قمة الجليطة وقلة الذوق من رئيس نادي الزمالك ( المُعين )

[se_ Elsyed]

بدايةً لكي لا يتهمنا البعض بإن الأهلي يسيطر على الإعلام والميديا والبوتاجازات .... ها هو برنامج الرياضة اليوم في دريم أصبح يقدمه نجمهم المحبوب خالد الغندور ... وذلك بشكل يومي الساعة السادسة مساءً بتوقيت القاهرة

إمبارح بقى وعلى الهواء مباشرةً أستضاف على التليفون الاخ ممدوح عباس الذي يقضي إجازته في أسبانيا منذ اكثر من شهر ونصف .. وسأله تحديداً عن صفقة إنتقال أحمد فتحي الذي أكد جميع الزملكاوية من خلال مواقعهم الرياضية إنه أصبح في النادي الزمالك وأتضح إن لا اللاعب ولا المدير الفني لشيفيلد يعرفوا حاجه عن الموضوع وهو ما أكده عباس بالأمس وقال إن اللاعب بيرفض العودة لمصر للعب لأي نادي وإنه سيواصل رحلة إحترافة في الخارج ...

وإذ بخالد الغندور يقول لعباس .. بإنه معه على الطرف الأخر بالتليفون المهندس عدلي القيعي مدير التسويق بالنادي الأهلي وإن خالد الغندور أتصل به الأن عشان يستوضح منه هل الأهلي دخل طرف في الصفقة وبيفاوض أحمد فتحي أم لا ؟ ... فتكلم عدلي القيعي بجملة واحده فقط رحب فيها بالأستاذ ممدوح عباس الأخ والصديق ... ولكن فجأة يهب ممدوح عباس ويتوعد ويهدد ويطنطن ويقول للغندور بإن أنا رئيس نادي الزمالك ولما تيجي تجيب حد على التليفون وتعمل كونفرانس كول يبقى لازم يكون من مستوايا ولا يقل عن إنه يبقى رئيس النادي الأهلي وإنه سيغلق الخط الان و و و و وتأسف له خالد الغندور وأستسمح عدلي القيعي بإنه سيستكمل الحديث مع عباس ثم يعود إليه

وبعد أن أنهى معه حاول مراراً وتكراراً الإعتذار لعدلي القيعي اللي طلع رجل دمث الخلق وتقبل الموضوع بصدر رحب ..

مع العلم بإن الأخ عباس صدق الكذبة وعاش في دور رئيس نادي الزمالك وهو أساساً مُعين لعدة شهور بعد ما كان أقصى طموحاته إنه يبقى أمين صندوق ....

ولا يعلم أو يعلم وبيتغابى إن الملك لله وحده ومن تواضع لله رفعه .. وإن في حاجه إسمها ذوق وأدب ولباقه ولو كان مستكبر إنه يبقى في كونفرانس كول مع القيعي فكان ممكن خرج من الموقف بأدب برضوا .. خصوصاً وإن دي ليست غلطة القيعي ولكنها غلطة معدي البرنامج ومقدمه .

[MZohairy]

فعلا اخلاق سبرسجيه

[DARWEEN]

السؤال هو ... هل يرضى رئيس النادي الأهلي أن يتحدث في كونفرانس مع ممدوح عباس ... رئيس المختلط المعين ؟؟؟؟

أشك شكا يقارب اليقين أنه لن يقبل

[se_ Elsyed]

السؤال هو ... هل يرضى رئيس النادي الأهلي أن يتحدث في كونفرانس مع ممدوح عباس ... رئيس المختلط المعين ؟؟؟؟

أشك شكا يقارب اليقين أنه لن يقبل

الموضوع مش كده خالص يا داروين ...

كل البشر ولاد تسعه زي ما بنقول ... ومهما الواحد كبر ووصل فمازال برضوا عرضه لإن شويه زكام يكوموه ... فعلى إيه التكبر والمناخير العالية .

[hooba]

خصوصاً وإن دي ليست غلطة القيعي ولكنها غلطة معدي البرنامج ومقدمه .

يا عمنا سيين هيه لا غلطه معدي البرنامج و لا حاجه خالص مع احترامي الشديد........الناس عايزة تسأل هل الاهلي طرف في المفاوضات و لا لأ و طبعاً مش هايكلموا حسن حمدي لأن المسأله لا تخص حسن حمدي بالمرة فكلموا مدير التسويق في النادي ....أمر طبيعي جدا

و لكن طبعا لأن نادي الزمالك الامور فيه كله علي كله و اللي تشوفوا قله !!! و مدير التسويق فيه طبعا محدش عارف اسمه دا اذا كان فيه تسويق اصلاً فأي حاجه لازم ترفع السماعه و تجيب رئيس نادي الزمالك علي التليفون ...

هوه دا الفرق يا جماعه....

و بعدين هيه مش غريبه خالص يا سين علي ادارات نادي الزمالك الاخلاق الجميله دي و الاسلوب المهذب ده في الحوارات ..

ربنا يهديهم و يهاديهم كده ببطولة تهدي سرهم .......

[Ahmad Farahat]

هذا هو الزمالك.........

بجدرانه....

برماله.....

بأفراده.....

بقياداته.....

منذ أن كان مختلطا.....

وحتى تقوم الساعة.......

أرسين

[ahmedarab]

ربنا يشفى

صحيح الرياضة اخلاق قبل اى شىء تانى

وطبعا مش محتاجين نقول اية هى الاسباب اللى وصلت الزمالك للوضع اللى هو فية من كذا سنة

لا تعليق

[se_ Elsyed]

اللي خلاني أضرب كف على كف هو رأي ممدوح عباس في مباراة الزمالك والإسماعيلي ؟

فالراجل شكل الميه المالحه بتاعت أسبانيا دوبت له نافوخه

فبالحرف الواحد قال " إن المباراة تمت في ظروف غير آدمية .. وإن اللعيبه لعبوا المباراة في درجة حرارة لا تقل عن 50 مئويه .. لدرجة إن عبد المنصف كان على وشك الإغماء "

والله العظيم أنا شكيت في نفسي وقلت هو الراجل ده بيتكلم على إنهي ماتش ؟

وبعدين الزمالك كان بيلعب في ستاد أديس أبابا ولا في إستاد القاهرة ؟

ومش برضوا كان الماتش قدام الإسماعيلي اللي هو فريق مصري ومن بلدنا وبيلعب تحت نفس الظروف ولا نص الملعب بتاع الإسماعيلي كان مُغطى ومكيف الهواء وبالتالي سايبين الزمالك في الطل وتحت لهيب شمس العاشرة مساءً :lol: ؟

وبعدين ده الماتش كان الساعة تسعه بالليل .. أومال لو كان العصر ؟

يالله ربنا يشفي

[أبو محمد]

ياعم س.س تعليقك على ما دار فى البرنامج سليم وجميل بس انت نسيت تعلق على حكاية "الولد" اللى كانت لازقة فى لسان الخديوى عباس

أنا بقى شايف الحكاية دى (جكاية الولد) هى مفتاح التحليل والشرح لعنوان موضوعك .. أنا فتحت البرنامج والخديوى بيقول "أنا كان لى الشرف إنى أقابل الولد" .. وبعدين قعد يكرر كلمة "الولد" دى يمكن مليون مرة فهمت منهم إنه بيتكلم عن أحمد فتحى .. لغاية لما قال : (الموضوع مش حكاية إن "الولد" مش عايز يلعب فى الزمالك .. لأ .. دا "الولد" مش عايز ينزل مصر خالص إلا عن طريق الإعارة .. لإن "الولد" خايف احسن يتقال عليه إنه فشل فى الاحتراف الخارجى) .. كان خالد الغندور بيدير الحوار هو وصحفى إسمه محمد مش عارف إيه .. الغندور سأل سؤال غبى : "طيب يا أستاذ عباس هل دخل الأهلى فى المفاوضات مع أحمد فتحى ؟" .. طبعا سؤال غبى كان بندق بيعتقد إنه "ترانزيت لدخول عدلى القيعى فى الحوار" .. طبعا جاءت الإجابة البديهية التى بينت غباء السؤال من أصله .. قال الخديوى : "أنا ما اعرفش إذا كان الأهلى دخل فى المفاوضات من عدمه .. " ... وهنا سأله بندق سؤالا مهما : "طيب يا أستاذ عباس .. المهندس عدلى القيعى معانا على الخط ممكن نستأذنك إننا نسأله السؤال ده ؟ " ... وجاءت إجابة الخديوى مهمة برضه إذ قال : "إتفضل"

الصحفى رحب بالقيعى وسأله إذا كان الأهلى دخل فى مفاوضات مع أحمد فتحى .. رد القيعى بعد تحيته للصحفى وبندق والخديوى وقال له : " إنت عارف يامحمد طريقة شغلنا فى الأهلى .. ما بنتكلمش عن حاجة إلا لما تحصل .. وإذا كان الأستاذ عباس بيتكلم عن بعض التفاصيل فهو رئيس نادى وله من السلطات والصلاحيات ما يجعله يفعل ذلك .. وانت عارف يامحمد إن الخبر ما يبقاش خبر إلا لما يحصل .. أى كلام قبل كده ما يبقاش خبر"

هنا بقى يا عمنا فتح الخديوى مدفعه الرشاش على بندق (معروف دور بندق مع عباس فى تعاقدات الزمالك) .. قال له .. "أنا لما اتقال لى على الحوار فى البرنامج ما حدش قال لى إنه حيكون فى حد قصادى .. بطّل بقى شغل الفضائيات ده معايا !!! .. وبعدين أنا لما ييجى حد من الأهلى قصادى لازم يكون رئيس النادى الأهلى " ... وكان بيكلمه بطريقة خلتنى منتظر كلمة الخديوى توفيق لأحمد عرابى أمام قصر عابدين : " ما أنتم إلا عبيد إحساناتنا" .. على الجانب الآخر رد القيعى قائلا :"أنا أؤيدك فى هذا يا أستاذ عباس"

تفتكر ليه يا عم س.س الراجل اللى (إتشرف بمقابلة "الولد") واللى وافق بندق إنه يسأل القيعى بعدما استأذنه ، يرفض الحوار "قصاد" الرجل المكافئ له فى الأهلى ؟؟؟؟؟ .. نعم القيعى مكافئ له .. فالخديوى هو المسئول عن المفاوضات والتعاقدات فى الزمالك ، والقيعى هو المسئول عن المفاوضات والتعاقدات فى الأهلى .. يعنى بندق أو معد البرنامج عدّاه العيب وقزح فى الحكاية دى .. والخديوى صرح بإنه إتشرف بمقابلة "الولد" ، يعنى الموضوع مش موضوع التضخم فى الأنا الخديوية .. الموضوع موضوع كسفة كبيرة قوى لم يتوقعها الخديوى برغم ذكائه الذى لا ينكره عاقل .. ليه بقى ؟ .. لأن رد القيعى أظهر كيف تدار أمور التعاقدات وأمور الإعلام فى الزمالك وكيف تدار نفس الأمور فى الأهلى .. الخديوى هو اللى بيختار ، وهو اللى بيتفاوض ، وهو اللى بيتعاقد ، وهو اللى بيدفع .. أما فى الأهلى فمن يرشج يختلف عمن يوافق ، ويختلف عمن يتفاوض ، ويختلف عمن يتعاقد ... فذكاء الخديوى جعله يدرك أن أى مشاهد واعى يسمع مداخلة القيعى المختصرة ويضعها فى مقارنة مع كوووول كلام الاستهلاك اللى قاله الخديوى سيخرج بنتيجة ليست فى صالح الخديوى أو الزمالك .. من هنا كان انفجاره ومطالبته بشئ هو أول من يعلم أنه لن يتم وهو الدخول فى حوار تليفزيونى مع رئيس النادى الأهلى

يبقى فى رأيى المتواضع إن سبب المشهد الهزلى اللى حصل فى البرنامج ليس غباء الغندور أو قلة خبرته كمقدم برامج .. ولكن السبب هو الزر الذى ضغط عليه القيعى فى موضوع "الولد" بكل لطف ونعومة أعطت درسا (حتى للصحفى الذى كان يشارك بندق فى تقديم البرنامج) فى كيفية الخروج على الهواء والإدلاء بأحاديث لوسائل الإعلام عن مفاوضات وتعاقدات الأندية

[الطيار المصرى]

ده ممدوح عباس ببساطة.....عقبال عوضكم.....

انا حقيقي صعبان عليا الزمالك....لأن عقبال ما يمسكه واحد نضيف هتكون مصر كسبت كاس العالم.....

تحياتي...

الطيار المصري

[kokomen]

ده ممدوح عباس ببساطة.....عقبال عوضكم.....

انا حقيقي صعبان عليا الزمالك....لأن عقبال ما يمسكه واحد نضيف هتكون مصر كسبت كاس العالم.....

تحياتي...

الطيار المصري

الحبيب : الطيار المصري

يعني قصدك سنة 2030 م ده التاريخ المتوقع لحصول مصر

على كأس العالم .... اللى حيكون أصلا أتلغى كأس العالم

فيمكن نشتري كأس العالم من الشانزلزيه في فرنسا

وأنا أقترح أن يتم إعارة الكابتن حسن حمدي لنادي الزمالك

حتى نحصل على الدوري العام والكأس .. ببركاتك يا أهلي ههههههههه

:lol: :lol: :lol:

[شينكاوي]

الطيار المصرى رد اليوم, 12:00 AM

ده ممدوح عباس ببساطة.....عقبال عوضكم.....

انا حقيقي صعبان عليا الزمالك....لأن عقبال ما يمسكه واحد نضيف هتكون مصر كسبت كاس العالم.....

تحياتي...

الطيار المصري

قصدك نظافة ايه ؟ اليد ولا النظافة الشخصية

لو النظافة الشخصية ممكن نطلب منه يستحم علشان خاطر حضرتك

اما نظافة اليد فحسن حمدي حرامي ومختلس ومع ذلك الاهلي بيفوز ببطولات ............ واسالوا شوبير

وكلمة واحدة بقولهالكم يا فخايدة .................. ارحمونا

:lol:

اي خدمات يا فخايدة................ اخوكم كتكوت هههه قصدي شينكاوي

[الطيار المصرى]

يا سيد شينكاوي.....انا لا قصدي ده و لا ده....انا قصدي نضيف اداريا.....

الزمالك يحتاج لادارة قوية....تخرجه مما هو فيه....الي جانب مجموعة اللاعبين الموجودين....سيعود نادي الزمالك الي ماكان عليه...

بس هوا ده كان رأيي....

تحياتي....

الطيار المصري

[se_ Elsyed]

الزملكاوبة مش هايتغيروا ولو بعد مليون سنه

يا حج شنكاوي .. إنت مش مكسوف وإنت بتكتب كلام زي ده ؟

موضوع حسن حمدي بنسمع عنه بقى لنا أكثر من 10 سنوات وسبق وإتكلمنا فيه وقلنا إن مافيش حد فوق القانون ولو كان رئيس الجمهورية ..

لكن إنت مش شايف إن من العيب تشويه صورة رجل شريف بهذا الشكل حتى عشان اولاده وأحفاده يا أخي ؟

وهاقولك شريف ليه .....

مش في قاعدة قانونية بتقول " إن المتهم بريء حتى تثبت إدانته " ؟

طب هاتلي محضر شرطة إن شالله في قسم الوايلي اتعمل ضد حسن حمدي عشان نصدق إنه متهم ؟

الحكاوي والقصص الحمضانه دي اللي إبتعدها السجين المتهم مرتضى منصور القابع خلف الأسوار الأن ... كما أبتدع تُهم باطلة ضد شريكة وصديقه كمال درويش وكل اعضاء مجلس الإدارة آنذاك وفي كل برنامج تليفزيوني كان يطلع معاه مستندات بيقول إنها هاتسجن كمال درويش وأعوانه ...

ومع ذلك طلع بيقذف الناس بالباطل وهو اللي إتسجن وهما ما عملوش حتى فيش وتشبيه وعايشين حياة طبيعية جداً ومنهم أعضاء مجلس شعب ..

حتى جريدة الفرسان اللي إنت بتستشهد بها دي فهي تعتبر من الصحف الصفراء ..... حد يسمعني كده كام مره شاف الجريدة دي أساساً مش قرأها فقط ؟

وهل جريدة الفرسان أصبحت لسان النيابة أو الشرطة ؟

والعربي إنت عارف إنهم تبع الحزب الناصري الحنجوري البؤيئي

يا عزيزي سيكون الاهلاوية هم أول من يفرحون في حالة ثبوت تهمة على أي شخص سواء ينتمي لنادي الاهلي أو غيره .. لإن مصر لا تستحق منا التستر على الفساد ...

بالمناسبة بقى .... ما تقولنا مصادر ثروة ممدوح عباس الموظف الحكومي البسيط الذي كان حتى وقتاً قريباً يتقاضى ملاليم ثم أصبح مليارديراً ... اهو عشان نستفيد من تجربته وتكون عِبرة ودرس للشباب ؟

[kokowawa1979]

سي السيد كتب :

موضوع حسن حمدي بنسمع عنه بقى لنا أكثر من 10 سنوات وسبق وإتكلمنا فيه وقلنا إن مافيش حد فوق القانون ولو كان رئيس الجمهورية ..

إيه ياعم سي السيد أنا لو ماعرفكش لكنت قلت إنك أصبحت عضو في لجنة السياسات :rolleyes:

قانون إيه وبتاع إيه ياعم سي السيد

سمير رجب سرق دار التحرير - وعمل جريدة مجانية اسمها 24 ساعة أي والله بتتوزع ببلاش !!! وماحدش سأله إنت جبت الفلوس دي منين !!

ابراهيم سعدة في أخبار اليوم شرحه !!!

الحرامي الكبير ابراهيم نافع وتابعه قفة الشهير بحسن حمدي ألعن وأضل سبيل !!

ابراهيم سليمان سرق نص أراضي مصر وباعها لحسابه والآخر حصل على وسام الاستحقاق من فخامة رئيس الجمهورية اللي مش فوق القانون زي انت ما بتقول !!!

الناس دي بتسرق بمزاج سلطان بروناي لإن أولاد السلطان لهم نصيب في الكعكة وانت عارف الكلام ده كويس !!

وكما قلنا سابقا لماذا لم يحرك حسن حمدي الدعوى الجنائية ضد مصطفى بكري لمحاكمته على تشويه سمعته !!

بصراحة ياعم سي السيد أن يقال عن رئيس نادي الزمالك إنه قمة الجليطة أفضل من أن يقال عنه الحرامي مييييييييين .......... وأظن إنت عارف بقية المقطع !!!

وحسنا فعل الخديوي عباس ( كما يحلو لأخونا الفاضل أبو محمد ) في رأيي عندما علم أن الكذاب والأفاق عدلي القيعي الذي أقسم بالله أن شريف أشرف قد قام بتوقيع العقد أمامه هو الذي على الخط !!!!!

ياريت إنت تقول لنا عباس سرق الفلوس بتاعته منين !!!

لكن أنا اقدر اقول لك :

حسن حمدي - محمد عبد الوهاب - محمود باجنيد - ياسين منصور -- سرقوا فلوسهم منين !!!!!

ما قلتش إيه رأيك في التزوير اللي قام بيه نادي المبادئ على كل لون يابطستة

تم تعديل 2 سبتمبر 2007 بواسطة kokowawa1979

[أبو محمد]

مرحب بالزعيم الأبيض كوكو واوا .. أبو سر باتع ..

عاجبك كده يا كوكو .. أهو الجيش (جهاز إعداد الدولة للحرب .. أى والله إسمه كده) .. بعد ما ما أعطانى جواب "لا مانع" عشان تسجيل حتة الأرض ، وبعد الشهر العقارى أما قبل جواب ال "لامانع" .. رجع تانى وقال لى لازم تجيب لنا موافقة الجيش تانى عشان هم غيروا الفورمة بتاعة الجواب واحنا عاوزين الفورمة الجديدة ... يعنى لازم أرجع لجهاز "إعداد الدولة للحرب" .. مش أنا قلت لك مش حا علق على ماتش الأهلى والزمالك (مع إن كان فيه قوالة كتير) ؟ .. طيب ليه بقى توصى بنت عبده نصحى على اخوك أبو محمد الوصاية اللى بترجع للمربع رقم واحد دى ؟ .. خلاص ياعم الخديوى مش جلياط ولا كان بيميّس على جمهور الزمالك الطيب .. ولا هو شيلوك اللى عاوز يتملك نادى الزمالك .. خلصنى بقى خللينى أعرف أسجل الشبرين اللى مدوخينى بقالى سبع سنين :rolleyes:

ما قلتش إيه رأيك في التزوير اللي قام بيه نادي المبادئ على كل لون يابطستة

إتحاد الكرة المفروض إنه يتابع موضوع التزوير حتى لو الأهلى وشريف أشرف سحبوا اتهاماتهم لبعض .. دى مسألة مبدأ .. لأن ده اتحاد رياضى مش اتحاد الجمهوريات اللى زى ما اتخلق زى ما مات .. لكن حتقول إيه ؟ .. إللى يطرمخ مرة لازم يطرمخ التانية .. أفتكر انت فاهم قصدى .. والا عشان محمد عبد الواحد كان طالع بزفة "طالعة من بيت ابوها رايحة بيت الجيران" ؟ ولاّ الطرمخة زى المبادئ هى كمان لا تتجزأ

[kokowawa1979]

حبيبنا الغالي أبو محمد :

والله زعلتني بجد على موضوع كعب داير من أجل تسجيل قطعة الأرض الخاصة بحضرتك - وحاسس إن البلد الجادين فيها مهضوم حقهم !!

يعني إيه الفورمة الجديدة هي المطلوبة - هو إله الحكومة الشهير بالنسر مش موجود على الأوراق !!

للأسف ياأبو محمد البلد كلها ماشية بالرشاوي - فأنا وأعوذ بالله من شر كلمة أنا مازلت أعاني مع الحكومة في إنهاء إجراءات التمليك حتى الآن !! والسبب إعتزال فادية نصحي أجدع راجل في الملكية والتصرف ( طلعت معاش) ووقعنا في إيد شوية عيال لامؤاخذة واضح إنهم أكيلة !!!

في رأيي الشخصي أخي أبو محمد أطلب مقابلة رئيس الهيئة شخصيا وهو لواء سابق بالجيش وبابه مفتوح للجميع بشرط الاتفاق مسبقا مع مكتبه لتحديد موعد - لأن موضوعنا لم يأخذ مجراه بجدية إلا بعد تدخله - ولكن تبقى النفوس الضعيفة !!!!!

نرجع بقى لموضوعنا : هو الزمالك لو زور في عقد محمد عبد الواحد كان اتحكم له ب300000 جنيه يا أبو محمد يابركة !!!

هنا بقى نرجع ونقول الإعلام المتحيز يصور البرئ في الزمالك بأنه جاني - والمتهم ضحية !!!

بينما في الأهلي التزوير عيني عينك بإنك تخللي العقالي عفيفي ده اسمه خطأ إداري - !!! ويقول لك في الآخر : إن اتحاد أحمر الشفايف ( اتحاد الكرة سابقا) يشكر الأهلي لأنه قام بعقاب المزور بالنيابة عن الاتحاد !!!!

وبعدين أنا مش عارف جمهور الزمالك زعلان ليه من التزوير : هو مش الأهلي هو وجه الحزب الوطني في الرياضة !!! شوبير- زاهر- مجدي - سحر الهواري و......... يعني التزوير مش هايجيبه من بره - والدليل إن شوبير نفسه نجح بالتزوير على حساب الإخوان في طنطا !!!!

وشوبير نفسه أبو مبادئ البطستة نجح بالتزوير في معهد التعاون حينما أراد الحق سبحانه وتعالى أن يفضحه حينما انقلبت به السيارة أمام الرست هاوس وهو عائد من مباراة أمام الأوليمبي أقيمت في الأسكندرية - وحينما نقلوه لمستشفى وادي النطرون للإسعافاتن الأوليه وجدت الشرطة والنيابة أوراق إجابته في البكالريوس التي كان ذاهبا لتسليمها للمعهد صباح اليوم التالي !!!!

شوبير الذي كان أحد كوارث صفر المونديال سارق التي شيرتات وتذاكر كأس الأمم وشيلوك العصر الحديث !!!

هذا هو شوبير - عبد الله بن سلول العصر الحديث !!!!!!! المتربي على مبادئ كل لون يابطستة ودمتم لنا ياأهلاوية :blink:

[se_ Elsyed]

تصدق بالله يا كوكو .. ماكنت عايز أتكلم في موضوع التزوير ده إنتظاراً لظهور واحد زملكاوي عنده موضوعيه في كلامه ... لكن للأسف لم ولن يوجد وشكلي كده هانتظر ليوم الدين .

- يا عزيزي قبل ما تحدفني بالطوب ... فروح شوف بيت الزمالك اللي من قزاز مكسر .... ولا لحقت نسيت موضوع معتز إينو اللي زورتو محضر التحقيق معه .. وإتطرمخ الموضوع ... أفكرك ولا نسيت ؟

- إيه بتقول إيه ؟ فكرني .... حاضر ...

شغل لنا يابني الفونوجراف على أغنية إن كنت ناسي أفكرك لكوكب الشرق هدى سلطان .

* ندخل في موضوع أينو وبعدين نحود على شريف أشرف ..

- كان يا ما كان كان فيه لعيب إسمه أينو .. وكان من ناشيئي نادي الزمالك .. وكبر الولد وبقى يلعب في الفريق الأول وتألق وكان الزملكاوية ما عندهمش سيرة غير إينو وحرفنت إينو وتسديدات إينو ... لكن في نفس الوقت النادي كان بيبص له على إنه عيل صغير وبالتالي بيرمي له ما يجود به أسياد النادي الزمالك .. في الوقت اللي بيصرفوا فيه على ناس إنتهت صلاحيتهم من زمان ملايين زي حازم إمام وغيره .. فالولد قالهم طب إدوني حاجه من تحت الطبليه بلاش الترابيزة .. قالوا له إخرس يا خنزئور إنت عيل وهاتفضل طول عمرك عيل ( إنت لقيط ... عارف يعني إيه لقيط ؟.. إحنا لمناك من الشوارع .... وش عماد حمدي في فيلم بين الأطلال ) فالولد عقده كان هايخلص في 6/2007 فمن حقه يوقع لأي نادي في يناير من نفس العام فراح الأهلي ووقع .. إزاي بقى يسيبوه الزملكاوية راحو ذلوا اللي خلفوه وبهدلوه وشتموه هو وأمه وأبوه ونزلوه في مباراة افريقيه في دور الـ 64 اللي كانت أصلاً إهانة من الإتحاد الأفريقي لتاريخ نادي زي الزمالك وأول مره تحصل إنه يخليه يلعب مع مركز شباب ساحل العاج أو منتخب عزبة كنشاسا وفعلاً لعبوا الولد لمدة 3 دقائق في مباراة فيتال أو الاوغندي عشان يحرم الاهلي منه طوال الموسم وقد كان وبرضوا عشان ربنا ما بيرضاش بالظلم .. خرج الفريق بخفي حنين من البطولة على يد الهلال السوداني ... مش هاطول عليك .. يقوم الزمالك يرفع شكوى على أينو ويقول إن الولد وقع للأهلي قبل يناير وبيطالب بتوقيع عقوبة على الأهلي وإيقاف اللاعب .. ويظهر عضو مجلس إدارة ورجل قانون حاصل على شهادته من السوربون وعلى الهواء مباشرة في احد البرامج الرياضية اللي أقسم - واخد بالك من اقسم دي وسمعته بوداني اللي هايكلهم السوس - إنه حقق مع الولد تحقيق رسمي وإعترف المجرم تحت ضغط إنه وقع للاهلي قبل يناير ومش وقع بقى زي شريف أشرف .. لأ ده اخد بصمته كمان على التحقيق - آه والله ولا لك عليه يمين يا كوكو - وبالتالي إذا إتحاد الكرة ما أنصفناش فهايشتكوا للفيفا .... وبمنتهى البساطة الولد إتكلم بعدها وقاله " إنت كذاب يا أونكل تيفا وهذا لم يحدث مطلقاً ولم أجلس معك ولا مره من أساسه .. وهات أوراق التحقيق ده وقدمه لأي جهة لو كان موجود وانا مستعد للعقوبة ... ثم إنت عضو مجلس إدارة ولا شئون قانونية في النادي ؟ ده إنت اساساً لا صفة لك لتحقق معي " وقد كان يا معلم وجه الزمالك يقدم أوراقه لإتحاد الكرة ...

فقدم إيه ؟

هـــــــــــــــا العلبة دي فيها إيه ؟

- قدم يا معلم قصاصة ورق من أحد الجرائد الصفراء الصادرة قبل يناير 2007 بيقولوا فيها إن إينو وقع للاهلي ... أي والله العظيم تلاتة ... يعني كل مستندات القضية حتت ورقة جرنان ... وكان ممدوح عباس متحمس وحاطط في بطنه شادر بطيخ وفاكر إن في عنده ناس محترمين وبيفهموا كمان في القانون ... فإذا به يُفاجأ بهذه المهزلة فراح ساحب الشكوى من الإتحاد وبستف السادة الأفاضل رجال القانون المزورين الكذابين ...

نقول كمان ؟

- موضوع شريف أشرف .. كان الأهلي من الشجاعة إنه أعترف إن الموضوع فيه تزوير وأنا مع إتحاد الكرة لو وقع عقوبة على الأهلي وعقوبة على الإدارة بتاع منطقة القاهرة لتسجيل اللاعبين ... فما فيش حد فوق القانون لكن مجلس إدارة النادي ليس بالسذاجه إنه يشارك في جريمة مفقوسة ومش محبوكة زي دي وممكن التصرف يكون من حد صغير حب يخدم بس عمل زي الدبة اللي قتلت صاحبها وحسن حمدي كان هو أول من تكلم في موضوع إحالة الموضوع للنيابة لإكتشاف التزوير لو كان في تزوير ....

لكن قبل ان تنظر للقشة التي في عين أخيك ... فخد بالك من العامود اللي في عينك ...

تحب أحكي لك حكاية قبل ما تنام وأقولك قصة أحمد فتحي اللي ما بقى لهاش أيام قليلة واللي ممدوح عباس حلف بالطلاق إن اللاعب بقى في الزمالك خلاص وبعت لإتحاد الكرة طلب عشان يحجز له سويت في القايمة الجديدة وهللت المواقع الزمكاوية وقالوا خلص الولد وقع .. وطلع أحمد فتحي نفسه وكذب ممدوح عباس وقال إنه ما شافش وشه أساساً ولا يعرف شيء عن الموضوع وطلع بيسو شكله وحش وكذاب هو وجميع المواقع الزملكاوية اللي حلفت بالطلاق هي رخره وقالوا إن بيسو قال إنه طالع يصيف في أسبانيا وفعلاً ركب الميكروباص اللي بيروح مدريد لكن عمل زي رشدي أباظه في فيلم طنط كيما ودخل الحمام بتاع المطار وغير هدومه ولبس لبس واحد زبال وخرج من الباب التاني وركب المترو بتاع لندن وراح خلص صفقة أحمد فتحي وجاب موافقة الولد على إنتقاله للزمالك في أحد أشهر عمليات التموين في تاريخ كرة القدم - إسمها تمويه يا معلم !! بأقولك تموين يا جاهل ( وش محمد رضا في فيلم عماشه في الأدغال ) ...

مش بأقولك عامود ... اي والله عامود يا مان .

وخليكو كده عندكو شعور إن العالم كله متأمر ضدكم وإن البشرية جمعاء ... جمعاء عندها عقدة الزملكاتيزم وإنهم مش عايزينكو تنجحوا وبالتالي بيتهضدوكو ... دوكو ... دوكو

بالمناسة قلت لي مبروك عشان وصلنا السيمي فاينل ولا لسه يا مان ؟

خد شم دي wst::

[Ahmad Farahat]

بجد دمت لينا يا س.س يا رافع راس الأهلوية كلهم (وش صالح سليم في فيلم الباب المفتوح)

بجد افتقدتك أيها القائد الملهم الزعيم في موضوع الأصنام بتاع الأخ شرقية

لكنني استلهمت حكمتك وخبرتك في الردود الرائعة

لكنني من بعد إذنك أضيف شيئا هاما للأخ كوكو

شوف يا كوكو يا أخويا

مش عيب أبدا إن الواحد يغلط ومن كان منكم بلا خطيئة فليرمها بحجر

لكن الغلط إنك تغلك وتصر على الغلط

الأهلي حصل عنده غلط قام هوا اللي طالب بتعديل الخطأ

ناس عندها أخلاق

مترضاش العيبة لنفسها

العيب علي بيغلط ومش عايز يتعاقب فاهمني يا كوكو (وش توفيق الدقن في فيلم مراتي مدير عام)

شم دول wst:: :)

أحلى حاجة يا سي السيد إن الورد هنا أحمر

أرسين

مشجع النادي الأهلي

إلى الأبد

[kokowawa1979]

طول عمري اٌقول الأهلوية دول ناس دمهم زي العسل :

نقول تزوير يقولوا ده خطأ - طيب كان ليه تقديم بلاغ للنيابة العامة ضد الشاب الغلبان واتهامه هو شخصيا بالتزوير !!

وليه سكرتير لجنة منطقة القاهرة يفتح مقر المنطقة بالليل زي الحرامية يوم الجمعة الأجازة الرسمية لتسجيل شريف أشرف للأهلي ! - وكان الفضل لله تعالى اللي عمى عيونهم وقلوبهم وكشف التزوييييييييييييييييييير بتاع نادي البطستة وزبانيته من الإعلاميين صم بكتم طالما إن الموضوع في الأهلي!!

أما سحب الأهلي لشكواه من النيابة فكان السبب فيها الشهم الخديوي عباس الذي ضغط على الشاب شريف أشرف من أجل سحب شكواه للنيابة العامة ضد حرامي الأهرام وتابعه قفة ومعم تاجر البندقيه عدلي القيعي صاحب القسم الشهير بإن شريف وقع قدامه على العقد !!

أسوأ حاجة عملها عباس إنه ماخلاش الموضوع يوصل للفيفا لإن سمعة الأهلي أصلا عندة تزكم الأنوف :lol:

ياترى الأهلوية فاكرين تزوير عقد حمزة الجمل واللا ناسيين !! wst::

يا جدعان عايزين جبرتي للأهلوية علشان نعرف نتفاهم معاه :lol:

بالمناسبة ياعم سي السيد يازعيم الأهلوية :

جلسة مجلس الإدارة ممكن تمتد لأكثر من أسبوع بعد افتتاحها ويقفل المحضر في النهاية على نفس التاريخ القديم الذي افتتحت به الجلسة واسأل شلة اللهافين في مجلس إدارة الأهلي :lol:

قال إينو قال !!! :)

على فكرة ياأرسين ياحبيبنا :

ماقولتش : إيه رأيك في إينو بعد ما لعب !!!!