لازلت احلم بزيارتك

[فــيــروز]

هذا الموضوع الهدف الوحيد منه ان يقول كل منا ما هى البلد التى لازال يحلم بزيارتها .. ولماذا

ربما يكون اختيارى للبلد الاولى التى احلم بزيارتها عجيب بعض الشئ .. لانى اريد ان ازور ايران .. منذ سنوات طويله حين كنت فى بداية الدراسه بالجامعه ولاتزال مصر تتعرض لهجمات ارهابيه شرسه كانت الحكومه المصريه فى الغالب تنسبها لجماعات تمولها ايران .. لم استطع ان اشعر سوى بفضول شديد لمعرفة هذا البلد الذى كانت صحفنا تصوره على انه موطن الشر و العنف و الديكتاتوريه !! ولسبب لا اعرفه حتى الآن لا استطيع ان اهضم هذه الفكره تماما ولاتزال ايران تمثل لى لغزا غامضا و جذابا ولازلت احلم بزيارتها .. فهل هناك مكان تحلم بزيارته؟ :rolleyes:

[Lighthouse]

موضوع جميل جدا يافيروز

بصراحة ومن غير ضحك

نفسي جدا ازور مصر

نفسي اشوفها كلها

حاسة اننا محرومين منها <_<

واننا مش متمتعين بجمالها لارتفاع اسعار الرحلات الداخلية وعدم ملائمتها لدخول الناس rs:

ولما اشوف مصر بقى وعليكي بخير افكر اشوف بلد تانية :rolleyes:

[montaser]

زيارة سياحية إلى دولة إيران

إيران دولة من محور الشر كما كان يقال لنا في المدارس أيام حكم عبدالناصر ، وكذلك كان يقال لنا أيضا بأن حركة محمد ابن عبدالوهاب في السعودية حركة انقلابية وحركة ضد الاسلام ، فسياسة المرحوم كانت دائما معنا ولا ضدنا ، لا يجوز عليه إلا الرحمة ، فإيران دولة قوية ولها كيانها ووزنها في المنطقة ، بصرف النظر عن الاختلاف في العادات والتقاليد .

وعن الرغبة في زيارة دول أخرى ، فإنني أرغب في زيارة فلسطين ، والمسجد الأقصى إن شاء الله عندما يتحرر من أيد الصليبين ويكون في ايد عربية ، وهذا بعد قيامي بزيارة نصف مناطق مصر السياحية تقريبا ، التي هي أحق بالمعرفة أولا .

[disappointed]

الموضوع حلو

وفكرته مثيرة

أحلم بزيارة الصين (وبخاصة إقليم التبت)

لأننى مغرم بالأماكن التى يفوح منها عبق التاريخ القديم

[فــيــروز]

لا طبعا يا لايت من غير ضحك :angry:

الحقيقه كلما كنت اخبر احدا عن رغبتى القويه فى زيارة ايران كان يضحك ويعدنى ان احظى بمعامله خاصه جدا من امن الدوله اما ارجع بالسلامه ان شاء الله :lol: .. لهذا اعتبرت الزياره حلما لان ما يقف فى سبيل تحقيقه ليس الامكانات الماديه التى قد تتوافر فى المستقبل ان شاء الله لكن المشكله فيما هو اعقد .. :unsure:

المكان الآخر الذى احلم بزيارته هو "فنلندا"

قرات انها تقع عند سقف العالم !! وهناك مكان يمكن لو وقفت فيه ان ترى الشمس و القمر فى نفس اللحظه . :blink: . سمعت انه منظر اسطورى لايملك الانسان ازاءه الا ان يقول "سبحان الله"

على فكره .. زيارة فلسطين والمسجد الاقصى لم تكن فى ذهنى قبل كتابة الموضوع لكن لن انكر انى بعد ان قرات تعليق الاخ منتصر شعرت ان الفكره بتزقزق فى راسى .. اما الصين .. اسمح لى اقول يا محبط .. WOW فكره هايله جدا .. انا نفسى اتمشى على سور الصين العظيم .. يااااااااه ده الواحد قلبه بيتنطط من مجرد تخيل الفكره :P

[zamalkawy]

انا نفسي الف العالم :lol:

بس لو دول معاينة نفسي اروح كينيا و اعمل سفاري

[Salwa]

موضوع مدهش..........

