أبو زياد بتاريخ: 29 مايو 2007 تقديم بلاغ مشاركة بتاريخ: 29 مايو 2007 إخوتى و أحبائى هاأنذا قد عدت إلى حضرتكم الجميلة وظل وجودكم الدافىء ولم يمنعنى غلا انشغالى كما تعلمون ومن اسفى انى اعود بموضوع شخصى لا يسعنى إلا أن اطلب منكم النصح و المشورة فهكذا نحن أهل المنتدى - نذهب لنرتد و نعود هو عرض عمل ليس ملزم بمدة أى انه قابل للتجديد بدون وعد بذلك هو قى جدة ..سامع يا موديست - يعنى حاطبق على قلبك.. :blush2: ومغرى جدا - ولكن العيب فيه كما قلت لسعادتكم أنه لا يوجد وعد بالتجديد و الإستمرار وعلى فكرة يوجد عروض اخرى دائمة وجيدة فى الرياض و لكنها أقل فى المميزات الأمر الثانى رغم خلفيتى المتواضعة إلا أنى أعتقد ان جدة أفضل من الرياض و أقرب لنا فى العيش كمصريين هذين الأمرين تحت أيديكم الفاضلة للبحث و المشورة ولكم تحياتى هو الذي أرسل رسوله بالهدى ودين الحق ليظهره على الدين كله ولو كره المشركون. رابط هذا التعليق شارك المزيد من خيارات المشاركة
se_ Elsyed بتاريخ: 29 مايو 2007 تقديم بلاغ مشاركة بتاريخ: 29 مايو 2007 عروستي ؟ الموضوع ما فيهوش أي معلومات يابو زياد بس عامة .. جده حلوه لقربها من مكه .. يعني فركة كعبه العُمرة والحج وكمان عشان موديست هناك .. يعني تحب تتغدى تميل عليه ... تعوز تتعشى يبعت لك ديليفري .. وكده يعني ووحشة في رطوبتها الغلسة اللي تحسسك إنك عايش فس حمام كله سراميك .. وفاتح الميه السخنة على الأخر .. وما فيش منفذ .. وإنت عمال تشُر عرق ومش شايف قدامك من الرطوبة ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
hooba بتاريخ: 29 مايو 2007 تقديم بلاغ مشاركة بتاريخ: 29 مايو 2007 انا يا باشا طبعاً رأيي جده ...و لعده أسباب : 1- من مكه 70 كم و من المدينه حوالي 400 كم .....و دي ميزه لا تقدر بمال . 2- قربها من مصر و طبعا زي ما تفضلت أقرب في العيش من المصريين . 3- بلد ساحلي (بحر) و دي طبعا ميزه كويسه جدا للترفيه . 4- إمكانيه نزولك مصر بالعربية و بسهوله طبعا . 5-سهل جدا و كتيير جدا هاتلاقي اصحابك و الاقارب و ده طبعا في مواسم الحج و العمرة (( أنا بعتبر دي ميزة و ناس بتعتبرها عيب :blush2: )) . و اتمني لك كل التوفيق .....و تحت امرك في أي تفاصيل هنا من جده ..... " قل إن صلاتي و نسكي و محياي و مماتي لله رب العالمين" رابط هذا التعليق شارك المزيد من خيارات المشاركة
semsema بتاريخ: 29 مايو 2007 تقديم بلاغ مشاركة بتاريخ: 29 مايو 2007 اكيد وبدون شك جده احلى من الرياض بمليون مره وكمان وانت في جده ماتحسش بالغربه .. يعني كانك في مصر بالضبط.. والاحلى من كده ان أ/ موديست ساكن فيها.. (الكام يوم اللي راح فيهم الرياض كانت جده مضلمه بشكل غير طبيعي..) طبعا القرار الاول والاخير يعود اليك.. رابط هذا التعليق شارك المزيد من خيارات المشاركة
MZohairy بتاريخ: 29 مايو 2007 تقديم بلاغ مشاركة بتاريخ: 29 مايو 2007 شوف يا عم في الآخر الحته اللي فيها مصلحتك هي اللي تروحها جده رطوبه شنيعه و الرياض حر خانق بس بدون رطوبه جده شوارعها صغيره و زحمه و فقيره و بيئه مقارنة بالرياض لكن الرياض فخمه وواسعه و شوارعها و محلاتها بس بدون روح مفيش شيشه في الرياض بينما جده كلها تشييش الحياه مفتوحه نسبيا في جده عن الرياض فكرة قربها من مكه دي ميزه كبيره و بلوى ماديه كبيره لأنك بتبقى المستقبل الرسمي و المضيف لكل مصري تعرفه جاي يعمل عمره :blush2: في النهايه شوف مصلحتك :lol: Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
مصري بالوراثة بتاريخ: 29 مايو 2007 تقديم بلاغ مشاركة بتاريخ: 29 مايو 2007 السلام عليكم ورحمة الله كله بيقول جده جده ؟؟ رأيي أن ميزة جده الوحيدة هي قربها من مكة . وطبعاً دي ميزة لاتقدر ولاتقارن . لكن الرياض وياعيني على الرياض .. جوها صحيح حر بس جاف ، مش رطوبة تخنق زي ماقال سي السيد ، وكمان فيها صيف وشتا مش زي جده فيها فصلين : صيف حار وصيف حار جداً ! ثم الشوارع منظمة في الرياض عن جده بكتير . ومن ناحية المولات وأماكن الترفيه كثيرة جداً . وصدقوني .. والله كتير لما بانزل أجازة باحس إن الرياض وحشاني . تنورنا ياأبو زياد لو جيت الرياض رابط هذا التعليق شارك المزيد من خيارات المشاركة
Handasah بتاريخ: 29 مايو 2007 تقديم بلاغ مشاركة بتاريخ: 29 مايو 2007 انا لية مداخلة بسيطة ان كل اللى قال تعليق بص للموضوع من ناحية المدينة وجمالها ومكانها وحر ولا رطوبة وهكذا لكن مفيش حد بص للموضوع من الناحية المادية ومدى الفرق بين المدينتين وكمان النظرة على المستوى البعيد يعنى الاستمرارية فى العمل ( وهذه النقطة مش مضمونة ) . انا رأى الشخصى انك لازم تدرس الموضوع كويس من ناحية لو قبلت للذهاب لجدة ولم يتم التجديد هل يوجد امكانية للرجوع تانى او الانتقال الى مكان اخر وهذة النقطة من وجهة نظرى مهمة جدا ولن يحددها احد غيرك . لكن كما قال لك الاخوة فأن جدة ( غير ) . :blush2: :lol: همـســة إذا أتعبتك الدنيا فلا تحزن فإن الله يشتاق لسماع صوتك وأنت تدعوه لا تنتظر السعادة حتى تبتسم ولكن أبتسم حتى تكون سعيداً لماذا تدمن التفكير والله ولي التدبير ؟ لماذا القلق من المجهول وكل شيء عند الله معلوم ؟ لذلك أطمئن فأنت في عين الله الحفيظ وقل بقلبك ولسانك {فوضت أمري إلى الله} فإن الله بصير بالعباد وتذكر أن الرب رحيم كريم وإن مع العسر يسرا اللهم صلِ على محمد وآله وسلًم تسليماً كثيراَ ابوعمر رابط هذا التعليق شارك المزيد من خيارات المشاركة
فولان بن علان بتاريخ: 29 مايو 2007 تقديم بلاغ مشاركة بتاريخ: 29 مايو 2007 مرحبابك يا أبو زياد والله وحشتني اتكل على الله وروح الدمام :blush2: بما إنك كنت عايش في الرياض ..التغيير كويس لكن طبعا لو عندك إحساس بالقلق من الاستمرار يبقى عليك وعلى الرياض القلق وحش يا أبو زياد اسألني أنا وبعدين أنت معاك أسرتك الاستقرار الاستقرار وقولوا للناس حسنا رابط هذا التعليق شارك المزيد من خيارات المشاركة
زعلان بتاريخ: 30 مايو 2007 تقديم بلاغ مشاركة بتاريخ: 30 مايو 2007 مفيش احسن من طنطا ........ شالله يا سيد يا بدوي رابط هذا التعليق شارك المزيد من خيارات المشاركة
Modest بتاريخ: 30 مايو 2007 تقديم بلاغ مشاركة بتاريخ: 30 مايو 2007 هو قى جدة ..سامع يا موديست - يعنى حاطبق على قلبك.. و الله تآنِس و تشرّف و تنور يا أبو زياد و أخوك موديست هنا تحت أمرك .. دي جدة هاتنّور :yes: يكفي إنك قريب من مكة و أقرب إلى المدينة من جدة عنها من الرياض .. ده غير إنك على البحر مباشرةً و دي ميزة لا يمكن إغفالها. أضف إلى ذلك 5 رحلات يومياً بالإضافة إلى الرحلات الإضافية من مصر للطيران إلى القاهرة غير رحلات الخطوط السعودية و رحلات أخرى إلى الاسكندرية و الأقصر و شرم الشيخ .. أينعم لو جدع تلاقي حجز :D .. لكن برضه أحسن من رحلتين في الأسبوع من الرياض إلى القاهرة :beee: عايز تنزل بالعربية برضه مفيش مشكلة و عندك أكثر من طريقة.. يا إما تشحن العربية من الميناء و تسافر معاها على عبّارة من بتوع ممدوح اسماعيل و ربنا يستر .. أو تسوق 800 كيلو متر لغاية ضبا و تركب برضه عبارة من بتوع ممدوح اسماعيل و ربنا يستر. لما نرد بقى على القلة المندسة اللي بتعيب في جدة و سنين جدة i*: إيه يا جدعان .. رطوبة إيه و نار إيه و حر إيه؟؟ هو أبو زياد مقدّم على وظيفة في فرن؟ ماحنا عايشين و مبسوطين و كل الأماكن مكيفة.. فيها إيه لما تصحى الصبح و بدل ما تستنشق نسمة عليلة و انت خارج من باب بيتك ، حتى لو الساعة 5 الصبح، تلاقي هووب نار في وشك و مش قادر تفتح عينك .. مفيهاش حاجة خالص. فيها إيه لما تخرج من مكان مكيف تلاقي نفسك فجأة مش شايف حاجة علشان الضباب الكثيف غطّى عدسات نضارتك و عايز حد يسحبك لغاية العربية .. مفيهاش حاجة خالص برضه فيها إيه لما تتلطع في الزحمة في طريق المدينة مع إن مفيهوش إشارات!!.. برضه مفيهاش حاجة لكن إذا اتكلمنا عن الرياض و من واقع زيارتي لها تلات أربع مرّات أقول إنها في الشتاء رائعة لكن في الصيف شعرت إن الشمس على بعد متر و نص من دماغي و حسيت إن وشّي هايتشقق من الجفاف الذي لا أنكر أنه ميزة عن الرطوبة العالية في جدة خلال أغسطس و سبتمبر لكن ربيع جدة ممتد بلا رطوبة من نوفمبر إلى أبريل تقريباً. طيب أقول لكم على مفاجأة .. الجو كان برد في جدة 3 أيام السنة دي :D كلمة في سرّك بقى يا ابو زياد: لو ليك في الأوكار الموجودة في الرياض و اللي شرّبني فيها سين سين حاجة أصفرة :blush2: ، قول لي من دلوقتي علشان ألحق أعمل مسح ميداني و أشوف وكرين تلاتة نزورهم سوا لما تيجي إن شاء الله :closedeyes: يبقى ذِكر أن ما اجتمع عليه وجهاء القوم أن جدّة بها روح قريبة من مصر على عكس الرياض و لكن ما لاحظته أنا شخصياً مرّات عديدة هو أن من بدأ غربته في الرياض ثم انتقل إلى جدة يقول و لا يوم من أيامك يا رياض .. و العكس صحيح... من الواضح إننا ناس عِشَريين :wub: الأهم أن الأمر أولاً و أخيراً يعتمد على العمل و مناسبته لك يا ابو زياد .. ربنا يوفقك لما فيه الخير و لا تنسى الاستخارة. والاحلى من كده ان أ/ موديست ساكن فيها.. (الكام يوم اللي راح فيهم الرياض كانت جده مضلمه بشكل غير طبيعي..) كتير قالوا لي كده يا سمسمه و علشان كده رجعت آخر مرة في نفس اليوم علشان أهل جدة مايناموش في الضلمة .. بس أنا مش باحب أقول الكلام ده من باب التواضع يعني و كده smk: وقف الخلق ينظرون جميعا ... كيف أبني قواعد المجد وحدي وبناة الأهرام في سالف الدهر ... كفوني الكلام عند التحدي أنا تاج العلاء في مفرق الشرق ... ودراته فرائد عقدي إن مجدي في الأوليات عريق ... من له مثل أولياتي ومجدي أنا إن قدر الإله مماتي ... لا ترى الشرق يرفع الرأس بعدي ما رماني رام وراح سليماً ... من قديم عناية الله جنده كم بغت دولة عليّ وجارت ... ثم زالت وتلك عقبى التحدي إنني حرة كسرت قيودي ... رغم أنف العدا وقطعت قيدي أتراني وقد طويت حياتي ... في مراس لم أبلغ اليوم رشدي أمن العدل أنهم يردون الماء ... صفوا وأن يكدر وردي أمن الحق أنهم يطلقون الأسد منهم ... وأن تقيد أسدي نظر الله لي فارشد أبنائي ... فشدوا إلى العلا أي شد إنما الحق قوة من قوى الديان ... أمضي من كل أبيض وهندي قد وعدت العلا بكل أبي ... من رجالي فانجزوا اليوم وعدي وارفعوا دولتي على العلم والأخلاق ... فالعلم وحده ليس يجدي نحن نجتاز موقفاً تعثر الآراء ... فيه وثمرة الرأي تردى فقفوا فيه وقفة حزم ... وارسوا جانبيه بعزمة المستعد رابط هذا التعليق شارك المزيد من خيارات المشاركة
se_ Elsyed بتاريخ: 30 مايو 2007 تقديم بلاغ مشاركة بتاريخ: 30 مايو 2007 مفيش شيشه في الرياض بينما جده كلها تشييش :ده بقى أخسرك يا زهيري !!!! :closedeyes: أومال الثمامة ... والفحص الدوري .. وأبو هيثم ... وحراج المعيرز .. ومخرج 9 .. وكل دول بيعملوا إيه ؟ قصدك إن ما فيشش تشييش داخل مدينة الرياض ... لكن في الإستراحات المنتشرة على أطراف الرياض دخان الشيشة يكاد يكون سحابة صيف بتظلل على سكانها :blush2: وبعدين غحنا عايزين نربي زباين ونسحب رجلهم .. تقوم تقول للراجل الكلام ده ؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
MZohairy بتاريخ: 30 مايو 2007 تقديم بلاغ مشاركة بتاريخ: 30 مايو 2007 مفيش شيشه في الرياض بينما جده كلها تشييش :ده بقى أخسرك يا زهيري !!!! :closedeyes: أومال الثمامة ... والفحص الدوري .. وأبو هيثم ... وحراج المعيرز .. ومخرج 9 .. وكل دول بيعملوا إيه ؟ قصدك إن ما فيشش تشييش داخل مدينة الرياض ... لكن في الإستراحات المنتشرة على أطراف الرياض دخان الشيشة يكاد يكون سحابة صيف بتظلل على سكانها :blush2: اتقي الله يا سيسو بقى عشان تضرب نفسين شيشه تروح لغاية الثمامه؟؟؟؟!!!!! و تقولي في الرياض؟؟ في جده كل 15 متر تلاقي مكان تشيش فيه فينك يا أروما كافيه فينك يا ناندوز فينك يا كل المحلات اللي على البحر :beee: Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
أبو زياد بتاريخ: 30 مايو 2007 كاتب الموضوع تقديم بلاغ مشاركة بتاريخ: 30 مايو 2007 :ده بقى أخسرك يا زهيري !!!! :blush2: أومال الثمامة ... والفحص الدوري .. وأبو هيثم ... وحراج المعيرز .. ومخرج 9 .. وكل دول بيعملوا إيه ؟ ماشى كل دول يا سيسو :closedeyes: ماعدا مخرج 9 ..بجد والا غلطة مطبعية ؟ تقصد الفحص الدورى؟ هو الذي أرسل رسوله بالهدى ودين الحق ليظهره على الدين كله ولو كره المشركون. رابط هذا التعليق شارك المزيد من خيارات المشاركة
المكافح بتاريخ: 30 مايو 2007 تقديم بلاغ مشاركة بتاريخ: 30 مايو 2007 اسمحولى انضم معاكوا ياجماعة الخير انا شايف ان جدة افضل بكتيير كفاية عليك البيك اللى هايظبتلك معدتك كل يوم واسألونا احنا يا أهل الرياض عن كدة رابط هذا التعليق شارك المزيد من خيارات المشاركة
أبو زياد بتاريخ: 31 مايو 2007 كاتب الموضوع تقديم بلاغ مشاركة بتاريخ: 31 مايو 2007 إخوتى الأحباء شكرا لكم فردا فردا وأنتم كما عهدتكم دائما- عند أحسن الظن بكم شكرا لكم على المشورة و أرجو الدعاء أخى الفاضل دكتور فولان - إنت وحشتنى أكتر- ويارب نلتقى يوما على خير بإذن الله وعلى فكرة أنا سلمت عليك لما كنت غايب و رجعت .. أهلا بك و إلى لقاء قريب شكرا جزيلا للإخوة مرة ثانية وقد أفدتونى فعلا من جهة اختيار المدينة والمميزات و العيوب بقى الإختيار الأكبر من الله سبحانه و تعالى بأن يختار- لنا جميعا - ما تصلح به دنيانا و أخرانا شكرا لكم جميعا هو الذي أرسل رسوله بالهدى ودين الحق ليظهره على الدين كله ولو كره المشركون. رابط هذا التعليق شارك المزيد من خيارات المشاركة
mama nona بتاريخ: 10 سبتمبر 2009 تقديم بلاغ مشاركة بتاريخ: 10 سبتمبر 2009 محتاجة رأى الجميع فعلا جدة ولا الرياض انا محتارة جدا ومش عارفة اخد قرار بالنسبة لجدة كونها اقرب للحرم دى حاجة ثابتة طبعا منقدرش نتكلم فيها الراتب ضعف الراتب هنا وطبعا البدلات اعلى بكتير والمميزات كلها vip بالنسبة للرياض فيها تقريبا 99.9% من اهلى اللى لما زوجى بيسافر بره البلد مش بشيل هم لوجودنا فالبيا لوحدنا فالاعياد والمناسبات تلاقى ناس داخلة وناس خارجة بيسلمو عليك وبيزوروك ويودوك فيها كل اصحابى اتعودت عليها مش عارفة هل هعرف اغير واروح مكان تانى محتاجة من الاخوة المشورة والنصح رابط هذا التعليق شارك المزيد من خيارات المشاركة
se_ Elsyed بتاريخ: 11 سبتمبر 2009 تقديم بلاغ مشاركة بتاريخ: 11 سبتمبر 2009 بالنسبة لجدة كونها اقرب للحرم دى حاجة ثابتة طبعا منقدرش نتكلم فيها الراتب ضعف الراتب هنا وطبعا البدلات اعلى بكتير والمميزات كلها vip لو فيها مميزات زي دي يبقى توكلي على الله .. بس استني يا طنط ماما نونا ... هوالنقل ده اوبش يعني ؟ يعني ممكن ترفضوا او توافقوا ؟ انا رأيي إن المميزات المادية ممكت تقصر فترة الواحد هنا .... ويا ستي القرايب والمعارف يتعوضوا ويبقى لكم معارف واصدقاء هناك الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
mama nona بتاريخ: 11 سبتمبر 2009 تقديم بلاغ مشاركة بتاريخ: 11 سبتمبر 2009 اهلا سى السيد شكرا على الرد وربنا يكرم ونعرف ناخد قرار النقل ده عقد جديد وبعدين حسيت انه الدنيا اتلخبطت خالص العقد ده لزوجى وكنا خلاص قدمت لبنتى فالمدرسة وكنت بتعاقد على شغل لى خلاص بشكل نهائى بس العقد الجديد دهضرب كرسى فالكلوب اصل صعب اوى انى اغير كل حاجة مرة واحد هو اه العقد بكل المقاييس ضعف الراتب لزوجى وظى ما حضرتك تفضلت انه هيقصر المدة هنا فالغربة بس انا لما بحسبها هنرجع نهائى وبعدين هيخلص اجراءات العقد الجديد وبعدين هيرجع لوحده وفييين وفييين بقى لما يطلع اقامة جديدة وبعدين استقدام هتكون الدراسة بدأت وخلاص عدى منها كام شهر برده يعنى البنت مش داخلة الثانوية العامة ده يدوب kg2 بس حاسة ان الدنيا هتتلخبط وبعدين هانزل مصر اقعد لى كام شهر هناك واكيد هرجع استلم شغلى واكيد الدنيا هتكون بهدلة من كله انا قعدة اقنعه انه يفكر فالبهدلة قبل المميزات ال ف العقد واحنا هنا الحمد لله مستقريين ومبسوطين وكمان نهاية عقده المفروض فى شهر ديسمبر فمش عارفين هيقدم يعنى استقالة ولا لا ارغب فتجديد العقد ولا الوضع هيكون ايه معلهش دوشتك معايا بس الامر صعب اوى ومحتاجة المشاركة فالرأى رابط هذا التعليق شارك المزيد من خيارات المشاركة
se_ Elsyed بتاريخ: 11 سبتمبر 2009 تقديم بلاغ مشاركة بتاريخ: 11 سبتمبر 2009 لأ حاسبي يا طنط انتي كده غيرتي كلامك انا باحسب هاتتنقلوا من الرياض لجده اتاريكم هتنزلوا نهائي وبعدين ترجعوا فلازم تحسبوهها كويس ارباح وخساير خساير شقتكم اللي هاتسبوها بحالها ومالها ... والعربية .. وفلوس المدرسة اللي ممكن تروح عليكم وفسخ العقد .. واحتمال الناس تغلس عليه وبالتالي تضيع مستحقاته ..... لأ لازم يفكر تاني وخلي بالك اوعي يكون الراتب كويس بس المهنة في التأشيرة نجار مسلح ولا بتاع وتحتاسوا في الاستقدام .. عارفه لو العقد في الرياض كنت قلت لك لو الامور كانت ماشيه كويسه واخدتوا نهائي بسهولة وكده .. فممكن زوجك ينقل العربية باسم اي حد من اصحابه وتسيبوا الشقة زي ما هي بأسمكم .. عادي يعني الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Alrefaey بتاريخ: 11 سبتمبر 2009 تقديم بلاغ مشاركة بتاريخ: 11 سبتمبر 2009 توكلو على الله واستخيرو وقراركم يبقى مبنى على اساس المدة الزمنية اللى متبقية لكم فى الغربه لو مفتوحة يبقا طيران على جده لكن لو محدودة سنتين مثلا يبقى الافضل الاستقرار مكانكم عارفة ماما نونا انا بعانى تلك الايام من هذا الموضوع بس فى حالتى معكوسة انا شغلى هنا مستقر ومنصب ادارى محترم والزوجه بتعمل فى مدينة الملك فهد وجاى لها عرض هناك فى IMC راتب اعلى لها ومميزات افضل وهتكون بجوار اهلها ومعارفنا لكن عشان اقبل عرض زى ده لزوجتى يبقى لازم انقل شغلى الى جده ورحلة البحث عن وظيفة جديدة وده اكيد غاية فى الصعوبة الموضوع صعب ومحتاج لدراسة واجتهاد وبالتوفيق "{وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا} " رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان