الصحراء الغربية :حلم مصر القومي

[pink rose]

http://www.youtube.com/user/alqaheraalyoum?blend=1&ob=4#p/u/1/eXqjJgQmhDM

http://www.youtube.com/user/alqaheraalyoum?blend=1&ob=4#p/u/0/yRbUzvTfo0Y

[pink rose]

ممدوح حمزة

هو مهندس مصري من أنجح مهندسي الاستشارات ليس علي مستوى مصر فقط، ولكن على مستوى العالم أشرف علي بناء مكتبة الاِسكندرية.

وقد ولُد بمدينة فارسكور محافظة دمياط عام 1947 م .

التحق بكلية الهندسة بجامعة القاهرة وتخرج منها في عام 1970 ثم حصل علي درجة الماجستير في ميكانيكا التربة من لندن وماجستير من جامعة ويلز بنفس التخصص وعمل مدرساً بالمملكة المتحدة في تخصصه.

شارك ممدوح حمزة في العديد من المشروعات المهمة في مصر وفي مختلف دول العالم من أشهرها مبنى وزارة المالية الجزائرية،مكتبة الإسكندرية، العين السخنة، خليج العقبة بالأردن،شرق التفريعة.

[جويرية]

مشفتش الفيديو النت بطئ

بس لو بتتكلمي عن مشروع توشكي ، يا رب نرجع نكمل المشروع ده تاني

القاهرة بقت زحمة قوي كفاية عليها كدة

[pink rose]

مشفتش الفيديو النت بطئ

بس لو بتتكلمي عن مشروع توشكي ، يا رب نرجع نكمل المشروع ده تاني

القاهرة بقت زحمة قوي كفاية عليها كدة

لا يا جويرية مش المقصود هنا توشكى خالص

عموما الحلقة دي كانت حلقة من القاهرة اليوم مع عمرو اديب

كان مستضيف الدكتور ممدوح حمزة

حلقة رائعة بجد

و ان شاء الله الاسبوع اللي جي هاتكون في حلقة تانية للكلام عن نفس المشروع حاولي تشوفيها

[Om Zayd]

عمرو أديب استضاف د.ممدوح حمزة

بيتكلم عن مشروعات عملاقة بجد

تعمل تنمية حقيقية و تستوعب عمالة كبيرة و تقيم مجتمعات جديدة

عجبتني فكرة ال

farm blocks

و انه يتنقل هناك مجتمعات مترابطة

زي أسر من المناطق العشوائية أو القري المزدحمة

بحيث تبقى موطنهم الجديد

شعلة حماس و حب للبلد

و أمل في مصر قوية

[pink rose]

عمرو أديب استضاف د.ممدوح حمزة

بيتكلم عن مشروعات عملاقة بجد

تعمل تنمية حقيقية و تستوعب عمالة كبيرة و تقيم مجتمعات جديدة

عجبتني فكرة ال

farm blocks

و انه يتنقل هناك مجتمعات مترابطة

زي أسر من المناطق العشوائية أو القري المزدحمة

بحيث تبقى موطنهم الجديد

شعلة حماس و حب للبلد

و أمل في مصر قوية

تمام يا ام زيد

شوفتي الحلقة كانت تجنن بجد مشروع رااااائع لازم ياخد نصيبه في الدعاية و الترويج له في كل مكان

كل مشروع بيبدأ بحلم و مع الدعاية له الناس تبدأ تتحمس و بعدين تبدأ خطوات تنفيذه

لحد الحلم ما يتحقق زي حلم الثورة كده كان جوا كل واحد فينا و الحمدلله اتحقق

نفسي مصر يكون ليها مشروع قومي

فاكرة السد العالي لما عبدالناصر قال هانبنيه و لو بالمقاطف

نفسي الصحراء الغريبة تاخد نفس الشعبية كده و تبقى حلم كل المصريين

مستنية الحلقة بتاعت الاسبوع اللي جي اللي وعد بيها عمرو انه هايستضيف دكتور ممدوح و الدكتور سمير اللي اتصل في اخر الحلقة

قولي يااااااااااااااااا رب

[rewsha]

انا كمان شوفت الحلقه يا ريمو وكانت حلقه رائعه وكنت منبهره فعلا بالمشروع اللي قدمه د/ممدوح حمزه

يارب الحلم يبقى حقيقه

:egyflag:

[عبد الله غريب]

داه يمكن يكون مشروع القرن،

و زي ما قالوا فعلاً سد عالي جديد،

http://www.youtube.com/watch?v=ewggg9DSmM0&feature=fvwk

يارب الهمة و الإخلاص و الصبر و المثابرة و ربنا يهيئ له العقول و السواعد المحبة للعمل .. آمين.

المشروع محتاج عمال و مهندسين و فلاحين و ميكانيكية و محاسبين و أي تي و كل ما تتخيل !!

بس المهم يتوافق عليه لكن مطلوب حكومة جديدة لتوافق على المشروع لأنه اتعرض على الحكومة السابقة و لم ينفذ،

و المشروع غني بمشاريع فرعية أقلهم في حد ذاته يعتبر مشروع ضخم جداً زي مشروع خط السكة الحديد الدائري كمشروع قومي يخدم مصر كلها الحكومة تعمل التراك و تأجر التراك بالساعة زي ما بيعملوا ف انجلترا دلوقتي،

و تبدأ أحد الشركات في بناء أول وحدة إنتاجية زراعية صناعية و هي نموذج مساحته (2500) فدان تحط فيها البذرة تطلع الزرعة مباشرة و بيسموها (Farm Block) علشان الباقي يتشجع، و البشاير هلت مع نهاية الحلقة من شخص اسمه الدكتور سمير النجار من القاهرة.

المساحة حسب التوقعات من 500 ألف إلى 800 ألف فدان قابلة للزراعة و تحتوي على المياه اللازمة للزراعة ... يعني مفيش مشكلة الحصول على المياه.

و أهم عنصر في المشروع قياداته و فكرهم الجديد (العلمي المدروس) مثلاً فكرة النقل بواسطة المنطاد زي ما ذكروا في المقطع 6/6 و غيرها زي استغلال الحجر الجيري الذي يباع الطن منه بعشرين جنيه و هو في مكانه بينما عند طحنه بدرجة معينة يباع في شكاير بسعر 250 دولار (65 ضعف تقريباً) من سعره قبل الطحن و التغليف. معلومة : نفس هذا الحجر الجيري يتم تحضيره في المعامل الأوروبية لعدم وجود الخام لديهم !!

الخير كتير .. و يا رب يهيئ له العقول و السواعد المخلصة .. آمين.

تم تعديل 23 فبراير 2011 بواسطة عبد الله غريب

[pink rose]

الصفحة الرسمية لمشروع دكتور ممدوح حمزة لاعمار الصحراء الغربية (ماعت)

لأن شارك بإجتماعنا الأول لتكون من فريق العمل أول لحجز مكانك فى الحصول على بيت وقطعة أرض من خلال مشروعنا وللتفاصيل على صفحتنا الرسمية

هل تحلم بقطعة أرض و بيت تمليك متشطب من غير ولا جنيه و كمان مشروع جاهز مع كل ده. دلوقت إنضم وأحجز مكانك فى مشروع د ممدوح حمزة من خلال الأجتماع المقام يوم الثلاثاء لتعيين فريق العمل للمرحلة الأولى للمزيد أ...نظر صورة الدعوة او ادخل على الموقع بالأسفل

[لماضة مصرية جدا]

السلام عليكم و رحمة الله و بركاته

عندنا في الشغل حاجة بنسميها "بنك الأفكار"

يعني كل واحخد بيشتغل من العامل لغاية المدير و جت في دماغه فكرة يجي البنك و يحطها و بعدين نشوف امكانية تفعيلها

لما شفت التوبيك الرائع بتاعك.....و من متابعتي للافكار الثرية جدا من المحاورين هنا في المنتدي

بسأل نفسي

احنا ليه معندناش وزارة اسمها "بنك الافكار"

مصر ثروتها الحقيقية في ناسها....معين لا ينضب من الافكار من العلماء الاجلاء و انتهاء بالناس البسيطة و مرورا حتي في النكات

ليه ميكونشي عندنا وزراة بكيان منظم.... مهمتها انها تبحث عن الافكار التنموية الجديدة.....و بعدين تفلترها و تقوم بالتنسيق مع الجهات المعنية في الوزارات الاخري...تكبر الفكرة و تتابعها و تقيم أداءها علي الواقع

فكرة مجنونة....بس ليه لا

صباحك ريمو......افكار تتسع و لا تنضب

[pink rose]

و الله يا لمضمض الفكرة جميلة

بس ممكن نحور الفكرة و تبقى انشاء بنك للافكار بكل وزارة

بحيث يكون الموضوع اكثر تنظيما

[tarek hassan]

يا ريت يتم تفعيل هذه الأفكار البناءة

وكمان يا ريت يتم تفعيل تسكين 2 مليون مواطن في العلميين كما كان يقال

ويا ريت يتم اعتماد محافظة الساحل الشمالي من أول الحمام حتى العلمين كما كان يقال

[pink rose]

الاجتماع كان شامل اشياء كتير جدا اهمها التعريف بالمشروع و دا موجود فى ورقة العمل الموجوده على اللينك دا

http://www.facebook.com/home.php?sk=group_131861450217813&view=doc&id=134777266592898

بعد كدا بدأ الدكتور فى شرح فكرة الفارم بلوك و هى عباره عن مجمع زراعى مكون من 2500 فدان لكل 500 فرد ووضح مزايا الفارم بلوك عن اعطاء كل فرد 5 افدنه و تركه بعد زلك

بعد كدا بدأالدكتور يوضح عنصر مهم جدا و هو عنصر السكن بالنسبه للناس اللى هتروح و قال انه سيتم توفير اسكان منخفض التكاليف و هو شقه تكفى اسره مكونه من 4 افراد و تكون تكلفة الشقه فى حدود 25000 الف جنيه تيسيرا على الشباب

طبعا الدكتور اوضح ان المشروع ليس للكلام ولكن للتنفيز و انه فى خلال فتره من 4 الى 5 شهور سيكون المشروع قائم

كمان كان موجود بعض الناس المحترمه المشاركه فى المشروع واللى بدأت فى تصنيع لوازم المشروع الزراعيه و لوازم المشروع من الطاقه و كلها أشياء المفروض ان يتم استيرادها ولكن بدأ المصريين فى تصنيعها مع هزا المشروع العظيم

طبعا المشروع مقسم الى مراحل يعنى مثلا المرحله الاولى مطلوب 500 فرد لاول فارم بلوك بعد زلك ستتوالى مراحل المشروع

طبعا الارض التى سيتم البدأ فيها ستكون غالبا فى الواحات لما يوجد بها من بنية تحتية جاهزه و من السهل استكمالها وتوسعها و محافظة الوادى الجديد على اتم استعداد لأعطائنا ما نحتاج من الاراضى

النقطه المهمه طبعا كمان نقطة التسويق و طبعا معمول حسابها ان الحكومه المصريه طبقا للقانون تشترى مننا الانتاج من اى سلعه منتجه بالسعر العالمى بالأضافه الى15%زياده عن السعر العالمى

كمان اعطى الدكتور تعليماته بأن نبدأ فى تجميع ال500 الاول لبدأ اولى مراحل المشروع

وبعد التجميع سيتم الاجتماع معهم للتجهيز لضربة البدايه ان شاء الله وسيتم وضع طريقة تجميع الناس و تحديد البيانات المطلوبه فى مشاركه قادمه

[عبد الله غريب]

جزيل الشكر أستاذة remo على نقل ما جد بخصوص هذا المشروع المتميز، و اللي بإذن الله يكون بداية خير لمصر، و يتوفق كل واحد منا في تقديم ما يستطيع من خبرة و مجهود لبلدنا سواء في هذا المشروع أو في غيره، المهم تفضل مصر قدام عينينا و في قلبنا و نتحين الفرصة لتقديم شئ للنهوض بها، و بإذن الله طول ما النية موجودة و العزم حقيقي ربنا هيرزقنا سبيل لخدمة بلدنا و بإذن الله خير ..آمين