اطلب اى وصفه على بالك .. تلاقيها قدامك

[عادل أبوزيد]

يبدو أنى سأعلن التمرد على حكومتنا الرشيدة و على الرجيم و كل حاجة

طريقة وصفك للأكل تجنن فعلا يعنى مثلا حضرتك حولتى دكر البط لقصيدة شعرية رائعة فشر إبن الرومى فى زمانه

يا ستى مشكلتى و حلم حياتى أن آكل عجة .... صعبة دى ؟ مجرد قرص عجة

العجة الغامقة مفيش غير واحدة فى العيلة تعرف تعملها و طبعا العملية تحتاج مقدمات و زيارات و "محلسة" ... و يا نفعت يا قريبتنا عملت نفسها مش واخدة بالها و أكلتنا حاجة تانية مميزة

بس أنا مالى أنا نفسى فى العجة

[bodda]

اولا يا عم عادل انا مصلحه :blink:

وعمال تقولى يا ستى ؟؟؟؟؟ :D

بس برضه ولا يهمك

ووصفة العجه كتبتها هنا قبل كده

وممكن تجيبها سهل بالــ Search

بس علشان اول مره تشرفنا هاكتبها تانى

العجة

نقول 6 بيضات و الملح والفلفل

على معلقة دقيق كبيره ونضربهم فى الخلاط كويس

ونجيب بقدونس على شبت ونفريه ناعم اوى ( ده اللى يخليها غامقه)

ونقلبهم بس مع البيض والدقيق

ونفرى بصله محترمه ناعم برضه

ونشوح البصله فى معلقة سمن مع معلقة زيت

ولما تصفر ننزلها من على النار ونقلب فيها خلطة البيض والخضره

وفى طاسه نحط حتة سمن ونصب عليها شوية خلطة مع التقليب

ولما تبدأ تمسك نبطل تقليب علشان الخضره ماتعومش

أو نصب الخلطة كلها فى صينية فى الفرن

وسبب عومان الخضره إما لانها مش مفريه ناعم اوى

أو عدم وجود الدقيق

وبالف هنا وشفا

مساء الفل

وأى طلبات

و شئ يشرفنا وجود الاستاذ عادل معانا هنا

مساء الفل

تم تعديل 4 يونيو 2005 بواسطة bodda

[عادل أبوزيد]

لا مش ممكن .... أنا فى حلم ولا علم ؟ (يا أهل اللغة العربية معونة إملائية )

ده مصباح علاء الدين فعلا .. إيه اللى بيحصل ده

أنا متوقع الرد بعد أسبوع مثلا ... لا دى فعلا خدمة خمس نجوم

حيث كدة يصبح من اللازم تطوير محاورات المصريين لإدخال ال vitual reality فى باب المطبخ من أجل الرؤية و بعدها من أجل الرائحة ثم النكهة و هذا سيكون مشروع القرن

تصورى مثلا أطلب وصفة معينة و بعد شوية يطلع من الكومبيوتر معلقة و رسالة تطلب منى التذوق !!

مرحى مرحى

وجدتها ! !

منذ قليل أضفت مداخلة على موضوع أحلام اليقظة و شعرت بحزن أنى لا أجد أحلام اليقظة هذه الأيام

الله يسترك دلوقت بقى فيه حلم يقظة

[bodda]

جرى ايه يا عم عادل ؟؟؟؟

مصر تخاطبنى بنون النسوه برضه ؟؟؟

:blink:

منك لله

بس برضه مساء الفل

:D

[Salwa]

مساء الخير ..

سيدى الفاضل bodda .

بالنسبة للعجة المصرى ...كلامك مضبوط بس فيه حاجة بقى ..منعرفش احنا بس اللى بنعملها كدة فى اسكندرية والا كل مصر ؟؟؟

يعنى نضع عدد واحد او اتنين بطاطس مقطعة مكعبات ونحمرها الأول فى الزيت ..

من الأول ...

