الخلطة السرية لانجاب التوائم

[~Heba~]

و صباح الخير عليكم

يا ترى ايه هى الخلطة السرية لانجاب التوام

طبعا الواحد يتجوزالاول و بعدها يحلها الحلال

انما فيه ناس بتقول تبعدى عن الاكل النباتى و تكترى اللحمة...دراسة بريطانية

فيه ستات بياخدوا منشطات مثل الكلوميد و غيره ده في حالة وجود مشاكل فى الانجاب

انما دلوقتى بسمع انه فيه ستات بياخدوه عادى كأنه حبه اسبرين عشان يخلفوا توائم اتنين تلاتة على حسب الجرعة

ياترى ايه مدى صحة الكلام ده و ايه مقدار الضرر فى الحالة دى

و هل لو تم اخذها بيحصل تشوهات للتوائم؟؟؟؟

عايزة معلومات موثوقة و دقيقة اذا امكن

تم تعديل 7 أبريل 2008 بواسطة ENG.Heba

[se_ Elsyed]

والنبي يا هبه يا أخي لما الواحد يقف على راسه .. برضوا اللي كاتبه له ربنا هايشوفه

وبعدين حضرتك دائماً اللي عالبر عوام ....

فلما يكون عندك عيل واحد فقط لا غير بإذن الله لما تتجوزي ... وما بينيمكيش الليل ويلخبط حياتك هاتقولي الخلفة واللي خلفوها .. ما بالك بتوأم بقى و وأ وأ اناء الليل واطراف النهار

أقعدي على جنب يا هبه وأرضي بنصيبك .

[رمضان]

طب ازاي

عموما حتى لو ينفع هيكون شيء مش كويس لان مفيش احسن من الحاجة اللي بتيجي كده

[badroora]

موضوع التوائم منتشر جدا فى الحالات التى تعانى من كسل فى وظيفة المبيض فالمنشطات اللى بتتعاطى ليها اثر كبير فى انقسام البويضة المخصبة الى ثنائي وثلاثي ورباعى وخماسي وعلى حسب ما الله يريد ان شاء الله

هو يا هبة والله فى الزمن دا من الافضل اللى تتجوز تجيب مرة واحدة توئم وترتاح ة هيطلع عنيها شوية فى البداية بس ممكن تحل المشكلة و تجيب شغالة

تفى بالغرض والسلام

الا صحيح يا هبة

خلطة سرية دي بتحسسينى ان دا من صنع الخلق وليس الخالق

تحياتى يا قمر

تم تعديل 7 أبريل 2008 بواسطة Badria Mekkawy

[أبو محمد]

يُرجع البعض ظاهرة انتشار إنجاب التوأم إلى الحقن المجهرى وأطفال الأنابيب

ممكن حد من المتخصصين يدخل ويشرح الموضوع ده ؟

[vipwithyou]

الله يسامحك يا باشمهندسة هبه انا لما شفت اسم الموضوع قلت اكيد راجل اللى كاتبه وكمان مش عاقل

لقيتك انتى ؟؟؟

يابنتى زى ما قالك سي السيد ودايما اسمعى كلامة ان ولد واحد بيطلع عين اهله فما بالك بتوأم يعنى عيلين فى سن واحد

هتفضلى فى مشاكلهم طول العمر

وشكرا

[قديم]

انما فيه ناس بتقول تبعدى عن الاكل النباتى و تكترى اللحمة...دراسة بريطانية

وصفه رائعــه باش مهندسه هبه

طبعا الدراســه دي بمناسبه ارتفاع الاسعار واتوقع يكون لها صــدى كبيــر

لكن انا ساأقرهــا بطريقتــي اخـــري

اوعــي تكترى اللحمة ..وتبعدى عن الاكل النباتى و عشان ما يجي لك تــوم

[~Heba~]

والنبي يا هبه يا أخي لما الواحد يقف على راسه .. برضوا اللي كاتبه له ربنا هايشوفه

وبعدين حضرتك دائماً اللي عالبر عوام ....

فلما يكون عندك عيل واحد فقط لا غير بإذن الله لما تتجوزي ... وما بينيمكيش الليل ويلخبط حياتك هاتقولي الخلفة واللي خلفوها .. ما بالك بتوأم بقى و وأ وأ اناء الليل واطراف النهار

أقعدي على جنب يا هبه وأرضي بنصيبك .

يا استاذنا الكبير انا عارفة انى اللى ربنا كاتبهولى حيحصل هو انا قلت حاجة

لكن الناس عليها تأخد بالاسباب عشان تعمل اللى عايزاه و ربنا هو مسبب الاسباب يعنى اولا و اخيرا كل شئ بايد ربنا

و بعدين انا عايزة انا عايزة اقول حاجة

الرجل اذا تألم كره والمرأة اذا تألمت احبت

يعنى التوأمين دول اللى امهم تعبت فيهم تعب مضاعف اكيد بتحبهم بشكل مضاعف

طب ازاي

عموما حتى لو ينفع هيكون شيء مش كويس لان مفيش احسن من الحاجة اللي بتيجي كده

اهى ازاى دى انا مستنية حد يقولهالى

و طبعا زى ما انت قلت الحكاية مش تبقى ابدا زى اللى بييجى طبيعى

بس بكرة نسمع الستات يحكوا مع بعض واحدة تقول للتانية اسكتى مش انا حامل بتوأم التانية ترد عليها و تقول لا و الله و يا ترى طبيعى و الا بالدوا

موضوع التوائم منتشر جدا فى الحالات التى تعانى من كسل فى وظيفة المبيض فالمنشطات اللى بتتعاطى ليها اثر كبير فى انقسام البويضة المخصبة الى ثنائي وثلاثي ورباعى وخماسي وعلى حسب ما الله يريد ان شاء الله

هو يا هبة والله فى الزمن دا من الافضل اللى تتجوز تجيب مرة واحدة توئم وترتاح ة هيطلع عنيها شوية فى البداية بس ممكن تحل المشكلة و تجيب شغالة

تفى بالغرض والسلام

الا صحيح يا هبة

خلطة سرية دي بتحسسينى ان دا من صنع الخلق وليس الخالق

تحياتى يا قمر

عداكى العيب يا بدرية انتى اللى فهمانى دايما

احنا فى عصرالسرعة عايزين كل حاجة مرة واحدة كده و خلاص

و يا سلام بقى لو كانوا التوائم خمسة و الا ستة..يا عينى على كده

ربنا يدينى و يديكى يا بدردر

اما حكاية الخلطة دى فانتى عارفة كل حاجة بايد ربنا لكن الانسان عليه ياخد بالاسباب

و الحكاية بالظبط تشبه حكاية تحديد نوع الجنين عن طريق الغذاء اللى بتتناوله الام

يُرجع البعض ظاهرة انتشار إنجاب التوأم إلى الحقن المجهرى وأطفال الأنابيب

ممكن حد من المتخصصين يدخل ويشرح الموضوع ده ؟

و انا معك يا استاذ ابومحمد انتظر رأى المتخصصين انا معلوماتى قليلة عن هذا الموضوع

الله يسامحك يا باشمهندسة هبه انا لما شفت اسم الموضوع قلت اكيد راجل اللى كاتبه وكمان مش عاقل

لقيتك انتى ؟؟؟

يابنتى زى ما قالك سي السيد ودايما اسمعى كلامة ان ولد واحد بيطلع عين اهله فما بالك بتوأم يعنى عيلين فى سن واحد

هتفضلى فى مشاكلهم طول العمر

وشكرا

انت متأكد يا تامر ان ده هو نفسه رأى خطيبتك طب اروح اسألها كده

حتقولك سهر الليل على اولادها بيكون على قلبها زى العسل

انما فيه ناس بتقول تبعدى عن الاكل النباتى و تكترى اللحمة...دراسة بريطانية

وصفه رائعــه باش مهندسه هبه

طبعا الدراســه دي بمناسبه ارتفاع الاسعار واتوقع يكون لها صــدى كبيــر

لكن انا ساأقرهــا بطريقتــي اخـــري

اوعــي تكترى اللحمة ..وتبعدى عن الاكل النباتى و عشان ما يجي لك تــوم

يا سلام على الروقان بتاع حضرتك يا مستر قديم الرجالة مكنوش واخدين بالهم بتفكرهم ليه

لا و المشكلة انه الواحدة تاكل لحمة كتير عشان تخلف لحمة كتير ( عيال يعنى) و اللحمة عايزة تاكل لحمة و الراجل يقطع نفسه

هما كدا الرجالة لازم يحسبوها بالورقة و القلم

[زهرة الجبل]

