الباشا المصري بتاريخ: 14 أكتوبر 2006 تقديم بلاغ مشاركة بتاريخ: 14 أكتوبر 2006 اخواني الاعزاء في هذا المنتدى الرائع السلام عليكم ورحمة اللله وبركاته لعلكم جميعا بخير واعاد الله عليكم الايام بالخير واليمن والبركات لدي قطعة ارض في الشيخ زايد مساحة 800 متر البناء على مساحة 400 متر افكر في ان ابيعها لان امكانياتي المادية لا تسمح بالبناء فهل من الممكن مساعدتي في معرفة تكلفة لابناء التقريبية لفيلا مساحة اربع مية متر بدروم وارضي ودورين تكلفة المباني حتى المحارة لاني اعلم ان التشطيب يختلف حسب كل واحد وممكن يكلف كثير يعني الدور ممكن يكلف كم او لغاية البدروم ممكن يكلف كم وهل لازم ابنيها كلها علشان الارض ما تتسحبش مني بعد انتهاء المهلة جزاكم الله خير افيدوني اذا توفر لديكم اي معلومة مهما ان كانت صغيرة فانها بالنسبة لي كبيرة خاصة اني بعيد عن مصر السلام عليكم وكل سنة ونتم طيبين رابط هذا التعليق شارك المزيد من خيارات المشاركة
الباشا المصري بتاريخ: 14 أكتوبر 2006 كاتب الموضوع تقديم بلاغ مشاركة بتاريخ: 14 أكتوبر 2006 اخواني الاعزاء في هذا المنتدى الرائع السلام عليكم ورحمة اللله وبركاته لعلكم جميعا بخير واعاد الله عليكم الايام بالخير واليمن والبركات لدي قطعة ارض في الشيخ زايد مساحة 800 متر البناء على مساحة 400 متر افكر في ان ابيعها لان امكانياتي المادية لا تسمح بالبناء فهل من الممكن مساعدتي في معرفة تكلفة لابناء التقريبية لفيلا مساحة اربع مية متر بدروم وارضي ودورين تكلفة المباني حتى المحارة لاني اعلم ان التشطيب يختلف حسب كل واحد وممكن يكلف كثير يعني الدور ممكن يكلف كم او لغاية البدروم ممكن يكلف كم وهل لازم ابنيها كلها علشان الارض ما تتسحبش مني بعد انتهاء المهلة جزاكم الله خير افيدوني اذا توفر لديكم اي معلومة مهما ان كانت صغيرة فانها بالنسبة لي كبيرة خاصة اني بعيد عن مصر السلام عليكم وكل سنة ونتم طيبين رابط هذا التعليق شارك المزيد من خيارات المشاركة
se_ Elsyed بتاريخ: 15 أكتوبر 2006 تقديم بلاغ مشاركة بتاريخ: 15 أكتوبر 2006 يا عم مانت باشا أهو يعني معاك فلوس والتكاليف مش هاتفرق معاك :closedeyes: شوف يا باشا تقريباً كده الأساسات والبدروم : تعمل حسابك على 200 إلى 250 باكو الدور الأرضي : ما بين 100 إلى 150 باكو الدور الأول : يقل شويه : ما بين 100 إلى 120 الدور الثاني : نفس الشيء 100 إلى 120 وطبعاً لازم يكون عندك دور خدمات فوق غرف غسيل وغرفة الشغالة وكده .. ودي هاتعملها بتاع 20 أو 30 باكو بس أنا كل ده بأتكلم من غير أي تشطيب يعني لا محارة ولا بلاط ولا كهربا ... إلخ أسعار مواد البناء في مصر بقت نار الله الموقده وكل يوم في الطالع وبالتالي حاول على قدر الإمكان إنك تبني على اقل مساحة ممكنه ... يعني 400 متر كتير جداً على زوج وزوجة وطفلين أو تلاتة مثلاً والعملية هاتبهؤ قوي قوي لإنك كده بتتكلم في 4 أو 5 غرف نوم مثلاً في كل دور ... وبجرد ما بدأت بناء مش ممكن يسحبوا الأرض منك بس مش معنى كده تحفر حفرتين وتقول أنا بنيت فعلى الأقل جهاز المدينة لازم يشوف قدامه حاجة ملموسة وعلى الأقل البدروم مثلاً الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
الحازم حسن بتاريخ: 15 أكتوبر 2006 تقديم بلاغ مشاركة بتاريخ: 15 أكتوبر 2006 سؤال بعيد عن الموضوع شوية بس استحملني هوه حضرتك مش حتحاج زبالين عشان ينضفوا الفيلا لو عاوز ابعت لي ع الخاص Many of life's failures are people who did not realize how close they were to success when they gave up Thomas Edison Failure Is Not An Option رابط هذا التعليق شارك المزيد من خيارات المشاركة
Folana بتاريخ: 15 أكتوبر 2006 تقديم بلاغ مشاركة بتاريخ: 15 أكتوبر 2006 السلام عليكم ورحمة الله ... اخى الفاضل....انت طبعا مش حتروح تدور على عمال بناء من نفسك كده...يعنى فى الحالات دى..بتستشير مهندس معمارى او مكتب استشارات يعنى علشان يرسملك نموذج الفيلا اللى يناسبك ويلائم ظروفك العائلية...وهو ممكن يعهد بموضوع البناء ده للمتخصصين... لوحدك لايمكن طبعا حتقدر تكمل..وخلى بالك الامور مش سهلة لانك حتكتشف انك بتتعامل مع ناس من نوع اخر ..وجائز تقع ضحية نصب مش مرة ولا اثنتين بل ثلاثة واربعة... التكاليف بتختلف طبعا...ولكن زى سى السيد ماقالك ..انت تبدأ بتسوير الارض بتاعتك وتحدد مساحة منها للمبانى ..فكرة البدروم فكرة جميلة...حتغنيك عن استخدام كل المكان ....وطبعا لازم تبدأ بالبناء لان لك مده محددة وحتتسحب الارض منك... الجدير بالذكر ان انا شفت بنفسى قطعة ارض تبع الجهاز ..كانت ارض يعنى من سنة ..والنهاردة ماشاء الله كلها فيلات ..واتبنت بسرعة رهيبة خوفا برضه من سحبها من ملاكها... ربنا يوفقك ... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
الشقيان بتاريخ: 15 أكتوبر 2006 تقديم بلاغ مشاركة بتاريخ: 15 أكتوبر 2006 سعادة الباشا السلام عليكم محدثك عماد الشقيان من مكة المكرمة عندى ليك فكره جميله شوفتها اعلان على موقع الوسيط ليه ما تدخلش شراكه مع بعض الناس بنظام الشراكه على الشيوع بحصه معينه شقه لكل شريك وتاخد انت اللى انت عاوزه وتتنازل عن جزء اللى انت مش محتاجه والله فكره رائعه فكر وأنا أول شريك والله يوفقك رابط هذا التعليق شارك المزيد من خيارات المشاركة
هشام عبد الوهاب بتاريخ: 16 أكتوبر 2006 تقديم بلاغ مشاركة بتاريخ: 16 أكتوبر 2006 لست متخصصا ولكن قد افيدك ولو قليلا . تكلفة البناء والأساس تختلف ايضا كما تختلف تكلفة التشطيب ويرجع ذلك لطريقة البناء نفسه والتكلفة تزداد كلما قا عدد الأعمدة المسلحة داخل المبنى او عدم وجود (كامرات ) مثلا او حوائط حتماة والامر متعدد واظن ان الفروق فى الاسعار ليست ضخمة بالنسبة للتكلفة الأجمالية . اعتقد ان التكلفة تتراوح مابين 55 الى 70 الف جنيه للدور الواحد والأساسات تتراوح مابين 60 الى 80 الف . يضاف تكلفة اخرى للأسوار السفلى (حول الأساس ) قد تصل الى 30 الف جنيه وايضا تكلفة اخرى للسور الخارجى ما بين 15 الى 25 الف . الحوائط (طوب) من الصعب حصر تكلفتها . حسب عددها داخل الدور الواحد . بحسبة بسيطة... تكلفة المبنى كخرسانة فقط فد تتراوح مابين 330 الى 420 الف لا تنسى ان قبل المحارة لابد من انهاء اعمال : السباكة بالكامل ( من 20 الى 50 الف حسب عدد الحمامات ونوع الخامات واسعارها مختلفة تماما )... الكهرباء بالكامل من 20 الى 100 الف حسب احتياجاتك والخامات )... تركيب حلوق للأبواب والشبابيك على ما اتذكر سعر حلق الباب مابين 100 الى 180جنيه للباب الواحد حسب نوع الخشب (الباب حوالى 6 متر ).. قد تحتاج الى اعمال شبك ممد لتغطية مواسير الصرف او عمل بيوت انارة او بعض الديكور . المحارة : يتكلف المتر المربع بالمؤن ما بين 10 الى 15 جنية . حسب جودة الصناعة . سعر طن الحديد يتراوح مابين 2800 الى 3200 جنية مصرى ..... ممكن تزيد فجأة !! سعر طن الأسمنت من 280 الى 320 جنية . سعر الالف طوبة مابين 120 الى 180 جنية . الاسعار كلها تقريبيه كما اسعفتنى الذاكرة الآن ........ من الممكن ان اسال لك بتفصيل اكثر ان كنت ترغب فى اقرب فرصة. رابط هذا التعليق شارك المزيد من خيارات المشاركة
se_ Elsyed بتاريخ: 16 أكتوبر 2006 تقديم بلاغ مشاركة بتاريخ: 16 أكتوبر 2006 صباحو مُسلح يا إتش شفت بقى أنا لحقتك وكنت هاتودي الباشا ورا الشمس الإسعار اللي إنت قولت عليها دي يا إتش من زممممممممممممممممممممممان .. يعني أسعار ستة شهوة مضت مثلاً :sad: فطن الإسمنت وصل دلوقت 360 إلى 370 بالمستريح والحديد لا يقل علن 3200 والطوب 180 ج الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
الباشا المصري بتاريخ: 16 أكتوبر 2006 كاتب الموضوع تقديم بلاغ مشاركة بتاريخ: 16 أكتوبر 2006 اخواني الاعزاء في هذا المنتدى الاكثر من رائع جزاكم الله خير اجمعين على النصيحة بس دا معناه ان الاسعار في مصر ولعت بجد ومش اي حد يبني طب الناس اللي بتبني بسرعة دي والكثير دول بيجيبوا فلوس منين انا مش عارف الصراحة انا حاسس اني الوضع حزين جدا واسف طب لسا الجنينة وحمام السباحة دا احنا كدة بنتكلم في اكثر من مليون وربع ولا مليون ونصف علشان الواحد يقدر يسكن الله المستعان ونشوف حل ان شاء الله وصدقوني حبيت طريقة حواركم اجمعين والسلام عليكم وكل عيد وانتم طيبين ويايت اللي عنده برضو رد تاني يتفضل تغذينا به يعني التكلفة الكلية المقدرة كم رابط هذا التعليق شارك المزيد من خيارات المشاركة
Folana بتاريخ: 16 أكتوبر 2006 تقديم بلاغ مشاركة بتاريخ: 16 أكتوبر 2006 السلام عليكم ورحمة الله.... ايوه يا باشا....تكاليف بناء الفيلا هنا مختلف من حسب امكانياتك..وحسب عدد الادوار ...وعندك بقى التشطيب...وعندك بقى الديكورات ..وعندك الفرش....وعندك وعندك.... اهم حاجة انك تكون واقف على حاجتك علشان النصب للركب......انا عايزة اتبحبح فى الكلام بس خايفة تكون من الضرائب ولا من ضريبة الايلولة ولا من اهل زوجى.... :sad: اللارض اللى قلت لك عليها دى اسمها منتجع الياسمين...السنة اللى فاتت كانت ارض جرداء..بس دلوقت ما شاء الله .....اذهب واسال على الطبيعة علشان تستفاد اكتر..... او بيع الارض وادفع فى فيلا متشطبة جاهزة..وادفع الباقى بتسهيلات فى السداد....وداخل كمباوند محاط بالسور..وامن ليل ونهار وخدمات وصيانة ونادى.......والفيلا فيها اجنينة بتاعتها جاهزة..وحمام السباحة ده يرجع لك بقى فى التكلفة بتاعته بس بيكون فى حدود 40 باكو كده ......وتبقى مطمئن على اولادك...... احلف لى على النعمة انك مش اى واحد من اللى انا ذكرتهم وانا اقولك تفاصيل اكتر..... :wub: { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
se_ Elsyed بتاريخ: 16 أكتوبر 2006 تقديم بلاغ مشاركة بتاريخ: 16 أكتوبر 2006 يا سعادة الباشا البُنا عامل زي البحر لو نزلته لازم تكمل .. ما تنفعش ترجع حتى لو وصلت ورا البراميل عشان كده كانت نصيحتي لك إنك تبني على اقل مساحة ممكنة تكفيك إنت وأولادك .. وتستفيد من المساحة المتبقية كحديقة .. أما حمام السباحة فلو عملت حاجة محندقة نقول مثلاً 6 * 4 يبقى بتتكلم في 50 باكو ( ده أنا أقعد طول عمري من غير ما أستحمى ولا أدفع المبلغ ده :sad: ) نصيحة أخرى والأجر والثواب على الله هناك نوعين من البناء 1- عن طريق مكاتب أو شركات مقاولات ودي بتاخد المقاولة كده بنظام إسمه (" مونه وأجره ) يعني هما اللي بيجيبوا مواد البناء والصنايعيه وممكن لو عاوز كمان يدو لك الفيلا على المفتاح ... 2- عن طريق تعيين مكتب إستشاري والإتفاق مع مقاول أو شركة مقاولات وإنت تشتري المون والمكتب يشرف على المقاول ويستلم منه وإنت تكون في الأمان وتستلم من المكتب الفرق بين الإتنين بالظبط بالظبط زي المثل اللي هاقوله لك ده لو إنت بتحب الطعمية وروحت إشتريت ساندوتش جاهز .. هل هايبقى ثمنه زي ما تروح تشتري طعميايه وتحطها في رغيف وخلصنا ؟ أهو هو ده بالظبط ... الشركة اللي بتاخد مونه وأجره بتكلفك 50 % زيادة ... وأي خدمه سين سين مقاول أنفار وطعمجي بعض الوقت الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
الباشا المصري بتاريخ: 16 أكتوبر 2006 كاتب الموضوع تقديم بلاغ مشاركة بتاريخ: 16 أكتوبر 2006 اشكر الاخ سي السيد الراجل الطيب المحترم على الرد الجميل والست الاستاذة folana والهي انا مش من الناس اللي انتي تعرفيهم انا متاكد بس ياريت هل ممكن تفيدينا في موضوع شراء فيلا مبنية الفكرة عجبتني جدا يعني عاوز اعرف المساحات والاسعار وعددد الادوار كدة يعني والاماكن ويبقى ليكي الاجر والثواب لاني مش لاقي حد يدلن وانا مسافر البناء هيكون بالنسبة لي مشكلة معنديش حد يتابع وللمرة التانية انا مش الناس اللي قولتي عليهم ههههههه :sad: رابط هذا التعليق شارك المزيد من خيارات المشاركة
ايهاب سالم بتاريخ: 16 أكتوبر 2006 تقديم بلاغ مشاركة بتاريخ: 16 أكتوبر 2006 ممكن تفيدينا في موضوع شراء فيلا مبنية الفكرة عجبتني جدا يعني عاوز اعرف المساحات والاسعار وعددد الادوار كدة يعني والاماكن :sad: خد مني ده مجمع فيلات رويال سيتي في الشيخ زايد عند أول المحور مكان إستراتيجي و تخطيطه جميل ناوي الأجازه القادمه أزورهم و أشوف ايه النظام رابط هذا التعليق شارك المزيد من خيارات المشاركة
otaka بتاريخ: 16 أكتوبر 2006 تقديم بلاغ مشاركة بتاريخ: 16 أكتوبر 2006 المتر هيرمى 700 فى الدور احسبها بقى 2 *400*700 تطلع حوالى 560 الف و بكينا.. يوم غنّى الآخرون و لجأنا للسماء يوم أزرى بالسماء الآخرون و لأنّا ضعفاء و لأنّا غرباء نحن نبكي و نصلي يوم يلهو و يغنّي الآخرون رابط هذا التعليق شارك المزيد من خيارات المشاركة
mizo بتاريخ: 17 أكتوبر 2006 تقديم بلاغ مشاركة بتاريخ: 17 أكتوبر 2006 انا مش عارف انت عايز فيلا ليه ؟ لو غاوى هدوء انا عندى فيلا صغيره فى السليمانيه ,جميله بس برضه عندى شقه مدينه نصر للاقامه عند النزول للزياره او لمؤتمرات شوف السليمانيه مش نصابيين عن تجربه رابط هذا التعليق شارك المزيد من خيارات المشاركة
هشام عبد الوهاب بتاريخ: 17 أكتوبر 2006 تقديم بلاغ مشاركة بتاريخ: 17 أكتوبر 2006 صباحو مُسلح يا إتش شفت بقى أنا لحقتك وكنت هاتودي الباشا ورا الشمس الإسعار اللي إنت قولت عليها دي يا إتش من زممممممممممممممممممممممان .. يعني أسعار ستة شهوة مضت مثلاً فطن الإسمنت وصل دلوقت 360 إلى 370 بالمستريح والحديد لا يقل علن 3200 والطوب 180 ج يظهر يا ابو الشيد انى عجشت ... على ايامنا يابنى كان كيلو اللحمه بشبعه وتلاتين كنيه .... تلاقيه دلوفتى بشبعه وشبعين . لا مؤاخذه يا باشا رابط هذا التعليق شارك المزيد من خيارات المشاركة
Folana بتاريخ: 17 أكتوبر 2006 تقديم بلاغ مشاركة بتاريخ: 17 أكتوبر 2006 السلام عليكم ورحمة الله............ بالنسبة لمجمع رويال سيتى....الموقع لسه مش عايز يفتح..كن انا شفته على الطبيعة ..هو فى اول مدخل زايد ...يعنى واخد الناصية ..امامه على طول سوبر ماركت هيبر وان.... هو لسه تحت الانشاء على فكرة ...فيه كام وحدة كده اتبنوا ولسه جارى العمل فيه....انا شايفة مساحته كبيرة جدا...وباشوف الشكل النهائى على لوحة كبيرة متعلقة ..مش عارفة بتسموها ماكيت ولا ايه... وفيه طبعا فى عدد من المنتجعات ..على طول الطريق فى مدخل زايد 1 ...الى ان تصل الى الربوة...وهى تبع شركة الاسكندرية - طلعت مصطفى - ودى اجملهم فى رائى الشخصى...لانها مبنية على الطراز الاوربى ويقال انها مأخوذة صورة طبق الاصل عن منتجع سويسرى.....بها نسبة خضرة عالية....بس دى معظمها مسكون فعلا لكن اللى اعرفه ان بها مرحلة جديدة تحت الانشاء ايضا.... عيب مشروع الفيلات الجاهزة ده...ان كل حاجة متحددة..مساحة الغرف ..مساحة المطبخ...مش مسموح لم انك تبنى اعلى او تغير النظام العام للشكل... لكن لو بتبنى ...حتعمل اللى انت عايزه توسع مطبخ ..توسع غرف ...عدد ادوار ..كده يعنى ... ربنا يوفقك.......... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
الباشا المصري بتاريخ: 17 أكتوبر 2006 كاتب الموضوع تقديم بلاغ مشاركة بتاريخ: 17 أكتوبر 2006 اخواني الاعزاء اشكركم عل ردكم ولكني عاوز اعرف اسعار الفلل اللي في كمبوند او منتجع زي كدا رويال ستي تكون غالية ولا كم ولو تقسيط ايه النظام ياريت اللي يعرف تفاصيل او موقع شركة علة النت يرسل وله الاجر والثواب واكيد هنفتكره لو اخدنا فيلا في منتجع ههه وكل سنة وانتم طيبيبن ان شاء الله زي اليومين دول نشوف مصر في حال افضل شويا رابط هذا التعليق شارك المزيد من خيارات المشاركة
Horus بتاريخ: 17 أكتوبر 2006 تقديم بلاغ مشاركة بتاريخ: 17 أكتوبر 2006 (معدل) حد عنده فكره عن المشروع ده ... و الشركه اللى بتنفذه http://www.assatha.com/photos.asp?parent=&...14&catid=32 حد سمع عنهم فيه حد يعرف مشروع تانى .. على نفس الوزن و يكون افضل ??? أفيدونا ... أفادكم الله تم تعديل 17 أكتوبر 2006 بواسطة Horus Saken fi Canada we 3ayesh fi Masr رابط هذا التعليق شارك المزيد من خيارات المشاركة
mizo بتاريخ: 17 أكتوبر 2006 تقديم بلاغ مشاركة بتاريخ: 17 أكتوبر 2006 الاخ الباشا انا اعرف السليمانيه المكتب كان من ثلاث سنوات امام نادى الصيد فى الدقى من ثلاث سنوات السعر كان 327000 مبنى على مساحه م205 ارض م500 4 نوم استقبال 3حمام حمام سباحه الفع كان 1-10% تعاقد 2-20%بعد شهر 3-12500 كل ثلاثه اشهر الان ليس عندى فكره عن الاسعار نزلت او زادت؟؟ رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان