wela بتاريخ: 29 ديسمبر 2009 تقديم بلاغ مشاركة بتاريخ: 29 ديسمبر 2009 جالي يا حماعة عرض في شركة مصنع الزلفي لصناعة اسلاك اللحام بالزلفي عرض علي وظيفة محاسب بمرتب 2300 ريال وانا خبرة 3 سنوات والفيزا محاسب كنت عايز اعرف حد يعرف معلومات عن الشركة دي وهل السكن لما استقدم زوجتي ممكن يكلفني كام سنويا لشقه غرفة وصالة ياريت تفيدوني؟؟؟؟ رابط هذا التعليق شارك المزيد من خيارات المشاركة
tarek nokia بتاريخ: 29 ديسمبر 2009 تقديم بلاغ مشاركة بتاريخ: 29 ديسمبر 2009 بالنسبة للراتب لن تستطيع ان تعيش انت وزوجتك لو السكن على الشركة والمواصلات انت سوف تحوش 1300 ريال من غير زوجتك مع زوجتك 500 ريال رابط هذا التعليق شارك المزيد من خيارات المشاركة
doha بتاريخ: 29 ديسمبر 2009 تقديم بلاغ مشاركة بتاريخ: 29 ديسمبر 2009 الراتب كويس اوي بالنسبة لخبرتك لكن مش كويس ابدا لانك تفتح بيه بيت .. بالنسبة للزلفي انا معنديش فكرة عن اسعار السكن فيها او المعيشه لكن اتوقع انها اقل كتير من الرياض . اكون صريحة معاك .. لو كنت من بيئة ريفية او شعبية ومتعود على اسلوب حياه منخفض نوعا ما فالعرض ممكن يكون ممتاز بالنسبة لك . اما لو كنت من الاحياء الراقية او شبه الراقية في القاهرة مثلا او الاسكندرية .. او احد والديك مثلا كان عايش في الخارج يعني متعود على مستوى انفاق معين او لك تطلعات في مستوى معيشي عالي فاعتقد العرض ده هيبقى غير مناسب لك كونك متزوج .. هتطلع مش هتحوش حاجه يادوب يكفيك مصاريف خاصه وان الزلفي مش مدينة كبيرة يعني متتوقعش تلاقي فيها شغل بارت تايم .. برضه لو زوجتك مش طبيبة مثلا او مدرسة تخصصها فعلا التدريس يعني سهل تلاقي عمل في اي مكان لو مش كده يفضل برضه تصرف نظر .. طبعا انا بقولك الكلام ده كله كرأي شخصي وعارفه ومتاكده لو انت ناوي تطلع مهما قلنا لك ده مش هيثنيك وسؤالك هيكون مجرد اراحه للضمير واجاباتنا هتاخذ منها الي على هواك بس سواء بقى كان الهوى ده ان العرض داخل مزاجك او من الاول مقلق منه .. فاحسن حاجه اكيد هي الاستخاره وان شاء الله ربنا هيدلك على التصرف الصح .. ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
أم مروان بتاريخ: 30 ديسمبر 2009 تقديم بلاغ مشاركة بتاريخ: 30 ديسمبر 2009 اسمع يا سيدى انا عايشة فى الزلفى لسة من شهر هى بلد صغيرة اسعار الشقق لا يوجد شقة حجرة وصالة اقل حاجة حجرتين وصالة ب 6000 ريال فى السنة 3 حجرة وصالة 8000 فى السنة فرش الشقة ب 9000 ريال (مستعمل وجديد) المعيشة انت وزوجتك فى الشهر 1000 ريال على الاقل مفيش أى أماكن ترفية ومفيش مواصلات داخلية (تاكسيات) انا مشتغلتش لانى مهندسة واعتقد ان فرص العمل هنا ضئيلة جدا مهما كان المؤهل لان كل زوجات اصحاب زوجى مش بيشتغلوا فكر كويس وربنا معاك رابط هذا التعليق شارك المزيد من خيارات المشاركة