يا هبه هقول لك حكمه

أنا شخصياً بموت في التوائم بحبهم جداً .... بس من بعيد لبعيد

يعني احب جدا ان اتفرج عليهم شكلهم بيبقى ما شاء الله تبارك الله عساسيل و أمامير و كتاكيت خالص

انما اني اتخيل نفسي ربنا يرزقني بتوأم؟ هيشيلوني عالمستشفى على طول

مش لمتابعة الحمل ولا للولاده... لكن على قسم العلاج النفسي غرفة الإنهيار العصبي تحت إشراف طبيب الحالات المتأخره

أنا عندي آخر العنقود أكبر من أخوه بسنه و شهرين و مطلعين عيني وعين ابوهم وعين الجيران وعين اللي يتشدد لنا كمان

مابالك لو كانوا توائم؟... يا ساتر الستر من عندك يا رب

أنا زوجة خالي أنجبت تلاته مره واحده

الست كانت عاقله وكامله و جميله و شايفه بيتها وبتشتغل كمان

دلوقت إعتزلت الملاعب و بقت حالتها تقطع القلب

تشوفيها دلوقتي أول كلمه تيجي على بالك هي :

لا حول ولا قوة إلا بالله العلي العظيم

تم تعديل 7 أبريل 2008 بواسطة زهرة الجبل

[Alshiekh]

و صباح الخير عليكم

يا ترى ايه هى الخلطة السرية لانجاب التوام

لاشك كما قال الكثير من الاخوة ان كل شيئ بأمر الله

يعنى لا خلطة سرية ولا وصفة سحرية .

وكل مايفعله الباحثين هو محاولة تفسير للاحداث ، ولكن لاشيئ مؤكد اطلاقا ولايضمن اى باحث او متخصص ان ياتى بتوأم او عدة توائم بناءا على تناول عقار معين او باجراء جراحة معينة ، على الاقل فى الوقت الحالى.

ولو كان الامر بهذه السهولة لامكن حل مشكلة اللحوم فى العالم وكذلك الحبوب..

وبعدين يعنى كفاية عيل واحد فى الاول ، ولو حسيتوا ان العيال حلوة ولذيذة ، مش عيال شقية ومتعبة ابقوا فكروا فى التانى :lol:

[vipwithyou]

ايوة يا مهندسة هبه بيكون على قلبها زى العسل وعلى قلب زوجها منيل بستين نيله هههههههه

[جويرية]

هيا فعلا المنشطات سبب ظاهرة التوائم دي اللي كترت

كمان المنشطات دي مش عارفة و لا حقن سببت لوحدة صحبتي مشكلة خلفت طفل بس نموه مش طبيعي

[رحاب]

هبه

توأم يعنى زيادة اعباء

الرجاله كده ممكن يعلنوا الحرب عليكى

انتى عارفه هما بيحسبوها ازاى

بس بجد اريح حاجه الست تتعب مره واحده وترتاح بعد كده

[abofasad]

أسأل مجرب ولا تسأل ....

انا عندي توأم .. اتنين فصايدة زي العسل

لا خلطة سرية ولا حاجة

هي وراثة من جانب الزوجة

يعني زوجتى خلفت توأم

وأمها (حماتي) خلفت توأم

وجدة مراتي(أم حماتي ) برضه خلفت توأم

والدور دلوقت اما على بنتي او واحدة من بنات خالاتها

واللي ايده في الميه مش زي اللي ......

الحقيقة تربيتهم متعبة جدا ومجهود مضاغف من الأم وطبعا لازم مشاركة الأب في المساعدة

ولكن تشوفهم دلوقن .. ما شاء الله شيء يفرح كل أب

مش بقولكم اسأل مجرب

تحياتي لكل أم في المحاورات

جدو ابو فصاد

[Ghost]

طب ما عندكيش وصفة تمنع التوائم

صحيح و الله اللي ايده في المايه مش زي اللي ايده في النار

ممكن عيل واحد بس يخليكي تكلمي نفسك

اما لو اتنين

ياسلام لو كل واحد له معاد معين في النوم

و اكل مخصوص و لبس

كفايه النوم بس

ربنا يسترها علينا

[~Heba~]

و الله زمااااان يا ممدوح....مسير الحى يتلاقى :lol:

هئ هئ ايه اللى انا بقوله ده :blink:

يالا ما علينا ايه اخباركم ايه يا أهل المحاورات :lol:

افتكرت موضوعى ده و انا ابحث فى النت على معلومات حول الحمل بالتوائم عشان أختى ربنا ييسر لها حملها و توأمها يشرفوا بالسلامة أصحاء معافين

حد يقدر يفيدنى بمعلومات أخرى اصل اللى لقيته على النت مش كفاية اوى

لو ممكن أطباء المنتدى يفيدونا بمعولمات اوفر نكون لهم شاكرين

و شكرا مقدما

تم تعديل 5 فبراير 2009 بواسطة ~Heba~

[~Heba~]

افتكرت موضوعى ده و انا ابحث فى النت على معلومات حول الحمل بالتوائم عشان أختى ربنا ييسر لها حملها و توأمها يشرفوا بالسلامة أصحاء معافين

حد يقدر يفيدنى بمعلومات أخرى اصل اللى لقيته على النت مش كفاية اوى

لو ممكن أطباء المنتدى يفيدونا بمعولمات اوفر نكون لهم شاكرين

و شكرا مقدما

:sad:

ليييييييييييييييه محدش عبرنييييييييييييييييي md2:

[سهل جدا]

أذكر إن في دواء بتاخذوا النساء لتنشيط المبايض مش فاكر اسمه

بيقولوا إنه بيسبب حمل في التوأم في حالات كثير

وفعلا صديقات زوجتي اللي أخذوه في منهم كثير حملوا بتوأم

بس السؤال: أليس خلفة التوأم متعب للمرأة جدا ؟؟!!

[جيمي]

انسه هبه

انا ليه راى مجرد راى يعنى بما ان انتو بتحبوا الاولاد اوى وعندكو استعداد تربو بدل العيل اتنين وتلاته واربعه حسب جرعة الكلوميد

فايه رايكم مثلا تخلفولكو طفل وفى نفس الوقت تكفلو طفل وهما يتربو سوا ويلعبو سوا ويبقو زى الاخوات

وانتى كمان تدخلى الجنه مع الرسول ان شاء الله

والله بتكلم جد

علشان المنشطات والهرمونات لها اثار خطيره جداا منها بعيد الشر عن حضرتك سرطان الثدى والرحم وغيرهم ....

[Alrefaey]

ظاهرة التوائم

التوائم نوعان متماثل وغير متماثل

المتماثل وهو الذى ينتج من بويضة واحدة تم تلقيحها بحيوان منوى واحد وبعدها حصل لها انقسام الى نصفين متماثلين بالتمام فيكون الطفلين نفس الشكل والنوع

وهذا النوع شائع فى بعض العائلات ويتوارث احيانا

النوع الثانى وهو الغير متماثل

وهو ناتج عن ان الانثى بتنتج 2 بويضه ممكن من كل مبيض واحدة او من مبيض واحد احيانا ويتم تخصيب كل بويضه بحيوان منوى مختلف ولذالك ينتج طفلين مختلفين شكلا وقد يكونوا من نفس النوع او مختلفين ايضا

وهذا النوع ايضا شائع فى بعض العائلات وقد يكون من اسبابه تناول بعض الادويه المحفزة للتبويض

تناول الكلوميد او حقن مريونال او فوستومون او غيرها الكثير من العقاقير

الكلوميد مركب كمياء بيعمل على تنشيط المبيض وتحفيزة لأنتاج البويضه على اساس ان المرأءة عندها ضعف فى التخصيب وقلة فى الهرمونات

ولكن سوء استخدامة ورغبة حديثى الزواج بسرعة الانجاب فبيأخذوة فمن الممكن يؤدى الى حدوث اكثر من تبويض فى نفس الشهر لأن الطبيعى هو انتاج بويضة واحدة بالتبادل

من كل مبيض شهريا

فممكن ان تؤدى تلك العقاقير الى تنشيط المبيضيين فى نفس الشهر ومن ثم انتاج بويضتين وحدوث توائم

وممكن يحدث مالا يحمد عقباة ويحدث بولى سيست حدوث العديد من البويضات ولو تم تخصبهم جميعا فسوف ينتج عدد كبير من الاجنة بعضها ممكن يندمج فى بعض بينما يبقى عدد من التوائم

لذالك لا انصح بتناول اى سيدة اى غقاقير من تلقاء نفسها دون استشارة طبيب مختص وبعد اجراء التحاليل والفحوصات