كارفور والعبور

[MABELGABRY]

ذهبت يوم الجمعة الماضي لجولة في مدينة العبور ففوجئت بلوحة كبيرة تقول ترقبوا افتتاح فرع كارفور العبور --- ماجد الفطيم - معلقة على سور الجولف سيتي. ولفت نظري ان معظم اعلانات الشقق في العبور الان تقول بجوار كارفور -- ---- اتوقع ان ده هيعطي دفعة كبيرة لمدينة العبور واسعار الشقق والاراضي فيها

حد عنده فكرة يا جماعة عن مدى صدق الخبر وعن المكان والزمان اللي هيفتتح فيه الفرع الجديد

[se_ Elsyed]

ذهبت يوم الجمعة الماضي لجولة في مدينة العبور ففوجئت بلوحة كبيرة تقول ترقبوا افتتاح فرع كارفور العبور --- ماجد الفطيم - معلقة على سور الجولف سيتي. ولفت نظري ان معظم اعلانات الشقق في العبور الان تقول بجوار كارفور -- ---- اتوقع ان ده هيعطي دفعة كبيرة لمدينة العبور واسعار الشقق والاراضي فيها

حد عنده فكرة يا جماعة عن مدى صدق الخبر وعن المكان والزمان اللي هيفتتح فيه الفرع الجديد

ذكرت هذا الموضوع عدة مرات هنا .. لكن حكاية اليافطة دي جديدة لانج

وقلت إن كارفور كان فعلاً شاري الأرض اللي في أول مدخل العبور قبل ملاهي جيرو لاند وهي مساحة كبيرة جداً ولكن فجأة ظهرت مياة جوفية غير معلومة المصدر وتحولت تلك المياة إلى بحيرات وأصبح العمال اللي هناك بيعوموا فيها بالرغم من إن هناك شك إنها تكون مياة صرف صحي وفي طفل صغير غرق من فترة ..

فالحكومة مشكورة تحركت تحركاً سريعاً وبقيت ألاقي شغل ليل نهار هناك .. مش عشان يعالجوا الموضوع ... حاشا وكلا ..

ولكن عشان يدفنوا القتيل ويتاووه ويردموا الميه دي . وكل سنة وإنت طيب ..

اما كارفور هايكون موقعه إيه مش عارف هلى هايكون في مكانه القديم اللي عايم ميه ؟ .. أم مكان جيرو لاند اللي جابوا ضراف الملاهي وبقت خرابه وبالتالي هي مكان مناسب لخمسة كارفور مش كارفور واحد ..

وبالتالي هايبقى في 3 تُحف في أول العبور وهي :

- كارفور

- نادي سيتي كلوب ( كايرو إيه سي ميلان )

- فيلات جولف سيتي

بالتأكيد ده هايغير معالم المنطقة وهايرفع الأسعار هناك والكل هايتمسح في كارفور زي كارفور اللي مرمي في صحراء المعادي والكل بقى يتبرك ويتمسح فيه .

[deemuck]

بالتأكيد ده هايغير معالم المنطقة وهايرفع الأسعار هناك والكل هايتمسح في كارفور زي كارفور اللي مرمي في صحراء المعادي والكل بقى يتبرك ويتمسح فيه .

قبل ما يفتح كارفور في المعراج كان سعر المتر حوالي 650 اكبر شوية من عباد الرحمن، ولما قالو في كارفور هيفتح ووضعوا يافطة ووضل سعر المتر 800 ولما فتح بقى 1000 دة تقريبا من 5 سنوات

المنطقة دي صديق لي قال شاف فيها تعلب بيتمشى دة غير التعابين مع اني قريب منها شوية

[ahmedarab]

تعلب ؟ تعابين .؟؟؟؟؟

الله يمطنك ويا ترى بقى الكلام دة كان من امتى

اللى اعرفة ان المنطقة دى دلوقتى سعر المتر فيها عدى 2000 ويمكن اكتر

ومستوى العمار فيها زاد كتير جدا وخصوصا فى ال 3 سنين الاواخر

لو حد عندة اى معلومات اضافية يا ريت ينورنا

وعموما فعلا وجود كارفور فى اى منطقة كفيل بانة يحركها وكمان يرفع السعر فيها كتير وبيسرع من سرعة تعميرها والله واعلم

تحياتى

تم تعديل 30 ديسمبر 2007 بواسطة ahmedarab

[هشام عباس]

طيب انا عاوز اعرف دلوقتي مدينة العاشر من رمضان ديه ليها مواصلات سهله توصلها بالقاهره وتبعد كام ك عن مدينة نصر؟

[se_ Elsyed]

طيب انا عاوز اعرف دلوقتي مدينة العاشر من رمضان ديه ليها مواصلات سهله توصلها بالقاهره وتبعد كام ك عن مدينة نصر؟

لها موصلات كتيرة وهي نفس طريق العبور ثم الشروق ومباشرةً العاشر

وتقريباً تبعد عن مدينة نصر حوالي 60 ك

[هشام عباس]

يعني اول مدينه بعد القاهره مدينة العبور وبعدها الشروق وبعدها العاشر؟ ولا العكس لأن انا عارف ان مدينة بدر بعد الشروق على طول؟ ولا كلامي غلط؟

[om marawan]

ايوه من القاهرة لو تعرف موقف العاشر اللى بعد كوبرى المطار او بتنزله من على الدائرى

وبعدين فيه طريق من العبور وفيه طريق تانى من بلبيس ومنه على العاشر على طول

بس موضوع مدينة بدر ده اعتقد ان لها طريق فرعى بعد العبور

[se_ Elsyed]

يعني اول مدينه بعد القاهره مدينة العبور وبعدها الشروق وبعدها العاشر؟ ولا العكس لأن انا عارف ان مدينة بدر بعد الشروق على طول؟ ولا كلامي غلط؟

لأ .. بدر مش بعد الشروق في الترتيب وانت رايح العاشر

بدر مالهاش دخل بطريق العبور -الشروق - العاشر

لإنها ببساطة تقع على طريق مصر السويس

اما القاهرة - العبور - شروق - عاشر

فهما جميعاً على خط مصر -الاسماعيلية

بالمناسبة ميزة الشروق انها ماسكة من طريق الاسماعيلية عرضياً الي طريق السويس مروراً طبعاً بإطلالها على " مدينتي "

[د محمد على]

السلام عليكم

ارجو من لديه معلومات محدده عن كارفور العبور يخبرنا بها

حيث ان هناك تضاربا في الاراء حول الموقع و موعد الافتتاح

ليس هناك الا يافطه مكتوب عليها ( قريبا الافتتاح) و لكن اين و متى لا نعلم

ارجو الافاده

[MABELGABRY]

السلام عليكم

ارجو من لديه معلومات محدده عن كارفور العبور يخبرنا بها

حيث ان هناك تضاربا في الاراء حول الموقع و موعد الافتتاح

ليس هناك الا يافطه مكتوب عليها ( قريبا الافتتاح) و لكن اين و متى لا نعلم

ارجو الافاده

اعتقد ان الموقع هو جيرولاند كما تنبأ بهذا س س و قد أكد لي بعض المقيمين هناك ذلك و خاصة أن اليافطة معلقة على سور الملاهي أما الموعد فليس عندي معلومات عنه !!

[أيمن عبد العزيز]

الزملاء الأعزاء

أنا أحد العاملين في كارفور و لكن في فرع داندي مول طريق الإسكندرية الصحراوي

بالنسبة لفرع العبور فهو حقيقة واقعة فعلاً و هو حالياً تحت الإنشاء و موعد الإفتتاح ليس مؤكد نظراً لإحتمال التأخر في تسليم أعمال الإنشاء من شركات المقاولات و لكن الموعد الحالي هو أول شهر أبريل 2008

[د محمد على]

الزملاء الأعزاء

أنا أحد العاملين في كارفور و لكن في فرع داندي مول طريق الإسكندرية الصحراوي

بالنسبة لفرع العبور فهو حقيقة واقعة فعلاً و هو حالياً تحت الإنشاء و موعد الإفتتاح ليس مؤكد نظراً لإحتمال التأخر في تسليم أعمال الإنشاء من شركات المقاولات و لكن الموعد الحالي هو أول شهر أبريل 2008

شكرا جزيلا

هل تعلم تحديدا الموقع بمدينه العبور

هل بداوا في الانشاءات ام لا

[MABELGABRY]

كنت اليوم في مدينة العبور وشاهدت العمال على جانب الطريق يعدون شاهد ضخم مكتوب عليه جامعة عين شمس -- وبالبحث في صفحات الانترنت وجدت تصريحا لاحمد زكي بدر رئيس جامعة عين شمس بتاريخ 1 يناير 2008يقول فيه

** الحل سيحتاج لوقت والأمل في إنشاء فرع الجامعة بمدينة العبور حيث انه تم تسلم الأرض فعلاً منذ أسبوعين وقدرها (149) فداناً وجاري الإعداد لبنائها، وسيتم مراعاة اجراءات السلامة في المباني علاوة علي إقامة الملاعب وتشجير مساحات كبيرة.

وتم وقف البناء داخل حرم جامعة عين شمس الحالي.

** الفرع الجديد له هدفان من إقامته هو بناء كليات جديدة تكنولوجية وتفريغ الحرم القديم من التكدس الطلابي ولا يعني بناء الفرع تفريغ الحرم القديم من كلياته.

أعتقد أن هذا خبر آخر سعيد لسكان مدينة العبور :rolleyes: أرجو ممن لديه تفاصيل أكثر أن يوافينا بها ......

[amazon]

اخوانى الاعزاء

انا اعمل فى جهاز العبور انا اتوقع ارتفاع اسعار العقارات بنسبة 50 % عام 2008

بسبب الملاهى و كارفور الذى مؤكد انة سيفتح و جولف سيتى و السوق نفسة الذى يوفر اسعار رخيصة و منطقة الجامعات التى بدورها

سوف تحسن فى شبكة المواصلات و نادى العبور الرياضى الذى يفتح الان و مساحتة 35 فدان و بة استاد و كمان ابو ذكرى فتح فى الحى الاول و وجود البنك الاهلى و بنك مصر و الاسكان و التعمير و بنك عودة سوف يفتح فى الجولف و الاهلى سوسيتة

الشاهد على ذلك انة الان الشركات تبيع فى الحى التاسع المميز سعر المتر تقسيط 1750 جنية

[هشام عباس]

ما شاء الله طيب ده كلام جميل جدا وعلى فكره كل المنشأت ديه وخصوصا جامعة عين شمس هتخدم الكثير من المدن الجديده مثل الشروق والعاشر وكمان بدر والله انا كنت بقول لو انتقلنا للعيش في مدينه جديده كبدر ازاي ولادي لما يكبروا هيروحوا الجامعه اخر الدنيا ؟ انما كده انا اطمءنيت على مستقبل الولاد وربنا يكرمكم وكل الي يسمع خبر جديد ياريت يقلهولنا

[~Heba~]

هى كارفور دى بتاعت ايه بالضبط

انا كنت عايزة اشترى لابتوب و الجهاز اللى عايزة اشتريها كان فى مكان باسم كارفور فى اسكندرية!!!!

واضح انها شركة مهمة طيب انا مسمعتش عنها هنا فى اسوان و الا هى المدن الجديدة اهم من القديمة اسوان محدش بيعمل فيها افرع و لا لحاجة الا شركات السياحة و الله الواحد عايز يطفش

[nash]

لأ يا باش مهندسه هبه..كارفور هو عبارة عن هايبر ماركيت..يحتوي علي سوبر ماركيت ومحلات أخري تبيع مختلف المنتجات سواء ملابس أو أحذيه أو ألكترونيات ...

تقبلي تحياتي

[elemam]

والله وجود كارفور يمكن يخليهم يبصوا شوية لأزمة المرور عند مخرج العبور ومدخل ومخرج السلام

ربنا يبارك وأنا كمان عرفت إن في مدخل مدينة العاشر من رمضا هيعملوا هايبر مارت مساحة كبيرة قوي وفاضية حالياً

الأسواق دي جميلة ومفيدة وبتنعش الأماكن حواليها .. نتمنى التوفيق للجميع

سلام

[د محمد على]

هل من جديد