wela بتاريخ: 30 ديسمبر 2009 كاتب الموضوع تقديم بلاغ مشاركة بتاريخ: 30 ديسمبر 2009 هو يا جماعة العقد جالي من مكتب سفريات والي عمل معايا المقابلة مهندس مصري مسافر برضه علي الشركة دي وانا كنت في الامارات لمدة سنتين ومعايا توفل وشغال علي كل البرامج المحاسبية الانجليزية ومرتبي في مصر 1800 جنيه والمهندس الي عمل مقابلة معايا قالي احنا موفرين السكن والمواصلات ولما تحب تجيب زوجتك هنوفرلك بدل سكن فهل كلامه كدا كويس والفيزا محاسب فهل كدا عرض معقول ولا بلاش ولو حد يعرف تليفون الشركة ياريت يفيدني بيه لو سمحتم وصحيح المكتب طالب 4000 جنيه عموله ويمكن طلب سفري مش فلوس زي ما نفسيه لاني لما كنت عايش في الامارات ونزلت كرهت العيشة في مصر كمان كنت عايز اروح السعوديه مخصوص علشان الحج والعمرة بس ؟؟؟ رابط هذا التعليق شارك المزيد من خيارات المشاركة
msayed بتاريخ: 30 ديسمبر 2009 تقديم بلاغ مشاركة بتاريخ: 30 ديسمبر 2009 الأخ الفاضل فيه مزايا فى العقد وهى: 1- التعاقد مع شركة وهذا يكون أفضل بكثير من كفيل شخص. 2- الفيزا محاسب وهذا جيد لأن كثير من أصحاب المؤهلات يأتون على فيزا عامل أو ماشابه مما يهدر بعض حقوقهم. 3- الزلفى ممكن تجد فيها سكن رخيص كما قالت الأخت أم مروان. 4- المرتب بالنسبة لسنوات خبرتك معقول جداً فهناك من وصلت خبرته إلى عشر سنوات ويأتى على مبلغ قريب من هذا. وينبغى عليك السؤال عما يأتى: 1- هل المرتب شامل بدل السكن؟ لأنه فى الغالب يكون هناك بدل سكن إضافى قيمته 25% من الراتب. 2- هل الشركة تقدم تأمين الصحى لك وللأسرة؟ 3- هل هناك بدل مواصلات؟ وهذا غالباً يكون 10% من قيمة الراتب. لو الأشياء دى موجودة فنصيحتى أن تقبل العرض فوراً أما إذا لم تكن موجودة فأنت وحدك طبقاً لظروفك تستطيع القرار. حاول بقدر الإمكان تعلم القيادة فى مصر وإستخراج رخصة قيادة حتى يسهل عليك إستخراج رخصة القيادة هنا فهى مهمة جداً. رابط هذا التعليق شارك المزيد من خيارات المشاركة
mama nona بتاريخ: 30 ديسمبر 2009 تقديم بلاغ مشاركة بتاريخ: 30 ديسمبر 2009 الأخ الفاضلفيه مزايا فى العقد وهى: 1- التعاقد مع شركة وهذا يكون أفضل بكثير من كفيل شخص. 2- الفيزا محاسب وهذا جيد لأن كثير من أصحاب المؤهلات يأتون على فيزا عامل أو ماشابه مما يهدر بعض حقوقهم. 3- الزلفى ممكن تجد فيها سكن رخيص كما قالت الأخت أم مروان. 4- المرتب بالنسبة لسنوات خبرتك معقول جداً فهناك من وصلت خبرته إلى عشر سنوات ويأتى على مبلغ قريب من هذا. وينبغى عليك السؤال عما يأتى: 1- هل المرتب شامل بدل السكن؟ لأنه فى الغالب يكون هناك بدل سكن إضافى قيمته 25% من الراتب. 2- هل الشركة تقدم تأمين الصحى لك وللأسرة؟ 3- هل هناك بدل مواصلات؟ وهذا غالباً يكون 10% من قيمة الراتب. لو الأشياء دى موجودة فنصيحتى أن تقبل العرض فوراً أما إذا لم تكن موجودة فأنت وحدك طبقاً لظروفك تستطيع القرار. حاول بقدر الإمكان تعلم القيادة فى مصر وإستخراج رخصة قيادة حتى يسهل عليك إستخراج رخصة القيادة هنا فهى مهمة جداً. كلام مظبوط 100% ولكن لابد من ذكر تلك النقاط فى العقد ومتاخدش على اى اتفاقات شفوية الكلام بيتغير بعد وصولك واذا كنت هتستقدم زوجة لازم يكون العقد عائلى وبالتوفيق رابط هذا التعليق شارك المزيد من خيارات المشاركة
msayed بتاريخ: 30 ديسمبر 2009 تقديم بلاغ مشاركة بتاريخ: 30 ديسمبر 2009 والله أنا شايف إن مرتبك فى مصر أفضل من مرتب السعودية، وللعلم إنت فى مصر ممكن لو تصبر سنتين كمان وتضغط نفسيك فى دورات زى MBA مثلاً أو أى دورات محاسبية فممكن تطلع على عقد أضعاف هذا المبلغ وفى شركة مالتى ناشيونال كمان. وخاصة أن هذه الدورات غالية جدا جدا فى السعودية لو قدرت تروحها أصلاً بسبب ظروف العمل. رابط هذا التعليق شارك المزيد من خيارات المشاركة
wela بتاريخ: 30 ديسمبر 2009 كاتب الموضوع تقديم بلاغ مشاركة بتاريخ: 30 ديسمبر 2009 يا جماعة انا معايا رخصة مصرية واماراتيه ورخصة شرق اسيا لاني سافرت الهند اسبوعين لما كنت في الامارات وطلعتلي رخصة من هناك وكمان معايا الرخصة الدولي السعودي لاني نزلت بعربيتي لما كنت بالامارات مارا بالسعودية بس استفسار هما قالولي السكن احنا هنوفره لك وبعد كده لما تحب تجيب مراتك احنا هنديك بدل سكن انا عايز اعرف العقد ده هل هوه الي هامضيه في مكتب السفريات وهل هو مجرد عقد اتفاق او ازاي انا مش فاهم العقد ده طرفه التاني مين وشكله ايه وبيتوثق ولا ايه وهل مكتب السفريات ممكن يحط شروط او يغير العقد بمزاجه؟؟؟ رابط هذا التعليق شارك المزيد من خيارات المشاركة
Diab بتاريخ: 30 ديسمبر 2009 تقديم بلاغ مشاركة بتاريخ: 30 ديسمبر 2009 (معدل) المرتب ضعيف قوي بالنسبة لخبراتك المشكلة ان اللي عمل المقابلة معاك مصري وده سبب ان الراتب ضعيف انت بتتغرب عن بلدك عشان المادة سيبك من موضوع الخبرة لان لو انت شغلك كويس في مصر يبقي خبرة يوم في مصر ولا سنة في الخليج افضلك انك تبقي في مصر وحاول تدور علي شغل في شركة اجنبيه لان التوفل هيسهل عليك كتير تمنياتي بالتوفيق تم تعديل 30 ديسمبر 2009 بواسطة Diab أن تأتي متأخراً خيراً من أن لا تأتي أبداً Better Late Than Never رابط هذا التعليق شارك المزيد من خيارات المشاركة
kingsabry بتاريخ: 30 ديسمبر 2009 تقديم بلاغ مشاركة بتاريخ: 30 ديسمبر 2009 السلام عليكم انا كنت ناوي اكتب لك رد بس لما شوفت رد الاستاذ diab بصراحه الراجل رده كفايه الراتب ضعيف لابعد الحدود السعوديه ماعدتش 1500 و 2000 والكلام الفاضي ده انا ليا اصحابي بيكونوا طازه لسه وبيجوا هنا على 2500 ومش بيعجبهم الوضع ماتخليش المهنه تغريك وتقول دي فيزا محاسب ومش عارف ايه انت معاك انجليزي ولو دورت كويس ممكن تلاقي 4000 او 3500 على اقل تقدير هو ده اللي ممكن اقوله لك محمد صبري من الأفضل أن تمشى ببطء إلى الامام على إن تمشى مسرعاً إلى الخلف يسخر من الجروح كل من لا يعرف الألم رابط هذا التعليق شارك المزيد من خيارات المشاركة
eng hoss بتاريخ: 30 ديسمبر 2009 تقديم بلاغ مشاركة بتاريخ: 30 ديسمبر 2009 قليل جدا اقل راتب 3000 ده فى عمال بتاخد الراتب اللى معروض عليك دى وجهة نظرى رابط هذا التعليق شارك المزيد من خيارات المشاركة
wela بتاريخ: 30 ديسمبر 2009 كاتب الموضوع تقديم بلاغ مشاركة بتاريخ: 30 ديسمبر 2009 (معدل) شكرا جدا لردكم السريع ونصيحتكم.... بس هو استفسار صغير ياريت حد يوضحه هو عقد العمل ده بمضيه امتي وبيكون شكله ازاي يعني لازم قبل ما اقدم جواز سفري للمكتب علشان ابدا الاجراءات اكون مضيت العقد ده ولا امتي ؟؟؟؟؟؟؟ تم تعديل 30 ديسمبر 2009 بواسطة wela رابط هذا التعليق شارك المزيد من خيارات المشاركة
السيد توفيق بتاريخ: 30 ديسمبر 2009 تقديم بلاغ مشاركة بتاريخ: 30 ديسمبر 2009 ياعمي الراتب دا مايقبل فيه بنقالي او هندي وانت بتقول 2500 ريال انا دلوقتي باكلمك من مكتبي بالسعودية وعندي بالشركة عمال مصريين ماعندهمش اي شهادات ومابيعرفوش حتى القراءة بياخذوا 3500 ريال بمهنة سواقين والاقامة والسكن والتذاكر على صاحب المؤسسة وانت بتقول مرتبك بمصر 1800 جنيه انصحك ماتقبلش بالعقد نهائيا رابط هذا التعليق شارك المزيد من خيارات المشاركة
wela بتاريخ: 30 ديسمبر 2009 كاتب الموضوع تقديم بلاغ مشاركة بتاريخ: 30 ديسمبر 2009 حد يفيدني لما سالت عن العقد الي فيه بنود العمل الي هو العقد الي هامضي عليه مكتب السفريات قالي احنا عندنا نسخة خاصة بالشركة دي علشان احنا بنتعامل معها من زمان فهل كلامهم ده مظبوط ؟؟؟؟ يعني ينفع يكون عقد العمل عندهم نسخة فاضيه منه يملوه براحتهم ولا ازاي انا مش فاهم حد يفهمني ضروري؟؟؟؟؟ رابط هذا التعليق شارك المزيد من خيارات المشاركة
the consultant بتاريخ: 30 ديسمبر 2009 تقديم بلاغ مشاركة بتاريخ: 30 ديسمبر 2009 بص انا حقولك اللي حصل معايا. الشركة من السعودية بعتت العقد على مكتب مصر طبعا موقع من الشركة السعودية وواقف على توقيعي. لو اتكلمنا من الوجهة القانونية بصفتي محامي لو المكتب اللي في مصر هو اللي حيمضي معاك يبقى لازم يوريك ما يثبت صفته (توكيل يعني موثق طبعا و بيديله صلاحية التوقيع على عقود العمل نيابة عن الشركة) و دي حاجة معتقدش انها بتحصل. فكرة انهم عارفين نموذج العقد دي ممكن تكون صح لان فعلا عقود العمل بتكون شكل واحد ,على الاقل بالنسبة لنفس الدرجة و المسمى الوظيفي فاكيد هما طلّعوا ناس كتير قبل كدة فعارفين بالتالي شكل العقد و بنوده. من ناحية اخرى انا مع الرأى اللي قال ان المرتب ضعيف و ان مرتبك في مصر احسن. و عموما انت صاحب القرار . رابط هذا التعليق شارك المزيد من خيارات المشاركة
Mr MAGED بتاريخ: 30 ديسمبر 2009 تقديم بلاغ مشاركة بتاريخ: 30 ديسمبر 2009 أخي الفاضل من الواضح ان كل الأعضاء بيتكلموا فوادي .... وانت بتفكر فوادي تاني خالص يعني كلهم بينصحوك ترفض العرض ... وانت من الواضح انك موافق عليه بس علي العموم .... الراتب من وجهة نظري ضعيف خاصة ان راتبك كويس في مصر وزي ما قال احد الأخوة انك ممكن تقوي نفسك بمجموعة دورات متخصصة في مجالك وتدور علي عرض أفضل وان شاء الله هيجيلك النقطة المهمة اللي عايزك تاخد بالك منها هي ايه اللي انت هتمضي عليه هل هو عرض عمل ولا عقد عمل ولا عقد استرشادي !!!! لأن كل واحد منهم له وضع مختلف .... عرض العمل والعقد الاسترشادي دول مش بيحفظوا حقك عقد العمل الموثق من الغرفة التجارية والخارجية السعودية والسفارة المصرية هو الشيء الوحيد اللي ممكن يحفظ حقوقك ثانيا ً مفيش حاجة اسمها لما زوجتك تيجي هنبقي نديلك بدل سكن .... الكلام ده لازم يكون موجود في العقد بالنص وتتأكد كمان من مدة العقد سنة ولا سنتين !!! والأجازة هل هي سنوية ولا بعد سنتين ... لأنها لو بعد سنتين بتكون عبارة عن 21 يوم عن كل سنة ولو سنوية بتكون 30 يوم ... لازم تتأكد وأخر حاجة أقولهالك .... صلي استخارة وربنا يوفقك للي فيه الخير ان شاء الله تحياتي العقول الكبيرة تبحث عن الأفكار .. والعقول المتفتحة تناقش الأحداث ... والعقول الصغيرة تتطفل علي شؤون الناس .... رابط هذا التعليق شارك المزيد من خيارات المشاركة
wela بتاريخ: 31 ديسمبر 2009 كاتب الموضوع تقديم بلاغ مشاركة بتاريخ: 31 ديسمبر 2009 الحمد لله رفضت العرض لان عقد العمل لايحتوي علي مدة العقد ولا اي بيانات عن تزاكر الطيران كل الي مثبت فيه ان الراتب 2300 وموفر سكن ومواصلات فقط متشكر اوي لكل من ساعد في نصيحة ...... wst:: رابط هذا التعليق شارك المزيد من خيارات المشاركة
graphic designer بتاريخ: 31 ديسمبر 2009 تقديم بلاغ مشاركة بتاريخ: 31 ديسمبر 2009 الاخ wela سيبك من العقد العقود عامة نفس الصيغة انت بتلاقي العقد متوثق من السفارة ومكتوب اسمك فيه بس ده اللي حصل معايا وبعدين بنود العقد واحدة انا علي فكرة نفس الراتب ونفس الظروف ومعايا زوجتتى واولادي المشكلة السكن والمواصلات هنا لو موفرينهم يبقي كويس وعلي فكرة برده انا كنت باخد اكتر من راتبك في مصر بس زى منتا بتقول زهق من العيشه بمصر ورأي توكل على الله واستخير وجرب واهو فعلا الحج والعمرة بالدنيا كلها وربنا يرزقك الخير انا برده عايش في القصيم واسعارها في كل شيْ اقل من الرياض رابط هذا التعليق شارك المزيد من خيارات المشاركة
Diab بتاريخ: 31 ديسمبر 2009 تقديم بلاغ مشاركة بتاريخ: 31 ديسمبر 2009 معلش حاجة اخيرة احيانا الشيطان بيوسوس من الحاجات الي بنسمعها هنا ان المصريين بيسدوا نفس اي حد عاوز يسافر وانهما مستريحين برا ومش عاوزين حد يزاحمهم والكلام ده اللي سمعناه ولازلنا بنسمعه للأن بجد والله النصيحة دي خالصة واحنا ميرضناش انك تيجي تتبهدل هنا انت وعائلتك ربنا مبينساش حد وربك هو الرازق ربنا يكرمك ويوفقك تحياتي أن تأتي متأخراً خيراً من أن لا تأتي أبداً Better Late Than Never رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان