wagdy

ربنا معاكى يا اغابى وان شاء الله هتنجحى بس انتى ذاكرى كويس واعملى اللى عليكى وسيبى الباقى على ربنا

الف مبروك يا مايكل بجد انت تعبت وربنا كافئك يلا شد حيلك وقدم فيدرال بسرعة ربنا معاك ويكمللك على خير

خبر هام وسعيد الحمد لله الاستاذ مايكل فؤاد والاستاذه/ رودى اخدوا السى اس كيو بجدارة الف مبروك يا اغابى اندهى لنجاتى بسرعة ينفخ البللالين يا استاذ مايكل ماتنساش المشبك بتاعى وبتاع الاستاذ هانى يعقوب

استاذ مايكل فؤاد ربنا معاك ويعمل لك الخير للعلم انا فى المقابلة بتاعتى الست ميلانى ماطلبتش منى الشهادة الكرتون ولكن طلبت بيان الدرجات عربى وانجليزى وشهادة النجاح عربى وانجليزى بس انا كنت عامل حسابى فى مسألة الشهادة الكرتون علشان سمعت ان مستر بول بيسأل عليها و مع انى خريج دفعة 1998 جامعة عين شمس ولكن الشهادة الكرتون برضة ماطلعتش فقمت جبت من الكلية بيان بأن الشهادة الكرتون الخاصة بى لم تستخرج حتى تاريخةوختمتها من عند عميد الكلية كل ده فى حوالى ساعة فى الكلية لو حبيت تطلع زيها فلازم برضى تترجمها وهذا للعلم ربنا معاك ويوفقك كل ما يعمل يعمل للخير للذين يحبون الرب

بناء على طلب الاعضاااااااااااااء الكرام وعلى فكرة ده مقتبس من مشاركة قبل كده وبصراحة افادنى كتير وارجو ان يفيدكم انتم ايضاً ده موضوع المعادلة للمحاسبين فى كندا الموقع ده مكتوب باللغة الانجليزية و به جميع النقابات و الشهادات لعمل المعادلة فللمحاسب 3 شهادات هى CA,CMA,CGA CGAهى الاسهل CA محاسب قانونى CMA محاسب ادارى معتمد CGA محاسب عام و كل التفاصيل الاخرى بالموقع الاتى http://www.immigrati...onal-order.html طبعا هتختار الشهادة اللى انت عايزها و دوس عليها هيطلع لك بى دى اف ذاكرة كويس جدا اما الفرنساوى فروح اطلع فوق و غير اللغة و عيش و كل اوردر من دول ستجد الاميل الخاص بهم فتكتب الخطاب ده و تبعته ليهم و هم يردو j'ai fait mes études en comptabilité pour 4 ans a temps plein. J'ai une experience pertinente dans ce domaine plus de .......... ans. j'ai passe ...... mois pour apprender le frances Jusqu'à la ...... niveau Dans l'attente de votre réponse , veuillez recevoir l'assurance de mes sentements les plus affectueux et mon profond respect. بعد كده تروح على الموقع ده http://imt.emploique...otpro=comptable ده موقع عن عمل مساعد المحاسب هتلاقى فية ايه المطلوب منه يعملة و ايه الشهادة اللى لازم تبقى معاه و المرتب المتوقع و الكثير جدا من المعلومات كل اللى عليك انك تذهب اقصى اليسار و تدعس الاتى Description détaillée Perspectives professionnelles Salaires et statistiques اهمهم الاول و الاخير للمذاكرة الجيدة جدا ايه اللى هتشتغلة هناك و الرق بينة و بين شغلك الحالى و المرتب حوالى من كذا لكذا طيب ليه مساعد محاسب مش محاسب اولا لانك مش معاك شهادة كندية ولا خبرة كندية ثانيا لاتك تستطيع العمل كمساعد من غير معادلة يا دوووب بخبرتك المصرية بعد كده تروح على الموقع التالى تطبع منه عروض العمل طبعا مساعد محاسب شوية كده حلوين 10 او 15 http://placement.emp.../erechroffr.asp طبعا وظيفة المحاسب دى حاجة كبيرة قوى فى الكثير من الفروع تحضر كويس انت بتعمل ايه علشان الاسئلة اللى اتسألتلى لو انت مش محاسب ذو خبرة كبيرة جدا مش هتعرف تجاوب ده فى حالة ضرب كلام و بس يعنى مثلا ما تقولش انا اشتغلت فى الميزانية و انت مش عارف بتتعمل ازاى و البنود اللى فيها و هكذا يعنى يعنى انا اسألت انت بتعرف تعمل الموازنة ازاى ؟؟؟؟؟ طبعا طبيعة الشغل مكتوبة فى طبيعه الوظيفة لكيبك خد اللى تعرفة منها و كمل انت لا تعتمد على اى حد يترجمها ليك لانها كلها مصطلحات لازم تعرفها زى ما هى مكتوبه و اسف مرة اخرى على التأخير لا تفكر بالامر كثيرا و دع الامر لمن بيده الامر يستجيب لك الرب فى يوم شدتك ينصرك اسم إله يعقوب

استاذ وجدي الف مبروك بس لوسمحت ممكن تنزل الفايل بتاع المعادلة هنا في التوبيك عشان في محاسبين كتير اكيدهيستفدواوهيدعوا لك بالتوفيق في باقي المشوار استاذ ميدو انا تحت امرك ولكن فى مشكلة فى ارسال ملف المعادلة على التوبيك فارجو ارسال الاى ميل بتاعك وانا ابعتلك الملف pdfعلى الاى ميل بتاعك وبالنسبة للخطوات فلازم اقولك عليها وانت معاك الملف وتكون طابعة علشان تقدر تفهم وتعلم بالقلم على الخطوات وعلى فكرة طريقة المعادلة سهلة مش صعبة ولكن عيبها الوحيد انها بتأخد وقت طويل حوالى من سنتين ونص الى 3 سنين علشان التدريب بس بيكون مدتة 24 شهر فى شركة لمدة 20 ساعة اسبوعياً شكرا

الاستاذ/ مايكل فؤاد فين الاى ميل علشان ابعتلك الفايل بتاع المعادلة

بجد انا مدين ليكم كلكم بكل الشكر وااقل حاجة اقدمهالكم انى اول حاجة اعملها لما ادخل البيت انى احكيلكم المقابلة علشان عارف ان فى ناس مستنية كلمة تستفيد منها. الموضوع بدا من امبارح سافرت فى القطر ووصلت حوالى الساعة 3 ونزلت فى فندق يونيون وهو فندق كويس معقول على البحر وقريب من السنتر حوالى 5 دقايق مشى وبعد ما استلمت الغرفة نزلت اروح السنتر علشان اعرف مكانة وبعدين رجعت قعدت فى الغرفة وللاسف معرفتش اروح فى اى مكان علشان كنت قاعد بذاكر انا والمدام وفى الاخر اتضح ان الموضوع اسهل من كدا بكتير يا جماعة الموضوع كلة عبارة عن ورق بس يعنى هما بيدورا على الاثباتات بس لازم يكون معاك التامينات علشان هما عارفين ان المصريين بيضربوا شهادات الخبرة والميشن ده ضيع ناس كتير معهاش تأمينات المهم رحت السنتر الصبح بدرى قبل الميعاد بساعة كاملة وكنت لابس بدلة خطيرة والمدام على فورمة عشرة وقعدت فى غرفة الانتظار وعمال اصلى ان مسيو بول ييجى يندهلى وحوالى الساعة 10 و 40 دقيقة لقيت الست ميلانى جت وندهت على اسمى ... ساعتها قلبى وقع فى رجليا وقلت جالك الموت يا تارك الصلاة بس قولت لازم اقاتل لاخر نفس فى حياتى ورحنا وراها انا والمدام لغاية غرفة الاعدام قصدى غرفة المقابلة. المقابلة كانت مع مدام ميلانى وكانت مقابلة غامضة ابتدت وقالت اننا هنبتدى فرنساوى واهتمت بالدرجة الاولى بالشهادات والورق وشهادة الخبرة وشهادة التأمينات وبعدين سألتنى عن مهامى الوظيفية وسنين الخبرة وليه اخترت مهنة المحاسبة بالذات وبعدين قالتلى هنبتدى الانجليزى وسألتنى ان مستوايا فى الانجليزى زى ما كاتب فى الابليكيشن وانا كنت كاتب مستوى 8 وقولتيلها ان تعليم الفرنسى اثر كتير على الانجليزى بس هاتكلم كويس بالانجليزى وسالتنى انى اتكلم عن مدينتى وجاوبت كويس بس كلمتين انجليزى وواحدة فرنش بس هى فهمت اللى عاوز اقولة بس وبصت للمدام ووجهت ليها 3 اسئلة سهلين زى تاريخ ميلادك ومحل الميلاد واتكلمى عن اولادك... انا نسيت اقول انى كاتب المدام مستوى 2 بس طبعا كل ده واحنا بنجاوب كانت هى بتكتب على اللاب توب كتير ورجعت ليا تانى وقالتلى انت هتتكلم دلوقتى عربى بس يعنى هى هتسأل بالفرنسى والمترجمة هترجم وانا هجاوب العربى والمترجمة تترجم ليها ... حولت معاها انى اجاوب الفرنسى على طول لكن رفضت وقالتلى انها عاوزة تعرف خططتى للسفر بلغتى علشان اعبر بطريقة بسيطة وسهلة وسألتنى ليه اخترت كيبيك للهجرة وايه هى خطوات المعادلة وعارف هتاخد وقت اد ايه؟؟وهتعمل ايه لحد ماتعمل المعادلة؟؟ ولقيتها بتطبع ورق على البرنتر ساعتها عرفت انى اتقبلت وقلبى طار من الفرحة بس قلت استنى لما هى تقولى وفعلا قالتلى انى اتقبلت فى مشروع الهجرة الى كيبيك وقالتلى ان رحلة السفر ابتدت من دلوقتى ولازم تحسن نستواك كتير جدا انت والمدام فى الفرنسى وانت ممكن من دلوقتى تاخد كورسات فرنسى على حساب كندا بس تحتفظ بالايصالات الدالة على السداد بحد اقصى 1500 دولار وقولتيلها انى عارف كده وطلعتيلها الورق من عندى اللى بيدل على كده وقالتلى ليه هتنزل فى موريال ؟؟ مع ان معدل البطالة فيها كبير وكمان اغلب المهاجرين بينزلوا فيها؟؟ قوليلها علشان هى مدينة كبيرة وفيها شغل ومصانع وشركات كتييرة وقولتيلها لو ممكن ترشحيلى مدينة تانية انت شايفة انها كويسة ... قالتلى انا ارشحلك مدينة كيبيك (la ville du quebec) علشان هى مدينة كبيرة وفيها شغل كتير وقالتلى بعد ما طبعت الورق انى اراجع الاسبلنج للاسامى بتاعتى وبتاعة الاولاد وانى ممكن اقدم فيدرال فى خلال 12 شهر من دلوقتى بس انا انصحك انك تبعت بسرعة فى خلال شهرين من دلوقتى علشان ماتتأخرش فى الوقت بس وانا شكرتها على تعبها معاياوطلبت منها كتاب ابرندر لكيبيك ولكنها اعتزرت وقالتلى انه خلص وكمان وانا بسلم عليها واحنا واقفين قولتيلها انا فى الاخر احب اوضح نقطة مهمة ليكى ان اغلب الشركات فى مصر مابتأمنش على الموظفين بتوعها علشان ما تتدفعش تأمينات كتيرة وده مابقللش من قيمة الموظفين بس اغلب الشركات بتتحايل على القانون بصراحة ردت عليا رد مقنع وقالتلى انها موظفة ومالهاش غير بالورق الرسمى اللى يثبت صحة التأمينات والشغل[/ color] بس خلصت المقابلة اه نسيت اقولكم ان المقابلةاستغرقت حوالى ساعة وتلت ورجعت الفندق غيرت هدومى ومشيت جرى علشان الحق القطر اللى كان ميعادة الساعة2 والحمد لله رجعنا مصر فائزين متصرين بعد معركة دامية شرسة حامية الوطيس خرجنا منها بخبرات كثيرة لا تنسى ابدا معلش انا طولت عليكم بس حكيتلكم من طأطأ لسلمو عليكو اى اسفتسار انا موجود وتحت امركم اشكركم وتصبحوا على خير نسيت اقولكم حاجة مهمة ان فى ناس كتير اترفضت انهارده بسبب التأمينات كل ما يعمل يعمل للخير للذين يحبون الرب

احب اشكركم كلكم على صلواتكم ودعواتكم وبجد المنتدى ده جميل جدا وافادنى كتير وعرفنى بناس رائعين بجد تحس انهم زى اخواتك اللى بخافوا عليك وفعلا الناس مابتتعرفش الا فى الضيقات والازمات والناس اللى وقفت وسالت عليا كتير واولهم الاستاذ هانى يعقوب الاستاذ الرائع اول واحد اتصل بيا لما فتحت التليفون وكمان الناس اللى كانت بتصليلى وتدعيلى زى محمد كيبيك وفيلومينا ورودى وهانى اسكندر وكريم عبده وتوتا عماد وام موريال وعمانوئيل وامير مرقص وجو وجوجا سمير و Aggow والاستاذ اللى اسم على مسمى اغابى وهى فعلا مليانة محبة للجميع وكمان د/بطوط والاستاذ مينا عدلى ود/ جى جى صاحبة اللستة الذهبية ووش السعد على الناس كلها

النداء الاخير الى اهل المنتدى الكرام قبل السفر الى مدينة ذو القرنين والاسكندر الاكبر كل من يقراء هذه الرسالة يجب ان يتذكر جميع الاخوة الباقين فى اللستة بصلوات ودعوات كثيرة مكثفة وكمان الناس اللى خلصوا المقابلة يفتكرونا مش علشان هما خلصوا بقى يبقى خلاص زى ما احنا زلزلنا الزلازيل بالصلوات علشانكو ( زى ما بتقول اغابى )لازم تزلزلواالزلازيل انتم كمان وافتكروا كله سلف ودين وهنيالك يا صاحب الدعوات والصلوات ربنا يكرمكم ويخللكم عيالكم ويباركلكم فى بيوتكم... ايه ده انا حاسس انى بقيت متسول هو الانتر فيو بيعمل كل ده... ربنا يشفى ويرجعنا من الاسكندرية سالمين منتصرين ومعانا الغالية كل ما يعمل يعمل للخير للذين يحبون الرب

يا جماعة استودعكم الله انا مسافر بكرة الصبح ارجوكم ماتنسوش صلواتكم ودعواتكم ليناولباقى اللستة وللأسف مش هعرف ادخل اشارك معاكم لحد ماجى يوم الاربع ان شاء الله شكرا ليكم كلكم كل ما يعمل يعمل للخير للذين يحبون الرب

يا نهار ابيض كل ده علشان يشرب عصير بربع جنية بقولك يا جوو يا ريت تروح تشرب عصير وماتنساش تجيبلنا معاك 2عصير واحد علشانى والتانى لهانى يشربة مع المشبك ابو 5 ونص اللى انشاءالله هجيبهوله معايا من اسكندرية يوم الاربع بعد ما اخد csq ان شاء الله

يا هانى رقم تليفونى 0177793502 عايز حاجة تانى يا عم انت تأمر بس 2 كيلو كتير طب خليها كيلو وربع ده علشان خاطرك انت بس كل ما يعمل يعمل للخير للذين يحبون الرب

يا عم هانى يسمع من بقك ربنا صدقنى هجيبلك مشبك بس انت استنانى فى محطة مصر فى رمسيس يوم الاربع بس ان مش عارف ميعاد الرجوع ... اقولك استنانى من الساعة 6 لحد ماارجع وكلمة السر "مشبك ابو 5 ونص" size="7"] كل ما يعمل يعمل للخير للذين يحبون الرب

يا هانى صدقنى حلاوتك كبيرة ماشى يا عم هجيبلك مشبك من ابو 5ونص يالا يا عم انشالله ماعن حد حوش انا يا ظروف ملفى كالاتى: السن 35 سنة , المؤهل بكالريوس تجارة دفعة1998 عين شمس ,دبلومة محاسبة مالية عين شمس عام2005, الوظيفة محاسب فى شركة الكهرباء من2003 يعنى درجة التأمينات والخبرة كاملة , عندى ولدين جورج وجون ,المدام 30سنة ليسانس اداب , الوظيفة مدرسة بمدرسة خاصة من 2002 والتأمينات بتاعتها من 2007 الفرنساوى خلصت المستوى السادس الاسبوع اللى فات والمدام المستوى الثانى بالنسبة للتحضير محضر كتاب ابرندر لكيبيك كله وعلى الفكرة الكتاب ده مهم جداجدا للانترفيو وكمان علشان لما تروح كندا هيفيدك كتير , وكمان محضر كويس الشغل والسكن صدقنى انا عملت كل اللى اقدر عليه وذاكرت اكتر ما ذاكرت فى الثانوية العامة وفى الأخر انا سايب الموضوع كلة فى ايد ربنا شكرا يا اغابى على الوردة كل ما يعمل يعمل للخير للذين يحبون الرب