيضًا فواتير العفش الذي اشتراه بإسمي .. طبعًا لم يعد هناك حاجة لكتابة قايمة طيب القايمة مهمة؟ أيوة مهمة ليه ؟ لو واحدة زوجها طلقها .. و أخذ منها الشقة .. و أخذ العفش (على فكرة العفش عندنا في مصر مش بيبوظ بعد سنتين تلاتة .. أعرف واحد إتجوز مرتين على عفش زوجته الأولى ) الواحدة دي تقعد هي و ولادها فين ؟ و على إيه؟ حتدخل في قضايا و محاكم ... لغاية لما تثبت إنها حاضنة .. و بعد 4 أو 5 سنين .. حتاخد الشقة (مؤقتًا) .. و تقعد على البلاط 4 أو 5 سنين لغاية لما يتحكم لها بالعفش ؟ هل كدة هي مادية عشان بتدور على عفش أو قايمة أو مؤخر ؟ .. و المفروض إن مادام زواجها فشل ما تفكرش في ماديات ؟ طيب و ولادها لما يتنقلوا من بيتهم لبيت جدهم .. و يرجعوا تاني لبيت فاضي مافيش فيه عفش ...نفسيتهم تبقى عاملة إزاي؟ على فكرة الحكاية دي من الواقع و ليست خيالية

ارى أن ظاهرة ملصقات الدعاية الانتخابية سيئة جدًا .. و البلد مش ناقصة تشويه و على كل مرشح إزالة كل هذه الملصقات .. سواء وضعتها حملته الرسمية أو أنصاره بدون علمه و إن كان من الأفضل عدم وضعها أصلًا .. والبحث عن طرق أخرى أقل تلويثًا عجبتني فكرة كيس العيش الفينو و أهي مش محتاجة إزالة

بوسي ..إيه ده ؟ يعني قبل كدة أمه كانت بتشوفه يضرب عمر و تسكت و دلوقتي الولد بيدخل عليها بلعب مش بتاعته .. ولا بتسألكم إنتوا اللي إديتوها له و لا هو اللي أخدها طيب حتى لما مش بتفتحي لإبنها الباب .. مش بتلاحظ و تقلل من زياراته لكم ؟ مش شايفة إن كدة فيه حاجة غلط في تربيتها لإبنها؟ لازم تلفتي إنتباها ..على الأقل أطلبي منها لعب إبنك بشكل واضح و صريح .. لو قالت لك خدها إزاي ؟ .. إحكي لها إنه خباها في هدومه و إنت ما رضيتيش تحرجيه ساعتها لازم تاخد بالها من إبنها .. كل الأطفال بيكون نفسهم في اللي في إيد غيرهم .. لو السلوك ده ما اتعدلش في السن ده مش حيتعدل بعد كدة

ربنا يكرمك .. حلو الموضوع يا هند شكلي حاقعد هنا مش هامشي حاكتب كتير إن شاء الله لما تخلصي المراحل الأولى من عمر الطفل و تدخلي على فترة 10 ل 15 سنة في الغالب حادخل سائلة مش ناصحة .. مغلبني يا أوختي

ألف سلامة عليكي يا عبير.. خدي بالك من نفسك و من البيبي شفاك الله و عافاك

أ/ أحمد هناك منتدى مصري شهير للسيدات .. أدخله و اقرأ كمية المواضيع التي تتحدث عن زوجات حديثات الزواج .. تتمنى كل واحدة منهن اللحاق بزوجها في الخارج في أقرب وقت و اقرأ عن التي باعت ذهبها و شبكتها لكي ينهي زوجها دراساته العليا .. أو لكي يستطيع الحصول على فرصة عمل .. أو لتساعده في مشروع و اقرأ أيضًا عن الزوج الذي خدع زوجته .. بعد ما عاشت معه سنين من الضيق و لما فتح الله عليه طلقها أو تزوج عليها اخرى حضرتك حتجيب حقائق .. أقدر أحكي لك مئات الحقائق و من الواقع .. لنذالة بعض الرجال مع زوجاتهم ..بل و مع أولادهم للأسف و لكن في النهاية لا أقول إن كل الرجال المصريين طباعهم سيئة .. ولا حتى معظمهم إلا إذا خرجت دراسة إحصائية تؤكد ذلك

حازم أبو إسماعيل على المحور ..في برنامج (90 دقيقة )

بالطبع زادت حالات الطلاق عن السابق و لكن من قال أن نسبة الطلاق زادت لأن السيدات الصالحات نسبتهم قلت ؟ هل الزواج قائم على الزوجة فقط؟ الزواج علاقة بين شخصين .. إذا نجحت .. تنجح لأن الطرفين ساهما في إنجاحها .. بالطبع قد تكون مساهمة أحدهما أثمن من الآخر على فكرة .. يمكنني أنا أيضًا أن أصيغ جملة مثل جملة حضرتك بالأحمر .. و لكن أوجهها للرجال .. و بدون أي دليل !!!

بصراحة يعنى ...!!! حرام الرد على مداخلة زى دى . للاسف رصيدي خلص يا مدام سلوى