المشير طنطاوي ينفعل على وزير مصري ع الهوا بس ربنا ستر

[abdulmuttaleb]

http://www.youtube.com/watch?v=yNc7UObJzyo

[عصام أبوالفتح]

رد فعله ممتاز . . لكن الفيديو ثوانى قليلة . . هذا الرجل نادرا ما يتكلم فأين باقى كلامه

[se_ Elsyed]

هي فنجرة بوء وخلاص ؟؟؟؟

أنا حلو .. أنا جامد .. أنا زي الفل

ومع ذلك لأول مرة في تاريخ يمكن العالم كله .... نفس المكان بنفس الطريقة .. بنفس المنفذين ... مكان واحد يتفجر 10 مرات في شهور عديدة ..

100 % مش مطمئن

حدود مخترقة وسلاح ومخدرات بيدخلوا بالعبيط ... بأقول لك 100 % مش 99 %

ميناء من المواني الرئيسية يتم إحتلاله من اللصوص البدو في عدة ثواني من يومين .... بأقول لك 100 % يا بني ادم

قسم شرطة ثان العريش من المغرب لحد الفجر ضرب بمدافع ورشاشات والجاة ياخدوا بعضهم ويزوغوا من غير ما نمسك صرصار ولا نعرفه حتى .... ييييييييه ما تتعبش قلبي بأقول لك 100 %

منفذ حدودي - العوجة يا فندم - يغلق لأكثر من شهرين لان البدو بيقلبوا البضاعة اللي خارجة وداخلة منه وقاطعين الطريق الرئيسي فيه ....... وبرضوا طب غن شاء الله وجبنا 100 %

مبروك النجاح

[عصام أبوالفتح]

" لَوْ خَرَجُوا فِيكُمْ مَا زَادُوكُمْ إِلَّا خَبَالًا وَلَأَوْضَعُوا خِلالَكُمْ يَبْغُونَكُمُ الْفِتْنَةَ وَفِيكُمْ سَمَّاعُونَ لَهُمْ وَاللَّهُ عَلِيمٌ بِالظَّالِمِينَ "

[ابراهيم عبد العزيز]

سبحان الله

خُيل إلي أن مبارك هو من يتحدث في هذا الفيديو

نفس طريقة الكلام والتعبير باليدين

تم تعديل 9 يناير 2012 بواسطة ابراهيم عبد العزيز

[se_ Elsyed]

" لَوْ خَرَجُوا فِيكُمْ مَا زَادُوكُمْ إِلَّا خَبَالًا وَلَأَوْضَعُوا خِلالَكُمْ يَبْغُونَكُمُ الْفِتْنَةَ وَفِيكُمْ سَمَّاعُونَ لَهُمْ وَاللَّهُ عَلِيمٌ بِالظَّالِمِينَ "

هل تم وضع هذه الأية في موضوع في باب الإبتسام لكي يضحك الناس عليها ام ماذا ؟

أظن من البديهيات لكل كاتب وصاحب فكر أن يوضح ما يقصد ولا يتسخدم أيات أو احاديث في غير موضعها أو مكانها

[عصام أبوالفتح]

" لَوْ خَرَجُوا فِيكُمْ مَا زَادُوكُمْ إِلَّا خَبَالًا وَلَأَوْضَعُوا خِلالَكُمْ يَبْغُونَكُمُ الْفِتْنَةَ وَفِيكُمْ سَمَّاعُونَ لَهُمْ وَاللَّهُ عَلِيمٌ بِالظَّالِمِينَ "

هل تم وضع هذه الأية في موضوع في باب الإبتسام لكي يضحك الناس عليها ام ماذا ؟

أظن من البديهيات لكل كاتب وصاحب فكر أن يوضح ما يقصد ولا يتسخدم أيات أو احاديث في غير موضعها أو مكانها

ليست مشاركتى بناءاً على مكان الفيديو فى المنتدى وهو لا يندرج تحت باب الابتسام حسبما أرى ..

ولا يحق لك اجبارى على مناقشة امر جاد مرتدياً زى الأراجوز لمجرد ان هذا الامر الجاد وضع فى باب الابتسام ..

انما وضعت الايه لنعلم ان الامر جاد وخصوصا ( وفيكم سماعون لهم ).

اى موظف مسئول لا ينبغى له اعادة صياغة مفردات قيادته بشكل اخر قد يفهم خطأ من المستمعين ويعطى دلالة اخرى ورسالة أخرى.

"مطمئن" تعنى اننا غير قلقين .. (وهل كان هناك قلق ؟) ... وليس هذا تعبير يقال فى تصريح رسمى على ما يتعلق بالسيادة الوطنية والأرض.

[احمد رضوان]

" لَوْ خَرَجُوا فِيكُمْ مَا زَادُوكُمْ إِلَّا خَبَالًا وَلَأَوْضَعُوا خِلالَكُمْ يَبْغُونَكُمُ الْفِتْنَةَ وَفِيكُمْ سَمَّاعُونَ لَهُمْ وَاللَّهُ عَلِيمٌ بِالظَّالِمِينَ "

الآية الكريمة انزلت في المنافقين لما تقاعسوا عن الخروج لنصرة المسلمين

وتكملتها

لقد ابتغوا الفتنة من قبل وقلّبوا لك الأمور حتى جاء الحقّ وظهر أمر الله وهم كارهون}. (التوبة /47-48).

والحمد لله مبادئنا لا تتجزأ نحن مع الحرية والكرامة والعدل .... لم نفرط فيها ولم نرضى عنها بديلاً ولم نرتمي في حضن المجلس العسكري ولم ندافع عن آثامه ولم نسوق لحيله ولم نتنازل عن حقوق الشهداء ولا المصابين ولم ندافع عن فرعون العصر مبارك ولم نهاجم الأبرياء ولم نخض في أعراض الثائرات طلباً للكرامة ولم نتهم الشباح بقتل المواطنين بل طلبنا القصاص العادل ممن رايناه بأعيننا يقتلهم ولم ندفع حق بباطل مصطنع

صدق الله العظيم حين يصف وضع المنافقين ... في الدرك الأسفل من النار

حقاً ويقيناً هذه الاية تنطبق على يوم 25 يناير المقبل ... الا من اعتزل الفتنة فأجره على الله

تم تعديل 9 يناير 2012 بواسطة احمد رضوان

[ابو محمود]

بصراحة المشير غلطان كان لازم يعترف بالحقيقة مصر خربانة وبنت ستين فسبعين وجيشها خرع وولادها ميقدروش يحموها ههههههههههههههههههههههههههههههههههههههههه كدة يبقى راجل حقانى وزي الفل

[se_ Elsyed]

بصراحة المشير غلطان كان لازم يعترف بالحقيقة مصر خربانة وبنت ستين فسبعين وجيشها خرع وولادها ميقدروش يحموها ههههههههههههههههههههههههههههههههههههههههه كدة يبقى راجل حقانى وزي الفل

ما احنا خلصنا بقى

إحنا زي الفل وحلوين ونروح ننام ونشد اللحاف ...

كل سنة وإنت طيب

أه قبل ما أمشي .... هل يجروء مسئول في دولة محترمة

بُص الكلمة دي

" محترمة " يطلع في ازمة معينة أو في مصيبة معينة ويقول انا بومب أنا حديد أنا زي الفل ؟

هناك فرق بين الهطرشة يا عم ابو محمود .. وبين الواقعية ومواجهة الازمة

اللي حصل من الاخ مشمش هو هطرشة ....

لأن لو هو مسئول ومحترف .. اقول أيوه بتحصل حاجات في سينا غير راضيين عنها .. لكن نحن الأن نضع خطة عاجلة للسيطرة الكاملة على ما يحدث هناك

هل ده حدث ؟

هل توقفت المهازل التي تحدث هناك يا بيه ؟

[احمد رضوان]

تمام يا ريس .... أسمــــه تمام 67

بس لو ركزتوا شويه في ثواني معدودة هي عمر الفيديو حتقدروا تعرفوا ليه من شهر فبراير اللى فات واحنا في مصايب دامية

عارفين ليه ... قولتولي ليه ... أقولكم

كله بيدي نفس التمام ، كل رؤساء الوزراء اللى اتعينوا ، كل الوزراء اللى اتعينوا ، كل العسكريين اللى بيتولوا المواجهات ، المجلس العسكري نفسه بيدي نفس التمام بس للشعب كله تمام وميه ميه واحنا بنحاكم القتلة وبنحمي الثورة وبنحاكم مبارك وحنرجع الفلوس وووووو ..... وكله تمام 67

طيب خدوا ديه .... ليه كل المطالب مبتتحققش غير بالملوينيات ودم الشهداء والمواجهات ؟؟؟ موجوده برضه في الفيديو

المجلس العسكري مش مقتنع غير بصوته ... المشهد واضح الوزير رفض تكملة مرافقه لتوضيح المعلومة والتفت ليه بشكل مباشر فيه نوع من التهديد ... ورجع لرايه الول 100 - 100 ... وايه اللى حصل ، اتخرس صوت المرافق وعمل تمام 67

بس للأسف الشعب بعد 25 يناير ما بيبقبلش التمام ده لأنه مدني مش عسكري ، وعنده استعداد يرفع صوته ويلعل كمان .... وده اللى وصل الأمور للمواجهات الدامية ... علشان نعرف مين كلامه اللى أعلى الشعب ام المجلس العسكري ... والشعب يعني الثورة اللى المجلس بيقول انه حماها ، بس لإن صوت المرأة عورة ، فعايز يفضل كده حاميها بس ما يطلعش لها صوت ... لأن ده عيب وما يصحش

وفي قول أن حماها معناها اداها دوش سخن ... ولفها في البطانيه وحطها في سريرها ونيمها ... وخايف عليها لتاخد برد لو خرجت الشارع ... علشان كده كل ما تيجي تقوم يقوم هب ضاربها ومرجعها السرير مرة تانية

تم تعديل 9 يناير 2012 بواسطة احمد رضوان

[ام سلمي]

هما العسكريين كدة ما اتعودوش حد يناقشهم لازم تمام يا فندم

ده المشير كدة هادي ، شوفوا اللوا ده

http://www.youtube.com/watch?v=pqSMaAikCnI

[se_ Elsyed]

يا ام سلمى ما تتعبيسش نفسك

هما اللي حارقهم كلهم إن في حد نظر لهم في السبوبة وفتح عنين الناس عن مغارة علي بابا المقفول

حضرتك ده الأخ مشمش امر بإقراض البنك المركزي مليار جنيه ... تفتكري لو حد عنده خقل وقبل ما يساند مجلس اللصوص .. مش كان المفروض فكر وسألة نفسه " منين لا مؤخذه المليارات دي كلها ؟ وليه مش عاوزين مخلوق في الدنيا يعرف ميزانية الجيش وامتيازاته ؟ "

لكن هيهات

مش عشان 19 ولا 30 لص سفاك دماء يبقى نغض الطرف عن مسلسل أخر من مسلسلات سرقة مصر

[ابو محمود]

بصو يا افندية لو اسرائيل تقدر تفتح جبهة على مصر مش هتستأذن حد لا جيش ولا يحزنون

مش عارف لية انتم ما بتصدقو مشانق تتعلق للعسكريين وهاتك يا نظم شعر ومعلقات

كلمة ورد غطاها احنا جيشنا فى نظركم هايف قولو خرونج قولو متكسفوش علشان نعرف مدى تعاطيكم مع الاحداث

مشكلتنا يا أفندية اننا بنخلط الامور نختلف مع المجلس يبقى كل تصرفاتة خطأ هذا لا يمنع انى ارى ان هناك اخطاء للعسكر لكن المشكلة ان المقياس لدي يختلف لانى فى الملعب يعنى شايف ولامس الحالة بتاعة البلد

أي زعزعة للاستقرار تأتى من قبل اي حد محدش هيسمى علية تقولو بقى عسكر عايز سلطة او سلطانية محدش هيقدر يغلطهم المرة القادمة لانهم لن يسمحو بافشال ما تم الاتفاق علية حتى لو قولتو على المشير انة رجل نصف كم مش هيرد وردة على هيكل اثناء الحوار كان من باب انة بيهز المعنويات وان هناك تخوف من ان يحدث شيء بسيناء وعلى فكرة اسرائيل لا تقدر على حرب مع مصر اان لاننا سيتعاطف معنا العالم وستطول الحرب وربما تشارك فيها قوى اخرى واسلحة لا تعرف اسرائيل تفادى نتائج نيرانها

[se_ Elsyed]

هي دي المشكلة يا أبو محمود

أن هناك البعض بيخلطوا أبو قرش على أبو قرشين

يعني المجلس هو الجيش والجيش هو المجلس .. زي ما مبارك كان هو العسكرية والضربة الجوية وما إلى ذلك من تخريف كانوا بيقنعونا به

تخيل بكره لو الـ 19 دول ماتوا أو كوضع طبيعي طلعوا معاش ... إيه جيشنا هاينتهي ويموت ؟

هافكر حضرتك بحاجه ظريفة ... بالنسبة لنا لكن بالنسبة لناس تانية مش ظريفة بالمرة

حافظ الأسد فضل يحكم بلده بالحديد والنار عشرات السنين تحت زعم " العدو على الابواب أوعى تفتح بؤك .. "

وأقسم بالله في يوم موته وتولي إبنه سمعت بودني دي اعضاء من حزب البعث المطبلاتيه على قناة الأم بي سي بيقولوا " إنتخابات إيه وديمقراطية إيه ؟ إنتوا ناسيين إن العدو على الأبواب ولازم الدكتور بشار يكمل المسيرة ؟ "

فحضرتك النغمة دي كانت في الستينات وما تنفعش دلوقت ولا تاكل مع الناس

انت في موقع سياسي واخد بالك مش حربي ولا عسكري .. وأرتكبت بلاوي وجرايم أثناء فترة حكمك .. يبقى لازم تتحاسب وتتشنق لو ثبتت ضدك إتهامات

أقول لك على حاجه كمان يمكن ولعل وعسى تقتنع ....

كل زعماء إسرائيل يمكن بدون إستثناء كانوا قادة عسكريين .. ومع ذلك شارون يقدم للمحاكمة بتهم الفساد ... عيزرا فايستمان يتهبد حكم بتهمة التحرش الجنسي بسكرتيرتة ...إيهود باراك يتقدم للمحاكمة بتهمة إساءة معاملة الخادمة بتاعته

ما سمعناش حد قال " يا ناس حرام عليكم العدو على الأبواب إنتوا عاوزين تخربوا الجيش ؟ "

جيشنا يا بية هو اللي فيه أخويا وأخوك ووالدي وأهالينا كلنا ... مش هما العصابة اللي نايمة على الخميرة وعندها مليارات

جيشنا هو أحمد سبع الليل العسكري الغلبان اللي مستعد يضحي بحياته من سكات ومن غير بروباجندا ولا مناصب ولا امتيازات

تم تعديل 17 يناير 2012 بواسطة Folana

[احمد رضوان]

أحمد سبع الليل

أفنــــدم

[ابو محمود]

هعتبر نفسى فى باب الابتسامات واضحك

مشكلتك انك فاكر مصر عزبة او شركة ادارتها بسيطة او مثلآ قصة دمها خفيف ممكن تكون من كام باب

المشكلة ان مؤسسات الدولة زي ما بتقولو فاسدة والفساد معشش فيها

والجيش فاسد والعسكر مش الجيش انا معاك نفترض بقى ال19 واحد دول لقو انهم خروجهم بالصورة اللي عايزنها اصحاب الأعتصامات هتوصلهم الى المحاكمة تقدر تقولى لو انت مكانهم هتتصرف ازاي ؟؟

وبعدين احنا كنا بنتكلم عن الرد فى مداخلة فيديو حولت الموضوع الى ما نتحدث بصددة الان مش مشكلة

يا معلمى لو العسكر ايام الثورة وطبعآ انت عارف ومش هجيب فيديوهات لانى مبعرفش اظهرها وبحتاج لمساعد ودة مش وقتة عارف كانت الشباب والشعب بيعمل اية مع الجيش ساعة الطيران ما تأمر بتحليقة فوق الميدان الكل قال الشعب والجيش ايد واحدة وساعتها كان ال19 فى مراكزهم ما نطوش عليها غصبآ نحن كشعب ارتضينا بهم كفترة انتقالية والتطويل كان باختيار الثوار وكمان في ناس اخترعت وهنا بالمحاورات ان الجيش يحكم لمدة سنتين علشان الناس تجهز وتعمل ريكلام وتتعرف على الناس علشان الانتخابات ما يأكلهاش الاسلاميين

اذآ الجيش لم يطيل المدة لكن كما طلب الاخوة العلمانيين تأجيل او تمديد الفترة كام شهر علشان يستعدو للانتخابات ولما تيقنو ان الناس مش معاهم ابتدت بدأت من ماسبيرو الى القصر العينى ومجلس الشعب انت عارف مشكلتنا اننا بننسى بسرعة دة حتى من استعجالنا عايزين مجلس الشعب يقود مصر رغم ان الكثيريين متحفظين على الجهلة اللي جابهم الصندوق من اخوان وسلفيين حتى ممكن تراجع المواضيع وحركات الثورة المباركة

احسن حاجة يا معلمى انك من انصار محاكمة المجلس ودة فى حد ذاتة كويس اهو ثبات على المبدآ بس ياريت تفضل كدة ثابت ونشوف ما سيحدث يوم 25 اللي جاى يمكن الامور تتغير ياعالم الاسرار يمكن الشعب يعقل وينزل ويقتل ال19 او يحاكمهم زى ما انت بتقول

[عصام أبوالفتح]

كما تقول اعرف عدوك اولاً ... فاتفضل رد على الخبر ده يا مستر مشير

نتنياهو: مبدأنا "تغدى بعدوك" و"ذنبه على جنبه"

الخميس ، 17 تشرين الثاني/نوفمبر 2011، آخر تحديث 15:00 (GMT+0400)دبي، الإمارات العربية المتحدة (CNN)-- شدد رئيس الوزراء الإسرائيلي، بنيامين نتنياهو، على أن بلاده ستواصل محاربة ما وصفه بـ"الإرهاب"، والدفاع عن نفسها استناداً إلى مبدأين أساسيين، هما "تغدى بعدوك قبل أن يتعشى بك"، و"ذنبه على جنبه"، في الوقت الذي حذر فيه من أن إيران تشكل "تهديداً كبيراً" لإسرائيل والعالم.

وخصص رئيس الحكومة الإسرائيلية جزءاً كبيراً من خطابه أمام "الكنيست"، للحديث عن "التطورات الدراماتيكية الأخيرة في المنطقة"، ونقلت عن الإذاعة الإسرائيلية قوله إن "الوضع الجديد في المنطقة يتميز بعدم الاستقرار وعدم الوضوح، ولا يمكن لأحد أن يضمن استقرار أنظمة الحكم الجديدة التي نشأت، وطبيعة علاقاتها مع إسرائيل."

كما أشار رئيس الوزراء الإسرائيلي إلى أن هناك دولاً من خارج المنطقة العربية تحاول التأثير على ما يجري فيها، ومن بينها إيران، التي اتهمها بأنها تواصل جهودها للحصول على أسلحة نووية، وأكد أن "إيران ذات قدرة نووية ستشكل تهديداً كبيراً لإسرائيل وللعالم أجمع."

وتابع نتنياهو أنه "يجب التعامل مع الوضع الجديد من منطلق القوة والمسؤولية، على حد سواء"، وشدد على أن "إسرائيل ستواصل محاربة الإرهاب والدفاع عن نفسها"، وقال إن "الشعب الإسرائيلي يريد إحلال السلام الحقيقي، على أساس الاعتراف بحق الشعب اليهودي في العيش في دولته القومية، وتحقيق الأمن."

كما توجه نتنياهو بخطابه إلى رئيس السلطة الفلسطينية، محمود عباس، قائلاً: "إنني لست متصلباً بالنسبة للسلام، وإنما بالنسبة لضمان أمن إسرائيل ومواطنيها"، متهماً القيادة الفلسطينية بأنها "ما زالت ترفض الدخول في مفاوضات مباشرة مع إسرائيل، رغم الدعوات المتكررة"، التي وجهها إليها للقيام بذلك.

وقال إن السلطة الفلسطينية اختارت بدلاً من ذلك القيام بخطوات أحادية الجانب في الأمم المتحدة، ويمكن تلخيص هذا الوضع بالقول إن "إسرائيل تدعم إقامة دولة فلسطينية مع اتفاقية سلام، بينما يسعى الفلسطينيون إلى إقامة دولة دون اتفاقية سلام"، كما أكد أن صيانة معاهدتي السلام مع مصر والأردن "مصلحة إسرائيلية بحتة."

وأعرب نتنياهو عن أمله في تحسين العلاقات بين إسرائيل وتركيا، كما شدد على أن الجهود للإفراج عن المواطن عودة ترابين، المسجون 11 عاماً في مصر، وجونثان بولارد المسجون في الولايات المتحدة أكثر من 26 سنة ما زالت مستمرة.

وأورد راديو إسرائيل الثلاثاء أن الكنيست صادق على البيان السياسي الذي أدلى به رئيس الوزراء، في افتتاح الدورة الشتوية لبرلمان الدولة العبرية، بموافقة 44 نائباً، مقابل معارضة 29 نائباً، كما رد البرلمان، بأغلبية كبيرة، أربعة اقتراحات بحجب الثقة عن حكومة نتنياهو.

وقد استهلت جلسة الكنيست بكلمة للرئيس الإسرائيلي، شمعون بيريز، كرس الجزء الأكبر منها للمتغيرات في الشرق الأوسط، ولعملية التفاوض بين إسرائيل والفلسطينيين، بينما حذرت رئيسة حزب "كاديما"، تسيبي ليفني، بصفتها زعيمة المعارضة، من العزلة التي تواجهها إسرائيل عالمياً.

الرباط الخاص بي

تم تعديل 17 يناير 2012 بواسطة Folana

[Abu Reem]

انت في موقع سياسي واخد بالك مش حربي ولا عسكري .. وأرتكبت بلاوي وجرايم أثناء فترة حكمك .. يبقى لازم تتحاسب وتتشنق لو ثبتت ضدك إتهامات

حلو كلام جميل

بس فيه معادلة رياضية ممكن كده تحلها معايا

هل استطعنا اثناء حكم مبارك " اللي ارتكب بلاوي وجرايم " ان نضعه موضع الاتهام وان نجعله يقف امام النيابة والقضاء ليحاكم ..هل استطعنا ان نفعل ذلك اثناء فترة حكمه بالطرق القانونية كما فعلت الدول التي تستشهد بها

الاجابة : لا

،، لم نستطع ذلك الا بعد ان نجحت الثورة في التخلص من حكم مبارك ونظامه

- هل نستطيع الان ان نضع المجلس العسكري موضع المسائلة وان يقف امام القاضي متهما أثناء فترة سيطرة المجلس على الحكم...وهو المجلس الذي يملك تحريك الجيش وقواته....؟؟؟

الاجابة : لا...لا نستطيع ذلك الا بمواجهة مباشرة مع المجلس العسكري...

وسيكون على كلامك الهدف هو اسقاط العسكر لفساده ولمحاكمته على جرائم لا تختلف عن الجرائم التي يدان بها مبارك...واتوقع ان هذا الامر لن يكون مقبول ابدا..من قيادات المجلس ولا الجيش..لانه هذا معناه ان جيش مصر خائن وحرامي ومجرم مثل مبارك

وفيه نظريه طريفة بتقول لو عندك فار وعاوزه يخرج لا تغلق كل منافذ الغرفة...فلابد ان تترك له منفذ يخرج منه دون مواجه

ونحن نتكلم عن اسد في حالتنا وليس فأر ابدا

عرفت ايه وجهة نظر الناس التي ترى ان ننتظر حتى نتسلم الحكم وديا في يونيو بطريقة امنه للشعب اولا ومشرفة للعسكر ثانيا ...وبعد أن يكون الحكم للشعب من الممكن عندها ان يتم النظر في مسألة المحاكمات وإعادة الحقوق..وخلافه ...وللعلم يعني عادة هؤلاء الكبار لا يمكن ادانتهم بسهولة....والدليل محاكمة مبارك....التي لو حاكمنها حتى امام محكمة العدل الدولية فلن تجد دليل ادانه عليه يقدمه لحبل المشنقة

[se_ Elsyed]

----------

احسن حاجة يا معلمى انك من انصار محاكمة المجلس ودة فى حد ذاتة كويس اهو ثبات على المبدآ بس ياريت تفضل كدة ثابت ونشوف ما سيحدث يوم 25 اللي جاى يمكن الامور تتغير ياعالم الاسرار يمكن الشعب يعقل وينزل ويقتل ال19 او يحاكمهم زى ما انت بتقول

الحمد لله .. وكتاباتي كلها تشهد .. فانا لا متلون ولا أغير مبادئي ولا أركب الموجه وأعوم مع اللي بيعوموا .. ودي نعمه احمد الله عليها ليل نهار ... مش عارف إنت معانا وقرأت ما تم كتباتها من قبل 25 يناير ولا لأ ؟

مشكلتك انك فاكر مصر عزبة او شركة ادارتها بسيطة او مثلآ قصة دمها خفيف ممكن تكون من كام باب

إييييييييييييه دنيا .. صحيح اللي خلف ما مامتش .. أصل مبارك وحاشيته كانوا بيقولوا كده برضوا . إن مصر مش عزبة ولا شركة أي حد يقدر يحكمها بسهوله .. غيرهم طبعاً ... وبالتأكيد من بعدهم لابس الكاكي

وساعتها كان ال19 فى مراكزهم ما نطوش عليها غصبآ

هنا مربط الفرس

أنت ليس لديك ثقة في الشعب المصري الثائر وفاكر أبو قديمه ممكن يستمر

أو لعلك ممن يقولوا إن دانة دبابة واحده او قذيفة طيران كانت ممكن تخلص على كل اللي موجودين في التحرير وكله يروح بيته على اساس إنها كانت هوده زي هوجة عرابي ... ويمكن تكون معذور إنك لم تلاحظ إن ده لم يحدث في ليبيا .. ولا اليمن ولا سوريا تخيل ؟

ده الفرق بييني وبين حضرتك

اعوذ بالله من كلمة أنا .. أثق في الله ثم في هذا الشعب الذي لن يقبل الدنية مرة أخرى ولن يقبل أن تحكمه بيادة ... وأعلم تماماً ان الشعوب لا تهزمها القنابل النووية حتى لما يتحدوا ويؤمنوا بهدفهم ورسالتهم .

وحضرتك ممن يؤمنون ... بالجودة بالموجود وأهو يا بخت من بات مظلوم ولا باتش ظالم

تم تعديل 17 يناير 2012 بواسطة Folana