نفس المقادير اللى حضرتك قلتها ...بس الأول بنحمر البطاطس اللى متقطعة مكعبات صغيرة ( واحدة مثلا ) ثم نضيف لها البصل المفرى ( مش ناعم قوى ) ثم فى الآخر نضيف لها 2 طماطم مقطعة صغير جدا ....وكل ده نضيفه على خلطة البيض بالمقدونس بالشبت وعليه ملح وفلفل ..وندخله الفرن ....( حكاية ملعقة الدقيق مش شرط )..

على فكرة سبق لى وقلت طريقة عمل العجة الاسبانى وهى تفرق عن العجة المصرى انها

تحتوى فقط على ...نوع واحد خضار مع بصل محمر وبيض .( وطبعا ملح وفلفل ) .

يعنى نحمر البطاطس المقطعة صغير ...او نسلقها ونقطعها صغير مكعبات يعنى ...ثم نضيف لها البصل المحمر والبيض ..

عجة البطاطس اساسية ....

ثم تأتى عجة الخرشوف ويستحسن اضافة الثوم لعجة الخرشوف ..

عجة الكوسة ...برضه نحمر كوسة مكعبات ...يضاف البصل المحمر والبيض ونعمل قالب العجة ..

ايضا بنفس طريقة عجة الخرشوف نعمل عجة السبانخ وبتطلع تحفة ...خصوصا ان الأولاد مش بيحبوا اكل الخضراوات فبكدة بنجبرهم ياكلوا خضار من غير ما يحسوا انه اجبار ...

عجة التونة ....فقط بها بيض ...مش شرط نضع لها بصل محمر ...

مساء الخير ...

[Osha]

على فكرة يا سلوى انا من المغرمات بالعجة - وعملت طريقة بودا وطلعت جميلة جدا

وكنت سمعت عن الطريقة بتاعة البطاطس لكن ماكنتش عارفة ازاي

بس انا مافهمتش عجة التونة ازاي ممكن توضيح اكتر

[bodda]

العزيزه سلوى

اللى عايشه بين شطين وميه

واللهم لا قر ولا حسد

:wub: :lol: :lol:

وصفاتك مضبوطه تمام

ولكن العجة الاساسية هيه البيض والبصل مع البقدونس

وطبعا طلع منها عجة البطاطس والخرشوف وكل وصفاتك الجميله

والتنويع فى الاكل الاساسى ده فن جميل :wub:

وللعزيزه اوشا

عجة التونه بتتجهز بره وتتصب فى صينية فرن بسمك صباع

وتدخل الفرن عادى

وممكن تحطى التونه مخلوطه معاها من الاول

او تحطيها على وش العجه

بس اللى جواها احلى :blink:

وصباح الفل

:wub:

[Osha]

عروستي :blink:

مافهمتش عجة التونة برضه :wub:

عاوزين الوصف التفصيلي لو سمحت :lol:

[bodda]

هاقول الوصفه بتاعتى

بس ممكن طبعا تكون عند سلوى وصفه احلى من اسكندرية

العجة بالتونة

علبة تونه مفتته ( رخيصه ) :wub:

6 بيضات و الملح والفلفل على معلقة دقيق كبيره

ونضربهم فى الخلاط كويس :blink:

ونجيب بقدونس على شبت ونفريه ناعم اوى

ونقلبهم مع البيض والدقيق

ونفرى بصله محترمه ناعم برضه

ونشوح البصله فى معلقة سمن مع معلقة زيت

ولما تصفر ننزلها من على النار ونقلب فيها خلطة البيض والخضره

وهنا ممكن نضيف التونه بعد فرفطتها ونقلب كويس

و نصب الخلطة كلها فى صينية فى الفرن

ولما تمسك كويس نطلعها وبالف هنا وشفا

مساء الفل

:lol:

[Salwa]

صباح الخير ..

بالنسبة لعجة التونة بالذات ....فيه وجهة نظر هنا ..

التونة بطبعها مش سهلة الهضم لو كانت بكمية كبيرة ...

ولهذا قلت ان فى حالة عجة التونة مفيش داعى لوضع بصل محمر ...

بمعنى .....تلات او اربع بيضات وملح وفلفل ثم نضيف التونة .

ممكن تتعمل فى طاسة على النار ...وتقلب على الوجه الآخر ويتم النضج مع تحريك الطاسة ...(( سهلة قوى وسريعة ))..

على فكرة دى وصفة اسبانى سهلة وتقليدية جدا .....

كل انواع العجة ..تقليدية ..(( كل سكان البحر الابيض المتوسط غاويين العجة والمعجنات ...والجبنة ..والخضراوات والاسماك .....ربما اكثر من اللحوم بصفة عامة ...ولهذا يتقنون صنع هذه الأكلات ..))..

نلاحظ ذلك فى ايطاليا وفى اسبانيا وفى اليونان ....وفى اسكندرية (( حبيبة عمرى )) ..تقريبا فى اغلب المناطق التى تقع على البحر ...

بالمناسبة ؟؟؟

حد جرب العجة بالفلفل الأخضر الشرائح ومتحمر والبصل المتحمر وواحد بطاطس مكعبات ومتحمر ؟؟؟؟...مع اضافة البيض طبعا وملح وفلفل ....

المكونات بتشبه مكونات الشكشوكة بس بدون طماطم ....

جربوا وقولولى ....

بالهنا والشفا....

[bodda]

تسلم ايدك يا سلوى

طبعا وصفة عجة الخضار هايله

وهيه فعلا تشبه الشكشوكه بس من غير طماطم

وعجة التونه فعلا اشكال والوان

بس احنا هانعتمد الشكل الاسكندرانى

وهوه كده من غير اسباب

:blink: :wub: :lol:

مساء الفل

:lol:

[Fencer]

بالمناسبة ؟؟؟

حد جرب العجة بالفلفل الأخضر الشرائح ومتحمر  والبصل المتحمر وواحد بطاطس مكعبات ومتحمر ؟؟؟؟...مع اضافة البيض طبعا وملح وفلفل ....

المكونات بتشبه مكونات الشكشوكة بس بدون طماطم ....

جربوا وقولولى ....

بالهنا والشفا....

<{POST_SNAPBACK}>

مدام سلوى

انا ما جربتش العجة دي قبل كدة بس انا عموما باحب اي عجة

نشوف الفلفل الاخضر وهو متحمر هايعمل ايه في العجة

[bodda]

لا حلو وجربه جميل جدا

بس الاول .... ولا بلاش

العجه تقبل كل جديد

مساء الفل

:blink:

[شاعرالرومانسية]

يااهلا بالعجة والناس اللى بتحب العجة ;)

وبما انكوا بتتكلموا عن الغالية ( العجة طبعا .. :lol: ) يبقى لازم القى دلوى فى الموضوع ..بس سؤال لية ماتجربوش العجة اقراص مقلية فى الزيت زى الطعمية كدة ..(مش فى الفرن يعنى :D )

وعموما ممكن تجربوا العجة الشامى بتبقى طعمة قوى ..

احنا نجيب خمس بيضات أحمر مزارع (نباتى مش مهرمن ;) واللى عاوز يقولى لان واحد صاحبى عندة مزرعة وهارينى بيض طازة ومتغذى نباتى بدون مركزات ولا هرمونات)

ونخفق البيض ونضيف له فنجان دقيق وبصلة مفرية وبقدونس مفرى واخيرا قطعة خميرة صغيرة محلولة بالماء وبعد كدة البهارات والملح ..ودة بالترتيب السابق

نعجن كل دة حتى يصبح عجينة لينة ونسيبها تتخمر ..

نقدح الزيت وناخد من العجينة قطعه ونبططها مستديرة ( زى الطعمية كدة ) ونقليها على الوجهين حتى تحمر... ونطلعها على فرشة من البقدونس ....و

ناكلها وهى سخنة :D

:lol:

:wub:

مش عارف فى اية غريب فى اية غريب :blink:

ااه ..مش عارف فية حد كدة كان دايما يطلع زى فرقع لوز ويقول توم اية واكليل جبل اية ,,و ...و ...و

اكيد دلوقتى حيطلع ويقول ..خميرة اية اللى فى العجة دى ... :wub:

مش عارف بقاله فترة مش بيعلق يعنى لية ...

ماعلينا ،،، ماعلينا

ربنا يجعل كلامنا خفيف عليهم :wub:

تم تعديل 5 يونيو 2005 بواسطة شاعرالرومانسية

[Reham]

سلمت يداكي مولينكس.............

انا محتاره اجرب ايه ولا ايه من كل هذه الوصفات اللذيييييييييذه

تسلم ايديكوا حقيقي

الوصفات شهيه جدا من الوصف بس وقريبا ان شاء الله ساشترك معكم بس انا مشغوله اليومين دول لاني نازله مصر الجمعه القادمه

وساستأنف معكم من مصر الحبيبه

استمرواااااااا

[wagdi]

إلا ماحدش ابن حلال يوصف لي محشي الكرنب بيتعمل إزاي؟

:blink:

[aynad]

معلش يا بودا كنت عايزة اسئلك سؤال بالنسبة للاكليييييير لما نحط الاكلييير في الفرن نفتح الشواية علشان وشها تحمر شوية ولا الفرن بس ؟؟؟

[bodda]

حلوه الطعميه المعججه دى يا شاعر

:lol: :wub: :wub:

وتوصلى مصر بالف سلامة يا ريهام

ونحن بانتظارك هنا فى مصر وهنا فى المطبخ

العزيز وجدى

محشى الكرنب مشكلته فى عملية اللف

لان كل ما كانت حتة ورق الكرنب صغيره هاتطلع صباع صغير

وفى نفس الوقت كلما كانت صعبة اكتر

لكن لو انت عازب هاقولك على وصفه سهله

كنت باعملها فى امريكا لعدم وجود كرنب يمكن فرده

محشى الكرنب العزابى

تجيب كرنبه وتفصل ورقها بالراحه على قد ما تقدر

حله كبيره فيها ميه مغليه وملح

وتسقط فيها الورق يتسلق 10 دقايق

نشيل الورق ونركنه

نحضر خلطة من كوباية رز مغسول

والبقدونس والشبت والكسبرة الخضرا

ومبشور بصله وملح وفلفل ونقلب كله على كله :wub:

نجيب صينية فرن أو قالب بيركس مش غويط

ونبدأ ندهن الصينية بالسمن ونرص طبقة من ورق الكرنب المسلوق

ونرش رشة خلطة ثم طبقة ورق تانى ... وهكذا

المهم ما يزيدش سمك الرص عن 4 سم :lol:

وتكون محضر كوبايتين ميه بملح ومعلقة صلصة

وتصبهم عالصينية وتحدفها على فرن حامى اوى

حوالى نص ساعه ..المهم يستوى الرز :D

وصدقنى هاتطلعها تخرطها مربعات وترصها فى الطبق

وتشبع معدتك وخيالك بطعم محشى الكرنب

ولا ذل الستات اللى مش بيحبوا يعملوه

;) :blink: :D

وصباح الفل

;)

[bodda]

العزيزة أيناد

الأكلير بيتخبز زى الكيك على الرف الوسطى

مع نار الفرن وبس ولا تستخدم الشوايه

ولو عايزه زيادة اللون الذهبى عالوش

ممكن مسحه خفيفة اوى من صفار بيض مضروب

:blink:

على وش كل صباع قبل الخبز

و صباح الفل

:wub:

[aynad]

ربنا يخليك يا رب يا بودا

اشكرك من كل قلبي علي سرعة الرد

بالنسبة للكرنب .. لو عايز طريقة سهلة علشان تشيل بيها ورق الكرنب ..

قور الرأس بتاع الكرنباية

و بعدين حط الكرنباية كاملة في مية مغلية وهي حيتشال الورق لوحده بس بحيث ميقعدش كتييير في المية المغلية علشان ميتهراش ...

اي خدمة :wub: