اكبر خطأ يقع فيه المهاجر الى كندا

[samwel3246]

لاحظت من فتره ان بعض المهاجرين العرب يأتى الى كندا من الخليج ويترك زوجته واطفاله فى كندا ويعود الى عمله فى الخليج لان وظيفته جيده ولا يريد ان يبدا من الصفر فى هذه البلاد كل الذى يحتاجه من هذه البلاد هو الجنسيه وجواز السفر الكندى حتى يأخذ مميزات الاجنبى فى الخليج من ناحيه سهولة السفر وزياده فى الدخل اليس هذه ما بحصل مع غالبية المهاجرين .

غالبية ما فعلو هذه الحكايه حسرو مثل المثل المصرى لاطال عنب اليمن ولا بلح الشام لماذا

عند ترك الاطفال وامهم عاده الاطفال يكونو اما قبل سن المراهقه او فى سن المراهقه ويقول لك انهم عيال متربيين وامهم سوف تهتم بهم

يصبح الوضع صعب على الزوجه بالتحكم فى اطفال بداو بتعودو على الحياه هنا وما فيها من انفتاح وتعود على الحياه وكذلك الزوجه تخرج اما للعمل او التسوق وترى الحياه بمظار مختلف عما كان فى الخليج حيث المحافظه الشديده فى الحياه

هنا يأتى دور الزوج الذى غاب عن البيت ممكن ستة شهور وفاتح بيتين واحد فى الخليج وواحد فى كندا ومصاريف سفر بالطائره والبعد عن البيت تصبح هناك مساحة جفاء بينه وبين ابناءه لانه هو تعود على حياة الخليج وهم تعودو على حياة كندا وهم عالمين مختلفين تماما عن بعض لايعجبه هذا التصرف من الايناء او من الزوجه وتبدا المشاكل وتتسع الفجوه بين الطرفين ويحدث المكروه ويرجع الى الخليج يسب على كندا وعلى اليوم الى دخل فيه كندا لانه خسر بيته وخسر الكثير من المال وغبره

السؤال هل كندا تستاهل ان تخسر عائلتك من اجل الهجره اليها الجواب بالطبع لا ولكن صدق المثل المصرى صاحب بالين كذاب يعنى عاوز فلوس الخليج وعاوز جنسة كندا وهذه صعب واحبانا غير ممكن ومكلف

ماهو الحل يعنى اجلس مع ام العيال نقمع باميه واخسر شغلى من اجل سواد عنين الجواز الكندى ؟؟

الجواب لا اما الكل يقيم فى كندا او ان يتحمل مسئولبه التغيير الذى سوف يحصل معاه وبيتوقعه لانه قادم عليه

او عدم التفكير بهكذا مشروع من اصله

اذا كان الشخص يملك من المال الكثير يعنى مليون دولار او اكثر ويستطبع الحضور كل شهر مثلا او كل شهر ونصف ممكن ذلك ان يخفف حجم المشكبه

عموما موضوع جديد للنقاش

ANOTHER DAY ANOTHER DOLLAR THIS IS HOW WE LIVE IN CANADA

[ابن الصعيد]

اخي

كلامك مضبوط انا بالخليج

كل الزملاء واغلبهم اطباء عملوا كده

وهم نادمين علي ذلك

[Ghost]

يا سلام عليك ي اصمويل

يا اخي الواحد مش عارف يرد عليك و يقولك ايه

ربنا يبارك في عطائك و بذلك للاخرين

الى الامام دائما يا صمويل و شكرا

[GoldenTiger]

احنا مش عارفين نشكرك إزاي يا صاموئيل على نصايحك الجميلة دي

[maher]

السلام عليكم

هل بامكاني التقدم بطلب هجرة الى كندا حالياً علماً بأني حاصل على تأشيرة عمل واقامة لمدة سنة و3 أشهر في السعودية وهي قابلة للتجديد وأنا مقيم في السعودية منذ شهر,لاني سمعت انه يجب ان اقيم في البلد الذي اريد ان اقدم طلب الهجرة منه سنة بشكل شرعي, هل هذا الكلام صحيح ام بامكاني التقدم بطاب الهجرة الان.

عندي استفسار بشأن وثائق الخبرة, كنت من قبل قد جهزت وثائق الخبرة وصدقتها بشكل رسمي, ولكن هناك شركة حصلت منها على وثيقة خبرة أغلقت ولا يوجد عندي رقم تلفون مدير الشركة أو الكرت الخاص بالشركة ولا يوجد عندي أية وثيقة تثبت العمل غير وثيقة الخبرة التي أخرجتها سابقا وهي لا تحمل ترويسة الشركة و غير مدون عليها رقم هاتف الشركة سوى اسم الشركة وطبيعة العمل, فالوثيقة التي اخرجتها هي عبارة عن ورقة عادية منصوص فيها اني عملت في هذه الشركة فهل يعتمدون لي هذه الوثيقة كوثيقة خبرة,علماً بأنها مصدقة رسمياً من ختم الشركة+ختم مكتب العمل(ختم مفتش العمل+ختم وزارة العمل)+ختم الخارجية.

فأنا قلق من عدم اعتمادها كوثيقة خبرة اذا تقدمت بطلب الهجرة, لأنه اذا لم تكن هذه الوثيقة معتمدة فلن أتمكن من تقديم طلب الهجرة لأنه لن يكون لدي النقاط المطلوبة للهجرة.أرجو اجابتي على ذلك وشكراً جزيلاً لكم .

[نيرو دادو]

السلام عليكم انا معاك بهالنقطة بس كمان من الصعب انه الواحد يسيب شغله ويروح هناك علشان ياخد الجنسية حيصرف على نفسه وعيلته ازاي وشكرا

[هيشو]

كلام صحيح و حقيقي و شوفناه بعنينا مع اقرب الناس الينا

و الكل بيفكر انة ياخد الجنسية و يرجع الخليج علشان مميزات الجنسية و ده كله ما هو اللي صرعة علي الفلوس مش اكثر

اللي عاوز يهاجر كندا يهاجر بس يعيش هناك بقي علي طول و ينسي الخليج لكن اللي بيقسم نفسة حتتين بيخسر نفسة و يخسر اسرتة و بيخسر الفلوس كمان

و علي فكرة انا لا احبذ الهجرة اساسا لأنة اقامة في بلد الكفر

و يكفي انة اضربلكم مثال بعزبز جدا علي

سافر و هو يحفظ القرآن و رجع بعد 30 سنة سيقول القرىن مترحف يا جماعة انتو مش فاهمين

طبعا الكل هينبري دلوقتي و يقول احنا شم كدة احنا هنحافظ علي نفسينا او احنا رايجحين كام سنة نعمل قرش او رايحين علي بال ما ناخد الجنسية

صدقووووووووووووووووني

فكرك بيتغير بعد او سنة تقضيها هناك و تبدأ تتغير بدون ان تشعر

و ربنا يستر ع الجميع

[ozoozo]

ايه ده الغزو الكندي لباب المغتربين

[Diab]

ايه اللي جاب كندا جنب البحر

قصدي ايه اللي جاب الموضوع ده لباب المغتربين

[هيشو]

هي كندا في امبابة و لاواحد مش واخد بالة و لا اية

و لا اللي بيروحوا كندا مش مغتربين يا جماعة

[Pharm]

يمكن يا هيشو العملية بتختلف من واحد للتانى انا هتككلم عن نفسى انا مش عاوز اهاجر عشان فلوس انا عاوز اهاجر عشان اعيش فى مجتمع يحفظ لى حقوقى كانسان مجتمع يذكرنى دائما اننى انسان اننى انا اول اهتمامته وليس اخرها

انا يمكن حتى متجوزتش بس لو لقيت انسانة كويسة من هناك هتجوزها اللادب والاخلاق منحصرتش فى مجتمعنا العربية بس يا عزيزى موجودة فى كل مكان

دا الواحد بيشوف فى مصر اللى عمره ما هيشوفه ولا يحلم انه يشوفه

وان كان كانت على علاقتنا بربنا رب مصر هو رب كندا وهناك ما فى حداا هيجبرك على فعل الخطا (( كل نفسا بما كسبت رهينة )) يعنى انت مخير فى كل شى تعمل الخطا او الصح

[Mercedes]

يمكن يا هيشو العملية بتختلف من واحد للتانى انا هتككلم عن نفسى انا مش عاوز اهاجر عشان فلوس انا عاوز اهاجر عشان اعيش فى مجتمع يحفظ لى حقوقى كانسان مجتمع يذكرنى دائما اننى انسان اننى انا اول اهتمامته وليس اخرها

انا يمكن حتى متجوزتش بس لو لقيت انسانة كويسة من هناك هتجوزها اللادب والاخلاق منحصرتش فى مجتمعنا العربية بس يا عزيزى موجودة فى كل مكان

دا الواحد بيشوف فى مصر اللى عمره ما هيشوفه ولا يحلم انه يشوفه

وان كان كانت على علاقتنا بربنا رب مصر هو رب كندا وهناك ما فى حداا هيجبرك على فعل الخطا (( كل نفسا بما كسبت رهينة )) يعنى انت مخير فى كل شى تعمل الخطا او الصح

السلام عليكم و رحمة الله و بركاته :closedeyes:

الكلام ده فعلا صحيح جدا و ممتاز, أغلب اللى أعرفهم بيهاجروا مش عشان الفلوس خاااااالص, لكن عشان يعيش فى مجتمع متحضر بيتعامل مع البنى آدمين على أنهم بنى آدمين , لأن بصراحة معاملة المصريين جوه مصر نفسها أصبحت شئ لا يطاااااااااااااااااق, لدرجة انى بدعى ربنا يعدى اليومين الفاضلين لى فى مصر على خير لحد ما الواحد يمشى من البلد دى من غير مايحصله مشاكل أو متاعب فى أى حاجة و بالدات المتاعب اللى بتودى ناحية أقسام الشرطة لأن أنا ماشى جنب الحيط و ماليش وسايط و لا معارف تسندنى و لا حاجة.

والله العظيم, أنا بخاف أتكلم فى أى موضوع بشكل علنى لحسن أخواننا البعدا يفسروه على أنه تخطيط لقلب نظام الحكم فى البلد و تانى يوم ألاقى نفسى مرمى فى ليمان طرة :lol: زى ما عملوا مع الناس اللى كانت بتجمع تبرعات لمساعدة أهل غزة!!!!!!!!!!!!!!.

أنا و الله العظيم أعرف ناس من اللى أولادهم اتولدوا فى أمريكا أو فى كندا و بالتالى حاصلين على الجنسية, بيفكروا جديا فى التنازل عن الجنسية المصرية بشكل نهائى عشان ابنهم ده ادا حصلتله أى مشكلة فى مصر من أى نوع, السفارة بتاع بلده اللى هى الأمريكية أو الكندية تتدخل و تقف جنبه و تدافع عنه :lol: .

و أنا عن نفسى ناوى على الهجرة و لكنى على أتم الاستعداد أن لما الأمور تتصلح فى مصر, أنى أرجع تانى و أبدأ حياة جديدة هنا على نظافة :sad: .

ربنا يستر علينا جميعا.

MERCEDES S430

[هيشو]

فعلا رب مصر رب كندا

بس متنكروش ان البعد عن الصحبة المسلمة بيقسي القلب

و ياريت يا ماعة تشوفوا تجارب اللي قبلكم

انا عندي تجارب ناس قبلي في العائلة و قولت عليها في البوست اللي قبل اللي فات

و ابقي افتكرني و ادعيلي لما كل يوم جمعة عليك يعدي من غير ما تصلي الجمعة

و متقوليش طيب المسلمين اللي هناك بيعملوا اية

ما انتوا قولتوا ( كل نفس بما كسبت رهينة)

و اوعوا تفتكروا ان هناك الأمان المنشود برضو في هناك ناس وحشة و حرامية و قتالين قتلة و كل حاجة

نفسي اوضحلكم الصورة اكثر من كدة لكن بصراحة اتكلمت في الموضوع ده لما ريقي نسف مع ناس كثير

و اللبيب تكفية الاشارة

[MZohairy]

فعلا رب مصر رب كندا

بس متنكروش ان البعد عن الصحبة المسلمة بيقسي القلب

و ياريت يا ماعة تشوفوا تجارب اللي قبلكم

انا عندي تجارب ناس قبلي في العائلة و قولت عليها في البوست اللي قبل اللي فات

و ابقي افتكرني و ادعيلي لما كل يوم جمعة عليك يعدي من غير ما تصلي الجمعة

و متقوليش طيب المسلمين اللي هناك بيعملوا اية

ما انتوا قولتوا ( كل نفس بما كسبت رهينة)

و اوعوا تفتكروا ان هناك الأمان المنشود برضو في هناك ناس وحشة و حرامية و قتالين قتلة و كل حاجة

نفسي اوضحلكم الصورة اكثر من كدة لكن بصراحة اتكلمت في الموضوع ده لما ريقي نسف مع ناس كثير

و اللبيب تكفية الاشارة

مين اللي قال ان المسلمين مابيصلوش الجمعه في كندا؟؟؟؟؟؟؟ :closedeyes:

المسلمين عايشين هنا و بيمارسوا شعائرهم الدينيه اكتر من مصر !!

و ناس كتير عرب مسلمين اعرفهم شخصيا عايشين في مكه من 25 سنه و عمرهم ما زاروا الحرم

ابدا

[abuzyaad]

قامت كنيسة إيطالية بتخصيص مكاناً للمسلمين لإقامة الصلوات خلال شهر رمضان وخاصة صلاة التراويح، وفي نفس السياق، وعلى غرار ذلك وافقت كنيستا وادي سيمون المتحدة وأردري المتحدة على فتح أبوابهما وقت صلاة التراويح بهدف استيعاب أعداد المسلمين الذين لا يتمكنون من الصلاة داخل مرافق المركز الإسلامي بمدينة سوهارو وردي الكندية بسبب الازدحام‏.