yatto

يا جماعة انا جالى شغل فى الكويت فى شركة كبيرة و بعتولى زيارة تجارية و الحمد لله عجبتهم فى الشركة و العقد ممتاز جدا و كلة مميزات المهم عملولى داخل الكويت تحويل من زيارة تجارية الى اقامة و عملت كل الاجراءات و الحمد لله بس طلع عندى هناك اجسام مضادة لفيروس سى و منفعش اكمل الاجراءات السؤال هل يوجد استئناءات فى الموضوع دا مع العلم ان الشركة فى صفى وعيزة تساعدنى و الكفيل شيخ من العائلة المالكة و تحليل الفيروس نفسة سلبى ارجوا افادتى

المبعد من الكويت بسبب وجود فيروس سى هل يمكن له عمل الاقامة فى الامارات ام لا أرجوا الافادة

يا ريت تفيدونى عن دواء او اى علاج لاخفاء الاجسام المضادة لفيروس سي لان لى قريب عمل تحليل الأجسام المضادة فى شهر 11 اللى فات و طلع ايجابى ثم عمل تحليل PCR طلع سلبى نوعى و كمى هو لم يتناول اى ادوية و تم اكتشاف وجود الأجسام المضادة بالصدفة. ثم عمل مرة أخرى بعد 3 أشهر تحليل الأجسام المضادة و برده طلع ايجابى و طلع نسبتة1.4 و عمل تحليل pcr وطلع الحمد لله سلبى كمى و نوعى فى معملين مختلفين و تم الكشف عند دكتور كبد و طلع الكبد سليم و هو جايله فرصة عمل فى الكويت ممتازة ياريت حد يساعد و يقول لى اية الحقنة اللى بتتاخد و الجرعة من العمل انة حيعمل التحليل فى الكويت فقط أرجوا المساعدة لأنة فى حاجة للسفر

ياريت حد يرد عليا

الى اخوانى فى الكويت هل تم اعتماد فحص بى سي ار لفيروس سي ام لا ؟

ينفع تنزل بيها في كل وقت بس طبعا هتحتاج كفيل لاستخراج دفتر التربتيك وده الاجراء المتبع مع كل السيارات سواء مقسطة او خالصة تحياتي بس ابقى خلي بالك من السيول في سيناء تسلم على ردك السريع

هل يوجد تحليل فيروس سي فى الامارات للاقامة ؟ و هل التحاليل فى مصر و الامارات ام الامارات فقط

يا ريت تفيدونى هل ينفع انزل سيارتى المقسطة تربتك فى فترة اجازة نص السنة

هل يمكن تنزيل السيارة المقسطة الى مصر تربتك يعنى فى فترة الاجازه أم لازم أكون خلصت القسط

هل يوجد تحليل فيروسات عند تحويل الاقامة من كفيل لآخر فى الكويت أرجوا الافادة

أخوانى اعضاء منتدانا الكريم أرجوا افادتى بخصوص ما هو التحليل المطلوب فى الكويت لفيروس سى لعمل الاقامة هل هو تحليل بى سي ار أم تحليل الأجسام المضادة لفيروس سي أرجوا كل من يعمل فى الكويت يقول لى مع العلم أنى قمت بعمل تحاليل فى اكثر من معمل و كانت النتيجة ان تحليل البى سى أر سلبى و الحمد لله و لكن تحليل الأجسام المضادة سلبى أرجوا ان تفيدونى ما هو التحليل اللى بيعملوه فى الكويت بى سى ار ام اجسام مضادة مع العلم اننى سأقوم بكل التحليلات فقط فى الكويت و من خلال بحثى و جدت هذا الربط ارجوا ان تقرأوه http://www.al-seyassah.com/AtricleView/tabid/59/smid/438/ArticleID/113963/reftab/88/Default.aspx و ياريت تفيدونى كمان انا جايلى عقد مهندس شبكات MCSE براتب 500 دينار هل العقد دا كويس مع العلم أننى لست متزوج

اية فرصة الهجرة لكندا لحاملى اجسام مضادة لفيروس سي مع العلم ان لا يوجد فيروس اصلا المؤهل بكالوريوس علوم حاسب الى من الولايات المتحدة وليسانس حقوق من مصر و السن 25 سنه و اعزب و حاصل على عدة شهادات عالمية من ميكروسوفت و اى بى ام و سيسكو و يوجد مبلغ مالى فى البنك حدود 140 الف مصر و اللغة الانجليزية جيدة

يا جماعة انا جايلى عقد كويس فى الكويت و انا سمعت كلام احد أعضاء المنتدى و عملت تحاليل شاملة بس للأسف طلع عندى أجسام مضادة لفيروس سي طبعا انا ساعة معرفت انهارت بس الحمد لله الحمد لله عملت تحليل بى سى ار و طلع مفيش فيروس الحمد للة و طبعا انا عملت التحليلات دى اكتر من مرة فى كذا معمل مشهور و طلعوا نفس النتيجة ان فى اجسام مضادة بس البى سى ار مفيش فيروس طبعا روحت لدكتور كبير و قالى انسى انت معندكش اى حاجاكل ما فى الموضوع ان لاما الفيروس جالك و الجهاز المناعى قضى علية او مجلكش خالص و يكون العينه بتعتك بتتفاعل معاالكيماويات اللى بتتعمل بيها التحليل بتاع الاجسام المضادة المهم دلوقت انا عايز حد من اعضاء المنتدى الكرام يقولى ايه التحليل اللى بيعملوه فى الكويت هل تحليل الأجسام المضادة لفيروس سي ام البي سي ار لفيروس سي و لو التحليل اللى بيعملوه فى الكويت هو تحليل الأجسام المضادة ممكن اطلب يعملولى بى سي ار أرجوا الرد السريع م العلم ان الوظيفة مهندس كمبيوتر و حروح بزياره تجارية وححول اقامه هناك يعنى الكشف فى الكويت