محاورات تايهة يا ولاد الحلال

[Scorpion]

شكلي كده والله اعلم دخلت في حتة غلط ... انا فاكر زمااان كنت بتحاور مع ناس في صالون ثقافي .. نتكلم عن مشاكلنا ... احلامنا .. ندور علي حلول ... لكن قلب الحكاية كلها كان افكارنا احنا الشخصية ..

هوبا حصلت اخيرآ الأمنية اللي استنيناها سنين كتيرة ... قوي ...

هزة جامدة مرت في البلد كلها ... هزتنا معاها .. فرحت.. فرحت أوي..

لكن كل مرة اخش هنا علشان اعرف أفكارنا و مشاعرنا .. كل مرة ابقي حابب اتناقش في حاجة .. اخش علشان اكتبها الاقي ماسورة مواضيع و بيانات و شعارات كلها منقولة .. مجاميع علي مواقع علي فيسبوك .. كل اللي يلاقي حاجة في طريقه ييجي يدلقها هنا قبل ما حد تاني يسبقه .. و فين و فين لما الواحد يلاقي موضوع جدير بالصالون الثقافي ده .. و لما يتفتح مافيش دقايق بدون مبالغة الا ويتدفس تحت مواضيع الزعامة المنفوخة و انت من الاحرار يا عتريس و انجي حتتجوز بنت الجنايني ... و ده خاين و ده حنعلقه عالعمبوكة و احنا اللي دهناالهوا دوكو اما التانيين فدهنوه جير و بس ..

اقول عادي .. ده رد فعل اكثر من طبيعي في زخم الاحداث اللي بتحصل كل يوم بل كل ساعة .. لكن بصراحة العملية بقت اوفر بجد ...

ممكن نحاول نرجع للمحاورات دورها الطبيعي و ما نخليهاش مجرد مكان ندلق فيها اخبار و نعيش في ادوار و نخون ده و نمجد في ده .. ممكن يرجع الصالون الثقافي صالون بحق و حقيقي ...

ممكن كبارات المحاورات يرجعوا يكتبوا تاني و يضيفوا ثقل تجاربهم و خبرتهم لأعادة الحوار مرة تانية للمكان ده ... ممكن ؟؟

ملحوظة الركن ده انا فاتحه للاعضاء العاديين اللي زي حالاتي .. اعضاء المحاورات اللي اعرفها و مش لاقيها بقالي فترة طولت بجد ..

[Simba]

يا استاذ سكوربيون كل سنة وانت طيب

يعني هي البلد بتعمل ثورة كل قد ايه

وضع طبيعي انك تلاقي كتير متحمسين للي بيحصل وعايزين يستتنجوا ايه اللي ممكن يكون

وعن تعليقات فيس بوك وتويتر انا من بداية الثورة كانت بتهمني التعليقات اكتر من الخبر

لاني بحسها نبض الشارع والشباب بتفكر ازاي خصوصا ان الدعوات كانت بدايتها المواقع دي

[م تيمور المراغي]

ابدأ يا كبير واحنا وراك ,,

بجمال واصالة وروح مصريه جديده ونقية وجميله لا فيها همز ولا لمز

ان شا ءالله ,,

[أحمد سيف]

ممكن نحاول نرجع للمحاورات دورها الطبيعي و ما نخليهاش مجرد مكان ندلق فيها اخبار و نعيش في ادوار و نخون ده و نمجد في ده .. ممكن يرجع الصالون الثقافي صالون بحق و حقيقي ...

استاذ كامل

حضرتك بتطلب إن المحاورات ترجع لشكلها ودورها الطبيعي

لكن ... هل هناك شيء طبيعي في حياتنا اليومين دول

البلد فيها أي شيء ماشي بشكل طبيعي

هل اللغة السائدة في الإعلام الآن طبيعية

هل ما يحدث في الشارع طبيعي

هل الأحداث السياسية المتسارعة في مصر بها أي قدر من الطبيعية

وقس على ذلك كل ما حولنا

إذا لم يكن هناك أي شيء على طبيعته فلماذا نتوقع من الناس أن تكون طبيعية في نقاشاتها

أتصور أن إدارة المحاورات ينبغي أن تكون متفهمة للأوضاع الاستثنائية التي نعيشها وتسمح بهامش يتجاوز ما اعتادت عليه من حرية في الطرح سواء من حيث الشكل أو الاسلوب

وحالما تعود الأمور الى طبيعتها في الواقع ستعود اليها هنا كذلك

وهنرجع نتناقش برؤوس بارده حول المواضيع الأزلية ونمضي الساعات في المناظرات الفكرية

لكننا الآن في خضمّ معركة لكسب العقول والعواطف بجانب الثورة أو ضدها

[عادل أبوزيد]

ما حدث فى مصر أقرب إلى زلزال غير مسبوق ... ثورة شعبية بدأها الشباب نجحت فى إزاحة رأس النظام الإستبدادى فى أيام .... شئ لم يحدث فى التاريخ.

ما سبق كان إستهلالا لابد منه

الفاضل سكوربيون جيلى أنا أشعر بإمتعاض من وجود شباب يرتدون الجينز فى حفلات رسمية فى الفنادق الكبرى لا لشئ إلا لأنى فى سنى تعودت على التوكسيدو و البابيون فى الحفلات الرسمية.

رغم كل ذلك أنتهز فرصة هذا الموضوع و أطلب من شباب المحاورين ..... لا .. ليس إرتداء التوكسيدو و البابيون فقط لا ترتدى "شبشب زنوبة" و حاول أن تقلل من النقل الذى لا يسمح بالحوار.

[Scorpion]

ابدأ يا كبير واحنا وراك ,,

بجمال واصالة وروح مصريه جديده ونقية وجميله لا فيها همز ولا لمز

ان شا ءالله ,,

شوف يا استاذي الفاضل .. انا لا كبير و لا حاجة .. و ما بحبش بصدق ادي لنفسي حجم اكبر من حجمي ... انا واحد من حزب المعاشات و بدور زي ما كتبت علي اعضاء عاديين زي حالاتي كده اتكلم معاهم ... عاديين ... من غير لا لمز و لا همز ...

[fatfouta]

اعزائى

ارجوكم اعطونا قدر اكبر من الحرية لننهض بثورتنا لان المحاورات مصرية وهى محاورات المصريين

وشكرا :hi: :hi: :hi:

[م تيمور المراغي]

ابدأ يا كبير واحنا وراك ,,

بجمال واصالة وروح مصريه جديده ونقية وجميله لا فيها همز ولا لمز

ان شا ءالله ,,

شوف يا استاذي الفاضل .. انا لا كبير و لا حاجة .. و ما بحبش بصدق ادي لنفسي حجم اكبر من حجمي ... انا واحد من حزب المعاشات و بدور زي ما كتبت علي اعضاء عاديين زي حالاتي كده اتكلم معاهم ... عاديين ... من غير لا لمز و لا همز ...

انا قصدي كده انك ****** :happy:

لو مش عاوزني في التوبيك وبكل الصراحه دي اوكي يا سيدي حقك عليا ,,

لو عاوزني اكمل كمان انا اتمنى طبعا اني استفيد واني افيد ,,

ومن غير اي همز ولمز نترفع ونتحد والنتيجه اروع واحلى ميت مره

ان شاء الله ,,

تم تعديل 4 مارس 2011 بواسطة مصرية متغربة
إساءة لشخص محاوره

[الســـاري]

الوضع الان وضع مزخوم بالاخبار .. سواء في مصر او محيطها العربي .. بالساعة الواحدة عشرات الاخبار تنهال .. وكل خبر منها تكتب عنه روايات وتحليلات ونقاشات .. لكن فيما بعد ..

عندما تهدأ الامور رويداً .. وعندما تتضح الصورة وينجلي غبار الايام السابقة .. تتضح الرؤية ويبدأ النقاش

القنوات الاخبارية المتخصصة الان بنفسها اصبحت لا ترى فيها الا عاجل .. عاجل .. عاجل .. خبر هنا ومصيبة هناك .. افتقدنا التحليلات حتى في قنوات كالجزيرة والعربية .. خذ خبر تعيين نائب الرئيس في مصر مثلا وحده خبر لم يأخذ حقه في التحليل والنقاش بسبب زخم الامور التي توالت سراعا بعدهً .. هي ضرورة مرحلة ..

استاذي الفاضل سكوب .. سيكون هناك وقتاً طويل بإذن الله للنقاش والتفنيد والتحليل .. اي خبر او اي موضوع قابل للنقاش الان .. وفي اي لحظة قد تسمع خبر ينسيك عن ماذا كنت تريد ان تحلل او تناقش ..

وايضاً لا داعي للفجوة بيننا وبينكم .. لم نعد نراكم الا في مواضيعكم .. مع استثناء الفاضل سي السيد

[عادل أبوزيد]

الفاضل سكوربيون ... أضم صوتى إلى صوتك

لقد غلب العنصر الإخبارى على عنصر الحوار طوال الأسابيع الماضية.

أضفنا اليوم باب جديد لأخبار ثورة 25 يناير أتصور أن يتم نقل كل الموضوعات الإخبارية عن ثورة 25 يناير إلى هذا الباب الجديد و تبقى الموضوعات الحوارية فى مكانها.

أظن هذا الباب الجديد سيعيد الإتزان الطبيعى إلى محاورات المصريين.

[أيمن عبد العزيز]

أتفق و بشدة مع الأستاذ Scorpion

أنا شخصياً مشترك في المحاورات منذ ثماني سنوات و تركته هائماً في منتديات العالم الإفتراضي ، و عندما لم أجد ضالتي فيهم عدت إلى المحاورات آملاً في تميزه المعتاد

و لكن للأسف شعرت أنني أفتح قناة الجزيرة من كثرة الأخبار المنقولة اللتي طغت و بغت على أي موضوع حواري بناء

و حتى الموضوعات اللتي أكتبها بجدية و تركيز لا تجد صدى لدى أحد فالجميع مشغول بالأخبار المنقولة

لذلك آثرت السلامة و بدأت في المشاركة في الموضوعات الخفيفة الظريفة اللطيفة ذات الشعبية و الجماهيرية الكبيرة

موضوعات الشباك

و لقد قررت أكثر من مرة ترك المحاورات باحثاً عما هو أفضل و لكني أعود و أشعر بقيمة أعضاء المحاورات فكراً و علماً فأتأكد أنني لن أجد هذه الكوكبة مجتمعة في أي مكان آخر

و لكني أيضاً أشعر بأسى مثلك أستاذي الفاضل

و أتمنى أن نجد حلاً للأخبار المنقولة و اللتي هي ليست في حاجة إلى نقلها للمحاورات ، فمواقع الأخبار ملؤ السمع و البصر

[أسد]

شكلي كده والله اعلم دخلت في حتة غلط ... انا فاكر زمااان كنت بتحاور مع ناس في صالون ثقافي .. نتكلم عن مشاكلنا ... احلامنا .. ندور علي حلول ... لكن قلب الحكاية كلها كان افكارنا احنا الشخصية ..

هوبا حصلت اخيرآ الأمنية اللي استنيناها سنين كتيرة ... قوي ...

هزة جامدة مرت في البلد كلها ... هزتنا معاها .. فرحت.. فرحت أوي..

لكن كل مرة اخش هنا علشان اعرف أفكارنا و مشاعرنا .. كل مرة ابقي حابب اتناقش في حاجة .. اخش علشان اكتبها الاقي ماسورة مواضيع و بيانات و شعارات كلها منقولة .. مجاميع علي مواقع علي فيسبوك .. كل اللي يلاقي حاجة في طريقه ييجي يدلقها هنا قبل ما حد تاني يسبقه .. و فين و فين لما الواحد يلاقي موضوع جدير بالصالون الثقافي ده .. و لما يتفتح مافيش دقايق بدون مبالغة الا ويتدفس تحت مواضيع الزعامة المنفوخة و انت من الاحرار يا عتريس و انجي حتتجوز بنت الجنايني ... و ده خاين و ده حنعلقه عالعمبوكة و احنا اللي دهناالهوا دوكو اما التانيين فدهنوه جير و بس ..

اقول عادي .. ده رد فعل اكثر من طبيعي في زخم الاحداث اللي بتحصل كل يوم بل كل ساعة .. لكن بصراحة العملية بقت اوفر بجد ...

ممكن نحاول نرجع للمحاورات دورها الطبيعي و ما نخليهاش مجرد مكان ندلق فيها اخبار و نعيش في ادوار و نخون ده و نمجد في ده .. ممكن يرجع الصالون الثقافي صالون بحق و حقيقي ...

ممكن كبارات المحاورات يرجعوا يكتبوا تاني و يضيفوا ثقل تجاربهم و خبرتهم لأعادة الحوار مرة تانية للمكان ده ... ممكن ؟؟

ملحوظة الركن ده انا فاتحه للاعضاء العاديين اللي زي حالاتي .. اعضاء المحاورات اللي اعرفها و مش لاقيها بقالي فترة طولت بجد ..

إنت شخص رائع ياكامل والله العظيم

[لماضة مصرية جدا]

السلام عليكم و رحمة الله و بركاته

أنا فعلا تايهة.....مش عارفة دي مشكلة عندي و لا ايه

بس كل ما اخش المحاورات معرفشي راسي من رجلي

في الاول افتكرت عشان مافيش باب للثورة و كده و العملية تنظيمية بحتة

بس دلوقتي حاسة اني فعلا تايهة....مش عارفة اقرا حاجة...و مش عارفة افهم

يا تري ده عشان انعكاس لحالة "التيه" بكل عام اللي في مصر

عند ملاحظات

1- كل شوية يتفتح توبيك جديد عبارة عن خبر او مقالة....(و انا بعمل كده اصلا)...و بعدين ساعة و لا اتنين الناس تكتب تعليق و بعدين خلاص.

2- ملاحظة فيه عضويات جديدة في المنتدي....اهلا و سهلا بيهم طبعا بس انا لسه مش اقدر احدد الخط اللي هم ماشيين عليه....و اصلا طريقة نقل الاخبار محسسني بلخمة ع الاخر.

3- معظم التوبيكات....اخش اقرا و احاول افهم....بس بطلع اكثر حيرة....و احيانا أكثر غربة مما دخلت

مش عارفة دي مشكلة شخصية....و لا ايه

احنا ليه معندناش فكرة واحدة نركز عليها و خصوصا في الفترة اللي جاية.....لان فعلا الرؤية بالنسبة لي بقت ضبابية خالص

شكرا علي سعة صدركم

حد ياخد بايدي و يقترح عليا اعمل ايه؟؟؟

[باهى الطائر الحزين]

العضو القدير / Scorpion

كامل احترامى وتقديرى،انت كما عهدناك دائما

مثقف،متوازن،ثرى،قيم،حكيم،واعى،نبيل،مفكر

ولعلك لاحظت اننى اخاطبك بالعضو : كونى حتى الان

اعدك على الاعضاء النشطين،الإجابين،الهادفين،المخلصين

للمحاورات ... والوطن

هذه كانت قناعتى منذ البدايه،وهاهى الايام تثبت After consideration

تمنياتى بالتوفيق والنجاح الدائم والسداد والرقى

تم تعديل 24 مارس 2011 بواسطة طائر الليل الحزين

[باهى الطائر الحزين]

سمعت فى احد الافراح،وتعرفون يكثر بها اللغط

غنوه على لسان احداهن،تقول فيها متهلله

زيطه .. زيطه ياولاد .. زيطه