هل في مصلحة مصر انها تفضل دولة عربية؟

[Damo]

طول عمرنا بنقول العروبة و احنا عرب و مسلمين. لكن اللي بيحصل ان الدول العربية مستفيده مننا و احنا متبهدلين اخر حاجة.

ماجالناش من العروبه دي غير الهم و المشاكل. فيها لو مصر بقت مثلا دوله اسيوية؟ يا ترى اسلامنا هيبوظ؟ ماهو بايظ! الناس بتتخانق على حجاب ولا نقاب و البنات(و اولاد!) بيتعرضوا للتحرش يوميا. مش كل الناس بيقولوا ان من الاسباب الرئيسية في الكلام ده كلو الاغاني و الكليبات؟ طب مين اللي بدء؟ مش لبنان؟ مين الي شجع التيارات الاسلامية المتعصبة؟ مش السعودية؟ مين الي خلى في مصريين شيعة؟و الجزائر مش محتاجه كلام. و حاجات تانية كتيره كتييييره. ده مش اصلنا يا جماعة!!!!!

انا مش فاتحه الموضوع ده عشان اتهم دول اخرى انا فاتحاه عشان اسأل السؤال ده:هيحصل ايه لو مصر بقت دولة غير عربية؟

في دول اخرى مسلمة غير عربية و حالهم احسن من حالنا مية مرة زي تركيا! و ايران! ازاي ايران بقت شغاله في النووي و مصر مشعرفه تلم زبالتها من الشارع؟

لو مصر بقت دولة غير عربية هل هيحصل اللي محصلش من زمان..مصر هتتحسن؟

ممكن تكون فكرتي دي ساذجه و مش منطقية لكن انا قلت افكر بصوت عالي يمكن الفكره تكبر و كمان مية سنه من دلوقتي تقولوا الله يرحم ايام دامو :blink:

[tantrum]

مصر عربية

و نفتخر بذلك

و لا تعلقوا أخطائنا على شماعة العروبة

و بعدين أنا مش فاهم إزاى مصر تبقى أسيوية...ننقلها قارة أسا مثلا ..!!!!!!!!! فى هذه الحالة ستكون أكثر عروبة.

[شرف الدين]

لا ليس من مصلحة مصر ان تبقى دولة عربية

من مصلحة مصر أن تصبح دولة مصالحية

الدولة اللي لينا معاها مصلحة وبتحترمنا هي دي الدول اللي يبقى لنا معاها علاقات

غير كده اي حد يطاول علينا نديه بالجذمة

[herohero]

انا شايف ان الدول اللي دعمناها وبقت نظم جمهورية هي اللي بتقرفنا وعموما العيب علينا الدولة الوحيده اللي ف العالم اللي الاجنبي بياخد اكتر من ابن البلد واتمنى مصر تكون اسلامية وكفاية كده زهقنا من العروبة والقومية وكفاية اهانات مش معقوله بقى الفلسطينيين اكتر ناس بيكرهونا والجزائر اللي دعمناها ادي النتيجه وغيره وغيره

متشكرين ياعرب ومش عاوزينكم تعاملونا كدولة عربية

[annas]

الصراحه بلدنا بقت تخنق ع الاخر

الحكومه عماله تنهب في الناس وبتحاول تزود الناس جهل وفقر وخيابه

نفس السنياريو اللي بيحصل فيها من يوم ماتلقت : فرعون متفرعن وسايق فيها ومستهتر بعقول الناس وراكب ومتكيف

والناس متقسمين كالعاده : حبه متمحلسين و حبه مصدقين نفسهم وحبه مش حاسين ذي الاطرش ف الذفه والاغلبيه المستضعفين اللي ميتين من الجوع ده غير اللي بيتفرجوا علي كل الحبات دي

طول ما سيناريو الفراعنه ده شغاااااااااااااااال

عربيه افريقيه استراليه مهلبيه ملوخيه

مصر

هاتفضل مصر

منهم لله الفراعنه حسبنا الله ونعم الوكيل

هما اللي حطوا اللوجو بتاعهم لمصر للابد:

مصر=فرعون|مهرجين+مستضعفين

[Damo]

لا ليس من مصلحة مصر ان تبقى دولة عربية

من مصلحة مصر أن تصبح دولة مصالحية

الدولة اللي لينا معاها مصلحة وبتحترمنا هي دي الدول اللي يبقى لنا معاها علاقات

غير كده اي حد يطاول علينا نديه بالجذمة

انا اوافقك في النقطة دي. اساسا اي علاقة دولة بأخرى ماهي الا علاقة مصلحة للطرفين. لازم نفوق بقى ماينفعش كده. احنا الوحاد اللي بنادي بالوحدة و احنا الوحاد الي كرامتنا مداس عليها بسببها

تم تعديل 20 نوفمبر 2009 بواسطة Damo

[لونا]

من مصلحة مصر إنها تكون دولة إسلامية فقط لا غير!!!

[se_ Elsyed]

من مصلحة مصر إنها تكون دولة إسلامية فقط لا غير!!!

اسلاميه ماشي

طب وبعدين نروح فين ؟

ننتمى لقارة شُبرا يعني ولا ايه ؟

يا سادة المكان والجغرافيا .. قدر

زي الواحد لما بييجي الدنيا يلاقي اسمه شوكت عبد العاطي

يقدر يغير اسم ابوه او امه ؟

لكن نفس شوكت ده ممكن يبقى ملطشة للجيران

وممكن يبقى سبع ومجرد ذِكر اسمه بيرعب الاخرين ... باحترام وبأدب

واخيراً اقول : الرجولة ادب مش هز اكتاف

[herohero]

ياجماعة مش مهم نتنتمي لايه رغم عدم اقتناعي بالعروبة لكن المهم يبقى لنا احترام وقيمة انا بصراحه غير راضي عن سياسة مصر الخارجية دول حوض النيل خسرناهم والعرب اهو باين جدا اننا اعداء ليهم ياجماعة الخير والله ما بينفعلوا ع فلسطين والعراق زي اللي حصل

ع ايه مصر عملت ايه عشان الكره اللي بيظهر من الجزائر وغيره ياجماعة الفلسطينيين معتبرين اننا سبب نكستهم كله بيعلق علينا اخطائه بناقص العروبة وورونا انتوا يا ابطال

انا راي مصر تبقى اي ولاء عربي او اسلامي انما المهم شيئ واحد قيمة المصري بره تكون فوق يا جماعة ابقوا شوفوا السفاره الفلبينية بتعمل ايه لعيالها

نفسي كده المصري يقف ف شباك ف المطار غير شباك بقية الجنسيات اعملوا زي دول الخليج يبقى المصري ياخد حقه مش الاجنبي ف بلدنا يبقى احسن مننا

[Alrefaey]

مصر دولة عربية بالجغرافيا واللسان (اللغة الرسمية فى مصر هى العربى ) وهى ايضا افريقية بالجغرافيا وفرعونية بالتاريخ واسلامية بالدستور واغلبية الديانه .

لكن ربما تقصد الاخت الكريمة ان تتخلى مصر عن دورها العربى والقومية العربية وا وا .... وان متفق معها فى هذه الجزئية وهذا هو الواقع فنحن مقسمين الى قوميات اخرى بالفعل الى دول خليجية وشامية ومغربية فهولاء جميعا دول عربية اسما واغلبهم مسلمين دينا ولكن هويتهم ياخليجية (بترول واقتصاد ) او مغربية (مزيج من البربر على فرانكفونية ) او شامية ( اصبحو فرس الهوى )

وبقينا نحن نجرى وراء العروبة المنشودة

وهذا ليس وليد الصدفه فقد استطاع اعدائنا الى نزع الانتماء الواحد لتلك الدول وتقسيم تلك الدول انتمائيا الى دويلات وبالفعل استجاب الجميع ماعدا نحن المصريين وهذا ما يؤرقهم وجعلهم يسعون الى عزل مصر وحيدة وقد اتضح ذلك فى حرب غزة الاخيرة كما يتضح جليا فى جميع المواقف وهذا يوضح اسباب العداء الواضح لكل ماهو مصرى .

لكن سؤال للناس اللى بتفهم فى الكورة نحن دولة افريقية | اسيوية (سيناء تقع فى اسيا ) لماذا لا نقدم طلب للفيفا للأنضمام الى الاتحاد الاسيوى واللعب فيه بدلا من الافريقى ؟

[مسافر زاده الخيال]

طول عمرنا بنقول العروبة و احنا عرب و مسلمين. لكن اللي بيحصل ان الدول العربية مستفيده مننا و احنا متبهدلين اخر حاجة.

ماجالناش من العروبه دي غير الهم و المشاكل. فيها لو مصر بقت مثلا دوله اسيوية؟ يا ترى اسلامنا هيبوظ؟ ماهو بايظ! الناس بتتخانق على حجاب ولا نقاب و البنات(و اولاد!) بيتعرضوا للتحرش يوميا. مش كل الناس بيقولوا ان من الاسباب الرئيسية في الكلام ده كلو الاغاني و الكليبات؟ طب مين اللي بدء؟ مش لبنان؟ مين الي شجع التيارات الاسلامية المتعصبة؟ مش السعودية؟ مين الي خلى في مصريين شيعة؟و الجزائر مش محتاجه كلام. و حاجات تانية كتيره كتييييره. ده مش اصلنا يا جماعة!!!!!

انا مش فاتحه الموضوع ده عشان اتهم دول اخرى انا فاتحاه عشان اسأل السؤال ده:هيحصل ايه لو مصر بقت دولة غير عربية؟

في دول اخرى مسلمة غير عربية و حالهم احسن من حالنا مية مرة زي تركيا! و ايران! ازاي ايران بقت شغاله في النووي و مصر مشعرفه تلم زبالتها من الشارع؟

لو مصر بقت دولة غير عربية هل هيحصل اللي محصلش من زمان..مصر هتتحسن؟

ممكن تكون فكرتي دي ساذجه و مش منطقية لكن انا قلت افكر بصوت عالي يمكن الفكره تكبر و كمان مية سنه من دلوقتي تقولوا الله يرحم ايام دامو

اولا انا اتعاطف مع مشاعر الغضب التي تجاه ما حدث لهم من بعض الجزائريين (لو حدثت فعلا)وضد ان تكون الرياضة عامل فرقة بين الشعوب

لكن ان يقال ان السعودية هي التي شجعت الجماعات الاسلامية المتعصبة فهذا افتراء واضح على السعودية بل ان السعودية هي اشد من حارب الجماعات المتطرفة عبر تاريخها

والسعودية لم تكن يوما محركا او ملهما لحركات كالاخوان المسلمين او التكفير والهجرة ال...خ

بل العكس صحيح ان هناك بعض السعوديين من تأثر باطروحات اخوانية حين استضافت السعودية بعضهم واعطت الجنسية للبعض الاخر

ولذا وجب التنويه

[لولا]

هل فى مصلحة مصر ان تظل دولة عربية ؟؟؟؟؟؟؟

كلما مررت من هنا ولمحت هذل السؤال بطريقة طرحه السابقة شعرت بــــــ غصة !!

اهذه هى مُخرجات احداث ماتش مصر والجزائر ؟؟

لو تم طرح هذا السؤال فى ظروف اخرى لمنحته بعض الوقت من التفكير مع رفضى المطلق له من الأساس

ولكن ان تتفرع النقاشات على خلفية شغب كروى اياً كانت ظروفه وملابساته لهكذا اطروحات فى هكذا وقت

هو امر ليس من الحكمة ابدا تقلبيه والمشاعر والإنفعال فى الوقت الحالى يسيطر على غالبية المصريين .

تحياتى

لولا

[alsaher]

مازلت غير مستوعب لكل ما حدث وما يحدث

شيء مؤلم حقا على كل الأصعده

عن نفسي شجعت مصر بتعصب

ولا أستطيع أن أكون غير مشجع لمصر

واعرف أنها لن تنهض العروبة من سباتها بلا مصر

[شرف الدين]

يا جماعة صدقوني

ما حدث من الجزائر كان عملا منظما من كافة اركان الدولة الجزائرية ضد مصر

[مصري أصيل]

اولا انا اتعاطف مع مشاعر الغضب التي تجاه ما حدث لهم من بعض الجزائريين (لو حدثت فعلا)وضد ان تكون الرياضة عامل فرقة بين الشعوب

لكن ان يقال ان السعودية هي التي شجعت الجماعات الاسلامية المتعصبة فهذا افتراء واضح على السعودية بل ان السعودية هي اشد من حارب الجماعات المتطرفة عبر تاريخها

والسعودية لم تكن يوما محركا او ملهما لحركات كالاخوان المسلمين او التكفير والهجرة ال...خ

بل العكس صحيح ان هناك بعض السعوديين من تأثر باطروحات اخوانية حين استضافت السعودية بعضهم واعطت الجنسية للبعض الاخر

ولذا وجب التنويه

تقول حضرتك من (بعض) الجزائريين فهل لو حدث هذا في مباراة كانت المملكة العربية السعودية طرف فيها كنت ستقول (بعض) فهل عندما ترسل الجزائر أفراد مسجلين خطر و أفراد من مناطق شعبيه معروفه عندهم و معروفه هذه المناطق بأستخدامهم للسلاح الأبيض و انه هو لغة الحوار السائده عندهم و عندما ترسلهم الجزائر علي ظهر طائرات حربيه و عندما ترسل الجزائر طائرات محملة بثلاثة آلاف همجي و تصل الي السودان قبل انتهاء المياراة بوقت قليل لينتظروا الجماهير المصرية لحظة خروجها من الملعب و ذلك بالأضافة الي الآلاف من الجزائرين الذين قاموا بتجميع كل السلاح الأبيض الموجود بالسودان فمع كل هذا لا نستطيع أن نقول (بعض) و لكن هذا التصرف جاء بخطة قامت بها الحكومة الجزائرية بأعلي سلطة فيها و قام بالتنفيذ جزائريين سفله من عتاة الإجرام عندهم . اما عن قولك (لو حدثت فعلاً) فسأترك لضميرك انت الحكم بعدما تعطي القليل من وقتك لتشاهد الكليبات المعروضه علي النت و لتقرء و لتعلم ما حدث داخل السودان من مجازر علي يد هؤلاء الهمج لمصريين كل جزائهم أنهم حضروا للسودان لتشجيع فريقهم. فقط أريد ان أسأل حضرتك سؤال ما حدث في السودان تشكك في حدوثه و ما حدث من ترويع و حرق للشركات التي يعمل بها مصريين في الجزائر و الذين لا ناقة لهم ولا جمل بما يحدث هل هذا هو الأخر محل شك ؟؟؟؟؟؟؟؟؟؟؟؟

[لونا]

على فكرة لما قلت إن مصلحة مصر إنها تكون دولة إسلامية

كان قصدي المعنى الأشمل للإنتماء ..

لا أن تضيق دائرة الإنتماء .. بالعكس ..

يعني كل الدول العربية .. هي دول إسلامية في الأصل ..يعني تدخل في دائرة الإنتماء الإسلامي

لم أقصد أن نتخلى عن الدول العربية .. فهي في النهاية دول تجاورنا في المكان ..

غير ما يربطنا بها من دين أولا..و لغة و روابط ثقافية و إجتماعية و غيره ..

بغض النظر عن أفعال قلة غير محترمة من هنا أو هناك..

( و إن كانت هذه القلة يجب أن تحاسب و بشدة)

و لكن يجب أن يشمل إنتماؤنا كل الدول الإسلامية..

تحياتي

:closedeyes:

[moheltohamy]

هل فى مصلحة مصر ان تظل دولة عربية ؟؟؟؟؟؟؟

كلما مررت من هنا ولمحت هذل السؤال بطريقة طرحه السابقة شعرت بــــــ غصة !!

اهذه هى مُخرجات احداث ماتش مصر والجزائر ؟؟

لو تم طرح هذا السؤال فى ظروف اخرى لمنحته بعض الوقت من التفكير مع رفضى المطلق له من الأساس

ولكن ان تتفرع النقاشات على خلفية شغب كروى اياً كانت ظروفه وملابساته لهكذا اطروحات فى هكذا وقت

هو امر ليس من الحكمة ابدا تقلبيه والمشاعر والإنفعال فى الوقت الحالى يسيطر على غالبية المصريين .

تحياتى

لولا

تعرفي يا لولا...

كنا بنتكلم النهارده ع الغدا في النقطة دي ، ولاحظنا كم الشحن النفسي ما بين المصريين ؛ بغض النظر عن أحقيتهم في ده من عدمه! لكن أعتقد إن لو حد قال هنحارب الجزائر ؛ مش بعيد أبداً تلاقي آلاف الشباب رايحين يتطوعوا في الجيش! شباب هيفاء وشاكيرا وبيونسيه! :lol:

على حين لو العلاقات مع إسرائيل اتلخبطت ، هتشوفي المزوّغين بالآلاف! :lol:

ولا تعليق! :blush2:

أما بخصوص فكرة التوبيك ، فهي فعلاً قدر و واقع لا مجال لإنكاره... فمصر دولة عربية وإسلامية ومسيحية لها وزنها في الـ 3 مجالات في المنطقة. لكن كل ما يجب عمله - من رأيي - هو إننا نبطل بقى النعرة الكدّابة بتاعة الريادة دي في الوقت الحالي ، وزيّنا زي تونس أو الإمارات أو الكويت أو البحرين... مالناش دعوة غير بحالنا وبس! لما نفوق شوية م اللي احنا فيه نبقى نشوف حال غيرنا.

زي زمان ما كان العادي إن الأخ الكبير - كحال معظم أهالينا - مسئول إنه يجوّز اخواته البنات ، ويساعد الصغيّرين يكمّلوا تعليمهم ، ولو تطلّب ده إنه يتركن لأواخر الأربعينات عشان يتجوّز هوّه ويبدأ حياته! طبعاً الوضع دوت أصبح من النادر جداً رؤيته في وقتنا الحالي ، في حين كان هوّه الـ default في الماضي.

وبكل أسف أيام ريادة مصر دي على المستوى العربي أو العالمي راحت خلاص ، وما بقاش ينفع ترجع أيام كسوة الكعبة والتكية المصرية في السعودية ، والجيش المصري اللي يروح يحارب في اليمن ، ويروح يحرر الكويت ، ودعم الثورة الجزائرية ، ... إلخ!

إحنا اللي ما زلنا بنقاوح! وكلّه هجص ومسخرة ، ومنظرة ع الفاضي!

كل واحد يشيل شيلته بقى! محدّش بينفع حد! :closedeyes:

[أسد]

العرب كلهم كده

شوف سوريا ولبنان

سوريا والأردن

سوريا والعراق

العراق والكويت

قطر والسعودية

اليمن والسعودية

مصر والجزائر

السودان ومصر

الجزائر والمغرب

المغرب وموريتانيا

سوريا ومصر

ليبيا والسعودية

قطر ومصر

شوف كم الكراهية والحقد والغل اللي بيشعر به الغالبية من العرب ضد مصر

ولكن ..كما قال سي السيد

هذه هي الجغرافيا فنحن خلقنا هنا في تلك المنطقة

ولكن ..

هل من الممكن أن يتم رفع شعار ..

مصر أولاً ..

ثم العمل به ؟؟

وبعدين .. لما نقول .. أن مصر تصبح دولة إسلامية فقط

طيب .. ماهو كل الدول اللي أساميها فوق دول عرب . ودول إسلامية ..

نضيف عليهم إيران ..

وأفغانستان .. والباكستان ..

لا أعتقد أنها ناقصة ..

كفاية كده

[ابو محمد بن مصطفي]

انا حاسس ان احنا لو انضمينا لمجموعة دول غرب الكاريبي ممكن نوصل لكاس العالم!!!!!!!!!!!!

ايرلندا خرجت من كاس العالم بهدف لمسة يد واضحة(لتيري اونري) واعترف بذلك صراحة لوسائل الاعلام.

رئيس وزراء ايرلندا طلب اعادة المباراة والفيفا رفض اعادة المباراة

مش معقول علشان ماتش كورة نتنصل من عروبتنا

هي دي الرياضة غالب و مغلوب لازم نعترف بكدة ليس كلام نظري ولكن فعل لا يخرج عن انها كرة قدم

[Ambitious]

نعم تربيت على القومية العربية ودمعت عيانى مرارا وتكرارا على ألحان أغنية "الحلم العربى " ..و مع كل حادث أشعر بطعنه فى قوميتى .. طعنة فى عروبتى .. لكن أن تصل الأمور لهذه الدرجة من الأحقاد وتصبح الأحداث على هذا القدر من السفه .. عفوا هويتى المصرية فوق قوميتى العربية .. أعلن تبرأى التام من كلمة عربى .. أنا فقط مصرى ..وإن كانت العروبة لديكم دينا فأنا أول الكافرين