الصراحة هى حاجة تكسف انى اقول على الملأ ...نفسى اروح فين ؟؟

بتمنى ازور الاقصر واسوان .........

وكل ما اقول ...السنة دى لازم اروح .....تحصل حاجة ...تعطلنى

ايضا ....بتمنى اروح ايران ...فى مكان تجمع ...ومعيشة

.// الصابئون //..

لا لشئ........فقط لمجرد التعامل معهم عن قرب .....

كشئ يدهشنى ....وانا دائما احب ان اتعرف عن قرب ..على كل ما يثير اهتمامى .....وخصوصا انهم لهم طبائع متفردة ..

دى اهم الأماكن اللى نفسى ازورها ......

سلامى.

[MuslimaEgyptian]

موضوع جميل يا فيروز :unsure:

لازلت أحلم بزياره ..

:lol: العالم بأجمعه :P لأننى أحب السفر جداااااااا

وبالأخص:

-السعوديه للحج او العمره ان شاء الله

-مصر تانى (بدون هدف محدد غير الوقوف على أرضها والمكوث وسط ناسها واستنشاق هواء القاهره والنيل ليلا )

(ولو بهدف، يبقى نفسى أشوف الأقصر وأسوان,الفيوم والإسماعيليه، بور سعيد ومرسى مطروح وإسكندريه واى ريف فيه خضره وشجر وأرض واسعه وشاى بالنعناع) :angry::))

-فلسطين يوم تبقى حره واتخيلنى أقابل أخوات لا أعرفهن أحتضنهم بشده تهنئه بزيح الإحتلال..

- دبى

-جنوب أفريقيا، علشان سمعت انها جميله جدا

-اوروبا (باريس، إيطاليا، أسبانيا)..ولكن نفسى إتسدت مؤخرا من ناحيتهم بسبب الأحوال الراهنه..كقراراتهم السياسيه التى تتعلق ببلادنا ومصائر إخواننا واخواتنا..والإضطرابات الأمنيه بالطبع...

ولايات,

Boston,massachusetts

Florida

- جزر هاواى

- مصر :blink:

-Egypt stnd::

- جمهوريه مصر العربيه :huh::)

[Farida]

كان متهيألى مش حا اكتب فى باب المغتربين ده أبدا بس كويس و الله يا فيروز اننا عرفنا نتمحك فى أيها موضوع و دخلنا برضه :unsure: :unsure: ...

أنا نفسى أزور :

1- السعوديه للحج و العمره فقط

2- جبال الألب فى النمسا علشان أشوف الأماكن اللى اتصور فيها فيلم صوت الموسيقى

3- أزور معبد أبو سمبل

4- أزور المغرب و أشوف مضيق جبل طارق

5- أزور دبى علشان الشوبنج

تم تعديل 22 مارس 2004 بواسطة Farida

[se_ Elsyed]

أنا نفسي أزور ماليزيا .. بس المواضيع ملطشة معايا .. السنة اللي فاتت حزمت الشنط ولسه رايح يقوم يجيلهم سارس إي نعم كان بعيد عنهم شوية بس خفت يكون فيه حتة سارس مستخبية كده ولا كده وقليل البخت يعضه السارس في المولد ..

السنة دي قولت أزحلق العيال على مصر وأروح .. أفاجأ بإنفلونزا الفراخ سارحه هناك وعماله تقش في الناس والفراخ مابتفرقش بينهم..

تفتكروا إروح ولا ماروحش ؟

خايف يبقى وشك حلو عليهم وتقوم حرب عالمية تالتة تشيلهم من عالخريطة  ، فاحسن لك تاخدها من قصيرها وتروح تزور أخوك حشيش  اللي منتظرك من السنة اللي فاتت في البحرين وزمانه إستعوقك وكمان زمان كيلو الموز اللي جايبهولك عشان يضيفك زرع وبقى سباطة موز

[linux]

1. مكة المكرمة

2. المدينة المنورة

3. آيران

4. تركيا

5. أسبانيا

6. المغرب

7. دبي

[Hasaballa 17]

نفسى ازور نيوزيلاند من اللى بشوفه فى التلفزيون عنها .

[أسد]

السويد

ماليزيا

سنغافورة

هاواي

[فــيــروز]

يا جماعه طيب ما حد يقول لنا اسباب اختياره للبلاد التى يحلم بزيارتها ايه .. قصدى يعنى البلاد كتيره بس فين النفس .. لا قصدى يعنى ان من المؤكد ان هناك اسباب معينه تجذب كل منا للرغبه فى زيارة بلد ما ..

البلد التاليه التى احلم بزيارتها هى بريطانيا rs: الحقيقه يعنى .. يوم الجمعه كان فيه فيلم فى التليفزيون تدور جزء من احداثه فى بريطانيا .. صوروا ساعة بيج بن من قريب .. شكلها عجبنى جدا .. اينعم لو رحت بريطانيا لن يتاح لى الاقتراب منها لهذه الدرجه لكن من المؤكد ان شكلها جميل حتى لو من بعيد شويه .. كذلك كان فيه كوبرى حلو اوى .. شكله كان حلو فى الفيلم .. و المؤكد ان بريطانيا بها معالم كثيره جدا تستحق الزياره rs:

تم تعديل 24 مارس 2004 بواسطة فــيــروز

[White heart]

انا احمد الله و اشكره كثيرا على نعماته التى لا حصر لها، و منها نعمه الترحال و السفر حول العالم و زيارة دول عديدة، و لكن بالطبع تبقى على قائمتى كثير من الدول التى لم ازرها بعد و التى ان اطال الله فى عمرى سأزورها .... على سبيل المثال و ليس الحصر:

الهند ...

بلد العجائب والخرافات، حيث يتجاور فيها الفقر والغنى، الأيمان والالحاد ، الجريمة والامان، الاحزاب والميليشيات، احدث الصناعات واكثرها بدائية، يختلف فيها الهنود على الصغائر والكبائر ويتفقون على ( الهند) ، احزابهم بعدد آلهتهم وأمزجتهم بانواع طقوسهم، مختلفون في طبائعهم من المأكل والملبس وطرق الزواج والدفن والاحتفال الى العبادة والسياسة، يفرقهم كل شيء وتوحدهم ( الهند)، فالوطن بالنسبة للهندي فوق كل شيء، من الرسائل التى أعجبتنى مثلا فى سياستهم، هى تلك التى انتخب فيها هندي مسلم لرئاسة البلاد، انها رسالة سلام الى الكشميريين.....

الهند قرأت عنها من تحدث عن كتاب نهرو العظيم ( تاريخ العالم ) وهو مجموعة رسائل من السجن الى ابنته الصغيرة انذاك انديرا غاندي ، شرح لها فيه عن تاريخ جميع دول العالم ، اقتصادها ومكوناتها وجيوشها ومراحل استقلالها، اول ما استلم نهرو العظيم رئاسة الوزراء عام 1947 لم يفكر بالتماثيل والنصب و تحرير العالم الخ .. الخ ... الخ، بل اسس جامعة على غرار جامعة كامبردج التي درس فيها ، واسس فرعا جديدا كان في الهند حول علوم الالكترونيات ، نتيجته الان ، ان شركة ميكروسوفت للكومبيوتر وحدها تضم اكثر من ستين الف عالم هندي من خريجي هذه الجامعة ، فضلا عن شركات ارض الله الواسعة الاخرى، وان علماء الهند من أندر النماذج في العالم لخبرتهم الهائلة وللتكاليف الأقل التي يتقاضونها. والجامعة صدقة جارية بشرط ان لايكون في منهاجها درس اسمه ( الثقافة القومية)، حين خرج نهرو من السجن واصطدم بالبريطانيين ، لم يرم كتبه ولم يؤجل مشاريعه التنموية الى ان يخرج الاحتلال بل باشر بشعاره الشهير (المال من اجل الانسان لا الانسان من اجل المال) وهي مقولة ماخوذة من روح غاندي العظيم، الذي قال الانسان الحر يصنع المستقبل..... مثل تلك البلد المعبق بالتاريخ و الأثار، مثل هذا المزيج الثقافى و الفكرى، يثيرنى مشاهدته على الطبيعه و التعايش و لو لفترة 3 اسابيع على الأقل معه و مع أهله...... أعتقد انها ستكون تجربه مفيدة.

[se_ Elsyed]

إتمنيت النهاردة بس إني أروح هولندا وبالتحديد أمستردام وبالتحديد عشان أشوف الأماكن اللي اتصور فيها فيلم همام في أمستردام يمكن أقابل شخصية " دوده " اللي كان معاه في الفيلم الواد اليهودي السُهن اللي يبدو ناعم الملمس ولكنه أشد فتكاً من الحيه الرقطاء ... مش عارف أيه اللي فكرني به النهاردة ؟

بالمناسبة أنا أخترت " ماليزيا " لأنها تجمع بين التمسك بكيانها وشخصيتها الإسلاميه وبين مظاهر الحضارة الحديثة حيث تثبت للعالم كل يوم بإن المسلمين ممكن أن يكونوا متقدمين جداً وبإنهم ممكنوا ألا يكونوا عالة على أحد .. وبالتالي فهي تقف شامخة في وجه القوى الشريرة وعلى رأسها أمريكا ولا تخاف من حصار إقتصادي ولا عقوبات ولا غيره ...

ده بالإضافة إن الأسعار فيها رخيصة وشركات السياحة هنا بتعمل Packages في الصيف لزيارتها تجنن وفي متناول الجميع .

[arabawy]

Packages

يااخي قول شروة او حتي صرة او شيلة زي شيلة القلقاس

[abofasad]

لا زلت احلم بزيار.........تكم

أحلم بزيارة الزملاء بالمنتدى الى أسبانيا

بلد السياحة والشمس والبحر

خاصة الجنوب حيث أقيم

فأهلا بكم جميعا

كما أرحب بأهل شمال أسبانيا لزيارتنا نحن سكان الجنوب

صديقي العزيز سي السيد .. في انتظارك

[se_ Elsyed]

صديقي العزيز سي السيد .. في انتظارك

كلك ذوق يا عم أبو فصاد , أنا متأكد أنها مش عزومة مراكبية , بس في الظروف دي أخاف أزور أسبانيا أحسن يقفشوني بحجة إني قاعداوي ...

طب أقول لحضرتك ما تجيلنا السعودية تعمل عمره ونتشرف برؤيتك

أو نتقابل في وسط السكة في مصر في إجازة الصيف اللي جاي

[amir]

أول مـره سمعت عنها كان عمرى يمكن 22 أو 23 سنه و لحـد النهارده و قد أصبح عمرى .... ( 28 )سنه لسه بحلم بيها

وهــــــــــى :

Liechtenstien

ليختنشتاين

يكفى أنها تقع فى منطقه بين سويسرا و النمسا علشان تخلى الواحد يفكر فيها الف مره ، يمكن علشان الجو الحار اللى أنا عايش فيه و الصحراء الخـلابه متراميه الأطراف

حقيقى كفايه المناظر الطبيعيه و الجـو النقى علشان الواحد يمتع عنيه و ينضف صـدره من دخان السجاير

بس هـى زحمـــه شويه

Population 32,207 (July 2000 est.)

Age structure 0-14 years:18% (male 2,970; female 2,988)

15-64 years:71% (male 11,379; female 11,370)

65 years and over:11% (male 1,393; female 2,107) (2000 est.)